تسجيل الدخول

مشاهدة النسخة كاملة : بلييييييييييز ساعدوني قبل مايبتدي التسجيل يوم السبت

كرم
2008- 8- 14, 06:33 PM
السلام عليكم

أخباركم

او قبل ماأبتدي مبروووووووك لكل المقبولين والمقبولات بالجامعة

عندي أستفسار أنا سجلت بكلية خدمة المجتمع دبلوم حاسب آلي وقبلوني ومااعرف اذا كانت الدراسة فيها بفلوس او لا فا ابي أعرف اذا كانت بفلوس او لا او اذا كنت أقدر أحول من هاذي الكلية لكلية ثانية وشكرن
:Cry111:بلييييييييز ساعدوني وربي محتارة
مرجــــانة ريحــــــانة
2008- 8- 14, 06:50 PM
هلا أختي كرم ...

نعم هذه الكلية برسوم ...

ولاتستطيعين الإنتقال لرغباتك الأخرى ....

لأن النظام طلب منكم وضع الرغبات حسب الأولوية ...

الدراسة برسوم لمدة سنتين ...

وهي دبلوم ...

إذا تفوقت يحولونك على حساب الحكومة

ويحولونك بكالوريوس ...

ويعطوك مكافآت شهرية 840 ريال









أختك : مرجــــانة



...
بقيقيه
2008- 8- 14, 07:13 PM
:mh19: بس الي سمعته انها مش برسوم وتدرسين بدوون مكافأه صحيح ولااا؟
مرجــــانة ريحــــــانة
2008- 8- 14, 07:18 PM
نعم أختي بقيقة ...

الدراسة برسوم وبدون مكافأة ..

بس إذا تفوقتي ينقلب الوضع إلى ...

مكافأة وبدون رسوم ...





أختك : مرجــــانة


...
_ώηα aķthaR_
2008- 8- 14, 07:19 PM
نفس ما قالت مرجانه الرسوم بس اول سنتين .. والرسوم ترى مو غاليه




اختي مرجاانه ..
الحين ما اقدر احول لكليه ثانيه .. اكيييييييد؟؟ :000:


انا سجلت الرغبه الاولى حاسب كلية العلوم بالدمام .. والثانيه حاسب ونظم معلومات بكلية خدمة المجتمع والثالثه تصميم داخلي
,, وقبلوني بحاسب كلية العلوم

هل اقدر احول حتى لو بعد ما ادرس ترم بحاسب وبعدين اطلب تحويل؟؟؟


بليييييييييييييز اي احد يعرف يجاوبني
مرجــــانة ريحــــــانة
2008- 8- 14, 07:31 PM
هلا أختي ....

نعم تقدري تحولي لقسم آخر بس بعد ماتدرسي سنة في قسم الحاسب ...

تقدمي طلب تحويل للجامعة ...

وهم ينظرون في أمرك ...

وتنتظرين موافقتهم يوافقون أو لأ ...

أبشرك ترى الرغبة اللي طلعت لك حاسب حلوة

وما تستاهل تغيريها ...



أختك : مرجــــانة


...
بقيقيه
2008- 8- 14, 08:07 PM
ياالله وانا سجلت فيها على انهم قالو لي انك تدرسين فيها بدون ماتدفعين لهم ولااهم يعطون مكافأه للطلاب :011:



والحين اكيد مااقدر اغير الطلب ياربي ويش اسوييي :Cry111:
مرجــــانة ريحــــــانة
2008- 8- 14, 08:22 PM
اسمعي أختي بقيقة ...

الحاسب في كلية العلوم للبنات بالدمام

والحاسب ونظم المعلومات في الحسا

والحاسب في الجبيل

هاذي بدون رسوم ...

بس خدمة المجتمع برسوم ...






أختك : مرجــــانة


...
بـــو أحــمــد
2008- 8- 15, 07:57 AM
ياالله وانا سجلت فيها على انهم قالو لي انك تدرسين فيها بدون ماتدفعين لهم ولااهم يعطون مكافأه للطلاب :011:



والحين اكيد مااقدر اغير الطلب ياربي ويش اسوييي :Cry111:


بقيقيه و البقية
لابد تفرقون بين كلية المجتمع للبنات
و بين كلية الدراسات التطبيقية و خدمة المجتمع

أول شي
كلية المجتمع للبنات بالأحساء أو الدمام
دراستهم لمدة سنتين .. و الشهادة دبلوم
و لا يعطون مكافآت


ثاني شي
كلية الدراسات التطبيقية و خدمة المجتمع

طلاب و طالبات كلية الدراسات التطبيقية و خدمة المجتمع يدرسون على حسابهم لمدة سنتين .. و بعدين إذا حصلوا على معدل 2.75 من 5 .. بإمكانهم يكملون دراستهم في كلية العلوم الإدارية و التخطيط لمدة سنتين و يحصلون على درجة البكالوريوس .. و برضو يعطونهم مكافأة خلال فترة دراستهم في كلية العلوم الإدارية و التخطيط

يعني مجموع سنوات الدراسة هي أربع سنوات
سنتين على حسابك في كلية الدراسات التطبيقية و خدمة المجتمع
و بعدين سنتين مجاناً في كلية العلوم الإدارية و التخطيط و يعطونك برضو مكافأة ..

هذا هي الخطة الدراسية لكلية الدراسات التطبيقية و خدمة المجتمع
http://buahmed.15.2008.googlepages.com/Prog_COlll_a.JPG
http://buahmed.15.2008.googlepages.com/Prog_COlll_b.jpg

السنة الأولى :
الفصل الدراسي الأول : 17 ساعة
الفصل الدراسي الثاني : 17 ساعة

السنة الثانية :
الفصل الدراسي الأول : 16 ساعة
الفصل الدراسي الثاني : 17 ساعة

كل ســاعة بــ 500 ريال
مجموع عدد الساعات : 67 ساعة
يعني 67×500= 33500 ريال