حاسبين علينا دفعة ثانية ؟؟

[الحلا يحتلينـ ي]

http://www.kfu.edu.sa/images2/medical4.gif


جامعة الملك فيصل تعلن قبول الدفعة الثانية من طالبات الكليات الصحية


بعد انسحاب عدد من الطالبات ممن قبلن في الدفعة الأولى يسر جامعة الملك فيصل أن تعلن عن قبول الطالبات في هذه الدفعة الثانية حسب التسلسل في النسبة الموزونة في قائمة الانتظار.

فعلى جميع المرشحات في هذة الدفعة الثانية للطالبات سرعة مراجعة عمادة القبول والتسجيل في الاحساء والدمام (أقسام الطالبات ) لتقديم الاوراق الاصلية وانهاء اجراءات القبول ابتداء من يوم غد الأثنين الموافق 10/8/1429 وحتى يوم الثلاثاء الموافق 11/8/1429 قبل الساعة الثانية ظهرا. والقبول النهائي سيتم بعد التأكد من صحة الاوراق الاصلية.

آخر نسبة موزونة للكليات الصحية (الدفعة الثانية - طالبات) للعام الجامعي 1429/1430هـ :

يتم حساب النسبة الموزونة من خلال المعادلة التالية:
[ ( النسبة التراكمية للثانوية العامة × 0.30 ) + ( درجة اختبار القدرات × 0.30 ) + ( درجة الاختبار التحصيلي × 0.40) ]
والجدول التالي يوضح آخر نسبة موزونة تم الوقوف عليها في الكليات الصحية اضغط هنا لحساب نسبتك الموزونة

الكلية
الجنس
آخر نسبة موزونة

كلية الطب بالدمام
طالبات
91.60

كلية الطب بالأحساء
طالبات
86.65

كلية العلوم الطبية التطبيقية
طالبات
86.76

كلية الصيدلة الإكلينيكية
طالبات
86.89

كلية طب التمريض
طالبات
74.66


---------------------

مبرووووووووك للمقبولات

[توفي1990]

يعني الحين ينقال انهم غيروا شي:000::000::000:

[علي أديب]

شفتووو كيف قلت لكم ما راح ينسحبو كثير
فصعب تنزل النسبه ويالله هارد لك للي ما انقبلوا
وإن شاء الله تطلع نتايجهم يوم الأربعاء
أما فكرة دفعه ثالثه لا تحطون ببالكن


مبروووك للمقبولات :mh001:

[++c]

الصرااااااحه فرق


من 92 الى 91


الله واكبر

<<<<<<<< نسبتي 87

يعني ما في امل انقبل حتى لو فيه دفعه عاااشره


الله يعين


ومبرووووك للمقبولات

والبااااقي معوضين ان شاء الله

[نمرود ين]

قلت لكم إن فيه دفعة ثانية للبنات

وأنا متأكد من زمان إن فيه دفعة ثانية وفيه دفعة ثالثة بعد وأنا قلتها من زمان

[انوار]

لازم يحطوا دفعة ثالثة بعد اللي صار
اللي الغوا الطلب كثير
يعني فيه اماكن ولازم ينزلوا دفعات غير
وبالتوفيق للجميع

[►Đ!ffёяeηt◄]

==>

هـع هـع ..
كلهـآ كم شـرطـهـ نزلـو بالنسبهـ
المركبة ويقولون دفعهـ ثـآنيهـ ,, :cheese::cheese: !

بس زيــن فكـرو ينزلون دفعهـ ثآنيهـ
مبرووك للمقبوولآت == مع اني احس انهم ينعدون بالاصـآبـع ,, :lllolll:

ولآ تحلمـ.ـون بدفعهـ ثآلثهـ :cheese: ..
بالتــووفيدز للكــل .. :s12:

<==

[نمرود ين]

يعني يوم أقول لكم كذا وأنتو منخرعات وخايفين من الظلم

بس تصدقين فيه تلاعب

لأن النسبة مانزلت واجد

[بسمة الشمس]

:hahaha_2008:

يا الله ..

الفرق بين النسبتين 6بالعشرة ( 6.)

ضحكووووووووني وانا ناقصة ضحك

أتوقع ان المقبولات ثنتين أو ثلاث ..

وأقولهم مبرووووووك والله يوفقكم ..

واحمدوا الله على هذي النعمة ..

أما احنا نقول ( الله ياخذ ....... و........ ) << عشان ما أروح فيها ..

واضحكوا يا حبيباتي اضحكوا ..

قال ايش قال دفعة ثانية ..

:hahaha_2008:

[ملاكـ..]

:hahaha_2008:

[ملاكـ..]

........:bawling:

[S7er Almlak]

مشكوورين وكثر الله خيرهم :017:

على بالهم بيضحكون علينا أو بنسكت اذا حطوا لنا دفعه ثانيه مثل هذي ..

ماقول الا الله ينتقم منهم ..

بس تعبوا عمرهم ..


الله ياخذ الحق لنا ..



:
:

[Guodaloby]

هذه الدفعة تسكيته
بس محنا ساكتين على المهزلة
وش هاذا 91,60
:bawling::bawling::bawling::bawling:

[الحلا يحتلينـ ي]

الحمدلله على كل حال

ان شاء الله بيجينا رزقنا

ومااظن فيه دفعه ثالثة

واذا فيه

بينزلوها 3شرطات

الدفعة الثانية حتى نسبة مانزلت

كلها نص نسبة:t1:

كيف الثالثة اذا فيه ثالثة بتطلع ربع نسبة

[نمرود ين]

لا أنا متوقع فيه دفع ثالثة وإحتمال تنزل بعد يومين

وفيه دفعة رابعة للعيال.........هذي قوية

[نمرود ين]

لا أنا متوقع فيه دفع ثالثة وإحتمال تنزل بعد يومين

وفيه دفعة رابعة للعيال.........هذي قوية

[نمرود ين]

لا أنا متوقع فيه دفع ثالثة وإحتمال تنزل بعد يومين

وفيه دفعة رابعة للعيال.........هذي قوية

[S7er Almlak]

وش هالمصخره ..!


ان شاء الله تطلع الدفعه المليون للأولاد ماعندنا اعتراض الله هنيهم بها ..


بس اهم شي ينزلون لنا شي عدلللللللللللللللللللللللللل ..


مو مثل هالدفعه اللي ينضحك عليها ..!


:
:

[pink_777]

:Cry111::Cry111:يقال لهم نزلوا شي الحين:s3:


مااقول الا استغفرالله ربي العظيم معا جامعه فيصل


اساسا توقعت منهم ذا الحركات اجل نزلوا دفعه ويوم انهم نزلوا سبحان الله نزلوا بالفاصله


عن النفس وعن العين على قولت العجايز



دفعه ثالثه مافيه لان اخر يوم لتسليم الاوراق الاصليه هو يوم الثلاثاء ويوم الاربعاء بتنزل نتايج باقي الكليات


فا مافيه دفعه ثالثه

[نمرود ين]

والله الصراحة إعترضو تراهم ضحكو عليكم

حتى اليوم لقيت العيال منصرعين من الضحك:hahaha_2008::hahaha_2008:


بس جد لا تسكتون روحو اعترضو سو لهم لجة وصجة وغثوهم

والله جد
ترى الإحترام مهو دايم ينفع

[++c]

<<<<<<<<<<<<<<<<<<<<<< تبكي


يلا كل شي خيره

[بسمة الشمس]

بلا احترام وبلا خرابيط ..

السالفة عناد ..

وهم ما كانوا بينزلون دفع لين فضحناهم ولقينا المقاعد الفاضية ..

قاموا نزلوا هالدفعه يعني انها دفعة عشان يقولون هاه لا فضايح ولا شيء ..

ناس ..............

انا مسجلة برسوم ومقهوووووورة ..

اجل آخر هالتعب والمذاكرة والسهر والاجتهاد أدخل بفلوس ؟!

بس معليه ..

الوعد قدام ..

ومصيرنا نتقابل يا جامعة فيصل الـ..............

[نمرود ين]

إيوه كذا لازم أحد يتكلم لا تسكتون وتتركون حقوقكم تضيع

بس ما ينفع الكلام في المنديات لو راجعتوهم أزين لكم

[حلمي كبير]

:hahaha_2008::hahaha_2008::hahaha_2008:
كلية العلوم الطبية التطبيقية
طالبات
86.76

شدعــــوووووه شهالنحاسة فيهم ....!!!!

ياحليلي انا قلت أقلها بتنزل نسبتين

من صجهم ذولا

والله ضحكت من خاطري

-----

مبرووك للي أنقبلوا

[mo0o0on]

:bawling::bawling::bawling:
الحين يقعدوني من عز نومي يقولوا دفعة ثانية وآخر شي خراااط
ياليتني ماقعدت وكملت نوم قال ويه قال دفعة ثانية!!
شر البلية مايضحك:hahaha_2008::hahaha_2008:
نسيت اقول بالتوفيق للمقبوله:cheese:
عفواً مبروك للمقبولااااااااااااااااااااااااااااااااااااااااااا ااااااات:119:

[pink_777]

<<<<تتذكر تعب وسهر اليالي

:s3::s3:



يللا ولاتزهقون انفسكم الخيره فيما اختاره الله



وجامعه فيصل ياجعلها تحترق <<بالله:Cry111:

[الحلا يحتلينـ ي]

إيوه كذا لازم أحد يتكلم لا تسكتون وتتركون حقوقكم تضيع

بس ما ينفع الكلام في المنديات لو راجعتوهم أزين لكم

هع

ياليت لو يسمعون لنا

من زين اخلاق اللي يشتغلون بفيصل

عشان ياكلونا بلحومنا

حسبي الله

[علي أديب]

اليوم وانا رايح اسلم اوراقي لقيت أبو أحد الطالبات يكلم عميد القبول
والعميد كان مستقبله أحلاا إستقبال ومبين عليه طيب ..

[دمعة متجمدة]

أمن يجيب المضطر إذا دعاه ويكشف السوء
أمن يجيب المضطر إذا دعاه ويكشف السوء
أمن يجيب المضطر إذا دعاه ويكشف السوء
أمن يجيب المضطر إذا دعاه ويكشف السوء

بظل أدعي لصاحباتي لاني متيقنة وعارفة 100% أن الله ما بيضيع تعبتهم

[بسمة الشمس]

:hahaha_2008:

:hahaha_2008:

:hahaha_2008:

:hahaha_2008:

اضحكووووووووووووا ..

ترى من جد ما يستحقون اهتمامنا ..

خسروا ناس طموحين ومجتهدين ..

خليهم يفرحون باللي ناموا طول السنة وصحوا اسبوع واحد ذاكروا فيه التحصيلي والقدرات ودخلوا الطب ..

ذولا الي بيرفعون البلد .. والله أشك مع احترامي .. أدري ان فيه ناس مجتهدين ..

بس الأغلب ناجحين بمذاكرة اسبوع ..

واحنا حبيباتي تعالوا نروح كلية البنات ولا العلوم ..

الي قبلنا مو أحسن منا ..

بس احنا غييييييييير ..

احنا بناخذ الماجستير والدكتوراة وبنصير فوق روسهم كلهم ..

ريحوا بالكلم ولو احتجيتوا من هنا لين بكرة ..

ما فه أحد يسمع لكم ..

:hahaha_2008:
:hahaha_2008:
:hahaha_2008:

اضحكوا بس وخلوا عنكم ابليس ..

بالله مو نكته هذي ..

[نـور]

بسسسسسس !!!


اكيد بس بنت ولا بنتين اللي راح ينقبلوون !!

[الحلا يحتلينـ ي]

:Cry111: :Cry111:

الله المعين

ياربي يقبلونا ان شاء الله

[نـور]

ياللله صدق

ما توووقعتهم كذا طيبين مررررررررره

ووهـ الله يووفقهم بس

:d

انجاز ترا انجااااااااااز عندهم نزلوا النسبه لكذا


هههههههههههههههههههه

[بسمة الشمس]

^

^

^

:hahaha_2008:

معجزة مو بس انجاز ..

[طكمنت]

طايحين لنا إحتجاج و إحتجاج و إحتجاج
أي إحتجاج الي تتكلموا عنه و الله لو تموتوا و إنتو تحتجوا ماحد جاب خبركم

بس بالفعل مساكين البنات رايحين في داهية أجل الدفعة الثانية 91.60 :hahaha_2008:
شوف الفرق بين الأولاد و البنات

البنات
العلوم الطبية التطبيقية = 86 :000:
الأولاد
الطب بالدمام = 83 :g8:

ههههههههههههههههههههه هذي أخر نكتة

ما أقول إلا الله يعينكم
و الي تبي تحتج إيش تبي تقول
والله لو نسبتها 90 إيش تقدر تقول إذا النسبة المطلوبة 91

ما أقوول إلا الله المعين
و مستحيل البنات تطلع لهم دفعة ثالثة و حتى و طلعت بتنزل 0.01 :hahaha_2008:

و بالتوفيق للجميع

[راجية الفردوس]

السلام عليكم ورحمة الله وبركاته..

الـــــــــف الــــــــــف الـــــــف مبرووووووووووك للمقبولين والمقبولات :mh001::mh001::mh001:


وعقبااااال الجميع ياااارب في التخصص اللي يبغونه :praying:

وبالتوفيـــــــــــــق

تقبلوا تحياااتي ..:222g:

[الدكتور:عسعس]

والله قهر وقفوا على 86.6
وانا 86.4
قولولي شنهو الفرق ؟؟؟؟؟؟؟؟؟؟؟؟

غير شئ بسيط
زين ايوقفوا على شئ عدل زي الناس يعني على الاقل انا كان توقعي بيوقفو على 85
والكثير قلت يمكن 86.00




ما أقول غير


لا حول ولا قوة الا بالله العلي العظيم

وحسبنا الله وهو نعم الوكيل
تحياتي

[mo0o0on]

المشكلة انهم مو حاسين فينا والله انا 88بس ياااااريتني قدمت في الاحساء
حسبي الله عيهم
:bngo12:

[FatoFati]

هههههه

والله أمز مخزي .. مضحك مبكــي !

الله يعين اللي فرقه .1 أو .2 !!!


الله يلعن الظـــــالم

[نور البتول]

شر البلية ما يضحك
الله يعين على كل حال

[انوار]

الي يقول عن العلوم الطبية
ههههههه
بجد ضحكت اللي ماانقبلوا علشان نسبة
وحدة في الدفعة الاولى كانت وحدة الفرق بعد الفاصله رقم واحد ماانقبلت
ههههههه
لا حد يحط الامل على الدفعة الثالثة
لان هم يحطوا الدفعات بس جدي
خخخخخخخ
علشان في بنات يقبلوهم بالواسطة والنسب المحطوطة بس هيك
خخخخ

الله يوفقنا يارب
ويطلع قبولنا الربوع

[الحلا يحتلينـ ي]

الله مايضيع جهد احد

ان شاء الله بيقبلونا بالمكان المناسب :119:

[miss zeezee]

:d5:برافو يا جامعة فيصل....هذا الي قدرتي عليه :hahaha_2008:

بناااااااااات في وحدة انقبلت منكم ؟؟؟؟؟؟؟؟؟؟؟؟؟؟؟:s3:

يلا فرحونا بس وحدة على الاقل عشان نقول مافي واسطات :000:

[برنامج]

:s3:hahaha_2008: الحمد لله والشكر من زمان ماضحكت :hahaha_2008:لايفوتكم الدفعة الثالثة واحد من عشرة :bngo12:

[طكمنت]

على فكرة أحتمال يكون فيه دفعة ثالثة لأن التقديم لدفعة الثالثة ينتهي يوم الثلاثاء
و الرغبات للكيات الأخرى تطلع يوم الأربعاء
و إن شاء الله تكون فيه دفعة ثالثة :119:

* الفيصل بنسبة للبنات مثل البترول للأولاد :hahaha_2008:

[حكايا الورد]

مآشاء الله .. خووش دفعه :000:

>>> ترآ أني أدبي ببس شي يقهرررر :017:

[حزينه بدنيتي]

الحمد لله والشكر

الله يعطيهم العقل ان شالله:hahaha_2008:

ادعوا معي بنات الله يشفيهم بأسرع وقت

لا حراااااااااااااام لاتظلمونهم كانوا بينزلون النسب بس العقل في الباي باي

عشان كذا اناشدكم انكم تدعون معي عليهم 00000اقصد معاهم كااااااااااااااااااااااك

وشكرا

[رسايم]

ليه يعني بنات الدمام تنزل نسبة وبنات الحسا ثلاث شرطات شو هالظلم

[mo0o0on]

رسايم حبيبتي والله
شوفي الفرق بين 91و86
سلامة النظر :000:
ياااااريتهم حطوا النسب من البداية كان قدمنا في الاحساء
قولي الحمد لله على كل حال
وحسبي الله ع الظالم

[رسايم]

والله يابنات الدمام من قدكم نزلوا لكم نسبة واحنا حسره علينا حتى نسبة ماوصلنا

وبعدين كيفكم احد قال لكم قدموا بالدمام

[mo0o0on]

رسايم صل ع النبي لا تقوم الحرب بعد شوي
تخيلي نفسك من الحسا ومقدمه بالدمام وعندكم الجامعة بلحسا
واحنا شدرانا مابيقبلوا مثل اللعام
اللعام كان الدمام 86 والسنة 91
حطي نفسك في هالموقف
وانتِ مابيدك شي تسوينه
اقوووول صلِ ع النبي :no2:

[S7er Almlak]

ياليت نزلوها لنا نسبه ..


كلها 0.6% :hahaha_2008:


صدق لا قالوا يحسدون الميت على موتت الجمعه <<< يمكن المثل ما يصلح بس هذا اللي طلع معي خخخ ..


بنات ودي أضحك أو أصارخ بصوت عالي بس ابي حد معي <<< استخفت البنت ..


:
:


الله يعوضنا ..

[دمع حبي ولآ دمعي]

يحليلهم شكلهم يبغون ينكتون :hahaha_2008:

بس تبغون الصراحة هذي أحلى نكتة سمعتها بحياتي وماأتوقع اني بضحك أكثر من ضحك اليوم

:hahaha_2008: :hahaha_2008: :hahaha_2008: :hahaha_2008:

[بسمة الشمس]

^
^
^

أنا أنا معس ..

يلا نضحك ونصارخ ..

شورانا ..


:hahaha_2008:<< هالفيس كل ما قريت رد شفته ..

[pink_777]

[QUOTE=بسمة الشمس;172161][COLOR="Red"][SIZE="4"][CENTER]:hahaha_2008:



ترى من جد ما يستحقون اهتمامنا ..

خسروا ناس طموحين ومجتهدين ..

خليهم يفرحون باللي ناموا طول السنة وصحوا اسبوع واحد ذاكروا فيه التحصيلي والقدرات ودخلوا الطب ..

ذولا الي بيرفعون البلد .. والله أشك مع احترامي .. أدري ان فيه ناس مجتهدين ..

بس الأغلب ناجحين بمذاكرة اسبوع ..




والله كلامك صح مليون بالميه والدليل ان فيه ناس نسبتهم زي الزفت بالثانويه ونوم طول السنه وانواع اللعب

والغياب


ويوم جا اختبار التحصيلي والقدرات دخلوا دورات وجابوا درجات بشوف انا بس وش بيسوون بالسنه التحضيريه

[رحمات]

جد والله ...!

انتظار مثمر :cheese:

والله ان شر البلية ما يضحك :lllolll:


وانا اللي كنت متأملة أنقبل في هالدفعة ..

طلعت أحلمـ .. :c8:


جامعة الفيصل : من القلـــ :love080: ـــب ، شكراً

لكم نصفق بحرارة .. :d5:

كسابق عهدنا بكم \ ليست مستغربة أبداً هذه البادرة " الجميلة ! " منكم ..

ولم تأتوا بالجديد ..


كما نحن أيضاً لن نأتي بالجديد !!!

بل سنبقى نمارس سياسة " الطبطبة على كتوف الخائبين "

وسنبقى نعيش بالقناعة ( الزايدة ) !!

وسنصمت .. :t1:

اطمئنوا جامعة الفيصل // لن يفعل أحد شيئاً

لن يحاسبكم أحد سوى خالقكم

وسينالكم من المظلومات ، دعاءٌ غليظ

فـ أبشروا بوقوفٍ طويل على الصراط يوم الحساب !

.....................

:hahaha_2008::Cry111: >>> والله إنه المضحك المبكي ..!

هستيريا الجنون أصابت نصف الدفعة ..

جهزوا حالكم للطائف يا فتيات :g20:

ربنا يستر علينا وعليكم !!!

:cheese::bngo12:

[موهبة]

آآآآآآآخ
وربي مت ضحك

مو مت

إلا

سكرت ضحك

عذرا عذرا بس الله يعينكم ويعين الكل على العدل ! ههه والدقه في البوينتات

أحسهم يحسبوا النسب بالملل ههه

الله كريم لا تيأسوا

[بسمة الشمس]

أنا رايحة الطايف بعد كم يوم ينقال بصيف خخ..

شكلي بسكن شهار ومانيب راجعة ..

الي يبي يروح حياه ..

بس هاه مجانين ما نبي .. << أم الجنون ..

وزي ما قلتي..

نتقابل يوم القيامة ..

وإذا علي ..

قسم قسمات ما أخليها لهم ولا أسامحهم وآخذ حق هالتعب كله منهم ..

وإذا انتصروا الجين تراها دنيا زايلة ..

والوعد قدام يا الجامعة المبجلة المحترمة ..

[ღMs.Kღ]

الحين ابي اعرف لو سجلنا مثلا في جامعه في اطائف او مكه بيقبلونا ولا بيسون زي الرياض ماقبلونا عشان احنا مو من الرياض؟؟؟

[S7er Almlak]

أقول بس بنات ..


كل وحده تلحق على عمرها وتسجل اي شي حتى لو دبلوم ..


بس خل نقضي السنه لين يجي الفرج ان شاء الله السنه الجايه ..


<<<< :hahaha_2008: :hahaha_2008:


واللي عنده اي مكان نسجل فيه يقول خخخخ


:
:

[~ Aboode ~]

يـلاآإآ معليه كله على أجـر

[رنومه..]

الله يسامحهم....

[عصام]

بصراحه الله يعين البنات...
الحين العيال يقلولهم تعالو نبي نقبلكم لوانك جايب 90.4...لا بعد واجد90
ادر ي مانقص واجد ...
بس اداريكم ...
99.75او 99.5..او99.25...او99........او98...اووووووو ظلم
ابقول شي ترى الشرقيه اعلى نسب من المناطق الاخرى بنسبه للبنات
علشان كذا اخذو 30% فقط من نسبة الثنويه العامه
وخلو القدرات والتحصيلي اهم
علشان يشفون الذكيه والفاهمه على قولتهم
مع ذالك ظلم

[وتين القلب]

لما دخلت وشفت النسب اختلعــــــــــــت من الخلعه قمت اضحك :lllolll:

صررررررررراحه تعبو حالهم وايد :Cry111:

يعني هم يلعبوا علينا ؟!

أحنا قاعدين على نار ننتظر الدفعه وهاذي آخرتها والله حرام

[دمع حبي ولآ دمعي]

الله يعين مستشفى الأعصاب هذي السنة ؟؟؟

الظاهر إن نص المرضى من خريجين عام 1429 ....

بس أتوقع ماعندهم دكاترة يكفون يعالجون العدد الهائل من المرضى :hahaha_2008:

[وتين القلب]

أقووووووووول بالطقاق يطقهم هم وجامعتهم الخرطي !

ان شاءلله يقبلونا في إللي أحسن منها :hahaha_2008:

[في خاطري..!!]

عجباً



الله لنا

[الحلا يحتلينـ ي]

يقولو فيه دفعة ثالثة

تلاقيها بتنزل الى 91 :Cry111:

[البرنس]

يا بناااااااااااااات الحين الجامعه ما لها شغل

البنات الي ينقبلوا ما يسحبوا كلهن يجون للجامعه

وانا قعدت مع مدير القبول شخصيا وسالته عن الاولاد والبنات قبل ان تطلع نتايج الدفعه الاولى ؟؟؟

قال الاولاد في دفعه ثانيه لان اكثر الاولاد ينسحبون ويروحوا البترول ولا بعثه ولا سابك ولا ارامكوا

والبنات صعب جدا نخرج دفعه ثانيه لان البنات كلها تجي بالدفعه الاولى مافي بنت تنسحب احتمال دفعه ثانيه جداً ضعيف

هذا طبعا على مدار كل عام هكذا قليل جدا من البنات نسحبوا ينعدوا على الاصابع الي ينسحبوا

..............

انا شخصيا تابعت نتئج الثانويه لهذا العام والقبول والتسجيل للجامعات

بصراحه تنافس مو طبيعي للعام 1429هـ انا اسميه بنفسي " صراع النسب "

ما اقول الا ما يرد القدر الا الدعاء

ادعوا الله ان يتم قبول اكبر كم من الطالبات



اخوكم
البرنس

[برنامج]

هم يدرون أن حيكون فيه تنافس كبير على الطب من قبلنا نحن البنات فلماذا لم يزيدوا المقاعد!!:017::017:

[S7er Almlak]

ومو بس يدرون ان في تنافس ..!


وما يكفي يزيدون عدد المقاعد ..


إلا لازم يسوون لنا جامعه بديله عن جامعة فيصل مثل الاولاد عندهم مليون مكان احسن من فيصل ..


بس حنا الله لنا ..


شلون يبون البنات ينسحبون وهم ما صدقوا على الله ينقبلون ..!!



:
:
الله كريم ..

[الحلا يحتلينـ ي]

:Cry111::Cry111:

[رحمات]

الحين ابي اعرف لو سجلنا مثلا في جامعه في اطائف او مكه بيقبلونا ولا بيسون زي الرياض ماقبلونا عشان احنا مو من الرياض؟؟؟


نعم يقبلونك ، والدليل ..

أن جامعة أم القرى قبلت الكثير ..

وتبوك قبلت الكثير ..

وحائل قبلت الكثير ..

وكُثر هم الذين قُبلوا في " جدة "


سياسة فاشلة تتبعها جامعات الرياض فقط ..!

..

هم يدرون أن حيكون فيه تنافس كبير على الطب من قبلنا نحن البنات فلماذا لم يزيدوا المقاعد!!
^
^

هذا هو السؤال الذي لا إجابة له ...!

[نـور]

صدقتي

ما عندنا إلا جامعه وحده :cheese:


يعني الحمد لله نقدر نسوووي جامعات ونجيب احسن الدكااتره


بس مدري هو جهل هو عناااد :cheese:

[رحمات]

ومو بس يدرون ان في تنافس ..!


وما يكفي يزيدون عدد المقاعد ..


إلا لازم يسوون لنا جامعه بديله عن جامعة فيصل مثل الاولاد عندهم مليون مكان احسن من فيصل ..


لقد أسمعت لو ناديت حياً

ولكن لااااا حياة لمن تنادي !!!

[البرنس]

نقلت لكم كلام احد المسؤولين بمنتدى النقاش








أولا .. ليس هذا المنتدى مكان لنقل الشكاوي والتظلمات العجيبة بهذه الصورة .. فمن لديه شكوى فليتقدم بها رسمياً إلى الجامعه أو وزارة التعليم العالي أو أي جهة أخرى يريدها موضحا أسمه وكامل معلوماته وهذا ما نصت عليه التعليمات الأخيرة الصادرة من المقام السامي ووزارة الداخلية بضرورة كتابة كامل المعلومات عن مقدم الشكوى .. ومن سيتبع هذا الاجراء فستقوم الجامعه بالرد عليه وتزويده بكافة المعلومات والتوضيحات .. أما من يكتب الشكاوي المبهمة والمجهولة المماثله لما أوردتيه في هذا الموضوع فلن يلتفت أو يستجاب لشكواه ..


ثانياً .. وعلى الرغم من ذلك تؤكد الجامعه للجميع بأن من يعرف أو يسمع عن حالة قبول غير عادلة.. فقط حالة واحدة تم قبولها هي أقل من النسب الموزونة للمقبولين والمقبولات من الدفعة الأولى التي أعلنتها الجامعه للكليات الصحية يوم الأربعاء 27/7/1429 هـ فليتقدم بها شاكيا الجامعه بلا تردد إلى أي جهة يريدها اليوم وقبل الغد ..
أكرر الجامعه تطالب بحالة واحدة فقط وليست حالات كما يدعي من يريد فقط أن يشكك أو يسيء بنزاهة القبول في الجامعه ..



وللمعلومية .. قامت الجامعه بكل شفافية دون أن يطلب منها أحد ومنذ يوم السبت الماضي 1/8/1429 هـ مع بدء استقبال الأوراق الأصلية للطلبة المقبولين بالكليات الصحية باستقبال أية مراجع لديه استفسار عن القبول في مكاتب افتتحتها الجامعه تحت مسمى " مكتب علاقات القبول " في الأحساء (الصالة الرياضية) والدمام ( مبنى كلية العمارة والتخطيط) وقد جهزت هذه المكاتب بأجهزة حاسب وشاشات عرض كبيرة تقوم بعرض بيانات من تم قبولهم من الطلاب والطالبات في جميع الكليات الصحية ولكي يشاهدها الجميع (رقم السجل المدني - نسبة الثانوية - درجة التحصيلي - درجة القدرات - النسبة الموزونة لكل طالب وطالبه) بالاضافة الى النسبة الموزونة الدنيا التي تم التوقف عندها في كل كلية وقد تم توجيه المسئولين في هذه المكاتب بتقديم كل عون ومساعدة للمراجعين والرد على أي استفسار..



نتمنى من البعض التوقف عن بث الاشاعات والتشكيك في سير اجراءات القبول واثارة البلبلة والتلاعب بمشاعر الناس ونقول لهم بأن الله سيحاسبكم وسيحاسب كل من يسيء الظن في المسئولين وعلى كافة المستويات الذين يبذلون جهودهم لاخراج هذه العملية بنزاهة وعدل حساُ بالمسئولية وحفظاً للحقوق ..




:cheese:

[mo0o0on]

الله كريم..
:bawling::bawling::bawling::bawling:
:bawling::bawling::bawling:
:bawling::bawling:
:bawling:

[الحلا يحتلينـ ي]

الله كريم :)

[S7er Almlak]

أجل بكل شفآاافيه ..

هههههه ..


والله ضحكني وانا ماودي أضحك ..


:
:


الشكوى لله ..

[حزينه بدنيتي]

لعب وفرح وناسه ومرح فستان حب اخضر اخضر ومرح:smile1:



يلا نروح يلا نروح نروح نادي الابطال>>>>>> شكو احين هذي


كيفي:103:


استخفت البنت:hahaha_2008:

[Sweet October]

طبعا هم ارفعوا النسب بكثييييييييييير للكليات الصحيه علشان ما ناقشهم<<<شي طبيعي

إحنا اعتراضنا على النسب الموزونه_أصلا هم ارفعوها لإن الكراسي ثلاثة أرباعها راحوا لإصحاب الواسطات والربع لمن يستحقونها والدفعه الثانيه تسكيت لنا

الحمدلله إني سجلت بكليه ثانيه وربي يعوضني فيها خيييييييييييييير

لإني لو بنتظر كان زماني جالسه في البيت إلى السنه الجايه

ماأقول إلا حسبي الله ونعم الوكيل

[البرنس]

هههههههههههههههههط

تتابعين نادي الابطال يا زينب

خخخخخخخخخخخخخ

اي والله مقابل نادي الابطال ولا مقابل الجامعه

[حزينه بدنيتي]

اي اتابعه هههههه
اتابع كل برامج الراي

[البرنس]

ههههههههههههه

الراي


والله قناة حلوهـ


طيب ما تشوفين ميوزيك كلوب والرجل



بس شنو التوقيع هذا شنو التحطيم والتأييس هذا

الله يعينك

[حزينه بدنيتي]

الرجل اكييييييييييييييييييد اتابعه ولا افوت حلقه لأن خالد امين مشالله عليه دمه خفيف:smile1:

ميوزك كلوب تقريبا اذا كنت فاضيه اماني البلوشي ماتعجبني:grimace:>>> انا اذا كان المذيع مايعجبني ومو شي مااتابعه خخخخ:lllolll:


اكثر شي يعجبني برنامج هوم ديلفري

واتابع دكتور فوز :c8:

امممم شنو بقى:mh19:

اي ستايلك

وبس وسلامتكم>>>> ماخلت شي الا وتابعه:hahaha_2008:



وعلى سالفة التوقيع 00ربما هذا واقع اعيشه انا مليئ بالا حزان لذلك اتخذت هذا الحزن شعارا لي كم رأيت او ربما مبالغتي الزائده بالقلب العطوف والحساسيه والرومانسيه جعلتني افكر بهذا الشيئ ولا وجود لهذا الشي

لااعلم يبدولي الاحتمال الثاني اصح:g8:
وشكرا