تسجيل الدخول

مشاهدة النسخة كاملة : لم احضر أختبار تقنية المعلومات 1

w2leed
2011- 6- 1, 04:03 AM
السلام عليكم

اليوم صار لي فيلم ... كنت متوقع الاختبار الفترة الثانية .. وناسي الجدول

ومثبت المواعيد والتذكير ... المهم وصلت الساعة خمس للمقر الاختبار

وجلست اراجع واشوف الناس بدأت تطلع من الفترة الأولى

المهم .. وكل ما الناس تخف ومابقى بالمواقف الا انا ... وش السالفه

مافيه احد في الاختبار الا انا ... احاول استرجع الجدول قلت يمكن موب اليوم الاسبوع الجاي

التاريخ هو هو ... وقبل ما اطلع مشيك على المنتدى ولقيت موضوع باقي ساعة ونصف

على الاختبار .... قلت بدخل اشوف


دخلت وقابلت احد المشرفين ... وقلت له انا عندي اختبار تقنية معلومات

ولا اشوف احد باللجنة ... قال الاختبار خلص وارسلنا الاوراق بالفيدكس

انا ما ادري انه الفترة الاولى ... قال مابيدي شي ... شف لك عذر



الحين وش بيصير علي ... لو فرضنا جبت عذر .. متى راح اعيد الاختبار

هل قريب ولا بعيد ... مع العلم اني المادة هذي سهله علي مرة

ودراس دبلوم حاسب............. حتى لو ماذكرتها بعرف اجيب لان عملي في مجال البرمجة


نبي رأيكم .. وشوركم بالموضوع
ابو سمره
2011- 6- 1, 04:06 AM
ياتجيب عذر والا بتحملها بتحملها الله لايعوق بشر:cheese::cheese::cheese:

الله يكون بعونك دبر عذر وانا اخوك
مهــاآابــهـ
2011- 6- 1, 04:45 AM
يؤيؤيؤ ما عطيتك من الوسوسة اللي عندي


حتى وانا راايحة للجامعة اشيك مليووون تشييك


عالجدووول اخاف الخبط


خاصة وانو في نااس كثير تعتمد علي بهالسالفة يعني ان دجيت دجوا معاااي ؟؟!!:(284):


اخوووي اقرب مستووصف وهات لك عذر طبي ,,


والله يعوووضك والباقي ماعندي فكرة بس اتوقع الترم الجاي تعيده ؟!


بس ان شاء الله يفيدوونك الطلاب
A L M a i s t R o
2011- 6- 1, 10:46 AM
يااااااااشينها..


الله يعينك يالغلا,,بس مشاء الله نفسياتك وانت تكتب الموضوع اوكي:biggrin:
فروحه 2011
2011- 6- 1, 11:01 AM
الله لايحطني بنفس هالموقف :bawling:
NAWWAF2011
2011- 6- 1, 11:12 AM
ههههههههههههههههههههههههههه معاك انا ونا اخوك بس عندي عذر مدري يقبلونه ولا لا نفس طريقتك بس اني جالس في البيت ورحت اساعه خمسه ونصف بس للاسف رفضو يختبروني يقولون لو يطلع طالب من الاختبار يعني خلص اختباره وطلع خلاص يخلف الله عليك راح عليكالاختبار وتسجل غياب المهم لوصيك اقرب مستشفى عندك خذ عذر وقدمه عليهم اذا فتحت ايقونت تقديم عذر وعسى يختبرونى
خجل الورد
2011- 6- 1, 03:16 PM
ياحماعه انا صارت لي نفس السالفه !!!!

من وين اجيب عذرررررررررررررررررررررر :Cry111:

المستشفيات الخاصه ممنوع .. والحكوميه بيقولون لي كنك حصان مافيك شيء :biggrin: ولا بيعطيوني عذر بتاريخ اليوم او بكره :Cry111:
3z๏uẕ Aļt7ļẹaђ
2011- 6- 1, 05:20 PM
إذا بالرياض .. أخوي مدير مركز صحي الربوه وبيعطيك ورقه
خجل الورد
2011- 6- 1, 06:40 PM
عزوز .. الله يسعدك اخوي ماتقصر :106:

المشكله اني بالدمام :000:
ابو عبدالعزيز2
2011- 6- 1, 08:02 PM
السلام عليكم






اليوم صار لي فيلم ... كنت متوقع الاختبار الفترة الثانية .. وناسي الجدول

ومثبت المواعيد والتذكير ... المهم وصلت الساعة خمس للمقر الاختبار

وجلست اراجع واشوف الناس بدأت تطلع من الفترة الأولى

المهم .. وكل ما الناس تخف ومابقى بالمواقف الا انا ... وش السالفه

مافيه احد في الاختبار الا انا ... احاول استرجع الجدول قلت يمكن موب اليوم الاسبوع الجاي

التاريخ هو هو ... وقبل ما اطلع مشيك على المنتدى ولقيت موضوع باقي ساعة ونصف

على الاختبار .... قلت بدخل اشوف


دخلت وقابلت احد المشرفين ... وقلت له انا عندي اختبار تقنية معلومات

ولا اشوف احد باللجنة ... قال الاختبار خلص وارسلنا الاوراق بالفيدكس

انا ما ادري انه الفترة الاولى ... قال مابيدي شي ... شف لك عذر



الحين وش بيصير علي ... لو فرضنا جبت عذر .. متى راح اعيد الاختبار

هل قريب ولا بعيد ... مع العلم اني المادة هذي سهله علي مرة

ودراس دبلوم حاسب............. حتى لو ماذكرتها بعرف اجيب لان عملي في مجال البرمجة



نبي رأيكم .. وشوركم بالموضوع


لاحول ولاقوة الا بالله .... ماعليه أهم شئ أنك طيب ومافيك الأ العافية وبالنسبة للحل :

1- لابد من أحضار عذر مقبول لدى الجامعة العريقة سواء من مستشفى أو مرور أو شرطة الخ.. وترسل صورة بالسكانر على أيقونة المتغيبين بعذر في خدمات الطالب .
2- بعد قبول العذر انشأ الله سيعاد لك الأختبار الفصل القادم بدون رسوم جديدة مع ملاحظة بأن جميع واجباتك و محاضراتك المباشرة والغير مباشرة والمشاركات بجميع أنواعها لهذه المادة لن تحسب درجاتها ( 30 ) وعليك البداية بالهروله من جديد . >>>يعني من (0)
3- ما اتوقع الجامعة تتعامل مع فديكس ولا dHL ليس تكذيبا" للمراقب ولا لك بس سياسة الجامعة هي التقشف .
4- ثاني مرة صور جدولك خمس نسخ وحط نسخة بالسيارة وفي غرفتك والصالة وباب الشارع من الداخل . بالتوفيق لك ولي وللجميع
w2leed
2011- 6- 1, 08:07 PM
الحمدالله .. تسهلت بإذن واحد أحد

بس ودي اعرف متى الاختبار للمحرمين من الاختبار السابق

لان واري الصيفية دورة

من 25 /7 لين 10 /9 خارج المملكة

وفيه تأشيرة وسكن وتأمين طبي .. كلها مدفوعه من شهر

ولو اغير الموعد يمكن اخسر اللي دفعته

نبي الشور منكم

من سابق تجربة للزملاء
ابو عبدالعزيز2
2011- 6- 1, 08:14 PM
الحمدالله .. تسهلت بإذن واحد أحد


بس ودي اعرف متى الاختبار للمحرمين من الاختبار السابق

لان واري الصيفية دورة

من 25 /7 لين 10 /9 خارج المملكة

وفيه تأشيرة وسكن وتأمين طبي .. كلها مدفوعه من شهر

ولو اغير الموعد يمكن اخسر اللي دفعته

نبي الشور منكم


من سابق تجربة للزملاء


ماعليك سافر وأنت مطمئن وحط في بطنك بطيخة سكر لأن الأختبار بيكون مع الفصل الأول للعام الدراسي1432هـ/1433هـ يعني بعد رمضان أن الله أحيانا...وموفق في الدورة يارب .
دكتوركـ
2011- 6- 1, 09:53 PM
اسمعوو حاول تدبر لك عذر من المستشفى ولى من المروور على انك موقف عندهم

وبعدين اذا قبلو عذرك بيختبرونك مع الاختبارات الجايه بس العذر بيفكك من الرسوم فقط :wink:

من واقع تجربه:(204):
سلطانة زماني
2011- 6- 1, 11:01 PM
ياربي والله مووقف يقهر

المصيبه انك عندهم :icon9:

الله يعوضك سواء بعذر او بدون عذر الماده بتختبرها السمستر الجاي

واذا جبت عذرر ما يحاسبونك بالرسوم واذا ماجبت بتدفع رسوم من جديد
ايزابيل
2011- 6- 1, 11:22 PM
شوفو شباب شوفو صبايا
روحو اقرب مستشفى حتى لو خاص جيبو عذر
بعد فترة بيفتحو ايقونة استقبال الاعذار ارسلوها لهم سكان\ بعدين راح يدرسو موضوعكم
اذا وافقو راح يردو على نفس الموقع الي فيه الايقونه تم قبول عذرك اما بالنسبة لموعد الاختبار فيؤسفني ان اخبركم بأن سوف يكن مع طلبه السنه القادمة وراح تدرس الماده من جديد وتحل الواجبات والمشاركة ولكن دون دفع الرسوم من جديد علما انها لن تنزل في معدلك لهذا الفصل الدراسي
اتمنى ان اكون وضحت لكم الموضوع والله يوفقكم دعواتكم لي:53: