دعوة عامة لمن لديه خبرة وخصوصاً الطموح والعشق السرمدي

[رونالدينهو]

السلام عليكم

كيف حالكم يالربع ان شاء الله طيبين

انا الحقيقه عندي مشاكل بسيطه

اولاً انا رسبت بعد قصة طويله في الانجلش 2 .. بحيث ان الخطة التي رسمتها لم تسر بالشكل المطلوب << ينقاله يتكلم فصحى :biggrin: ..

المهم: كنت متعمد ومخطط اني ارسب في الانجلش 2 واشد حيلي في الرياضيات
لعدة اسباب ومنها اني ضعيف شوي بـ القرمر او بالاصح ماني فاهم فيها شي ابداً
(حسبي الله عليك يامايكل بيرن )
وزي ماتعرفون انجلش 3 يعتمد على 2 و و وانت مااشي

لكني تفاجأت وانصدمت بأني رسبت في الماث!! ..
.
.
.

ماااعندك مشكلة سلمت بالأمر والحمد لله على كل حال

وقلت ياولد شدددد حزامك << تنقال في البلوت :wink:

وبدينا السمستر هذا وانا اول مرة ارسب في حياتي حسيت اني سربوت خخخخ
المهم الحمد لله
بعد اول كوويز في القرمر اخذت 9.5 والكوويز الثاني 9 << ماشاء الله :cool:

.........................

وبعد مرور الايام

اول كوويز في الماث وداخل متحمممس وعندي رغبه في الانتقام.........

لكن

الصدمة يالربع

والله توقعت كل شئ الا ان تكون الاسئله بهذا الشكل طبعاً مدرسنا خاان الظاهر اسمه علي
والله ياشباب جلست يمكن نص ساعة اتفرج في الاسئله واكبررر قهر انها 5 اسئلة بس ولا اقدر احلها لا وانا ريبيت بعد مستحييييل وش اسوي ..
اقسم لكم بالله حليت خربشه حتى والله طلعت آآآخر طالب ووالله حسيت اني بأنفجر اللي بيسلم عليه يمكن اا......
وكل ما اتذكر اني معيد تقفل الاخلاق

استغفر الله العظيم تكفون يالربع شوروا علي وش الحل والله اني ضايقت(ن) بي الوسيعه

حسبنا الله ونعم الوكيل توكلت على الله الحي القيوم

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،, ,,,,,,,,,,,,

عندي كم سؤال :::

1..اذا عديت الانجلش 2 والماث هل تقل النسبة لأني ربيت ؟؟


2..انا محتااار جداً بين هندسة الالات الدقيقه والهندسة الميكانيكيه ..
لأني بإذن شبه ضامن اعدي السمستر بنسبة طيبه في الانجلش مع بعض التحفظ للماث ..

وانا عندي رغبة وميول للثنتين ومحتاار جداً بينها ..


آآآسفين ع الاطاله ............... تحياتي للجميع

[@الطموح@]

اشكرك يأخي على ثقتك بنا ولاكن اذا كنت معيد فلا اعلم هل هي تقل في النسبة او لا مع اني سمعت الكثير من الطلاب يقولون تنقص
وبالنسبة للتخصصات من وجهة نظري الميكانيكية افضل لأنه تخصص جدا مرغوب من الشركات وايضا الكلية تمنح درجة البكالوريوس وما اذم الالات الدقيقة ايضا جميل وتخصص جديد
اذا انت مارتحت مع استاذك هذا روح للأستاذ غسان اردني يمطرك بالدرجات وكويزات من نفس الدرس ايضا بالنص
ولو ان شرحه لك عليه شوي
واي شي احنا في الخدمة:119:

[رونالدينهو]

يعطيك الف عافية يالطموح قريت بعض مواضيعك قبل ما اسجل وحسيتك فااهم ولا يهونون باقي الاعضاء
بس مدري شطحت على مواضيعك على طول ..

لكن والله ما عدت ادري وش اسوي لأني حاس او متأكد اني راح اخذ صفر في الكويز وانا محتاج كل ربع درجه
حسبي الله عليه بس وشرحه زفت بعد وانا قاعد اعتمد على المعلومات السابقه

عالعموم

مشكووور على مرورك يالذيب

[م.أحمد]

أجاوب على الجزيئية اللي أعرفها

بالنسبىة للإعادة تؤثر على المعدل و ينزل أشوي بسببها

بالنسبة للتخصص شوف اللي تميل له و إن شاء الله كل التخصصات في الكلية مرغوبة من الشركات

[رونالدينهو]

لاهنت يا م.احمد بيض الله وجهك
ويعطيك الف عافية على المرووور والله يكتب اللي فيه الخير