مقر الدمام 3 ــ فيصل بن فهد " لكم كل الشكر و التقدير " [الأرشيف] - ملتقى طلاب وطالبات جامعة الملك فيصل,جامعة الدمام

ليتشي

2011- 5- 30, 02:25 PM

السلام عليكم ..

بنسبة لمقر الدمام - 3 -

ابتدائية الامير فيصل بن فهد

بحي الجامعين

كان بصراحة المقر جدا منظم و انا حابة اشكر القائمين على هذا المقر

لايوجد به فوضى او ازعاج او قلق

طاقم إداري كامل متفم متعاون " هادى " جدا جدا جدا

الاجواء جدا مريحة

و اتمنى أن نستمر معهم للأعوام القادمة

ولا نتمنى الرجوع إلى الثانوية العاشرة بالدمام

حيث كانت عكس تماما

miss.amal

2011- 5- 30, 02:27 PM

صح كلامك

عجبني التنظيم والمراقبات تعاملهم لطيف

ولا فيه اية فوضى ..

شكرا لهم

ناريمان جوو

2011- 5- 30, 02:31 PM

مااشااء الله تبارك الله
بصراحة احسدك ع الوضع يلي انت فيه .
انا من مكة ومكان الاختبارات في مدرسة العلم النافع ..اكلمك ع المراقبين ولا ع نفس المدرسه
ولا ع ايه ولا عليه
المراقبين واحناا بنتخبر والله يشهد تتكلم بالجوااال وترفع صوتهاا وانا مااقدر اركز وفي احد يمشي ويدور في مكان الاختبار وتتكلم بالجوال
وتقفل الجوال من هناا وتمشي وتقول بااااقي نص ساااعه هيااا هيااا ..واصلآ يكون باااقي وقت كثير حوالي سااعه ونص
الله يستر كيف حليناا في اختبار الانجليزي والمحاسبه
وحدة من البنات تركت الصفحة الاخيرة تحسب ان من جد الوقت انتهى ..وأصلآ بااقي ساااااااااااااااااااعه ونص
بس المراقبه مااريحتهاا

@أحلام بنفسجية@

2011- 5- 30, 02:40 PM

صادقة معاملتهم حلوة ووقت الاختبار هدوء مافي سواليف ويساعدونك في اي شي تطلبيه بس اللي ماعجبني الاضواء جدا سيئة لونها اصفررررر تعمي ووحدة كانت فوق راسي تشتغل وتطفي كل شوي والفراغ اللي بين الكرسي والطاولة جدا صغير بس الله يعدي الاختبارات على خير وكل شي :(204):

وردة الجوووري

2011- 5- 30, 02:48 PM

صآآآدقه والله تنظيم مآشاءالله وأخلااق واي شي تبيه يسآعدونك فيه جدا تعااون وتنظيم ..
بس مشكلتهم هالإضآآءات جدا سيئة ..
والمدرسة العآشره كان حلو يدخلونا الاختبار قبل الوقت بنص ساعه وتلاقين ورقة البيانات موجوده يمديك تعبينها قبل الاختبار ..
أما هنا يأخروونا شوي .. للحين حلو بس شآيله هم الاقتصاد والرياضيات مادري بيكفينا الوقت وهم يآخذون منه نص ساعه تعليمات وترتيب :icon9:

لــوســي

2011- 5- 30, 02:52 PM

آآه ياربي .:Cry111:.

ربي يهنيكم . .

مقرنا زي الزفت ..

والله العظيم في أختبار المحاسبه نفسي بس أطلع .. وأحاول بسرعه أخلص عشان أرجع البيت ..

ما أبي أفكر ولا أبي شي يأخرني عن الطلعه ..

مع أني ذاكرت مذاكره مو صاحيه على مدى 3 أيام .. بس أفتقعت مرارتي من الظلام والفوضى والتشتييت

قعدت أهدي نفسي وأقول تعب 3 أيام ماراح أضيعه عشان المكان مو حلو..

والحمد لله أني قدرت أمسك أعصابي وما أطلع ..

شوفوا موضوعي ..

: بنــات الخبــر2 في مجمع السلام .. لازم يشوفون لنا حل .. (http://www.ckfu.org/vb/t185957.html)

ليتشي

2011- 5- 30, 02:54 PM

صحيح كلامكم عن الإضاءه

بس انا سمعت أن جاهم التكليف بفترة قصيرة

ماكان يمديهم يضبطون امور الانارة

هم بنفسهم مستاائين من الوضع

بس راح يداركونه في المرات الجاية

على الاقل افضل من غيرهم بالف مره << مقصد الثانويه العاشرة

ربي يسهل

2011- 5- 30, 03:39 PM

ايه مرتب بس كان اول يوم لختبار مهاراه اتصصصال ماوزعو الاوراق الا اربع ونص

بس باقي الاختبارات بالمسرح كان مررتب بس اللي تتكلم وتقول التعلمات خلاص يارب نعرف وتعيد وتزيد تسوي قلق

رووووزي

2011- 5- 30, 10:19 PM

ايه مرتب بس كان اول يوم لختبار مهاراه اتصصصال ماوزعو الاوراق الا اربع ونص

بس باقي الاختبارات بالمسرح كان مررتب بس اللي تتكلم وتقول التعلمات خلاص يارب نعرف وتعيد وتزيد تسوي قلق

ههههههههههههههه يحليلهآ هذه ينآس ,, مرررة حبييييتهآ واللهي عسسسل ,,~:tongue:

آحسآس آميرة

2011- 5- 30, 10:23 PM

صح آلمكآن حلو و هآدئ بس آلمشكلة بآلطآولآت و آلكرآسي

جدآإ صغيرهـُ :hahahahahah: خبركم آبتدآإئية هيً

>> رجولهآإ تطلع منٌ آلطآإولهـ :hahahahahah:

~ أمواج ~

2011- 5- 30, 10:25 PM

الله لا يغير علينا ... أن شاء الله كل سمستر يحطون تخصص ادارة اعمال في نفس المدرسه فيصل بن فهد

ما شاء الله تبارك الله جدا نظام وهدوء ... ومبتسمين ما شاء الله :119:

ما يحسسونك باي توتر ... ودايم اسمعهم خلوا البنات على راحتهم لا تجبرون احد على شي

ما شاء الله عليه ادراه ناجحهـ بكل المقاييس ...:106:

وردة الجوووري

2011- 5- 30, 10:25 PM

ههههههههه احساس اميرة بهذي صادقه فيها ..:biggrin:

ليتشي

2011- 5- 30, 10:26 PM

يعني إلى الان و الملاحظات تعتبر بسيطة

الحمد لله

10 / 10

يا فيصل بن فهد

SHrGaWyh

2011- 5- 30, 10:46 PM

مع احترامي لكاتبة الموضوع وللكل
انا بمدرسة فيصل بن فهد وبصراحة ابدا ماعجبني المركز كتنظيم يعني مانبدا الا بعد مايبدا الوقت بنص ساعة وعشر مراقبات يمكن بالقاعة يبيلهم نص ساعة عشان يوزعون علينا الاوراق :(177): لا بعد هذا كله يقولون لحد يبدا يجاوب الا لما نقول لكم لانه فيه ناس لسه تظلل !! يعني انا ايش ذنبي انتظر غيري والوقت بادي صارله اكثر من نص ساعة يعني عكس العاشرة بكل شي بالعاشرة كنا ندخل قبل الاختبار بنص ساعة ونظلل ونبدا عالوقت او قبل بعد .. وموية كلينكس وكل شي متوفر بفصول حلوة وهاديه واضاءتها حلووة مو هذول جايبين لنا كلينكس حمام الله يكرمكم ..

~ أمواج ~

2011- 5- 30, 11:09 PM

دوحه غَنّاء

2011- 5- 30, 11:15 PM

بصراحة هم متعاونات وأخلاقهم عاااليه

اول يوم كان شوي فوضى

ثاني يوم جيت والكل في القاعة ما ادري

بس الاضائة اعمت عيونا
مو ذنبهم ذنب المهندس

بس ياريتهم يحطونا بالفصول ارحم من القاعة برد واضائة تعمي العين

والبنااااااااااااااااااات الي يفتحون جوالاتهم عااااااااااااام

بنات بالله عليكم صمتوها

والله تسوي قلق

وحده حاااطه اغنيه
وطول اليوم الجوال يردح
حتى الي يدق ما استحى من كثر ما دق وما احد رد عليه

خذت أثم الي يسمعون
وما قدرنا نركز

حب لأخيك ماتحب لنفسك

دوحه غَنّاء

2011- 5- 30, 11:19 PM

معليش اسمحوا لي يالي اعترضتوا على الادارة

بصراحه هم اذا حسوا انهم على غلط يحاولون يعدلونه
ويتفادونه

ويكفيكم علو أخلاقهم
وحسن تعاملهم

sho sho 111

2011- 5- 30, 11:21 PM

الف شكر ماقصرو والاداره والبنات الكل متعاون يعطيهم الف عافيه :106:
عكس الثانويه العاشره مافي مقارنه اصلا بينهم

ذات الهمم

2011- 5- 30, 11:33 PM

للاسف انا انتمي لنفس المقر واشوف عكس اللي قلتيه تماما

تأخير بداية الاختبار الى نص او اكثر من ساعه هذا اول يوم وثاني يوم وكان عندي فتره ثانيه يعني محتاجه وقت علشان ارجع للماده الثانيه !!

كنت اضطر احل بسرعه علشان اطلع !!

و كل اختبار بيزعجونا بالمايك عن طريق شرح التظليل والقوانين

اضاءه سيئه وحتى الماء مايبيعونه كأنا بصحراء

انا اشوف الثانويه العاشره افضل بكثير !!

وهذه وجهة نظري !

~ أمواج ~

2011- 5- 30, 11:37 PM

:g2::g2::g2:

الحمدلله وضعنا احسن من غيرنا ...

:(107):

أم ليــــان

2011- 5- 30, 11:44 PM

من ناحية الموظفات واخلاقهم صراحه ماشا الله تبارك الله

فعلا مانسمع الا خلوهم على راحتهم ومتعاونات جداااا

لكن كتنظيم ؟؟ يمكن انتوا قارنتوه بالنسبه للثانويه العاشره وشفتوة افضل

انا الترم الي فات اختبرت في مقر الجامعه بالاحساء

قمه قمه في التنظيييييم صرااحه

انا مااقول ان المدرسه تنظيمها جداااا سئ بالعكس نوعا ما حلو

لكن مايقارن بالجامعه :106:

فروحه 2011

2011- 5- 31, 12:05 AM

صح آلمكآن حلو و هآدئ بس آلمشكلة بآلطآولآت و آلكرآسي

جدآإ صغيرهـُ :hahahahahah: خبركم آبتدآإئية هيً

>> رجولهآإ تطلع منٌ آلطآإولهـ :hahahahahah:

:hahahahahah::hahahahahah::hahahahahah:

والله من جد

بس الله يعطييهم العافية ع التعااون والهدوووء <<<طبعاا كلنا ادارة اعماال عشاان كذا هاديين :119:

ليتشي

2011- 5- 31, 09:08 AM

ملاحظة بسيطه

تراهم اول مره ينظمون شي بهذا الحجم

دايما تنظيمهم في حدود مدرستهم

والكل يشهد بتميزهم

و هذا اول تنظيم لهم خارج نطاق المدرسه .. يعني اكيد بيكون في السنوات الجاية افضل

و بينتبهون لملاحظاتنا

و اذا على الوقت قاعدين يعوضونا بوقت إضافي

و إذا على الأنارة أكيد راح يسعون إلى الأفضل

و نبسبه للماء و المناديل ياقلبي

هذا الشي من ميزانية الجامعه يعني مش التقصير من المدرسه نفسها

و على فكرة أنا اقيس بين العاشرة و بين فيصل بن فهد

لاني أنا من اللجنة المنظمة لاختبار القدرات لطالبات الثانوية

و مركزنا الكل يشهد بتنظيمة و تميزة

و انا اجالسه اقارن بين الي منظمين اول مرة و بين الي كل سنه ينظمون

بس كذا

kaadii

2011- 5- 31, 09:31 AM

يكفي اخلالاقهم من جد قمة الاحترام والتعاووون

عكس العاششرره ماعندهم اخلالاق بصراحه

ZOOZCHI

2011- 5- 31, 09:52 AM

هههههههههههه حتى حنا عندنا نفس الهدوء والتنظيم:24_asmilies-com:

والله يا اصوات البيبان تتصافق كانك بفلم رعب:71::71:

راكان الشعلان

2011- 5- 31, 02:32 PM

احم ......... احم

شكل الموضوع نسائي بحت

:33_asmilies-com:

عقدألماس

2011- 5- 31, 02:44 PM

:41jg: منظمين بأنهم يضيعون ثلاثة ارباع الوقت :017: ليش

المحاسبة حسبي الله ونعم الوكيل ادخل القاعة من 6و25 وبالأخير استلم الورقة 7وعشر لية

شاطرين بس بالقرقة بهالمايك صح تنظيم بس بتنظيمهم يضيعون الوقت ويسلمون الورق متأخر

وانا بصراحة اقول حسبي الله على كل وحدة تضيع الوقت علينا

والوقت محسوب

وغير كذا مايعطونك وقت اضافي لية مع انة هم الي معطلينا

والله موذنبنا اذا جت البنت متاخرة ونجلس ننظر لين تكتمل القاعة

انشاء الله الي حصل في المحاسبة مايتكرر

مع انة نفس الشي في العقيدة سلمونا متأخر:017:
بس بالأنجليزي ولا احلى منهم سلمونا صح بدري

بس مدري ليش مع الفترة الثانية يزعجونا فيها بالتأخير:41jg:

_Salma_

2011- 5- 31, 02:57 PM

فعلا مسألة الانتظار لحين اكتمال القاعه والتدقيق الممل على مسألة جلوس الطالبات وباي صف وعلى اي كرسي !!!
اراها امور مبالغ فيها ونحن المتضررون لدرجة انه يمنع منعا باتا لمس ورقة الاسئلة قبل جلوس اخر طالبة متأخره على اخر دقيقه :smile:
والامر الاخر المايك والاسترسال فيه على امور من العبث الحديث عنها كالتنبيه باقفال الجوال وعدم دخول الملازم ...اعني انه لايستدعي حمل المايك وتشتيت انتباه الطالبات على امور مفروغ منها

لكن جميعهم راقيات ومتعاونات و "سيدات" بكل ماتحمله الكلمه من معاني

arij

2011- 5- 31, 11:16 PM

ما شاء الله كل ذولي معاي بنفس المدرسة ..:119:

بجد منظمين وهدوء احسن بكثير من المدرسة العاشرة

وابتسامة المراقبات تكفي لراحة النفسية ..

بس الاضاءة تتعب العيووووون من جد..

الله يوفقهم يا رب..