شوركم يهمني الله يجزاكم الجنة ( قرار راح أحدد فيه مستقبلي )

[أبو رشيد]

السلام عليكم

على شان ما أطول عليكم

أخواني أخواتي

أنا عندي عقده أسمها الإنجليزي

أقسم بالله أكره هالمادة كرهي للعمى

جبت مدرسين أثنين وكل واحد مايدري بالثاني أقسم بالله يا أخوان هذا الي حاصل

واحد يدرسني بعد العصر ساعة والثاني بعد العشاء ساعة

أخر شي أمس قالي المدرس :

يابني والله خايف أنك بس تخسر فلوس عليَّ من غير فايده ( مع العلم أنه مايدري أن فيه مدرس ثاني ههههههههههههههه) والحصة بمية ريال يعني كل مدرس مية :(269):


الخلاصة :

أنا خلص الترم هذا شكلي ابي أغامر واختبر هالمادة العفنة

أن نجحت فمن الله سبحانه وتعالى
وان حملت هالمادة المخيسة فهذا الظن بي


تكفون يا أخوان أبغى شوركم

يقولون جامعة الإمام ( تخصص دعوة وإعلام ما فيها انجليزي ) حتى السنة التحضيرية حقتهم :53:

وش رايكم أدخلها ولا فيه جامعة ثانية أفضل


لا تقولون لي حاول

خلاص انا وهالإنجليزي دخلنا مفترق طرق أنا ما أحبه وهو شكله مايطيق شوفتي :41jg:

[farahq8]

الله يعينك,,,,والله كثير مثلك يعاني من مادة الانجليزي!!!وهذا من التاسيس الغلط,,,,بس والله هالماده عاد اسهل ماده والاستاذ مسهلها حده!!!!اولا الثلاثين درجه بمخباتك,,,,صح!!!اللي باقي حاول تحل الاختبار السابق وتحفظ طريقة حل بعض القواعد واكيد راح يجي منها شي,,,والقطعه وعليها اسأله الحمدلله سهله,,,,,بس المهم انك تعرف كيف تبحث عن الاجابه,,,,والطريقه الكل يعرفها,,,دور على كلمات السؤال وكمل الاجابه من جملة القطعه!!!!الله يعينك ان شاءالله وييسر امرك,,,,,,آآآآآمين!!!!

[طالبه جامعيه E]

لا انا اقول حاول يمكن تجاوب الانجليزي لغة العصر حتى الدعاة والمطاوع عندهم هاللغه هي وراك وراك بجميع الجامعات الظاهر والتخصصات لازم يكون فيها انجليزي على الاقل بداية الدراسه بس انصحك ادخل الاختبار وحاول:119:

[بنت الداود]

الدكتور مسهلها ومعطينا آسئلة الاختبار الله يهديك

المصيبه المستوى الجاس فيها مادتين انجليزي

الله يعينك والله ماقدر افيدك بس بكل الجامعات فيه انجليزي اجباري

حتى الدعوه بنت خالتي دعوه واعلام و عندها مقرر انجليزي

[بيان باراس]

الله يعنيك ولو اني توامك بالكرررررررهـ انااااااااا اكرررررره من صميم الصميم وقدر الله ادخله بذاااته <<دنيا عجيبه ولا مين يصدق اني انااا ادخله

الموهم اذا اذا بتروح جامعه الامام فترى عندهم دوره تاهليه موب سنه تحضريه وبعد مهيب محسوبه من سنين الدراسه ولا تدخل باالمعدل وان مانجحت فيها وماتقدر تدخل

هي سهله بس كررريهـ وعلى ما اظن ان فيها انقلش والله مدري

بس نصيحه انا اختي فيها اداره اعمال ودها تحول لفيصل لانها افضل بكثير مشكلتها الاداره هووون جديده



الله يوفقك وين ماارحت ,,

[خمائل الورد]

السلام عليكم

على شان ما أطول عليكم

أخواني أخواتي

أنا عندي عقده أسمها الإنجليزي

أقسم بالله أكره هالمادة كرهي للعمى

جبت مدرسين أثنين وكل واحد مايدري بالثاني أقسم بالله يا أخوان هذا الي حاصل

واحد يدرسني بعد العصر ساعة والثاني بعد العشاء ساعة

أخر شي أمس قالي المدرس :

يابني والله خايف أنك بس تخسر فلوس عليَّ من غير فايده ( مع العلم أنه مايدري أن فيه مدرس ثاني ههههههههههههههه) والحصة بمية ريال يعني كل مدرس مية :(269):


الخلاصة :

أنا خلص الترم هذا شكلي ابي أغامر واختبر هالمادة العفنة

أن نجحت فمن الله سبحانه وتعالى
وان حملت هالمادة المخيسة فهذا الظن بي


تكفون يا أخوان أبغى شوركم

يقولون جامعة الإمام ( تخصص دعوة وإعلام ما فيها انجليزي ) حتى السنة التحضيرية حقتهم :53:

وش رايكم أدخلها ولا فيه جامعة ثانية أفضل


لا تقولون لي حاول

خلاص انا وهالإنجليزي دخلنا مفترق طرق أنا ما أحبه وهو شكله مايطيق شوفتي :41jg:

أخوي مو بس أنت والله الترم الأول أني كنت مثلك بس ذاكرت ورحت لمعلمة وعملت زي ما قلت
اللي علي وكنت متشائمة لأخر درجة بس والله دخلت الأختبار وأنا حاطة في بالي أني ناجحة
بأذن واحد أحد ولو على الحافة لدرجة أني كنت أعد الأسئلة اللي حليتها ومتأكدة من إجابتها
عشان أشوف أنا بأحل أكثر من 30 سؤال وأجيب درجة النجاح وفي الأخير تفأجات بالنتيجة
مأخذة في الأنجليزي a
لا تيأس أخوي وخل أملك بالله كبير
موفق إنشاء الله :106:

[حيـاة]

اخووي ابو رشيد ...
الانجليزي عقدة الكثيييير ومتأزمين منه اشخاص كثييير مع انها مادة مهممه ... لكن ماتوصل انك تطلع من الجامعة عشان الانجليزي !! وعلى فكره قريبتي تدرس ف الامام سنه تحضيريه وتدرس انجليزي .. يعني ماتقدر تهرب من الانجليزي... وراك وراااك ...

وبالنسبه للانجليزي مستوى اوول دام انك ماقدرت تفهمه, احفظه ... الدكتوور الله يسعده السمستر الماضي اسئلته كانت من المحتوى ولا طلع منها (نفس القطع الموجوده ونفس الاسئله عليها .. نفس الكلمات الموجوده ونفس كل القاعدات والاسئلة العاامه ) يعني تطمن ...


الله يسهل امرك اخوي ابورشيد ويوفقك ويكتب لك اللي فيه الخير ...

[M O J]

تبي النصيحه كــمـــل لا تيآس .. !! اذا مفكــر تغير الجامعه انصحك بجامعه عبدالعزيز انتساب ..
لكن الاختبار بجده ..

ابعد عن جامعه الامام .. غير متعونه وكريه بقووة ..

انا حالي نفس حالك الترم اللي فات جبت مدرسه تدرسني وحملت الماده للاسف

وبعدين فيه 30 درجه مضموعه هذا الشي يميز جامعه فيصل عن غيرها من الجامعات ..

وركز علي القطع وغير كيذا الدكتور حذف قطعه اللي هي بالمحآضرة الرابعه .. ركز لانه يجيب بالاختبار قظعتين ..


تعوذ من ابليس وكمـــل دراستك

[أبو رشيد]

الله يجزا الجميع خير على مشورتهم

نبي نجرب هالترم والله يوفق ويكتب الي فيه الخيره

[Ệliẑaḇễṱĥ]

أخي الكريم الآخوان كفوا ووفوا بالرد

بس حبيت أول شئ أطمنك الدكتور غسان أسئلته ولآ أروع نفس المحتوى نسخ ولصق وربي أني مافتحت المادة الا يوم الآمتحان ورحت وأنا ماخلصتها وجبت فيها a وانا بعد داخلة القاعة متأخرة رايح على نص الوقت يعني قمت القلق لكن ربك كريم سبحانه .
أدخل هالترم الآمتحان ووكل أمرك لله بإذن الله بتعدى عندك الصيف إجازة 4 شهور إذا ربي أحيانا أخذ فيها دورة في معهد عشان تتأسس عندك اللغة وكل ماحسيت بكرة للمادة تذكر بأن اللي أنجحوا فيها مايتميزون عنك بشئ ,,, ولآ تقول مانحتاج اللغة بالعكس أنت كتخصص دراسات تحتاجها في الدعوة أجعل نيتك لله بترزق عليها ,,,وأذكرك بالنبي صلوات ربي وسلآمه علية لما طلب من أحد الصحابة تعلم لغة اليهود العبرية من باب الحرص على الدين تعلمها في زمن قياسي ماتعدى 20 يوم سبحان الله وأتقنها.
موفق أخي الكريم وبإذن الله نسمع خبر نجاحك في المادةفي القريب العاجل .

[اغصان الورد]

صح الامام مافيها انقلش لكن الدراسة هناك اصعب

عموما كلنا نعاني من هالمادة

اول شي خلك متفائل يكفي ان معك 30 درجة وال30 الباقية امرها هين

شوف الدكتور منزل 3 ملفات انت صم لك ملفين وتضمن النجاح >> خطتي لهالترم باذن الله

اقترح عليك تحفظ القطع واختار واحد من اثنين ياملف القواعد والا الكلمات شوف الاسهل واحفظها

وربي بيعديها على خير

[s3eed]

تبي نصيحتي ( هـــــــــــــــــج وأسحب ولاتتعب راسك )
ولاعاد تفكر تكمل جامعه .. ماغير وجع راس
وتعال بعد 4 سنين هنا .. وراح تقول ياليتني كملت لنك وقتها بتشوف اللي كنت معهم انت تخرجوا وصارو جامعيين .. وانت ثانوي ..

ولاجيت للحق :mad: والله نصيحتي لك من قلب كمل كمل كمل ولاتوقف
وبالعكس المفترض بما انك انسان ترغب التعليم فاكيد عندك حب التعلم لكل شي جديد

والأنقلش روووووووووعه يفيدك في حياتك التعليميه والمهنيه والمستقبليه وفي حياتك عااامه
لأن العالم كله يتعلم الانقلش من الابتدائي حتى الهنود والبنقاله .. لكن عندنا دوبهم يفتحون

ترى هو سهل وبسيط واسهل من اللغه العربيه بكثير

بس انت تراك اللي ( مكره نفسك فيها ) انت قول لنفسك ابي اتعلم الانقلش عاجبني
والانقلش يحتاج منك بس تردد الكلمه ولو تدخل شات انقليزي او مواقع انقليزيخ راح تستفيد عشان تنمي اللغه عندك ..

ووااااااااااااااااصل لاتوقف ... كثيييييييييييييييير ترى زيك والله يكره ماااااده معينه كره العمى
ولكن سبحان الله يتبدل الحال ويصير من عشاق الماده اللي كان يكرهها ...

الانقلش يفيدك في عملك ..
مجالات التوظيف في الانقلش متوفره ومفتوحه

تخصص الانقلش الحين هو الوحيد اللي يقبلونه للتدريس عن غيره

الانقلش يفتح لك ابواب معرفه جديده وعلاقات كبيره من جنسيات كثار


واتمنى لك التوفيق يارب :106:

[عايش الدور]

أتوووقع ماعاد لي مجال أني أقول شيء .. لأن الطلاب والطالبات كفوو وفووا .. وانت لك حرية الأختيار


يآبيض يأسووود .. بس ودي تكون على علم .. بأن جامعة الآمام أصعب من جامعة الملك فيصل


.. حبيت أنوووه ..

[عطرالحياة]

،

أخوي

أنصحك تكمل .. ولا تكون هالماده عقبه في طريقك

لأن الدكتور مسهل الماده ..

وانصحك تبدأ باللي تشوفه سهل

مثلآ تذاكر القطع لأنها سهله وإجابت الأسئله تكون من نفس القطعه

ودامك جايب مدرس خصوصي خله يترجمها لك ويدربك على حلها

والله أنا على إني مااعرف شي في الانقلش :Cry111:

الا إني أحب هالماده وأتمنى أتعلمها ..

وهذا اللي مصبرني عليها هو حبي لها لأن كل شي بحياتنا صار يعتمد على الانقلش ..

حتى الأطفال الصغار يعرفون أنقلش :biggrin:..

’

[تخطيت السحاب]

السلام عليكم

كلنا عندنا عقدة من شي اسمه انجليزي
كل هذا من التأسيس الغلط ومن المدرسين الله يهديهم ويعفو عنهم
كرهونا بشي اسمه انقلش
المدرس يجي معصب ثم يقول له كلمتين انقلش ثم يروح

المفروض يكون تعليم اللغة الانجليزية من صف اول ابتدائي
هذا الشي الطيب
هنا يكون التأسيس صلب ورائع

بعد مانصير مراهقين يعلمونا الانقلش
الصف الاول متوسط

شوفوا دول الخليج تعليم اللغة الانجليزية من الصف الاول ابتدائي
وحنا متأخرين
والسبب وزارة التربية والتعليم قصدي وزارة المعارف
العجوز بقراراتها
كنت وزارة مغبرة في اتخاذ القرارات
ماعندهم شي اسمه تطويييييييير
جايبين لنا مناهج تسد النفس من اول نظرة
فما بالك بالمدرسين اللي .... الله يهديهم ويسامحهم


اخوي لاتجل اليأس يسيطر على عقلك الباطن وعقلك الظاهر
وتوكل على الله تم تفائل بالخير ثم شد حيلك
الله يوفقك يارب

[@الريمي@]

أخي الكريم الآخوان كفوا ووفوا بالرد

بس حبيت أول شئ أطمنك الدكتور غسان أسئلته ولآ أروع نفس المحتوى نسخ ولصق وربي أني مافتحت المادة الا يوم الآمتحان ورحت وأنا ماخلصتها وجبت فيها a وانا بعد داخلة القاعة متأخرة رايح على نص الوقت يعني قمت القلق لكن ربك كريم سبحانه .
أدخل هالترم الآمتحان ووكل أمرك لله بإذن الله بتعدى عندك الصيف إجازة 4 شهور إذا ربي أحيانا أخذ فيها دورة في معهد عشان تتأسس عندك اللغة وكل ماحسيت بكرة للمادة تذكر بأن اللي أنجحوا فيها مايتميزون عنك بشئ ,,, ولآ تقول مانحتاج اللغة بالعكس أنت كتخصص دراسات تحتاجها في الدعوة أجعل نيتك لله بترزق عليها ,,,وأذكرك بالنبي صلوات ربي وسلآمه علية لما طلب من أحد الصحابة تعلم لغة اليهود العبرية من باب الحرص على الدين تعلمها في زمن قياسي ماتعدى 20 يوم سبحان الله وأتقنها.
موفق أخي الكريم وبإذن الله نسمع خبر نجاحك في المادةفي القريب العاجل .




:d5::d5::d5:
كلامك سليم خيتوو :(204):
وفالكم التوفيق والنجااح ان شاءالله ..:106::106: