الدراسه ام الزواج ؟؟؟!!!! [الأرشيف] - ملتقى طلاب وطالبات جامعة الملك فيصل,جامعة الدمام

البرنس

2008- 8- 17, 11:12 AM

قوه شباب وبنوتات شلونكم شخباركم

موضوع حلو وأتمنى الكل يشارك

الكثير من العوائل تزوج بناتها فى مرحلة الدراسه فالدراسه أولا ومن ثم الزواج .

هل وجهة نظرهم صحيحه ؟؟

أم ان الدراسه لاتمثل عائقا لزواج الفتاه حيث انها تستطيع التوفيق بينهما ؟؟

هل الشهاده الدراسيه اكثر ضمانا لمستقبل الفتاه من الزواج ..

هل الزواج فى سن مبكره السبب لحالات الطلاق حيث يكون الزوجان غير مهيئين لتحمل

المسؤليه وحل المشاكل ،كذلك أنشغال الفتاه فى الدراسه قد يلهيها عن واجباتها اتجاه

زوجها وبيتها ،، فيحدث الأنفصال من أول مشكله أو خلاف..

س : هل الدراسه ام الزواج ؟ ولماذا ؟

----------------------------------------------------------------

الموضوع للنقاش

شـِطرمن القـِمر

2008- 8- 17, 12:40 PM

الموضوع فعلا يستحق النقاش ..:cheese:

بس للزواج سلبيات وايجابيات ونفس الشي للدراسه سلبيات وايجابيات

يعني بهالزمن وحده عندها شهاده وماتزوجت ممكن يكون مستقبلها مضمون اكثر من وحده تزوجت وماعندها

شهاده

وممكن هذي اللي ماعندها شهاده تكون متزوجه واحد يغنيها عن الحاجه لشهاده جامعيه او غيروو

وبعدين احسن شي طبعاً اللي تكون موفقه بين الدراسه والزواج ..

وأتوقع مايحتاج انه البنت تنحط في موقف تتخير فيه بين الدراسه او الزواج بدون الجمع بينهم باستثناء الفتاة

الطبيبه

لأنها في الغالب تنشغل برا بيتها وماعندها وقت لأطفال أو زوج :000:

مع انه مرتبها يكون أفضل من غيرهاا لكن يجي على حساب الأمومه :t1:

وانا مثلا كنت منقهره اني مادخلت الطب ومااشوف مبرر لهالشي .. بس بعدين

اقتنعت باللي ربي اختاره لي

وان شاء الله ربي يصرف قلبي عن الطب :g2: >> لأنه مثل ماالكل يعرف انه الطب

يقلل من فرص البنات للزواج لظروفه اللي تستلزم قضاء اليوم بالخارج غالباً

الا قليل ممن رحم الله .. برايي يعني الدراسه بالطب خاصه

مجالها احسن للأولاد اكثر من البنات وانسب لأنه البنات خلقوا للأمومه وتربية الأجيال والطب يصعب هالشي

وبس و .. سلمت يمناكَ يا

البرنس ع الموضوع :106:

:119:

البرنس

2008- 8- 17, 10:38 PM

شكرا على ردك يا اختي شطر

بس يعني انتي تأيدين الجمع بين الزواج والدراسه الا الفتاة الطبيبه لا تستطيع

ولكن انا اريد ان اسألك

لو خيروك بين الزواج ولا الدراسه فماذا سوف تختارين ؟؟؟؟؟

رنيـم

2008- 8- 17, 11:33 PM

بـ إختصــار..

لن أضع الزواج عائق دون إكمالي لدراستي
ولن أجعل دراستي عائقاً لزواجي..

طرح موفق البرنس..شكراً جزيلاً

رمــ الوفاء ــز

2008- 8- 17, 11:58 PM

بصراحه الدراسه اولى واهم من الزواج هذا من رائيي
وانا لااؤيد الزواج في اي مرحله دراسي كانت
الزواج بعد التخرج افضل قد تعاني الفتاه المتزوجه حين تجمع بين الدراسه والزواج وربما تترك دراستها لاجل بيتها واطفالها
لماذ كل هذا ...
جميل ان تتدرس دون معانة ودون تعب ودون تفكير في آمرين في وقت واحد
الدراسه اولى بكثييييييير من الزواج هذا من وجهه نظري:119:

•- ×][ خـطــوات][ × -•

2008- 8- 18, 01:27 AM

ارى ان هذا الامر نسبي
ويختلف باختلاف اصناف الناس

بعضهم يجيد التوفيق ويوفق
وبعضهم لا يجيد فـلا يجمع بينهم
وبعضهم لا يجيد ويجمع بينهم وتكون العواقب وخيمه

برايي
على كل ام واب ان يروا طبيعة فتياتهم واحيان حتى فتيانهم بالحاجه الى مراعاة لطبيعتهم
ومن ثم يحكم

وكل فتاه ايضا عليها ان تختبر نفسها <<وهي اعلم بنفسها من غيرها
وترى ان كانت بمقدورها التوفيق او لا ومن ثم التصرف والموافقه على الزواج او لا

-------------------------

اشكرك اخي البرنس على الطرح لا عدمنا من جديدك المفيييد

العشق

2008- 8- 20, 05:07 PM

من وجهة نظري ::mh19:ان الافضل للبنت انها تدرس وتضمن شهاده ,:119:

وحابه اعرض لكم الجمله المعهوده من والداي عسى الله لايحرمني منهم آآآآآآآآآآآآآآآآآآآمييييييييين,:cheese:

(لازواج بدون سلا ح اللبنت (الشهاااااااااااااااااااااااده اولآ ثم زواج) (لاحقين على الشقى الزواج مسؤؤؤؤليه ):cheese:

يعني محد عارف وش راح يصير بالمستقبل::c8:

وشكرااااا للبرنس:g20:

البرنس

2008- 8- 24, 08:20 AM

رنيم

تفكير سليم اختي وقد امسكت العصا من المنتطف
شاكرلك المرور اللطيف

رمــ الوفاء ــز

كلامك صحيح اختي
يعني انت تقولي الدراسه وليس الزواج
شاكرلك المرور العطر

•- ×][ خـطــوات][ × -

بعني الامر راجع للبنت ولكن ايضاً زوج المستقبل له نصيب يعني على حسب شخصية الزوج ايضاً
العفو اختي وشاكرلك مرووورك

العشق

حكمه جميله والله يحفظ لك والديك يعني انتي مع الدراسه على حساب الزواج ؟؟
مشكوووره على المروووووور

صبا الورد

2008- 10- 11, 04:10 AM

انا اشوف ان البنت لازم تعيش كل مرحله من حياتها
يعني اول شي الدراسه وبعد ما تاخذ الشهاده يكون سنها مناسب لزواج
يعني الدراسه اولا وبعدين الزواج

BeeB

2008- 10- 11, 04:55 PM

الدراسه ثم الدراسه ثم الدرااااااااســـه

والزواج موب طاااير كل وحده ونصيبها ولو احد خيرني بين الزواج والدراسه أختار الدراســـه

لأن بالدراسه اكتشف ذاتــي ومن خلالها احقق مهاراتي ومؤهلاتي وبدراستي اقدر اثبت نفسي بالمكان اللي انا فيه

والشهاااده تضمن مستقبل البنت اكثــر من الزواااااااااااااااااااااااااج بمليووون مررره وهذا الكلام اقوله من اشياء انا شايفتها بالواقع

زهقت تصوير المرأه بجانب الزواج والبيت والتربيه و خدمة زوجهـــا
لأن بهالمعتقدات نرجع للوراء ونصير زي الواقفين بدون تطور

ســــلام :119:

SoOoMaAa

2008- 10- 11, 06:30 PM

السلام عليكم ..

انا بالنسبة لي اشوف افضل للبنت انها تتزوج .. لو انها اضطرت انها تختار بين الدراسة والزواج

لكن لو حصل لها الجمع بينهم سيكون افضل بالطبع ..

لاني اعتقد بان البنت في مجتمعنا لازم تكون متزوجة .. بحكم القوانين والانظمة والعادات والتقاليد

لان البنت ماراح تقدر تكمل وتعيش حياتها بدون رجال يوقف جنبها وتعتمد عليه .. لان طبيعي الاب ما راح يعيش معها للابد ولا الاخوان راح يتفرغون لها ..

وبالطبع فيه حالات من النساء قدروا يكونون حياتهم ومستقبلهم بدون رجال .. لكن قليل جدا ونادر ..

باختصار الحرمة عندنا بدون رجال ما تعيش

مابي البنات يفهومني غلط لكن هذي عاداتنا وتقاليدنا وانظمتنا

والواقع يفرض نفسه على الجميع

BeeB

2008- 10- 11, 09:19 PM

وعليكم السلام

انـــــــــا ضد الاخ سوما في ماقاله

يااأخ على اي أساس تحكم ان البنت ماتعيش بدون رجـــل؟؟؟ عطني المبررات اللي تخلي المرأه ماتقدر تعيش بدون الرجل ؟؟

لااا تعيـــــش وتكمل حياتها طبيعــــي ... إلا تربطون المرأه بالرجـــل ؟؟ ليش؟؟

مافي شي اسمه هاذي عاداتنا وتقاليدنا وانظمتنا وش هالرجعيـــه؟ ..
ارقواا شوي يااناااس متى بتطلعون من الظلمه اللي انتوا فيها الى متى نظل متمسكين بالعادات والتقاليد ليش مانفكـــر قبل مانطالع هالعادات اللي لها 20 سنه او اكثر .. بعدين انتوا ليش دايما تفترضوا ان البنت رح تعتمد عليكم انتوا يالرجال ابي افهـــم ؟؟
قال ايش قال البنت في مجتمعنا لازم تكون متزوجــه طيب واللي مو متزوجه وش محلها من الاعراب ماتقدر تعيش ؟ خلاص توقف حياتها بس لانها مو متزوجـــه ؟؟

الواحد يفكـــر بعقلــه اولا قبل مايقعد يتبع له عادات وتقاليد مايدري من حاطها..
والبنت مو فوق راس ابوها او اخوانها هي بتعيش حياتها وبتدرس و بتنظم امورها وبتشتغــل بأي مجال تحبه وماراح تربط روحها فيهم ...
المـــرأه لها حقوق مثل ما للرجل حقوق ولها حق الاختيار مثل ما للرجل حق الاختيار بالتالي تستطيع ان تحدد المسار الذي ستخطوه نحو اهدافها وطموحاتها

وســلام

دونات

2008- 10- 11, 09:43 PM

الزواج مهم وهوالمستقبل الحقيقي ..
لكن .. وهو الأهم أرى أن الأهل يجب أن لا يزوجو أبنتهم ألا أذا كانت مستعده لتحمل المسؤوليه .. والزوج مناسب ..غير كذا مافيه داعي للأستعجال ..
ومن تجربه أشوف أن الزواج أحياننا يكون دافع للبنت أنها تجتهد ..
كثير بنات مانجحو ألا بعد زواجهم .. لان الموضوع صار تحدي بالنسبه لهم ..
فالمسأله على حسب الظروف ..

((وترى المره تقدر تعيش بدون زوج ..وأحلى عيشه..
وكما أن الأب غير باقي ,والأخوان بعد حتى الزوج مو باقي للابد..))
المسأله أقدار ..وكل ميسر لما خلق له ..

SoOoMaAa

2008- 10- 11, 10:42 PM

عفوا اختي يمكن انتي فهمتيني غلط ..

لكن انا اقولك ليه المرأة ما تقدر تعيش بدون رجال ..

1- كيف تقدر تروح وتجي
2- كيف تنهي اي اجراءات حكومية تعليمية صحية .. الخ
3-حسب النظام ما تقدر تتصرف او تسوي اي معاملة حتى شخصية .. بدون موافقة ولي الامر .. حتى تجاوز عمر 55 سنة
4- اذا ما عاشت في بيت زوجها او ابوها او اخوها وين تعيش !! "" لحالها "" << مدري مين الي بتسويها ههههههه
5- ..
6- ..
7- الخ

حبيت ابين لك بعض الاشياء الي حضرتني ..

ولو حابة تتأكدي من كلامي شوفي الناس روحي واسألي وشوفي كيف تعاني البنت العانس والمطلقة والارملة ..
يا اخت BeeB حنا في مجتمع لا يمكن للمرأه انها تعيش فيه بدون رجل وبس ..

اما بخصوص الاخ او الاخت دونات صحيح كلامك ان الاب ماراح يعيش ولا الاخوان ولا الزوج .. لكن لو تكلمنا بالمنطق في الغالب الي تكون متزوجة ومات زوجها عندها عيال يوقفون معها ..:)

وبالأخير هذا مجرد رأي شخصي :119:

BeeB

2008- 10- 12, 04:29 PM

الحيــــن انا قلت ان البنت تقدر تعيش لحالها ؟؟؟ ليش وين قاعدين ؟؟؟

احتـــرم رايك الشخصـــي بـــــس ما أدري عن اي عانس تتكلم ؟؟؟
والمطلقة والارمله هذولا اللي تقول انهم يعانون ايه ليش يعانون في احد مضايقهم يعني ؟؟ بدل المعاناه والكلام اللي مايودي ولايجيب تروح تدور شغل او تكمل دراستها او تشوف لها مشروع كذا تقدر تكمل حياتها ...

انا مو ضد الزواج ولا ضد ان البنت تتزوج اصلن هذا مو منطقي في الكلام انا اللي اقوله ان البنت بعد ماتضمن شهادتها ووظيفتها
بعدها يصير النصيب ان شاالله .. واذا ماصار نصيب يعني تنتهي حياتها وماتقدر تعيش ؟؟؟مو معقـــول ؟؟

اخيرا حبيت اقول انا لما ارد على احد هذا مو يعني تغيير آرائه او اقناعه بوجهة نظري لا هو مجرد ابداء رأي وتوضيح للافكار فقط لاغير

ســـلام :119:

SoOoMaAa

2008- 10- 12, 04:43 PM

اختي BeeB اشكر لك لطفك وذوقك الرفيع ..

بس انتي تتكلمين بالمثاليات والافتراضات الناجحه وانا اتمنى هالشي لكل انسان وانسانة ..

لكن الامور مو على الكيف تجي ..

:119:

BeeB

2008- 10- 12, 05:33 PM

مافهمت عليــك .. أي افتراضات ناجحه ؟؟ انا افترضت شي؟؟

الامور مو بالكيف تجي !!!! <<< كيف يعني وضح كلامك اخوي؟؟

ياليت اللي يعلق تعليقات على جنب يوضـــح عشان نفهم ونتبادل الافكار مع بعض

وانا بعد اشكر لك لطفك وذوقك :000:

ســـلام

همس اللليل

2008- 10- 12, 06:27 PM

أنــــــــــــــــا من رئي الشخصي الزواج ستر وأستقرار
ومافي وحده ماتبقي الستر وتحس بالأمان أحترم رئيكم ومتابعه لكم

همي اشيل همك

2008- 10- 12, 07:04 PM

والله انا اشوف الوحده تخلص دراسه اول وتكمل تعليمها وبعدين تتزوج .......

يعني لااااحقه ع الزواااااج .........

المهم تحصل تعليمها وثقافتها .... ثم الارتباط ...

لان الزواج غالبا مايكون عائق في اكمالها لتعليمها ........

BeeB

2008- 10- 12, 07:11 PM

الزواج سبب للاستقرار والامان مـــــــع الشخص المناسب المتدين مـــع اللي يفكر مضبوط ..

عمر الزواج مارح يريح البنت إلا اذا كان الزوج مسؤوووول

ياما زواجات صارت نقمه على البنت ياما بنات تعذبوا وتبهذلوا مع ازوجتهم مارح افصل بهالنقطه عشان ما أطلع عن الموضوع :no2:

ســـــلام

همي اشيل همك

2008- 10- 12, 07:22 PM

صححححح لسااااااااااانك بيب .........

كلام عين العقل ........ الله يستر ع البنااات ويوفقهم .......

BeeB

2008- 10- 12, 08:13 PM

:119::119::119: همي اشيل همك صـــح بدنك ياااعسل

ســـــلام

SoOoMaAa

2008- 10- 12, 08:38 PM

الحيــــن انا قلت ان البنت تقدر تعيش لحالها ؟؟؟ ليش وين قاعدين ؟؟؟

احتـــرم رايك الشخصـــي بـــــس ما أدري عن اي عانس تتكلم ؟؟؟
والمطلقة والارمله هذولا اللي تقول انهم يعانون ايه ليش يعانون في احد مضايقهم يعني ؟؟ بدل المعاناه والكلام اللي مايودي ولايجيب تروح تدور شغل او تكمل دراستها او تشوف لها مشروع كذا تقدر تكمل حياتها ...

ســـلام :119:

هذا قصدي .. يعني لو كل وحده تبي تشغتل راح تحصل الشغل وبتحصل الشغل الي تبيه كان زين .. واعتقد ان هالكلام الي تقولينه مجرد مثاليات وصعب ان لم يكن مستحيل تطبيقه في الواقع ..

لو صحيح الكلام الي تقولينه كان ما شفنا ولا سمعنا عن معاناة هذي الفئة من الناس ..

مو كل شي نحلم فيه ولا نتخيله صحيح وممكن يتحقق

BeeB

2008- 10- 12, 09:21 PM

SoOoMaAa

2008- 10- 12, 11:21 PM

انا اتكلــــم بلسان الواقع موضوعنا مايتحمل خيال ولا احلام يااخوي

ليـــــش اللي قلته تحكم عليه على اساس مثــــــاليات ؟؟؟

الفئـــه هاذي ليش تعانـــي برااايك ؟؟؟ تدري ليش لأنها ماضمنت حياتها قبل لاتتزوج ولا كملت دراستها ولا ضمنت وظيفه

عشـــان كذا انا قلت اني افضل الدراسه للبنت قبل الزواج لااااا مو بس الدراسه و وظيفه بعـــد <<< بتقول على كلامي مثاليات ؟؟
لااا مو مثااليات لأن ماافي بنت ماتبغى تدرس وتكمل دراستها إلا اللي رح تعتمــــد على الرجـــال وتقول لما اتزوج هو اللي بيصرف علي يعني مايحتاج اشتغــل اخر شي لما يطلقها ولا يتوفى هي عاد تتورط وتعاني على قولــك

ســــلام

كلامك صح وعين العقل .. لكن للحين اعتقد ان الي تقولينه مثاليات .. لان مو كل وحده تقدر تنجح او تلقى وظيفه او تحقق النجاحات الي تتكلمين عنها .. او الي هي تحلم فيها

لكن اعتقد كل واحد تقدر تحافظ على بيتها وزوجها وهذا شي سهل بمتناول كل زوجة عاقلة

عموما ودي انهي النقاش لان اعتقد اننا توسعنا بالنقاش .. وماودي نطلع خارج الموضوع الاصلي ..

لكن ابي ابين رايي للجميع ..

وهو اني لا اعارض دراسة البنت ...

لكن افضل زواجها وبشدة ..

لان كثير عوائل وبيوت تفككت بسبب عمل الام وانشغالها عن زوجها وابنائها وبيتها ..

واسعدي النقاش معك :)

واشكر لك لطفك وطيبك واحترامك للرأي الاخر :)

BeeB

2008- 10- 12, 11:30 PM

مـــو مشكله اخوي سوما :119:

كل واحد ورأيـــه وياهلا فيك

ســــلام

HaSSaS

2008- 10- 12, 11:42 PM

طيب ليش ما تتزوج وتكمل دراستها ايش المانع ....؟؟

SoOoMaAa

2008- 10- 12, 11:47 PM

طيب ليش ما تتزوج وتكمل دراستها ايش المانع ....؟؟

انا أأيد هالشي .. طبعا :119:

همي اشيل همك

2008- 10- 13, 12:16 AM

انا أأيد هالشي .. طبعا :119:

مافي مانع لكن بمعنى اصح في عائق اللي هو الزواج _
بمعنى انه صعب ع البنت توفق بين الزواج والدراسه ونادرا مانلقى اللي توفق بينهم_
لأن كثير بنات تزوجوا وكملوا دراسه آخرتها تركت دراستها وقعدت ببيت زوجها_
وش الفايده ماكملت تعليمها!!!
ويمكن لو قدر الله وانفصلوا بتكون البنت خسرررت كثييير_
‏_طيب وش فيها اذا درست ثم تزوجت_

BeeB

2008- 10- 13, 12:40 AM

مافي مانع لكن بمعنى اصح في عائق اللي هو الزواج _
بمعنى انه صعب ع البنت توفق بين الزواج والدراسه ونادرا مانلقى اللي توفق بينهم_
لأن كثير بنات تزوجوا وكملوا دراسه آخرتها تركت دراستها وقعدت ببيت زوجها_
وش الفايده ماكملت تعليمها!!!
ويمكن لو قدر الله وانفصلوا بتكون البنت خسرررت كثييير_
‏_طيب وش فيها اذا درست ثم تزوجت_

صـــح اللي قلتيـــه ..

ولا رح ازيد على كلامك لأنه نفس اللي كنت بقوله :119:

ســـلام

قلم بدون حبر

2008- 10- 13, 12:42 AM

على حسب دراستها يعني اذا كانت تستاهل تقدم الدراسه على الزواج

اما اذا كانت ماتستاهل " مافيها وظايف الا بالموت زي جامعتنا " الزواج أضمن لها

وأغلب البنات اللي تخرجوا وماتوظفوا ولا تزوجوا افتحوا مشاريع ولا اشتغلوا في أماكن نسائيه
يعني نفس الشيء اذا احتاجت تفتح مشروع حتى ولو ماكملت دراستها تفتح

بس لو توفق بين الزواج والدراسه احسن
يعني ماتقول لعيالها مؤهلي ثانوي ومؤهل أمي جامعي

همي اشيل همك

2008- 10- 13, 12:48 AM

شكرا بيب والله ذبحونا زواج زواج !!!

خلينا نضمن مستقبلنا ثم ربك يسهلها_

ههههه:119:

BeeB

2008- 10- 13, 01:00 AM

ههههههه من جد كلامك همي اشيل هممك ...

الله يصبرنا :119:

ســـلام

ننووفف

2008- 10- 15, 01:02 AM

انا من وجهت نظري على حسب البنت اذا تقدر اتوفق بين الأثنين هاذا زين

اما إذا ماتقدر فدراستها اولا الها لأن في النهاية شهادتها هي سلاحها

HaSSaS

2008- 10- 15, 02:01 PM

وليه التشاؤم من الزواج ...!!!!!!!!!!!!!!
انا في ظني انه استقرار نفسي وراح يشجع البنت على الدراسة والمثابرة خاصة اذا كان الزوج انسان متفهم
علما انه من النادر في الوقت الحالي تجد أزواج يعارضون استمرار الزوجة في التحصيل العلمي وبالتالي الحصول على الوظيفة التي سوف يكون لها مردود ايجابي على حياتهما ورفاهيتهما ...

همي اشيل همك

2008- 10- 21, 02:09 AM

ذكرى

2008- 10- 21, 02:49 AM

احس بذا الوقت الدراسه مو عائق للزواج كثير حالات متزوجات ويدرسن
وربي ميسر

بس ليش الإستعجال ع الزواج
اصلا لو حسبناها بالعمر الإفتراضي
تخلص الوحده من الكليه وهي عمرها 21 او 22
يعني بدايه مرحله نضوج ووعي

لذا افضل كذا افضل من انها تتزوج واهي بزر
تزعل من اول كلمه
وتكافخه كنه اخوها(هع امزح:hahaha_2008:

اقصد ان برايي الافضل كذا واللي تزوجوا واهم يدرسو
صارت لهم مثل الاسهم بين عدم التوفيق
او ملل الزوج وانحطاط احلامه(بانه يلقى من ينتظروه وو...الخ
0
0
لذا المسأله تتعقد حتى لو كانت سهله
ويستحال التوافق لانه ماجمع الله قلبين في شخص واحد
المهمله لزوجها ناجحه دراسيه
واللي مشي حالك في الدراسيه ناجحه بحياتها الزوجيه
0
0
0
0ودمتم

تضحك بس تكبر

2008- 10- 27, 03:36 PM

يسلموووووووووووووووو ع الموضوع
بكوني ان اني متزوجة ونفس الوقت ادرس
احسة صعبة الشوي واني عندي طفلة صغيرة
ما ايد الزواج مع الدراسة ابد
اني احط علامة اكس ع الزواج مع الدراسة صعبة وايد

خطوة خجل

2008- 10- 27, 08:15 PM

الدراسة أولا ..... يعطيك العافية على الموضوع الحلوووووووو

لبى عنوني

2008- 10- 29, 05:21 AM

اكيد قبلالدراااسه اذا خلصت اوكي زواج بس قبل الدرااااسه

لانها ماراح تقدر تواافق بين الشيئين تنتبه لدروووسها ولا لبيتها وزووجها؟؟؟

انا اقووول الدراسه اوووول

وتسلم خيو على هيك موضوع

لبى عنوني

2008- 10- 29, 05:22 AM

اكيد قبل الدراااسه اذا خلصت اوكي زواج بس بعد الدرااااسه

لانها ماراح تقدر تواافق بين الشيئين تنتبه لدروووسها ولا لبيتها وزووجها؟؟؟

انا اقووول الدراسه اوووول

وتسلم خيو على هيك موضوع

موهبة

2008- 10- 29, 11:04 PM

:cheese:بســــم الله الرحمن الرحيم ..

ماشاء الله تبارك الرحمن الموضوع ماشي كويــس ..

الدراسه أم الزواج ؟؟

أيهما أولى بالتقديم ؟؟

رغبات وقدرات وقناعة شخصيــــه // بكل اختصار //

هنالك من لديها القدره على الموازنه بين الحياة الزوجية ومجالها الدراسي

وهنالك من تمتلكها ولكن لا تود أن أن تفقد جزء من طاقتها في التركيز على الزواج وما يتبعه من مسؤوليات ..

وهنالك من تفتقد هذه المهاره رغم رغبتها في الاثنين..

وو وو وو الناس أجناس :119:

* لكــــن هذا لا يخلو من بعض العوامل الداخله المؤثرهـ غير قدرات الفتاة مثل :

نوع المجال الدراسي
مثال1 : مَن تدرس الهندسه ( أيا كان نوعها ) تختلف عن اللغة الانجليزيه تختلف عن الطب تختلف عن التمريض تختلف عن الإحصاء ........

الجميع يتطلب مجهود وتعب ووقت وإلى ما إلى ذلك لكنها تتفاوت فيما بينها في عدد الساعات, المسؤولية الملقاه على عاتق المخترج من احدى هذ الحقول أو غيرها .. الخ

مدى التفاهم بين الزوجين بغض النظر عن مستوى الزوج التعليمي ( لا يُعــَد مقياسا أبدا )
مثال2 : لو وُجــِد التفاهم => سوف ينشأ التشجيع => سوف ينشأ الاحترام من قبل الطرفين => ستبذل الزوجه قصارى جهدها لإرضاء الزوج وإرضاء ذاتها بالدراسه => ستبدأ بالموازنه بينهما بشكل لا إرادي للمحافظة على جو الإحترام والتشجيع

أيضا : الحقل الذي يعمل فيه الزوج ..
مثال 3: قد يكن هذا الشاب يعمل من الصباح إلى ما قبل المساء ( حتى وقت الغروب ) .. هل يُعقًل أن تمضي الزوجه كل هذه الفتره في تنظيف المنزل والزيارات والكشخه والأنتكه قلبت عامي هه .. ( سوري بس كلام عقلاني.. )

تستغل هذه الفرصه بإكمال دراستها (لا بأس في ذلك في حال رغبتها ومقدرتها )

النتيجه : لا يمكنني المفاضله بين الاثنين فمدى نجاح زواج الفتاة المبكر أو بالأحرى ضمن سنوات دراستها متفاوت

وجهة نظري الشخصيهـ

كلاهما أمرين لا بد منها .. لا استعجال ولا تأخير .. خير الأمور أوسطها .. لا اتزوج وأنا عمري 15 سنه مثلا لم أعش حتى مراهقتي .. ولا أنتظر حتى أتجاوز منتصف عمري .

أي بوضوح لا تتزوج الفتاه وهي لم تنهي حتى المرحلة الثانويه ولا تنتظر حتى تنهي درجة الدكتوراه .. لا ذا ولا ذاك

( على قولتهم العمر يخلص والشغل ما يخلص انا بقول العلم ما يخلص :cheese: )

ولا يخلو الموضوع من الاستثناءات .. ( أحس الموضوع متفرع فاكتفـــي :119: )

هرج بدويــــــــــه

2008- 11- 11, 02:18 PM

موضوع شيق ويستحق النقاش
بصراحه انا لا اؤؤيد الدراسه مع الزواج
حلو الوحده تكون معها شهاده وتكون جامعيه بس صعبه نجمع بينها لانها مسؤليه كبيره ومحد يقدر يجمع بينها
نصيحه لحد يتزوج الا اذا خلص الدراسه.........................وبالتوفيق للجميع:s12:

إضاءات

2008- 12- 10, 09:52 AM

بالنسبة لي الدرااااسة ثم الدراااسة ثم الزوااااج

في هالزمن الواحد ماصااار يأمن لأحد فجأة وبدون مقدمات تكون البنت مطلقة أو يموت زوجها أو يمرض وهي مو مكملة دراستها عز الله بتضطر تشتغل شغلة يمكن أول ماكانت ترضى تشتغلها

خلي درااستها عاااازتها

~|| A

2008- 12- 10, 10:09 AM

انااا اقوول الدراسه اول ولاحقين ع الزواااج :cheese:

وبس :119:

شرقاويه كول

2009- 1- 28, 09:48 PM

هل الدراسه ام الزواج ؟ ولماذا ؟
الدراسه اهم بس مايضر اذاجمعت بين الثنين اعرف كذا كثير

ملكة الكون

2009- 3- 21, 01:15 PM

الدراسه مهمه والزواج مهم مع اني طالبه وانا لو بيخيروني وغصب عني اختار بس شي واحد راح اختار الزواج لأن الدراسه مو بش شهاده الدراسه تجي بالقرائه والقرآن وكل شي بالحياه في كثير ناس جامعيين مايسوون بتعليمهم اللي تعلموه بالجامعه بعقل اللي ماعندهم شهاده لأن في كثير ناس ماعندهم شهاده وماشاءالله طريقة كلامهم وتفكيرهم وابداء رايهم تقول انهم متخرحجين دكتوراه

فالزواج اهم شي عسى ربي يرزق الزواج لكل اللي يتمنون إنه سميع مجيب...

ألف شكر لك على الطرح المميز...

القحواط 1913م

2009- 3- 22, 11:12 AM

بسم الله الرحمن الرحيم

اللهم صلي على محمد وآل محمد

قال صلى الله عليه وآله وسلم: إذا جاءكم من ترضون دينه وخلقه فزوجوه إلا تفعلوه تكن فتنة في الأرض

وفســــــــــــــــــــــــــاد كبير "

وقال النبي صلوات الله علية وآله وسلم : تنكح المراه لاربه

(دينها ومالها وحسبها ونسبها وجمالها فظفر بذات الدين تربه يداك)

.................................................. .............................................

رأيي الشخصي :

أذا وجدت المرأة في من تقدم لها صفات الحديث فلا ترفض

أما أذا لم تجد هذة الصفات في المتقدم لها (فرفضها له ومتابعة الدراسة ,,أفضل عند الله من هذا المتقدم

.................................................. .....................................