دفعة 2009 كل مايختص بدراسة التمريض

[¤§©¤ ريم ¤©§¤]

مساء الخير للجميع ..

بداية ألف مبروك القبول للدفعة الجديدة دفعة 2009

في كلية التمريض في جامعة الملك فيصل للبنات ..

أتمنى لكن التوفيق في حياتكن الجامعية التي ستكون مليئة بالمغامرات
والأحداث الجديدة عليكن ...
فأنتن قبل كل شيء قد انتقلتن من مرحلة الدراسة المدرسية البسيطة إلى عالم فسيح وهو المرحلة الجامعية ..
لن أقول بأن الأمور ستكون سهلة عليكن .. ولن أقول ستكون صعبة ..
ففي كل تخصص تكمن صعوبة مجهولة .. ولكن بالجد والاجتهاد والمثابرة
بأذن الله ستكون الأمور أسهل بكثير ..
و أنا هنا أقدم لكم هذا الموضوع الذي سيكون شامل لكل صغيرة وكبيرة تنتظركن ..

بسم الله نبدأ
¨°o.O (البداية ) O.o°"

اول شي مثل ما انتوا عارفين طبعاً سويتوا الفحص الطبي وسلمتوا اوراقكم وكل هاذي الأمور ...
في ورقة عطوكم اياها المستشفى وسلمتوها للجامعة الي بدورها صورتها وخذت الأصل وعطتكم الصورة صح؟؟

في شغلة من فوق في الورقة مكتوب رقم الطالب ..
وهو رقم مكون من تسعة ارقام مبتدأة بـ 2090
وهو رقم الطالبة الجامعي واهو الي راح يستمر معاها طول فترة الدراسة ..
فالطالبة في الجامعة لاتعرف بأسمها بقدر رقمها الجامعي ..

حيث أنه لا تحتسب لها نتيجة أي امتحان ما لم تكتب رقمها في الجامعي في الخانة المخصصة له في ورقة الأمتحان ..
حتى بعدين ان شاء الله نتايج الأمتحانات ماتقدرون تطلعونها الا بهالرقم ..

نصيحتي / حاولوا دائماً تكون هالورقة معاكم في بداية الدراسة خصوصاً بتكونون لسه ماحفظتوا الرقم بس ترى مع الوقت راح تعتادون وتحفظونه مثل اساميكم ..

¨°o.O (الأسبوع الدراسي الأول ) O.o°"

راح تبدأ الدراسة في يوم السبت تاريخ 11/10/1429 هـ
راح تكونون متواجدين في نفس المبنى الي قدمتوا فيه اوراقكم وهناك قبل لا تدخلون إلى مبنى 65 من برا كلش بتشوفون قاعة مكتوب عليها ( قاعة المحاضرات العامة )
أهني راح يكون لكم فيه حفل ترحيب بالمستجدات لمدة يومين السبت – الأحد

راح تكون فيه محاضرات و تعريف بالكليات .. وراح تكونون مع بعض ..
الطالبات المستجدات لكلية الطب
الطالبات المستجدات لكلية العلوم الطبية
الطالبات المستجدات لكلية التمريض
الطالبات المستجدات لكلية العمارة والتخطيط
طبعاً راح يعرفونكم على نظام الكلية و تشوفون بنات خريجات من الكليات وتسمعون تعليقاتهم وبنات من السنوات المتقدمة وتسمعون تعليقاتهم على الدراسة وغيره .. وغيره الكثير ..
طبعاً في يوم السبت راح يسوون لكم جولة على الجامعة .. المباني .. المعامل .. المكتبة .. الكفتيريا .. واماكن كثيرة راح تشوفونها ..

يعني مافي دراسة خلال هاليومين راح تقضونهم في التعرف على الجامعة والطريقة المتبعة وكل شي .. وطبعاً راح يعطونكم اوراق مفيدة فيها نظام الكلية .. والخطة الدراسية وغيرها الكثير ..

نجي الحين ليوم الأثنين .. في هاليوم راح تكون لكم محاضرة للترحيب بالمستجدات في مبنى كلية التمريض ..
طبعاً مبنى كلية التمريض اهو المبنى الي يلي مبنى الثقافة الأسلامية ويطلق عليه أسم ( c 3 ) – ( ج 3(
وهاذي المحاضرة راح يلقيها عليكم عميد كلية التمريض محمد حجازي
بيتكلم لكم عن الكلية وتاريخها ومبادئها وغيرها وغيرها .. وطبعاً بالأضافة إلى المعيدات في الكلية والي ماتحضرني أسمائهم وبالأضافة إلى منسقة كلية التمريض الأستاذة شادية والي صج راح تحبونها لتعاملها الطيب معانا ومع جميع الطالبات ..
بالإضافة إلى الدكتورة ميرفت وغيرهم من الي راح تتعرفون عليهم ..
طبعاً راح يقومون بتقسيم الدفعة إلى مجموعتين
( قروب 1 وقروب 2) وراح يعلقون لكم قوائم المجموعتين فكل وحدة لازم تعرف اهي من أي قروب لأنه حتى الكلاسات الدراسية بتكون مختلفة بين القروبين ونفس الشي الجدول الدراسي ..
وراح تكون لكم جولة في الكلية نفسها تشوفون اقسامها ومعاملها وكلاساتها ..
طبعاً المبنى جداً جميل وجداً مميز وجديد بعد وراح تحبونه وترتاحون فيه..
نصيحتي / انتبهوا لهالثلاث ايام زين لأنها راح تفيدكم في اشياء كثيرة .

الحين نجي للجد شوية .. لعبتوا وتونستوا بهالكم يوم ؟؟ خلاص نروووح للجد الحين ..
طبعاً راح أكتب لكم المواد الي راح تدرسونها في السمستر الأول واسماء الدكتورات المتوقع انهم يدرسونكم ..
1/ مادة الثقافة الإسلامية ( الدكتورة هبة بكر آل خميس ) سعودية .
2/ الفيزياء الطبية التطبيقية ( الدكتورة أمل القحطاني ) سعودية .
3/ الكيمياء ( الدكتورة هيا ) سعودية .
4/ اللغة الانجليزية ( الدكتورة غزالة ( باكستانية ) ، الدكتورة روز ماري ( امريكية ) الدكتورة كيث ( بريطانية ) الدكتورة ريم ( سعودية ) )
5/ مقدمة في أساسيات التمريض و أخلاقيات المهنة ( الدكتورة حنان كفافي ، الدكتورة ميرفت أدهم ، الدكتورة كميليا صابر ( مصريات ) )
هذولا المواد الي راح تدرسونهم في السمستر الأول .. قبل لا اتكلم عن مادة مادة .. اول شي راح اتكلم عن الجدول الدراسي ..
خلال يومي الثلاثاء والأربعاء من الأسبوع الأول راح يعلقون لكم أرقام السي آر أن للمواد لكلا القروبين ..

ماهي أرقام الـ crn ؟؟

لكل مادة دراسية في لها رقم خاص فيها .. وطبعاً لازم تسجلون هالمواد في نظام البنر في موقع الجامعة عن طريق ادخال رقم السي آر أن الخاص بهالمادة ..
ولمه يصير حزتها بعلمكم بكل شي .. طريقة التسجيل .. وغيرها وغيرها ..
طبعاً لازم تنتبهون لشغلة .. ارقام السي آر أن للقروب الأول تختلف عن ارقام السي آر أن للقروب الثاني فلازم تاخذون الأرقام الخاصة بالقروب الي انتوا فيه ..
طبعاً الجداول مختلفة بين القروبين من حيث اوقات المحاضرات وغيرها وغيرها ..

ما هي طبيعة المحاضرات ؟؟

الحين بكلمك عن طبيعة المحاضرات .. طبعاً راح يكون لكم جدول اسبوعي تمشون عليه وراح تعطيكم اياه الكلية نفسها .. المحاضرة الأولى تبدأ الساعة ثمان الصبح .. وطبعاً نهاية الدوام تختلف من يوم ليوم على حسب جدولكم ..
بس في السمستر الاول سنة اولى كحد اقصى يكون نهاية دوامنا الساعة ثلاث العصر ...
واحياناً الساعة 12 الظهر ..

طبعاً في بريك لكل السنوات ولكل الجامعة من الساعة 12 ظهراً حتى الساعة الواحدة ظهراً لتأدية الصلاة ..
الحين نجي نتكلم عن مادة مادة وشلون طريقة محاضرتها ..

مادة الثقافة الإسلامية :

مكان المحاضرة / مبنى الثقافة الإسلامية .
عدد المحاضرات / محاضرة واحدة في الأسبوع .
مدة المحاضرة / ساعتين متواصلتين .
ملاحظات / راح تحتاجون انكم تكتبون الي تكتبه الدكتورة على البورد بالإضافة للتعليقات الي تقولها .. وطبعاً الدراسة باللغة العربية في هالمادة وسهلة جداً وهم بعد معاها تسميع قرآن في نهاية السمستر .. وايضاً انتوا مطالبين بالمشاركة في المحاضرة علشان درجات المشاركة .

مادة الفيزياء الطبية التطبيقية :
اقسام المادة / نظري وعملي .
عدد المحاضرات / محاضرة واحدة للنظري ومحاضرة واحدة للعملي في الأسبوع .
مدة المحاضرة / ساعة واحدة للنظري ، ساعتين للعملي .
مكان المحاضرة / النظري في الكلاسات الدراسية في كلية التمريض ، العملي في المعمل في مبنى المعامل .
ملاحظات / مممممم المادة سهلة وحلوة ترى حدها وممتعة في الدراسة وفي العملي جداً بتستمتعون وطبعاً لازم تطبقون الي تاخذونه في العملي وتدونون ملاحظاتهم في اللاب منول والي اهي ملزمة العملي وتسلمونها في نهاية المحاضرة للدكتورة وراح تعطيكم درجات عليها من اربع ... وطبعاً في نهاية السنة درجات العملي تضاف لدرجات النظري .. وما يحتاج اقول لكم انه لغة الدراسة في هالمادة بالأنجليزي .

مادة الكيمياء :
اقسام المادة / عملي ونظري .
عدد المحاضرات / محاضرتين في الأسبوع للنظري ومحاضرة واحدة للعملي .
مدة المحاضرات / ساعة للمحاضرة الواحدة للنظري وساعتين للعملي .
مكان المحاضرات / النظري في الكلاسات الدراسية والعملي في مبنى المعامل في معمل الكيمياء .
الملاحظات / بالضبط نفس مادة الفيزياء .

مادة اللغة الأنجليزية:
اقسام المادة / قرمر ، رايتنغ ، ريدنغ ، لسننغ ولكل قسم دكتورة .
مكان المحاضرات / في نفس الكلاسات الدراسية .
ملاحظات / ممتعة لأبعد حد وراح تحبون الأنجليزي حزتها .

مادة مقدمة في التمريض واخلاقيات المهنة :

مكان المحاضرات / في نفس الكلاسات الدراسية .
عدد المحاضرات / محاضرة واحدة في الأسبوع .
مدة المحاضرات / ساعتين .
ملاحظات / هالمادة شوي شدوا حيلكم فيها لأنها كلها بالأنجليزي و حاولوا تترجمون وتذاكرون أول بأول وكل شي بيتسهل ان شاء الله .

هاذي كل المواد وطبعاً راح تبدأون دراسة على هالمنوال ..
ولاتنسون تفصلون لكم لاب كوت أبيض للمعامل الفيزيا والكيميا لأنه الي ماتلبس لاب كوت تتنقص درجات ..
وتفضلوا هالموضوع فيه اسماء كتب راح تفيدكم في مشوار دراستكم للتمريض
http://box4.exaservers.com/~kfusorg/vb/showthread.php?t=6158
اتمنى اني افدتكم وان شاء الله قدمت معلومات كافية ووافية

والي عندها سؤال عن أي شي تقول لي وانا بجاوبها ..
واحب انوه انه ان شاء الله راح احاول اسوي لكم جولة في الجامعة للاماكن الي مايودونكم لها الجامعة في جولتهم ..
اتمنى لكم التوفيق ..

مع تحيات مشرفة ملتقى كلية التمريض :
ريــــــم

[إيلاف]

مجهود جميل اختي ريم ..

أكيد راح يستفيدوا منه النيرسات الجدد ..

يعطيك العافية ..

:119:

[¤§©¤ ريم ¤©§¤]

الله يعافيج حياتي

وان شاء الله يلقون الفايدة المرجوة

:)

[احساس أنثى]

يعطيك العافيه ريوووووومه ماقصرتي وفيتي ..


بس المحاضرات وشلووون لازم نكتبها يعني مافي ملازم كتب شــي..؟؟




تحياتي .. احساس أنثى

[¤§©¤ ريم ¤©§¤]

ياهلا والله فيج اختي

بالنسبة للمحاضرات طبعاً الأسلمك انتي راح تكتبين وياها

بس بالنسبة للمواد الثانية ففي أول محاضرة راح تدخل الدكتورة وتعرف عن نفسها

ومادتها وتكتب لكم اسم الكتاب والمؤلف الي راح تذاكرون منه

وطبعاً تشترونهم اما من طالبات السنة الي راحت الي اهم احنا

او من المكتبات جرير والعبيكان و في مادة الأنترودكشن الي اهي المقدمة

راح يعطونكم ملازم للمحاضرات تطبعونها بعد كل محاضرة


واتمنى اني افدتج

:)

[سمر الأحلام]

مشكورة أختي

الله يعطيك العافية

ممكن إستفسار...

ما طبيعة اللبس لطالبات كلية التمريض.. ولونة؟؟؟؟؟؟؟؟؟


تحياتي

[¤§©¤ ريم ¤©§¤]

ياهلا والله فيج

بالنسبة للبس

طبعاً النظام يقول :

لبس طالبات كلية التمريض يكون

بلوزة بيضه وتنورة سودا وحذاء وانتي بكرامة ابيض

بس طبعاً سنة أولى عادي يلبسون اي لون واي شكل

ومامرة خالفوا على هالشي

بس لمه تروحون سنة ثانية وتبدأ روحة المستشفى

اهني لازم تلبسون الي قلته لج بالأضافة للاب كوت الأبيض

والله يوفقكم

واي سؤال انا حاضرة

:)

[x.احساس.x]

يعطيك العافيهـ

على مجهودك ريم وان شالله في ميزان حسناتك

اكثر من رووووعهـ

دمتي بود

[¤§©¤ ريم ¤©§¤]

العفووو
وانا بالخدمة

بأي وقت

:)

[noni]

يعطيييييييييج ربي الف عاااااافيه ماتصدقين قد شنو ريحتيني
ياليت اشوفك وابوسك تسلميييييييين والله

[¤§©¤ ريم ¤©§¤]

الله يعافيج حياتي والله

واحرجتيني :c8:

وان شاء الله لنا لقاااء في الجامعة

:119:

[أنوار الكوثر]

السلام عليكم ورحمة الله وبركاته
مشكوره ياريم على الجهود الرائعه
عندي سؤال وهو هل مسموح تسجيل المحاضرات ؟هذا السؤال الاول
والبالطو ابيض ولا رمادي ؟هل الدراسه صعبه ؟ اتا موشاطره بالانجليزي واجد يعني اقدر امشي ؟والسؤال الاخير هل المحاضرات احنا اللي انلخصها ولا شنو ؟

[¤§©¤ ريم ¤©§¤]

العفو عزيزتي

بالنسبة لتسجيل المحاضرات تقصدين بأي اداة تسجيل

كالمسجلات وغيره ؟؟؟ طبعاً ممنوع حبيبتي

وبالنسبة للاب كوت فأهو لازم ابيض مثل الي يلبسونه الأطباء

والدراسة بتكون سهلة للي يشد حيله

وبالنسبة للأنجليزي

طبعاً حاولي تقوين لغتج بقراية الكتب في الأجازة

وبعدين سنة اولى اهيه تقوية للغة الانجليزية

يعني لاتحاتين بهالخصوص بس شدي على عمرج ومرني لغتج الانجليزية

ومع الوقت بتعتادين

وآخر سؤال بالنسبة للمحاضرات

الي يصير انه محاضرات الثقافة الأسلامية

الدكتورة تشرح وتكتب على البورد وانتوا تكتبون في دفتر المحاضرات

وغير جذي انه في مادة الأنترودكشن وجذي راح تطبعون اوراق المحاضرات من الكوبي سنتر

وتذاكرون منهم

وبالنسبة المواد الثانية راح يعطونكم اسماء الكتب الي تذاكرون منهم

لاتحاتين بس تبدأ الدراسة بتفهمين كل شي وكل شي بتشوفينه

واي شي تحتاجينه قوليه ..

:)

[flawar]

سلام ريم .... الله يعطيج العافيه ....
بس عندي كم سؤال ؟؟؟
الملابس شلون تكون قالوا لنا انه لازم تكون قميص ابيض وتنوره سوده وكتروا من الجزم البيضاء ...
صحيح ولا لا؟؟؟
ونحتاج لاب توب لو لا؟؟؟
ومترجم؟؟
و في بطاقه سمعت انها ضروريه وما نقدر ندخل الا بها شقصتها وكيف نحصل عليها بسرعه؟؟
واسفه احس اني كثرت بالاسئله و عذبتج وياي.............

[ايمو]

ســــــــــــلام ...

مشكوووره ريم .. انبسطت بهالموضوع ؟؟ ^_^

افهم من كلامك أول يومين مابفترق عن صديقاتي الي بالطب والعلوم الطبيه >>> ونااااااااااسه .. حركاااااااااات

الا تعالي ..

شنو امريكيه وبريطانيه وباكستانيه >>> هذول ناس مامنهم أمل يتكلمون كلمه وحده عربيه
>>> ياخوووفي :000:

ريام >> شنو سويتي بأول محاضره دخلتيها بالانجليزي ؟؟

وكيف تعودتي ؟؟

تدرين أخاف انحرج بين البنات على اللغه :c8:

وش قصة الدراسه الصيفيه ؟؟ هل هي اجباريه ام لا ؟؟
ووشنو المواد الي تدرس بالصيف ؟؟ مسموح لنا بكل المواد او لا ؟؟

أسمع ان السواق يشترط عمل بطاقه له ؟؟ يعني مااعرف شلون ؟؟ هل صحيح الكلام او لا ؟؟

طولت كثير ؟؟ ياللا معليه :119:

[¤§©¤ ريم ¤©§¤]

ياهلا والله اختي

الله يعافيج وتفضلي سألي مثل ماتبين

بالنسبة لسؤالج عن الملابس طبعاً اهوا النظام قميص ابيض وتنورة سودة وجزم وانتي بكرامة بيضا

بس طبعاً هالشي ماينطبق على وجودج في الجامعة يعني مثلاً في سنة اولى وجزء كبير من سنة ثانية

انتي ماراح تروحين المستشفى تشتغلين بس بتكونين موجودة في الجامعة

فعااااااااااادي تلبسين اي لون واي شكل واي جزمة

يعني اللبس النظامي اهوا يكون في المستشفى مع اللاب كوت

بالنسبة لللاب كوت اي نعم راح تحتاجينه في لاب الفيزكس ولاب الكمسرتي السمستر الاول

طبعاً لو تنسينه تتنقصين درجات فلازم تجيبينه

والمترجم اكيد بكل السنوات انتي بحاجة لمترجم اما اطلس الصغير

او الوافي في جهاز الكمبيوتر او كتاب دكشنري كفي


وبالنسبة للبطاقة فأنتي تقصدين البطاقة الجامعية

في اول اسبوع تروحين إلى مبنى الطب القديم وهناك بتشوفين تبع الامن والسلامة مكتب خاص لهم

تاخذين لج ورقة تعبينها لأستخراج بطاقة جامعية

وتكتبين فيها معلوماتج وتسلمين لهم صورة لج 4 في 6

وبعدين عاد تراجعينهم لمه تخلص

يعني تتأخر كثير

الغالب تخلص على نهاية السمستر الأول وانتي وحظج

بس حاولي خلال الأسبوع الأول تاخذين هالورقة تعبينها ضروري علشان تطلع لج البطاقة بسرعة


بالنسبة لدخول الجامعة يعني نادر يفتشون على البطاقات

بس احياناً عند البوابة الرئيسية للجامعة مو للكلية ..

يطلبون منا نطلع البطاقة قبل لا ندخل

بس لا تشيلين هم سنة اولى مايدقوون عليهم لأنه لسه مابعد تخلص بطاقاتهم

بس حاولي مثل ماقلت لج تسوينها بسرعة

وتخلينها عندج طول الوقت

وان شاء الله اني افدتج واي سؤال ثاني انا حاضرة

:)

[flawar]

وسمعت انه في اخر سنه ثانيه خصوصا لبنات التمريض تسجيل او تقديم في ارامكوا ..
ويش قصته ؟؟؟

[flawar]

اني اعني اللاب توب مو اللاب كوت نحتاجه لو لا؟؟؟؟

[¤§©¤ ريم ¤©§¤]

ياااهلا والله ايموووو

ســــــــــــلام ...

مشكوووره ريم .. انبسطت بهالموضوع ؟؟ ^_^

افهم من كلامك أول يومين مابفترق عن صديقاتي الي بالطب والعلوم الطبيه >>> ونااااااااااسه .. حركاااااااااات


العفووو حبيبتي وان شاء الله دووم مبسوطة في ملتقى كلية التمريض <<< تسوي دعاية :hahaha_2008:

اي حبيبتي اول يومين بتكونون مع بعض طب + تمريض + علوم طبية + عمارة وتخطيط

الا تعالي ..

شنو امريكيه وبريطانيه وباكستانيه >>> هذول ناس مامنهم أمل يتكلمون كلمه وحده عربيه
>>> ياخوووفي


:lllolll:

طبعاً ممنوع يتكلمون معاكم كلمة وحدة عربي

بس ترى يعرفون عربي بس ممنوع يتكلمون او تتكلمين معاهم عربي

لازم انجليزي طول الوقت

بس لا تخافين ترى شوي شوي تتعودين

يعني ماكنت اتخيل اني بيوم بسوولف مع دكتورة غزالة بالأنجليزي :g8:


ريام >> شنو سويتي بأول محاضره دخلتيها بالانجليزي ؟؟

وكيف تعودتي ؟؟

تدرين أخاف انحرج بين البنات على اللغه


اسمي ريم لووووووول

بالنسبة لأول محاضرة انجليزي حضرتها كانت رايتنغ للدكتورة غزالة

ما اخفي عليج كنت خايفة

بس والله حسيت بمتعة مابعدها متعة

ترى دروس الانجلش حدها حدها ممتعة وحلوووة وراح تحبينها

فلاتخافين كل الامور سهلة :g8:

واهم شي لاتخلين سالفة الحرج من البنات تسيطر عليج يعني انتي جاية تتعلمين

عادي غلطتي مرة مرتين عشر بس بالأخير تتعلمين

واهم شي شااركي وتكلمي في كلاس الأنجلش ترى هاذي الطريقة الي

تخلي لسانج يتعود على اللغة

وش قصة الدراسه الصيفيه ؟؟ هل هي اجباريه ام لا ؟؟
ووشنو المواد الي تدرس بالصيف ؟؟ مسموح لنا بكل المواد او لا ؟؟


بالنسبة للدراسة الصيفية لا طبعاً اهي مو اجبارية ولا شي

الدراسة الصيفية طريقتها انها قبل نهاية السمستر الثاني

يعلنون عن عدة مواد تنزل بالصيف

ولج الأختيار اما انج تبين تدرسينها او لا على حسب ظروفج

في بنات يكونون مثلاً حاملين مادة فتنزل في الصيف ويدرسونها ويفتكون منها

وفي بنات يبون يخففون الضغط عليهم في السنة الي بعدها فيدرسون شي بالصيف

بالنسبة للمواد الادارة اهي الي تحددهم

وهم بعد انه مثلاً لو عدد كبير كان حامل الكمستري يقدرون هالبنات يرفعون خطاب

يوقعون فيه ويكتبون اساميهم بمطالبتهم بنزول الكمستري في الصيف

علشان يفتكووون

ويقدمون هالخطاب للادارة ويجي الخبر بعد فترة بسيطة

طبعاً في لوحة الاعلانات بيعلقون اسماء المواد الي بتنزل وارقام السي آر ان حقينها

ووقت تسجيلها في نظام البنر وهالشي انتي مخيرة فيه على حسب ظروفج

أسمع ان السواق يشترط عمل بطاقه له ؟؟ يعني مااعرف شلون ؟؟ هل صحيح الكلام او لا ؟؟



بالنسبة للسواق بالفعل لازم بطاقة له تسوينها في اقرب فرصة

اهي عبارة عن ورقة راح يعطونكم اياها تقريباً اول يوم في حفل المستجدات

يعبيها ولي امرج الله يحفظه

ويرفقها بصورة له وصورة للسائق اربعة في ستة

وصورة من بطاقة الأحوال للسائق

بعدين يسلمها ولي الامر لمكتب الامن والسلامة الي في الجامعة قسم الرجال

بس يسلمها بعدين انتي تستلمينها من مكتب الامن والسلامة قسم النساء

وتكووون في شنطتج كـــــــل يوم وماتنسينها

لأنه احيانا يفتشون عليها عند البوابة الرئيسية

:119:


طولت كثير ؟؟ ياللا معليه

لا عادي حبيبتي واي شي تحتاجينه انا موجودة

:119:

[¤§©¤ ريم ¤©§¤]

ياهلا فلاااور

وسمعت انه في اخر سنه ثانيه خصوصا لبنات التمريض تسجيل او تقديم في ارامكوا ..
ويش قصته ؟؟؟


اي نعم في تكملة دراسة تبع ارامكو

تفضلي هالرابط موضوع للأخت الهوجاس وفيه كل مايختص بارامكو

http://www.ckfu.org/vb/showthread.php?t=12483

اني اعني اللاب توب مو اللاب كوت نحتاجه لو لا؟؟؟؟


عفواً اختي ما انتبهت انها لاب توب :lllolll:

بالنسبة للاب توب السمستر الأول ماراح تحتاجينه

بس راح تحتاجينه في السمستر الثاني في مادة الأنفورمتك

واي سؤال ثاني تفضلي

:119:

[ايمو]

اهلا
مشكوووووووره حبيبتي

ريام >> ادلعك .. عارفه انك ريم هع

طيب واذا كلموني .. مابعرف اتكلم كلمتين على بعض ,, أسكت هههههههههههه

يعني متى أسويها .. الحين أو بعد الدراسه؟؟

يعطيك العافيه

[¤§©¤ ريم ¤©§¤]

لوووووووول احلى دلع

لا صدقيني بتتعودين على الكلام معاهم دربي نفسج

والبطاقة تسوينها حبيبتي بعد ماتبدأ الدراسة

واي سؤال تفضلي سئلي وانا بجاوبج

:119:

[flawar]

انتي خلصتي سنه اولى؟؟؟؟
والجوال لازم بدون كاميرا؟؟؟

[ايمو]

^_^

اسمع يقولون بنات مايلحقون في كتابة المحاضره ..؟؟

في محاضرات الكمستري والفيزكس واخلاقيات في التمريض والانجلش ؟؟ نكتفي بالكتب او نسجل كمان المحاضره ؟؟

اسمع ان فيه بنات الي بالتمريض مراحل متقدمه يعطون بنات الي بعدهم المحاضره وهم يعدلون فيها لأن مايلحقون ؟؟


؟؟

بنتعبك ويانا ..^_^

[¤§©¤ ريم ¤©§¤]

ياهلا فيكم

والجوال لازم بدون كاميرا؟؟؟

اي عزيزتي ممنوع جوالات بكاميرا

لازم الجوال بدون كاميرا

اسمع يقولون بنات مايلحقون في كتابة المحاضره ..؟؟

في محاضرات الكمستري والفيزكس واخلاقيات في التمريض والانجلش ؟؟ نكتفي بالكتب او نسجل كمان المحاضره ؟؟

اسمع ان فيه بنات الي بالتمريض مراحل متقدمه يعطون بنات الي بعدهم المحاضره وهم يعدلون فيها لأن مايلحقون ؟؟


؟؟

بنتعبك ويانا ..^_^



ياهلا حبيبتي بالنسبة لكتابة المحاضرات انا عن نفسي كنت ألحق

يعني عادي بس خليج وياها على الخط وكتبي وراها وخلاص بتقدرين

وبالنسبة للتسجيل بأدوات التسجيل ممنوع :no2:


وبالنسبة لمادة اخلاقيات التمريض

فأنتي بس راح تسمعين الشرح

وبعدين تشترين المحاضرة من الكوبي سنتر

بس لازم تكونين حريصة انه محاضراتج تكون كاملة اول بأول

واي سؤال ثاني تفضلوا

:119:

[ايمو]

طيب لو مثلا مالحقت على محاضره ؟؟؟


في محاضرات الكمستري والفيزكس والانجلش ؟؟ نكتفي بالكتب او نسجل كمان المحاضره ؟؟

اقصد تسجيل بالكتابه ؟؟؟

[¤§©¤ ريم ¤©§¤]

حبيبتي بالنسبة للكتابة في المحاضرة

في الفيزكس والكمستري لازم تكتبين

ويكون معاج الكتاب

بالنسبة للأنجلش يختلف من مادة لي مادة

يعني مادة الريدنغ الي تكون في كتاب الهويمن بدي والهلث اكيوبيشن هاذي بس الكتاب

والرايتنغ الكتاب وبعد تكتب لكم كم شغلة كتبوها

اللسننغ الكتاب وتكتبون فيه

والقرمر الكتاب وهم بعد اهيه تكتب الشرح على البورد

وتقدرين مثلاً تتعاونين مع زميلاتج في كتابة المحاضرات وراح تقدرين ان شاء الله


بتتعودين على الوضع

واي سؤال ثاني تفضلي

:119:

[flawar]

الله لا يحرمنا منك ي اريم ... غذبناش معانا....
انتي رايحه سنه ثانيه؟؟؟؟

[ايمو]

مشكووووووووره خيتي

ماقصرتي ويعطيك الف عافيه

ســـــلام

عموما اذا عندي شي مرح اتردد

[¤§©¤ ريم ¤©§¤]

الله لا يحرمنا منك ي اريم ... غذبناش معانا....
انتي رايحه سنه ثانيه؟؟؟؟



العفوو حبيبتي واي شي تحتاجونه انا في الخدمة

والسنة الجاية انا بكون في سنة ثانية :119:

مشكووووووووره خيتي

ماقصرتي ويعطيك الف عافيه

ســـــلام

عموما اذا عندي شي مرح اتردد


العفووو حبيبتي

واي شي تحتاجونه انا موجودة

:119:

[البدرالمضوي]

:d5:
جزاك الله خيرا
وكثر من أمثالك

[¤§©¤ ريم ¤©§¤]

الله يجزي الجميع الخير

ان شاء الله

:119:

[الليمونة الحلوه]

ربي يعطيك ألف عافيه

بصراحه بدونش كنا بنضيع ماقصرتي والله

الحين يعنووو هم بيقسموا الدفعه من قبل والا اذا تجمعنا بيقسمونا

قصدي هل بيكون عشوائي يعنووو بنتفرق انا وصاحباتي

كرهت هذي الحركه في المدارس

ومشكوووره من جد ريحتيينا..

[¤§©¤ ريم ¤©§¤]

ان شاء الله دوم الراحة

حبيبتي انا بقول لج الي سووه لنا

يوم الأثنين لمه رحنا الكلية

قالوا في ثلاث مجموعات a و b و c

وقالوا كل وحدة بنقول اسمها تقول اي قروب تبي

طبعاً صار فوضى وصار بنات يقولون مادري شنو وبنات مادري شنو يبون

قاموا قسمونا إلى مجموعتين

ونزلوا الأسماء واهيه غير قابله للتغير

يعني خلاص شي ثابت

بس مو مشكلة ترى المعامل الدفعة مقسمة فيها ثلاث مجموعات

علشان تكفي المعامل

فيعني لو صاحباتج ماكانوا معاج في قروب الكلاس

بيكونون معاج ان شاء الله في قروب اللابات

والله يوفقج

واي سؤال انا بالخدمة

:)

[الليمونة الحلوه]

ماهذا يا إلهي ؟؟

:Cry111:

حرااام اني اذا صرت بروحي احس نفسي هبله

ماني ماني

تشكرات ريم تعبتش معاي واذا طلع عندي سؤال برجع لش

دمتي في حفظ الرحمن

[¤§©¤ ريم ¤©§¤]

حبيبتي

ترى راح تعتادين على الوضع

وترى الجامعة مو مثل المدرسة

يعني النقل من قروب إلى قروب مايصير عندهم

وترى بتتعودين على الوضع

وبعدين لمه تمشين بالسنوات

مو شرط الي وياج بنفس الكلاس بمحاضرة

تكون وياج في محاضرة ثانية

وصدقيني بيكون الوضع عادي

واي سؤال تفضلي سئلي

:119:

[لمــــــــار]

اول شي

يعطيش ربي الف عافيه

والله اشياء كثيره ماكنت اعرفها

عن جد

ماقصرتي:119:

وماشالله عليكم

قلتو كل شي نحتاجه تقريبا
:d5::d5:

انا عندي استفسار بسيط

بالنسبه للاب توب

لو كان فيه كيمرا مزدوجه

تتوقعين عادي نستخدمه ولا ......

ولي عوده انشالله

تحياااااااااتي

[¤§©¤ ريم ¤©§¤]

ياهلا والله حبيبتي


الله يعافيج واحنا بالخدمة

بالنسبة للاب توب الي محتوي على كاميرا

فما في اي تفتيش يكون في الجامعة على هالسالفة

يعني كثار بنات يجيبون بس يغطون الكاميرا بلزقة عن الحلال والحرام لوووووول

بس لاتخافين نهائياً مافي تفتيش على اللاب توب او اي شي ثاني

واي سؤال تفضلي انا حاضرة

:119:

[أمنياَت طفلهــ]

يسلمووو الله يعطيكم العافيه ..
اسئله كنت جاهله عن اجوبتها ..
لاعدمناك ريوووما ..

ـأمنياَت طفلهـ ..

[¤§©¤ ريم ¤©§¤]

الله يسلمج حبيبتي

والله يعافيج

واي سؤال في بالج

سئلي ولج مني ان شاء الله الأجابة

وبالتوفيق

:119:

[أريج الورد]

امممممم مشكووورة و ما قصرتي

بس عندي طلب

يعني لو تعرفي طالبة تقدر تعطينا نفس المعلومات بس عن كلية العلوم الطبية التطبيقية

لأن للأسف ما اشوف احد يتكلم عن هالكلية

:s11:

[¤§©¤ ريم ¤©§¤]

ياهلا والله عزيزتي

للأسف ماعرف طالبات من كلية العلوم الطبية

ولو عندي معلومات كان افتقدج

بس كتبي اسئلتج في قسم الكلية

وان شاء الله بيردون عليج الطالبات

:119:

[أريج الورد]

مشكورة و ما قصرتي اختي ريم

بس للأسف يا ما و يا ما سألت

و لا أحد رد

عالعموم شكراً

[أريج الورد]

اممممممم طيب ...

إذا في أحد يقدر يفيدني

وين مبنى كلية العلوم الطبية ؟؟؟؟؟؟ :000:

[لمــــــــار]

هاااي عليكم

للمره الثانيه

انتو كنتو تتكلمو من قبل عن بطاقه للسواق مدري ايش

انا للحين مافهمت ويش سالفتها ذي

وهل هي ضروريه ولا لا ؟؟

ويعطيش العافيه خيتوو

تحيااااااتي

[إيلاف]

لمـــار ..

أنتو المفروض يكون عندكم بطاقتين ..

وحده بطاقة جامعية .. والثانية تصريح للسائق الي راح يوصلك للجامعه ..

طبعا بعد ماتداوموا ..

راح تعبوا استمارات وتسلموهم لمكتب الأمن ..

البطاقة الجامعية انتي تسلمي اوراقها مع صورة لك .. وبعد فترة تراجعيهم وتستلمي بطاقتك الجامعية ..

أما التصريح .. تعبي الأستمارة ويسلمها ولي أمرك مع صورة له وللسائق الى مكتب الأمن .. وانتي تراجعيهم بعد فترة وتستلميه ..

أتمنى أكون أفدتك .. :119:

[إيلاف]

اممممممم طيب ...

إذا في أحد يقدر يفيدني

وين مبنى كلية العلوم الطبية ؟؟؟؟؟؟ :000:

اهلين أريج الورد ..

الي أعرفه انو مبنى كلية العلوم الطبية يكون بقسم الأولاد ..

بس عادة ماتدواموا هناك في السنة الأولى ..

لأن طالبات العلوم الطبية في السنة الأولى ياخذوا محاضراتهم في مبنى اللغة الأنجليزية ومبنى الثقافة الأسلامية
ومبنى الطب القديم * أ *

وهاذي المباني كلها في نفس المكان الي قدمتوا فيه أوراقكم ..

هاذي المعلومات الي عندي ^_*

ان شاء الله تفيدك .. :119:

وبالتوفيق ..

[¤§©¤ ريم ¤©§¤]

لمار / إيلاف ماقصرت فديتها وجاوبت على سؤالج

اريج الورد / اعرف وحدة من طالبات كلية العلوم الطبية و مشتركة في الملتقى

خلال هاليومين ان شاء الله بقول لها

تدخل وتكتب موضوع في قسم الكلية

واحنا بالخدمة

:119:

[أريج الورد]

اهلين أريج الورد ..

الي أعرفه انو مبنى كلية العلوم الطبية يكون بقسم الأولاد ..

بس عادة ماتدواموا هناك في السنة الأولى ..

لأن طالبات العلوم الطبية في السنة الأولى ياخذوا محاضراتهم في مبنى اللغة الأنجليزية ومبنى الثقافة الأسلامية
ومبنى الطب القديم * أ *

وهاذي المباني كلها في نفس المكان الي قدمتوا فيه أوراقكم ..

هاذي المعلومات الي عندي ^_*

ان شاء الله تفيدك .. :119:

وبالتوفيق ..


مشكوورة و ما قصرتي اختي


قصدك بنفس المكان اللي هو المبنى الجديد ؟؟؟

و شكراً مرة ثانية :c8:

[أريج الورد]

لمار / إيلاف ماقصرت فديتها وجاوبت على سؤالج

اريج الورد / اعرف وحدة من طالبات كلية العلوم الطبية و مشتركة في الملتقى

خلال هاليومين ان شاء الله بقول لها

تدخل وتكتب موضوع في قسم الكلية

واحنا بالخدمة

:119:

مشكووورة و ما قصرتي اختي

و الله يوفقك يا رب

ان شاء الله ما يطول الموضوع

لأن نبغى نتطمن شوي :no2:

شكراً :119:

[¤§©¤ ريم ¤©§¤]

الي تقصده إيلاف مبنى الطب القديم

مو الجديد

اهوا بالقرب من قاعة المحاضرات العامة

على العموم اول يوم بسووون لكم جولة وبتشوووفونه

:)

[Touch of Pink]

يعطيك العافيه ..

موضوع جد مفيد..

[¤§©¤ ريم ¤©§¤]

الله يعافيج حبيبتي

وانا بالخدمة

:119:

[ابتسام عمر]

الله يعافيج

[¤§©¤ ريم ¤©§¤]

تسلمين اختي على المرور

وانا بالخدمة

:)

[أريج الورد]

امممممممممم

أختي ... راح ازعجك شوي ...

بس متى راح ينزل نفس الموضوع بس لبنات العلوم الطبية ؟؟؟

بالانتظار :c8:

[¤§©¤ ريم ¤©§¤]

ياهلا والله فيج حبيبتي

لا ازعاج ولاشي

بس للأسف البنت الوحيدة الي اعرفها من كلية العلوم الطبية

اعرفها في الماسنجر بس ولحد الحين ماشبكت ولا اشوفها تدخل

وانا قاعدة احاول اوصل لها

صدقيني لو عندي اي معلومات كنت افدتج بس عطيني فرصة يمكن اقدر اوصل لها

وانا بالخدمة

:119:

[الليمونة الحلوه]

مرحبا

يعطيكم العافيه ..

ريم لو سمحتي بس بغيت اسال عن تأكيد التسجيل .. وش سالفتها ؟؟


مشكووووره ويعطيج العافيه ..

[¤§©¤ ريم ¤©§¤]

حبيبتي بالنسبة لتأكيد التسجيل

هذا يختص لسنة ثانية فما فوق

يعني لا تشيلون هم هذا مو لكم لاحقين عليه

واي سؤال ثاني انا بالخدمة

:119:

[أنوار الكوثر]

عندي سؤال عن السكن هل فيه سكن في الجامعه وهل فيه احد منكم ساكن فيه وبكم ؟؟؟؟
والسؤال الثاني عن المكااااافئه يقولون ما يعطون اياها الى في السمستر الثاني صحيح ؟

[¤§©¤ ريم ¤©§¤]

ياهلا والله انوار الكوثر

عندي سؤال عن السكن هل فيه سكن في الجامعه وهل فيه احد منكم ساكن فيه وبكم ؟؟؟؟
والسؤال الثاني عن المكااااافئه يقولون ما يعطون اياها الى في السمستر الثاني صحيح ؟



بالنسبة للسؤال الأول في سكن جامعي بالقرب من الجامعة

وطبعاً مجاني بس تقدمين فيه اوراقج وتنتظرين لمه يطلع لج مكان

انا السنة الي راحت قدمت ولا طلع لي الا السنة

وبالنسبة للمكافأة فأهي شهرية تستلمينها من بداية السمستر الأول

كل شهر ..

واي سؤال ثاني انا موجودة

:119:

[شرقاوية موووت]

تسلمين ياقلبي


والله يعطيكي العافيه على هالمجهوود

[¤§©¤ ريم ¤©§¤]

الله يعافيج

:119:

[Touch of Pink]

عندي سؤال مهم

شنو نظام اوقات الاختبارات بكلية التمريض ؟؟

يعني في اوقات محدد معروفه وثابته على طول السمستر او على حسب الدكتوره متى ماتحدد تحدد؟؟

[الهوجاس]

عندي سؤال مهم

شنو نظام اوقات الاختبارات بكلية التمريض ؟؟

يعني في اوقات محدد معروفه وثابته على طول السمستر او على حسب الدكتوره متى ماتحدد تحدد؟؟

ياهلا والله
:bgs15:
وقت الامتحان خلال السنتين اللي راحوا

كان كل اسبوع يوم السبت من 8 الى 9

:049:

الكليه تحدد وقت الامتحانات

ممكن يكون ميد اختبار واحد منتصف السمستر + الفاينل

او يكون اكثر من اختبار بالعاده يكون اختبارين + الفاينل
:mh515:
هذا يشمل كل المواد ما عدا اللغه الانجليزيه

يكون كويزات اسبوعيا لكل ماده رايتينغ ريدينغ ليسنينغ غرامر

بالاضافه الى الفاينل اخر السمستر
:spying2:
وبالنسبه للفاينل الوقت محدد

وتلقينه هنا

http://www.kfu.edu.sa/Registration/time1_1.asp
:D
بدايه الاختبارات النهايه للفصل الاول

يوم السبت 12/2/1430
الموافق 7-2-2009


بالنسبه للوقت المحدد يوم السبت من 8 الى 9

اذا ما كان في امتحان ما راح يكون فيه شي
:hahaha_2008:
يعني اول محاضره راح تكون 9

واي استفسار انا بالخدمه

:sunglasses2:

[الهوجاس]

الله يعطيك العافيه يا ريم ع المجهود المتعوب عليه

الف شكر لك

:119:

ونصيحه مني لدفعه 2009

شدوا حيلكم من اول يوم

مثل ما يقول المثل لا تاجل عمل اليوم الى الغد

وابعدوا عن اصدقاء السوء والي تقول لك

خل نطنش المحاضره لا تسمعي لها

كل المحاضرات مهمه وحضورك للمحاضره في مصلحتك

مواد سنه اول سهله اجتهدوا

ولا تنسون ترى فيه مكافئات تفوق

المعدل اذا نزل ما راح يرتفع الا بالموت

المعدل اذا نزل راح يقطع عنك المكافئات

كل ماده بسنه اولى مواد اساسيه

تتعلق بمواد غيرها بسنه ثانيه

وحطوا في بالكم انكم اذا حملتوا ماده

راح تتاخرون بالتخرج

فشدوا حيلكم من البدايه

:g8:

وبالتوفيق

[Touch of Pink]

مشكوره حبيبتي الهوجاس..:g8:

يعني افهم ان غالبا يكون في اختبار واحد في الاسبوع الي اهو يوم السبت

ولا اكثر من اختبار واحد في الاسبوع؟ :g2:

ويعطيك العافيه على النصايح الحلوه كثري منها حتى نستفيد :oao:

[إيلاف]

Touch of Pink

على حسب ممكن تصير عندكم اختبار واحد في الأسبوع ..

وممكن احيانا اكثر من واحد .. وممكن مافيه ..

يوم السبت من 8 الى 9 .. هاذي ساعة اختبار ثابته كل اسبوع ..

بعض المواد تختبروهم في هاذي الساعه .. وبعضهم في وقت الكلاسات مثل كوزات الأنجليزي ..

لا تخافي كثير .. راح تتعودوا ع الوضع ان شاء الله ..

بالتوفيق .. :119:

[¤§©¤ ريم ¤©§¤]

ايلاف والهوجاس فادوج حبيبتي

واي سؤال احنا موجودين

:)

[Touch of Pink]

شوووكراً للجميع ..:cheese:

[NJoOoD]

:119: شكرا لريم على الموضوع الحلو وهم الاساله الحلوه من البنات بس بشويش علينا يامشرفات :Cry111: خوفتوني من الدراسه وصرت اتخيلها صعبه ترى انا على فكره ماعندي مشكله بلانجليزي يعني اقدر اقول حلوه :g11: وقاعده اقويها من الحين هههههههههههههههههه صرت اشيل اثقال يعني :mh35: مشكورين حبيباتي وانشاء الله التقي فيكم وبالتوفيق للجميع

[¤§©¤ ريم ¤©§¤]

لا حبيبتي لاتخافين ولا شي

ترى سنة اولى سهلة وحلوة

بس لازم تشدين على روحج شوية من البداية

ولا تهملين حضور اي محاضرة

لأنه لو شردتي من محاضرة بعدين وقت الكوزات والفاينل بتحسين بقيمتها

فلاتشيلين هم بس ذاكري اول بأول وماكو الا كل خير

:)

[غرورالورد]

مشكورة اختي على الجهود:119:

[¤§©¤ ريم ¤©§¤]

العفو ولو

واحنا في الخدمة

:)

[bright smile]

.... السلام عليكمـ ورحمة الله وبركاته ...

اختي ريم اشكر لكِ جهودكِ

انا انقبلت تمريض في فيصل الدمام
شفت في هذا الموضوع كاتبه
ولاتنسون تفصلون لكم لاب كوت أبيض للمعامل الفيزيا والكيميا لأنه الي ماتلبس لاب كوت تتنقص درجات ..


ابي استفسر هل في موديل معين للاب كوت ولا اي موديل؟!!

وجزاك الله خير

...وربي يوفقك ويوفقنا جميعا
يارب..

[Nada..^_^..]

عزيزتي bright smile الف مبروك على القبول والله يوفقك ان شاء الله
بنسبه لسؤالك عن الابكوت ..مافيه موديل معين اي موديل .. اهم شي ابيض :cheese:
وان شاء الله نشوفك نيرس تتجولي بلابكوت الابيض :119:

ومشكورة خيه ريم على الموضوع ..افدتي الطالبات الجدد :119:

[¤§©¤ ريم ¤©§¤]

الله يعطيج الف عافية ندوووش على الأجابة

والعفو حياتي ونوورتي الصفحة

:119:

[bright smile]

مشكووره اختي ندى على الرد..


والله يوفقنا جميعا ياااااااارب:praying:

[¤§©¤ ريم ¤©§¤]

اي سؤال ثاني تفضلي حبيبتي

:)

[bright smile]

شكراا ريم ..
ماعندي الحين اي سؤال

بس اي استفسار عندي ما راح اتردد



ومشكووووره ع المجهود الرائع..:d5::d5:

[¤§©¤ ريم ¤©§¤]

العفووو حبيبتي

وانا في الخدمة

:119:

[نور اليقين]

:s11:مشكورة وايد اختي وعندي سؤال انا من الحسا وابي اعرف با النسبه لسكن بكم في الشهر

[نور اليقين]

اختي لو سمحتي ممكن تقولين لي ايش هو لون البالطو في كليةالتمريض في جامعة الملك فيصل ضرووووووري الحين :lllolll:محتاجه:c8:

[¤§©¤ ريم ¤©§¤]

اختي نور اليقين

نفس حالتي من الحسااا

طبعاً السكن في سكن الطالبات الجامعي

وهذا على حساب الحكومة طبعاً ماتدفعين شي

بس لازم تقدمين اوراقج عند عمادة شؤون الطالبات في الجامعة

والأوراق عبارة عن : صورة من بطاقة العائلة

و طلب من ولي امرج وموافقته على التحاقج بالسكن

و اثبات من عمدة الأحساء موثق بشهود أنج من سكان الأحساء

قدمي اوراقج عند رباب عبدالهادي مسؤولة السكن

وانتظري لمه يطلع لج

يعني لازم تتعبين شوية وتروحين وتجين على ما يطلع لج سكن

وباالنسبة للون اللاب كوت فأهو ابيض

وبالتوفيق

:119:

[aqool]

مشكوووووره اختي الصراحه استفدت اكثير من الموضوع لأن أنا طالبه مستجده:119::119::119::119::119:

[¤§©¤ ريم ¤©§¤]

العفوو حبيبتي

ولو عندج اي سؤال

او اي شي تحسينه غامض ومو مفهوم

قوليلي وانا في الخدمة

:)

[انس الوجود]

انا حبيت اسأل متى بينزلوا لنا النتايج الباقيه عالبنر؟
لاني ابغى اطمن على الكيمياء بالذات.:mh08:

[noni]

ياهـ الكيمياا كاابوووس..اشوه افتكيت منه...:000:

[شرقاوية..??]

يسلموووووووووووو ياعسل مجهود راااااااااائع الله يوفقك

[noni]

احد عندهـ اي سؤال..:119:

[nazo0]

اول شي مثل ما انتوا عارفين طبعاً سويتوا الفحص الطبي وسلمتوا اوراقكم وكل هاذي الأمور ...
في ورقة عطوكم اياها المستشفى وسلمتوها للجامعة الي بدورها صورتها وخذت الأصل وعطتكم الصورة صح؟؟

في شغلة من فوق في الورقة مكتوب رقم الطالب ..
وهو رقم مكون من تسعة ارقام مبتدأة بـ 2090

الفحص الطبي سويناة في المستشفى وقالوا لينا ان احنا الي بنسلمه للجامعة واذا في اي شي احنا بنتصل

يعني ما عطونا ورقة مصوره ولا شي

[noni]

مافهمت..انتي تسألين ولا تعطين معلومه :000:

[nazo0]

^

^

^

خخخخ اسأل يعني ما عطونا رقم جامعي من وين نحصلة؟

[noni]

هههههههههه رقم الطالب نفسه الرقم الجامعي..

اللي يبتدي بـ 2090 وهذا الرقم راح يكون اسمك الثاني....

ومنه بتدخلين البانر....ومنه بينعرف اسمك ...

اذا تبين الصراحه..اناا حافظته اكثر من اسمي...:119:

[هيبة طاووس]

طيب انا قالولي المستشفى ان الجامعه هي بتاخذ النتيجه ولا عطوني شي ليكون فيه شي مهم ما سويته ولا رحت للجامعه:bawling:

[nazo0]

طيب انا قالولي المستشفى ان الجامعه هي بتاخذ النتيجه ولا عطوني شي ليكون فيه شي مهم ما سويته ولا رحت للجامعه:bawling:


ولا اني صراحة ما اخدت شي من المستشفى

هم قالوا الينا خلاص :cheese:

[noni]

هههههههههههههههههه..

انااا اذكر اني اخذت ورقه ولا استفدت منهااا...

ماعليك ان شاا الله سهاله...

وانتي اصلااا لماا تروحين مبني التمريض اكيييد راح فيه

ورقه مكتوب فيهاا كل اسمااء البنات وجنب كل اسم الرقم الاكاديمي حقهاا اللي هوو

نفسه رقم الطالب واللي هو نفسه الرقم الجامعي...:cheese:

لاتحاتين حبيبتي..انتي دامك سلمتي الاوراق الرسميه معناتك مقبوله عندهم..

انااا اعرف وحده حتى المستشفى حق التحاليل مااراحت..بس سو لهاا سالفه...بس هكو هي معناا..

يعني عااادي....لاتخافين :t1:

[هيبة طاووس]

شكرا noni ريحتيني الله يريحك دنيا واخره:praying:

[noni]

بناات موضوعي اللي كتبته وينــه..شسالفه احد حـــذفه :t1:

[faugh]

:praying: مشكوووووووووووووووووووووورين وايد لأن استفدت كثيرررررررررررررررررررر

[نيو نيرس]

نووني انا مثلك حطييت موضوع من قبل وانحذف
وسآلت الادارة يقولون كاانوو يسووون تعديلات
فالظااهر حتى انتي موضوعك انحذف مع موضوعي ومشاركاتي
دمتي بخير

[noni]

امااا جد احذفوه..:011:

قهر تعبت عليه :017:

[نيو نيرس]

لآتنقهرري ولا شي
اناا حذفوو حتى عضويتي وسسجلتهاا بهاا نفسسه وكانت عندي 50 مشآآركة رجعت الى الصفرر والحين بدآت من جديد
يلا ماعلييش خلييهم عشان يطورونه لناا

[faugh]

عندي سؤااااااال ..#

ألحين في سنة ثانية بنروح المسشتفى ؟ ولا؟ وش راح نسوي ؟

:mh19:

[noni]

هلا حبيبتي ايه بنروح المستشفى لكن بشكل مكثف بالفصل الدراسي الثاني :119:

[أجمل أنسانه]

:g2:

الحين متى الدوام 11/10 ولا 14/10 مثل ماهو مكتووب بموقع جامعه فيصل .؟

[StayAlive]

:g2:

الحين متى الدوام 11/10 ولا 14/10 مثل ماهو مكتووب بموقع جامعه فيصل .؟

تاريخ 11/10 نروح عشان تأكيد التخصص او شي كدا :064:

وتبدأ الدراسه تاريخ 14/10

[أجمل أنسانه]

:o3:

اجل اهلي بيناموون وانا الوحيده اللي بداوم :017:

<<<<سودانيه

[bright smile]

نوووني ..

سؤال عبيط شويه ..

الترم الاول كم يوم نروح المستشفى ؟؟!!!

سؤال محيرني ..

ان شاء الله عندك اجابه له ..

[noni]

حبيبتي اذا انتي بسنه اولى ماراح تطبين المستشفى ابــــــــــــــــــــــــــــد

احناا رحناا مره بس عشان ماده اسمهاا تقنينه معلومات الماده هذي مفروض تاخذونهاا

الترم الثاني لكن اسمعهم بيخلونهاا من الترم الاول....ولماا رحناا كناا بنمووت نبي ندخل المستشفى

لكن مادخلنااا :011:

دخلناا قاعه وجاناا دكتور جراحه عطانا محاضره عن كيف تدخلين بيانات المريض واشيا زي كذا...

بس بااص وروحه ورده انبسطنااا :hahahahahah:

اماا سنه ثانيه...اللي سمعته انوو بنروح ع الترم الثاني بس كم يوم مقدر احدد لك...

راح يختلف من اسبوع الى اسبوع يعني الشغله مو نظاميه عشان اقولك مرتين بالاسبوع...

يختلف .... اتوقع فهمتيني :119:

[shegon]

يعطيكم العافية على كل مجهود مثابين :119::119:

[noni]

<<< دووبه تمنيتك تسألين :hahahahahah:

[shegon]

تسلموون بس عندي سؤال
انا سمعت ان المكافئ ماتتلمها الطالبة المتجدة الا بعد شهرين
وبالنسبة لبطاقة السايق لو طالبة من اللي معاي في الميكروباص طلعت بطاقة لسايق انا بعد لازم اطلع له بطاقة بعد ؟
من وين نشتري الاب كوت ؟
اسفة بس ثقلت عليكم اتحملوني
:c8:

[noni]

تسلموون بس عندي سؤال
انا سمعت ان المكافئ ماتتلمها الطالبة المتجدة الا بعد شهرين
وبالنسبة لبطاقة السايق لو طالبة من اللي معاي في الميكروباص طلعت بطاقة لسايق انا بعد لازم اطلع له بطاقة بعد ؟
من وين نشتري الاب كوت ؟
اسفة بس ثقلت عليكم اتحملوني
:c8:

لا بالعكس اشوه سألتي...

حبيبتي الللي سمعتيه صج المكافأه بعد شهرين اذا مو بعد ثلاثه بعد...

واذا ع البطاقه هذي صراحه اناا ماطلعتهاا وبنات كثيير ماهتمو لهاا...

بس طبعاا ماعليك مني انتي طلعيهااا :119:

واذا ع الاب كوت اناا فصلته....وتقدرين تشترينه من اي مكان...فصلي افضل :119:

واذا عندك اي سؤال لاتترددين....بس بجاوب عليك بكره..لانوو بناام...

تصبحو على خير بنات...

[bright smile]

حبيبتي اذا انتي بسنه اولى ماراح تطبين المستشفى ابــــــــــــــــــــــــــــد

احناا رحناا مره بس عشان ماده اسمهاا تقنينه معلومات الماده هذي مفروض تاخذونهاا

الترم الثاني لكن اسمعهم بيخلونهاا من الترم الاول....ولماا رحناا كناا بنمووت نبي ندخل المستشفى

لكن مادخلنااا :011:

دخلناا قاعه وجاناا دكتور جراحه عطانا محاضره عن كيف تدخلين بيانات المريض واشيا زي كذا...

بس بااص وروحه ورده انبسطنااا :hahahahahah:

اماا سنه ثانيه...اللي سمعته انوو بنروح ع الترم الثاني بس كم يوم مقدر احدد لك...

راح يختلف من اسبوع الى اسبوع يعني الشغله مو نظاميه عشان اقولك مرتين بالاسبوع...

يختلف .... اتوقع فهمتيني :119:

هلا نوني ..

حبيبتي انا معاج سنه ثانيه :hahahahahah:

اممممم ..

مشكوره ..

بس كنت انا ابي اتأكد عشان اقول للسواق اللي باخذه ..

عالعموم ربي يعطيك الف عافيه ..

[noni]

<<<< العفو :119:

[shegon]

يعطيك العافية

[فرقاه موتي]

يسلمو مشرفة ريم ان استفدت واجد من موضوعش
بس خايفة من الانغلش لانك حتى وانتي تتكلميني احيانا انجليزي ماافهمك
انا مشكلتي ماعندي مخزون كلمات يعني مستوي بالانغلش حده مبتدئ
واحين احاول قوي نفسي في اللغة من خلال بعض المواقع بس توني ابتدي لاني ماكنت حاطه في بالي لاتمريض ولا طب فامانتبهت على سالفة اللغة من بداية الاجازة ولا كان اللحين مشى الحال
فوش تعتقدي بفهم بالكلاس ولا بفهي

[noni]

<<< لاتحاتين انتي ادرسي الكلمات اللي تاخذينهاا اول بأول...

وان شاا الله بتمشين... :119:

[فرقاه موتي]

يسلمو noni ريحتيني

[هيبة طاووس]

بنات انا الجامعه كتبولي بصفحة القبول انه الدوام بتاريخ 14\10 وانتو تقولون 11\10 متى اروح خربطتوني:000:

[noni]

<<< مدري :t1:

[فرقاه موتي]

انا وحدة مامرة سمعت انه 11/10
اللي اعرفها 14
حتى بصفحة القبول عندي 14 شوال

[نيو نيرس]

مممم انا بعد صفحة قبوولي 14
يعني اكييد 14 لانه اصلا بداية الدوام الاصلي 14
فاانا بروح ع هالتاريخ لانو اكييد اهو اللي صح هع

[noni]

الا انتوو تداومون معنااا....منوو قال انكم تداومون قبل...

اناا اذكر اني داومت مع الكل......لا تقعدون توسوسون...:hahahahahah:

[هيبة طاووس]

يعني خلاص 14\10 ان شاء الله نداوم بس noni بتداوم 21\10 لانها سنه ثانيه:119:

[noni]

ليييييييييه بعد لا لااا اناا بداوم معكم... :hahahahahah:

[هيبة طاووس]

ايه عادي تعالي تدلينا على الاماكن<<<<<<< الي يسمع بيقول مرشده سياحيه:hahahahahah:

[noni]

كلناا بنداوم معكم...واكييد بنتعاون معكم لاتحاتين :119:

[ملآك الرووح ~»]

مرحباااا

مشكورهـ ع المجهود اختي < كانت استفهامات فوق راسي ووضحتيهاا
بس عندي سؤال

اللي يبتدي بـ 2090 وهذا الرقم راح يكون اسمك الثاني....

وين الااااقي هذا الرقم ؟.

وسؤال تاني

ولاتنسون تفصلون لكم لاب كوت أبيض للمعامل الفيزيا والكيميا لأنه الي ماتلبس لاب كوت تتنقص درجات ..


هل نحتاجهـ بالسنة الأولى ؟؟ يعني لازم افصل من الحين ؟

ومشكورهـ غناتي

[bright smile]

الرقم الجامعي اللي يبتدي ب209 .. موجود بورقة الفحص الطبي ..

واذا ماعندك بتلاقيه موجود مع اسمك اول يوم بالجامعه ..

بس ع فكره يمكن انتوا مايبتدي ب209 لأنكم دفعة 2010 ..

احنا 209 لأن كنا دفعة 2009 :)

ووالاب كوت ايه راح تحتاجيه سنه اولى بلاب الكيميا والفيزيا بالترم الاول .. والاحيا والانفورمتكس بالترم الثاني


* انفورمتكس = مقدمه في تقنية المعلومات ..


وبالتوفيق ..

[noni]

<< مشكوره ميدوو ع التوضيح :hahahahahah:

[ملآك الرووح ~»]

bright smile << يابعد عمري مشكورهـ جدن جدن ماننحرم منك ياااارب

[فرقاه موتي]

احنا الرقم الجامعي يبدى 210

[bright smile]

<< مشكوره ميدوو ع التوضيح :hahahahahah:

العفووو كلينكس :hahahahahah:

:119:

[bright smile]

bright smile << يابعد عمري مشكورهـ جدن جدن ماننحرم منك ياااارب

يا بعد عووومررري إنتي ..:cheese:

العفوو ولووو ..

دعواتي لكم بالتوفيق ..:praying:

[وردهـ ذبلانهـ]

السلام عليكم

ممكن سؤال وياليت تردون علي بسرعه
:sdfgdsf:

انا مستجده وبالنسبة للجدول هو يعملونه لنا ولا حنا اللي نسويه ؟!

واذا حنا نعمله كيف ؟

الرقم الاكاديمي هو نفسه الرقم التسلسلي طيب والرقم السري كيف نجيبه ؟

ومتى اخر موعد لتاكيد الجداول

وضروري نحضر الاسبوع هذا الكليه الجامعه ولا كيف ؟

وسؤال اخير موقع كلية التمريض وين بالظبط في الجامعه ؟



وجزاكم الله خير

[إيلاف]

السلام عليكم

ممكن سؤال وياليت تردون علي بسرعه
:sdfgdsf:

انا مستجده وبالنسبة للجدول هو يعملونه لنا ولا حنا اللي نسويه ؟!

واذا حنا نعمله كيف ؟

الرقم الاكاديمي هو نفسه الرقم التسلسلي طيب والرقم السري كيف نجيبه ؟

ومتى اخر موعد لتاكيد الجداول

وضروري نحضر الاسبوع هذا الكليه الجامعه ولا كيف ؟

وسؤال اخير موقع كلية التمريض وين بالظبط في الجامعه ؟



وجزاكم الله خير

الجداول راح ينزلونها لكم في الأسبوع الأول من الدراسة جاهزة على حسب القروب الي راح تكوني فيه ..
وراح يعلموكم كيف تسجلونها في البنر ..
أما تأكيد التسجيل .. هذا يخص طالبات السنوات الثانية مو المستجدات ..

اي ضروري تحضري الأسبوع الأول علشان تعرفي كل شي وماتضيعي بعدين ..
لأن بيعرفوكم ع الجامعه وكيف تسجلون المواد ويوزعوكم قروبات .. وبعض المواد راح يدرسونكم الأسبوع الأول ..

بالتوفييق :119:

[noni]

السلام عليكم

ممكن سؤال وياليت تردون علي بسرعه
:sdfgdsf:

انا مستجده وبالنسبة للجدول هو يعملونه لنا ولا حنا اللي نسويه ؟!

واذا حنا نعمله كيف ؟

الرقم الاكاديمي هو نفسه الرقم التسلسلي طيب والرقم السري كيف نجيبه ؟

ومتى اخر موعد لتاكيد الجداول

وضروري نحضر الاسبوع هذا الكليه الجامعه ولا كيف ؟

وسؤال اخير موقع كلية التمريض وين بالظبط في الجامعه ؟



وجزاكم الله خير

هلا حبيبتي...الاسبوع اول طبعاا مهم...قولي اول يوم اذا عندك ظروف لاتجين...

بس اذا ماعندك ضروري تروحين تسمعين كلام البنات اللي متخرجين طريقه المذاكره..

وكيف تقسمي وقتك...مهم جداا بتستفيدين كثيير...

اماا المواد وتسجيلهاا هذاا كله بتتعلمينه بأول اسبوع...ولازم تحضرين وتركزين زين بعد :000:

والرقم الجامعي نفسه التسلسلي اماا الرقم السري هذاا راح تعرفينه اذا علمتكم الدكتوره

كيف تسجيل المواد...يعني بدري ع الرقم السري...بس طبعاا الرقم اللي بتحطينه رقم سري

ضروري جداا ماتنسينه لان منه بتدخلين البانر وتعرفين نتايجك...كل الكلام هذا بتشرحه لكم

دكتور بكل التفااصيل.....فـ اناا اسكت افضل :t1:

اماا الجدول مثل ماقالت لك بيعلقونه لكم ...لاتحاتينه...

اماا موقع الكليه ارجع اقول...جنب مبنى الاسلاميك ( قدامه راح يكون جوفريز )

ومقابل مبنى السكرتاريه الطبيه ( عاد المبنى هذاا قدامه لوحه كبيره مكتوب عليه مبنى

السكرتاريه الطبيه ) ...

وانتي اذا حسيتي انك ضعتي اسألي عاااادي محد بيستغرب جيتك وسؤالك وصدقيني

اول يوم البنات متعااونين جــــــــــــــــداا .... بالتوفيق حبايبي :119:

[كَلي شمـوخـ]

ايلاف ونوني ..~

مشكورين والله يعطيكم العافيه ما قصرتوا

تر انا كنت داخله بعضوية بنت عمتو انذر فيس والحين سجلتي << قولي قسم

بس عندي سؤال ثاني << طمعت

بالنسبه للسكن صحيح مثل ما قرأت انو بس نجيب ورقه من العميد ويدخلوني

ياليت تفيدوني بالموضوع او اذا كنتوا تعرفون سكن خاص لكن ثقه

والله يعطيكم العافيه

[bright smile]

هذي المشاركه منقوله من كتابتها (ساعة زمن )

طبعاً سكن الطالبات خاص بالجامعة ويبعد عن الجامعة مسافة خمس دقايق بالسيارة

لازم تقدمين طلب للألتحاق بالسكن هاذي الفترة

لازم تجيبين الاوراق التالية :

1/ صورة من بطاقة العائلة .
2/ خطاب من ولي الأمر يطلب فيه التحاقك بالسكن الجامعي .
3/ ورقة من عمدة المنطقة الي انتي ساكنة فيها يثبت انج من سكان هذه المنطقة .
4/ ورقة تثبت قبولكِ في كلية التمريض بالجامعة .

تروحين مبنى 56 وتروحين مكتب استاذة ابتسام

وتقدمين لها الاوراق وان شاء الله فالج طيب



ان شاء الله رد البنت يفيدك ..

[كَلي شمـوخـ]

4/ ورقة تثبت قبولكِ في كلية التمريض بالجامعة .

هذي من وين اجيبها ؟
تنفع ورقه البريد الممتاز المختومه ولا ؟

والله يعطيك العافيه

[bright smile]

مدري اذا تنفع او لا ..

بس انتي روحي اول يوم لعمادة القبول والتسجيل بمبنى كلية الطب واسأليهم ..

وثاني يوم كملي اوراقك ووديهم لمنسقة السكن وان شاء الله خير ..

[كَلي شمـوخـ]

مشكورة يآ قلبي تعبتك معي

والله يجزاك خير :love080:

[المنتظرة]

هاي يعطيكم العافية عندي سؤال شو هي البطاقة الجامعية؟؟؟؟؟؟؟؟؟؟؟؟؟:sdfgdsf:

[bright smile]

مشكورة يآ قلبي تعبتك معي

والله يجزاك خير :love080:

العفوو ولو ماسويت الا الواجب ..

تسلمين حبيبتي ..

[bright smile]

هاي يعطيكم العافية عندي سؤال شو هي البطاقة الجامعية؟؟؟؟؟؟؟؟؟؟؟؟؟:sdfgdsf:

الله يعافيك ..

بطاقة الجامعه هي بمثابة هويتك في الجامعه ...
طبعا بتسوونها اول اسبوع وراح يعرفونها لكم في حفل المستجدات ..

[الفتى الطائر]

بارك اللهفيكم جميعا



( اخوكم الفتى الطائر )
( مصر )

[كاجو]

مشكوووووووووووره

[مبسوط]

جزاكم الله الف خير