نداء إغاثة من المستوى الأول (خبرتكم مطلوبه)

[Potentials]

السلام عليكم


( كتبت موضوع طويل وتكلمت عن أشياء كثيره ونظرتي عن المنتدى بما أن هذا أول موضوع لي .. وللأسف حصل خطأ وراح الموضوع ... أسمحولي راح أختصررررر....)


بما أن المحاضرات تاريخها من السنة الفائته, يعني كلنا المستوى الأول والثاني(أنتم) اخذنا نفس المحتوى.. هل في ملخصات تنصحون فيها من مكتبة معينه أو من موقع ؟ انا عارف ان الأسئله بشكل عام تتغير بس المحتوى واحد مع العلم اني من الخبر والدمام ولي اقارب يدرسون في فيصل بالحسا..

كيف احسن طريقة للمذاكره للمواد الخمس؟ .. مثلا انا لخصت ما هو موجود بالباوربوينت والمحاضره بالدفتر والمرجع لأي نقطه هو الكتاب ولا أزيد على المعلومات الموجوده .. في شيء ناقصني ؟؟

لأن الكتب صراحة طويله وكثيره النقاط فيها ولا أبي اتشتت منها .

كل الأسئلة متعدت الأختيار في الأختبار ؟ وهل في نصائح منكم يا طلاب المستوى الثاني ؟ بما أنكم مريتوا بتجربه..


شكرا مقدما .. وأي شيء منكم راح نستفيد منه .

[لاشيء يستحق]

إنت كذا صح

ولا تخربط نفسك بملخصات الطلاب

الاسئلة متعددة الاختيار

[فروحه 2011]

لا شيء يستحق :(204):

[Lilac]

.. اخوي نصيحة مادة القانون اشتري الكتاب المقرر واتبع تحديد الدكتور بالحرف والكلمة الاسئله صح كلها اختيارات بس اسئلته دقيقه من بين السطور .. يعني اللي مذاكر صح هو اللي بيجاوب ..

"

المحاسبة والرياضيات والادارة .. يكفيك المحتوى والملخصات وانصحك في المحاسبة ملخص ابو موزة " يعطيه العافية " ..

.. الاقتصاد دكتوركم جديد يعني لا تعتمد على ملخصات قديمة نهائيا ..

بالتوفيق لنا ولكم :106:،،

[منصور التميمي]

والله ماتستغيث والتميمي موجود شف حبيبي بعطيك طريقه وتدعيلي الشرائح اللي من المدرسين خذها ورح لما المحاظرات المسجله وتابع الدكتور مع كل صفحه بالشرائح لانه فيه كلام يذكره الدكتور مو موجود بالشرائح الكتب لا تشتريها ولا تقربها وربي راح تخربطك فاهم انا بالنسبه لي مستوى ثاني ولا شريت الكتب لاني عرفت السالفه طيب :
عندك مادة الاداره مصطفى بخوش بطل لكن ترى له اسئله بين السطور واتحدى اذا ماجاب المدارس بالاختبار .فايول , تايلور . الثالث اعتقد ماكس فيبر ركز على المدارس وخصائصها وركز على نظريت الوقت والجهد وش هي لمن لانه بيسئلك لمن وخصائص المدارس
القانون : صح انه متشعب وغثيث لكن وربي يالزهراني انه بطل اسئلته واضحه مره ولا يلجئ الي اللي بين السطور
المحاسبه الدكتور بطل وترى يبي يسئلكم عن المصطلحات اللي بالانجليزي انتبه
الرياضيات : اه يالرياضيات يالبى بس مصطفى حنفي وربي بطل لا تخاف منه
الاقتصاد وقفني مادري من اللي بيدرسكم اذا كان بالغرسه الله يعينكم الله يعينكم الله يعينكم
تامر شي

[Potentials]

الشكر الجزيل لكم جميعا ...

أبو تميم .. بناء على أسلوب المذاكره الي استخدمته .. والي هو محاضرات وشرائح فقط, في اسئلة في الأختبار جتك و ما عرفت لها حل لأنها لم تكن موجودة الى بالكتاب ؟ وكم كانت درجاتك النهائيه إذا ما عليك حرج ؟

أيتها الأخوات الأعزاء, انا عارف ان المسأله راح يكون فيها لخبطة نوعا ما !!! لكن سؤالي هو : هل في أحد منكم جرب بعض الملخصات ووجد انها مفيدة في التلخيص والفهم ؟ في أي من المناطق الخبر والمجاوره لها ؟ رجاء دلوني..


آسفين على الإزعاج تحملونا شوي

[بو سارا]

هلا والله بالزوار يالله حيهم

شوف اخيو
الاعضاء ما قصرو معك ما خلو شئ نقوله وخصوصاً ولد التميمي كلامه جميل جداً

بس بس بسدحلك اسئلة الدكتور الزهراني انشالله انها تفيدك طبعاً طاق لها صوره في القاعه :biggrin:
تلقها تحت في المرفق ملف ورد

ترى حنا يام كنا في المستوى الاول ما جاب فينا العيد الا الاقتصاد الجزئ :Cry111:
وانتو الحين عندكم دكتور ثاني يدرسكم
يعني وسع سدرك وربي يوفقكم انشالله توكل على الله ولا تشيل هم :(204):

[Potentials]

شكرا شكرا شكرا...

والله ممتنين لكم,

بس ابي اوصل لهذا الفكره ...

المحاضرات والشرائح لوحدها تضمنلي الدرجه المثلى ؟ بدون الكتب ؟ في أحد جرب ؟

[ابوي نبض قلبي]

المحاضرات والشرائح لوحدها تضمنلي الدرجه المثلى ؟ بدون الكتب ؟ في أحد جرب ؟شوف اخوي على حسب طريقة الدكتور وارشاداته يعني اذا الدكتور ملزم على الكتاب فااعرف انه مالزم من فراغ اكيد بيحط منها اسئلة

وبقولك بحكم خبرتي بالمستوى الاول :(269):

الرياضيات 1 <<يكفي المحتوى والمحاضرة المسجلة ذاكرها زين وافهمها وبعدها ان شاء الله بتآخذ العلامه الكاملة وعلى فكرى الدكتور ركز باسئلته على الدروس الاخيرة

القانون <<بالنسبة لي ذاكرت مثل ماحدد لنا الدكتور جزئية من المحتوى وجزئية من الكتاب وماطلع عنها الدكتور وكانت اسئلته دقيقة بس سهلة اهم شيء تركز وانت تجاوب

الادارة <<المحتوى يكفي +اسئلة الكتاب جاب منها كثير اسئلة واكيد تلاقيها منزله بالمنتدى

المحاسبة 1<<ملخص ابو موزه اكثر من رائع وشامل للمحتوى +الكتاب وماطلع اسئلة الاختبار منه وركز على المحاضرة 14 اللي هي مراجعة جاب منها اسئلة كثير

الاقتصاد الجزئي دكتورنا بلغرسه تغير فما اقدر افيدك

ان شاء الله افدتك

[Lilac]

شكرا شكرا شكرا...

والله ممتنين لكم,

بس ابي اوصل لهذا الفكره ...

المحاضرات والشرائح لوحدها تضمنلي الدرجه المثلى ؟ بدون الكتب ؟ في أحد جرب ؟

اخوي اعتمد على كلامي السابق مع زيادة اسألة الكتاب للادارة بتلاقيها في المنتدى حملها وخليها مراجعة في الاخير ..

والقانون ركز على تحديد الدكتور [ حدد نقاط من المحتوى والكتاب ] << كررتها لانها مهمة والامر راجع لك

وتوكل على الله ..

موفق ،

[Lilac]

شوف اخوي على حسب طريقة الدكتور وارشاداته يعني اذا الدكتور ملزم على الكتاب فااعرف انه مالزم من فراغ اكيد بيحط منها اسئلة

وبقولك بحكم خبرتي بالمستوى الاول :(269):

الرياضيات 1 <<يكفي المحتوى والمحاضرة المسجلة ذاكرها زين وافهمها وبعدها ان شاء الله بتآخذ العلامه الكاملة وعلى فكرى الدكتور ركز باسئلته على الدروس الاخيرة

القانون <<بالنسبة لي ذاكرت مثل ماحدد لنا الدكتور جزئية من المحتوى وجزئية من الكتاب وماطلع عنها الدكتور وكانت اسئلته دقيقة بس سهلة اهم شيء تركز وانت تجاوب

الادارة <<المحتوى يكفي +اسئلة الكتاب جاب منها كثير اسئلة واكيد تلاقيها منزله بالمنتدى

المحاسبة 1<<ملخص ابو موزه اكثر من رائع وشامل للمحتوى +الكتاب وماطلع اسئلة الاختبار منه وركز على المحاضرة 14 اللي هي مراجعة جاب منها اسئلة كثير

الاقتصاد الجزئي دكتورنا بلغرسه تغير فما اقدر افيدك

ان شاء الله افدتك

:(204):

[لــوســي]

ما أزيد على كلام الأخت أبوي نبض قلبي .. كتاب الرياضيات ماله داعي ..

وبصراحه أنا ما أعتمدت على الملخصات ألا بعدما أفصفص الكتب مذاكره وحل لأسئلتها ..

طبعا أثناء مشاهدتي للمحاضره أخطط الكتاب مع الدكاتره وأأشر على كل شي مهم .. وكذا تسهل المذاكره

وبعدها أرجع للملخصات وأفصفصها من باب المراجعه وزيادة التأكد ..

صحيح هالطريقه تاخذ وقت وجهد .. لكن النتيجه تبرد قلبك بعدين :biggrin:

وجبت أمتياز في كل المواد الحمـــــد لله .. عدا الأقتصاد الجزئي :icon9:ربي يسامح هالبلغرسه ..

الأسئله كولها أختياري ..

وطريقتي في الأختبار كالتالي :

غمض عيونك بالبدايه وتوكل على الله .. ( اللهم لاسهل الا ماجعلته سهلا )

أبدأ بورقة الأسئله وخل ورقة الأجوبه للأخير ..

في ورقة الأسئله راح يتفلسفون عليك لاتكتب فيها ولا تأشر عليها ماعليك منهم ..

أبدأ بحل الأسئله .. وأي سؤال ماتعرف جوابه أو متردد بين خيارين أرسم عنده علامه صغيره أنا أرسم هالنجمه *

وأأشر على الخيارين الي محتاره بينهم .. وأكمل باقي الحل عشان ما اضيع وقتي على أسئله يمكن ما اعرف احلها ..

(تأكد أنك تأشر على الخيارات المشكوك فيها لأنك بعدما تكمل باقي الأسئله راح ترجع لهم وأنت ناسي وش اللي كان ببالك .. تحوسك بقية الأسئله ..)

بعدما تخلص كل الورقه .. الحين سكر الورقه وأذا باقي في وقت يكفيك أرجع للأسئله اللي مرسوم عندها نجمه وحوس عندها حتى تستقر على خيار .. وهكذا حتى تخلص باقي الأسئله

ألحين أبدأ بورقة الأجابه وأبدأ بالتلوين في الدوائر .. وتأكد من رقم كل سؤال ..

أشر بأصبعك على رقم السؤال في ورقة الأسئله .. ودور لرقمه في ورقة الأجابه وتأكد من الحرف الصحيح ..


في غلطه شائعه تصير أثناء تلوين الخيارات أنتبهوا لها ..

تلون مثلا سؤال 1 .. وتتخطى سؤال 2 لسبب من الأسباب .. ياغلطت .. يا أجلته لبعدين ونسيته الخ ..

بعدها تلون سؤال 3 على أساس أنه 2 .. و4 على اساس أنه 3 .. و5 على أساس أنه 4 ..وهكذا وراح يتسلسل الغلط حتى نهاية الأسئله ..

راح تصير كل الأجاابات عندك غلط .. ويمكن ماتنتبه للغلطه هذه الا في آخر سؤال لما تلون 70 على أساس أنه 69

وتقول وين راح رقم 70 ؟؟

ويكون وقتها خلص وقت الأختبار أو قرب يخلص..

لذلـــــك .. تأكدوووووا تأكدوووا من رقم السؤال في ورقة الأسئله .. ورقمه في ورقة الأجاابه ..

وربي يوفق الجميـــــــــــــــــــــــــــــــــــع .. :biggrin: ويارررب أشوف أحتفالاتكم بالنجاح ..

[Potentials]

نبض قلبي , ليلك شكرا .... لوسي , يعطي العافيه على الملاحظات .. راح اطبقه بالأختبار ان شاء الله

شكر جزيل لكم .. الله يوفقكم ويوفقنا ... وشكرا للجميع , اتمنى غيري الي في المستوى الأول يستفيدون منكم.