تسجيل الدخول

مشاهدة النسخة كاملة : الانسحاب من البرنامج كيف

FEDERER
2011- 3- 5, 04:38 PM
السلام عليكم ورحمة الله وبركاته

شباب اتمنى منكم مساعدتي
انا قررت انسحب من البرنامج
وابغى الله لايهينكم اللي يعرف
طريقة الانسحاب اذا ارسلت لهم عبر الموقع
كم ممكن تجلس ماوصلت لي الشهاده
واذا راح تجلس اكثر من اسبوع
ابغى احد يكون مجرب او عارف
اذا رحت للجامعه بنفسي هل يعطوني الشهاده بنفس الوقت
ولا راح يقولون لا لازم نرسلها لك بالبريد وزي كذا وراح يعقدوني
وابغى الله لايهينكم وصف الجامعه بالضبط
اذا كان من الافضل اروح لهم
لأني انا من القصيم عشان اشوف لي يوم اسافر

تكفووووون لاحد يحذف الموضوع لأني ابغى اجابه وتوجيه من اللي يعرف
والف شكر لكم والله يجزاكم خييير
sadeem_5
2011- 3- 5, 05:28 PM
up

up

up

أن شــآء الله أحد يفيدك’’’’
حلم عمري *
2011- 3- 5, 11:13 PM
وانا بعد اتمنى حد يفيدنا
وكيف يرجع المبلغ مع الشهاده ولا ؟.
عآيش آلجو
2011- 3- 5, 11:20 PM
اتوقع من الخدمات الطلابية

وبعدين فيه وقت ان شاء الله تتحسن الامور

والشي الثاني يكون هناك تاريخ معين للانسحاب النهائي والانسحاب الفصلي

يعني يكون فيه اعلان على موقع الجامعة انتظروا انتم مجبورين تنتظرون اصلا

وش يدريكم يمكن تتحسن الاحوال وتتحسفون بعدين


بالتوفيق للجميع
مبسوط
2011- 3- 5, 11:26 PM
لالا ماتفقنا على كذا ..طول بالك يارجال والامور بتزين انشالله...الا اذا لقيت البديل والافضل فالله يوفقك
عطيل
2011- 3- 6, 12:50 AM
في الخدمات الطلابية توجد أيقونة للانسحاب من البرنامج؛ اضغط عليها، وبعدها سيظهر
اسمك ورقمك الجامعي وحالتك الأكاديمية، وستجد أيضًا في الأسفل مربع تحرير لكتابة العنوان
الذي ترغب في إرسال ملفك إليه، مع العلم أن يوم الأربعاء القادم الموافق: 4 / 4 / 1432 هـ
هو آخر موعد للانسحاب من البرنامج مع استرداد 100% من الرسوم .

وهذا رابط الخدامت الطلابية:
http://del.kfu.edu.sa/entisab_app/index.asp

أما متى يرسلونها ..؟ فوالله علمي علمك .!
لأني مثلك حصلت لي ظروف واضطريت أسحب، وسويت التبليغ من الخدمات الطلابية،
واتبعت الخطوات اللي ذكرتها لك .. وإن شاء الله في غضون أيام يرسلونها .

بالتوفيق .
dont care
2011- 3- 6, 07:18 AM
انا سويتها من الاربعاء
وانتظر الى اليوم ماشفت منهم شي
اخاف يطولون اليى يوم الاربعاء ويقول تاخر الوقت
مع العلم اني طابعه الي طلبوه مني وظاهر فيه الوقت وكل شي عن الانسحاب ..
FEDERER
2011- 3- 6, 04:32 PM
تسلمون ومشكوورين على ردودكم
انا كان ارسلهم واقولهم ارسلوها
بس المشكله اني محتاجها لزوووم الاصل
وغير كذا اصلا انا راسب بكل المواد :biggrin:
والترم هذا ماارسلت له المبلغ
بس انا ابغى اشووف لو اروح لهم يعطوني اياها ولالا
مو معقوول مافي احد بالمنتدى ماعنده خبره

؟؟؟؟؟؟؟؟؟؟؟؟؟؟؟؟؟؟؟
عطيل
2011- 3- 6, 04:51 PM
انا سويتها من الاربعاء
وانتظر الى اليوم ماشفت منهم شي
اخاف يطولون اليى يوم الاربعاء ويقول تاخر الوقت
مع العلم اني طابعه الي طلبوه مني وظاهر فيه الوقت وكل شي عن الانسحاب ..

والله إني ما طبعت الورقة ولا شيء .. رغم إنهم أكدوا على هذي النقطة !
والمشكلة لما شريت حبر للطابعة ورجعت مرة ثانية أبغى أطبع
ما تطلع نفس الورقة اللي فيها تاريخ الانسحاب ؟!

عساهم بس ما يجحدوني بعدين .
ليتني ماعرفتك
2011- 3- 6, 09:10 PM
نفس المشكله لو بلاك بورد يتكلم كان اول واحد يسبه انا باليوم اسوي اربع انسحابات قلت يمكن تضبط معي ويقولون هذا نشبه :(269):ويسرعون بالأجراءات طيب كيف ارجع الرسوم سددت وتوهقت الحين لاجابو الشهاده ولاالفلوس شكل جزاء المصاروه طاق أيفون على حساب اخوكم :hahahahahah:
الاشعث
2011- 3- 6, 09:24 PM
الحقيقه الافضل الانسحاب ...

حقيقة برنامج جامعي فاشل بمعنى الكلمه ولا احد يرد عليك كأنك تكلم اشباح...!!!

لا محاضرات تنزل في وقتها ولا محتوى ولا منتدى حوار يشتغل ولا محاضرات مباشره ولا حاجه سليمه في برنامجهم...الحقيقه الظاهر انهامصيده صادونا فيها...

حسبنا الله ونعم الوكيل...الان نهاية هالاسبوع وبيصير شهر ويقولون اصبرو...

الله المستعان...
FEDERER
2011- 3- 7, 07:48 PM
وش صار ياشباب
ماشوف
احد عطاني اجاه شافيه
تكفوون
اللي عنده علم في هالموضوع لا يبخل
FEDERER
2011- 3- 8, 09:42 PM
من جدكم مافي رد:icon9:

انا انش اء الله عزمت على الذهاب للجامعه
بس ممكن بس تفيدوني وين المبني الاداري اللي يكون فيها الشهادات
لأن اللي اعرفه انو في اكثر من مبنى
بالدماما في وبالهفوف او بالاحساء
ف اقل تقدير فيدوني وين فيه
Ola
2011- 3- 9, 04:51 AM
من جدكم مافي رد:icon9:

انا انش اء الله عزمت على الذهاب للجامعه
بس ممكن بس تفيدوني وين المبني الاداري اللي يكون فيها الشهادات
لأن اللي اعرفه انو في اكثر من مبنى
بالدماما في وبالهفوف او بالاحساء
ف اقل تقدير فيدوني وين فيه

بالاحسـاء
هذا اللي أعرفه......لكن اذا رحت هناك اسأل عن المبنى وتخلص السالفة.....لكن بالله علمنا اذا رحت واخذت شهادتك.......لاني


















قدمت استقالتي:biggrin:
ونسبه التحسف عليها 0,00% بالمية.......ولاعادت ع الانتساب المطور و اي شي مطور.....خلونا ع القديم التقليدي او الانتظام افضل من اي شي مطور:(204):
ياااااعسى ربي يوفقنا بس
FEDERER
2011- 3- 10, 01:12 PM
مشكوور
ان شاء الله اول مااسحي الشهاده بقولكم
بس يارب يتيسر امري
ان شاء الله
ادعولي
الدكتوراه طموحي
2011- 3- 12, 08:50 PM
آآآآآآآآآآآآآآآآآآآآآآآآآآآمين يارب
خلدون-2010
2011- 3- 12, 09:47 PM
:(107):
حمد زيد
2011- 3- 12, 10:32 PM
من الخدمات الطلابية .........
sara al-qahtani
2011- 3- 16, 06:13 PM
اخوي وش سويت بالانسحاب
لاني ابي انسحب بعد ولاعرفت ياليت تفيدني باقرب وقت ؟؟؟؟؟؟؟؟؟؟؟؟؟؟؟؟
مهتمه
2011- 3- 19, 02:31 AM
افدنا بارك الله فيك
ريــمـان
2011- 3- 19, 02:38 PM
:mh12:


ياويلي وش هالكلام انا قدمت الاعتذار وافكر كيف بيردون علي

كيفهم ماراح ادرس هالسنه وفلوسي تــــــــــــرجع :Cry111: