مساعدة رياضيات لو سمحتوا !!

[Student 2010]

اخواني اخواتي ...


باختصار .. انا راح امتحن رياضيات 1 لاول مرة لاني معتذر عنها الترم اللي فات وياليت تعطوني فكرة عن طريقة الامتحان ,
هل فيه اوراق خارجية للحل وكيف مستوى اسئلة الدكتور حنفي واي دروس اركز عليها الخ
علما بأني ابي بس انجح واعديها باي تقدير ما ابي الا السلامة الرياضيات بيني وبينها عداوة منذ مبطي للاسف :017:.

[سعد الساهر]

شف وانا اخوك الدكتور حنفي افضل واحد يشرح

طبعا مافيه اوراق خارجيه .. والاسئلة من شرح الدكتور في المحاضرات ذاكرها كويس وافهمها والله ييسر لك الاختبار وتنجح بدرجه ممتازه

[! مصدر أشواقي !]

الامتحان مرة سهل ومافي اوراق خارجية

وركز على المحاظرتين الاخيرة

بس ترى الاختبار شامل جميع المحاظرات

في نموذج اختبارنا موجود بالمنتدى تلقاه اح يفيدك

[لــوســي]

لايوجد أوراق خارجيه للحل .. تقدر تحل في نفس ورقة الأسئله على جنب أو في الصفحات الخلفيه للأسئله ..


وبالنسبه لأسئلته فيه بعضها تضحك من سهولتها ..

وبعضها يعني .. مو صعبه بس يبي لها وقت ودقه أثناء الحل

هو طريقته للأسف فيها حوسه شوي..لأنه يدمج سؤالين في سؤال واحد ..

في المصفوفات مثلا .. يعطيك مصفوفتين ط و ك

ويقولك أوجد قيمة كَ ×طَ

هذا السؤال فيه 3 خطوات تسويها حتى توصل للحل ..


أولا تطلع قيمة كَ ..و ثانيا قيمة طَ

وبعدها تضرب القيمتين في بعض ..

بينما في الواجبات .. واسئلة التمارين اللي قال نذاكر منها وماراح يخرج عنها الأختبار ..

يعطينا سؤال نستخرج قيمة كَ فقط ..

أو قيمة ك×ط فقط ..

هذا مجرد مثال .. بس هو من جد حط لنا أكثر من سؤال مركب حلهم كان ياخذ وقت طويل ..

والوقت كان ساعتين .. أمداني أحل بس ما أمداني أراجع أبد .


...

أنت أثناء المذاكره شغل المحاضره .. وشوف أولا طريقة حله للسؤال ..

وبعدها رجعها لورا .. ووقفه وحلها بنفسك ..

شرحه من جد حلو .. حتى لو كنت تكره الماده ..


أهم شي تحفظ القوانين .. والباقي سهل بأذن الله ..
..
موفق يااارب ..

[Student 2010]

شكرا جزيلا لتفاعلكم واقتراحاتكم القيمة !!

[دوحه غَنّاء]

الدكتور ركز على المحاضرات الاخيره
بذات المتسلسله

واغلب المسائل في رياضيات 1
لها طرق حل بالآله الحاسبه
والدكتور يقولكم عليها بالمحاضرات

يعني ما عليك إلا الدخل المطلوب ويطلع لك الناتج

بالتوفيق للجميع

[أبو فهيد]

السلام عليكم