باقي يومين .. ليش ما نستفيد ونفيد

[مـحــمـــد]

السلام عليكم
تعرفون ما بقى الا يومين ويغلق باب المشاركات وتحميل المحاضرات
وفيه زملائي للحين ( بحلين ) لاحملوا محاضرات ولا خلصوا مشاركات
وش رايكم .. اللي يقدر يساعدهم بالشي هذا !!
أنا مستعد اساعد اللي يبي ينزل المحاضرات ... أو اللي بيسوي مشاركات ( انجليزي ـ مستوى ثاني )
واللي محتاج ياشباب مساعدة لا يتردد

[فهد الحميدي]

انا اشوف كل واحد يعتمد على نفسه احسن له ويعرف كيف الطريقه ويتعلم افضل له

[اكسجين]

مشكور ياخوي محمد

وانت يافهد الحميدي الرجال ماقصر يبي يفزع لاخوياه وراعي الفزعه مايرد عن فزعته ..

لاهنت يامحمد وعساك على القوه ومانت الا على اجر ان شاء الله ..

[شجون الحلوة]

فيك الخير يا محمد

واللي يبي مساعدة انا مستعدة يرسل على الخاص معلوماته

بالتوفيق ياررب

:119::106:

[al-otibi]

ليست بهطريقه المساعده ياخوان معلومات الشخص سريه و المفترض انه ما يعطيها احد

[نجمة الفؤاد]

عندهم وقت باقي اسبوع وانا اشوف لازم يعتمدوا على انفسهم

[كذا من ربي حبيت]

ماتقصر يامحمد
بارك الله فيك وجزاك الف خير:106:

[بنت الداود]

مآ تقصر آخوي محمد :106:

جزاك الله خير

[iphone]

اي والله افزعوا لي ياشبااااب ..



انا ما حليت الواجبات ولا سووويت شي ..


الواجبات ان شاء الله مقدور عليه الشباب ما يقصرون معطيني الروابط حقت الحلول ..



بس المشكله مو هنا .......!!!!


المشكله بالمحاظرات .. ابي اعرف اي المحاظرات اللي انزلها هل هي المحاظرات المباشره .. او المحاظرات المسجله ..

وانزلها يعني احملها عندي ويحسبوون لي درجه المشاركه .. وبسسسس ..؟؟






وفي مشكله ثانيه .. الا وهو المشاركه بمنتدى الحواار ..

ابي اعرف كيف اشارك ووش اكتب لهم ..؟ ومشاركات الانجليزي وش اكتب فيها ..؟

وبسسسسسسسسسسس


ومشكووورين

[نسْ .]

مشكووورين ع التعاون الله يقوي الجميع

شدوو الهمه

[كذا من ربي حبيت]

ايفون


المحاضرات المسجله عليها 10 درجات سواء استمعت لها او حملتها


المحاضرات المباشرة نفس الشي عليها 10 درجات سواء استمعت اليها دون تحميل او حملتها كلها تحسب لك درجات

مو شرط تسمعها للاخير اقل شي 5 دقايق وسكر

الواجبات بعد نفس الشي نزل لكل مادة 3 واجبات حلها وتاخذ الدرجة باذن الله


بقي المشاركات بمنتديات الحوار

طريقتها تدخل على اي قسم بمنتدى الحوار وتنزل مشاركة فعاله مو يعطيك العافيه ولا شكرا

بعني اكتب لهم معلومة او اي شي يخص المادة

وفي بعد قضايا ومناقشات منزلها الدكتور بكل مادة تحلها وتحسب لك الدرجة

بالنسبه لي اكتفيت بالمشاركات بدون القضايا


وهذي الروابط راح تفيدك


http://www.ckfu.org/vb/t162708.html


http://www.ckfu.org/vb/t159263.html

موووفق :106:

[رنجه]

اللي يبي مساعده آنا بالخدمة

[iphone]

رنجه الله لا يهينك .. اختك (( كذا من ربي حبيته )) ما قصرت وجزاها الله الف خير .. !!!



وعطتني المناقشه لماده الانقليش كتابه وماده النحو وماده الاحصاء ..


الله لا يهينك اذا تقدرين .. تعطيني المناقشات لكك الموااااد

[رحمتك ورضاك]

قده والله يجزاك الجنه

[رنو]

الله يجزاااك خير يامـــحمــد وشاكره ومقدرهـ هالتعاووون

وهذا إن دل دل على طيبتك وكرم اخلاقك ,,,


شكري وتقييمي لشهامتك,,:d5:

رنــو

[m.c.p]

السلام عليكم ورحمة الله
صراحه شدني الموضوع وخلاني اشارك للمرة الاولى على الرغم اني على وشك اكمال سنه وانا متابع جميع المواضيع في المنتدى خاصه المراجعات اللي كانت ايام الاختبارات.
وانا اشكرك يا اخ محمد على الموضوع.
انا بصراحه من يوم الاربعاء وموقع الجامعه مارضي يفتح معاي رغم كل المحاولات وفي كل الاوقات وجربت كل المتصفحات من اكسبلورور وقروم وفير فوكس لكن من دون جدوى.
انا الحمد لله حليت كل الواجبات وجميع المشاركات لكن بقي لي المحاضرات المسجله وليس كل المواد باقي لي تقريبا خمس مواد لم افتح فيها ولا محاضره ياليت اللي يقدر يساعدني ويفتح لي المحاضرات اكون شاكر ومقدر.
بس فيه مشكله صغيره, انا ما اقدر اضع المعرف الخاص بي في المنتدى العام ولا استطيع ايضا ارسله خاص لان عدد مشاركاتي (((1))) والرسائل الخاصه لازم يكون عدد المشاركات فوق ال(100).
افيدوني الله يجزاكم خير..

والله احس الوقت يمشي بسرعه وما اقدر اسوي شي, ورجع لي الهم اللي كنت احس فيه ايام الاختبارات.

[منتسب طيب]

الله يجزاكم خير

[مـحــمـــد]

مشكورين على الرد وبالنسبة للاخوان والخوات اللي عرضوا مساعدتم .. ماقصرتوا

اما من ناحية الافضل يعتمد الواحد على نفسه .. فانا مع اخواني في هذي ... بس المشكلة مافيه وقت الحين .. وحرام تضيع ثلاثين او حتى عشر درجات على الطالب ... حنا الحين نتساعد .. وبعدين ان شاء الله كل واحد يعتمد على نفسه مستقبلا

مشكورة اختي رنو على التقيم

الاخ ( mpc )
بحاول ارسل لك على الخاص .. واذا ما وصل نشوف حل ثاني

حملت لكم بعض المشاركات .. بعضها من اسلوبي خصوصا الادارة .. اللي حاب يستفيدها منها لا يتردد

[m.c.p]

الله يجزاك خير وما قصرت
بس ترى ماجاني شي على الخاص
لو فيه مجال تعطيني جوالك او ايميلك يكون افضل

ومره اخرى شكرا على اهتمامك ومساعدتك