كارثة!!!! تم الغاء الاختبار العملي

[محمد2008]

يسم الله الرحم الرحيم

أفادني المسؤلين بالاكاديمية أنه صدر قرار من الهيئة السعودية للعلوم الصحية يقضي بإلغاء الاختبار العملي نهائياً.

يعني معاك أربع فرص لإختبار البرومترك وإذا قدر الله إنك فشلت فيهن كلهن !!! تعيد ترم كامل وتعيد تطبيق 6 أشهر!!! وبعد ذلك يعطونك فرصتين للبرومترك وإذا فشلت فيهن (تمسك الباب) بااااااااااااي

يعني تخبط واضح في قراراتهم!!! ولا عندهم رؤية واضحة أقصد الهيئة السعودية التي تحولت لكابوس للطلاب بدل أن تكون عون لهم بعد الله.

والله يوفق الجميع

[طب الطوارئ]

الله يعيين .

[sklaz]

والله انك صادق بس احس اشاعه لتخويف الطلاب يعني انا عندي اختبار الشهر الجاي
طيب ليش طب طوارئ بس ليش التخصصات الثانيه ما فيها النظام
والله قهر
الحين ما لي نفس وظروف والله تقطع القلب لكن الرزاق موجود

[emt-1986]

يعني لازم كل يوم يصدرون قرار عشان يقهرونا
هذولا وش سالفتهم , عليهم غضب الله وربي يقهرون

يا الله انك تعينا

[mïşš.Ṗĩ₦ķ]

والله أنا امتياز وعندي بنات دوبهم متوظفين يقولون كذب وآشاعة مع أحترامي لكـ آخ محمد 2008:106:
وبعدين مآشآءالله كل شوي ينطون بقرار مايقصرون ...:icon9:
الله يوفقنا

[ضجة هدوء]

الخبر صحيح

تم الغاء الاختبار العملي

بس لك 5 فرص لأختبار البروماترك

مآ عديت ترجع تطبق سننننه , او 6 شهور <~ مو متأكد من المده

انا امس عندهم وقالولي هالكلآم

رغم اني كنت معتمد على الله ثم الاختبار العملي

الله يعين بس

[وردهـ ذبلانهـ]

سلام عليكم ورحمة الله

سؤال انتو تقصدون الاختبار العملي لكل التخصصات وكل المستويات يعني

حتى احنا مستوى خماس مالنا اختبار عملي ؟؟

ولا وش السالفه مافهمت ؟؟

[بنت مو حلوه]

ايش تقصدون اختبار عملي انا مستوى خامس وعندي اختبار عملي في المعهد الاسبوع الجاي كيف يعني لغوه ولا تقصدون اختبار انهائي حق اختبار الهيئه اللي يكون عمل ادا رسب الطالب في الاختبار البرومتك فهمونى تكفون

[طب الطوارئ]

يقصدون اختبار الهيئة السعودية للتخصصات الصحية .

[محمد2008]

يقصدون اختبار الهيئة السعودية للتخصصات الصحية .


نعم !!!!!!! نقصد اختبار الهيئة السعودية للتخصصات الصحية.......حسبي الله عليهم

المشكلة إن أكثر الطلبة معتمدين على الله ثم على الاختبار العملي

شدو حيلكم بالبرومترك والله يعديها على خير

[لايهمونك]

قسم بالله ظلم والله ظلم ليش كذا تخيل ماتعيد والله حرام عليهم الله لايوفقهم والله شي يقهر

[طالبه طموحه..!]

وش سالفه الاختبار العملي ..
يعني الحين الطالب اذا خلص فترهـ الامتياز ..في اختبار عملي من غير اختبار الهئيه ولا وش؟؟؟

[طب الطوارئ]

وش سالفه الاختبار العملي ..
يعني الحين الطالب اذا خلص فترهـ الامتياز ..في اختبار عملي من غير اختبار الهئيه ولا وش؟؟؟


اول بعد مانخلص الامتياز ونختبر اختبار الهيئة واذا رسبنا لاقدر الله 3 مرات يسووه له تقييم بالمستشفى الي هو الاختبار العملي لكن الحين خلاص الغوا الاختبار العملي ولك تقريبا 4 او 5 محاولات واذا رسبت فيهم لاقدر الله راح تعيد ترم وتطبق امتياز من جديد وتختبر الهيئة ولك محاولتين واذا رسبت لاقدر الله خلاص تنسى دراستك والفلوس الي دفعتها .

[بسام العميد]

مظلوووووووووووووووووومين،،لا إله إلا الله

[فني طوارئ متميز]

الله يوفق الجميع
وشدو حيلكم

ولا عليكم من قراراتهم الفاشله ذي

عودونا دايم تحطيم ولا عمري سمعت قرار مع الطالب ومع مصلحته
ماعليكم الاختبار سهل بس يحتاج تركيز شوي

وتمنياتي للجميع بالتوفيق :106:

[الوابصي]

كل يوم لهم قرار ولا ايش حكايتهم عادي اذا مانجحنا ماراح تنتهي الحياه حط راسك بالبيت وغني ياليل ماطولك :mh35:وندور العسكريه ويابيت مادخلك شر

[ممرضة المملكة]

:d5::d5::hhheeeart4: