سكرتاريـــا طبيـــه

[cat woman]

السلام عليكـــم ورحمه اللـــه وبركـــاتــه


حبيت اســأل يا ااخــواني واخواتـــي وياليــت تجاوبونــي بســـرعــه


اختبــار القبــول << كيــف طريقـــته واسألتــه ...؟

المقابلــه الشخصيــه << نفس السؤال..؟

الشهــادهـ << معتــرف فيــهــا ؟؟

الوظيفـــه << هل فيــه وظاايـــف ولااا نهايتهـــا بالبيـــت ...؟ << اهم نقطــه


الرســـوم << وش هــي رسوومهــم ؟؟


وشكــرااا وياليييييييييت تردون علي بســـرعه محتاجتـــكــم وربـــي:Cry111:

[{ ديم ..]

نفس الاسئلة اللي كنت بسألهآ :119:


ويآليت بعد تقولون لنآ متى نروح الجآمعة

ونآخذ معآنآ الشهآدة وبآقي الاشيآء المطلوبة ولآ نتظر لمآ نتيجة الاختبآر والمقآبلة ؟


الله يعطيكم العآفية

[نمله كاشخه]

الرسوم لمدة سنتين 33000 وزياده شوي

الله يوفقكم:praying:

[{ ديم ..]

^
^


بس 33 ؟؟

كثير يقولون بـ 40.000 او قريبة من الـ40

اذا كذا كثير مره ع دبلوم !!


ع العموم هذا خبر قبل اسبوع تقريبا بجريدة اليوم


جامعة الفيصل تعلن اسماء مرشحات السكرتارية الطبية الاربعاء

جعفر تركي - الدمام


جامعة الملك فيصل

تعلن كلية الدراسات التطبيقية وخدمة المجتمع بجامعة الملك فيصل يوم الاربعاء المقبل نتائج قبول البرنامج التأهيلي وأسماء المرشحات لاختبار برنامج السكرتارية الطبية . واوضح عميد الكلية الدكتور عدنان بن عبد الله الملحم ان اختبار برنامج السكرتارية الطبية سيعقد باللغة الإنجليزية يوم 24شعبان الجاري ، مشيرا الى ان الكلية اصدرت تقويما لعملية القبول بالكلية للعام الجامعي 1429/1430هـ . وتضمن تسليم وثائق المقبولين والمقبولات في البرنامج التأهيلي يوم 15 شعبان وعقد المقابلات الشخصية للمتقدمات لبرنامج السكرتارية الطبية يوم 25 شعبان وإعلان نتائج القبول في اليوم التالى وتسليم وثائق المقبولات في برنامج السكرتارية الطبية يومي 29 و 30شعبان كما حدد التقويم تسليم الجداول الدراسية لطلاب عام 2009م يوم 8 شوال فيما تبدأ الدراسة بالكلية يوم 11 شوال .



المصدر / هنآ (http://www.alyaum.com/issue/article.php?IN=12839&I=606635)

[بـــو أحــمــد]

cat woman - { ديم ..

هذا الرابط ممكن يفيدكن :
http://www.ckfu.org/vb/showpost.php?p=53665&postcount=7

[cat woman]

طيب يا أخت ديم يعني نروح تاريخ 15 شعبان اللي هــو السبت هــذا صح؟ عشان نعطيهم الاوراق وكذا ؟؟؟

بس يوم السبت مافيه يوم ثاني؟؟ الساعه كم؟

[{ ديم ..]

^
^


لالالا ذاك للبرنامج التأهيلي السكرتارية في اختبار واليوم الثاني مقابلة وبعده بيوم تطلع النتايج اقري الخبر عدلته


اختبار برنامج السكرتارية الطبية سيعقد باللغة الإنجليزية يوم 24شعبان الجاري // عقد المقابلات الشخصية للمتقدمات لبرنامج السكرتارية الطبية يوم 25 شعبان وإعلان نتائج القبول في اليوم التالى وتسليم وثائق المقبولات في برنامج السكرتارية الطبية يومي 29 و 30شعبان كما حدد التقويم تسليم الجداول الدراسية لطلاب عام 2009م يوم 8 شوال فيما تبدأ الدراسة بالكلية يوم 11 شوال .



وانا بدق ع الجامعة اتاكد منهم

[.. سارهـ ..]

يناس الحين انا قالو لي تعالي الاثنينـ واختبري ؟ اختبار قبوول اروح متى

شسالفه الساعه كم ؟

او اني اروح السبت واتاكد ولا شسالفه ؟؟

وكيف الاختبار والمقابله ؟؟

[{ ديم ..]

^
^


من اللي قال لك ؟؟ الجامعة نفسهم ؟؟


ع نفس موقع الجامعة قايلين اختبار اللغة الانجليزية 24 شعبان

[بـــو أحــمــد]

على فكرة :064:

هذا القسم محد يمدحه :000:
و كل الطالبات ألي درسن فيه ما يمدحونه أبداً
و عليه شكاوي كثيرة ..

يعني أيش تقولين و ايش تخلين :000:
لا من ناحية التدريس .. و لا من ناحية الوظائف بعد التخرج:s12:

رايح أعطيكِ الدليل ..
شوفي هذا الرابط :
http://www.ckfu.org/vb/showthread.php?t=1430

و برضو هذا :
http://www.ckfu.org/vb/showthread.php?t=10820

و برضو هذا :
http://www.ckfu.org/vb/showthread.php?t=8916&highlight=%C7%E1%D3%DF%D1%CA%C7%D1%ED%C9+%C7%E1%D8 %C8%ED%C9

[.. سارهـ ..]

اديــم

.. انا بكره بروح واستفسر عن كل شي بروح 9 تعالي هع

..

بروح اتكلم بشوف شنو السالفه بقولهم فيه بكالريووس ولا ايش القصه

اذا تبين اي شي تسالينه قوليه على شان اسأله لك ..

[cat woman]

شسااالفه :Cry111:


رجعت من سفرتي مستعجله عشان يقولون تسليم الاوراق وكل شي بكره :Cry111:


شسااالفه

[cat woman]

:000: ســـاره ردي علي بسررررررررعه بليز لاني ناويه اروح بكره السبت


شسالفه بكره نودي الاوراق ولا وشو ذا اللي فهمته من ديم

[.. سارهـ ..]

انتي اول شي مقدمه على ايش ؟؟


ثاني شي هم قالولك انك تروحين تقدمين اوراقكك بكره


ايش الي هم قالو لك ؟؟

[cat woman]

انا سكرتاريا طبيه

ويوم قريت الموضوع اللي من الجريده اللي حطته ديم توقعت ان اللي بالسكرتاريا الطبيه يروحون السبت اللي هو بكره يقدمون اوراقهم :Cry111:


والحين مدري وش القصه يعني رجعت عالفاضي :c8:

[.. سارهـ ..]

من جدك ؟؟

طيب هم قبلوك بالموقع قاال لك تم ترشيحك ؟؟ ولا ماسجلتي ولا ايش ؟

[cat woman]

الا سجلت وقالوا تم ترشيحك :000:


يعني مانروح بكره ؟؟؟؟؟؟؟؟

[.. سارهـ ..]

حلو يعني نفسي

قالو لك متىى تختبرين اختبار قبوووووووول ؟؟

[cat woman]

ماقالوا شي انتي قالولك ؟؟؟

[.. سارهـ ..]

شوفي شرايك تجين بكره معي بفيصل وانا وياك نسأل ؟

ع شان اضمن ع شان اقرر مره وحده نشووف انا وانتي المواد والمبنى ونساال الاداره وبعض البنات عن القسم ؟

[cat woman]

قدااااااام انا اصلا ادور احد يروح معي هع




سوري مقدر ارد على رسالتك يقولون لازم فوق 20 مشاركه :017::017:

[{ ديم ..]

السكرتارية الطبية اختبار لغة انجليزية ب24 شعبان يوم الاثنين اللي يصادف 25/8/2008

و25 شعبان المقابلة

واليوم الثاني تطلع اسماء المقبولات ويوم 29 و30 شعبان يروحون يقدمون اوراقهم



بكرة بس للاقسام الباقية لان مافي اختبار ولا مقابلة


انا بدق على الجامعة بكره اتاكد

وانتم اذا رحتوا تاكدوا واسالوا وردوا خبر

[princess-8]

حبايبي

اسمعو لازم تروحين تقدم اوراقك


وهم يقلون لك وين المكان وساعه كم الامتحان


بكره بروح ان شاء الله اليوم ما رحت

في احد بيروح؟؟؟؟

[.. سارهـ ..]

انا رحتتتتت اليوم عطيتهم اورااقي وافتكيت الحمد الله


الاختبار يوم الاثنين مو هاذا لا الثاني .. الساعه قالت من 9 يعني 8 ونصـ احنا هناك .


بنات الي مسجله هناك وبتختبر الاثنين تقول ع شان نعرف بعض << فاضيه ههههههههههاي :lllolll:

[princess-8]

سارونه

انا معــــــــــــــــــــــــــــــــــــــــــــاكي

بس بكره بروح عشان اقدم اوراقي:praying:


كان زحمه اليوم صح؟

تعالي عطوكم ارقام لدخول الامتحان؟؟؟


بنات يلي عنده خلفيه عن الاسئله يعني عندها اسئلة الامتحان:g2:لا تبخلون علي اوكي

خلينا نتعاون:s12::s12::119::119:

[ورد ..]

هلآ بنآت

بالتوفيق يارب

انا بعد انقبلت بالقسم

بس اذا ممكن تقولون لي وش الأوراق اللي وديتوها

ومتى آخر يوم عشآن نودي هذي الأورآق

والله خايفه من هالقسم محد يمدحه بس يلا على الله ويحلها

انتظركم ,,

:Cry111:

[.. سارهـ ..]

هــــــلأألأأ


لا ايعمري ماعطونا ارقام ولا شي قالو بس اختبار الاثنين مو هاذا لا الثاني ..

وقالو تعالو بدري لازم نروح بسرعه ع شان نحجز اماكن عرفتي ..

الاختبار ماعرف عنه شي ابد .. بس قالو انه انجليزي

[{ ديم ..]

انا رحتتتتت اليوم عطيتهم اورااقي وافتكيت الحمد الله


الاختبار يوم الاثنين مو هاذا لا الثاني .. الساعه قالت من 9 يعني 8 ونصـ احنا هناك .


بنات الي مسجله هناك وبتختبر الاثنين تقول ع شان نعرف بعض << فاضيه ههههههههههاي :lllolll:




ياهلا ساره موفقة يارب

بس بسألك ايش طلبوا منك اوراق بالضبط , واذا في نسخ كم نسخة ؟

وبالتوفيق

[.. سارهـ ..]

مممممممم

<< نسخه بطاقه العائله وسيره وسلوك وشهادتك الثانوي ...


وانتي جيبي ملفك الاصلي ع شان يطبقون فيه ــ

..


يالله برب حباايبي ..

[{ ديم ..]

^
^


بس ؟ مايبون صورة شخصية ؟


تيت وبالتوفيق

[cat woman]

وانا رحت مع ســاره هع



ونفس اللي صار مع ساره صار معي


بس ترى تتكلم انجليزي لاتتوهقون زيي خخخخخخخخخخخخخخخخخخخخخخخخخخخخخخخ

[cat woman]

يابناتي اللي يرسل لي رساله خاصه ترى مقدر ارد يقول لازم مشاااركاتك فوق 20:017:



لحد يشره علي فديتكم

[عشقي محمدي]

بناااتااات ياااحلوووات
انا معاااكم
رحت وحده تتكلم انجليزي
عرفت نص هدرتها بس
رحت والمكاان فااضي مافي احد اقول لايكوون غلط
خفت ان ماافي احد مسجل ويطلع فااشل هذي الكليه
بس انا سمعت يبووون ومررغوب مااعليكم من الي يتكلم
انا شفت بنتين يمشوون رايحين الكليه عبروا قدامي اطالع فيهم اقول هذولا بصيرون معي
وبالتووفيق ان شااء الله ونشووفكم يوم الاثنين

[فوشيه مبرقعة]

السلام عليكم ورحمة الله وبركاته

الله يسلمك بنسبه للاختبار فهوا كله انجليزي بس ان شاء الله بيعدي

على فكره هو اسئلته مابين قطعه وصح وخطاء واختاري >>>> الاخت لها تقريبا خمس اسنين من سوت الامتحان هههههههههههه

بس القبول يعتمد اكثر شي على المقابله

اعرف ثنتين مش سعوديات اول ماسجلت واصروا القسم انهم يقبلونهم لانه انجليزيتهم 100% ممتازه

بس بعد يعتمد على البنت.

اقول وش رايكم بس تصفون طابور اول يوم في القسم عشان اشوفكم هههههههههههه تراني خبره في القسم هع هع هع بس لاتعلمون ههههههههههههههههه

يلا فديتكم وعساكم على القوه >>> متاثره من القصص الي تقراها

ايه والله توني بس اليوم كملة العشرين رساله هع

برسلك رساله

ودمتي بحفظ الرحمن ... في امان الله

[اخت المها]

السلام عليكم ورحمه الله وبركاته
بنات لازم اروح اودي اوراقي قبل ماادخل الاختبار
بلييز ردو على:000:
الله يعطيكم العافيه

[عشقي محمدي]

اهلا كيف حالك
يافوشيه مبررقعه <<<اسمك حللو
بس حبيت اسأل المقاابله بالانجليزي ولا بس الاختبار
انتي راسله
رساله حقي لان فديتك انا توني ماخلصت 20 مشاركه وشفت رسايل بالبوكس حقي

[فوشيه مبرقعة]

السلام عليكم ورحمة الله وبركاته

اهلا كيف حالك

هلابك; الحمد الله بخير وصحه وسلامه دامك بخير

يافوشيه مبررقعه <<<اسمك حللو

يسلموا ياقلبي تبينه خذيه مايغلى عليك هع هع هع

بس حبيت اسأل المقاابله بالانجليزي ولا بس الاختبار

شوفي حسب ماذكر انها كانت بالعربي وبالانجليزي لانه معظم الهيئة التدريسيه عربيتهم مكسره يعني بيسئلونك بالانجليزي بس كان هل شي من زمان من خمس اسنين تقريباً

انتي راسله
رساله حقي لان فديتك انا توني ماخلصت 20 مشاركه وشفت رسايل بالبوكس حقي

عادي فديتج ادري وانا متوقعه انك تردي على الموضوع الي تشاركين فيه

ودمتي بحفظ الرحمن ... في امان الله

[فوشيه مبرقعة]

السلام عليكم ورحمة الله وبركاته

اختي اخت المها اكيد لازم تودينهم وتسائلين عن اي شي مانك عارفته عن الامتحان والمقابله قبل الموعد

على العموم اكثر شي يعتمد عليه الامتحان هو الـ grammer

ودمتي بحفظ الرحمن ... في امان الله

[اخت المها]

الله يعطيك العافيه :119:
اختي فوشيه مبرقعه
بس شنو الاوراق الى يطلبونه مني؟؟؟:mh19:

[دلوعـة ,,]

أوراقك الاصلية { الشهادة + بطاقة العايلة + حسن سيرة وسلوك }

وتاخذين نسخه او نسختين منهم اضمن

وبطابقهم مع الاصل وتعطيك الاصل

[cat woman]

هــــاي ياحلوات ياصقيقاتي الجديدات <<< علطووول لزقت هع


انا رحت وارتحت مره ليه مدري وياليييييييييييت انقبل



عشان كذا اي وحدهـ تتذكر لو ربع سؤال تقول


ياحبنييي لكم

[طريق الجنون]

الله يكمل عليكم فرحتكم يارب :mh001:

وتخلصون من هالقسم وانتو مستانسين

مو بس تنبسطون اول الايام

[princess-8]

ياليت والله



:s2:
لو وحده تعطينا وجه وتقول لنا عن الاسئله:g2:

الله يجزي الاخوات يلي عطونا خلفيه عن نوعية الاسئله...:119:



دوم يارب تكونين مبسوطه وفرحانه :s12:


وانا شاء الله يقبلونا


يارب دعواتك

كيف معاكي المذاكره

عاد انا قطعت حالي من مذاكره:lllolll::lllolll::lllolll:
الله بلخير:011::000:

جالسه اتأمل وانتظر احد يكتب الاسئله:000::hahaha_2008:

[بيشووو]

يانااااااااااااااااااااااااااس انا ماخليت كتاب ماشريته عن هالقسم :000:




ومافي اي فايييييييييده ميييييييييييييييح :Cry111:
:Cry111:





بكره الاختباااااااار ومو عااارفه شي اللي عارفه اي شي عن نوعيه الاسئله بلييييييييييز تقووول

[princess-8]

:Cry111::Cry111::Cry111::Cry111:




الله يستر جدا


يلي عندها اي معلومه ياريت ما تبخل علينا

[Max99999]

.. بصراحة ما انصح اي بنت تغامر وتدخل القسم ..

.. اخت صديقي متخرجه من هذا القسم قبل ثلاث سنوات ،، وللحين تدور بشهادتها محد معبرها ..

.. المشكلة انكم راح تدفعون فلوس على قل سنع ،، لو بتسجلوا بفلوس ادخلوا محاسبه ولا تسويق ولا نظم معلومات ،، على الاقل لها مستقبل بعدين حتى لو تكملوا دراسه برا ..

.. هذا القسم اللي بتدخله راح تدفن نفسها نهائياً ،، لا مطلوب بالتوظيف -- ما فيه بكالوريس -- الدولة ما تبتعث خريجات هذا التخصص ..

.. والله يعينكم على اختيار القرار ..

[cat woman]

انــا مــدري وش بذاكــر صراحه والاختبـــار بكــره


ومحد عطانا وجه هنــايقول عالاقل لو سؤال:017:



الله يعييييييييين ان شاء الله

[princess-8]

:017::017::017::017::017::017::017::bngo12::bngo12 ::bngo12::bngo12::bngo12:


واااااااااااااااااااااااااااااااي بستخف



شكل مافي امل احد يعطينا وجه


اقول يلي عندها امتحان ايش ذاكرتو؟؟؟


:Cry111::Cry111:الله يستر جد

[ورد ..]

انا ولا بذاكر ولا شي

أهلي هم اللي غصب طيب يبوني اروح هالإختبار حق هالقسم الفاشل

فـ بروح وبخربط في ورقة الإختبار حتى لو اعرف الجواب بحط الخطأ وبخلي الصح

طالعوا يرحم والديكم كلمن جا حد قال لا تغامرون وتدخلون هالقسم

أقول قولي هذآ وأستغفر الله لي ولكم

وقعدوا في بيوتكم عدوا كم جدار فيهم احسن لكم


:bngo12: :bngo12: :bngo12: :bngo12:



<-- :g8:

[cat woman]

افا وراه متشائمه كادي عالاقل حلي وبعد ترم حولي محاسبه او تسويق


انا عندي مرتاحه للقسم ذا



وبكره ان شاء الله ربك يحلهاااا

[cat woman]

اللي ودهــا تذاكر تذاكر حق ثالث ثنوي فيه ناس قالولي يجي منه كثير

[ورد ..]

والله حيل قلبي معورني

هذاني حليت زين ما قدرت اشوف الحل الصح واحط الغلط

جاتني حكه بايدي خخخخ


الأمل في بكره بالمقابله

ان شاء الله ما اعجبهم

.
.


وانتي كات وش سويتي

توقعت اعرفكم بنات المنتدى بس ماعرفت حد

[princess-8]

هااااااااااااااااااااااااااااااااااااااااي
بنوتاتت

الحمد الله على كل حال
يله اهم شيء حلينا كم سؤال

ها بنات ايش سويتو؟؟

جد الله يعين بكره
كات ياليت عرفتك
كنت لحالي:Cry111:
المهيم الله يوفقنا

[cat woman]

اهليييييييييين ياحلوااات



لا اكيد عرفتوني انا بلحالي امشي كني خبله خخخخخخخخخخخخخخ


ومدري ليه كل البنات يناظروني خخخخخخخخ


نشوفكــم بكره بالمقااابله

[{ ديم ..]

طمنونا يا بنات السكرتاريه ايش سويتوا ؟

بالتوفيق لكم وللجمييع :119:

[cat woman]

الحمــد للــه خلصــنــا المقابلـــه وعقبــال النتيــجه الحلــوهـ يااااارب

[فوشيه مبرقعة]

السلام عليكم ورحمة الله وبركاته

كيفكم صبايا

ادري مقصره بس اسفه الملتقى رافض يعمل عندي بسبب مشاكل فيه واخيرا فتح

المهم بنسبه للبنات الي ينصحوكم انه ماله فايده ... بالعكس برغم من اني منزله شكوه عن القسم الا انه مواده حلوه درجه اوله

اكثر شي استفدته منه صرت اميز الكلمات الواطيه وغير واضحه وصرت اعتمد على استخدام اصابعي كلها في الكتابة على الكيبورد موا مثل ناس والمواد حلوه برغم من سوء الهيئة التدرسيه بس في النهاية محصولك العلمي بيكون رائع

في النهاية صلوا استخاره واذا الله سهل لكم اموركم يعني السالفه مكتوبه لكم وونسوا صدركم

ايه قبل لانسى علموني بالنتايج الو ماتطلع تراني استنى على نار

هههههههههه فديتكم والله والله يوفقكم ويكتب لكم الي فيه الخير

دومتم بحفظ الرحمن...في امان الله

[Red Velvet]

عديت المقابلة باركووولي

[بيشووو]

خخخخخخخخخخخخخخخخخخخخخخخخخخخخخ


انا عند زينب العبيد اسئلتهاااا مو طبيعيه مالها داعي ابد




بس بناااااات بلييييز اللي تعرف متى يعلنووون القبووول تقووول ومتى

[cat woman]

ميشــووو باللهي انا برضووو عند زينب بس اسألتها خطيره صراااحه سهله

وش سويتي انتي؟؟

[بيشووو]

اسئلتها ملها اي داعي

تقولي وشو المستشفيات اللي في المنطقه
:000:

[بيشووو]

:cheese:بناااااااااااااااااااااااااااااااااااااااا اااااااات باركوووووووووووووووووووووووووووووولي انقبلت واخيرا

[cat woman]

مبروك.....

[marshmallow]

مبروك وانا بعد انقبلت:d5::d5: