مع الخيل يا شقراء

[آبادي]

السلام عليكم ورحمة الله وبركاته ومساكم عسل

والحمد لله خلصت اختباراتنا بخيرها وشرها


واللي ذاكر اكيد ماراح يعلق لانه ابدع واللي ذاكر اخر يومين انا متاكد انه مبلش العالم

بمواضيع في المنتدى لا لها اول من تالي

:(269):

اذكر بالترم اللي فات في ماده الاقتصاد الجزئي العالم نشبت للدكتور النجار ماتبي د. بلغرسه

والسبب ان اسئلته صعبه ويوم نجحونا فيها صار بلغرسه الدكتور القدوه

والحين د. غسان نايفه بيمشي والكل متمسك فيه وبعد النتايج لو فيه حمل للماده كثير انا متاكد

العالم بتقوم عليه وبتشكتي.

يا طلاب وطالبات جامعة الملك فيصل الاعزاء وش لنا فيهم يمشون يجلسون شي راجع لهم

ولادارتهم وبالاول والاخير الاسئله ماراح تجي الا من داخل الكتاب احنا طلاب لا اكثر والدكتور

عبدالله النجار واضح انه انسان يحب الخير وهو شخص مسوؤل يصيب مره ويخطيء مره وندعوا له

بالخير وان الله يوفقه في جميع قراراته

لكن انا اعتب على اللي مع الخيل يا شقراء يجي خويه يقول والله الدكتور الفلاني احسه نجس

ويمشي على احساسه ويكتب مواضيع ويكسب ذنوب طيب ذاكر وصدقني بيروح هالاحساس

مشكلتنا مافيه ثقافه للخساره لو حملت الماده بخلي هالدكتور اشين دكتور اتكلم في

المنتديات وذنوب ولو نجحت فيها بخليه احلى دكتور مب معقوله كذا لما فتحوا النقد في مجال

كوره القدم بدو المحللين يخبصون ويغلطون بالكلام فعلا شعبنا ليس لديه ثقافه الخساره

فالافضل اننا نلتزم الصمت في كلا الحالتين وبما اننا بالجامعه المفروض نذاكر وبس .

[EMO*]

:biggrin:

[ǺĽ ẕeeห]

الله يعطيك الف عافيه ع كلماتك الرائعه "

يا اخي الكريم / الطلاب والطالبات ماهم- مع الخيل ياشقرآ -

قالو قومو قمنا ولا قالو تعالو رحنا واحنا ماندري وش السالفه "

هالدكتور انظلم كثير من طلاب وطالبات الله يسامحهم " وتبلو عليه وسبوه واهانوه

وقال اخر شي انه بيطلع من الجامعه " عشان كرامته انهانت بمافيه الكفايه

الأعضاء كانو مايبغون دكتور بلغرسه مو عشان شي محدد فيه بس عشان اسئلته كانت صعبه وكثير حملو الماده بسبة عالشي "

ولا الدكتور حليل وشرحه يهبل حبيت ماده الإقتصاد من شرحه يوم كنت بالمستوى الأول "

ودكتور نايف سوو له مثل الحمله لأنهم يبغونه حتى الي اخذو مادته واختبروها سوو له حمله " لأن هالدكتور ينحب مع انه مادرسني ولا اعرفه للحين "

بس الكل يمدحه ويحبه ويقدره حسافه يطلع من الجامعه عشان ناس ماتسوى "

بالعكس يمكن بسبه حملاتهم هذه يعرف ان كثير يبغونه وشوي الي حاقدين عليه

ويفضل انه يدور ع الأكثريه ويفضلهم ع القليل "

(( حذف لكم قطعه الينا وعقب كلام هالناس الجامعه غيرت الأسئله والدكتور مايدري ))

وهو تفاجأ فـ زياده ع هالشي وكلام الطلاب والطالبات عنه سبهم له واهانتهم له ولعياله ودعاويهم عليه

خلته يقول اطلع ابرك لي " ولا يجيه شي زياده " :smile:

فـ اتمنى انك تفهم وجهة نظري ""

وكلامك ع عيني وراسي

[الهدار]

الله يرحم الحال

[ابو ثامر]

اول شي اشكرك على طرحك الجميل والرائع ولكن ليس كل الطلاب مع الخيل ياشقراء

بالنسبة لموضوع بلغرسة انا واحد من الطلاب الي تضرروا من اسئلته وبسبة طريقة شرحه واسئلة حملة المادة مع ان يعض الطلاب كلموه على المسائل وقال بس مسالتين راح اجيب في الاختبار وطلع العكس كل الاختبار مسائل ماكان فيه اي ادنى مراعاة للطلاب وخصوصا الموظفين شفتات وصار الي صار وشفتم الكم الهائل الي اخذ ستين كانه اخذa+
اما بالنسبة للدكتور غسان فالاسئله كانت مباشرة ولا فيها لف ولادوران وبالنسبة لاقطعة الي جابها اشوف انها من اسهل القطع في المحتوى والي تكلموا عليه بصراحه كانوا غلطانين وانا لا اؤيد ذهاب الدكتور غسان لان ذهابه راح يضر بالطلاب والطالبات الي راح ياخذون الانقلش في الفصول القادمه وبصراحه انا استفدت كثير من دكتور غسان روح يادكتور والله يوفقك سواء بقيت وهذا الي اتمناه او رحلت ربي يخليك لعائلتك وينصرك على اعداء النجاح:smile:

وتقبل مروري

[Student 2010]

اخوي .. صحيح الطلاب كانوا مايبون بلغرسة لكن لانه لعب فينا بالاسئلة .. لكن لما تعدل وشفنا اسئلته الفصل هذا اصبحنا راضين عنه .. يعني مو مع الخيل يا شقراء !

بالنسبة للدكتور غسان فاحنا متمسكين فيه لاننا ماشفنا منه الا كل خير والرجال ماقصر ابد واحنا متعاطفين معه لان بعض الناس مايستحون والسنتهم فالته ولا عندهم اي خلفية عن أدب الاختلاف او عن طريقة عرض مشكلتهم وتظلمهم بأدب .. يعني مو مع الخيل يا شقراء !

شكرا اخوي على موضوعك .

[لاشيء يستحق]

والله معاك حق

مؤلم أن نلقي بالفشل عى اساتذة يبذلون كل مافي وسعهم

اللي موقد ادارة الاعمال وموادة الصعبة يروح أي تخصص ثاني بجد مصخوها

يعطيك العافية