اخيرا الدفعة الثانية للطالبات في الفيصل للكليات الصحية

[انوار]

السلام عليكم ورحمة الله وبركاتة

جامعة الملك فيصل تعلن قبول الدفعة الثانية من طالبات الكليات الصحية
بعد انسحاب عدد من الطالبات ممن قبلن في الدفعة الأولى يسر جامعة الملك فيصل أن تعلن عن قبول الطالبات في هذه الدفعة الثانية حسب التسلسل في النسبة الموزونة في قائمة الانتظار.

فعلى جميع المرشحات في هذة الدفعة الثانية للطالبات سرعة مراجعة عمادة القبول والتسجيل في الاحساء والدمام (أقسام الطالبات ) لتقديم الاوراق الاصلية وانهاء اجراءات القبول ابتداء من يوم غد الأثنين الموافق 10/8/1429 وحتى يوم الثلاثاء الموافق 11/8/1429 قبل الساعة الثانية ظهرا. والقبول النهائي سيتم بعد التأكد من صحة الاوراق الاصلية.

آخر نسبة موزونة للكليات الصحية (الدفعة الثانية - طالبات) للعام الجامعي 1429/1430هـ :



كلية الطب بالدمام
طالبات
91.60

كلية الطب بالأحساء
طالبات
86.65

كلية العلوم الطبية التطبيقية
طالبات
86.76

كلية الصيدلة الإكلينيكية
طالبات
86.89

كلية طب التمريض
طالبات
74.66


اللي انقبلت تبشرنا

[++c]

تعبوا حالهم


ما تغير شي يعني الطب كان 92 وصار 91


الله يعين

ومبروووووك للمقبولين في الدفعه الثانيه

[علي أديب]

شفتووو كيف قلت لكم ما راح ينسحبو كثير
فصعب تنزل النسبه ويالله هارد لك للي ما انقبلوا
وإن شاء الله تطلع نتايجهم يوم الأربعاء
أما فكرة دفعه ثالثه لا تحطون ببالكم

[توفي1990]

ماغيروا اي شي

النسب نزلت اجزاء من عشره بس :000:

[انوار]

هههههه
لا تقولوا مافيهم انسحاب فيه انسحاب وكبير
الابتعاث العربي حاط السجلات المدنية ولما تحطوهم اكثرهم الغوا التقديم لانهم ماسلموا الاوراق
ههههههههه
والله مسخرة
يالله الله يوفق اللي انقبلووا
ويطلع قبولنا الربوع

[S7er Almlak]

هههههههههههههههه ..

جاتني نوبه هستيريه لما شفت الخبر ..

حمد لله والشكر ..

شكلهم حاطينها بس عشان يقولون هذا حنا حطينا دفعه ثانيه ..!

ولا اتحدى الحين وحده تدخل وتقول ترى انا انقبلت في الدفعه الثانيه ..


يلا الله يعوضنا ..

:
: