ربي يوفقكم ادخلوا محتاجتكم بجد (بخصوص النسبه الموزونه ) قبل لاينتهي تعديل الرغبات

[حكاية غدر]

:Cry111:السلام عليكم ورحمة الله وبركاته

ابغى مساعده منكم لو سمحتوا :119:

انا نسبتي 91.12 علمي وقدراتي 68 والتحصيلي 62 نسبتي الموزونه 72

ابي اعرف شنو التخصصات اللي ممكن يقبلوني فيها لان سجلت بالبدايه تمريض والرغبه الثاني ه انجليزي والرغبه الثالثه حاسب ويوم طلعت النتايج ماقبلوني عشان النسبه الموزونه اللي بيونها اكثر من نسبتي طيب انا مادريت كم يبون عشان افك نفسي واسجل من البدايه طيب الحين صار تعديل للرغبات ومحتاره شنو احط لاني ماادري شنو اللي ممكن يقبلوني فيه
اللي ابيه منكم <<< ياشيخه

شنو التخصصات اللي يقبلون فيها الدرجه الموزونه 72 لان وقت النتايج كانو يحطون اخر نسبه موزونه اما الحين مااشوفها بلييييييييييييييز اللي عندها الصفحه او النسب الموزونه المطلوبه يعطيني اياها

وش تنصحون اغير لرغبه لها مستقبل لان احس الكيميا والاحيا والفيزيا....الخ مصيري بكون مدرسه وانا ماابي

هل صحيح اقدر احول لتخصص غير بعد مايقبلوني واختار اللي ابي

سيقوم النظام أولاً بإدخالك في المنافسة على رغباتك الحالية حسب شروط القبول لكل رغبة


في حالة عدم وجود شواغر في الرغبات السابقة سيقوم النظام بإدخالك في المنافسة على الرغبات البديلة حسب شروط القبول لكل رغبة


يعني ممكن يقبلوني بالتخصصات اللي اخترتها قبل او حتى مايعطوها فيس ويشوفوا على طول الرغبات البديله

اتمنى تجاوبون على اسئلتي كلها لاني بجد محتاره وحدي منقهره ومو عارفه شنو اسوي
ربي يوفقكم ويقبلون اللي ماانقبلوا مثلي
لاتبخلون علي بمعلوماتكم وراح ادعيلكم مثل ماادعي لنفسي
وربي الحاله صعبه والنفسيه زفت :Cry111:

[توتي توته]

انا بعد للحين مو عارفه وش اختار لاني ماعرف النسب المطلوووووبه :(

[++c]

الرغبات السابقه سيتم النظر فيها


ومن ثم الرغبات البديله

حبيبتي انا ما اذكر النسب الموزونه

بس الي اعرفه علم حيوان وعلم نبات و كيميا رياضيات في السبعين

والفيزيا في الستين

طيب اذا تبين تخصصات حلوه فيه بس برسوم

مثل محاسبه ونظم معلومات

اول ستين بفلوس واذا جبتي معدل حلو يحولوك على الحكومه مع مكافئه اذا حبيتي تكملي

واذا ما حبيتي رح يكون معك دبلوم

وبس هذا الي اعرفه

بالتوفيق ياااارب

[حكاية غدر]

يعطيك العافيه دكتوره نور ويوفق يارب

ريحتيني انهم في امل يشوفوا الرغبات الاولى


بس غير الحاسبه ونظم المعلومات وش تنصحيني بعد فيه

ويااعضاء اللي يعرف التخصص اللي ممكن يقبلوني فيه بلييييييييييييييز لايبخل علي

[++c]

طيب وش رايك في كليه المجتمع الي في القطيف

تدرسين فيها دبلوم حاسب

بأختصار المجالات الموجوده في الفيصل

كليه العلوم

كليه المجتمع

محاسبه ونظم معلومات برسوم

وكليه العلوم الصحيه << تمريض وقباله

تقريبا هذه التخصصات لطالبات العلمي

عندك بعد تصميم داخلي بس النسب حقه مره مرتفعه

والكليات الموجوده في الجبيل سمعت انهم ما يقبلون من برا الجبيل بس مو متأكده


بالتوفيق

[&نبض المشاعر&]

أختي لابد تراجعي نسب القبول بالدفعة الاولى و الثانية
واتمنى انك ماتبالغي باختيار الرغبات

[بـــو أحــمــد]

شوفي هالرابط :
http://www.kfu.edu.sa/ad-1429/Last_rates_allColl_Second.asp

[حكاية غدر]

يعطيك العافيه مديرنا ربي يوفقك انشالله

الف شكر