الطب كان اختياري الثاني بس هالحين شالسالفة !! [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : الطب كان اختياري الثاني بس هالحين شالسالفة !!

ro0ose

2008- 7- 31, 05:25 PM

بسم الله الرحمن الرحيم
أنا سجلت في الطب اختياري الثاني

وهالحين ماطلع لي في الموقع لامقبولة ولاغير مقبولة ماطلع شي:Cry111:

يعني كيف هالحين لو على افتراض ماقبلوني في رغبتي الاولى هل يشوفون اختياري الثاني ولا يلغونه لانو الطب طلعت الاسامي وخلاص اكتفوا ؟؟

>>ماقبلوكي برغبتك الاولى بيقبلوك طب !!

بس اذا بيهملون الطب اختياري الثاني ظلم مايبقى لي الا اختيارين وبرآآ !!

افيدوني بليييييييييييييز:Cry111:

قمرهم

2008- 7- 31, 05:31 PM

هاااااي روووووز :cheese:

انا اللي اعرفه اذا انتي اخترتي الطب رغبه ثانيه فخلاص راحت عليكم لانهم اول شي بيشوفون رغبتك الاولى وهذي نتايجها 12- 8 اذا كنتي مسجله غير الكليات الصحيه ولو ماقبلوج لاسمح الله بيروحون للرغبه الثانيه واهي الطب والطب في هذا الوقت انتهى التسجيل وامتلت المقاعد ومابقى الا الرغبه الثالثه وراح يشوفونها وان شاء الله مايحتاج لهالشي على طوووووووووووول قبول في الرغبه الاولي >> هذرت كثيييييير:c8:

اتمني اني افدتج :119:

تحياااااااااااااااتي

ro0ose

2008- 7- 31, 05:44 PM

الله يسمع منك ويقبلوني في القسم اللي ببالي:Cry111:

تسلم ايدك قمرهم

اسعدني مرورك:g8:

الف شكر

مرجــــانة ريحــــــانة

2008- 7- 31, 05:45 PM

هلا أختي كيف ما انقبلت برغبتك الأولى ....

أصلا لسى ما طلعت نتايجها الغير صحية ...

انتظري إلى 12/8/1429هـ ...

لمعرفة نتيجة الرغبة الأولى ...

في حالة ما انقبلت فيها ...

ينتقلون للرغبة الثانية يلاقونها طب ...

يتجاوزونها ويروحون للرغبة الثالثة ...

في حالة ما سجلت رغبة ثالثة ...

أو ما انقبلت بالرغبة الثالثة ...

يتم البحث لك عن أماكن شاغرة ...

تحياتي....

يارب وفقني للطب..:Cry111:....دعواتكم يا إخوان

...

ro0ose

2008- 7- 31, 06:08 PM

أنا عارفة انو ماطلعت النتايج بس لو على افتراض ماانقبلت

يعني آساااافة :Cry111:ع الاختيار الثاني ضيعته في طب بس بيخليهم يتخطوه وبتقل فرص قبولي:Cry111:!!

تسلم ايدك مرجانه ع الافادة

ياااااارب توفقنا أجمعيييييييين:Cry111::Cry111:

lala

2008- 7- 31, 06:16 PM

اختي مرجانه ريحانه اول مره اسجل بمنتدى وسجلت عشانك لانه البنات قالوا انه الحل عندج ودلوني على هالمنتدى انا سجلت رغبه اولى طب والثانيه طب والثالثه صيدله ومو مقتنعه اصلا بالصيدله لاني ابي طب وانا من طالبات الاحساء ونسبتي المركبه 86.47
ونسبة الاحساء المطلوبه انتي تعرفينها انا منهاره والبنات سكتوني وقالوا كلمي مرجانه وبتلاقيلج الحل

lala

2008- 7- 31, 06:31 PM

مرجانه ريحانه ليش ما رديتي

مرجــــانة ريحــــــانة

2008- 7- 31, 06:43 PM

فعلا ً تفشلت <<<علميني على اللي دلتك علي ...

أوقعتيني بوقف جدا محرج <<<للغاية

هلا أختي أقدر ثقتك بي ...

اسمعي بما أنه لم يحالفك الحظ بالطب ...

لا تحزني أختي ...

سوف يفتح لكم تسجيل للغير مقبولين في الكليات الصحية

وهي عبارة عن تخصصات غير صحية ...

سجلي فيها وتوكلي على الله ...

فهي أفضل بمئة مرة من لاشيء ...

وهناك احتمال ....

أنهم قد يتصلوا بك ...ويخبرونك أنك مقبولة في الطب بالحسا

لكن لا تعتمدي على هذا الإحتمال ...ودعيه آخر الإحتمالات ...

صدقيني قد يكون الله أعلم بحالك ومنعك من الطب ...

هل تعلمين أن الطب كلمة سهلة لكن خفاياها أعظم ...

أما انتظارك للصيدلة فعذرا لأني سأقولها ...

لكنه الواقع ليس هناك أمل ...

لأنه لا ينظر للصحية إلا إذا كانت رغبة أولى ...

ولا تزعلين أختي سجلي في التسجيل اللي بيفتح ولا تضيعين عمرك في البيت ...

وما فائدة الحزن على ما فات !!!

اعلمي أن الخير فيما اختاره الله ...

وأنتظرك على أحر من الجمر تبشريني بقبولك في إحدى التخصصات

فالحمدلله جميعها لها مستقبل وتخصصات مرغوبة ...

بشرط التفوق بالقسم الذي ستدخلين فيه ...

تحياتي...

يارب وفقني للطب...:Cry111:...دعواتكم يا إخوان ...

مرجــــانة ريحــــــانة

2008- 7- 31, 06:45 PM

مرجانه ريحانه ليش ما رديتي

هلا أختي ...

من جد آآآسفة ...

بس عذريني أنا بطيئة في الكتابة ...

لا تظهرين عيوبي للأخوات الحين يضحكون علي ...

تحياتي....

يارب وفقني للطب...:Cry111:..دعواتكم يا إخوان

...

lala

2008- 7- 31, 06:47 PM

شكرا اختي مرجاانه رفعتي معنوياتي بس انا من جد من داخلي ما ابي ادرس الا الطب ممكن في طب موازي في الحسا اغو اي شي يتعلق بالطب

lala

2008- 7- 31, 06:49 PM

هلا أختي ...

من جد آآآسفة ...

بس عذريني أنا بطيئة في الكتابة ...

لا تظهرين عيوبي للأخوات الحين يضحكون علي ...

تحياتي....

يارب وفقني للطب...:Cry111:..دعواتكم يا إخوان

...

لا عــــــــــــــادي

مرجــــانة ريحــــــانة

2008- 7- 31, 06:54 PM

للأسف أختي لا يوجد طب موازي هذا العام في الفيصل ...

بحجة أن التكاليف التي يدفعها الطلاب ...

لاتفي بمتطلبات تدريسهم ...

بس بما أنك ناوية على موازي ...

في كلية ابن سينا للطب...

وهي مشهورة ومعتمدة ...

علما بأن هذه الكلية في جدة ...

بس أخاف أقول لك على أسعارها وتنصدمين ...

تحياتي...

يارب وفقني للطب....دعواتكم يا إخوان

...

مرجــــانة ريحــــــانة

2008- 7- 31, 06:58 PM

وهاذي الأسعار أختي ...

50 ألف للسنة الواحدة ....

على مدار 3 سنوات ...:000:

60 ألف للسنة الواحدة ...

على مدار الـ 3 سنوات الباقية ...:000:

تحياتي....

يارب وفقني للطب...:Cry111:...دعواتكم يا إخوان

...

lala

2008- 7- 31, 08:16 PM

مشكووورررة تدرين انه فيصل جمب بيتنا اللي نبي ما يبينا

بـــو أحــمــد

2008- 7- 31, 10:24 PM

شكرا اختي مرجاانه رفعتي معنوياتي بس انا من جد من داخلي ما ابي ادرس الا الطب ممكن في طب موازي في الحسا اغو اي شي يتعلق بالطب

lala
ما فيه طب موازي .. لا في الحسا و لا في الدمام

طيب أنتي سجلتي في البعثات؟

lala

2008- 7- 31, 10:45 PM

سجلت بعثة بالبحرين بس يقولون القبول ضعيف لانو زحمه

غلا الدنيا

2008- 8- 1, 01:46 AM

خيييتو ..

فيه هنا بالاحساء كليه الظاهر انها دبلوم انا عارفه مكانها بس نسيت اسمها ..

هي خلف بيت الكيك وسعد الدين ذييييك الجهه :hahaha_2008:

اذا تذكرتيه جيت لكـ ..

غلا الدنيا

2008- 8- 1, 01:47 AM

ايه بعد هوون شفت موضوع انو تقدرين تغيرين الرغبات يوم السبت 1\8

بس الرغبه الثانيه والثالثه ..

غيري الطب وحطي لك شي ثاني

غلا الدنيا

2008- 8- 1, 01:55 AM

طفشتكـ مو ؟؟

اييه عرفت اسمها هي دبلوم

الأكاديميه الدولية للعلوم الصحيه

وهذا موقعهم لو حبيتي تعرفي اكثرر

http://www.medacademy.info/ihsa_f_ar.html

lala

2008- 8- 1, 01:58 AM

يعني اقدر ادرس في الاكادميه وبعدين شلون احول لجامعة فيصل طب بفلوس الاكاديميه ولا ببلاش واذا بفلوس بكم وانا ما اقدر ابعد عن الحسى ما عندي محرم

lala

2008- 8- 1, 02:01 AM

[center]يلا ردي بسرعه شكلك طفشتي من اسئلتي يلا الغرقان يتعلق باي شي وانا غرقانه[/center

غلا الدنيا

2008- 8- 1, 02:30 AM

خخخخخخخخخخ ..

خيتو تأخرت سوري ..

لا الدراسه بفلوووس ..

وعلى كلامهم تقدريين تكملين بس يمكن مو فيصل ..

لانم قاييلين بالموقع الجامعات العربيه يعني يمكن برا ..

غلا الدنيا

2008- 8- 1, 02:31 AM

اييه خيييتو ما فيه دبلوم طب ؟؟

فيه تمريض - صيدله - واشياء ثانيه

بـــو أحــمــد

2008- 8- 1, 10:13 PM

يعني اقدر ادرس في الاكادميه وبعدين شلون احول لجامعة فيصل طب بفلوس الاكاديميه ولا ببلاش واذا بفلوس بكم وانا ما اقدر ابعد عن الحسى ما عندي محرم

lala
ما تقدرين تدرسين في الأكاديمية الدولية للعلوم الصحية و بعدين تحولين إلى جامعتنا
التحويل مش متوفر أبداً

بـــو أحــمــد

2008- 8- 1, 10:14 PM

قصيميه

2008- 8- 2, 02:20 AM

اللي عليك اللحين يا حبيبتي أنك تغيرين رغبتك الثانيه وتحطينها غير العلوم الصحيه
:119:

ro0ose

2008- 8- 12, 11:56 AM

شكرا لكم جميعا جبتوا الحل

بس الحل فاتني

كنت مسافرة وتوني امس راجعة من السفر

وتوني ادري بالسالفة

ورااااااااااحت علي:Cry111: