التصميم الداخلي ... بالنسبه للبنات

[ღMs.Kღ]

السلام عليكم

اتمنى انكم تفيدوني ايش مستقبل التصميم الداخلي

هل له مستقبل قوي ولالا؟

ووكم تقريبا يكون راتبها؟

طيب انا الحين ماقبلوني السنه هاذي يقولوا لازم من المنحه من الدوله

والمنحه ماراح تجي الا بعد كم شهر يعني السنه الجايه بدرس ان شاء الله

عشان كذا فكرت بدل مااجلس كذا عالفاضي في البيت

قلت ابي ادخل دورات تفيد هذا التخصص

وابيكم تقولولي ايش هذي الدورات وفي اي معهد؟

اناافكر بالانجليزي ودوره فوتشوب ... صح؟ يعني هاذي تفيد التخصص ولالا؟

وشوووكرررررن لكل من ساعدني

[خارج التغطية]

أهلين أختي ms.k.....

إسمحيلي على لقافتي بس لأنه موضوعك نفس اسئلتي...:119::119:

أنا إنقبلت في العلوم الطبية وأبغى أحول تصميم عالسنة الجاية ...
بس إذا جيت أحول هل يدققون في نسبة الثانوية؟؟يعني أنا نسبتي 93.43 وهم يبغون 95...ينفع؟؟؟ولا يطنشون ويطالعون معدلي في السنة التحضيرية؟؟

ms.k:
فيه شي مافهمته..وشلون لازم منحة من الدولة..؟؟؟

بليييييز..
أفيدووووونا....:c8:

[! Hope]

خارج التغطيه


لا يدققون على نسبتك بالثانوي

بس أنتي شدي حيلك بمعدلك تبع الجامعه يمكن يتقاضوون


الله يوفق الجميع

[ღMs.Kღ]

شوكرن على المرور

خارج التغطيه hope جاوبكي على اسئلتكي:119:


بس اتمنى الاقي احد يجاوبني على اسئلتي :011:

[Max99999]

.. من شروط التحويل ان تنطبق عليك شروط الكلية الاساسيه !! يعني معقوله طالبه من كلية الزراعه مثلاً تحول الى التصميم الداخلي بغض النظر عن معدلها بالثانوي ؟؟ :mh19: ..

.. ليس استهزاء بالزراعه لكن لكل تخصص مستواه ومتطلباته ..

..

[ღMs.Kღ]

الحين ابي اعرف ليه كل اللي دخلوا يردوا على خارج التغطيه بدل مايردوا علي ... مو قصدي بس غريب

وشوكرن على المرور

[زلزال]

السلام عليكم

اتمنى انكم تفيدوني ايش مستقبل التصميم الداخلي

هل له مستقبل قوي ولالا؟

ووكم تقريبا يكون راتبها؟

طيب انا الحين ماقبلوني السنه هاذي يقولوا لازم من المنحه من الدوله

والمنحه ماراح تجي الا بعد كم شهر يعني السنه الجايه بدرس لن شاء الله

عشان كذا فكرت بدل مااجلس كذا عالفاضي في البيت

قلت ابي ادخل دورات تفيد هذا التخصص

وابيكم تقولولي ايش هذي الدورات وفي اي معهد؟

اناافكر بالانجليزي ودوره فوتشوب ... صح؟ يعني هاذي تفيد التخصص ولالا؟

وشوووكرررررن لكل من ساعدني

بالنسبة لمستقبل التخصص اختي
مستقبل قوي لكل خريجي كلية العمارة والتخطيط لان السوق بحاجة ماسة لهذا التخصص
والمنحه <<< اول مرة اسممع فيييها

وبالنسبة للدورات اختي انا اشوف ان الانجليزي راح تفيدك اكثر لان دراسة التخصص كلها بالانقليزي
وطبعا تكون دورات عامة في الانجليزي مثل : Reading - Writing << انا اشوف انهم اهم شي


وبالنسبة اختي الكريمة للراتب انا ماعندي اي خلفية عن رواتب البنات بس رواتب الشباب بعد التخرج
تتراوح من 6500 الى 9300 في المكاتب والشركات مثل شركة تحلية المياه

وبالنسبة لمصانع الجبيل تعطي الخريج راتب الى 13000 ريال

واتمنى من الله اني قدرت ارد على جميع استفساراتك
واي استفسار اخر انا بالخدمة

وتقبلي مروري وتحياتي ...

[ღMs.Kღ]

شوكرن اخوي الزلزال

انا قصدي المنحه لاني مو سعوديه فلازم من المنحه

[بـــو أحــمــد]

و عليكم السلام

ms.k
بصراحة معلوماتي قليلة بخصوص تخصص التصميم الداخلي
بس ألي أعرفه أن هالتخصص له مستقبل كبير

و بين فترة و فترة نسمع عن إنجازات و إبداعات خاصة بطالبات خريجات
و قد درسن هذا التخصص

إن شاء الله يفيدك أكثر المشرف زلزال بخصوص هذا التخصص


أما بخصوص المنح الدراسية
بصراحة توني أسمع بها أنها موجودة في الجامعة :000: ..

ممكن تكون فيه منحة دراسية .. بس للدراسة في الجامعات و الكليات الأهلية
يعني ألي دراستهم بفلوس

أما الجامعات و الكليات الحكومية .. ما أعتقد فيها منح دراسية

شوفي هذا الرابط :
http://69.89.31.55/~ckfuorg/vb/showthread.php?t=18206

[ღMs.Kღ]

اي صح ودي اعرف الشغل فيه اختلاط ولا في مكاتب؟

[ღMs.Kღ]

مشكور admin على المرور

والمنح ماتجي على فرع الدمام يمكن عشان كذا اول مارا تسمعوا فيها

المنح بس لفرع الحسا

[زلزال]

اختي الكريمة ms.k

بالنسبة للعمل مافيه ذاك الاختلاط بس قد تجبرك ظروف العمل احيانا
مثلا اذا قدمتي العمل للمكتب اللي تشتغلين فيه وجاء الزبون وطلب تعديل فلازم تجلسين مع الزبون عشان تقدرين تتفهمين متطلباته وهكذا ...
بس اذا كنتي ملتزززمة بحجابك الشرعـــي فما عليك اي خلاف


اما المنحة اختي للاسف انا مااقدر افيدك باي شي لان ماعندي اي خلفية عنها
وانشاء الله يفيدونك الاعضاء

[ღMs.Kღ]

مشكور اخوي زلزال على المرور :119:

بس ودي لو تنصحني ايش ادخل دوره غير انجليزي وفي اي معهد؟ :mh19:

واسفه اذا ازعجتك بالاسئله :c8:

[زلزال]

لاازعاج ولاشي اختي

وبالنسبة للدورات قلت لك ركزي على الريدينق والرايتينق اكثر

لانهم هم اللي بتسفيدين منهم اكثر في التخصص

واذا انتي من الخبر او الدمام عندك معاهد نيوهورايزون او دايركت انجلش


واتمنى اني رديت على كل استفساراتك

واي استفسار اخر انا حاضر وبالخدمـــة

[ღMs.Kღ]

مشكووووووووووووووووور اخوي زلزال

اسعدني مرورك <<< رسميه

[زلزال]

لاشكر على واجب اخـــتـــي

اللي اسعدني هو تفاعلك ونشاطــكـ ،،،

[فتوش =)]

السلام عليكم

وعليكــم السلآمــ .. ^^

اتمنى انكم تفيدوني ايش مستقبل التصميم الداخلي

هل له مستقبل قوي ولالا؟

ووكم تقريبا يكون راتبها؟

أكيد مستقبلهـ قـوي والدليل كثرة إقبـال النـاس عليهـ ..
وإرتفاع النسبهـ الموزونهـ للقبـول ..
بصرآحهـ يكفي بعد التخرج ( حـرف الميمـ ) م : Ms.k :119:
اللي أعرفهـ بنات الهندسهـ بعد متايتخرجـون أغلبهـم يسـوون لهـم مشروعهـم الخآص
يعني يفتحـون لهـم مكـاتب هندسيهـ ..

طيب انا الحين ماقبلوني السنه هاذي يقولوا لازم من المنحه من الدوله

والمنحه ماراح تجي الا بعد كم شهر يعني السنه الجايه بدرس لن شاء الله

اي اللـي أسمعهـ من البنـآت أنهـ المنح غآلبـا ماتتأخر .. اللهـ يكون فـ العـون ..
تتأخريـن سنهـ ولآتتغربيـن عن أهلك سنيـن :000:

عشان كذا فكرت بدل مااجلس كذا عالفاضي في البيت

قلت ابي ادخل دورات تفيد هذا التخصص

فكرهـ حلــوة .. (=

وابيكم تقولولي ايش هذي الدورات وفي اي معهد؟

اناافكر بالانجليزي ودوره فوتشوب ... صح؟ يعني هاذي تفيد التخصص ولالا؟

ليش لآ .. ممكــن .. دورآت الانجليزي بتفيدكـ كثير ولـو كآن توفل أفضـل بعد ..
دورآت التصميمـ بالفوتـو أو غيره بعد فكرة حلـوة .. :119::119:
طيب قلبـوو أبسألك .. تأكدتـي أن قسم التصميم الدآخلي للبنـات يقبل بنآت المنح ؟
لأن البنـات اللي يدرسـون معـي ( منحهـ ) ماشـاءاللهـ نبسهـم عاليهـ وقسم علمي
مع كذا داخليـن انقليزي أو تربيهـ خآصهـ .. ! يعني أقسـآم أدبيهـ ..
يـوم سألتهــم ليش ماسجلـوآ في الصحيهـ أو هندسهـ .. قآلـوآ مايصلح .. :000:


وشوووكرررررن لكل من ساعدني

عفــواً قلبـوو .. مـاسوينـا شي .. واذا عندكـ أي استفسـآر لآيردكـ إلا كيبوردكـ :cheese:

[البرنس]

السلام عليكم

وعليكم السلام

اتمنى انكم تفيدوني ايش مستقبل التصميم الداخلي

هل له مستقبل قوي ولالا؟

اممممممم مو قوي الا اقوى من القوي وعليك طق عصي

ووكم تقريبا يكون راتبها؟

بالضبط ما اعرف على حسب مكان الوظيفه بس راتبها عااااااااااااااااااالي

طيب انا الحين ماقبلوني السنه هاذي يقولوا لازم من المنحه من الدوله

والمنحه ماراح تجي الا بعد كم شهر يعني السنه الجايه بدرس ان شاء الله

عشان كذا فكرت بدل مااجلس كذا عالفاضي في البيت

قلت ابي ادخل دورات تفيد هذا التخصص

وابيكم تقولولي ايش هذي الدورات وفي اي معهد؟

اناافكر بالانجليزي ودوره فوتشوب ... صح؟ يعني هاذي تفيد التخصص ولالا؟

دورة انجليزي وفوتشوب تفكير سليم وممتاز بس ايضا لو تاخذي كتب الدراسه وتطلعي عليها بس تثقيف

وشوووكرررررن لكل من ساعدني

العفو اختي ولو ما يحتاج شكر هذا واجبنا

ان شاء الله اكون افتدك ومديرنا القاضل موجود وان شاء الله يفيدك اكثر

[زلزال]

فتوش & البررررنس الف الف شكر لكم على تفاعلكم الاكثر من رااااااائـــــــــع :d5:


ولاعدمنا هذا التفاعل ياااارب :praying:

[سلمانه]

اني حتى لو قبلوني مابروح

ومابي اقول ليش تالي تخلوني مشرفه واني مالي خلق ....:g4:

[زلزال]

اختي سلمانه ممكن توضحين لنا كلامك شوي .. ! !

[سلمانه]

اني بكبري مادري شنو قلت :mh19:


بشوف شو قلت وبرد عليش

اخاف اقول شى تالي تخلوني مشرفه واني مالي خلق....:g4:

[زلزال]

تالي تخلوني مشرفه واني مالي خلق <<< ابي اعرف وش معناتها وليه تكتبينها بكل مشاااركة


<< فضووولي الاخ :hahaha_2008:

[سلمانه]

ماحب اقووول اخاف تالي يخلوني مشرفه واني مالي خلق ....

[زلزال]

على راحــتـــــك

[ღMs.Kღ]

مشكور البرنس وفتوش عالمرور

فتوش ... ماادري يبيلي اسأل ما كان على بالي شوكرررن

سلمانه مشكوره على المرور مع انه مو فاهمه عليكي

زلزال شكرن على مرورك

:066:

[زلزال]

الشكر لكي اختي

ولكل من تواااجد في هذا الموضوع

[ღMs.Kღ]

شكرن لمرورك الكريم نورت الموضوع :066:

[زلزال]

الموضوع منور بوجودك ووجوود الاخـــــووان والاخـــــوات

ودمتم على هيك تفاعــــل :d5:

[ღMs.Kღ]

:119:
thanx so much
:119:

[مذكرات منسيه]

السلام اخواتي

انا كان التصميم بالنسبه لي الشيئ الكثير لكن للاسف انه للقسم العلمي وانا بقسم ادبي
ومبروووووك لجميع من انقبلوا في هذا التخصص فهذا التخصص فرصه ذهبيه يجب انتهازها
ولكن ولله الحمد قبلت بكليه الدراسات التطبيقيه وخدمه المجتمع تخصص حاسب الي
:love080: :love080: :love080: :love080:

بالتوفيق للجميع
تقبلوا مروري

[جامعيهـ]

لاازعاج ولاشي اختي

وبالنسبة للدورات قلت لك ركزي على الريدينق والرايتينق اكثر

لانهم هم اللي بتسفيدين منهم اكثر في التخصص

واذا انتي من الخبر او الدمام عندك معاهد نيوهورايزون او دايركت انجلش


واتمنى اني رديت على كل استفساراتك

واي استفسار اخر انا حاضر وبالخدمـــة

معهد دايركت أنجلش وين موجود ؟؟

[زلزال]

اختي الكريمة جامعيه بالنسبة لمعهد الدايركت انجلش
موجود في نيوهورايزون

وبالنسبة للطالبات موجود في منطقة الراكة