مهم جدا الله يجزاكم خير

[أبو رشيد]

السلام عليكم ورحمة الله وبركاته

تكفون يا أخوان / يا أخوات

بخصوص نظام البلاك

كيف تحسب النقاط الخاصة في المشاركة

يعني هل لازم انزل المحتوى والمحاضرات

أو لازم افتح المحاضرات المباشرة

أو لا زم أدخل منتدى الحوار

وفي منتدى الحوار هل تكفي المشاركة في مناقشة المادة عن دخول المنتدى الخاص بمناقشة الواجب والمادة ووووووو ( صراحة غثه ) الله يعين

تكفون أبي شرح وافي وسهل ومختصر كيف أكسب النقاط :bawling:

لأن هالنظام الخايس حق البلاك بورد الداخل فيه مفقود والخارج منه مولود :mh001:

صراحة أنا أكتب الوصية قبل ما أدخله لأني خايف يجلطن هالموقع في يوم من الأيام :017:

[خالد 23]

انا راح اقول الي اسويه ...
احمل المحاضرات يعني تنزيل المحاضره المباشره والملفات المرفقه يعني المحتوي
واحل الواجبات والمناقشات لازم كلها الله يعين بس
واشارك في منتدي الحوار حق الماده
والمحاضرات المباشره تدخل عليها :oao:
انشاءالله مختصر ومفهم

[أبو رشيد]

انا راح اقول الي اسويه ...
احمل المحاضرات يعني تنزيل المحاضره المباشره والملفات المرفقه يعني المحتوي
واحل الواجبات والمناقشات لازم كلها الله يعين بس
واشارك في منتدي الحوار حق الماده
والمحاضرات المباشره تدخل عليها :oao:
انشاءالله مختصر ومفهم
وش خليت الله يجزاك خير

يعني كل شيء أسويه ؟؟؟؟؟؟؟؟؟؟؟؟؟ :sdfgdsf:

أعوذ بالله متى بلقى وقت أسوي كل هالبلاوي :017:

أصلا لو أبضغط على روحي وأسوي كل هالي تقول الموقع مايفتح :cheese:

حسبي الله على من غرني بهالجامعة

والمشكلة الحسا بعيدة ولا كان أروح أخذ شهادتي


يمدحون جامعة الجوف

يقولون لا بلاك بورد ولا خرابيط

والنجاح مضمون

والرسوم ( أرخص من تبن المذنب ):mh35: الترم بالف وخمسمية

[Ệliẑaḇễṱĥ]

شوف أخوي المواد اللي لها مناقشات ردك على مناقشاتها تكفيك المشاركة فيها لتحسب لك الدرجة ويكفي عن منتدى مناقشة الواجب أو الإختبار .
بالنسبة للمحاضرات فتحها يكفي لتحسب لك الدرجة مو شرط تحميلها .
أما المحتوى ماعليها درجات فقط على منتدى الحوار والواجبات والمحاضرات فلا تشيل همة ... موفق .

[أبو رشيد]

شوف أخوي المواد اللي لها مناقشات ردك على مناقشاتها تكفيك المشاركة فيها لتحسب لك الدرجة ويكفي عن منتدى مناقشة الواجب أو الإختبار .
بالنسبة للمحاضرات فتحها يكفي لتحسب لك الدرجة مو شرط تحميلها .
أما المحتوى ماعليها درجات فقط على منتدى الحوار والواجبات والمحاضرات فلا تشيل همة ... موفق .
الله يريحك في الدنيا والأخرة مثل ما ريحتني