مدين ودائن تعالو فهموني

[اسطوره زماني]

السلام عليكم


انا فتحت محاظره 14 وشفت هالجدول



لاكن على حد علمي ايام التقنيه انه المدين يمين يعني من حـ

والدائن يسار الى حـ



هالجدول مو مصفي النيه معي وعجزت اكمل المحاظره قبل افهم

فقلت ان شاء الله احد يفيدني مع العلم فووووق تمام مدين ودائن




http://www.shababhail.net/uploads/images/domain-c63949c321.png

[najwa]

عادي هي كذا

يعني وقفت على كلمة من والى

خلاص خلها زي ما هي واحفظها كذا

وحاول تفهمها زين

[اسطوره زماني]

لانجوى مستحيل افهم شي وانا مو مقتنع


درسة سنتين ونص محاسبه ومتخرج




لاكن مامر علي مثل هالجدوووول



كنت اتمنى الدكتور يقول غلط لاكن ماسمعت شي


علشان كذا بفهمها

[اسطوره زماني]

:017: :017: :017: :017: :017: :017: :017: :017: :017: :017: :017: :017: :017:

[عادل الجبيل]

طيب وين المشكلة ياطويل العمر ؟
البنك اذا اقرضك مبلغ فالقيد يكون على النحو التالي:
من حـ/ البنك (الدائن)
الى حـ /اسطورة زماني (مدين)

لأن وبكل بساطة المبلغ خرج من حساب البنك و دخل في حسابك

[اسطوره زماني]

طيب حبيب قلبي عادل واذا كانت العمليه كذا



اشترى عادل سياره وتم الدفع بشيك


مو المفروض يكون القيد


من حساب السياره او المشتريات او الاصول


الى حساب البنك

[اسطوره زماني]

يعني القيد هنا المصروفات مدين مثل اعلى الجدول لاكن الي داخل الجدول مكتوب


الى حساب المصروفات

[عادل الجبيل]

صحيح ...
المصروفات يا طويل العمر هي تكلفة السلعة لذلك القيد الى حـ/ المصروفات

[اسطوره زماني]

والله ياعادل اكذب عليك اذا قلت اقتنعت


يعني المصروفات على حد علمي انها مدينه والمدين دائمأ يكون من حساب

[عادل الجبيل]

طيب القرض اللي انت اخذته هو عبارة عن بضائع مباعة ولابد تسجيله ضمن دفتر اليومية بالمصروفات

يا اخوان انا يمكن ما اعرف اشرح اذا فيه احد عنده طريقة افضل مني لا يبخل بها

[اسطوره زماني]

الله يعطيك العافيه عادل وان شاء الله يجي احد ويفهمني

[ŞmiĻęỷ]

والله ياعادل اكذب عليك اذا قلت اقتنعت


يعني المصروفات على حد علمي انها مدينه والمدين دائمأ يكون من حساب

صح عليك ياأسطورة زمانك ..:(204):
وبالنسبة للجدول اللي انت حاطه فهو خطأ اكييييد :(177):

لان دائما الحساب المدين يكون من حـ /
اما الدائن فهو الى حـ/

ثق بمعلوماتك ولايهمك ..:53:

[اسطوره زماني]

طيب وهالدكتور الي بالجامعه حاطينه على وشو خطأ مثل هاذا مستحيل يمشي عليه


ممكن يكون فيه شي بالموضوع ونكون حنا غلطانين



لانه اذا الدكتور غلط فهاذي مصيبه شلووووون بنجاوب بالامتحان

[zooon]

طيب وهالدكتور الي بالجامعه حاطينه على وشو خطأ مثل هاذا مستحيل يمشي عليه


ممكن يكون فيه شي بالموضوع ونكون حنا غلطانين



لانه اذا الدكتور غلط فهاذي مصيبه شلووووون بنجاوب بالامتحان


والسؤال المرادف كيف بيصحح لنا الأجوبة

[اسطوره زماني]

تكفوووون واحد يقولي انت غلطااااان ويجي يفهمنا



والله مدري شلووون افهمها




تعتقدون تختلف هي


يعني بميزان المراجعه او قائمة المركز المالي او دفتر اليوميه


يعني احيانأ تكون مدينه واحيانأ تكون دائنه

هاذا الجدول بميزان المراجعه :000:

[اسطوره زماني]

صحيح كلامك اخوي

[عادل الجبيل]

نزلت لك شرح وافي من الأخ بندر العسيري في كل ما يخص الـ من حـ/ و الى حـ/

[عادل الجبيل]

على فكرة يا طويل العمر القيد هذا داخل منشأة الشركة او البنك
يعني من قسم الى قسم لذلك قسم المصروفات او الصندوق يعتبر دائن ولكن في الجدول بالتأكيد يبقى في المدين

[سعيد الشهري]

يا إخوان لا تروحون بعيد هذا صورة حساب المتاجرة وهوه زي ما تعلمنا في الاول بأنه كل حساب في نهاية الفترة ناخذ الرصيد حقه ونسوي قيد الحساب الختامي عن طريق المتمم الحسابي .
يعني مثال حساب المشتريات دائماً مدين يعني رصيده في نهاية الفترة بيكون مدين وفي هذي الحالة عشان نسوي القوائم المالية نبدأ بالحساب الختامي ونسوي القيد التالي:
298000 من حساب المشترات
298000. الى حساب المتاجرة عن نهاية الفترة
وهكذا فيظهر معنا الجدول التالي جميع الحسابات اللي مدينه تظهر في اليمين ويكتب قدامها الى حساب كذا
واللي دائنه ظهر يسار ويكتب من حساب

طبعا تعرفون القاعدة الغبية حقت من و الى في المحاسبه وهي اي شي تسويه تخيله بالعكس

[سايق الخير]

تكفوووون واحد يقولي انت غلطااااان ويجي يفهمنا



والله مدري شلووون افهمها




تعتقدون تختلف هي


يعني بميزان المراجعه او قائمة المركز المالي او دفتر اليوميه


يعني احيانأ تكون مدينه واحيانأ تكون دائنه

هاذا الجدول بميزان المراجعه :000:


نعم غلطان وانا اخووك

قاعده حطها ببالك دايماً
بيانات الاصول فقط تكون بصيغة من ح الى ح
اما الخصوم ومصادر المال بشكل عام يكون بيانها الى ح من ح

[Abu Nawaf 1978]

ياشباب خلونا نتفاهم

كيف شرح الدكتور خطأ وهو في كل محاضرة يعيد ويزيد نفس الكلام :(107):

يعني يعيد ويزيد بالخطأ ؟؟ :119:

لا كذا والله ما اسكت انا بعد الاختبار رايح رايح الحسا
اتفاهم معاه :41jg:

[اسطوره زماني]

الله ينور دربكم احس بديت افهم انه تختلف من قائمه لقائمه والقانون ماحفظته


ولي رجعه له الصبح مشكورين جميعأ

[أبو راكان.]

اسطوره زمانك ولايهونون الباقين

والله انا بالذات كل ما اقول فهمت المحاسبه لخبطت في سالفة مدين ودائن :(107):

ودي تعطوني قاعده امشي عليها تعبت والله تعبت :bawling:

[عبااديR]

عادي هي كذا

يعني وقفت على كلمة من والى

خلاص خلها زي ما هي واحفظها كذا

وحاول تفهمها زين


السلام صباااح الخير اسعد الله اوقاتك اخوووووي واوقات الجميع مشاء الله دارس سنتين محااسبة ولا انت عااارف لماذا المدين الي حساب والدائن من حساب
المهم ما عليناا ما اقولك اني بالمحاسبة فااهم ولا شي والله بستر منها المحاسبة حبيت اقولك انوو صحيح الجدول بتفلسف عيلك شوي الحين لو عندك شركة وعندك حساب في البنك لشركة اللي في المصاري الدراهم الخزينه ههههههه الي هوووو اللي بيجيلحسابك هذاااا نسميه الي حسااااب من وين من المدينين اللي هم الناس اللي تطلبهم فلوس يعني الفولس هااذي تصير الي حساب يعني الي حساب المدينين, والناس اللي يطلبونك فلوس اكيد بترسل لهم من حسابك صح يعني من حساب الدائنين يعني فلوس تطلع من حسابك لهم فلذالك قلنا من حساب الدائنين من مو الي لجل انت بتعطيهم يعني الفلوس طالعه من عندك مو داخله لعندك اتمنى اني وفقت في الشرح البسيط لك واسف علي الاطاله تقبل مروري:wink:

[اسطوره زماني]

شفني يالغالي


من حساب الاخذ الي حساب المعطي

يعني شريت سياره كاش


من حساب السياره

الى حساب الصندوق



او بعت سياره كاش

من حساب الصندوق

الى حساب المبيعات

[عبااديR]

صح عليك ياأسطورة زمانك ..:(204):
وبالنسبة للجدول اللي انت حاطه فهو خطأ اكييييد :(177):

لان دائما الحساب المدين يكون من حـ /
اما الدائن فهو الى حـ/


ثق بمعلوماتك ولايهمك ..:53:



\
سلامات سلامات سلامات سلامات وين وين وين وين وين وين وين هههههههههههه وين بالله من جدكم اقول ترى بجي اكفخكم:017: ولا بعد تعززون لبعض انت صح وين صح الله يرم والدينكم ان شاء الله يا حبايبي شوف الكلام اللي فيه شرح فوق ردي هذااا اوك :(204):

[اسطوره زماني]

عبادي حبيب قلبي الاشكاليه عندي بالجدول


لانه فوووق مكتوووووب مدين وتحته الى حساب


والدائن مكتوب تحته من حساب


هاذا الي ماقدرت افهمه وشرحو الاخوان وماقصرو


وتخبر خريج 2008 يعني صارلنا ثلاث سنين اكيد بننسى



مشكور على المرور

[اسطوره زماني]

ابو راكان سم
\

http://www.ckfu.org/vb/t190972.html

[سعيد الشهري]

يا شباب انا شايف الكل مركز على من وإلى هذي ؟؟؟ يا خي اتكها اعم شي تعرف العمليه فين المبلغ مدين والا دائن وماهو شرط تكتب من وإلى .
بالنسبة لأخوي أبوراكان
ارجع دائما للقاعدة الاصلية
الأصول مدينة والخصوم وحقوق الملكية دائنة
وعاد أنت فصل كل حساب حسب نوعه لأي عائلة من العوائل الكريمه أعلاه يرجع وطبق عليه الاسلوب .
الحسابات المدينة اذا العملية أنك بتعطيها يعني بتزيد يصير القيد مدين واذا بتأخذ منها شي يصير القيد دائن . هذا بالنسبة للطرف الأول من القيد
أما الطرف الثاني لازم يكون عكس الاول وطبعا مو شرط يكون من عائلة ثانية هاها يعني ممكن القيد يكون على حسابين كلهم أصول مثل شراء سيارة نقدا .
اتمنى تكون وضحت الصورة وبعدين ترى المحاسبة كلها كذا تقعد تسحب من اليمين لليسار وإنت ماشي اهم يكونون متساوين في الأخير .

[Saudi man]

التقنية ما سوت خير فينا
سنتين ونص دبلوم وبالاخير نرجع ندرس جامعة من اول وجديد
على الاقل لو عندهم تكمله كان ياسلام


وكلامك كله يالاسطوره صحيح
وبنفس الوقت مستحيل الدكتور يخطي !!

[اسطورةعاشق]

والسؤال المرادف كيف بيصحح لنا الأجوبة

============================


الظاهر بتكون زى مايقولو ضربة حظ

[mr.lonley]

اتوقع انها واضحه جدا

اي شي يجيك مدين دور الكلمه اللي تجيك عكسه تلاقيها دائن

مثلا:
المدين_المصروفات المشتريات البنك الصندوق النقدي
الدائن_الايرادات المبيعات حقوق الملكيه راس المال

وقس عليها كم حاجه

[mr.lonley]

اللي ياخذ منك مدين

واللي يعطيك دائن