تم الاختبار الموضوعي"لغة عربية"

[طالبة الهمم]

السلام عليكم..

الحمد لله اليوم تم اختبار موضوعي للغة العربية كانت الاسئلة سهلة جدا عبارة عن 30 فقرة اختياري والجو العام للختبار هادي والمعاملة راقية والالتزام بالوقت جيد وكل شي مرتب ومنظم..
وبنهاية الاسئلة كاتبين ان سيتم اختيار افضل 10 طالبات للاختبار المقالي..
وسيتم الاعلان عن القبول في موقع الجامعة..

[maryaa]

اختي بسالك اللي متقدمي للاختبار اعدادهم كبيرة يعني مية وفوق؟

[طالبة الهمم]

لا مو كثير نفس ما توقعت <اقل اقل
على تقديري ما يجون ميه~
ـ


العبرة مو بالعدد لو يقدمون مليون العبرة وش بيقدمون ع الورق~

[راجيه عفوك يارب]

الله يوفقكم يارب

وعقبالنا ان شاءالله


والله انك طمنتيني وعطيتيني جرعة تفائل

الله يجعلك ان شاءالله من العشره المقبولين

[maryaa]

تشوفون اسماءكم على الطاولات وجبتي شهاداتك ولا بس الهوية الوطنية

[اليوم]

السلام عليكم
الله يوفقك وتكونين من العشرة المقبولين

بسألك وش الأوراق الإثباتية اللي خذتي معك ؟

[طالبة الهمم]

يارب نكون من المقبولات جميعا..


يطلبون بس الاثبات الشخصية بطاقة العائلة او بطاقتك شخصية<اهم شي السجل المدني صورة او اصل مو مشكلة


ـ


واللي تسأل عن الاسماء ماكان فيه تحديد اسماء الكل يدخل الاختبار وتوزع اوراق الاسئلة والاجابة تكون اختيارات تظليل ويمررون عليك ورقة لتجيل الاسم والسجل والتوقيع فقط
الامر ميسر وسهل جدا<لا تحاتون


موفقين

[صفا]

طالبة الهمم .. صحيح المعاملة كانت راقية .. والالتزام بالوقت المحدد تم , ولكن الأسئلة ماكانت (سهلة جدا ) مثل ما قلت وبدليل أن دكتورة بالجامعة ما عرفت تجيب عليهم كلهم وهي (دكتورة ) .وأعتقد لو أراجع معك بتطلع الأخطاء .. عذرا ,, بس أنا ما أقول كذا عشان أحبطك أو أقلل من همتك , لا والله .. بس الأغلبية يشوفون الأسئلة سهلة ولما نراجع معهم تطلع الأخطاء للأسف .. حتى بدراستنا بالجامعة نفس الشي ..

[طالبة الهمم]

صحيح كلام..
بس مو معناته دكتور تتقدر تجيب عليهم<ياما دكاترة بالاسم بس
وفي امور تقاس بالمعرفة وكثرة الاطلاع مو الدراسة...
وقياس السهول والصعوبة قدرات فردية وعلى المستوى الشخصي قست درجة السهولة .. وانا ما جزمت اني جاوبت كل الاسئلة صح بس المستوى العام سهل