تعليق الدكتور غسان نايفة على ماحدث في منتدى الحوار نهاية المحاضرة الرابعة !!!أرجو من الجميع الدخول وتسجيل كلمة اعتذار ..

[dindo]

مساءكم ورد
ياسيدات ورجال الأعمال
من زمان عنكم
يارب تكونو بألف خير

مثل ماهو مبين بالموضوع نزلت المحاضرة الرابعة أنجليزي على البلاك بورد

وفي نهايتها علق الدكتور على سبب حذف المشاركات
وعلق على كلام الاخوان والاخوات اللي أبدو أنزعاجهم من هالموضوع

وكان متحفظ على أسماءهم
ونزل موضوعين
للي علقو
وقال قولو كلمة الحق
وخصنا ياأدارة اعمال

ياجماعة الموضوع مايستاهل والله الدكتور صادق اقسم بالله مجرد افكر اني ادخل البلاك بورد علشان أشارك مو أقرأ أو أتصفح يجيني أكتئاب
من انه يعلق وبطيء

فما بالكم الدكتور راح يكون مضطر يفتح مشاركة مشاركة ويرد على الاستفسارات

فأضطر يحذف المشاركات صحيح انزعجت ان مشاركتي طارت
بس حيل الله أقوى أيش نسوي أذا كان الحل أن الدكتور لابد انه يدخل لازم انه يحذف المشاركات..

معليش ياحلوين 7 مشاركات تظمن لك 10
وش هو له 20 و40 مشاركة واغلبها
فاضيه من دون حتى عنوان فقط تسجيل حضور

ولى وحده كاتبه كل سؤال بموضوع
وين الاختبار
وكيف الاختبار
كم الاختبار
وقت الاختبار
مانزلت المحاضرة
متى تنزل
كيف انزلها
انتو زيي
وين المحاضرات
شكرا لك
كيف الحال
بالتوفيق للجميع
أنقذوني
ساعدوني
بنتف شعري
طفشت

والله الدكتور صادق المنتدي للنقاش مو بسطة ولى خيمة سوالف

عاد مدري عن نقاش الشباب
شكلهم
أذاكر ولى أنام
بتنزل محاضرة ولى بفحط
مانزلت المحاضرة
متى تنزل
كيف انزلها
أبدخن وأرجع
لسى مانزلت
انتو زيي
وين المحاضرات

في مباراة اليوم ولى لا ؟
شكرا لك
كيف الحال
بالتوفيق للجميع
أنقذوني
ساعدوني
صلعت


ادري اني سماجة
من زمان مانزلت موضوع:biggrin:

على العموم نبي نعتذر للدكتور سواء اللي غلط واللي ماغلط
لأن اللي صار مايستاهل انها تصير مشكلة وتكبر
لايحطنا ببالة
والاختبارات قربت

وسلامتكم

[فروحه 2011]

تسلميين اختي على النقل

انا الحمد لله ماخطيت على الدكتور

بس انا اقدمله الاعتذاار واشكره على مجهووده الاكثر من رائع

[ناسي اسمي]

فعلا كلامه صحيح المفروض تكون ردودنا مفيده لنا وللجميع

صحيح ان اللي يكتب من وين احمل المحتوى كاشف نفسه لانه يدري بس عشان ياخذ الدرجه

لكن ذولي نستفيد منهم بالرد عليهم للحصول على الدرجه لكن الدكتور جلس لنا ولهم

شكرا يادكتور

[رشةعطر]

رغم اني ماخذت المادة بس اقدم له اعتذر نيابه عن الي اسأو استخدام منتدى الحوار :119:

[NOW OR NEVER]

يجب على اللي اخطى ان يعتذر

[قيصومي]

الله يعطيك العافيه ع الموضوع

وأعتذر من الدكتور وأطلب أن يسامحنا على كل خطأ

أنا عن نفسي سئ جداً بالإنجليزي عشان كذا مشاركاتي لا تحمل فائدة

أكرر اعتذاري ...

تحيــــاتي

[اكاديمي 2]

طيب وانا وش ذنبي اذا كنت شاركت وكل مشاركاتي كانت مفيدة وفي الاخير حذفها يعني الواحد يالله يلقى وقت عشان يشارك 7 مشاركات وفي الاخير يجي الله يهديه ويحذف على الجميع معليش اختي بس اسلوبه حتى في الرد ماكان يرتقي الى ماكنا نطمح اليه يعني شويه فيه شوفة نفس مع احترامي له بس مو معناه دكتور يعني ماينتقد اسلوبه ،،،،،،،سلم لي على دكتور المحاسبة وبس والله تعبان على المادة وعلى الشرح الله اللي كله حماس في حماس يعطيه العافيه وهذا اغلب الدكاترة المصارية شطار ويشجعون على العلم والمذاكرة ويحببون الواحد في المادة //تحياتي

[MASHAEL ALROOH]

الكلام سليم 100%
والدكتور كلامه صحيح بالنسبة للمواضيع الي مالها فايدة
بس الله يهديه يعني اسلوبه كان من المفروض انه مايعطي فرصه لأحد ينتقده لأنه جاف واستفز البعض
عموماً بالتوفيق لنا جميعاً

[عازف الكيبورد]

ما همنا المشاركات اللي انخذفت
لانه من السهل تعويضها

بس اسلوب الدكتور وكلامه المتعالي على البلاك بورد
هو من جعل الطلاب يستاءون منه ومن طريقة تعامله

[MASHAEL ALROOH]

انا عندي استفسار
هو وشلون حذف المشاركات وهي ما زالت موجودة ومثقلة على المنتدى
وعلى فكرة البلاك بورد من عرفناه وهو بطيء يعني المشكلة ما جت من المشاركات وفعلا يعني لو كنت من الناس الي مشاركاتهم فعاله ايش ذنبي انا

[مره صدق]

اقدم له اعتذار عني وعن طلاب القسم كله وكلام الاستاذ صحيح ومن جد مشاركات مالها داعي مثل اللحين اذا دخلت القا هالسؤال وين مااروح كيف اسئلة الاختبار يعني لو انا مستوى اول قلت معليش مايعرفون بس مستوى ثاني يعني بلاعبط انت وياها..
والا ستاذ هذا اسلوبه اذا جاء يتكلم لاتستقعدون ثم يستقعد لنا خلاص :106:

[تمراوي]

اولآ :لانرضى ان يغلط احد على الدكتور غسان او اي دكتور اخر لانهم لهم مكانتهم الرفيعه عندنا وفي المجتمع ككل .
ثانيا : مازعلنا ع حذف مشاركاتنا لاننا سنعوضها.
ثالثآ: زعلنا ع الدكتور الله يحفظه ع اسلوبه الاستفزازي في مخاطبتنا وكتاباته بجميع الالوان التحذيريه والتوعديه والتهديديه اذا صح التعبير ؛ لاسيما انه نسي انه يخاطب طلبه اغلبهم في سنه او اكبر منه .
ولكن له التقدير والاحترام ونحن نحب فالله :love080: :106:

[بنت مكة]

الدكتور من أفضل الدكاتره إلى أخذت عندهم .. ويعتبر من المتعاونين ..
فما في داعي تخسروه .. أخذت عنده الترم الذي مضى وكان جداً متعاون وحسن ..

[خالد ال هادي]

مسائكم فرح وونآسه
انا جدآ متفآجأ من كلام اخوآننآ الي يسبون الدكتور واسلوبه
الاسلوب الي بالمحآضرهـ الرابعه اعتبرهـ عآدي
وهو مآتكلم الا بعد ماشاف المواضيع الي نزلت بالمنتدى والسب والتهكم
وبالنسبه للشرح جدآ ممتآز
واسلوب رائع للدكتور
هذآ غنى عن المدح والثناء له من المستوى الثالث
واتكلم عن اخوياي شخصيآ
كلن يذكرهـ بالخير
ويقولوآ الاسئله ممتازه بدون اي تعقيد
وش تبون تبون يجي يحب رووسكم
الله يهديكم بس
اعتقد لابد من الاعتذار للدكتور
احنآ نآقصين تصعيب للاسئله
يعني كفايه علينا الاقتصاد والرياضيات
:Cry111:

[dindo]

اشكر الجميع على التفاعل
وفعلا الدكتور جدا رائع وأحس أسئلته سهلة وهذا من كلام المستويات والاقسام الثانية
حتى الدكتور قال انا فاتح الجوال 24 ساعة لأستقبال اسئلتكم
بأمكانكم تناقشونه بهالخصوص بالنسبة للي منزعجين من كلامه

