تسجيل الدخول

مشاهدة النسخة كاملة : جميع الطلاب والله محتار تكفووون نصائحكم يا طلاب جامعة الامير محمد بن فهد

High Position
2011- 4- 25, 06:27 PM
السلام عليكم ورحمة الله وبركاته ؟؟ زي ما تشوفون في العنوان محتار من جد الله يرضى ويوفق الي بيريحني .. ويجاوب على الاسئله ؟

في البدايه انا طموووح جداا جداا يعني يمكن تقروو اشياء شوي غريبه ؟؟

الاسئله بالترتيب التالي :

1- انا موظف شركة ارامكو وادرس بجامعة عبدالعزيز وخلصت سنه ونص يعني معدل 47ساعه وتخصصي ادارة اعمال ويمكن احول قانون .. المهم في الموضوع اني ابي ادرس بجامعة الامير محمد بن فهد لانه بصراحه مع احترامي لعبدالعزيز ماتجي طموحي ومعدلي جدا مرتفع انا راح اكمل بالقانون ويكون لي تخصص ثانوي .

2 - الحين جامعة الامير محمد بن فهد القبول والتسجيل : انا خلصت الثانوي (أدبي) وشو التخصصات الي متاحه لي مع العلم لغتي الانجليزيه ممتازه وانا بخاطري ادارة اعمال ؟ هل سوف يتم قبولي .؟

3- هل سوف تعادل لي المواد الي اخذتها بجامعة عبدالعزيز اولا ؟

4- انا طبعا راح ادرس بارت تايم ؟؟ ماهي التخصصات المتاحه لطلاب ( الادبي)

سؤال اخير واسف ع الاطاله ,, انا افكر اني اخلص توفل في الشهرين القادمه لاني عرفت ان الجامعه اذا جبت توفل تعفى من دراسة السنه التحضيريه ؟؟ او اذا اجتزت اختبار القبول الي بالانجلش وجبت درجه زينه اعفى من السنه التحضيريه ؟

اخيراا >> كم مرا تقوول اخيراا لا بس من جد اخيررااا ؟؟ طريقة البعثات الداخليه انا سبق وجاني قبول بعثه خارجيه قبل ثلاث سنوات لكن ظروف وماتمت الحمدلله معدلي الثانوي جدا عالي ؟؟ ماهي شروط البعثات الداخليه في جامعة الامير محمد بن فهد وعلى اي اساس ؟؟ اذا ممكن اعرف كم الرسوم الي بتكلفني الى ماتجيني البعثه الداخليه

تكفووون ابي ردوود تنير الموضوع لي لانه والله شاغل تفكيري حتى النوم مايهنا لي ومافي مانع اذا احد يبي يرسلي خاص اذا مافيه حيل اكتب وانا اتصل عليه واخذ المعلومات الكامله

والله يوفقكم دنيا واخره
MBD3
2011- 4- 27, 12:58 AM
السلام عليكم

أول اشي احب أقوله الله يوفقك وتوصل لطموحك وتوصل لأعلى المراتب

الحين نجي للأسئلة ( انا راح اجوابك باللي أعرفه وان شاء الله افيدك )

بالنسبة لللقبول, الجامعة تقبل (العلمي, الأدبي) طبعا كل التخصصات مفتوحة للعلمي وللأدبي, يعني اختار التخصص اللي تبيه.

بالنسبة للمعادلة, الجامعة أكيد راح تعادل لك الساعات اللي انت مخلصها ( لكن كيف يحسبون المعادلة, ماعندي فكرة, لاكن اكيد راح يعادلون لك )

وبالنسبة للتوفل اذا تبي تاخذه عادي براحتك ( هو مش ضروري ) لان الجامعة راح تعطيك اختبار English بسيط وسهل, اذا كانت اللغة عندك تمام, ما أتوقع انك تحتاج التوفل عشان تعدي التحضيرية

البعثة الداخلية, فيه طريقتين للتقديم, الطريقة الأولى الي هي شهادة الثانوية واختبار القياس ( اظن المطلوب اعلى من 66, بس مش متأكد)

الطريقة الثانية, لازم تكون مخلص على الأقل 12 ساعة والمعدل فوق 2.0

رسوم الجامعة, 55 ألف بالسنة

وأذا أخذت المنحة راح يخصمون لك 40 ألف, (طبعا على حسب التخصص مثل الهندسة والكمبيوتر وتخصصات ثانية الخصم يكون 40 ألف بس المحاسبة اظن يخصمون 25 او 30 ألف بس << ما ادري ليه )

ان شاء الله اكون افدتك

الله يوفقك و ييسر أمرك

:)
High Position
2011- 4- 27, 03:11 PM
شكرا الله يوفقك ممكن ترسلي ايميلك رساله خاصه لاني ما اقدر ارسل رساله خاصه لاني ما تعديت 100 رساله

بليز ضروري
MBD3
2011- 4- 30, 01:57 PM
معليش تأخرت عليك بالرد, كنت مشغول شوي

بس حتى انا ما اقدر ارسل رساله خاصة

:(
محمد الغربيه
2011- 5- 1, 01:45 AM
حبيبي الله يوفقك يا رب في اي مكان بس نصيحه من مجرب لا تضحي في الملك عبد العزيز بي جامعة الامير واظن الكل يايدني
digital man
2011- 5- 9, 12:31 PM
high position

حياك الله

اذا معدلك عالي بالثنوي ممكن تحصل منحه على طول

وبالنسبة للعبدالعزيز فهي جامعه قوية خصوصا في ادارة الأعمال...وما أنصحك تحول للقانون اذا تبي تكمل في عبدالعزيز...

وجامعة محمد فيها هندسة كهربائية ومدنية وميكانيكية
بالاضافه الي كلية it
وكلية ادارة الاعمال

اتمنى افدتك