الي مسجلين بجامعه محمد بن فهد يدخلون ***

[بنوتهـ الشرقيهـ]

هااااااااااااااااي

بنات إذا احد يعرف الجدول متى ناخذه ووش المواد اللي راح ندرسها

حق التحضيري طبعاً

وأنـــــــــا تخصصي (Computer Engeneering)

ممكن تفيدوني لو سمحتووووا


تحياتي

[ورديه]

بنوتها اهلين
اخبارك

نفس تخصيصي


ابي اسئل انتي بأي تاريخ اختبرتي وقلتي انه يوم ثانيه دقو عليك ولا ؟؟؟؟


اني لسه قالو انهم يطولو اسبوعين اوكثر

[++c]

بنات خلاص مابصير معكم :011:


قبلوني حاسب في الفيصل :119:


مووووفقين جميعا وين ما كنتوا


ادعووولي

[fatee]

يوووه خسارة تحمست اشوفك :011:

بالتووفيق انشالله :119:

انشالله يفتحون الماجستير وتكملين في محمد:119:

[لمبه]

يووووه حسااافتك دكتوره نور

ماشاء الله مبروك عليك القبول

والله يوفقك

[++c]

تسلموو حبايبي


وانا بعد كان نفسي اشوفكم


يلا في المجاستير ان شاء الله <<<< غصب بتدرس في الأمير محمد



باي

[.. Jόόd }● ~]

الف مبروووووووووك دكتورة نور


:119:

[عشق بدووي]

السلالام عليكم ورحمه الله وبركاته ,,,,,,,,,,,

ششخباركم طيبيــــــــــــــــــــــن ؟؟؟؟

انا سجلت قبل شهر واقبلوني الحمدلله بس ما ادري اي ليفيل لاني خربطت بس فيه سنه تحضيريه بس ما دري شلون المهم ماطول عليكم


وتخصصي هندسه مكانيك

وبالتووفيق للجميــــــــــــــع

[.. سارهـ ..]

يؤ دكتورهـ نورم و معنا خساااااااره تحمسسسسسست اشوفك هع ييؤيؤ حسافه والله

.. الله يوووووووفقك يارب


........



مبروووووووووووووووووووووووووك " عشق بدووي "

والله حلو تخصصك ودي ادرسه << صعب هع هع ..

..

[hadeel001l]

مررحبا بنات ..

انا رحت امس وعطيتهم وراقي ..
اختباري السبت ..

مين معااي؟
ماابي اكون لحالي .. :s11:

[.. سارهـ ..]

ولكمووووووووووووووووووووووووووووووووووووووووووووو

شنو قررتي تدخلين " هديل " .

[*نجمة سهيل*]

بنااات سؤال :mh45:


الكتب نشتريها ولا هما يعطونا؟؟؟؟

[hadeel001l]

اهلين ساره

ولكمووووووووووووووووووووووووووووووووووووووووووووو

شنو قررتي تدخلين " هديل " .

حاليا حطيت بزنس ..
بس افكر اغير التخصص .. مع انه عاجبني ..

تتوقعين فيه مجال نغير بعد السنه التحضيريه ؟؟


بناات محد معااي السبت ؟؟ :Cry111:

[.. سارهـ ..]

ايه في مجال اكيد انا سألتهم انا حطيت قسم قلت بس مادري يمكن اغير قالت عادي تقدرين تغيرين :lllolll:

..


نجمه مادري والله علمي علمك

..

[MISS DODO]

انا وقت المقابله .. مافهمت كلام الامريكيه .. وعرفت ان تخصصي تقنية معلومات خخخخخخخخ ..
وانا مستحيل ادخل تقنية معلومات مو ميولي اصلا ..
الي ابيه كلية ادارة الأعمـال .. بدخل اما نظم معلومات او علوم ماليه ..
وقبلوني ولله الحمد وعندهم الاوراق الاصليه ودفعت وخلصت لكن في اجراءات لازم اخلصها ..
الي بتروح السبت تعلمني ابي اشوفها ..
مااعرف احد بهالجامعه ابد ترا ..
بروح اقولهم مابي تقنية معلومات .. ابي كلية ادراة الاعمال ..

[.. سارهـ ..]

مس دودو .

ولكموووووووووووووووووووووو هـلأألأأ وغـلأألأأ لانضمامك لشلتنا الدجه :lllolll: ..

هلا فيك منورررررررررررررررررهـ فديتك ..



هديل بتروح السبت عندها اختباار روحي معها هع ..



..

حلو تخصصك .. انا سجلت علووم ماليه بس مادري يمكن اغير انا بدرس السنه الاولىى انجليزي وبعدين يحلها الف حلال يمكن اغير :lllolll:

[ღMs.Kღ]

الحين خلاص وقف التسجيل؟

ولو ماوقف متى اخر يوم؟

[MISS DODO]

عاد تصدقين .. انا اسمي هديل بعد هههههههههههههههههههههههههههههههههههههه..
حلو القى وحده نفس اسمي بنفس السنه ..
من يوم دخلت الروضه الى ان خلصت دراستي ماصار معي وحده اسمها هديل بنفس السنه .. هههههههههههههههههههههههههههههههههه ..
احس انا وياها بنصير خويات مدري ليه هع هع هع..
بس شايله هم كيف اتفاهم معهم .. ..
يعني ابي اعرف .. السنه التحضيريه كلنا ندرس نفس المنهج ؟؟
بعدين اذا جا وقت التخصص نحدد بكيفنا .. ولا بعدين يقولون لي على حسب الشواغر وهالكلام الفاضي ..:Cry111:

[.. سارهـ ..]

مس التسجيل وقف بس دقي عليهم وشوفي


..


هههههههههههههههههه تيب مس دودو

شوفي انا توني مسجله

تعالي هع نكون نفس السنه ههههههههههههههاي


شوفي اول شي تختبرين وتخلصين هم يحددون مستوااك

يعني اول سنه مثلا مثل انجليزي وبعدين يعني كلهم خمس سنين

[MISS DODO]

ساره .. انا خلصت كل شي ..اختبرت .. وسلمت اوراقي الاصليه .. ودفعت لهم ..
وبروح لهم السبت عشان اعطيهم الوصل لأن انا حولت الفلوس على حساب الجامعه وقالوا لازم تجين وتجيبين الوصل معك .!!
وعندي اسئله كثير بس مدري مين اسأل ..
ابي اسأل ان اي مستوى حطوني ؟
وابي اقولهم اني مابي تقنية المعلومات .. ابي كلية ادراةالاعمال ..
وابي اسأل عن الابتعاث الداخلي .. زي كذا يعني ..
بس اي بنت راح تجي السبت تعطيني خبر ابي اشوفها .. :g20:

[.. سارهـ ..]

اها حلو حلو


حركتات والله ..

هع

لالا لاتشوفين احدا اغار هههههههههههههههههههههههههههههههههههههههههههههههههه ي :lllolll:


الله يوفقك يالغلااا ا ..

اهم شي اسالي عن الابتعاث الداخلي ع شان بشوف شنو سالفته

[خذآنـي آلشـوق]

ساره .. انا خلصت كل شي ..اختبرت .. وسلمت اوراقي الاصليه .. ودفعت لهم ..
وبروح لهم السبت عشان اعطيهم الوصل لأن انا حولت الفلوس على حساب الجامعه وقالوا لازم تجين وتجيبين الوصل معك .!!
وعندي اسئله كثير بس مدري مين اسأل ..
ابي اسأل ان اي مستوى حطوني ؟
وابي اقولهم اني مابي تقنية المعلومات .. ابي كلية ادراةالاعمال ..
وابي اسأل عن الابتعاث الداخلي .. زي كذا يعني ..
بس اي بنت راح تجي السبت تعطيني خبر ابي اشوفها .. :g20:

مـس دودو :g14:

تــرى يمكــن آروح آلجـآمعه يوم آلسبت

عشـآند آسـلم شهـآدتي وآورآقــي

خلينـآ نشوفك بس :mh94:

[hayoo]

هااااااااااااااي :119: بنآآآآآآآآآآآآت

اخبآآآآآآآآآآآآآآآآآركم :love080:


انا امس رحت الجآمعة و سلمت اورااقي و حددوا لي الاختباااار يوم السبت


مين معاااي السبت ؟؟ :mh19:


وبلييييييييز ابغى انضم لشلتكم :lllolll::lllolll:

[.. سارهـ ..]

هـــــــــــــــــلآآ هــــــــــلأأ هــــــــلأا

هايوو .. هع يجنن اسمك


ولكمووووووووو اكيد تنضمينا وليه لا ..

مبرووووووكـ مقدماا ع الاختبار هههههههههههههههههه معك هديل بتختبر هع

.. لله يعيييييييييييييينكم

....


من وين انتي

[hadeel001l]

ساااره .. مس دودو .. تصيروون صقيقاااتي .. :cheese:


هااايو
انا معك السبت اختباري ..

خليني اشوفك عاد ..
كيف استعدادك ؟؟


بنات بالنسبه للأبتعاث الداخلي ..
انا رحت للجامعه عشان اضبط التسجيل لان كود المدرسه ماضبط معي ..
ومرره وحده سألت عن الابتعاث ..

قالت لي اهم شي نسبتك فوق الـ 90
وتكونين دافعه اول قسط .. وفي 1_9 تطلبين بعثه عن طريق موقع التعليم العالي ..

[.. سارهـ ..]

اها

طيب حلوو

مرهـ كويس

[.. سارهـ ..]

هديل صديقتي هع هع

فلــه :lllolll:

[hayoo]

هـــــــــــــــــلآآ هــــــــــلأأ هــــــــلأا

هايوو .. هع يجنن اسمك


ولكمووووووووو اكيد تنضمينا وليه لا ..

مبرووووووكـ مقدماا ع الاختبار هههههههههههههههههه معك هديل بتختبر هع

.. لله يعيييييييييييييينكم

....


من وين انتي

تسلمييين على الترحييب وان شاااء الله نتقاابل

واهم شي ان اسمي أعجبك:hahaha_2008:

ونآسه بنضم لكم :mh001:

والله يباارك فيك على الاختباار :000:


وانا من الخبر:love080:

[خذآنـي آلشـوق]

هـديل وٍ هـآيوٍوٍ

مـوفقين بالاختبـــآر :praying:

[hayoo]

:119:
هااايو
انا معك السبت اختباري ..

خليني اشوفك عاد ..
كيف استعدادك ؟؟


..

اهلييييييييين ونآآآآآآآآآآسه :mh001:

انتي معآآي السبت

لازم اشوووفك :119::119:

بس كييف نتوااصل

و بصرآآآحه ما استعدييت :000::000:

[hayoo]

هـديل وٍ هـآيوٍوٍ

مـوفقين بالاختبـــآر :praying:

ثاااااااانكس

والله يسمع منــــكـ :g8:

[hadeel001l]

سااارونه صديقتي .. :mh001:

اضفتك .. بس مااقدر ارسل لك لان مشااركااتي 2 :lllolll:


خذاني الشوق

هـديل وٍ هـآيوٍوٍ

مـوفقين بالاختبـــآر

يسلمووو ياقلبي ..
والله يسمع منك ..


هااااايو ..

اكيد لازم نشوف بعض ..
فكري بطريقه وقولي لي

[hayoo]

لازم تكووون مشاركاتنا 20 عشآن نقدر تنوااصل صح :bawling::bawling:


وكييف رآح نعرف بعض :s12:

[hayoo]

عندي فكررره :lllolll::lllolll:

خلي سآرونه ترسل لي ايميلك و رآح اضيفك

و نتفق كييف نعرف بعض :d5::d5:


شرآآآآآيكـ ؟؟

:s11:لأن مشآركآتي ما تسمح لي اني ارسل

[hadeel001l]

اوووووكي

سااارونه :017:
اقبلي اضاااااااااافتي هع

ولو سمحتي ارسلي لهااايو ايميلي <<<مؤؤؤدبه

[hayoo]

بلييييييز سارونه ارسلي لي ايميل هدييل :119::119:

[.. سارهـ ..]

ارسلت له لك .

..

[.. سارهـ ..]

وييييييييييينكم

مافيه احد .....ّ !


وييييييييييين الناس

[MISS DODO]

مرحبا هدوله .. مرحبا خذاني الشوق ..
خلوني اشوفكم السبت ..
انا ماعندي مشكله اذا بغيتوا تكلموني ع الجوال ترا ..
انا على الساعه 9 او 10 الصباح بكون بالجامعه ..

[hadeel001l]

^^^
مس دودو ..

خلاص اجل .. عطيني ايميلك .. واضيفك لان انا مااقدر ارسل ..
ونتفاهم عالمسن وان شاء الله نشوف بعض ..

[خذآنـي آلشـوق]

مرحبا هدوله .. مرحبا خذاني الشوق ..
خلوني اشوفكم السبت ..
انا ماعندي مشكله اذا بغيتوا تكلموني ع الجوال ترا ..
انا على الساعه 9 او 10 الصباح بكون بالجامعه ..


خــلآص دودوٍ عطينــي آيميـلك آو رقمــك:g8:

هـدولـه وقتهــآ بتكونين في الاختبـآر :g2:

[hadeel001l]

^^^
ههههههههههههههه
ناااااااسيه الاختبار هع

[MISS DODO]

على فكره .. لاتفكرون في الاختبار ..
انا رحت واختبرت وخلصت وجاوبت عبط عشان اطلع من الاختبار مالي خلق ..
اذا كنت داخله بحسابك .. تنقبلين عادي ..
مجرد تقييم لمستوى الطالبه ..
عشان يعرفون يحطونك اي مستوى ..
اهم شي ان انت عندك خلفيه عن الانجليزي .. تعرفين تقرين .. وتكتبين انجليزي ..
عشان السنه التحضيريه لابد تكونين عارفه وفاهمه ..

[.. سارهـ ..]

السلااااااااااااااااااااااااااام عليكم

[hadeel001l]

وعليييييييييييكم السلام .. سووسو

مس دودو .. قريت كلامك وانا كنت ناويه استعد للاختبار
بس قررت اسحب :cheese: هعع

[MISS DODO]

هدييييييييييييل ..
يامتهوووووووره مو تسحبيييييين لازم تروووووووووووووووووووووحين ..
بس الي احب اطمنك عليه انك بتكونين مقبوله ان شاء الله وبس ..

[S7er Almlak]

الثلآم عليكم :c8:

أنا بسجل اليوم في الجآمعه تصميم دآخلي ..

<< لأن التسجيل مستمر لنهآية رمضآن ..

يلا رحبوآ فيني ^_^


:
:

[hadeel001l]

ههههههههههههههههههههههههههههههه
مس دودو(((سمييييييييتي)))
شفيك الله يهديك :cheese:
اقصد اسحب وماااستعد مو مااروح خخخخ




سحر الملاك
هلا والله حياك الله معنا..
بس اتوقع التسجيل انتهى يوم الثلاثاء ..
ان شاء الله يكون ماانتهى وونشوفك ..

[S7er Almlak]

خلاص سجلت :cheese:

لا مددوا فترة التسجيل الى نهاية رمضان وهذآ من حظي الحلو ..

زين في احد بيروح الجامعه هاليومين ..؟؟

ابي اتعرف على حد ولا بتشوفوني اول الدوام لآصقه بالجدار :hahaha_2008:

زين الحين على طول أروح اودي اوراقي ولا هم يحددون وقت لتسليمهم ..؟؟!

يلاا عطوني معلوماات متحممممسه ..

وأكييد الحين فيصل لما حست اني بتركها بتقبلني :hahaha_2008:

:
:

[S7er Almlak]

الا صحيح بسألكم ..

الدوام شلون بيكون ..؟؟

يعني وقت محدد مثل المدرسه والكليه ولا بس نداوم وقت محاظراتنا <<<< خخخخخ

[MISS DODO]

اسمعي طال عمرك ..التسجيل عن طريق النت ..
تسجلين بعدها يرسلون لك مسج .. يقولون لك تدفعين 500 مع صورتين شخصيه وصوره من بطاقة العايله و شهادتك الثانويه ويكون معك الاصل للمطابقه..
طبعا لما يرسلون المسج راح يكتبون لك هم وش يبون منك ..
اذا ماارسلوه خلال يومين خلاص روحي لهم .. وهم يسجلونك من عندهم . . جيبي ملفك واوراقك وروحي لهم .. وجيبي معك صورتين شخصيه لك وانت بحجابك طبعا ..
بعدين يحددون لك موعد تجين تختبرين ويسوون معك مقابله .
وبعد لاتخافين لأنه مجرد تحديد مستـوى ....
بعدها بكم يوم يتصلون يقولون تم قبولك .. والرجاء تسليم الاوراق الاصليه ودفع 7500..
وانتهييييييييييييينا ..

[toto : )]

هلا بنااااااااااات :bye:
شخباركم إنشاء الله تمام
المهم أنا معاكم في الجامعه
و أنا سجلت قسم تصميم داخلي
و إنشاء الله نلتقي بالجامعه
ونصير أصحاب :bgs6:
وناسه وين الأخت هدوء باصير معاكِ في القسم:lllolll::lllolll:

[*نجمة سهيل*]

مس دودوو.........متأكده ندفع 7500 كاش؟؟

وجع شنو هذا :017:


بس ابغى اسأل الموارد البشريه صحيح تساهم ؟؟

وكم هي تدفع وكم علينا؟؟


وشنو الزي الرسمي في الجامعه ؟؟:119:

[.. سارهـ ..]

توتو
منوررررررررررررهـ ايوهـ ياحلاتك هع بتكونين معنا

..

نجمه انا مو فاهمه ولا شي من الي تقولينه

شنو موارد بشريه

[*نجمة سهيل*]

اقصد صندوق الدعم من الموارد البشريه

[S7er Almlak]

مش دودو سنكيوووو ع المعلومات ..

عجبتني سالفة صوره بحجآبك :hahaha_2008:

مو يقولون الانظمه سبهلله كيفي بودي صوره حقة زواج خخخخخخ

يلا الحين بنتظر هالرسآااله وبشوف ..

اي صح الدفع يكون كل نهاية ترم ولا كل اختبار ولا شلوون نظآمهم ..؟؟

:
:

[S7er Almlak]

توتو أنا أنا بعد معك :cheese:

يلا خل نتعرف <<< تقط الفيس على طوول :lllolll:

ما قلتوا لي من بتروح هالكم يوم الجامعه ..؟؟


:
:

[محتاارهـ]

انا شكلي بسجل با الجامعه بس ماني عاارفه وشو اسوي ارووح اليوم لهم ولا شسوي تكفون سااعدوني انا ابي اسجل تصميم داخلي

[S7er Almlak]

صبآااحووو ..

:
:

محتآرهـ ..

اول سجلي عن طريق النت بعدين هم يرسلون شنوا يبون منك ..


:
:

[.. سارهـ ..]

مسااااااااء الخيـــــــــر

منورررررررررررررررررهـ سحر ومحتاره

وهـ شهالنور الي طل علينا بالليل .. يلبىى نوركم .. فديتكم ..

[MISS DODO]

اسمعوا .. السنه الاولى تدفعون 45 الف .. 7500 اول ماتسجلون بعد كم شهر تدفعون 15 الف كاااش ..
يبون 22500 التيرم الاول .. و 22500 التيرم الثاني ..
ولما تجيبين معدل 3 من 4 .. هم من نفسهم يقدمون لك على المنح ..وتصير الحكومه تدفع لك وانت ماتدفعين ولا ريال ..
وبالنسبه للزي انا الي شفته ان كل البنات عباياتهم عليهم .. او انهم لابسين بنطلون وتي شيرت وفاتحين العباااه ..بس الغالبيه عباياتهم عليهم ..
وانا من وجهة نظري احنا جايين ندرس مو نكشخ ..!! ..
يعني اهم شي شكلك يكون مرتب وخلاص ..
يمكن الايام الاولى تكونين متحمسه وتكشخين بس بعدها خلاص تحسين بجدية الموضوع ..





خذاني الشـوق .. سوري حبيبتي توني اشوف المسج منك اليوم . ولما جيت ابي ارد عليك قال مشاركاتك ماتكفي ..

[S7er Almlak]

هلآ سآاارهـ ..

شخبآرك ..؟؟

متحمسه للدرآااسه ألـــــف :cheese:

بس على فكره انا بدرس بس كم شهر بعدين بروح أمريكآ إذا الله سهل :119:

بس لاني ما ابي تبدأ الدراسه وانا جالسه بالبيت ..

قلت استفيد لغه ع الأقل ..


مس دودو ..

شكرا ع المعلومات ..


:
:

[.. سارهـ ..]

هههههههههههههه

من الطفش واله ..

..
مس دودو هم يقدمون ع المنح يعني احنا مانسوي شي ولا شسالفه ؟

[نور البتول]

شخباركم؟؟
أني بعد ببدأ من البداية بآخذ لغة:cheese: الله يوفقنا
تتوقعوا نآخذ اللغة بسرعة يعني اللي يدخل وهو مو ذاك الزود يطلع بلبل على قولتهم صحيح هالكلام؟؟
مبسوطين:119:
متحمسين:119:
؟؟؟؟؟؟
بلتوفيق للجميع
رحلة موفقة:cheese:

[.. سارهـ ..]

اي ان شاااااااااااااااااء الله

بس ثقي بالله وربي بيوفقنا ان شاء الله ..

منووورهـ يالغلا

[خذآنـي آلشـوق]

كــل عـآم وآنتــوا بخيــر صبـآيــآ :praying:


ومـوفقيــن آن شـآء اللـــه

[MISS DODO]

وانت بألف خير ..



انا سألت كل الي اعرفهم .. يقولون اللغه تجي من الممارسه ..
يعني شوفوا الخدم لما يجون عندنا مايعرفون ولا كلمه عربي .. كم شهر .. تلقونهم صاروا يتكلمون عربي ويفهمون عربي ..
وحتى احنا كم شهر وراح نفهم انجليزي وبنمشي ان شاء الله :lllolll:

[.. سارهـ ..]

كل عااااااااااااااااااااااااااام وانتو بخــــــــــــــــــــــــــــير


ينعاد علينا وعليكم ...

كل سنه وانتو بخير هع

...........

[just crazy]

وآنتوـو بخيـــــــــر ..

واللهـ يتقبل منآ ومنكمـ صآلح الاعمـــآآل ...

كيفكمـ ؟؟

[just crazy]

منـوـورهـ نور البتول ..

ويآهلا بيكـ معآآنـــآآآ


ان شآء اللهـ نصيـر بلابل ع قوـولكـ واللهـ يوفق الجميع ..

[نور البتول]

كـل عام وانتو بخير وصحة وسلامة
الله يجعله شهر رحمة ومغفرة علينا

ها سجلتو في المنح ؟؟ وكيف سجلتو؟؟ وش حطيتو؟؟:cheese::cheese:
بالتوفيق

[.. سارهـ ..]

وانتي بخــــــــــــــــــــير ..

ها شنو مسوييييييييين برمضان باول يوم :lllolll:

[لمبه]

اهلييييين بناااااات اخباركم؟؟

اكيد مشتااااقيييييييييين لي موووووووت >>>> برررررراااا:lllolll:

كــــــــل عـــــــــام وانـــــــــتــــــــــــوا بـــــخـــــــــــيــــــــــر

[MISS DODO]

بنات سجلوا بالمنح على موقع الوزاره لاتفوتون الفرصه

[S7er Almlak]

كل عام وانتوا بخيير بنوتات ^_^

:
:


بالنسبه للمنح لسآ ما سجلت ..

خل أختبر بعدين يصير خير :cheese:

[toto : )]

:s12::mh515::lllolll:هــــــــــــــــــــــــــــ ـــلا بنات
شخباركم ؟؟؟ ويش أخباركم مع أول يوم برمضان
إنشاء الله تمام
و كل عـــــــــــــــــــــــام و أنتوا بألف خير:m22asmilies-com:
و أقول ما أقدر أخذ إيمل كم وحده على شان نتواصل مع بعض
و نتعرف أكثر و نتفق مع بعض وين بنلتقي أول يوم :lllolll:
و الله إوفق الجميع إنشاء الله

[just crazy]

اهلين توتو ..

وشخبارك ..

مبروك القبول ..

وش تخصصك ..؟؟

[ورديه]

هلا
اخباركم
كل عام وانتو بخير بقوم شهر رمضان الخيراهنئكم بقدومه


واني ابي اتعرف عليكم ممكن
تخصصي هندسة كمبيوتر
في احد مثلي تخصصه

:119::119::119:

[toto : )]

:d3:هــــــــلا بنات :d2:
شخباركم ؟؟ شنو مسوين بأول يوم من رمضان :087:
إنشاء الله تمام :g26:
:d5:تمام يعني في كم بنت معاي بالتخصص :lllolll:
:bgs6:أبغا أتعرف على كم بنت على شان أشوفها بأول يوم و نصير أصحاب :conversation:
و أكيد أول يوم بتكشخون:mh94:
يلا قولوا لي شنوا بتلبسون بأول يوم على شان أتعرف عليكم من الملابس:g11::g20::g4:
:d7:

[toto : )]

هلا بنوتات : )
أني تمام الحمد لله :s12:
أخبارك إنتِ :g2:
و الله إبارك فيك :mh001:
:g11::g20::g4:و أني إنشاء الله راح أدرس تخصص تصميم داخلي إنشاء الله :g11::g20::g4:
و إنتي ويش راح تدرسين :mh19:
و إنشاء الله نصير أصحاب على طول .:bgs6:
:d7:

[.. سارهـ ..]

هااااااااااااااااااااااااااااااي

ياهــــــــــــــلأأ وغــــــــــــــــــــــــــــــلأأأ

وشهالنووووووووووووووور الي طــــــــل علــينا فديتهم ..

منوريـــــــــــــــن توتو ورديه وجست كريزي :lllolll:

[*نجمة سهيل*]

انا بروح يوم السبت :g2: مين بيروح السبت ؟؟


لأن انتظرتهم يتصلوا من الثلاثاء اللي راح مسجله ولا اتصلوا


المهم ابي اتعرف على وحده لأني مااعرف حد :t1:

[ورديه]

الله يحيك يسااره
اني يمكن مو اكيد اني اروح يوم السبت يانجمة السهيل

وانا بعد معرف احد ابي اعرف بنات هناك

ممكن
ولا مافي احد

[*نجمة سهيل*]

بناات برووح السبت

كم صوره شخصيه اوديها معي ؟؟


وابغى اعرف يعني شنو كتابة مقال يعني اكتبه قدامهم ولا من ورااهم :cheese: يعني وش اتكلم عنه في المقال ؟؟


بليييييز جاوبوني

[toto : )]

:d2:هــــــــــــــــلا بنوتات
شخباركم إنشاء الله بخير
و شخبار الإجازه معاكم :praying:

:d7:

[.. سارهـ ..]

هـــــــــلأ وغــلا

صورتين شخصيه

اكتبي مقاال < اذاقصدك بالاختبار تعبير عن موضوع انتي تختارينه منهم

[MISS DODO]

يابنات ياعسل لاتشيلون هم القبوووول ..
اذا انت داخله بحسابك قبولك مضمون .
هم يسوون هالاختبارات والمقابله بس عشان يعرفون مستواك وعشان يعرفون وين يحطونك ..
ليفيل 1 او 2 او 3 ..
واذا تبون نصيحتي اعملوا مثلي ..
انا اعرف انجليزي وكل شي .. مو مرررره بس اعرف ..
ورحت لهم وانا طفشاااانه ودخلت الاختبار والله احط الاختيارات استهباااااااااااااااااااال ماقريب شي بس كذا ابي اخلص ..
بعدين قالت هذا مقال لازم تكتبين فيه .. قلت ان شاء الله وكتبت خربوووطه .. مدري وش قصته ..
اهم شي عندهم انك تعرفين تكتبين وتقرين انجلزي ..
لاتخااااااافون
واحسن شي من اولها تبتدين ليفيل 1 ..

[just crazy]

مرآآحب يآهلا بيكمـ ..


وشخبآركمـ ؟؟

[.. سارهـ ..]

ههههههههههههههههههه


مس دودو ياحركتات انتي معي لفل 1


شهالحركات يناّس هههههههههههههههه

[Chocolate Cake]

هلااااا بنات .. كيفكم .. شخباركم ؟؟

رمضان كريييم عالجمييييييع ..


انا سجلت من بداية الإجازه .. وما تعبت روحي بالتسجيل بالجامعات الحكوميه ..

لأني عارفه ما بيقبلوني .. مع ان معدلي 95.72%

سجلت computer engineering ,,

بس للحين ما استقريت احتماال اغير الى MIS أو IT

انا قلت بنتظر لما تبتدي الدراسه واشووف بنفسي بعدين اقرر ..

بيكون عندي سمستر تحضيري بعدين يصير خير ..


بس حبيت اسألكم .. عن وقت الدراسه .. كيف ؟ وكيف نسجل لنا جدول ومتى ؟ وإلا التحضيري جدولهم ثابت ؟
اللي تعرف معلومات عن الدوام تقولي ..

احس اني بروح اول اسبوع مثل الاطرش بالزفه :lllolll:

[.. سارهـ ..]

شوكلت كيك ههههههههههههههههههههههه

عندنا وعندك خــير كلنا بنروح اطرش بالزفه :Cry111: ..


هع هع

..


الله يكونبعونااااااااااااااااا يااااااااااارب:cheese: ..

[ورديه]

كيف الحال
بنننننننننناااااااااااااااااااتتتتتتتتتتت


girl بenglish

iiiiiهههههههههههه

بنات كلكم مبروك عليكم القبول بالجامعه ان شالله تدروسو وانتو فرحانين مرتااحين
اهم شي الراحه
وان شالله كل وحده فينا تعرف على ثانيه :g2::mh19:وبعده بنضحك لما نشوف بالجامعه:hahaha_2008:

يالله اتمنى للجميع التوفيق وتحيقق امانيهم ان شالله:119:


يالله سيوووووووووو................:119:

[.. سارهـ ..]

هههههههههههههههههههههههههههههه
هههههههههههههههههههههههههههههههههههههااااي


ورديـه:lllolll::lllolll:

[Mia]

هاي بنات مبارك عليكم الشهر
الا ما اشوف احد مقرب لComputer Science
ليه لهذي الدرجه التخصص مو حلو؟؟؟؟:mh19:

[لمبه]

هههههههههههههههههههههههههههه الله يرجكم من بناااااااااااااااااااااات

كلنا اطرشين >>> يمديكم ع الجمع :lllolll:(( ساااقطه بالنحو هع ))

الله يستر بس احس اني مدري وين الله حاطني

بالذت اني ابي اغير تخصصي بس مدري شسالفه ووين اروح وانا على طول تخصص مافي تحضيري يعني احس حوووووووسه:t1:

ومدري شسوي بس .. خليها على الله !!

بنات احس كلنا مفهيااات هع >>>> عذراً على المسبه بس هذا اللي شايفته احسنا حوسه ولا وحده تعرف تتصرف :hahaha_2008:

اهم شي اذا بدت الدراسه .. قصدي اذا بدينا نداوم >>> للحين عقلها مبرمج على المدرسه مو مستوعبه هع :lllolll:

الموووهيم انو ااذا جينا للجامعه بنشوف اشكال بعض حماااس عاد ولا وحده فيكم متخيله شكلها ماعدا ساره لأننا اختبرنا مع بعض هع

لازم لازم نشوف بعععععععععععض اوكي بنات

[*نجمة سهيل*]

:lllolll:

:lllolll:


ارررررررررررحبووا


mia انا حاطه عيني على كلية it بس مادري وش اختار محتاااره

شفت الموااد اثاريهم مو سهلين :no2: كل رياضيات وربعه :hahaha_2008: ابي تخصص مواد الرياضيات فيه سهله

[Mia]

ايه ادري :119:
أجل ليه سائله :000:هو من ناحيه الصعوبه مو بس صعب ثقيل دم بعد لكن احنا قدها صح(واثقه من حالها البنت خخخ)
اذا تبين ادخلي IT اخف تخصص فيهم يقولون حلو كله عن برامج الكمبيوتر والوظايف عدله بعد
بالتوفيق كلياتكن:g8:

[لمبه]

انا it بس ودي احول على الاداره احس اسهل مالي خلق الكرف !؟

وتخصصات الاداره عندهم حلوه

والدراسه مو زي كليه الحاسب من ناحية الصعوبه صح؟

ودي احول لكلية الاداره بس مدري متى اقدر؟؟

[*نجمة سهيل*]

والله اول مره اسمع ان الاداره اسهل خخخخخخخخخخ

يعني الاداره تختص في التجاره مادري احسن انها اصعب من It

[Mia]

اختي نجمه سهيل
انا ما قدرت ارسل لك ع الخاص لان مشاركاتي ما تسمح هع
انا ما اعرف عن تخصصات الكمبيوتر الكثييييير مثل ما انتي متوقعه
اخاف اني ما اقدر اساعدك وانصحك بتخصص وبعدين ما ترتاحي فيه
انا بقولك اللي اعرفه
IT >>>>> تخصص يهتم بدراسه برامج الكمبيوتر(ايش برامج الكمبيوتر ما ادري):mh19:
Sience >>>>>هذا التخصص برمجه كله برمجه كل شي في الكمبيوتر بتبرمجيه اذا دخلتي طبعا (هذا التخصص صعب شوي لا مو شوي انا اللي اعرفه واااجد خخخ):s12:
Engineering >>>>> ما يدخل ضمن اهتماماتي لاني ما احب الهندسه كل اللي اعرفه ان يعلمونا كيف نصلح كمبيوترات :000:(لكنه خوش تخصص )
بس هذا اللي اعرفه:g2:
انتي استفسري اكثر لان هذا مستقبل
وان شاء الله تتوفقين في الاختيار :g8:
السموحه منك

[*نجمة سهيل*]

ايييه ادري لووول

بس اقولك سألت والاكثريه قالوا لي علوم الحاسب


تقنية المعلومات اتوقع هو ادخال بيانات جديده وتطوير برامج يمكن :hahaha_2008: وفيه بحوثات الظاهر <<<<جالسه تألف :cheese:


بس اتوقع انه اسهل التقنيه من العلوم :mh19:


MIA عادي ضيفي ايميلي علشان نتعرف بالجامعه

[MISS DODO]

انا بعد مثلكم مثل الأطرش بالزفه .. ..
والله خايفه من هالدراسه .. وبالسنه التحضيريه بعد لازم اجيب معدل لايقل عن 3 من 4 .
عشان نصير على حساب الحكومه ياحلواااات ..:g8:


ســـــاره .. وناااااااااسه .. انا وانت مع بعض يلعن ام الفله ..

[Chocolate Cake]

بنااات .. وش هالحوووسه .. بس يالله لازم تصير خخخخخخ مو مستقبل هذا :lllolll: :lllolll:

انا بقولكم اللي اعرفه وترا اعرف زين عن التخصصات عشان كذا محتاره .. :000:

علوم الكمبيوتر .. حلوو بس خلاص احسه صار بايخ .. كل :000:النا تدرسه عشان كذا ما افكر اني اقربه .. بعدين اخوي يدرسه وانا ابي انوع بتخصصات البيت ههههههههههههههه

هندسة الكمبيوتر فيه رياضيات وااااجد .. وهذا اللي مو عاجبني فيه .. بس قوي ومضموون ..

اما تقنية المعلومات فهو سهل ومافيه رياضيات واجد .. عملي اكثر وحلوو ..

كليات ادارة الأعمال هم اسهل شي .. والأدبي يقدر يدخلهم .. عشان كذا متردده فيه ..

اقول الحين تعبت عمري في علمي بعدين ادخل تخصص نص علمي ونص ادبي ..

الظاهر ان مافي تخصص .. بدرس تحضيري وبجلس بالبيت ههههههههههههههههههههههههه
ههههههههههههههههه

ماقول إلا الله يوفقناااا ويثبتنا على تخصص

[*نجمة سهيل*]

:lllolll:

:lllolll:


شوكلاطه مثل تفكيري علمي وبالهايه التخصص يقبل ادبي :hahaha_2008:


بس شكلي بثبت على تقنية المعلومات

[hadeel001l]

مررحبا بنااات ..

كيفك ؟؟

مالحقت اقرى الصفحات ..

انا مررره متردده بين البزنس وكمبيوتر انجنيرنق << الاملاء غلط هع
بس يقوولون فيه مجال نغير بعد السنه التحضيريه ..

اللي ابي اعرفه ..
كيف عرفتوو انتو اي ليفل ..
انا اللي كلمتني ماقالت لي شي ..
ولما رحت لهم نسيت اسأل .. خطاب القبول مكتوب فيه انترميديات ..بس مدري ..
يعني ليفل 2 ؟؟




ثاااااني شي ..
اللبس ..
كيف نظام اللبس ؟؟
والبنات كيف يلبسون ؟؟
انا سمعت انو الكل جينزات .. بس عادي مثلا لو البس تنوره قصيره ؟ والا شكلي غلط
<< شاريه تنوووره تجنن وودها تلبسها هع

والبناات طول الدواام لابسين العبايات ؟؟ والا لا

وأول يوم وش ناوين تلبسون ؟

[*نجمة سهيل*]

الا صح عندي سؤال :cheese:

في تربيه بدنيه للبنات ؟؟


:hahaha_2008: والله وناسه اذا فيه

[*نجمة سهيل*]

اخسس يالحركااات ياهديل ماشاءالله عليك


مستوى رابع

[hadeel001l]

ههههههههههههههههههههههههه
امممممممممممما تربيه بدنيه ..
هع :hahaha_2008:

ماااتوقع ..

تذكرت مسلسل ابله نوره .. :cheese:
وتخيلت يصير فيه طابور ونقول سارعي وونسوي رياضه <<<جامعه وطابور وين نصرفها هذي هع



كيف مستوى راااااابع ؟؟:s11:

انا انجليزيتي ماااتمشيني بشي ..
مستحيل مستوى رابع ..
طيب مستوى رابع يعني كم ادرس ؟ترم ؟ سنه ؟
تكفين فهميني ؟ :(

احس اني ورطت نفسي لما تدربت عالمقابله .. لان شكلهم حددو المستوى من المقابله ..

[*نجمة سهيل*]

:hahaha_2008:

:hahaha_2008:


والله انا شفت من ضمن المواد تربيه بدنيه :lllolll:


ماادري كم سنه تدرسين والله مادري عن شي بس انتي قلتي انترميديات intermediat يعني مستوى رابع


بس سالفة انك تدربتي ع المقابله حلووه عطيني الاسئله علشان اتدرب مابعد اختبر:cheese:

[hadeel001l]

اححححححححلى شي والله الرياضه البدنيه ..
نبي ننحف :cheese:


والله ضاااق صدري ..
بشوف اول اسبوع ان حسيتني ماراح افهم شي ..
بقولهم يحطوني ليفيل 3 .. او 2 ..

ماانصحك تتدربين عالمقابله ..

انا تدربت على سؤالين كنت كاتبتهم بس ماادري وين الورقه.. الاسئله الباقيه كنت لما يطلعون البنات ويقولون لنا وش سألتهم ادق على ابوي ويقول لي الاجابه ..


انا سألتني عن ..

الاسم ..
النسبه ..
من اي مدرسه متخرجه..
التخصص .. وقالت لي هل تعرفين ان تخصصك فيه ماث ومدري ايش .. قلت ايه ..
و ليه اخترته..
ووش حاابه اشوف نفسي بعد التخرج..
وليه اخترت هالجامعه ..
ووش هواياتي ..
ووش حابه اطور في نفسي ..

وبعدها قالت لي لو ماعندك اي استفسار او اضافه عن نفسك نكون خلصنا ..


فيه بنات سألتهم عن نقاط القوه والضعف عندهم ..


هذي الاسئله .. اذا تبين تتدربين جاوبي عليها بالانجليزي ..
بس ماانصحك .. انا تحسفت :011:

[fatee]

مافي مستوى رابع :mh19:

انترميديت مستوى ثاني

واعلى مستوى هو الثالث

ايوه صح مكتوب في الخطه تربيه بدنية بس تتوقعون نظري ولا عملي:mh19:

[Mia]

اي خطه واي تربيه بدنيه
لا ما اتفقنا على كذا خخ
انا اللي اعرفه بدرس ثلاث مواد
اذا فيه قولوا عشان اجهز بدله الرياضه :lllolll:

[*نجمة سهيل*]

elementary هو المستوى الثاني

entermediate هو المستوى الرابع ويعني المتوسط

pre entermediate هو المستوى الثالث ماقبل الرابع

[Chocolate Cake]

بعد فيه مستويات وانا مو داريه عن الدنيا ..

طيب انا لما رحت اعطيهم شهادتي الاصليه وادفع الفلوس سألتهم .. <<< منبه عليها ابوهاا

علشان التحضيري .. قالوا لي اني بدرس بس نص سنه .. يعني مو سنه كامله ..

يعني ايش مستواي ؟؟

لأن مادري ان فيه مستويات .. كان سألتهم ..


بعدين ايش هذي تربيه بدنيه .. وين قاعدين احنا بمدرسه وإلا تمهيدي ؟؟

فيه رياضه أكيد .. انا لما رحت شفت ملعب ومدرجات وحركااات ..

واعرف بنات في الجامعه .. أكدو لي ..

وعشان اللبس .. نلبس اي شي عادي .. بس اللي بتلبس قصير لازم تخلي عليها عبايتها (طيب وش الفايده البسي جينز وفكي عمرك)

انا جهزت الملابس من الحين .. وبعدني اتسوق .. اما لو يغيروا النظام !!

اعرف حظي انا .. كل شي يتغير علي .. مثل المعدل التراكمي .. ما جى إلا على سنة تخرجي .. :bngo12:

[hadeel001l]

^^^^
خطاب القبول الي عطوك اياه ..
وش مكتوب فيه ؟
اذا انترميديات فأنتي معي ان شاء الله

[Chocolate Cake]

ما عطوني إلا الإيصال حق الدفع .. هههههههههههههههه

انا سجلت واختبرت وقبلوني من اول اسبوع اجازه .. حتى قبل اختبار القدرات ونتايج الثانويه ..<<< مستعجله الأخت على رزقهاا ..

لأن القبول عندهم على الاختبار .. بس قالوا لي اذا استلمتي ملفك جيبي الشهادة الأصليه وصورة مصدقه .. وديتهم وما عطوني خطاب ..

[hadeel001l]

^^^
غريبه ..
انا عطوني ورقه وقعت عليها وكتبت فيها بياناتي ..
وعطوني ظرف فيه خطاب القبول ..
وكاتبين فيه التخصص والمستوى والرسوم وكل شي ..

[Mia]

chocolate cake
انا بعد قالوا لي سمستر وانا في ليفل 3 اخر واحد
شوفي في خطاب القبول مكتوب اسم المستوى
advance level (هذا ليفل 3)
ما ادري اذا الانترميديت يدرسون سمستر بعد

[Chocolate Cake]

الله يستر بعد ما يعطلوووني اول يوم ..

ما اتذكر ان عطوني ظرف .. ما عدا لما رحت ادفع .. عطوني ورقه اني دفعت والمبلغ اللي دفعته بسسس ..

لو عطوني كان أكييد ما بضيعه ..

عموماً .. انا لازم بتصل فيهم قبل ..

[*نجمة سهيل*]

:mh001:

اهم شي في تربيه بدنيه :hahaha_2008:

[Mia]

لا تخافي ما بعطلونك اهم الشي ورقه الدفع هذا اكبر اثباات خخخخ

الحين فيه رياضه ولا ايش ؟؟؟؟؟

[Chocolate Cake]

فييييييه .. اقولك انا شفت ملعب ومدرجات خخخخخخخخ

بس ماتوقع الملعب خلص .. لأن كان فيه عمال وشغلاااات ..

الجامعه كلها مبنى واحد للبنات ومبنى للشباب .. ما خلصت للحين .. وبعد يبي لها عالأقل سنه ..

انتي شفيك بتمووتي عالرياضه .. ههههههههههههههههههههههه

صحيح مو شايفين خيرر .. مساكين احنا حتى على الرياضه نتحسر ..

اهم شي والله يعجلوا لنا بصالة الرياضه والملاعب أما الباقي مالنا شغل فيه :lllolll: :lllolll:

[Mia]

انا اللي متحسره ؟؟؟
مابي رياضه اصلا هو انا ناقصه اسوي رياضه
بس انا ابي اعرف عشان اشتري بدله رياضه >>>> رقعي السالفه :lllolll:

[Chocolate Cake]

ههههههههههههههههههههههههه ..

لا تخافي اكيد بنعرف بداية الدراسه وش السالفه .. أقصد وش السوالف .. مو كل شي ما ندري عنه ..

[*نجمة سهيل*]

يوووووووووووووه عشـــــــــقـــــــــــــــــــي الرياضه امووت انا :cheese:

[.. سارهـ ..]

وااااااااااااو وناسه في ريااضه عندها وهـ شهالحركات هاذي لالالا اذوووب

ههههههههههههههههههههههههههههههههه

[ورديه]

هلا اااااااااااااااااا


كيف الحال ياحلوين
منورين
مع الرياضه اقول فرحنين


هههههههههههههههههههههههه خخخخخخخخخخ


حبت اسلم على الكل:119:

[just crazy]

يوووووووووووووه عشـــــــــقـــــــــــــــــــي الرياضه امووت انا :cheese:

:lllolll: Me 2 هههههههههههههآآي

[just crazy]

انترميديت يعني الليفيل 2 ..

سنه بتكون ولا ؟

[fatee]

ايوه سنه
السمستر الأول انجلش وستدي سكلز
والسمستر الثاني ما اعرف ايش مواده بالضبط بس تدرسين رياضيات

انا قريت في منتدى ثاني انو الي تخصصهم من كلية ادارة الاعمال يدرسون رياضيات يختلف عن الي بيتخصصون في الاي تي

فلازم تقررين تخصصك قبل ماتروحين ليفيل 3

بنات منو يعرف شي عن موضوع الموارد البشرية ؟!
هو غير عن المنح بس ما اعرف معلومات الي عنده يفيدنا

[Mia]

الصراحه انا كل اللي اعرفه انو مو كل سنه يصير تقدمي ع الموارد
يعني مثلا السمستر اللي راح ما كان فيه فاحسن شي انك تتصلي للجامعه وتسألي اذا فيه ولا لأ

طيب فيه احد ليفل 3 ؟؟
ابي اعرف ايش بدرسونا انا اللي اعرفه ثلاث مواد لكن مو متأكده >>>>كأن البنت ما تدري وين الله حاطنها هع

[لمبه]

وااااااااااااااو حمااااااس ملعب وحركاااااااات >>> مو شايفين خير :hahaha_2008:

الا انتوا وين شفتوا الملعب؟؟ انا يوم رحت ماشفت شي غير عمال يبنون!

بس اما لو صدق ملعب ومباريات حماااااس بس المشكله مافي لياقه :lllolll:

والله الظاهر اننا داخلين ندج مو ندرس

الموووهيييييم

انا قالوا لي مراح تدخلين تحضيري بتروحين تخصص على طول

لكن انا قلت مابي احس بيكون صعب علي ومراح امشي عدل وكذا..

وانا خايفه بعد عشاني تدربت من قبل الاختبار والمقابله يعني يمكن اني احتاج تحضيري مو متأكده؟

قالوا لي تناقشي مع السوبر فايزر حقتك بداية الدراسه وقرري معها يمكن ندخلك ترم واحد او شي

والشي الثاني اني يمكن اغير تخصصي وانا مابي اغيره وارجع اتحسف بعدين مقدر عشان كذا ودي بالتحضيري لأني احس اني بحوس من البدايه!!

شي ثاني : اللبس :g4:

صدق مايصير البس قصير :bngo12: شلون !! ليه !! :017: اكثر ملابسي قصيره شنو يعني البس عباتي !! :000:

ياربي وش هالبلشه لا ومتحمسه شاريه شورتات وبرمودات وتنورات وات ....وات.... !!!!! خخخخخخخخخخ

والتربيه البدنيه بس بالتحضيري ولا كل الناس؟ تخبرون يعني لازم اعرف يمكن نروح نشتري بدله ولا شي :lllolll: بس عسى مايكون اجباري هنا المشكله :lllolll:

احس اني كل يوم اسمع شي جديد عن الجامعه بس فله

يللا ان شاء الله نداوم ونشوف بنفسنا ونستانس ونفلها وكل شي :cheese:

تحياتي

[.. سارهـ ..]

لااااااااا اعترااااااااااااض شنو مين قالك مافي قصيره

حدك لركبه تحتها بس


مو بكييييفهم هم قالي لو اهم شي تحت الركبه هع وناسه

.........






فله عاد لمبه يبي لنا نروح نشتري ملابس رياضه هههههههههههههههههههههههههههههههههههه خنشتري ملابس سباحه اخاف فيه بركه هع هع هع



......

وانتي لازم تسوين حل مع التخصص اخاف تبين تغيرين ولاشي مشكله

[ღMs.Kღ]

الا اقول ساره اكيد خلص التسجيل صح؟؟<<<صحي النوم ..بس فيني لقافه:lllolll:

[Chocolate Cake]

Mia

اذا المستويات 3 .. طيب اللي يدرس سنه يعتبر ليفل 1 .. واللي يدرس سمستر بس يعتبر ليفل 2 طيب واللي ليفل 3 كيييف ؟؟

انا بدرس سمستر واحد .. بس مدري أي ليفل ..

طيب علشان اللبس .. عادي برمودااااات ترا .. اهم شي تحت الركبه .. اللي بتلبس تنوره فوق الركبه او شورت لازم تلبس عبايتها .. هذا الكلام قالته لي وحده اعرفها تدرس فيهااا ..

[Chocolate Cake]

الملعب شفته عاليسار ..

طبعا اول ما تروحي يجي مبنى الشباب اول بعدين مبنى البنات .. انا شفت الملعب بعد يعني آخر شي ..

[fatee]

بنات شفيكم ملخبطين

الي ليفيل 1 يدرس 3 سمسترات سنه ونص
الي ليفيل 2 يدرس سنه
الي ليفيل 3 يدرس سمستر واحد

[Chocolate Cake]

ههههههههههههههههههه

والله كشخه انا .. طلعت ليفل 3 ..

توني اعرف :lllolll: :lllolll:

[Mia]

طيب fatee عندك اي معلومات بخصوص المواد اللي تدرس في ليفل 3 ؟؟؟(حق اشتري دفاتر هع امزح)

[Chocolate Cake]

وانا علشان اعرف حجم المواد .. علشان اشتري شنطة مدرسة

:mh35:

[Mia]

ههههههههههه
تصدقين محتاره بالشنطه انا بثانوي كنت كله شنط ع الظهر (يقولون حق بيبي هع):lllolll:

chocolate cake مرحبا بك في ليفل 3 :119:

[Chocolate Cake]

الله يحييك .. الله يسلمك .. تسلمي والله يالطيبه :lllolll:

تخيلي اروح اول يوم بشنطه لولو كاتي عالظهر أو فلة ههههههههههههههه

ذكرتيني بوحده بثانوي ... كانت دايما تستهبل .. تجي بشنطة ورديه لولو كاتي .. وتلبس كل شي وردي

[Mia]

ههههههههههههههه
انا صحيح البس ع الظهر بس مو لولو كاتي عاد ما احب هالقطوه اصلا تقهررررررررر
لا من جد البس شنط محترمه حقت كبار خخخخخخخ

[hadeel001l]

بناااااات

من جدكم نشتري ملابس رياضه ؟؟ هع
يوووه بعد 12 سنه دراسه تونا نسوي رياضه

ياحليلنا بس ..


الليفل 2 مين معاااااي فيه ؟
ووش مواده؟

[Chocolate Cake]

لا تقولوا بس احنا اللي ليفل 3 .. ندرس رياضيات !!!

لو ادري كان ما حليت شي ..

بس بصراحه الاختبار كان مرره سهل .. بس يبي له سرعه .. لأن بنات واجد قالوا ان الوقت خلص عليهم ..

انا خواافه كنت اسررع بالحل اخاف يخلص الوقت وانا ما خلصت .. بس زين كنت اول وحده دايما بس في الرايتنق فيه بنت انتهت قبلي .. لا وملت الورقه كلها من الجهتين ماشاءالله عليهااا ..

ومن الربكه اقرا السؤال مرتين حتى لو سؤال سخييف هههههههه

[Mia]

اتوقع ان ندرس ماث
بعدين ليه شايله هم انا اعرف وحده هناك قالت لي اول شي بندرس ماث حق اول ابتدائي وبعلمونا اسامي الاشارات بالانجلش:lllolll:
الا صحيح انا سمعت من وحده سجلت بالجامعه ويوم راحت تسلم اوراقها قالوا لها انو اول يوم بنختبركم ماث(تحديد مستوى) انا طبعا ما صدقت :000:
بليييز تاكدوا من صحه الخبر
لان سجلت من ثاني اسبوع اجازه ما قالول لي شي

[fatee]

الي اعرفه عن ليفيل 3 انهم يدرسون رياضيات واكيد تاخذون انجلش

انا صرت ليفيل 2 وسمعت بيعطونا انجلش وستدي سكلز

انا حليت اوكي بالاختبار بس التقييم مو عليه اكتشفت متأخر انو يهتمون بالرايتنق اكثر !

انا احب الشناط الي سيرهم طويل ومايكنون صغار حيل بس ما حصلت:011:
اخذوا شناط حجم متوسط والي يصير سيرها طويل وتنحط على الكتف اهون من الظهر:lllolll:

[Chocolate Cake]

والله انا اخذت شنطتي من جيفنشي .. كبيره مرره وعالكتف .. احسن علشان تكفي اغراضي الواجد .. وبعد حق نوت وإلا كم كتاب ..

ماحب اللي سيرهم طوويل .. هم عمليين ومريحين ..

طيب كيف علشان اختبار الرياضيات .. انا ما سمعت ان فيه .. بس بتأكد بسأل بنت اعرفها وبرد عليكم ..

[لمبه]

لاااااااا عااااد يصير صدق فيه اختبار ماث اول يوم رحنا ملح!!

ساره

اي اشوه بكشخ بتنورتي الجديده هع >>> كنها بزره كاشخه ببدلة العيد هع هع :lllolll:

تشوكلت كيك

اي الله يعافيك اسألي عن كل شي ههههههه مانبي نجي مفهين ماندري شسالفه:lllolll:

انا ابي بدلة ايطاليا :lllolll: >>> بررررااااااا

بس وين القاها؟ الراشد ملياااان فوت لوكر وبوما وريبوك واديداس ونايكي واذا مافيه بسوي شوبنق بدولاب اخوي هع هع

الشناط انا شفت شنطه بجيفنشي حلوه وسيرها مو مره طويل وحجمها كبير بعض الشئ اتوقع انها حقتك يا تشوكلت بس لونها وردي فاتح هي حلوه بس المشكله لونها تتوصخ بسرعه وبالذات مع العايه تقلب سودااااء انا مجربه بس بينزلون بالكولكشن الجديد زيها احمر واخضر احسن عشان اللون اغمق

انا لقيت شنطه مره مناسبه احسها حجمها وكذا من كارولينا هيريرا بالكولكشن الجديد وسيرها مو مره طويل ولونها غريب

بس مدري يعني بنحتاج نجيب ويانا كتب.. نوت...ملفات..>>> معليه للحين التفكير ع المدرسه بس صدق مدري وش اللي يصلح؟!

بنات اللي تلقى بدل حلوه تعلمنا نروح كلنا نطقم هع هع:lllolll: ونصير فريق المنتدى هع هع :lllolll: الظاهر الاخت فاهمه غلط رايحه الجامعه ولا الاولمبياد!! :hahaha_2008:

[Chocolate Cake]

خخخخخخ ياليت والله .. انا صار لين اسبوعين من جيت من السفر ما شفت الخبر ..

جبت لي ملابس من برا .. بس اغلبهم نفس الماركات اللي هنا .. يعني نفس السالفه .. :lllolll:

نطقم .. أقووووووووول ..

هذي حركات المدارس خليها عنك ..

يا زين المدرسه والله .. اطقم انا وصاحبتي اللي جنبي واحلى شي لما تعصب علينا معلمة الرياضيات .. نطقم علشان نقهرها .. خخخخخخخ

[Mia]

والله عفيه عليكم
ما شريت شنطه :Cry111:
مو متعوده ع الكتف انا كله ع الظهر من نايك واديدايس وسامسونايت هع >>>> كأني سمعت صوت ضحك وتعليق :lllolll:

[لمبه]

هههههههههه اي والله ذكرتيني لمن نطقم انا وشلتي نلبس جاكيتات حمرا ويهاوشوننا يقولون لنا : تحتفلون بعيد الحب!!

اخاف عندهم عيد الحب اي يوم عادي !! الحمد لله والشكر

اي انا زيك شريت اكثر ملابسي من برا والحين صار لي اسبوع بالضبط من جيت ولا طبيت السوق ما اشتهيه هههههه احسه مافيه شي عدل

[Chocolate Cake]

ماعليه .. عندك وقت لا تحاتين ..

بس والله مفروض جهزتي قبل .. لان الحين رمضان والعيد جاي .. والمجمعات قايم فيها التفحييييط .. يعني زحمه ومافي شي يسوى .. الشي الزين بسرعه يخلص ..

على قولتهم .. احنا السعوديه عندنا قوة شرائيه موو طبيعيه ..

:g8:

[لمبه]

اقول ميا مره شاطره وشتسوين اجل كل هالوقت :017:>>> كنها تهزأت البنت واجد :cheese:

على قولة تشوكلت الحين رمضان وبعدين عيد مايمدي تلقين شي عدل

احسن شي اني دبرت اغراضي من برا أصرف واحسن من هنا

[Mia]

لالا مو ع الملابس :lllolll:
انا اقصد الشنطه هع
شكلي اول يوم باخذ شنطتي حقت المدرسه :hahaha_2008:

والحين فيه احد عنده خبر ايش المواد اللي بدرسه بالضبط؟؟؟؟؟؟(من جد سؤال عبيط هع)

[just crazy]

صباحوو صبايا ..

متحمسسسسسسسسسين مع السبورت ..

آكيد الخبر ولا شلووون

؟؟؟؟؟؟

[Chocolate Cake]

انا حدي مادري عن شي والله ..

حتى لما رحت الجامعه ما كان معي احد اعرفه و لما رحت اودي اوراقي اخذت معاي أمي .. هههههههههههههههههه

ابي اشوف احد .. اسأل استفسر مافي ..

و المسؤلات هناك .. شكلهم ما يعطوا وجه .. اسأل يجاوبو على قد السؤال

الحين انا كتبت للبنت اللي اعرفها بالفيس بوك وانشالله تدخل بسرعه وترد علي ..

بس عن المواد يمكن يختلف الرياضيات لأن هي إدارة اعمال ..

[Chocolate Cake]

jus crazy ..

انا عن نفسي مو متحمسه .. لاني طفشت سبورت كل يوم من بداية الإجازه ..

بس زين يحطوها لنا .. تخفف عنا شوي تعب المواد الباقيه والجد ..

[Mia]

انا ما اتوقع ان فيه سبورت او يمكن هالسنه بس حطوه
اعرف بنات من الجامعه ما قالوا شي عن الرياضه بس اللي اعرفه كان فيه فريق كره قدم بنات وكنسلوه خخخخخ ليه ما ادري ؟؟
ع العموم لا تتأملون كثييييير هع

لكن ان شاءالله فيه لان شكلكم رياضيين درجه اولى
انا عن نفسي ما عندي لياقه ابدا ابدا ابدا (بس ضعيفه ما شاء الله خخخخخخخ)

[*نجمة سهيل*]

:lllolll:

:lllolll:

عادي العبوا رياضه بتنانيركم :hahaha_2008:


شايلين هم اللبس في الرياضه والله ماعندكم سالفه :hahaha_2008:

[.. Jόόd }● ~]

نسيتوا هدوء أشوف

:bawling:

[لمبه]

لاتقولين !! كنسلوا الفريق !! قههههررررر

الحلو بالسالفه مو عشان لياقتنا الزايده ماشاء الله !! هع هع لكن عشان تخفف عنا هم الدراسه يعني شي غير يونس عرفتوا كيف!

هدووووووووووووووووء يحليلك من وين طلعتي هع هع:lllolll: من زماان ماشفناك وحشتينا

[نور البتول]

موفقين يالشلة الحلوة:119:
>>> داخلة بالعرض الأخت:bngo12::cheese::cheese:

[لمبه]

امين اجمعين اخت نور

عادي عادي ادخلي عرض حياك هع

[.. Jόόd }● ~]

هدووووووووووووووووء يحليلك من وين طلعتي هع هع:lllolll: من زماان ماشفناك وحشتينا


ينقال إني بزنس من الحين :000:

بس بالفترة الأخيرة ماصرت أدخل نت كثير

وانتِ أكثر يالمبة وحشني نورك <<< نور هنا بعد :hahaha_2008:

[.. Jόόd }● ~]

أخت نور

حياك الله ويانا ياقمر

:lllolll: مافي مشكلة اقلطي الدنيا رمضان تفضلي

ع السحور معانا :064:

[لمبه]

اقول هدوء ارسلي لي ايميلك ع الخاص ودي اسولف وعندي كم سؤال عن جامعتنا هع

احلى شي نور في كل مكان هههههههه

[MISS DODO]

ياحليلكم يابنوتات ..
حسيتكم متحمسين مع الريااضه مرررره ..
والله الصراحه انا سمعت عنها .. بس الي اعرفه انها مو اجباري ..
لكن بعد فله ..
بس يا بنات انا كنت مثلكم متحمسه .. بس لما رحت شفت البنات بعباياتهم .. فماصرت اشيل هم اللبس لأني مهما البس بالنهايه عبايتي علي ..
وان كنتوا تعرفون بنات يقولون ان عادي نقط العيابه علموني ..
عشان اجهز نفسي .. :119:

[Chocolate Cake]

اي عادي..

بنات يجلسون بعباياتهم وبنات يشيلوها .. على راحتكم ..

الجامعه ديمقراطيه :lllolll:

هههههههههه

[لمبه]

هههههههههههه حللللللللللللوووووووووووه منك ياتشوكلت (( الجامعه ديموقراطيه)) :hahaha_2008:

والله انا وساره يوم رحنا وشفنا البنات بعباياتهم قلنا ماعلينا كيفنا بنقطها

انا وحده ما ارتاح بالعبايه طول الدوام!!

خل نتفق حنا بنات الدفعه الجديده نقط عباياتنا عشا لايصير شكلنا غلط بينهم هع هع:hahaha_2008:

[Chocolate Cake]

خلاااص انا اولللللللكم ..

انا عاد اللي ماعرف امشي بالعبايه ابد .. العبايه من اول اسبوع تتخرم من الصندل .. ماعرف إلا ادوس عليها ..

وانا وحده اخاف اطيح بالجامعه واصير مسخره ههههههههههههههه

[لمبه]

هع كنك انا خرامه مو كعب هههههه

اشوه صرنا مجموعه مو نفشل ههههههههه

[Chocolate Cake]

ايييي انا لو شفت الكل بعباياته استحي اقطها لحالي ..

بس اذا انتوا معي تماام ..

على كذا المدرسه احسن .. عالأقل مريول كل مره نغير الموديل ..

هو بعض البنات يخلوا عليهم عباياتهم لأن جوالات الكاميرا مسموووح عادي ..

[لمبه]

اقول ترى اللي شفتهم بعبايات كانوا فاتحينها ومبين وش لابسين وطبعاً شعورهم مبينه وكل شي شالفايده تخاف من الجوال وهو نفس الشي لو قطت عباتها!!

يعني تعبوا نفسهم بهالعبايه صراحه مالها داعي

انا اتوقع اللي يلبسونها مالهم خلق كل يوم يفكرون شيلبسون

[Chocolate Cake]

اي والله مشكله ..

انا لو بروح بيت خالتي اللي كانه بيتنا كل يوم اقعد نص ساعه بس علشان اقرر وش بلبس ..

كيف بالجامعه !! ..

[لمبه]

مالنا الا العبايات هههههههههههه :lllolll:

على حسب المزاج

اذا مالك خلق البسي عباتك

اما اذا مروقه اكشخي هع :lllolll:

[نور الأوطان]

مرحبا بنات

شخباركم مع رمضان

إنشالله أموركم كلها أوكيه

الحمدلله في ناس متحمسين مثلي :lllolll:

بس حبيت أسألكم ، هم كأنهم قالو أنو في أيام تعريفيه

قبل بدايه الدراسه في 11 أوكتوبر

يعني في رمضان ،، أحد يعرف وش سالفة هالأيام ؟


تحياتي لكم

[Chocolate Cake]

انا ماعرف ..

اعتقد لو فيه أكيد بيعطونا خبر .. عالإيميل أو الجوال ..

[لمبه]

والله ماعندي خبر

بس مالي خلق بالذات انو رمضان

الا صحيح الدراسه تبدا مع بداية المدارس؟

[Mia]

ايه الدراسه تبدا مع المدارس بعكس الفيصل والبترول بعدنا باسبوع
لا واجازتنا مع المدارس بعكس الفيصل قبلنا باسبوع:lllolll:

[Chocolate Cake]

والله تبي الصراحه لمبه ..

لو نروح قبل كان نعرف وين الله قاطنا ..

مو اول يوم ننصدم بالواقع اللي يمكن يكون مرير .. :lllolll:

بس والله دفعنا الرسوم يعني خلاص مافي مفر هههههههههههههههه

هو صحيح رمضان الواحد ماله خلق .. بس عالأقل نعرف كل شي جالسين نسأل عنه هنا ولا في جواب ..

والتلفون ما بيكون كافي .. وجهاً لوجه أحسن :cheese:

[لمبه]

امممم مدري ... تروحون؟

حتى لو فكرت اجي ماظنتي اهلي بيلقوني وجه هع محد له خلق وتعرفين الطريق كيف لازم احد وياي.. مدري؟

[Chocolate Cake]

انا عادي اقدر اروح مع ابوي الصباح على طريق الظهران بسسس المشكله وش يطلعني الساعه 6 الصباح !!

والسواق جديد ماعرف اخاف اضيع .. والله ان ضعت انزل هاف مون اسبح بالبحر ههههههههههههههههههه <<< مفكره حالها بجزيرة الواق واق ..

:lllolll:

بعدين مابي اروح لحالي ..

خلاص اول يوم وامرنا لله ..

طيب اول يوم .. وين نروح ؟ وش نسوي ؟

يا زين المدرسه والله .. تروحي تدوري اسمك على الفصول والفصل اللي تطلعي فيه تشوفي لك مكان وتجلسي على هذاك الكرسي والطاوله المغبرين .. :cheese:

[لمبه]

اي شكله مافي روحه بس انثبروا وناموا

بالنسبه لأول يوم شوفي: انا بجيب معي لوحه كبيييييييره مكتوب عليها : اعضاء منتدى طلاب وطالبات جامعة الامير محمد بن فهد:lllolll:

وبوقف عند الكافيتيريا

وانتم الله لايهينكم تعالوا ونتعرف على بعض ومانحوس ههههههههه

مو كل وحده لحالها ماتدري وين تروح و شتسوي! بالذات انهم محد يلقي وجه!!

ها بنات شرايكم ههههههه

على فكره يا تشوكلت مره من زمان وحده بالمنتدى اقترحت اننا كلنا نحط مناكير احمر عشان نعرف بعض هع

[Chocolate Cake]

لاااا المناكير الأحمر واجد يحطونه .. يعني مو علامه فارقه ..

انا اقول نحط اصفر ..

تصدقين اشتريت لي مناكير اصفر قلت مدري يمكن لزوم الجامعه ..

ترا كشخه وحلو يطلع .. بس تصير يدك سمره وكأنه كركم .. تعرفين الكركم ؟؟ هههههههههههههههههههه

خلاص قبل بكم يوم كل وحده تقرر وش بتلبس ونقول حق بعض ..

والله احسن شي اللوحه .. كأنا بالمطار ههههههههههههههه

[Mia]

ما اظن ان سالفه المناكير بتضبط لان اكيد اول يوم بكون زححححمه >>>مثل المدرسه هع مو الساحه تصير زحمه (ماعليش تفكير مدارس)بس اتوقع انو يكون زحمه وتخيلي حالك تطالعين بيد كل بنت تمر مدري احس الشكل غلط خخخخخ

طيب ايش رايكم نصبغ شعورنا احمر فلااااش او نحط لنا خصل زرقا :lllolll:

[لمبه]

تشوكلت

والله رهيب شكله المناكير الاصفر وين لقيتيه؟

بس حلوه فكرتي حقت اللوحه صح :o3:>>>واخيراً جت المناسبه اللي حطيت فيها هذا الفيس ههههههه من زمان ودي احطه بس ماحصل!!

ميا

قويييييييييه نصبغ احمر وخصل ازرق!! اما تخيلي اشكالنا هههههههه حفله

[Chocolate Cake]

لا لا بعد ما بنجلس نطالع شعور البنات .. بعدين مو عدله حركة الشعر الأحمر او الخصل .. اتخيل شكلنا بيكون غلط .. :lllolll:

احسن شي نجلس بالكفتيريا .. اللي تروح تجلس على طاوله وانشالله نعرف بعض ..

[Chocolate Cake]

مو من هنا حبيبتي ..

من هونغ كونغ .. فيه محل بس حق المناكير جمييييييع الألوان وجميييييع الدرجات .. حتى تنحول عينك اذا دخلتيه

:lllolll:

[Mia]

خلاص فكره اللوحه لكن مين بتتبرع وتحملها :000:
لمبه؟؟؟؟؟؟؟؟؟؟؟؟؟؟؟؟؟؟؟؟؟

[لمبه]

تشوكلت ياحبيبتي انتي شفتي الكافيتيريا !! من كبرها الحين !! واي وحده بتروح تجلس هناك شلون بتعرفين؟

انا اقول خلينا نجلس على الدرج :lllolll: اكيد مابتلقين احد جالس فيه ع الاقل يصير شكل مميز صح :o3:>>> استانست على الفيس هع

[Chocolate Cake]

امممم طيب خلاص .. كأن فيه درجين .. وإلا يمكن انا مضييعه

الدرج اللي جنب الكفتيريا .. خلاص .. اتفقنا لحد يغير ..

ووووو الساعه كم نكون هناك ؟؟ انا يبي لي ساعه حتى اوصل من البيت للجامعه .. وعلى حسب الزحمه ..

[لمبه]

وااااااااو محل خاص بالمناكير!! فله

عاد انا اموت في شي اسمه مناكير

بس ماعمري حطيت اصفر

اكثر لون حبيته الكحلي من شانيل جربتيه؟ خققاااااان

[لمبه]

انا اقول تو الناس على هالتخطيط يعني نصبر الى قبل الدراسه بكم يوم وعشان كل وحده تشوف ظروفها ونتفق الساعه كم وكذا صح..

[Chocolate Cake]

اوووكي .. كلكم قبل الدراسه بيومين لازم تكونوا هنا ..

:mh001:

[just crazy]

تم هع


<< متآبعه من بعيد

[خذآنـي آلشـوق]

مـآشـآء اللـه عليــكم

غبت يومــين

وشفتـكم خططتوا وكل شي من دوني !! :bawling:

يـآحظي يـآبنـــآت

فيــه آخترآع اسمــه جوآل

وكل وحـدهـ تدق ع الثـآنيه

ونتجمــع كلنـآ بمكـآن وآحد :mh001:

[لمبه]

خذاني الشوق

ماشاء الله عليك عندك ارقام كل اللي بالمتدى:lllolll:

[خذآنـي آلشـوق]

خذاني الشوق

ماشاء الله عليك عندك ارقام كل اللي بالمتدى:lllolll:

لمبـــه يــآدلخهـ :mh35: < بتتـصفق

آعـرف رقمـين مدري ثـلآثه

وآنتــي بعـد تعـرفين كـذا بنت

يعنــي تقريبـآ كل وحدهـ تعرف الثـآنيه

وبكييـذا نكلم بعض:g2:

[لمبه]

انا دلخه !:s12:

يادبه امزح معك .. زعلت :bawling: >>>> طقي راسك بجدار!!هههههههه

امممم :o3:

اجل اللي ماتعرف رقم احد تدبر عمرها يابنات :lllolll:

[نور الأوطان]

أهلين بنوتات

نسيت اقولكم أنا فالخبر .. أحد منكم من الخبر ..؟؟

:g2:

[Chocolate Cake]

خلاص كل وحده ترسل لي رقمها ...

علشان اتصل فيكم ..

بنااااات وينكم انتو ؟؟ ونجلس ندور واحنا ماسكين الجوال ونطالع عالبنات .. هههههههههههههههه

[لمبه]

انا من الخبررررررررررررررررررررررررررر:d5:

تحمست في احد زيها هههههههه

[خذآنـي آلشـوق]

انا دلخه !:s12:

يادبه امزح معك .. زعلت :bawling: >>>> طقي راسك بجدار!!هههههههه

امممم :o3:

اجل اللي ماتعرف رقم احد تدبر عمرها يابنات :lllolll:

فــديت قليــب لمبتنــآ آنــآ :066:
خــلآص لمبــه عطينــي رقمــكـ وآيميــلك

< تــرقيم عيني عينــكـ :lllolll:

وآنتــوآ بعـد بنــآت عطونـآ آرقـآمكم وآيمـيلآتكم :g20:

[خذآنـي آلشـوق]

خلاص كل وحده ترسل لي رقمها ...

علشان اتصل فيكم ..

بنااااات وينكم انتو ؟؟ ونجلس ندور واحنا ماسكين الجوال ونطالع عالبنات .. هههههههههههههههه


خــلآص آرسلــي رقمــكـ :c8:

لآلآ مـآندور

نتـفق ع مكـآن نوقـف فيـه كلنــآ

[لمبه]

خذاني الشوق

ارسلي لي ايميلك ع الخاص وبضيفك اوكي

[MeMo_O]

مرحبا بنات
رمضان كريم=>بدري ~Pp=
اممم بس حبيت أعرف في أحد منكم مسجل بإدارة الأعمال وخذا كور بالنسبه للتيست حقه .؟

[.. Jόόd }● ~]

لمبة تم الإرسال

.. صبايا بسألكم

السنة التحضيرية شو ندرس فيها من مواد ؟:mh19:

وكيف طريقتها :000: <<< ضايعة البنت بالصحراء قريب الجامعة لكن :hahaha_2008:

[Chocolate Cake]

هدوء .. على حسب انتي أي ليفل ..

وانا عن نفسي ليفل 3 ومو متأكده من اللي بدرسه ..


المهم بنااات .. لا تخلووني لحالي اول يوم .. ترا اخاف :lllolll:

[Mia]

هلا بنات
هدوء ككل راح ندرس ثلاث مواد انجليزي وماث وستدي سكيلز (مهارات التعليم)
بس يعتمد انتي في اي ليفل يعني احتمال ليفل 1و2 ما يدرسون ماث
والله اعلم >>تراني مضيعه حالي حالك :lllolll:

[لمبه]

مساكيييين يدرسون سنه تحضيريه :hahaha_2008:

الله يعينكم حبايبي شدوا حيلكم زين طيييييييب وانتبهوا وقت حصة الانقلش :lllolll: ياحيااتي خمس سنين!!

انا اريعه هع هع :g11:

مافي تحضيري :g4:

>>>> طيب والله درينا انك مابتدرسين تخضيري فكينا لوما التدريب وقت المقابله ولا ماكان نقزوك تخصص بلاهم مادورا عن تجارب الاداء قبل المقابله هع :lllolll:

[Mia]

اقوووووول لمبه
من الحين شوفه الحال؟؟؟:no2:
بعدين ما سبقتيني كثيير انا اربع سنوات وسمستر :lllolll:

[نور الأوطان]

أهلين بنات شخباركم ..

لمبة شو تخصصك ؟

[MeMo_O]

صباح الخير

بنات كيف أعرف أنا بأي ليفل؟؟

لأنه بورقه القبول مكتوب انه انقبلتي بالكليه كذا..بالتخصص اللي كذا
لكن موب مكتوب عن الليفل شي.؟!!:000:

[لمبه]

Mia

اصلن انا ابي اخذ سمستر تحضيري عشان لايصير صعب علي

نور الاوطان

بخير انتي شخبارك؟:g8:

انا it

MeMo_o

اتوقع انك بتتخصصين على طول مادام ماكتبوا لك شي عن الليفل بالخطاب لأن انا ماكتبوا لي عن الليفل شي ولمن سألتهم قالوا انتي تخصص على طول:d5:

انتي مره زينه بالانقلش؟ اجل يمكن تخصص على طول

او روحي تأكدي اذا كان مكتوب بيقينر أو انترميديت أو ادفانس مو شرط ارقام عرفتي :g20:

[MeMo_O]

لمبه
جنبي الخطاب نو موب مكتوب فيه شي
انا استغربت
بس اذكر يوم رحت ادفع سالتها اي مستوى انجليش قالت لي كور
طبعا هم هناك ما يعطونك فيس كثير:t1:
فـ سحبت عمري وطلعت وانا منيب فاهمه Pp=

وايه أنا زينه بالانجليش..

[لمبه]

اجل ياحبيبتي ابشرك تخصص على طول

بس انتي ايش تخصصك؟

[MeMo_O]

انا إدارة أعمال:119:

وحلوو اذا بتخصص على طول:love080:

ولو اني احس جهـــــل تام بالمجتمع الجامعي.!!:000:

[لمبه]

نفس الحاله

بس يللا الاداره سهل شوي ومايبيله اشياء مره صعبه زي الرياضيات وكذا . صح

يعني ان شاء الله يمشي حالك وماتلاقين صعوبات

[MeMo_O]

بالعكس تخصصي كله ماث :000:
بس ان شا الله اني اسلك

انتي الله يعينك على الـ It
صاحبتي مسجله معك ومتخوفه شوي

إلا على فكرة في احد من البنات مسجل زيي"إدارة أعمال".؟

[لمبه]

والله! توني ادري

بليييز لاتخوفيني زياده هههههه مو ناقصه

والله يوفق الجميع

[MeMo_O]

لا ما عليك ان شا الله:g8:
بنت خالتي تدرس الحين ما شا الله
ثالث سنه لها
وسالكه:love080:

[toto : )]

هلا بنويات :o1:
شخباركم إنشاء الله تمام
و شخبار شهر رمضان معاكم :d4:
المهم عندي سؤال أبغا أسالكم عنه و ضروري تردون علي الليله إذا ما كان عندكم شي:praying::071:
أني اليوم جلست من النوم إلا شفت بجوالي رساله من الجامعه مكتوب فيها :s3::150:
إن إلا فاته إمتحان تحديد المستوى للغه الإنجليزيه و الرياضيات الذي كام بتاريخ 3 و 4 من هذا الشهر إن في إمتحان
هذا الأسبوع بتاريخ 10 و 11 يعني الأربعاء و الخميس
:103:
مع العلم إني إمتحنت إنجليزي للتحديد المستوى و حطوني بالفيل 1
لأني يوم أروح أمتحن كنت مستمله على عمري
فرجاء إلا عندها أي معلومه عن هذا الموضوع أو جتها مسج على الجوال تقول ويش سوت :c17:

[*نجمة سهيل*]

لمبه لاتخااافين حتى انا ان شاءالله بدخل IT كثيييييييير مدحولي هالقسم سهل وحلو يشبه MIS


TOTO
انا اليوم اتصلت على الجامعه علشان اسألهم على تطبيقي وقالت في امتحان بكره (الثلاثاء)

واسبوع الجاي الاحد الاختبار يبدأ 10


الله يوفقق الجميع :praying:

[toto : )]

هلا بنات : )
مشكووووره يا نجمة سهيل على الرد:020:
لكن إنتي متأكده من الخبر لأن من ضمن رساله إن في إمتحان يوم الأربعاء و الخميس
القادم كيف إنتي تقولي الثلاثاء و الأحد
مع العلم كل ما أتصل بالجامعه ما حد يرفع ويش القصه ماني عارفه ليه:s13:
و تعالي يا نجمة سهيل إني تخصصي تصميم داخلي :g11::g20::g4:
و إنتي ويش تخصصش ؟؟؟؟:mh19:
و مشكوووووووووووووووره:020:

[ChaneL]

كل عام وانتو بخير صبايا .~؟؟~


:lllolll: << بدري رمضان كريم



:119: انا تم القبول .,~

[MISS DODO]

بنات ياقلبي ..
الله لايهينكم ..
ارسلوا ارقامكم على الخاص
او اضيفوني على الايميل hgprfhkd@hotmail.com
عشان نتفاهم ..ابي اشوفكم اول يوم ..
انا بكون ليفيل 1 .. وتخصصي mis



لمبه .. ياقلبي .. خويتي .. مثلك .. دخلت تخصص على طول .. مافهمت ولا شي ..
الاحسن تاخذين سنه تحضيريه .. عشان تكونين مستوعبه الدنيا صح ..

[just crazy]

كل عام وانتو بخير صبايا .~؟؟~


:lllolll: << بدري رمضان كريم



:119: انا تم القبول .,~



وآنتي بخيــر ..


مبروـوكـ القبوـول ..


آي تخصص ؟ وآي ليفل ؟

[hadeel001l]

P!nK CAnDY

وانتي بخير وصحه وسلاامه ..:)
ومبرووك القبول ياعسل ..


مس دودوو ..

اضفتك :g8:

اقبلي لو سمحتي ..


بنات لو اروح اقول لهم ابي ليفل 1 ..
يوافقون ؟؟

لاني بجرب اول اسبوع لو مافهمت شي .. بطلب يحطوني ليفل 1 ..

[لمبه]

بنات اشوه طمنتوني على تخصصي :g8:

وبالعكس خوفتوني عشاني بتخصص على طول :t1:

مع ان بابا قال لي مراح تحتاجين التحضيري وقال بيشوف موقعهم والخطة الدراسيه وبعدين نشوف اذا في داعي اروح تحضيري او لا

ميمو

بنت خالتك تخصصت على طول ولا دخلت تحضيري؟

مس دودو

صديقتك لهدرجه ماقدرت تمشي فيه !! :s12: ولا هي ماتعرف انقلش؟

والله انا شايفتها مره صعبه التخصص من اولها !! الله يكتب اللي فيه الخير

وترى اضفتك :g8:

[hadeel001l]

^^^^^

لمبه حووبي..

لايضيق صدرك ولاتشيلين هم ..
قولي لهم انك بتجربين كم يوم .. لو ماعجبك الوضع تطلبين تحضيري ..

مااتوقع يقولون لا ..

لانه حرام يضيع عليك سنه تحضيريه وتكونين مو محتاجتها ..

والله يوفقك ..

[MISS DODO]

لمبه ..
كلام هديل صحيح .. جربي كم يوم مافهمتي .. خلهم يحطونك بالتحضيري ..
وعلى فكرة مو مسألة اللغه عندك ..
المسأله .. عشان تكونين مهيأه نفسيا للتخصص .. مو تدخلين على طول تخصص ..
وانت اعلم بقدراتك .. ومدى استيعابك .. ان كنت قادره ماراح يكون فيه اي مشكله ..

وترى قبلت اضافاتكم كلكم ..

[MeMo_O]

مساا الخير
بناات من منكم بيروح يختبر ماث الاربعا.؟؟
أنا وصلني مسج وخايفه احس بخبص الدنيا:000:

لمبه
بسألها إن شا الله وبرد عليك:119:

[نور الأوطان]

مرحبا بنات كيفكم ..؟

أنا سجلت وخلصت كل أموري ودفعت، و إنشالله راح أدرس التخصص على طول computer engineering

لكن ما قد جابو لي أي طاري بخصوص اختبار الماث !! يعني ماعرف هم راح يختبروني أو لاء ؟

وش تتوقعون ؟

:g2:

[MeMo_O]

نور ما وصلك مسج على جوالك اليوم بخصوص اي اختبار.؟:mh19:

[Chocolate Cake]

ميمو ..

انا بروح اختبر .. لأن اليوم رسلوا لي مسج ..

اكيد بروح تخيلي يعني اطنش فيهم ههههههههههه

[MeMo_O]

تشوكليت تيب كيف استعداداتك للاختبار :000::s11:

[نور الأوطان]

لا والله ما أرسلوا شي لي !!

لا يكون ناسيني :s12:


تتوقعون يحتاج اتصل فيهم ؟

[hadeel001l]

ميموو ..

وش سالفه الاختبار؟ ؟؟

.. ماجاني مسج ..

[Chocolate Cake]

ما ارسلوا لك لأنك ممكن راح تبتدي التخصص على طول ..

اما انا .. بدرس سمستر تحضيري ..

ميمو ..

والله الاستعداد .. زيرووو ..

يعني كذا فجأه يقولون لي عندي اختبار ماث .. وانا يعني ماحب الماث ..

ووو قبل بيومين بس ..

بروح وبخليها على الله ..

:017:

والله ما عندي خلفيه عن الاختبار ..

انتي ايش تخصصك ؟ وأي ليفل

[لمبه]

ميمو

اوكي اسأليها حبيبتي...وترى Mia و chocolate cake بيختبرون معك هع

عاد لانوصيكم .. علمونا وش جاكم بالاختبار :lllolll:

بنات انا ماوصلني مسج يعني مراح اختبر الاربعاء لكن اكيد ان شاء الله بختبر بيوم ثاني العدد كبير واكيد مو كلنا بنختبر بنفس اليوم

اصبروا.. الصبر مفتاح الفرج >>> والله من الهم قامت تطلع هالأمثال اللي مدري وش تبي :lllolll:

[Mia]

بناااات دونت ووري (شفتوا كيف اغرد بالانجلش :lllolll:)
الكل راح يختبر بس اكيد ياخذون مجموعات
ابشروا بمسج قرييييب :119:

انا الشي الوحيد اللي راح اسويه بسترجع معلومات ثالث ثانوي بسسسسسس
غير كذا :t1:

[MeMo_O]

نور يمكن بيختبرونك بيوم ثاني
ما اظن بيجمعون كل العالم بيوم واحد
يلا احسن لك بعد عشان تعرفين وش بيجينا
يعني طاحت براسنا:s11:

تشوكليت
أنا إدارة أعمال
وماعندي سنه تحضيريه على أغلب الظن اني بتخصص على طول


بنات اللي بتروحون تختبرون الاربعا خلونا نشوفكم:g20:

هديل
موب شرط انك بتختبرين معنا
اظن بيحطونك بيوم ثاني:g2:

[نور الأوطان]

:s12:

يالهوتي ،، الكل راح يختبر !!

مافيه وقت نستعد ، أصلاً وين الواحد يستعد برمضان

طبعاً مافيه أمل ندرس قبل الفطور ، وبعد كذا تلفزيون و صلاة التراويح و بعدين تلفزيون وبعدين انترنت !!

بصراحه الله يعين ، الإجازة الطويلة عودتنا على الكسل والخمول، بصراحه مالي خلق أصلا أفكر :s3:

[بنوتهـ الشرقيهـ]

هـــــــــــــــــــــــــــــــــلا باناااااااات

أبسألكم ألحين إختبــــــار الماث ليش نختبره
يعني مو مثل الأنقليش حق تحديد المستوى ...هذا عشاااااان إيش
ووو منختبره ألحين في رمضان يعني قبل الدراسه لأن أشوف بعض ردود البنات عطوهم مسج حق الإختبار

تحياتي

[MeMo_O]

ياااااااخ سويت سيرتش على اختبارات ماث بالانجليش وجتني كآبه =|

ودورت عن الكتاب اللي مفروض ندرسه Elementary and Intermediate Algebra
وجاني احباط من الجبر

بجد ما ادري وش رح اسوي الاربعا

بس اظل افكر انه كيف الانجليش ظنيته صعب ومشيت فيه:g8:

فـ ان شا الله يجيبون لنا اشياء بسيطه
خصوصاً إنه اغلبنا ما درس ماث انجليش
فـ أكيد بيقدرون هالشي.!!:g2:

انا سالت وحده هناك
قالت الاختبار ان شا الله انه بسيط
وفيه من ماث الثانوي

=>أبد ما اجيب احباط لكم :cheese:

[لمبه]

لالالا ابدااااااا من ناحية الاحباط انا ما احبطت بالعكس معنوياتي ارتفعت خصوصا يوم ذكرتي انو فيه ماث حق ثالث ثنوي :hahaha_2008:

ياربي احنا مافلحنا بالنهايات هههههههه تتذكرونها (( هذا وجهي كله متبخر!! ))

ولا شلون بيجيبون لنا تكامل وتفاضل بالانقلش !! :bngo12:

ماقول الا الله يعين!

بس سؤالي :

الحين اللي اختبروا انقلش وحلوا زين وحطوهم تخصص على طول لمن يختبرون الماث ويزفتون فيه هل بيودونهم تحضيري؟ ولا ماله دخل؟؟

(( لحسه صح )) :no2:

[MeMo_O]

لمبه
ما ظنتي فيه تكامل وتفاضل:g2:
يقولون كله معادلات:t1:

وعلى سالفه التحضيري
اتوقع لو ضعيفه ممكن يعطونك سيمستر ماث
او انه يعطونك كورسات

على حسب:g2:

[just crazy]

:017:

اوف ليش الاختبار بعد ..

انا لسى مارسلو لي !!

[لمبه]

اها يعني مابيودوني سنه تحضيريه لكن بيكثفون لي الماث....... صح؟!