ويمكن كان أسلوب الدكتور أستفز البعض ..بس ماعلية ماراح نلومه يمكن ماكتبها الأ بعد ماشاف قد أيش منتدى الحوار منحاس من كثر المشاركات

مشعل مدري مشاعل الروح

اعتقد كثرة المشاركات راجعة الى ان قسم الاداراة والتربية الخاصة عندهم نفس المادة فلنا نفس المنتدى
والدكتور نفسه علق على هالموضوع يقول بعد ماحذف المشاركات تفاجأ انه خلال كم يوم رجع أكثر من أول ..:hhheeeart4:


بالنسبة اللي شارك مشاركات فعالة ..فعلا ايش ذنبهم بس الظاهر الرسائل اللي مالها داعي غلبت على الكل:icon9:

[احلام الحياه]

الله يعطيك العافيه ع الموضوع

وأعتذر من الدكتور وأطلب أن يسامحنا على كل خطأ
وكلام الدكتور مافيه شي لا مستفز ولاشي من ايش زعلانين كثر خيره والله حاذف علينا اشياء كثيرررررررررره وله مني جزيل الشكر

[فهـد]

أنا ماغلطت ولا علقت على كلامه
ليش أعتذر !!

[فرنسا]

المفروض هو اللي يعتذر لنا :biggrin:
البلاك بورد من السمستر الاول وهذا هو على حالهـ ماتغير شي بهـ
تعليق \ بطيء \ سماجهـ وثقالة دم اليا جينا نشارك في منتدى الحوار ولا اذا نحل الواجب والكل يعاني من هالشي.. ياتطلع رموز ياتطلع مستطيلات ومربعات واليا حدثنا الصفحه انحسبت محاولهـ

واذا على قولتهـ حذف المشاركات عشان يخفف الزحمهـ ويسرع البلاك بورد بيكون غلطان
البلاك بورد فيهـ مشااكل فنيهـ وللحين مو لاقين لها حل :017:

وبالنسبهـ للمشاركات اللي مالها داعي :41jg:
واللهـ ماالومهـ .. لانو في ناس جد مدري وش يبون اليا جى يشاركون ..
بس المفروووض انهـ حذف المشاركات السخيفهـ واللي مالها داعي
وخلى المشاركات الفعالهـ
لانو مالنا ذنب واللهـ
لانو ياادووب نلاقي وقت حق مشاركات وحق بلاك بورد ..
منا فاضين ومسنترين 24 ساعهـ ع النت وماعندنا شغل الا نشارك ومدي وشو
النظام هذا اساسا غلط بحكم انو حنا طالبات وطلاب انتساب
مدري من هذا اللي مقترح عليهم هـ النظام
وبخصوص الاعتذار .. معصي واللهـ
لانو طلعت روحي على مافتح عندي ومابقى شرح وتوضيح وتنسيق الا سويتهـ وشاركة بهـ
بالاخير يحذفها باردهـ مبردهـ :017:

[رساله من امرأه]

من جد بصراحه أنو حذف المشاركات لانها طفش نفس الاسئله وتتكر ماعندهم سالفه على بالهم كذا ياخذون درجات بالعكس والدكتور سوى خير فينا
:d5:

[شمعه أمل]

يعطيك العافيه اختي على الموضوع

بالرغم من انه انفتح اكثر من مره

الا ان الدكتور يستاهل الاعتذار هو ماأساء لأحد عشان يتهجمون عليه بهالطريقه الهمجيه


والله في دكاتره تقهر وتبط الكبد ماشوف هالحملات الهمجيه تسونه عليهم


دكتور غسان ماااايستاهل ياجماعه دكتور طيب وحبوب


واخلاقه عاليه والدليل انه بنهايه كلامه في المنتدى طبعاً قال انا مسامحهم ورحم الله امرئ اهداني عيوبي<<< بمعنى الكلام مو نصاً



المهم انا رسلت له رساله اعتذار على جواله واتوقع الكل عنده الرقم


ورد علي الدكتور


شكراً على شعورك النبيل ولكن اتمنى ان يكون الرد بنفس الموقع الذي صدر منه الاساءه


رجاااااء اللي يبي يعتذر يعتذر واللي مايبي بسلامته بس لايغلط


وكل الشكر لصاحبه الموضوع

[Faisal590]

بعد تعليق الدكتور وتفسيره لما حصل,, أتقدم بالإعتذار عما حصل منا وكان ذلك من دون قصد:smile: