تسجيل الدخول

مشاهدة النسخة كاملة : هل تتوقعون اني اقدر اكمل ماجستير؟؟؟؟

املي بإبتسامتي
2011- 3- 25, 01:23 AM
السلام عليكم

انا نفسي وامنيتي اني اكمل ماجستير
بس احس انه صعبه بالنسبه لي لان نسبتي 66%

يعني مرره نازله

بصراحه انا فيني طموح عاليه بس تحطمت من اول ما تخرجت من الثانويه
ودرست انتساب(الانتساب القديم) وكنت خايفه من البدايه اني اجيب معدل نازل
وطلع توقعي في مكانه ومعدلي الحين ما يفيد في هالزمن.. لا دراسه ولا توظيف
:Cry111:ظلمونا بهالانتساب الله المستعان مع اني تخرجت بنسبة حلوه من الثانويه
اااااااه المهم اللي فات فات..

عندي كم سؤال لكم

هل تتوقعون اني اقدر اكمل بهالنسبه؟؟
واذا لا هل ينفع اني اختبر اختبار القياس للجامعيين ويقبلوني في ماجستير بغض النظر عن معدلي؟؟
واذا كان بعد لا...
شوركم اني اعلق شهادتي في مطبخي او انساها....:71:
Portia
2011- 3- 25, 01:06 PM
وعليكم السلام والرحمة هلا عزيزتي..
والله مدري شقول لك اول شي بسم الله عليك من التحطيم ...بس اللي اعرفه ان جامعة الدمام اقل معدل يقبلونه 85 وجامعة فيصل يمكن 80 مو متاكده

عموما ماودي اقول لك كذا بس ما احس الوضع بيمشي معك الا اذا عندك واسطة قوووويييييه جدا

هذا رابط ملتقى الدراسات العليا ادخلي عليه وان شاء الله يفيدونك اكثر
http://www.ckfu.org/vb/f51 (http://www.ckfu.org/vb/f51)

وبالنسبه للمطبخ ان احس انه خيار مريح لنا كلنا...:biggrin:

بالتوفيق يالغلا...
املي بإبتسامتي
2011- 3- 25, 01:31 PM
خخخخخخخخ
تسلمين على الرد يا عمري

واذا على الواسطه عزالله رحت فيها :biggrin:

يالله
الله يعوضنا خير راح تعب السنواات على الفاضي
Portia
2011- 3- 25, 02:36 PM
خخخخخخخخ
تسلمين على الرد يا عمري

واذا على الواسطه عزالله رحت فيها :biggrin:

يالله
الله يعوضنا خير راح تعب السنواات على الفاضي

ياقلبي انت لا ان شاء الله ماراحت ع الفاضي
تقدري تكملي ماستر انتساب انت شوفي ادخلي ع الرابط وحوسي فيه

الله يوفقك يارب وان شاء الله تتوظفين قريب...:106:
فراشه
2011- 3- 30, 03:05 AM
شو تبغي بغثى الدراسه ...
دوري لك وظيفه وربي اريح (معاهد-دار تحفيظ -مدارس أهليه .........
زيدي خبراتك وخذي دورات عشان تزيد نقاط المفاضله اثناء التقديم على الخدمة المدنية ومعروف الوظايف بالخدمة المدنية لاتعتمد على المعدل كثير خذي خبرات ودورات وتزيد نقاط وبتكون اعلى من الامتياز


واذا تبغي تكملي ماستر ابحثي عن جامعات تعليم عن بعد بس مشكلتها انها غير معتمده في الوظايف الحكوميه يعني تستفيدي منها فقط في الخاص
وشوفي الماجستير الموازي والي على حسابك ممكن يقبلوك

والله يوفقك
والظاهر كلنا بنعلق شهاداتنا بالمطبخ ونتفرج عليها هع
املي بإبتسامتي
2011- 3- 31, 03:15 AM
شو تبغي بغثى الدراسه ...
دوري لك وظيفه وربي اريح (معاهد-دار تحفيظ -مدارس أهليه .........
زيدي خبراتك وخذي دورات عشان تزيد نقاط المفاضله اثناء التقديم على الخدمة المدنية ومعروف الوظايف بالخدمة المدنية لاتعتمد على المعدل كثير خذي خبرات ودورات وتزيد نقاط وبتكون اعلى من الامتياز


واذا تبغي تكملي ماستر ابحثي عن جامعات تعليم عن بعد بس مشكلتها انها غير معتمده في الوظايف الحكوميه يعني تستفيدي منها فقط في الخاص
وشوفي الماجستير الموازي والي على حسابك ممكن يقبلوك

والله يوفقك
والظاهر كلنا بنعلق شهاداتنا بالمطبخ ونتفرج عليها هع



ياااااقلبي يسلمووووووووو على رفع المعنويات
وهذا اللي انا احاول اسويه الان بس باقي ماكتب ربي اني اتوظف
الله ييسرها يارب
Gotcha
2011- 4- 3, 01:16 AM
ياقلبوووو نفس حالي متحطمة ... عشاني انتساب :( واكيد المعدل راح يكون نازل اصلا زين نتخرج
اغلب اللي دخلوا معي انتساب طلعوا محد كمل ..

وبالنسبة للماجستير ... ابقولك شيء انا اعرف وحدة متخرجة انتظام مرتبه الشرف وكل سنة تقدم ماستر
( جامعة الدمام)
وهذي اخر سنه لشهادته تخيلي قالوا لها ليه تتعبين نفسك وتقدمين ...عطوها بوجهها
(( القبول فقط لفيتامين واو ))
مو النسبة لاتتحطمين
انا افكر ابحث عن جامعات الدول المجاورة خخخ البحرين وغيرها عاط من القرادة البحرين معتفسة
المهم مثل ما قالت اختي الفراشة ... ندور في الماجستير المدفوع