المساعد الشخصي الرقمي

مشاهدة النسخة كاملة : استفسار للي اختبر بمركز 9 بالرياض ؟؟

سفير الحزن
2011- 5- 28, 03:22 AM
مرحبا

بس ابسال عن مركز اختبار 9 بالرياض اللي هو مدرسه الملك فهد

وشلون نظامهم يدققون بكل شي يعني اللي اختبر هناك يشرحلنا

عن كل شي عندهم بالعربي لان واحد من اخوياي اختبر باكاديميه الملك فيصل

على مااعتقد مصاريه واردنيين مايمديك تتنفس

ادري فيه ناس راح تنتقد الموضوع لكن مضغوطين مره ودوام مغثه وزواج :mh12:

الله يعين
أوفى الخلق
2011- 5- 28, 03:30 AM
اتوقع محد اختبر فيها
اول اختبار السبت

والله العالم :(269):
عبـــــادي
2011- 5- 28, 05:14 AM
الترم الماضي ماكانت من ضمن مراكز الاختبار

الله يرزقنا ناس نفوسها خفيفه
مخربها
2011- 5- 28, 10:01 AM
انا اختبارت العام باكاديمية فيصل

مغثة وبقوووة


وعلى مااعتقد انها جديد هالمدرسة لكن ربك يزينهااا وحاول تعتمد على نفسك

فإما حياة تسر الصديق ....وإما ممات يغيض العدا ...
KSAjamal
2011- 5- 28, 10:42 AM
المدرسة معروفة بطلابها الزاحفييين ومدرسينها الأزحف
فتفائل خير,,,:(284):
da7om
2011- 5- 28, 12:26 PM
اتكل على الله سبحانه ولاتنتظر شي من هالامور :106:
سفير الحزن
2011- 5- 29, 12:48 AM
مشكورين نبي بعد
ناصرالسيحاني
2011- 5- 29, 01:30 AM
شلون لو تختبر بالدمام
والله لتترك لهم الرسوم الدراسيه هديه وتنحانش
انواع النشبه طفو الجوالات لا تتلفت لا تكح شغله
تولون هالبزران توهم متخرجين مدرسين واشغلونا
=_=
2011- 5- 29, 02:09 AM
انا اختبرت فيها اليوم اذا تبي تغش مالك امل لان الى جنبك والى قدامك والى وراك نماذج مختلفه فلا تتعب نفسك تلتفت

اما اذا انت متهور وتبي تبرشم انت ونصيبك ممكن يجيك مراقب اقشر وممكن يجيك مراقب مفهي

زي اليوم الاختبار الفترة الثانية عقيدة فيه طالب وراي في الاختبار مدري وش سوى لكن اعتقد انه بغى يغش او كلم الى جنبه كفشه المراقب وبغى يطرده لكن ربك ستر

اما الفترة الاولى كان فيه مراقبين قالبينها سوالف عند الباب انت وحظك

لكن انصحك لاتتفرنك واعط الاختبار اصوله ( يعني ذاكر ) :lllolll:
Majed Abdullah
2011- 5- 29, 04:56 AM
هالترم بالذات فيه تشديد غير طبيعي في كل المراكز
مدرسة الملك فهد مركز 9 حاسونا حوس مادري وش جاهم

وبرضة بعض الزملاء في مركز ثانيه نفس الحكايه متشددين كثير
من ناحية النماذج والجوالات وغيرها

الله ييسر الامو وتعدي هالختبارات على خير