هذا سؤالي ممكن تجاوبوني

[نويرررره]

السلام عليكم
هذي أول مشاركه لي بالمنتدى
وأتمنى أنكم تفيدونني
أني انقبلت بكلية المجتمع بالقطيف
وأبي أعرف الدراسه تبتدي متى وتنتهي متى
أقصد يعني ندرس للظهر أوللعصر؟
وشكرا تحياتي:119:

[|..الندى..|]

هلا أختي ..

ألف ألف ألف مبروك للقبولك في كليةالمجتمع في القطيف

صحيح إني مو من القطيف لكن أقدر أفيدك بهذا الخصوص

الكليات عادة مو مثل الجامعات إنتـِ تنظمين الجدول

لها جدول محدد وعادةً من الصباح إلى الظهر

وأي حاجة حنا أعضاء الملتقى في خدمتك

[سلمانه]

ماتوقع ليها بدايه ولا نهايه هدي شروط الكليه لهدا اني مابي اروح فيها


ولا ابي اقول شى اكر اخاف تالي يخلوني مشرفه واني مالي خلق ....

[بسمة طفل]

هلا بك نويررررره
المحاضرة الاولى تبدأ الساعه ثمانية
وآخر محاضرة تنتهي الساعه 2 الظهر
وعاد انت وجدولك ..
ممكن ما تكون عندك محااضرات الصباح فما تجين الا الظهر..
او العكس ..وتطلعين على الساعه 12
ولا تفكرين تطلعين قبل 12 بدون أذن ويكون ولي أمرك موجود ..
وفية بريكن والبريكات ترى مره حلوة
ربي يوقفك :119:

تحياتي لك
وجاااااااااهزين للطيبين

[نويرررره]

مشكوررررين وايد على مروركم تسلموا
طيب واللبس شنو يبون اقصد التنوره والبلايز لها الوان محدده ولا جميع الالوان
وشكرامره اخرى

[بنت القمر]

هلا عزيزتي الدوام اول يوم يبدا هو اول يوم دراسه للمدارس وبقية الدوام يكون نفس ماذكرته اختي فوق وبالنسبه للتنورة تكون لون اسود او جينز ازرق غامق وكم البلوزة لازم اقل حد ثلاثة ارباع والالوان مسموحه كلها بس الالوان الفاقعه وطبعا اللون الاحمر ممنوع والاصفر والبرتقالي

[نويرررره]

مشكوره اختي على مرورج

[znabee]

السلام عليكم ورحمة الله وبركاته

حبيت استفسر عن شئ سمعته بس مادري هو صحيح او لا

صحيح لازم تجي بعباية راس في الكلية ؟؟

[بنت الشرقيه]

ايوه لازم عباة رااااااااااااااس..

[الزهرة الحزينه]

السلام عليكم ورحمة الله وبركاته

حبيت استفسر عن شئ سمعته بس مادري هو صحيح او لا

صحيح لازم تجي بعباية راس في الكلية ؟؟

عزيزتي جميع كليات ومدارس المملكة تمنع عباءة الكتف

بس جامعة الفيصل..

هذا الي اعرفة:c8:

[الكون الفسيح]

السلام عليكم
ني حابه اسال عن المواد الي بندرسها
والدراسة بتكون بأي لغة؟
وسمعت ان سنة ثانية يبغوا مشروع!!!
حول وشو يعني
بحث مثلا؟؟؟؟؟
وشكرا

[بنت القمر]

عزيزتي المواد الا بتدرسوها في سنه اولى المستوى الاول هي لغة انجليزيه 1 و برمجه شيئيه 1 ورياضيات الحاسب الالي وتطبيقات الحاسب الالي واساسيات الحاسب الالي المستوى الثاني (الترم الثاني ) لغة انجليزيه 2 و اتصالات وشبكات وبرمجة شيئية 2 و الحاسبات في التعليم و النشر على الانترنت html وxml
سنه ثانيه المستوى الثالث (الترم الاول ) اتمته العمل المكتبي وبرمجه شيئيه 3 وهندسة برمجيات ونظم قواعد البيانات اللغة الانجليزيه 3 ودراسة اوليه للمشروع
المستوى الرابع والاخير ادارة شبكات تصميم صفحات الانترنت والوسائط المتعدده وعلم النفس التربوي ومهارات الاتصال والتحضير النهائي للمشروع
والمشروع يكون سنه ثانيه وهو يكون في احد المواد التي سوف تدريسينها اما نظم قواعد البيانات او برمجه شيئيه او النشر على الانترنت html وهو بحث عن موضوع معين ثم يتم تطبيقه باستخدام احد هاذي البرامج
ارجو انه الشرح يكون واضح واي استفسار انا جاهزه:g8:

[الكون الفسيح]

مشكورة اختي
بنت القمر على الشرح
وفيتي وكفيتي


الكون الفسيح

[أخـُفيْ غلآهـــأآ..]

يعطيك العافيه ع الشرح والمعلومات