قصتي مع الكلية الجامعية ..

[رنيم القلب]

http://www.islam2you.com/forums/islam2youup/Allah/besmallah06.gif




يا عرب افهموني واسمعوا وش هي القضية

انا طالبة في كلية يسمونها الجامعية

بس للأسف توني بأول مشواري يعني بالسنة التحضيرية

اول ماقبلوني كنت طايره من الفرح تقول كسبت لي أولمبية

دخلتها وانا متحمسة واقول واخيرا صرت طالبة جامعية

وافتكيت من شي اسمه الثانويه والنسبة التراكمية

ومن ثاني يوم سوو لنا حفلة قلت يمكن حفلة ترحيبية

طلعت للأسف حفلة تعريفية

مع ان الاسم ما عجبني بس قلت احضرها يمكن استفيد شوية

وحضرتها سمعت فيها تعليمات كثير بس ماعجبني منها الا شوية

منها انه في ستين ساعة غياب مجانية

وان اللي بيدرسونه من دول اجنبية

وطلعت من القاعه وفي بالي احلام وردية

ويوم الثلاثاء بدت المحاضرات الجديه

وللاسف استفتحناها بالماث والمعادلات الرياضية

وقعدت اتحسب على اللي حطت الجداول اليومية

انتظرت متى تخلص المحاضره لأني مااحب المعادلات الجبريه

وسألت اللي جنبي كم مدة المحاضره قالت ساعتين الا شوية

وبعدها حضرنا محاضرة قرمرمع مس افريقية

وبعدين كان عندي بريك ساعه الا شويه

ويوم خلص سحبت رجليني لكلاس الريدنق واحس كنه بيغمى عليه

وماصدقت يوم خلصت المحاضره رحت طيران على سيارتنا الفضية

وشايلة هم دوام بكره والمحاضرات اليومية

واقول هذا يوم وماتحملته اجل كيف بالأيام الجاية

واللحين انا بالسمستر الثاني نجحت بكل المواد الا الرياضيات الجبرية

واللحين حالتي حاله مع الماث ومهارات اللغه الأنجليزية

ومعاناتي مع الاختبارات ربك يعلم بالحالة المزرية

باقي عندي كلام كثير بس الحروف تقول ارحمينا شوية

وفي الأخير مابقى عندي الا كلمة اقولها

( حسبي الله على الكلية الجامعية )



:106:من كتاباتي :119:

الحقوق محفوظه باسم رنيم القلب

[%بنت غاليها%]

صح لسااانك يابنيه
وراح الكثير مابقى الا شويه
وتنبسطين بالاجازه الصيفيه:lllolll:

>>مححد يحاول يمشي عالوزن:(107):

[طالبة جامعية 88]

روووعه وصدقتي والله معاناة :icon9:

تقبلي مروري

[رنيم القلب]

لا لا يا أُخية
باقيلي دراسة صيفية
باخذ فيها ماث 2 عشان افتك
وانام بأريحية ....:lllolll:

[Esc]

هع جبتيها والله معاناه هالتحضيري كارفينا كرف
ويلا ان شاء الله تاخذين ماث2 بامتياز :wink:

[جـُلـّنار]

حبيبتي رنيم ..:106:
اولا اهنيك ع طريقه صياغتك الاكثر من رائعه<<الله يحفظك
شوفي الشي الحلو مايجي بسهوله..
ع قولتهم اللي يبي العسل لازم يذوق لدغ النحل..


اما من زحمه الجدول هذي كانت معاناتي في السمستر الاول
تخيلي كان بريكي الاوحد والوحيد يوم الاثنين3و 6.7 بسس

اما الحين لا..بس انا مابي اظلمك لاني بزنسس يعني ماعندي فيزيا
وكيميا وماث 1و2

بس في مواد ثانيه وكانت عندي اصعب من الماث اففف
وعندي فاونديشن ماث..

شوفي بكره نتخصص وتقل زحمه جداولنا..بس طبعا ما اقول
ان الدراسه رح تسهل لان بالعكس مارح يكون في مجال للعب
والمواد رح تكون ادسم..

شوفي ترا مو احنا بس الي عايشين هالوضع
بالعكس الاف مؤلفه وكل طالبات التخصص الي تشوفينهم
مروا فيها والحمدالله عدوا..:119:

وانتي بعد الله يعينك ويسر لك تنجحين بالماث وتعدين الصيفي ع خير
وشوفي ربك مايضيع حق احد..وانتي بس لاتقارنين نفسك بغيرك
او تستغربين انتي ليش مو زي فلانه وعلانه بالانجلش<<كلها قدرات متباينه

بس اذا بغيتي تقارنين..مالك الاتقارنين بين مستواك قبل ماتدخلين الجامعيه
والحين..اكيد في تطور واضح..:119:

انا عن نفسي ماكنت اقدر اتكلم انجلش بتاتا مع اني عندي مصطلحات كافيه وافهم
وماكنت اعرف شي اسمه تعبير..ولا اعرف اكتب جملتين ع بعض..

بس الحين بحمد الله اقدر اتكلم مع المس بطلاقه واسالها
وبامتحان الرايتنق الي امس كتبت فوق 200كلمه
يعني اكثر من المطلوب<<تعبت من التحذيف عشان ما انقص:064:
بس انا اعتبره انجااااااااااز مقارنه بوضعي قبل ما ادخل الكليه..

وانتي بعد اقعدي مع نفسك وحددي نقاط الضعف واشتغلي عليها
بعدين ربي مايضيع جهد مخلوق..

واذا كنت من الي يسحبون بإجحاف يكمن يكون هذا السبب:(107):

وبالتوفيييق..:106:

[رنيم القلب]

صحيح كلامك اختي جلناااار اكيد لازم نتعب عشان نوصل للي نبيه
بس هذي كتبتها من باب الطرافه :tongue: >>>>>>> ماكان لها خلق تذاكر قرمر ولسننق :(269):
واكيد من طلب العلا سهر الليالي :(204):

[جـُلـّنار]

Go ahead
:(204):

[رنيم القلب]

ان شااااء الله :119: :106:

[سومآ]

صح لسانك صراحه كلام من الواقع الي انا امر فيه بعد

وان شاء الله اخرتها نجاح و تفوق و تحقيق طموحات و احلام يارب

:love080:

[رنيم القلب]

الله يوفقنا جميعا ونعدي السنه التعذيبية (التحضيرية ) :(177):

[A6lq Wld]

خخخخخخخخخخخخخخخخخخخ
لا لا من جدد خطيييرة رنيم كل هذا من عمايل القرامار ؟؟

[رنيم القلب]

يب :lllolll:

ابشركم جبت فيه 15 وانا ما ذاكرت ابد :lllolll: >>>>> اجل كيف لو ذاكرت :(269): :(284):

[نو آندرستاند]

رغم عن المعاناه الا انها اعجبتني قافية كلماتك الرائعه

بس شدي حيلك واحمدي ربك على كل حال ..انا سنتين بالسنه التحضيريه :Cry111:
كله بسبب نظامهم الخايس ..

جيت اول ترم مثل ماقلتي محنا حول الدراسه الجامعيه ..نجحنا في شي وجبنا العيد في شي

وكانوا يقولون لنا ركزوا على الماث والانقلش
اذا عديتها ورسبت في ماده عاديه مثل الكمبيوتر والفيزكس وكذا تتخصص وتحملها مع التخصص
..ولكن حسبي الله عليهم اخذت ثلاث اترام في السنه التحضيريه
وخلصت جميع المواد ماعدا كمبيوتر 2 رغم السهوله
ولكن انا استسهلته وركزت على المواد الصعبه ..وجبت العيد فيه ..:icon9:

كانت نيتي اتخصص واحمل الحاسب معي ..
ولكن طلعوا علينا بنظام جديد ونظامهم الاول سفط ..
وقالوا لازم تخلص جميع متطلبات السنه التحضيريه عشان تتخصص ..
ياعالم يميمن يسار فوق تحت ..قالوا مافيه ما معك الا ما حصل

والحين هذا انا في الترم الرابع ادرس حاسب 2 فقط لا غير ..

ساعتين طول السمستر وضيعونا والله يعين

وان شاء الله الترم الجاي نتخصص ..

والله يوفق الجمييييييييييييييييع

[رنيم القلب]

ان شاء الله تنجح وتتخصص قريبا
انا الماث عندي ناشبلي نشبه ودي انجح فيه :Cry111:

[النجم الثاقب]

خاطرة جميلة جدا ً

أستمري

والماث سهل بس يحتاج تركيز وفهم واشوي حفظ


وربي يوفقكم كلكم وما تحملون أي مادة

[nooonah]

يووووووووووه الحمدلله ياربي كنت فيها بس ماقدرت اتحمل:sdfgdsf:
سنه ويالله تحملتها صراحه نظامهم بالمحاضرات موب حلوو :(177):ضغغغغغغغغغغغغغغط :bawling:
الله يعينكم عليهم <<بتنجلد :(284):

[kle hm]

:(177):

[رنيم القلب]

الله يعينا كلنا وننجح :119: