آنا بالخدمه للي يبي مساعده يبشر بالخير رياضيات

[عذبه المشاعر]

السلام عليكم ورحمه الله وبركاته


حياكم الله جميع والله يوفقكم يارب موضوعي بآختصار لبا قلوبكم مساعده مني للي متوهق
او يواجه اي صعوبه باي فقره بالرياضيات يجي يسدحها وبس :33_asmilies-com::53:

وانا عندي كم مسائل ببسطها لكم دعواتكم

[وردة سلام]

اللوغرتمات
اذا تفيدني جزاك الله خير :000:

[منتسبهـ]

الحل بالاله لمعادلات محهول واحد

[إسلامو]

في التمارين المحاضرة السابعة
السؤال الرابع
جذر التكعيب 128س اس5 ص اس 7
ـــــــــــــــــــــــــــــــــــــــــ على
2س اس -1 ص

وش الحل

[روز طيبه]

المعادلات لماانقل المجاهيل بطرف والارقام بطرف انقلها من فين ابتدي والاشارات كيف الله يسعدك يااااارب

[Promises]

في التمارين المحاضرة السابعة
السؤال الرابع
جذر التكعيب 128س اس5 ص اس 7
ـــــــــــــــــــــــــــــــــــــــــ على
2س اس -1 ص

وش الحل

اول شي نقسم 128 على 2 = 64
وبعدين نطرح الاس الي فوق مع الي تحت (لاننا في القسمة نطرح الاسس)
يطلع عندنا .... الجذر التكعيبي ل 64 س اس 6 (لاننا طرحنا 5 - (-1) = 6) ص اس 6 (طرحنا 7-1)
وبعدين نطلع الجذر الثالث ل 64 س اس 6 ص اس 6
= 2 س اس 2 ص اس 2

[][درزن هبآل][]

في التمارين المحاضرة السابعة
السؤال الرابع
جذر التكعيب 128س اس5 ص اس 7
ـــــــــــــــــــــــــــــــــــــــــ على
2س اس -1 ص

وش الحل


اول شيء تطلـع الاعداد من الجذر ..

وتكتب :

128 س ^5 ص^7
ــــــــــــــــــــــــــ
2س^-1 ص

* اوكي الحين نبدآ نجمع الاعداد مع بعض والمجاهيل مع بعض ..

128
ـــــ
2 هذآ قسمتها = 64


س5+1 = 6 < طبعـآ بتقول من وين جبتي الـ + وهي اصلآ نآقص ..

لآن لمآ نطلع عدد من مقآم لبسط نغير اشارته .. السالب مو جب والموجب سآلب ..

وكمآن لآنه بالقسمه نطرح ..

ص 7-1 =6 ؛ هنا خلينآه سالب لانه بالمقام كان موجب .. :biggrin: هاه تآكدت ..

بعد مافصفصنـآ الاعداد والمجآهيل ندخل جوآ الجذر ونبدأ .. نحل ..

ويصير : الجذر التكعيبي لـ 64 س^6 ص^6 =

4س^2ص^2 < طبعا بتقولي لمآ اسوي الجذر التكعيبي لـ 6 بيطلع لع فواصل تقربهم بيطلع لك .. 1,8 = 2 .. وبسسس وانتهت المسئله الجميله .. :biggrin:

[Promises]

المعادلات لماانقل المجاهيل بطرف والارقام بطرف انقلها من فين ابتدي والاشارات كيف الله يسعدك يااااارب

المعادلات
اذا كان عندك:
س - 5 = 3 - ص
نخلي المجاهيل الي هي (س ، -ص) بجهة والاعداد الي هي -5 و 3 بجهة ثانيه
يصير عندنا :
س + ص = 3 + 5
طبعا ص كانت اشارتها سالبة بس لما اخذناها للطرف الثاني صارات موجبة
و 3 كانت سالبة كمان بس لما نقلناها صارت موجبة

ملاحظة: المثال هذا من عندي يعني مهو موجود اصلا

[Promises]

اللوغرتمات
اذا تفيدني جزاك الله خير :000:

لازم اله حاسبة
تحلها وانت مغمض

[طالب منتسب4]

وبي هبلت فيني الرياضيات
ابي تشرحين لي من اول صفحه اللى اخر صفحه :71::mh12:

شكرا لك
تستاهلين اول واحد اقيمك
:d5:
:d5:

[موبايلي]

معليش اخواني كيف الحل بالأله ؟؟

[منتسبهـ]

ممكن شرح المعادلات في مجهول واحد بالاله

[abo khaled]

وين راحت اختنا الي متبرعه بالحل؟؟؟

تعالي اشرحي لنا بالاله الحاسبه كل المسائل لو سمحتي

[منتسبهـ]

ختتتتتتتتتتتتتتتتتتتتتتتتتتير ابو خالد :lllolll: ياحلاتك تجنن ع الصريح

[عذبه المشاعر]

\\ المحاضره الاولى \\

العمليات الجبريه

بالبدايه لازم نعرف آنواع الاعداد :

1\ الاعداد الطبيعيه
مثال عليها (1.2.3...<< الاعداد الموجبه يعني

2\ الصفر

3\ الاعداد الصحيحه السالبه <<عكس الموجبه
تسبقها الاشاره السالبه (-)مثل (-1.-2... وهكذا


الاعداد غير الصحيحه آنواع بعد
1\ القياسيه
ويقصدون فيها الكسور بشكل عام سواء كانت موجبه او سالبه
2\ الغير قياسيه
وهي الجذور

وش باقي ياربي :g2:
ايه القيمه المطلقه هاذي عاد مايبي لها تونا ماخذينها بالاقتصاد :41jg:

القيمه المطلقه لاي عدد موجبه دائما

ورمزها بها الشكل |س|
يعني لو قال لنا اوجد القيمه المطلقه للعدد

|3|= 3<<لانه اوردي موجب
واذا قال -2
بنقول |-2| = 2 <<موجبه
طيب ننتقل الحين للعمليات الجبريه من طرح وجمع وضرب وقسمه

بالنسبه للجمع بديهيا 1+1=2

لكن اذا جينا لمعادله فيها س,ص
مثلا
3س + 2ص = 5س
نجمع المعاملا 2 و 3 ويبقى ال س ثابت
ولازم يكونون من نفس النوع يعني (س وس) و(ص و ص)

طيب جبت لكم مثال من المحتوى و :(269):
3 أ+8 ب+ 9 أ + 2 ب = 12 أ + 10 ب

الطريقه الله يسلمكم ويطول في عميراتكم آني ارتبه بشكل افقي قولو شلون :biggrin:

3 أ + 8 ب
+

9 أ + 2 ب
ـــــــــــــــــــــــــ

12أ +10 ب

وبص

نفس الشي لو تغيرت وكتب لنا س او س او س ص رتبوها كل واحد وشبيهه
وابدو اجمعو

نجي للطرح نفس الطريقه السابقه بالتطبيق ولكن نغير الاشاره من + الى -
7ص- 12ص =- 5ص
ليش لان المقدار الاكبر اشارته سالبه اللي هو -12 ص قأخذنا اشارته وطرحنا طرح عادي
وصار الناتج معنا -5

والشغله مايبي لها ترى غير حاسبه بالترتيب واحسبو وبس وهو يطلع لكم بعد اذا القيمه سالبه او موجبه

بس لو قال لنا
(4س + 2ص) - (2س +5ص)
طبعا ملاحظين انها بداخل الاقواس والقوس الثاني الاشاره اللي قبله - عشان كذا لازم نفك الاقواس وندخل الاشاره السالبه بالقوس الثاني شلون :g2:
الجزء الاول ثابت راح افك الثاني بس لانه اللى مضروب بالاشاره سالبه
بيصير
-2 س-5ص <<بحسب قانون الضرب للاشارات
-*+ = -
-*- = +
نجي من البدايه بعد ما فكينا الاقواس بيصير شكلها
4 س +2 ص -2 س -5 ص = 2 س-3ص
نرتبها ترتيب مثل اللي قبل افقي ويطلع الناتج

اخر شي :53:
آيجاد قيمه المقادير الجبريه سهله جدا وتافهه
تعويض مباشر

السؤال راح يكون بها الشكل
أذا كان س= 2 وص= 3 و ع = 5

فا اوجد قيمه المقدار التالي
3 س - 7 ص +9ع =

هو عطانا المعطيات وقيم المقادير
س= 2
ص=3
ع= 5
نبدا تعويض مباشر

3 (2) -7 ( 3) + 9 (5) =
6 - 21 + 45 = 30

وبص جاري التحضير للمحاضره الثانيه :53:




اللي فهم يخبرني اكمل او لا

[عذبه المشاعر]

يا حيااااااااااااااااااااااااكم يمديني بالله اشرد :biggrin:

له الدرجه انتو شطار انا بس جايه اوريكم عضلاتي ترى :lllolll:

يالله جاري الاجابه على تساؤلاتكم ابشرو بالخير

[منتسبهـ]

:(204): كملي كملي بدنا الطرايق بالاله بسس تكفييييين

[موبايلي]

ماتتخيلون الصداع من الرياضيات هههههههههههههههههه نبي بالأله ودمتي بخير ان شاء الله

[عذبه المشاعر]

تدرون خلوني ابدا محاضره محاضره لان توني بدايه مذاكره واللي ما يفهم شي من شرحي يخبرني

قسم ناويه اشرد :biggrin:

[إسلامو]

اشرحي لنا اللوغاريتميات
وكيف حلها بالاله fx-82ms

[عذبه المشاعر]

اللوغرتمات
اذا تفيدني جزاك الله خير :000:

ابشري بالخير ياورده جدا تافهه اللوغريتمات لا تخافين بس اصبري علي
في التمارين المحاضرة السابعة
السؤال الرابع
جذر التكعيب 128س اس5 ص اس 7
ـــــــــــــــــــــــــــــــــــــــــ على
2س اس -1 ص

وش الحل

ماقد وصلتها اصبر علي توني اذاكر ترى

المعادلات لماانقل المجاهيل بطرف والارقام بطرف انقلها من فين ابتدي والاشارات كيف الله يسعدك يااااارب

اول شي نقسم 128 على 2 = 64
وبعدين نطرح الاس الي فوق مع الي تحت (لاننا في القسمة نطرح الاسس)
يطلع عندنا .... الجذر التكعيبي ل 64 س اس 6 (لاننا طرحنا 5 - (-1) = 6) ص اس 6 (طرحنا 7-1)
وبعدين نطلع الجذر الثالث ل 64 س اس 6 ص اس 6
= 2 س اس 2 ص اس 2
نفس اللي قبل اصبري علي ياعسل وابشرو بالخير
وبي هبلت فيني الرياضيات
ابي تشرحين لي من اول صفحه اللى اخر صفحه :71::mh12:

شكرا لك
تستاهلين اول واحد اقيمك
:d5:
:d5:
:53: انت اكوس واحد من اول صفحه انا وانت نبدا شرايك :biggrin:


معليش اخواني كيف الحل بالأله ؟؟

سؤوال غريب ..؟

يعني انت تقصد ماتعرف تستخدمها :mh12:
ممكن شرح المعادلات في مجهول واحد بالاله

ابشري بخير
وين راحت اختنا الي متبرعه بالحل؟؟؟

تعالي اشرحي لنا بالاله الحاسبه كل المسائل لو سمحتي

حتى الملك ياخوي مدد لاقتراحاته :biggrin:

صبر علي :sdfgdsf:

[لزام الوايلي]

ممكن شرح المعادلات في مجهول واحد بالاله

شوفي المرفق ان شاء الله يعجبك به شرح جميل

[جـلـوي]

الله يوفقك قولي آمين :(204):

>>>>متابع :106:

[عذبه المشاعر]

مدخل <<
ليه المسا عـوق الشقـاوي وطبّـه؟
وليه الهبوب تصحي القلب لا بـات؟


وليه القمر يدعـي جريـح المحبّـه؟
ويقول له يا هيه..ما فات ..ما مـات







\\ المحاضره الثانــــيه \\

ضرب المقادير الجبريه

المعروف بآن آختصار 5+5+5+5= 5×4= <<لان الخمسه تكررت اربع مرات
و 5×4 = 20

نجي لقاعده الاشارات بالنسبه لعمليات الضرب

+×+ = +
+×- = -
-×+ =-
-×- = +

باختصار اذا تساوت الاشارت بالضرب فآنها تصبح موجبه واذا آختلفت تصبح سالبه :53:
مثال
2 × 3 = 6
-5 × 4 = -20

نجيب مثال قوي شوي شرايكم :g2:
هوباااااا


2 ( 4 س - 3 ص ) + 3 ( 7 س + 9 ص ) - ( س - 4 ص ) ؟

الحل نبدا نفك الاقواس اول شي :33_asmilies-com:
القوس الاول

طبعا ضرب زي ما شايفين 2 ( 4 س - 3 ص ) = راح ندخل ال 2 على اللي بداخل الاقواس
تصير
2 × 4 س - 2 × 3 ص = 8 س - 6 ص <<ركزو ان الاشاره سالبه على حسب قاعده الاشارات
القوس الثاني
3 × 7 س + 3 × 9 ص = 21 س + 27 ص <<موجبه الاشاره ايضا رجوعا لقاعده الاشارات في ضرب المقادير الجبريه :biggrin:
القوس الاخير لا تقولون مافيه شي قبله :71: دام فيه اشاره سالبه اذا فيه معامل وهو الواحد
فتصير بها الشكل
-1 × س - ( - 4 ص ) = - س + 4 ص << للي يبون الطريقه بالحاسبه شوفو شلون سويتها فتحت قوس

ركزو راح نضرب والاشاره السالبه معه لانها اشارته بالله شلون نشيل عصير بدون مزازه :biggrin:

الحين نجيب الاقواس اللي فكيناها عشان نكمل الحل ؟
8 س - 6 ص + 21 س + 27 ص - س + 4 ص = 28 س + 25 ص


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

* قاعده \ اذا آتحدت الاساسات تجمع الاسس
اي اذا كان لدينا س 3 × س 2 << فأن الاجابه هي
الاساس اللي هو ( س ) يبقى ثابت والاسس اللي هي ( 3 و 2 ) نجمعها فتصير بها الشكل

س 3+ 2 = س 5 <<طبعا اوس :tongue:

طيب مثال ثاني لو قال
ص 7 + ص -2 + ص 4 = الاساس ثابت زي ما قلنا اللي هو ص
فتصير بها الشكل
ص ونجمع الاسس ( 7 + (-2) + 4 = 9

اذا تصير ص 9 <<اوس طبعا بعد بس عيت تجي فوق اكيد فاهمين انتو :mh12:
طيب لو صار وجمعنا الاسس وطلع الناتج لنا صفر وش يصير ما نحط صفر لا نكتب واحد لان اي مقدار اسه صفر = 1
يعني الاس مثلا ل س = 1
والاس ل ص = 1 بعد وهكذا :53:

طيب لو جاتنا المعادله بها الشكل


( 4م + ن )² <<<شايفين وين الاس فوق عرفت اكتبه :mh001:

نفكه شلون :g2:
هو 2 اوس 2 طيب بنفكه ونخلي كل واحد لحاله

( 4م + ن) ( 4م + ن) <<شايفين الاقواس مضروبين ببعض

هالحين نمسك الحد الاول بالقوس الاول وندخله على القوس الثاني ونبدا نضرب


راح نقول 4م × 4م = 16 م ² << ضربنا المعاملات اللي هي 4 × 4 وطلع = 16
وجمعنا الاسس وهي 1+ 1 وطلعت = 2

نجي نضربه هالحين بالحد الثاني اللي هو ( ن)
4 م × ن = 4 م ن <<بس لان الاساسات مختلفه مايصير شي ومعامل ال ن يساوي 1

بعدين نجيب الحد الثاني من القوس الاول ونضربه بالقوس الثاني

ن × 4م ن = 4 م ن
و

ن × ن = ن² <<الاساس ثابت ن والاسس تجمع فيصير 2


بتصير عندنا بها الشكل بالاخير

16 م² + 4 م ن + 4 م ن + ن² = 16 م² + 8 م ن + ن < اوس 2 طبعا رفض ينكتب فوق :bawling:

وفيه طريقه ثانيه للي يبغى وهي عباره عن مربع المقدار الاول + 2 × الاول × الثاني + مربع المقدار الثاني

وبص خلصنا الثانيه :53:



مخرج


لا تحسب ان دمعي نـزل دون سبّـه
ابكي من الفرقا وهـي مابعـد جـات


الـيـوم كــل امورنا..مستـتـبّـه
وبكره ماندري وش معه من مسـرّات

[عذبه المشاعر]

ماعرفت اكتب الاوس لكم فوق شلون انتو فاهمين ولا وش اسوي بالله :Cry111::mh12:

[الاء احمد حسن]

التحليل جابلي الهم

مافيه طريقه

اقدر احل فيها غير باالتحليل

الطبعا اقصد التحليل العادي

وكيف احل الفرق بين مكعبين

ياليت باالتفصيل

وجعله ربي في ميزان حسناتك

لاهنننننننت:mh318:

[عذبه المشاعر]

التحليل جابلي الهم

مافيه طريقه

اقدر احل فيها غير باالتحليل

الطبعا اقصد التحليل العادي

وكيف احل الفرق بين مكعبين

ياليت باالتفصيل

وجعله ربي في ميزان حسناتك

لاهنننننننت:mh318:

هلا عيوني تقصدين شلون يعني جيبي لي مثال اس مرفوع لاس او قوسين مضروبين ببعض
على فكره انا قاعده اقرى المحتوى واشرح بس :lllolll:

[leopard]

الله يوفقك مشكورة اختي:106:

[الاء احمد حسن]

اقصد


يعني

حلل

24ب ج ^4 +81 ب ^4 ج

ووو


3جذر <<< يعني جذر مكعب

3جذر 64 ص ^69

[غلا روحـي]

حل ع الفرق بين المكعبين اشرحوااا لي بليز طريقه الي بالاله ماافهمت :Cry111::Cry111::Cry111::Cry111::Cry111:

[غلا روحـي]

المجموع بعد المكعبين

[تركي عبدالله]

ابي شرح لاساس المتوالية 18 6 2:(107):

[ام العصافير]

في المحاضره الرابعه في تمرين اوجد قيمه ل التي تجعل المقدار س3 - 3س2 +5س +ل يقبل القسمه على س2 - س +3 مو راضيه تدخل المخيخ احد يتبرع بالشرح :cheese:

[maljahmi]

في المحاضره الرابعه في تمرين اوجد قيمه ل التي تجعل المقدار س3 - 3س2 +5س +ل يقبل القسمه على س2 - س +3 مو راضيه تدخل المخيخ احد يتبرع بالشرح :cheese:

ياخوان انا الان افهم مع الدكتور إلى المحاضرة 6 ولما اجرب نفسي نسيت كل شيء

ويش الحل مع المخ

[ام العصافير]

وينك ياعذبه دخيل الله اشرحي :24_asmilies-com: فيني نوووووووووووووووووووووووووم

[غلا روحـي]

طيب دروووس المتواليه كلهااا
عندي ع مرفق عندي بعد من 1 الى 14 حلووو مررره مو كثير

[tamoha]

في المحاضره الرابعه في تمرين اوجد قيمه ل التي تجعل المقدار س3 - 3س2 +5س +ل يقبل القسمه على س2 - س +3 مو راضيه تدخل المخيخ احد يتبرع بالشرح :cheese:



http://up.hh11hh.com/uploads/images/hh11hhcom-bd2aac67f8.gif (http://up.hh11hh.com/uploads/images/hh11hhcom-bd2aac67f8.gif)

سويت لك شرح اتمنى يفيدك

[منتسبهـ]

:mh318: لزآآم يسلمؤوؤ :106::106::106:
:love080::love080::love080:
:love080::love080:
:love080:

[هدى]

حبيبتي ممكن توضحي لي حلول هالمسائل ؟..

أوجد قيمة م التي تحقق المعادله (م_ 3) تربيع 2+ 2م_11=م تربيع 2 +م+13


.......................

المسأله الثانيه

أوجد قيمة س إذا كان (س+2) تربيع 2+8=(س_3)تربيع 2+7 س


..................

المسأله الثالثه
تحليل المقدار 36 ج تكعيب 3 د تكعيب3 _ 25 ج د ؟؟؟؟؟؟؟؟؟؟؟

[So0o0li ... }-]

طريقة اللوغاريتمات في الاله الحاسبة مثال
لو 125 للاساس 5
كيف نحسبها :(107):

1- نضغط على In
2-نضع الرقم الذي يلي الوغاريتم اللي هو 125
3-نضغط على اشارة القسمة ÷
4- نضغط على In مرة اخرى
5- نضع الاساس الي هو رقم 5
6-نضغط يساوي =
يعني
In 125 ÷ In 5 =3


بس
:53:
....................................



فائدة:
بالنسبة للتباديل :biggrin:
عند استخدام الالة الحاسبة - هناكا مفتاح - npr
1/ نضع 3
2/ نضغط على npr << الي مو موجود عنده بالاله لازم يحط shift بعدين ncr
3/ نضع 2
هذا الشكل الي رح يسير بالاله 3p2
4/ نضغط يساوي =
يعني
3p2 = 6
عدد الطرق =6

بس
:71:

دعوااتكم
:oao:
وفاالكم الفل ماارك
:(204):

[ميرامار]

الي عنده اي طريقه بالحاسبه يحطها لنا

عوافي ع الشرح

[أقرب الناس]

لا خلا ولا عدم

سؤال أتمنى الإجابة لو سمحتوا :)

......................................

س = -1 ص = 2 ع = -3

3 س ع + 5 س ص - 2 ع ص

3 (-1) (-3) + 5 (-1) (2) - 2 (-3) (2)
= 9 - 10+12
= 11

السؤال لماذا تم كتابة - 10 ولم نكتب + 10

[فارس740]

لا خلا ولا عدم


سؤال أتمنى الإجابة لو سمحتوا :)

......................................

س = -1 ص = 2 ع = -3

3 س ع + 5 س ص - 2 ع ص

3 (-1) (-3) + 5 (-1) (2) - 2 (-3) (2)
= 9 - 10+12
= 11


السؤال لماذا تم كتابة - 10 ولم نكتب + 10


الدنيا سهلة بس نفهمها

في قاعدة في الضرب تقوول

اذا تشابهة الاشارات عند الظرب يكون ناتج الاشارة موجب
يعني -*- = + & +*+ =+

واذا اختلفت الاشارات عند الضرب يكون الناتج الاشارة في السالب هكذآ

-*+=- & +*- = -


اتمنى وضحت الفكرهــ :mh318:

[أقرب الناس]

يسلم رأسك أستاذي فارس

الله يعطيك العافية يا بعدي

بيض الله وجهك :)

[فارس740]

يسلم رأسك أستاذي فارس


الله يعطيك العافية يا بعدي


بيض الله وجهك :)


الله يسلمك ياطويل العمر

ووجهك ابيض اي خدمة حاضرين :106:

[AZIZ999]

مشكورين على الشرح واصلوا

[آسـfـف]

طيب من يقدر يحل المسئلة هذي :(107):

أوجد قيمة لـو100 – لـو10 – لــو0,001

[abo khaled]

طيب من يقدر يحل المسئلة هذي :(107):



أوجد قيمة لـو100 – لـو10 – لــو0,001


حسب علمي المتواضع تعملها بالاله الحاسبه

اضغط log ثم ادخل الرقم ثم = تطلع الاجابه

[الشريف العماري]

طيب من يقدر يحل المسئلة هذي :(107):

أوجد قيمة لـو100 – لـو10 – لــو0,001

بالاله من اليسار لليمن

log 100 - log 10 - log 0.001
يطلع الناتج 4

بالطريقة العادية
لو 100 = لو 10^2 = 2 لو 10 = 2 * 1 = 2 (طبعا لو 10 دايما يساوي 1)
لو 10 = 1
لو 0.001 = لو 10^-3 = -3 لو 10 = -3 * 1 = -3
نعوض الحين في المعادية
لو 100 - لو 10 - لو 0.001
(2) - (1) - (-3)
2 - 1 + 3 = 4

[abo khaled]

برافو عليك يالشريف انا اسف راح بالي على حل لو واحد فقط ونسيت انها لو ولو ولو

تحياتي الحلوه للجميع

[abo khaled]

طالبكم ماتقولون لا تكفون

عندي مسأله مافهمتها

المتواليات الله لايولينا الوال المسرف

في المتواليه 11،7،3
الحد الخامس
ح5 = أ + 4د
= 3+4*4=19
ابي اعرف الاربعه الاولى والثانيه من وين جت؟؟؟

[آسـfـف]

يعطيك العافيه يا الشريف العماري وانت بعد يا ابو خالد

بس انا عجزت عنها في الحاسبه ما ضبطة معاي ما ادري وش الاسباب

[abo khaled]

يعطيك العافيه يا الشريف العماري وانت بعد يا ابو خالد

بس انا عجزت عنها في الحاسبه ما ضبطة معاي ما ادري وش الاسباب

يعافيك ربي ياخوي كيف ماضبطت معك؟؟ اذا الاله من نوع fx 991es تبي تضبط معك لكن فيه ملاحظه بسيطه الي هي لازم تقفل القوس مثال

لو 100- لو 10- لو 0,001

لوق 100 بعدين تقفل القوس ناقص لوق 10 بعدين تقفل القوس ناقص لوق 0،001 = 4

اتمنى اني افدتك

[لبى روحكـ]

انا حلوة معي الرياضيات بس محاضرة 4 الجزء 2
ايجاد خارج قسمة مقدار جبري كثير حدود ع مقدار جبري كثير حدودو

ياليت احد يشرح لي لاني تركتها ونقزت للمحاضرة الي بعدها :(269):

[الشريف العماري]

انا حلوة معي الرياضيات بس محاضرة 4 الجزء 2
ايجاد خارج قسمة مقدار جبري كثير حدود ع مقدار جبري كثير حدودو

ياليت احد يشرح لي لاني تركتها ونقزت للمحاضرة الي بعدها :(269):


الشرح في المرفق ان شاء الله يكون واضح

[لبى روحكـ]

الشرح في المرفق ان شاء الله يكون واضح

:d5:


يعطيك الف عااافية وانا من امس وانا احوس

اغصون الجنة يارب&
A+

[فارس740]

بالاله من اليسار لليمن

log 100 - log 10 - log 0.001
يطلع الناتج 4

بالطريقة العادية
لو 100 = لو 10^2 = 2 لو 10 = 2 * 1 = 2 (طبعا لو 10 دايما يساوي 1)
لو 10 = 1
لو 0.001 = لو 10^-3 = -3 لو 10 = -3 * 1 = -3
نعوض الحين في المعادية
لو 100 - لو 10 - لو 0.001
(2) - (1) - (-3)
2 - 1 + 3 = 4

:d5:

[فارس740]

طالبكم ماتقولون لا تكفون

عندي مسأله مافهمتها

المتواليات الله لايولينا الوال المسرف

في المتواليه 11،7،3
الحد الخامس
ح5 = أ + 4د
= 3+4*4=19
ابي اعرف الاربعه الاولى والثانيه من وين جت؟؟؟

لبى قلبك يابو خالد بس هذا الي معقدك ان شاء الله اشرحها لك ومعها وردة وش تبي بعد :106::mh318:

القانون يقول ياطويل العمر

ح ن = أ + ن-1 *د

ح ن هــي الحد الخامس < الحـين اوكـ مافـي مشاكل

أ هـي العنصر الاول فـي المتوالية الي هـي 3 < هذي اوكـ

ن-1 هــي الرقم المطلوب الي هو 5 ونقص منه واحد لان الواحد عامل ثابت في القانون < يطلع 4 الحـين عرفنا من وين جت الاربعه الاولى

طيب د هــي الرقم الي تعرف منه هل هي عددية او حسابية

طبعآ هـي عددية كيـف عرفنا ..؟

لما تقول 7-3 =4 ولما نقول 11-7 = 4 < كذا يدل على انها عددية

الحسابية تكون 7/4 = صعب مو اوك . او 11/ 7 = موعدد حلو عرفت كيـف لان الفرق مو ثابت بينهم

بس انتبه لما تبي تجيب د لزم تطرح العنصر الثاني من الاول

والعنصر الثالث من الثاني مو تجيب العكس


وبرضو في القسمة

اتمنى وضحت الفكرهـ لك :mh318:

لاتنسى من دعائك :106:< وردة هدية

[عذبه المشاعر]

رجعت سوري امس قطع اتصالي وتو اليوم اضبطه :Cry111:

الحين راح ابدا

[فارس740]

^^ متابعين بصمت :mh318:

[maljahmi]

ممكن احد يشرح لنا المحاضرة الثامنة اللوغاريتمات

الله يوفقكم وله افضل دعوة واحسن تقييم

[عذبه المشاعر]

\\ المحاضره الثالثه \\

تابع حل تمارين على ضرب المقادير الجبريه <<كذا موجود بالمحتوى

فيه حاله شاذه لضرب المقادير الجبريه حصلتها طبعا عرفنا كلنا ان في ضرب المقادير الجبريه الاساست تبقى ثابته والاسس تجمع :g2:

طيب لو طلع لنا الناتج بالاخير بها الشكل وش الحل ؟
http://www8.0zz0.com/2011/06/04/12/284341538.jpg (http://www.0zz0.com)


ملاحظين ان اس 3 كان -1

طبعا لازم نحول الاس (-1) الى موجب شلون نحولها لقسمه عشان يصيرموجب وبس قلبنا ال 3 اس ( -1) الى كسر وخلينا (-1) مقام والمهروف ان كل عدد له مقام وهو ال (1)

مثلا مقام العدد 4 = 1 وهكذا لاي عدد

باختصار نشقلب ال 3 اس ( -1) ونغير اشاره الواحد الى موجب :biggrin::53:

وهاذي مسئله حصلت الدكتور حاطها قلت اجيبها واشرحها
http://store2.up-00.com/May11/KZ892961.jpg (http://www.up-00.com/)

1\ قال مربع الاول يعني نفك التربيع ونخلي كل قوس لحاله
2\ بعدين + 2 << نجمعها مع 2 وال2 هنا ثابت لانها بالقانون
3\ نضرب ال 2 بالحد الاول اللي بالقوس وبعد نضربها بالحد الثاني
4\ + مربع الثاني <<يقصدون الحد الاخير نخليه تربيع وهو ط

وبس :(269):

هالحين بدخل بالمحاضره الجايه بقسمه المقادير الجبريه ثواني بس

[عذبه المشاعر]

تابع المحاضره الثالثه \\


قسمه المقادير الجبريه

بالبدايه لازم نتعرف على قاعده الاشارات بقسمه المقادير الجبريه وهي هاذي :g2:

http://store2.up-00.com/May11/qzm93836.jpg (http://www.up-00.com/)

طيب بجيب قاعده بعد ثانيه وهو ان صفر قسمه اي عدد كان تساوي صفر

صفر
ــــــــــ = صفر
اي عدد

وبعد حاجه ثانيه صفر \ صفر = ما لانهايه

وبعد صفر \ صفر = كميه غير محدوده

وبعد حاجه اضافيه من عندي
اي عدد تقسيم نفسه = 1

مثلا 3 \ 3 = 1 وهكذا :(204):


طيب نجي للقسمه الحين بالضرب قلنا الاساسات تقعد ثابته ونجمع الاسس صح معي يله فتحو وين نمتو :41jg:

القسمه العكس اذا اتحدت الاساسات نطرح الاسس

وهذا مثال لكم \

http://store2.up-00.com/May11/o1E94338.jpg (http://www.up-00.com/)

طيب لو جابها طويله شوي المعادله نرتبها بشكل افقي ال سينات مع بعض والصادات مع بعض ونحل مايبي لها :lllolll:

زي كذا

http://store2.up-00.com/May11/MeS94529.jpg (http://www.up-00.com/)

الحين نجي لقسمه كثيرات الحدود وكثير خايف منها مدري ليه :hahahahahah:

http://store2.up-00.com/May11/C2L95571.jpg (http://www.up-00.com/)

لاحظو انحن وحدنا المقامات مسكنا الحد الاول وحطينا مقامه ن والحد الثاني وهكذا ..,:g2:

طيب راح اجيب مثال من المحتوى بعد ومحلول وراح اشرحه
http://store2.up-00.com/May11/GV295774.jpg (http://www.up-00.com/)

هالحين مسكنا الحد الاول بالصف العلوي ووحدنا مقامه على ع اس 2 وم اس 2
مثل ما شايفين نجي الحين بعد الترتيب نحل

تذكرون قبل كيف كنا نرتبها افقي وبعدين نحل الله عليكم كذا :53:

ال ع مع بعض وال ميم مع بعض وبما انها قسمه راح نطرح الاسس وبس

فهمتو ولا شلون




تمت بحمد الله <<<تقلد الدكتور يله جاري التحميل للرابعه دعواتكم لبا قلوبكم

[قمر الرياض]

جزاكم الله الف خير
ان شاء الله في ميزان حسناتكم

[عذبه المشاعر]

\\ المحاضره الرابعه \\


مافيها شي جديد قسمه كثيرات الحدود وعرفنا الطريقه بالمحاضره اللي قبل

جبت لكم الجديد فيها وهو القسمه المطوله راح اشرحها هذا المثل


إذا كا حاصل ضرب مقدارين جبريان هو 2 س 2 – 9 س ص - 5 ص 2
وكان احد المقداران هو 2 س 2 – 5 ص اوجد المقدار الاخر ؟

http://store2.up-00.com/May11/JjL97444.jpg (http://www.up-00.com/)


القسمه المطوله عشان نحله راح نجيب الحد الاول اللي هو س ونفكر وش نضربه فيه عشان يعطينا 2 س 2<< طبعا بديهيا س لو ضربناها في (2 س) بيطلع 2 س 2 <<لان شايفين كيف
جبنا قيمه قدرنا نجمع فيها الاسات

واشاره القسمه طبعا -

بعدين ننزل القيمه 2 س 2 مثل ماهي ونبدا نحلل اللي وراها وهو – 9 س ص - 5 ص 2 <<لاحظو اني جبت الاشاره السالبه اللي قبل ال 9

نجي نحلها طبعا (-9 -5) = +10 <<لان - و - = + <<حسب قاعده الاشارات

طيب خلصنا من الاعداد نجي للسينات والصادات السين مافيه الا واحد اذا ننزله مثل ماهو
يبقى الصادات وهي 2 وعندنا الاشاره قسمه نطرح الاسس زي ماعرفنا قبل :g2:

طبعا نرجع الا 2 س 2 تروح مع - 2 س 2 يبقى لنا القسم اللي بعده وهو

نجي نحلله راح نقول – 9 س ص - 10 س ص <<يروح منها 1 وتصير س ص

وننزل الطرف الاخير اللي هو - 5 ص 2 <<مثل ماهو باشارته السالبه طبعا

طيب نجي الحين نحلل طيب وش القيمه اللي اذا ضربناها في ( س ) تعطينا س ص <<اكيد ص

اذا يصير خارج ا لقسمه يساوي 2س + ص

وندخل ال ص راح نقول س× ص = س ص بالنسبه للحد الاول
و -5ص × ص = -5 ص 2<<اس 2 << بالنسبه للحد الثاني


واذا كملنا تطلع نهايه القسمه اصفار طبعا وبس :53:


فهمتو ولا شلون :mh12: <<لايكوني مدرسه داجه بس


وبس ماباقي شي بها المحاضره كلها نفس اللي قلته انا جبت لكم مثال ولا هو حاط امثله كثير بس نفس طريقه الحل ترى

[عذبه المشاعر]

اكمل فاهمين علي ولا اطس ترى عادي روحي رياضيه :lllolll:

[منتسبهـ]

بالاله من اليسار لليمن

log 100 - log 10 - log 0.001
يطلع الناتج 4

بالطريقة العادية
لو 100 = لو 10^2 = 2 لو 10 = 2 * 1 = 2 (طبعا لو 10 دايما يساوي 1)
لو 10 = 1
لو 0.001 = لو 10^-3 = -3 لو 10 = -3 * 1 = -3
نعوض الحين في المعادية
لو 100 - لو 10 - لو 0.001
(2) - (1) - (-3)
2 - 1 + 3 = 4



مارضت تصير معي :Cry111:

[قمر الرياض]

جزاك الله خير
انتي القائده ونحن خلفك
بس لا تغلطين نفس غلطتي واتذاكرين من الاول وتنظغطين ويروح الوقت ومايمدي تذاكرين المحاضرات الاخير واغلب الاسئله منها وجبت العيدين :41jg:

[عذبه المشاعر]

اللهم امين مشكوره يالغلا باذن الله اخلص قبل الساعه 12

[الشريف العماري]

مارضت تصير معي :Cry111:

يمكن يختلف طريقة الحل من حاسبة لحاسبة
انا الاله الحاسبة اللي عندي نوع fx-82MS
وكلمة لو في الالة (log)

[منتسبهـ]

كملي تكفين انا معك ,, ومعتمده عليييكـٍ:Cry111:

[أحمد169]

كيف أطلع عدد حدود المتوالية

[عذبه المشاعر]

\\ المحاضره الخامسه \\


المحتوى يوم دخلته حصلت بدايته هالمحاضره تمارين للمحاضره اللي قبل عشان كذا بنقوووول


هوباااااااااااا للجديد بها المحاضره :53: <<ترى الدنيا عوافي لا تخافون واذا ما حلينا عادي ترى قسم :000:


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ


تحليل المقدار الجبري

لها طرق وهي الآتي :
.\ العامل المشترك
\ الفرق بين مكعبين
\ الفرق بين مربعين
\مجموع المكعبين
\تحليل المقدار الثلاثي


نجي للطريقه الآولي وهي العامل المشترك وهي جدا بسيطه وعلى اسمها نأخذ مثال

حلل المقدار \ 5 س ص + س 2

الحل : انتو ملاحظين ان العامل المشترك بين الحد والاول شنو :g2:

ال س عشان كذا راح نحلله ونآخذ ال س برى كعامل مشترك ويصير الجواب

س( 5 ص + س)

ليش اخذنا من الحد الاول س وحده وما بقى شي واخذنا من الحد الثاني بعد س وبقت لنا س وحده

اللي بعده هوباااا

الطريقه الثانيه وهي

الفرق بين مربعين
وهم يقصدون بالفرق بين مربعين يعني اذا كانت عندنا مقادير من الدرجه الثانيه وبينها اشاره سالبه

قانونها هو \ ( الجذر التربيعي الآول - الجذر التربيعي ) ( الجذر التربيعي الآول + الجذر التربيعي الثاني )

مثال \
س2 + ص2 = ( س - ص) ( س + ص) <<شايفين حللنا التربيع لقوسين واحد منها بالاشاره السالبه والثاني بالاشاره الموجبه

طيب نجيب مثال اقوى شرايكم :g2:

25 س2 - ص2 = ( 5 س - ص) ( 5 س + ص)

المعروف ان الجذر التربيعي للعدد 25 = 5 اذا ناخذ خمسه هنا وخمسه هناك :53:

طيب بعد مثال اقوى شوي

لو كان عندنا مقدارين مثلا

64 س3 - 4 س ص 2 = مركزين عندنا مقدارين اللي هم 64 و 4
لازم نأخذ واحد منها عامل مشترك وشي طبيعي راح نأخذ ال 4 لانه الصغير الكتكوت :mh318:
وراح نآخذ ال 4 بالسين اللي وراها لانها العامل المشترك بالحدين

نقول 4 س ( 16 س 2 - ص 2) << شايفين اخذنا سين عامل مشترك وصارت 64 س3 = 64 س2 والحد الثاني بقى منه ص 2


بالنسبه لل 16 راح اقول لكم من فين جات الحين بما ان 4 عامل مشترك اذا لازم نجيب القيمه اللي اذا ضربناها في 4 تعطينا 64
بتطلع 4 × 16 = 64 وناسه
خلاص الحين 4 س << ثابته ما نغيرها نجي نحلل اللي بين الاقواس بطريقه الفرق بين مربعين

ونعرف ان الجذر التربيعي للعدد 16 = 4
اذا يصير الحل النهائي بها الشكل

4س ( 4س - ص ) ( 4س + ص ) وبس




تمت بحمد الله جاري للمحاضره السادسه :71:

[عذبه المشاعر]

للمعلوميه الامثله من المحتوى يعني حتى الحل صحيح 100% لا تخافون بس انا شرحت لكم :(204):

[عذبه المشاعر]

كملي تكفين انا معك ,, ومعتمده عليييكـٍ:cry111:
ابشري ابشري ليه الخوف يا شيخه الدنيا عوافي :53:

[سبايب جنوني]

بليييييز هيلب مي :icon9:

انا من جنبها مو عارف شي بالرياضيات..

[عذبه المشاعر]

بليييييز هيلب مي :icon9:

انا من جنبها مو عارف شي بالرياضيات..


طيب شفت المحاضرات فهمت شي ولا لا خبرني :mh12:

هونها قسم بالله اهم شي نعدى ترى لان العقول تقفل بعد الصفحه 7 اسئلوني :biggrin:

[رآيقـــہ ●≈]

ععذبه لبآتس ي بنت

ي لييت تشرحي لي تحليل آلمقآدير آلجبرييهه :000:<<ممره حآيسسن آلشي ذذآ :icon9:

لـآتخآفيين آذآ تنحت بشي برجع لتس مرتن ثآنييه :hahahahahah::hahahahahah:

[سبايب جنوني]

طيب شفت المحاضرات فهمت شي ولا لا خبرني :mh12:

هونها قسم بالله اهم شي نعدى ترى لان العقول تقفل بعد الصفحه 7 اسئلوني :biggrin:


والله ياخوك انا بصراحه اكثرمن اربع سنوات ما حليت مسألة رياضيه .. [ أدبي ]


أكره شي اسمه الرياضيات .. وجنبي الملخصات والمحاضرات عندي بس مو فاهم شي فيها..

فزعتك يا بعدي..:106:

[إسلامو]

ابي شرح الوغوراتميات كله مالي فاهم شي

[najwa]

الحين لما يحددون الرقم اللي تحت في اللوغاريتمات ويساوي كم انا اعرف اطلعه

بس لما يكون المجهول هو اللي تحت كيف اطلعه:Cry111:

[اثير سليمان]

فيه سؤال جا في الواجب ماعرفت احله

اللي يقول اوجدي مفكوكه

(2س - 3 ) اس 2

الحل

4س^2 -12س + 9

[عذبه المشاعر]

\\ المحاضره السادسه \\

نفس الشي بدايتها كانت تمارين للمحاضره اللي قبل وفهمتكم انا شلون نحلها يعني
شنو



يعني هوووووووووووووووووووووووووووبا للي بعده

\ الفرق بين مكعبين << من طرق تحليل المقادير الجبريه بعد

وهي من اسمها تكعيبيه يعني اس 3 وبما انها فرق يعني الاشاره سالبه
نجيب قانونها

( جذر الاول - الجذر الثاني ) ( مربع الاول + جذر الاول × جذر الثاني + مربع الثاني )

مثال \

س 3 –ص 3 =( س- ص ) اول خطوه طلع هيك ناتجها ليش راح اقولكم ليش لانه رجوعا للقانون هم قالوا ( الجذر الاول - الجذر الثاني )

هالحين الجذر الاول س3 عباره عن ايش عباره عن س× س× س = س
لان 1 × 1 × 1 = 1
ونفس الشي بالصاد

ننتقل للخطوه الثانيه
قال مربع الاول يعني شنو يعني نخليه اس 2 + جذر الاول × جذر الثاني يعني س × ص طيب + مربع الثاني اللي هو ص2

الحل النهائي طبعا راح يكون ( س- ص) ( س2 + س ص + ص 2)

وبس :53:

طيب نجي للطريقه اللي بعدها وهي مجموع مكعبين من آسمها مجموع يعني بينها اشاره موجبه ومن الدرجه الثالثه

تحليلها بها الشكل لها قانون نفس اللي قبلها بس الاشارات راح تختلف
( جذر الاول + الجذر الثاني ) ( مربع الاول - جذر الاول × جذر الثاني + مربع الثاني )

طيب بجيب لكم معادله قويه شوي :biggrin::33_asmilies-com:
64 أ 3 + 125 ب 3 = نجي نحللها الى قوس صغير وقوسين كبار

طيب القانون يقول جذر الاول حبه حبه على قلبي حبه حبه :(269):

جذر الاول يعني نحلل 64 وناخذ جذرها التكعيبي راح يطلع 4 ليش لان الله مير يسلمكم 4 × 4 × 4 = 64
طيب و أ3 راح تقولون وهو ليش مثل س قلنا لو ضربنا أ × أ × أ = أ يبقى أ يصير اذا جذر الاول يساوي 4 أ <<قسم شوفو وش حليله :g2:

نجي لجذر الثاني بنفس الطريقه راح يطلع عندنا ان جذر ال 125 = 5 لان 5×5× = 125 و ب3 عرفنا شلون مايحتاج اعيد صح :017:

طيب نجي الحين للقوس الكبير را ح نقول مربع الاول يعني 64 وش العديدن اللي اذا ضربناهم ببعض يطلع عندنا اكيد 16 × 16 = 64 طيب ونربع ال أ <<لانه طلبنا نربع ماقال هاتي الجذر

طيب اللي بعده قال جذر الاول × جذر الثاني <<جبنا الجذور فوق نروح نضربها ببعض ونزلها
تصير هيك ( 20 أ ب ) <<عرفتو من فين جات ال 20 4 × 5 = 20

طيب مربع الثاني وش يسوي طبعا 25 × 25 = 125 اذا راح يكون 25 وب2 <<نربعها بعد

والشكل النهائي لها بها الشكل

(4 أ + 5 ب) ( 16 أ 2 - 20 أ ب + 25 ب2 ) وبس :mh001:




تمت بحمد الله يارب اكون توفقت بالشرح :g2:

[عذبه المشاعر]

المعذره منكم جميع ادري ان متأخره كثير

بس للي يبون اللوغريتمات احب اطمنهم انها بسيطه جدا فوووق ما تصورون لا تخافون :biggrin:

[عذبه المشاعر]

فيه سؤال جا في الواجب ماعرفت احله

اللي يقول اوجدي مفكوكه

(2س - 3 ) اس 2

الحل

4س^2 -12س + 9


مايبي لها يا بعدي قسم شوفي هو قال فكيها

(2س - 3 ) اس 2



حلها بها الطريقه قال (مربع الاول - الحد الاول × الثاني + مربع الثاني )

يله نسويها مربع الاول (2 س) = 4 س2 <<اس طبعا

طيب الاول بالثاني = 2س × (-3) = -12 س :(204):

طيب مربع الثاني = 3 تربيع = 9



وبص قسم :53:

[الشريف العماري]

فيه سؤال جا في الواجب ماعرفت احله

اللي يقول اوجدي مفكوكه

(2س - 3 ) اس 2

الحل

4س^2 -12س + 9


الحل احفظ القانون هذا لحل اي معادلة من حدين والكل تربيع اي اس 2

(2س -3)^2

القانون = ( مربع الاول + 2 في الاول في الثاني + مربع الثاني)
القانون = ( 4 س ^2 + 2 * 2 س * (-3) + (-3) ^2)
= 4 س^2 - 12 س + 9

[قمر الرياض]

الله يعافيك حلى لي هذي :g2:
اذا كان س +2 تقسيم س +2 = 2 تقسيم 11
فان قيمه س =

[اثير سليمان]

الحل احفظ القانون هذا لحل اي معادلة من حدين والكل تربيع اي اس 2

(2س -3)^2

القانون = ( مربع الاول + 2 في الاول في الثاني + مربع الثاني)
القانون = ( 4 س ^2 + 2 * 2 س * (-3) + (-3) ^2)
= 4 س^2 - 12 س + 9

مايبي لها يا بعدي قسم شوفي هو قال فكيها

(2س - 3 ) اس 2



حلها بها الطريقه قال (مربع الاول - الحد الاول × الثاني + مربع الثاني )

يله نسويها مربع الاول (2 س) = 4 س2 <<اس طبعا

طيب الاول بالثاني = 2س × (-3) = -12 س :(204):

طيب مربع الثاني = 3 تربيع = 9



وبص قسم :53:



اي الله يجزاكم خير

انا مذاكرتها صح كل المسائل بس اذا جيت احل اتلخبط بالقوانين للاسف

ولا الطريقه جدا بسيطه مافيها اي تعقيد

[ومض]

يعطيك العافية انت والاخوان اللي افادونا ..


بس الافضل يكون الشرح للمهم والشي الصعب حتى الكل يستفيد وماتتأخري انت بالمذاكرة


ياليت تساعدونا بطريقة اختصار الجذور بالاله ضروري اذا امكن

مثل المعادلة اللي بالصوره

[مطلق الثبيتي]

عندي كم إستفسار الله لا يهينكم ،،،

* كيف آعرف نوع المتوالية : هندسية ، عددية ، ذات حدين ؟؟؟

*السؤال الخامس في نموذج d
بكم طريقة يمكن جلوس اربعة اشخاص على خمس مقاعد
في الجواب حاطين ٤ ل ٣ وش المقصود بـ ل ومن وين جابوا ٣ ؟؟؟

*السؤال الثامن في نموذج d
قيمة المقدار ٢ ك + لَ ... وشي الشرطة اللي فوق اللام =(لَ)
ابي اعرف كيف صار الحل بالطريقة ذي !!!؟

*السؤال العاشر في نموذج d
قيمة المقدار ٥ل أس -١
مش المفروض نضرب في خمسة !!!؟http://www.ckfu.org/vb/images/shrqwea/%28107%29.gif

[عذبه المشاعر]

الحل احفظ القانون هذا لحل اي معادلة من حدين والكل تربيع اي اس 2

(2س -3)^2

القانون = ( مربع الاول + 2 في الاول في الثاني + مربع الثاني)
القانون = ( 4 س ^2 + 2 * 2 س * (-3) + (-3) ^2)
= 4 س^2 - 12 س + 9



الله يعطيك الف عافيه صحيح اجابتك و + 3 يروح مع - 3 لاهنت بيض الله وجهك :106:

[اثير سليمان]

عندي كم إستفسار الله لا يهينكم ،،،

* كيف آعرف نوع المتوالية : هندسية ، عددية ، ذات حدين ؟؟؟

*السؤال الخامس في نموذج d
بكم طريقة يمكن جلوس اربعة اشخاص على خمس مقاعد
في الجواب حاطين 4 ل 3 وش المقصود بـ ل ومن وين جابوا 3 ؟؟؟

*السؤال الثامن في نموذج d
قيمة المقدار 2 ك + لَ ... وشي الشرطة اللي فوق اللام =(لَ)
ابي اعرف كيف صار الحل بالطريقة ذي !!!؟

*السؤال العاشر في نموذج d
قيمة المقدار 5ل أس -1
مش المفروض نضرب في خمسة !!!؟http://www.ckfu.org/vb/images/shrqwea/%28107%29.gif


المتواليه العدديه اللي يكون الفرق بين الارقام ثابت مثل
2-5-8-11

فلو لاحظت 5-2=3
8-5=3
11-8=3

فهذي تعتبر متواليه حسابيه و 3 تعتبر اساس المتواليه اللي يشار لها بحرف د



السؤال الثاني بالاله حله بسيط

الرقم الاكبر دايم يكون قبل ل يعني
5 لو 4

بالاله اكتب 5 ثم اضغط على زر log ثم 4 وعلى طول = ويطلع الحل


الثالث سهل بعد

الشرطه يعني اذا عندنا مصفوفه مثل هذي

2 5
-1 4

الرقم 2 و 4 نبادل بمكانهم طيب

اما الرقم -1 و 5 نبادل بالاشارات فقط

فيصير

4 -5
1 2



اما 2 ك >> فيقصد جميع مصفوفه ال (ك ) تنضرب بـ 2


مثل لو ك كان يساوي

2 3
4 6

بعد ما نضربها
2×2 3×2
4×2 6×2

يطلع معانا
4 6
8 12

بعد ما طلع المصفوفات تجمعهم مع بعض كلن على حسب مكانه مثل

4+4 6+(-5)
1+8 2+12

الحل
8 1
9 14

[عذبه المشاعر]

\\ المحاضره السابعه \\


تابع طرق تحليل المقادير الجبريه

تحليل المقدار الثلاثي اخر الطرق :53:

شكل المعادله

أس 2 + ب س + ج

نحللها طبعا الى قوسين ولكن الفرق بآن التحليل الثلاثي يتوقف عند حالتين وهي

1\ اشاره الحد الثالث اذا كانت موجبه
2\ اشاره الحد الثالث اذا كانت سالبه


طيب اذا كانت الحاله الاولى وكانت اشاره الحد الثالث موجبه شلون نحل :g2:

خطوات الحل
1\ حاصل ضربهما = الحد الثالث
2\ اشارتهما متشابهه نفس اشاره الحد الاوسط
3\ مجموع حاصل ضرب الطرفين = الحد الاوسط

نجي نطبق على مثال
س 2 + 5 س + 6

طيب نجيب عددين حاصل ضربهم = الحد الثالث اللي هو 6 طبعا 2× 3 = 6 والخطوه الاولى مرتبطه بالاخيره لانه قال هالعددين المضروبين لازم يكون حاصل جمعهم = الحد الاوسط يعني 5
وفعلا 3+ 2 = 5
خلصنا اول خطوه الثانيه قال
اشارتهم نفس اشاره الاوسط يعني +

وتصير شكلها بها الشكل ( س+ 2) ( س+ 3)

مثال ثاني اقوى شوي :biggrin:
ص 2 – 10 ص +1 2=

نجي نشوف عددين حاصل ضربهم يساوي الحد الثالث طبعا 7 × 3 طيب وحاصل جمعهم = الحد الاوسط وركزو ان الحد الاوسط = -10

نجي نجمع 7 + 3= 10 اوكيه كذا تمام :(204):

نجي لاشارته لازم تكون نفس اشاره الحد الاوسط يعني - اذا 10 راح = - الاشاره اللي راح نستخدمها

وبيصير شكلها النهائي

(ص -3) ( ص- 7 )


جاري اللي بعده :53:

[.M.]

ممكن احد يفهمني حل الحد الخالي بطريقة سهلة

مثلا اوجدي الحد الخالي من س في مفكوك (س2 -1/س )9

<<ماطلعت عدلة اخذوها كتابية :hahahahahah:
سين تربيع ناقص واحد على سين لكل اس 9

المهم احد يفهمني باقرب وقت تكفوون :mh12:

[مطلق الثبيتي]

المتواليه العدديه اللي يكون الفرق بين الارقام ثابت مثل
2-5-8-11

فلو لاحظت 5-2=3
8-5=3
11-8=3

فهذي تعتبر متواليه حسابيه و 3 تعتبر اساس المتواليه اللي يشار لها بحرف د



السؤال الثاني بالاله حله بسيط

الرقم الاكبر دايم يكون قبل ل يعني
5 لو 4

بالاله اكتب 5 ثم اضغط على زر log ثم 4 وعلى طول = ويطلع الحل


الثالث سهل بعد

الشرطه يعني اذا عندنا مصفوفه مثل هذي

2 5
-1 4

الرقم 2 و 4 نبادل بمكانهم طيب

اما الرقم -1 و 5 نبادل بالاشارات فقط

فيصير

4 -5
1 2



اما 2 ك >> فيقصد جميع مصفوفه ال (ك ) تنضرب بـ 2


مثل لو ك كان يساوي

2 3
4 6

بعد ما نضربها
2×2 3×2
4×2 6×2

يطلع معانا
4 6
8 12

بعد ما طلع المصفوفات تجمعهم مع بعض كلن على حسب مكانه مثل

4+4 6+(-5)
1+8 2+12

الحل
8 1
9 14



والله والله انلحس مخي :71:

الحين وشسمة

حليت المثال اللي انتي قلتية بالزبط وطلع زي حلك بالزبط ورحت وحليت سؤال ٨ بناء على شرحك وطلع خطأ

آنتي متاكدة لَ يعني لو كانت كذا

٣ -٢
٤ -١

تصير

-١ ٢
-٤ ٣


لأني سويت كذا وما زبطت :(107):


وبرضة جربت بالآلة حطيت ٥ بعدين لو ٤ بعدين = طلع الناتج ٤


ويعطيك العافية بالنسبة للتوضيح الاول

[عذبه المشاعر]

تابع المحاضره السابعه ...\

درس الاسس

عرفنا احنا قبل آن
في حاله الضرب اذا اتحدت الاساسات نجمع الاسس

وفي حاله القسمه اذا اتحدت الاساسات نطرح الاسس


نجيب مثال

http://store2.up-00.com/May11/x0y18007.jpg (http://www.up-00.com/)

طبعا ملاحظين انها قسمه ياعيني عليكم بس بعد ما لاحظتو انها ضرب :sdfgdsf:

الحين عندنا بالبسط كم عين وكم ن :(107):
عندنا ع 5 وبعد عندنا ع 4 وعندنا ن 3

طيب بالضرب قالوا اذا اتحدت الاساسات نجمع الاسس نجي نجمع الاسس طبعا اسس ال عين بس

5 + 4 = 9 وصارت ع 9 <<اس
ون 3 تنزل مثل ماهي يا حليلها

طيب المقام بنفس الطريقه ن ثابته ونجمع الاسس تصير بها الشكل 2+ 3 = 5

ينزل ال ع 2 مثل ماهو

طيب الحين رتبنا شكلها وصارت قسمه نرجع لقانون القسمه وان اذا اتحدت الاساسات في القسمه نطرح الاسس ونطرح اللي فوق من اللي تحت وبس

يعني ال ع 9-2 = ع 7
ون2-5 = ن -3

خلصنا ـــــــــــــــــــــــــــــــــــــــــــــــــ: (204):

موضوع ثاني وهو قوانين للآسس
http://store2.up-00.com/May11/NaW18715.jpg (http://www.up-00.com/)

بمعنى ان اي قوه ترفع لقوه اخرى نضربهم ببعض وبص :lllolll:

طيب اذا كانت القوه اللي مرفوعه لها - اشارتها سالب طبعا اتكلم عن القوه اللي برى القوس وش نسوي بها الحاله

مثال (س5)-1 <<مرفوع لآس -1

الحل نقلبها عشان نحولها لموجبها نقول
1
ـــــــــــــ
س 5

http://store2.up-00.com/May11/Fl419465.jpg (http://www.up-00.com/)

شايفين طبعا انهم دخلو الاس على كافه الحدود وضربوها على المقام والبسط بعدين نجي نرتبها

طبعا نجيب تكعيب 2 بما انه 2اس 3 اذا = 2×2×2 = 8 والباقي ينزل مثل ماهو أ 3 وينزل ب9
والبسط يصير 27 ليش لان مفكوك 3 اس 3 = 3× 3× 3 = 27 والباقي ب3 وينزل أ 6

طيب نرتب بشكل افقي ونخلي الارقام على شكل كسر ومثل ماعرفنا اذا اتحدت الاساسات نطرح الاسس ونطبق وبس :(204):


جاري اللي بعده :33_asmilies-com:

[عزيّـز]

انلحس مخي من جد :(


الاستاذة عذبة المشاعر
ما قصرتي الله ييسعدك يا شيخه شروحاتك صحيح منسمه ههههههه بس رايقة ماشالله عليك الله لا يضرك

عندي ملاحضة في مسألة بالصفحة 7 اعتقد او 8 .. مدري تعديتها وانلحس مخي من كثر ما قريت وراك اتابع
المهم ان فيه خطا اعتقد في اشارة سالب لازم تكون موجوده
بس تأكدي انا ماني متأكد والله انلحس مخي

[منتسبهـ]

:(204): <<< تجنن التحليل للمقدار التلاتي

[عذبه المشاعر]

اخوي عزيز <<تراني قاعده اذاكر اصلا :biggrin:

بعدين صبر انلحس مخك من ويش من شرحي يعني مافهمت ولا شلون

والمسأله انسخها ولا تهون وجيبها لي :41jg:

[عذبه المشاعر]

:icon9::icon9::icon9::icon9::icon9::icon9::icon9:: icon9::icon9::icon9::icon9::icon9:

المحاضرات من 8 الا 10 مافتحت معي ليش :Cry111:

مين يقدر يجيبها لي

[منتسبهـ]

:71::Cry111: ,,, يسرعه ,, يادوبه ...

[تشتيت جامعي]

عذبه الله يجعل هالموضوع في ميزان حسناتك

عندي سؤال ازا سمحتي

شلون افرق بين التباديل والتوافيق :(107):
ونظرية ذات الحدين مافهمتها بنوب :(107):

[So0o0li ... }-]

يسلمووو عذبه شرحك راائع :tongue:

تمنيتك كملتي

عموم جزاك الله الف خير وجعله في ميزان حسناتك

وفالك الفل ماارك انشااء الله :(204):

[مس لول]

احد يفهمني كيف طلع الجواب 12


.


مايبي لها يا بعدي قسم شوفي هو قال فكيها

(2س - 3 ) اس 2



حلها بها الطريقه قال (مربع الاول - الحد الاول × الثاني + مربع الثاني )

يله نسويها مربع الاول (2 س) = 4 س2 <<اس طبعا

طيب الاول بالثاني = 2س × (-3) = -12 س

طيب مربع الثاني = 3 تربيع = 9



وبص قسم




كيف طلع 12