الى الفيزيائية

[حنون]

ممكن تعلميني انتي في أي كلية
لأن عندي أسئلة كثيرة اتمنى تفيديني

[فيزيائية طموحة]

السلام عليكم ورحمة الله وبركاته

أهلا وسهلا بك أختي ( حنون )

أنا أدرس في كلية العلوم بالدمام

وأنا حاضرة لأي للإجابة على أسئلتك وإن شاء الله أقدر أفيدك وأكون عند حسن ظنّك

وفّقك الله لكل خير

[حنون]

وعليكم السلام اختي فيزيائية

انا اقبلوني كلية العلوم تخصص فيزياء وكانت هي الرغبة الأولى........... علما بان هذا التخصص اكرهه


لكن اخوي هو اللي اقنعني وقالي ان الفيزياء مررررررررررررة حلوو......... هو تخصصه هندسة واغلب دراسته

فيزياء ورياضيات.......... ويوم عرفت ان انتي تخصصك فيزياء حبيت آخذ رأيك.......... وانشاء الله ماتقصرين

[فيزيائية طموحة]

في البداية أهنّؤك على القبول أختي ( حنون)
بالنسبة للفيزياء هو تخصص جدا رائع وجميل لأنه يفسر الظواهر الطبيعية وكل شيء يتعلق بالطبيعة ومن خلال دراسته نستشعر عظمة الله سبحانه وتعالى في هذا الكون لأن فيه تفكر في خلقة وكثير من آيات من آيات القرآن الكريم تشير إلى شيء من هذا العلم

في بنت تدرس معاي قالت إنها كانت في الثانوي ماتحب الفيزياء وأقل علامة جايبتها في الفيزياء لأن المدرسة اللي درستهم ماتشرح عدل فما كانت فاهمة الفيزياء عدل ولما درسته في الكلية صارت تحبه لأن الدكتورة اللي درستنا الفيزياء شرحها ماشاء الله رائع

وشدّي حيلك وذاكري أول بأول والله يوفّقك

وفّقك الله لكلّ خير

[حنون]

مشكووووورة اختي فيزيائية على ردك.......... طيب ممكن تعطيني فكرة عن معلماتكم

وكيف تعاملهم معاكم ......... وهل دراستكم تحتاج جهد كبير؟؟؟:g2:

[الإلكترونية]

الفيزياء تخصص رائع جداً

الدراسة فيه ممتعة .. ودكاترة قسم الفيزياء أغلبهم متعاونات وحبوبات

وجميع معامل الفيزياء بصراحة جداً جداً ممتعة .. ومافيها أي صعوبة

إذا كان في القسم مشكلة فهي ليست من القسم نفسه ولا في مواد التخصص

يمكن تلاقين صعوبة في مواد التخصص الثانية ( رياضيات مثلاً )

هذا هو الواقع

والله يوفقك يارب

[حنون]

مشكوووو رة اختي الكتروليتية ........ انتي تخصصك فيزياء؟؟ واذا كان تخصصك فيزياء... هل انتي دخلتيه

برغبتك؟؟

[الإلكترونية]

نعم تخصصي فيزياء ودخلته برغبتي عن محبة وإقتناع :119:

[حنون]

طيب عندك فكرة عن الوظايف بعد هذا التخصص.... لاني سمعت ان مافي غير التدريس



وانا ماابغى اصير مدرسة:011:....... والله يوفقك في دراستك:praying:

[فيزيائية طموحة]

ماقصرتي أختي (الإلكترونية ) جزاك الله خير .

وأنا أضم صوتي لصوت أختي (الإلكترونية ) صحيح أنا توني مخلصة سنة أولى بس سمعت أن أغلب المدرسات في قسم الفيزياء شرحهم زين ومتعاونات واللي درسوني كلهم ما عدا وحدة من المعيدات لأن احنا هالسنه درسونا سته معيدات منهم للتماري ومنهم للعملي ماشفت منهم إلى كل خير سواء من ناحية الشرح أو الأخلاق

وبالنسبة للدراسة إذا كنت تذاكرين أول بأول بإذن الله ماراح تلاقين أي صعوبة وأنا عن نفسي كانت أسهل وأمتع مادة في المذاكرة هي الفيزياء
وإذا كان اللي يدرسكم دكتور سواء في أي مادة شدي حليلك في مادته لأن احنا كان معانا بنات كانوا يطلعون من المحاظرات ويسوون إزعاج وحتى اللعب يلعبون وقت المحاضرة لأنه مايدري عنهم فبس تطلع المراقبة اللي تأخذ الحضور والغياب على طول يطلعون وراها وفي بنات يقولون إن ماعندهم دفاتر وإذا قرب الإمتحان صوروا من البنات اللي يكتبون فها الشيء أكبر سبب لحمل المادة
نصيحتي لك ذاكري أول بأول سواء اللي يدرسكم دكتور أودكتورة

وبالنسبة للوظايف ماسمعت إن للفيزياء وظيفة غير التدريس وإن شاء الله أختي ( الإكترونية ) تفيدك أكثر في هذا الموضوع

وفّقك الله لكلّ خير

[حنون]

مشكووورة اختيي الفيزياء....... الله يوفقك دنيا وآخرة :praying:

[R.x]

السلام عليكم

انا كمان سجلة فيزياء الرغبه الثانيه

و قبلوني فيه و انا ما اعرف اي شيء عن مستقبله او كم سنه دراسه فيها

فلو سمحتو احد يقول لي

^_^

[فيزيائية طموحة]

وعليكم السلام ورحمة الله وبركاته
أهلا وسهلا بك أختي ( R.x )

بالنسبة لمستقبل قسم الفيزياء ماسمعت إن له غير التدريس وبالنسبة لعدد سنوات الدراسة فهي أربع سنوات

وأنا جاهزة لأي سؤال وإن شاء الله أكون عندحسن ظنَك

وفّقك الله لكلّ خير

[FarOo7a]

هااااااي

انا قبلوني فيزياء الرغبه الثالثة

صحيح احب الفيزياء لكن مو اني ادرسه في الجامعه

مع العلم ان درجاتي من دخلت الثانوي دائما كامله في الفيزياء .. بس يلا الحمدالله على كل حال

طيب سؤال قدر اكمل ماجستير في الفيزياءاو عقب ما اخلص اكمل ماجستير في تخصص ثاني مثلا هندسه

وسؤال ثاني لو طلعت نتائج القبول للدفعه الثانية في الحاسب او الهندسه اقدر اسحب اوراقي ولا لا

معليش طولت عليكم بأسئلتي


.. تحياتي ..

[فيزيائية طموحة]

أهلا وسهلا بك أختي ( FarOo7a )

آسفة ماعرفت أجاوبك على أسئلتك إن شاء الله الأخوات يقدرون يفيدونك

وفّقك الله لكلّ خير

[FarOo7a]

مشكوره

أختي

.. الفيزيائيه ..

عالرد

إنشاءالله القى جواب

[نـور]

حلوو

طيب اللبس في الكليه كيف :119: ؟!

وفي عقاب وحركااات ونقص بالدرجات من هالناحيه ؟

[فيزيائية طموحة]

أهلا وسهلا بك أختي ( نور )

بالنسبة للبس التنورة كحلية أو جنز كحلي والبلوزة أي لون فاتح بس مايكون فاقع مره ولايكون عليها صور أرواح وهذا اللي بتلاقينة مكتوب في الكلية عن البلايز بس البسي أي لون مايقولون شي بس إجت لهم فترة متشددين فيها على الأسود والأحمر وطبعا الأكمام ماتكون أقصر من نص كم

اللبس ماله دخل في الدرجات بس الأمن إذا شافو وحدة لبسها مخالف يمسكونها بس ماأدري شيقولون لها

وفّقك الله لكلّ خير

[حنون]

اهلا خواتي

انا ابغى اعرف كم ساعة يداومون اللي تخصصهم فيزياء...... وللا كلهم نفس الشيئ

ومتى يبدا دوامهم؟؟ وهل عندهم باصات متوفرة توصل اماكن بعيدة؟؟

[فيزيائية طموحة]

أهلا وسهلا بك أختي ( حنون )

بالنسبة للدوام يبدأ من الساعة 8 إلى الساعة 12 أو 2 لكل الأقسام حسب الجدول وبتلاقين الجدول معلق في القسم ومكتوب فيه كل محاضرة متى تبدا ومتى تنتهي وبأي مكان بس يمكن ماتلاقين الجدول من أول يوم يمكن مو أكيد

وبالنسبة للباصات متوفرة حتى للأماكن البعيدة بس إسألي عن باص المكان اللي إنت فيه ويقولون لك أي باص يعني حسب مايقولون بعض البنات اللي معاي إن في واحد واقف في مكان وقوف الباصات يقولون له هم في أي مدينة واي منطقة في هذه المدينه وهو يعطيهم رقم الباص بس العام ماكان في باصات حكومية أول أسبوع من ثاني أسبوع بدت الباصات توصل البنات

وفّقك الله لكلّ خير

[الفيزيائيه]

السلام عليكم ورحمة الله وبركاته...
وأنا كمان بكلية العلوم بالدمام حبيت أقولك حنون لاتتشائمي بالقسم لانه من جد ممتع خاصة محاضرات المعامل >> ومن ناحية المراجع راح اكون عند ظنك انشاءالله >> بالتوفيق ..

[لين العود]

انا تخصصي فيزياء ...

وتخرجت هالسنه ..


الفيزياء مرره حلوه ... وممتعه ...


قضيت فيها اربع سنواات وانا مــاحسيت في يوم بملل ...


بس يبي لها وحده تعرف تتعامل مع القسم ...


:d5:

[حنون]

طيب اختي لين العنود...... وش فكرتي تسوين عقب ماخلصتي

[فيزيائية طموحة]

أختي ( حنون )
آسفة ماقدرت أرد عليك على الخاص لأن عدد مشاركتي أقل من عشرين

آسفة ماأقدر ألبيلك طلبك وإن شاء الله تلاقين أحد يساعدك

وزي ماتفضلوا الأخوات الفيزياء سهل وممتع جدا ولاتخافين منه بس ذاكري أول بأول وإن شاء تنجحين

الله يوفّقك في الدنيا والآخرة

[نـور]

اوك

قلتي الدوام من 8 الين 12

هل في انصراف قبل الساعه 12 اذا مثلا خلصت محاظرتي بدري

ولا اظطر اقعد والبوابه ما تفتح إلا بوقت محدد !!!

[فيزيائية طموحة]

أهلا وسهلا بك أختي ( نور )

العام ماكان في انصراف قبل الساعة 12 إلى إذا كانت البنت تبي تستأذن بس اللي بتستأذن لازم تروح لشؤون الطالبات أو وكيلة شؤون الطالبات ماأدري يعطونها ورقة علشان تقدر تطلع فيها والخروج قبل الساعة 12 يكون من بوابة الأمن النسائي ومن البوابة الخضرة هذي تكون مسكرة بها الوقت ولازم تون معك البطاعة الجامعية سواء عند الخروج بهذا الوقت أو عند دخولك للكلية
أما إذا كانت محاضراتكم تخلص الساعة 2 وخلصتو المحاضرة الساعة 1 مثلا عادي تكون البوابة مفتوحة وتقدرين تطلعين على طول لاإستئذان ولاشي

وفّقك الله لكلّ خير

[نـور]

اها

اوك


طيب كثرنا عليك كلام بس شنسووي نستفسر :011:

بالنسبه لأول يوم راح نداوم فيه

<< تحس ابو الحووسه من جد

اكيد مرح نعرف وين نروح وكذا ..

عطينا نبذه عن الاشياء اللي تحصل اول يوم راح نداوم فيه !!

[فيزيائية طموحة]

أهلا وسهلا بك أختي ( نور )
لاعادي مومشكلة إسئلي على راحتك
بالنسبه لأول يوم راح تداومون فيه طبعا مافي محاضرات بس يمكن يسون لكم إجتماع بيعلنون عنه بالمايك وشوفي وين يقولون لك تروحين يعني بيقولون لكم عن أنظمة الكلية ويجاوبونكم على أسئلكم ويحددون لكم يوم ثاني أو بنفس اليوم حسب القسم يخلونكم تجتمعون فيه مع مدرسات قسمكم
وبس وباقي الوقت تمشوا في الكلية تعرفوا أقسامها وإذا كنت تدورين على مكان محدد ومالقتيه إسئلي عنه البنات وإن شاء الله يدلوك عليه وتروحين عند مأمورة الصرف في علوم 2 مكتوب على باب غرفتها مأمورة الصرف علشان تعطيك ورقة وتفحين لك حساب في البنك علشان المكافئة وإذا تبغين تاخذين لك صندوق لازم تدفعين 200 ريال حق أربع سنوات بس نسيت بأي غرفة أتوقع اللي مكتوب عليها الصناديق والله أعلم بس ماأدري يعطونك المفتاح من أول يوم أولا يعني هذا اللي صار معنا العام وإن شاء ماأكون نسيت شي ماقلته

وفّقك الله لكلّ خير

[نـور]

يعطيك العافيه ع المعلومااات ..

:love080:

وبالنسبه للعبايه , طبعاً سمعت انو لازم رآس .. هل من البدايه يحااسبون ويسوون تفتيش ولا كيف نظامهم !!

وبعد نوع الجوال .. المشكله ما عندي إلا كاميرا !!

[الحس المرهف ~]

مــشـكـورين ,, ربي يعطيكم آلف ألف عافيــهـ ~






=)

[فيزيائية طموحة]

آسفة أختي نور توني أشوف أسئلتك

بالنسبة للعباية لازم عباية راس واحنا العام مافتشونا من أول يوم بس أتوقع يشوفونا الأمن من الشباك واحنا داخلين لأن شباكهم من النوع اللي يكشف على الشارع بس اللي في الشارع مايشوفونهم والجوال لازم بدون كاميرا

أختي إحساس مرهف
الله يعافيك ويوفقك دنيا وآخرة

[جونان]

مشكوووورين على المعلوماااات ارتحت وااااجد وبصراحه انا نفس الشي حطيت فيزيا رغبة ثالثه وكان ودي في الحيوان ماكان باقي شي على نسبتي بس الحمدلله على كل حاااال..:119: