المقبولات في جامعة الملك عبد العزيز في جدة .. تعالووا هني

[الحالمـة]

السـلام عليـكم ..


المقبـولااات في جدة :d5: شحاالكم ؟؟ :mh001:


الحين طلعت أني تبع نتيجة الفرز ؟؟
هل يعتبر هذا قبووول ؟؟
اذا لا .. ليش طلبوا الشهادة الأصلية .. لا وفحص طبي بعد ..

وحاطين موعد وبعدين بين قوسين حسب الأماكن الشاغرة ؟؟
هل أروح اتعب عمري على الفاضي ؟؟
لأنه حاطين نتيجة الترشيح .. وحاطين ملاحظة انه هذا ليس قبول في الجامعة ؟؟



كيف الحيييين ؟؟
ماني فاهمة لييييهم .. :000:

اممم طيب وشوو هذي السنة التحضيرية .. وشو مجالاتها .. ؟؟ لأني مادري بالدنيا .. الرغبات حتى ماحطيتها ..
بعد السنة التحضيرية في شنو أتخصص ؟؟

وعندي سؤال ثاني

جامعة طيبة لما أسجل على طول يعطييني موعد للمراجعة .. هل هذا قبوول بعد :mh19:؟؟؟

[الحلا يحتلينـ ي]

جامعه الملك عبد العزيز

تقبل اي نسبة مركبه اكثر من 84

هذا اللي سمعته والله اعلم

والسنة التحضيريه

سنة تدرسينها وبعد ماتخلصي حسب معدلج يحطوج على التخصص المناسب لج

هذا على حد علمي

وهذا اللي اسمعه بس

اما طيبة فماادري عنها :)

بالتوفيق حبيبتي

ان شااء الله يقبلوج

[الحالمـة]

مشكوورة اختي

انا عارفة انوو على حسب المعدل

قصدي وشو التخصصات هذي ؟؟ ومو مجالات الدراسة عندهم ؟؟

اني نسبتي المركبة 79 اقل من 84 وقبلووني كيف ؟
يلعبوون عليي ؟

[S7er Almlak]

أنا بعد عطوني موعد يوم السبت ..

ومآسويت فحص طبي لليوم ..


أحسهم يلعبون علينآ بس نتعب عمرنآ ..

أجل يطلبون كل هالأشيآء وبعدين يقولون هذآ مو قبول نهآئي << شآيفينآ أطفآل ..

وأنآ خآيفه أروح ويآخذون الشهآده الاصليه بعدين اتوهق مع فيصل ..

والله محتآره أروح ولآ لا ..؟


:
:

[cuteees]

لاتحتاروا تروحوا او لاتروحوا
انا طلعت روحي اسبوع ولافي حجز لا على الخطوط ولا على طيران سما
وترشيحي السبت
وبالنسبة للتخصصات يمكن يحطوكم في اي تخصص علمي مثل كيمياء او فيزياء مو شرط تخصصات صحية
يعني على حسب المعدل
لكن اذا ناويين تروحوا حاولوا كان يفضي مكان احتياط على الخطوط

[S7er Almlak]

تدرين عآااد فآتتني سآلفة حجز الطيآره ..!

والمشكله مآفي حتى قطآر بيننآ وبينهم ..


يلآ مآفي بيدنآ إلآ إنتظآر نتآيج جآمعة فيصل وسعوود ..


:
:

[cuteees]

الله يعينكم ويعيني

كنت حاطة املي في جامعة الملك عبدالعزيز في حال لو رفضوني الفيصل وسعود
انشاء الله كلنا ننقبل في الفيصل او سعود

[الحالمـة]

بنااات كيف اني ماحطيييت رغبات ولا حتـى أكدت الطلـب .. ولا حطيت علامااتي القياس والتحصيلي

والحين رشحوووني ؟؟؟؟؟؟؟؟؟؟؟؟


كيييييييف ؟؟؟

[صمود أمل]

لحظة لحظه

خلونا ننظم الموضوع شوي بعد اذنكم...

كل وحده تحط النسبة الموزونه و موعد المراجعة و وين؟؟؟

انا نسبتي الموزونه طلعت 87.7
و الموعد مالي في يوم الاحد 24\7
من الساعه 8 الى 9
في جامعة الملك عبد العزيز
البوابة الشمالية مبنى 420

...........

ثاني شي بالنسبة للقبول في الجامعة انا سمعت انه الى النسبة الموزونه 84 تم قبولهم في الجامعة
اما اقل من هذي النسبه تم قبولهم في كلية التربيه ...

.......

بالنسبة للسنة التحضيرية
الإطار العـام للسنة التحضيرية
تشمل السنة التحضيرية توحيد قبول الطلاب والطالبات وتوزيعهم على مجموعتين تخصصيتين ( مسارين ) بدءا من المستوى الأول بالجامعة بدلا من القبول المباشر بكليات الجامعة والمتبع حاليا هما :
1 - مسار العلوم الطبيعية .
2 - مسار العلوم الإدارية و الإنسانية .
و يوضح الجدول التالي كل مجموعة تخصصية ( مسار) والكليات التي يمكن للطالب اختيارها بعد اجتياز السنة التحضيرية
المجموعة التخصصية الكليات
العلوم الطبيعية للطلاب/الطالبات الحاملين لشهادة الثانوية العامة (علمي) فقط، الطب، طب الأسنان، الصيدلة، الهندسة، الحاسب وتقنية المعلومات، تصاميم البيئة، الأرصاد والبيئة وزراعة المناطق الجافة، العلوم، العلوم الطبية التطبيقية، علوم البحار، علوم الأرض، بعض تخصصات الاقتصاد المنزلي ، بعض تخصصات كلية المعلمين ، كلية التربية للأقسام العلمية .
العلوم الإدارية ,و الإنسانية
الطلاب والطالبات الحاملين لشهادة الثانوية العامة (أدبي/شرعي/ تحفيظ)
و (علمي) و(إداري). الآداب والعلوم الإنسانية، الاقتصاد والإدارة، والبعض الآخر من تخصصات الاقتصاد المنزلي، والبعض الاخر من تخصصات كلية المعلمين ، كلية التربية للأقسام الإدارية والإنسانية .

......

القبول لسنة تحضيرية انتقالية
هو احد البرامج التي تقدمها الجامعة للمجتمع و تتيح جامعة الملك عبد العزيز للطلاب والطالبات فرصة القبول في برنامج السنة التحضيرية"انتقالي" بالجامعة ضمن مسارين:

المسار العلمي (لخريجي الشهادات العلمية) و المسار الإداري و الأدبي (لخريجي الشهادات العلمية – الأدبية – الإدارية – تحفيظ القران – التدبير المنزلي).

وهي فرصة للطلاب والطالبات الذين لم يوفقو في القبول ببرنامج السنة التحضيرية انتظام علماً ان هؤلاء الطلاب والطالبات لن يستلمو مكافأة خلال البرنامج الى ان يتم تسكينهم في احدى كليات الجامعة.

..................

أختي الحالمة بالنسبة لجامعة طيبه ما انصحك فيهااا انا من خريجات السنه اللي فاتت
و بصراااحه تعاااملهم زي الزفت و تعبونااا عالفاااضي ...

[صمود أمل]

وين الناس !!



:011:

[رسايم]

انا جاني قبول بجامعة الملك عبدالعزيز بجده ونسبتي طلعت 88 وعطوني موعد يوم الاحد 24\7

وقبلوني تحضيري انتقالي وشكلي ماراح اروح للموعد لأن تحضيري انتقالي مافيه طب:bngo12:

[S7er Almlak]

أنا نسبتي 89.87%

وموعدي بكره الصبح من 10 إلى 11 ..

وقبلوني تحضيري ..


بس شلون أروح ومآفي حجز طيآره ..!

نصحوني شنو أسوي ..؟

هم بيآخذون شهآدتي الأصليه ولآ لا ..؟


:
:

[kankosha]

اناا مثلك بالضبط :bawling: بس شلون اعرف السنه التحضيريه اللي انقبلت فيهاا
؟؟؟

؟؟يلا قولوااا لي:bngo12::bngo12::bngo12:

[S7er Almlak]

أنآ اللي فهمته إن الكل بيدرس هالسنه التحضيريه ..

وبعد هالسنه نختآر شنو ندرس ..


طيب بتروحين بكره ..؟


انآ بنتظر الوآالد يجي من السفر بعد شوي وبشووف شنو رآاايه <<< حددده توه جاي من سفر بيفضي لك خخخ ..


بعدين تعآالي نسيت شي ..


ما سويت فحص عشآن اعبي البيآنآت اللي في هالاواق اللي رسلوهآ ..


شلون يعني خلااص ما في أمل ...!



:
:

[عازف الناي]

صاحباتي راحوا وسلموا مستنداتهم الأصلية

وقبلوهم وعطوهم بطاقات الجامعه بعد

الله يسهل عليهم إن شاء الله وعليكم

صبايا اللي ترشحت في عبد العزيز

وعادي عندها تروح غربة لاتفوت الفرصه

أنا ترشحت بس أني ما أبي أروح بعيد

ومتأملة في الفيصل إن شاء الله

بالتوفيق للجميع ..

[S7er Almlak]

خلآص رآحت علي :(

مآرحت ..


إن شآء الله فيصل تعوضنآ ..


:
:

[kankosha]

اناا رحت وقالو لازم الشهاده الاصليه قلت معصي خه خه

ولا عطيتهم شالله حادني سنه اتغرب على مجهووول؟؟؟؟!!!

نرروح بعثه اصرف لنا بس

يالله

شكررا

[S7er Almlak]

kankosha

كآن عطيتيهم إيآها ..

على الأقل تظمنين شي :s11:


:
:

[bluesama]

انا رحت خلاص الأحد وانقبلت الحمدلله واعطوني البطاقة والجدول كمان

[S7er Almlak]

bluesama

مبروووووووووك ..


والفآل لنآ في فيصل ..


:
:

[محتارة حدي]

انا سجلت في عبد العزيز وقبلوني وعطوني موعد بس ماراح اروج خخخ

سجلت بس عشان اشوف حظي

[سيما]

انا بعدانقبلت بس ماراح اروح كرفنا كرف في ثالث ونعيد الموال في اول جامعة يكفي سنة عالاعصابلا وقبلوني في كلية التربية للاقسلم العلمية :s3::s3: