قصة حياتي( فضفضه )...

[ahahah75]

حبيت اكتب موضوع افضفض فيه لان ماعندي احد اقدر اقوله كل شي بقلبي وائتمنه على اسراري كل اللي وثقت فيهم خانوني ماادري ليه الدنيا تغيرت والا انا اللي تغيرت مااقدر اثق بأحد ولا عندي ثقه بأي احد ماعندي احد احكيله اللي بقلبي وانا مرتاااحه اعاني من الوحده ولا عندي اخوات اكبر مني كلهم صغااار في الابتدائي يعني مهما حكيت ماراح يفهموني ولا عندي صديقات لاننا افترقنا بعد الثانوي وكلنا تزوجنا وكل وحده شافت حياتها وانا تزوجت وصار عندي بنوته زي القمر الله يخليها لي يااااارب..
انا انسااااانه خجوووله جدا جدا واعاني من هالخجل في حياتي لدرجة اني مااقدر اخذ حقي من اللي يغلطون علي واللي يظلموني لاني استحي حتى زوجي اذا هاوشني مستحيل ارد عليه او ارفع صوتي عليه لأني استحي مستحيل اهاوش واطلع اللي بقلبي لاني استحي دائما انقهر واخبي بقلبي واكتم بداخلي دائما اعبر عن قهري بدموعي ولحالي تعبت من نفسي نفسي اتغير نفسي يصير كل شي بقلبي على لساني اتمنى اتغير واصير جريئه واخذ حقي من اللي ظلموني اتمنى اصير اقوى من كذا ماابي اربي بنتي على الضعف اللي انا تربيت عليه ابيها تكون انسانه قويه وشخصيتها قويه ماابيها تصير مثلي ضعيفه ماابيها تضحي عشان غيرها لان محد يستاهل تضحي عشانه بهالزمن انا خلاص ادري اني انا كذا وراح اظل طول عمري كذا بس بنتي لا ابيها تكون احسن مني واقوى مني . .

[اكاديمي منتسب]

هلا فيك بين اخواتك واخوانك بالملتقى الجميل:53:

هدي بالك وخلك ريلكس واشربي عصير ليمون عربي اخضر :(269):وكذلك استخدمي حيل الدكتور محمد عبد المنعم (حيل الدفاع النفسي) وبتعيشين مرتاحة ان شاء الله:d5:

الدنيا بعدها بخير ولازم الشخص يتنازل للاخر وياما تنازلنا بحياتنا وسكتنا عن حاجات كثيرة

تمنياتي لك بالتوفيق والنجاح،،:106:

[متفائله بقوة]

ابشع شي يكون الواحد ضعيف شخصيه لانه ينظلم
وانتى مهما كنتى ضعيفه لازم تغيري طبعك الان بنت راح تشوفك قدوتها واي شي بيكون فيك بيكون تبي تقلدك فيه
حرام الزمن يتغير خلي بنتك تدافع عن حقها بس تكبر وانتى حاولي تغيرين من شخصيتك حاولي تردين على الي يهاوشونك وش بيصير يعنى بيطقونك
لا الي يعيش مرتاح راعي الشخصيه القويه ...اعرفي يااختي صح الواحد يتنازل بس ما يوصل لحد انه يكتم في نفسه لا ياغاليتى..
وانا راح اكون صديقتك واختك مستحييييل الواحد وحيد الوحده تميت القلب....
وانا راح اكون عند حسن ظنك

[ahahah75]

أكاديمي منتسب..
شكرا كثير على ردك ولا تخاف انا دائما ريلكس بس بداخلي نار تحرقني ياليتني اكون عصبيه واقدر اطلع اللي بقلبي ومااحسب حساب لمشاعر احد ..

متفائلة بقوة..
مشكوره حياتي عالرد وانا بحاول اتغير بس احيانا اضعف كثييير غصب عني
انا من دخلت هالمنتدى ارتحت كثير احس الكل هنا اخواني واخواتي ...

[الوجه الباسم]

حبيبتي

هذا مو ضعف

هذا قوة

الدموع حبيبتي لرجل ضعف وللمرأة قوة

ومن ناحية الخجل من زوجك ........اكيد ما كملت خمس سنوات متزوجة

اصبري وبعد الخمس سنولت (الله يعينه)بتطلعي عيونه من راسه

وبتقولي الوجه الباسم قالت

[ahahah75]

الوجه الباسم ..
شكرا عالرد ... بس وش عرفك اني لسى ماكلمت خمس سنوات..

[$عشقي لبنتي$]

بالعكس العصبيه مو زينه بتشيب راسك ونجيب لك الامراض على ولا شي

الهدوء حلو
ويمكن هدوئك هو اللي يحبب زوجك فيك

غير كذا بنتك راح تكون مصدر قوتك وراح تخليك تدافعين عنها وعن حقوقها وحقوقك غصبا عنك
لان مشاعر الامومه اقوى مشاعر بالدنيا

لاتستعجلين على نفسك ترى اللي يعصب ويرادد ومن هالاشياء اللي انتي تتمنينها مو محبوبه بالعكس
انتي انثى وحلو هدوء الانثى اللي عايش جواتك لاتكسرينه

موفقه اختي

[ahahah75]

توتي ...
شكرا كثير
ردك ريحني كثيير وصرت متفائلة اكثر ومعاك حق انا من جتني بنتي الكل يقول اني تغيرت وصرت اجتماعية اكثر لأني ماابي احبسها معاي وتصير مثلي صرت اطلع واروح واجي عشان اشوف ظحكتها واشوفها تلعب الله يخليها لي ولا يحرمني من ظحكتها اللي تنور دنيتي ...

[روح إيمانيه]

بكل صراحه أختي إذا زعلتي من زوجك ومو قادر تطلعين اللي بداخلك هذا مايسمى ضعف (هذي شخصيتك وأنتي مو ضعيفه)
وأحلى شيء أنك تسكتي في الوقت اللي يكون فيه زوجك معصب تدرين ليه لانه إذا كان معصب وأنتي معصيه وتهاوشتوا بالكلام راح يزيد الامر ويتطور الى مالايحمد عقباه وقد تنتهي حياتكم بسبب هذا الغضب المشتعل بينكم لذا إذا حسيتي ودك تفضفضي ومقهوره إمسكي ورق إكتبي فيها كل اللمشاعر اللي تحسي فيها والغضب والقهر بعدين خوذي هذا الورق إما تقطعينه أو تحرقيه أو تحطينه في كوب ماء لحد مايتفتت الورق داخل كوب الماء<<<<:53: أدري بتستغربي ليش؟؟!! لان هذي المشاعر السلبيه لازم تتفرغ من جواتك حتى ماتنفجري بيوم من الايام بسبب ضغطك وكبتك لها المشاعر..
مو ضعف لما المراءة تعجز ترد على زوجها وتهاوشه بالعكس هذا قمت القوه لدى المرأة لان المرأة خلقت لتكون العنصر الناعم الهادي في الحياه لا الرجل في الحياه ليست أن نقف نداً لند (يعني)وجه لوجه ،، مو كذا الحياه ابداً في نفس الوقت ياإختي أكيد مشاعرك لحظةالغضب لو طلعت بتدمر كل شيء.. وأظن أنه مستحيل مافيه اوقات ماطلعتي فيها عن طورك:(107): ^بس يمكن قليل ..
شوفي انت موضعيفه فلا توهمي نفسك بهاالافكار السلبيه وتاثري بهاالكلام على شخصيتك...
إنظري لنفسك باإيجابيه حولي كل الصفات اللي ماتعجبك بنفسك لاأشياء تدفعك نحو أشياء أفضل بالحياة..
يعني قولي لنفسك أنا مو ضعيفه وهكذا فطرت النساء وخلقت وهذا شي حلو فيني يعني لو ماكنت كذا يمكن كانت حياتنا أبشع وصرنا في البيت مثل حلبة المصارعه:53:
إصنعي من سلبياتك سلاماً نحو حياه أفضل لتكون بذاك إيجابيات...:wink:
وإعلمي أن هذا قدرك وهذا نصيبك في الحياه والله وحده يعلم من يناسبك ويناسب شخصيتك لذا رزقك هذا الرجل الذي هو مناسب لشخصيتك وأنتي مناسبه لشخصيته..وبكل صراحه<<تتوقعي شخصية زوجك لو كنت ملسونه وتراددينه بتحملك ولابتصير الحياه بينكم جهنم..والعياذ باالله ،.:064:
بالنهايه،،:smile:
أسأل الله العلي القدير أن يوفق بينكم ويصلح بينكم ويجعل حياتكم سعادة لاشقاء فيها ولاكدر..
وأن يرضيك ويقر عينك وقلبك بزوجك ويقر عين وقلب زوجك بك ..
:106::106::106:

*

[زحلط]

بالعكس العصبيه مو زينه بتشيب راسك ونجيب لك الامراض على ولا شي

الهدوء حلو
ويمكن هدوئك هو اللي يحبب زوجك فيك

غير كذا بنتك راح تكون مصدر قوتك وراح تخليك تدافعين عنها وعن حقوقها وحقوقك غصبا عنك
لان مشاعر الامومه اقوى مشاعر بالدنيا

لاتستعجلين على نفسك ترى اللي يعصب ويرادد ومن هالاشياء اللي انتي تتمنينها مو محبوبه بالعكس
انتي انثى وحلو هدوء الانثى اللي عايش جواتك لاتكسرينه

موفقه اختي


اختي هلااابك وهذا الملتقي نرتقي فيه وكل واحد فينا باللي يقدر عليه ولازم الشخص يفضفض عن نفسه ولايكبت لان الكبت يتعب صاحبه :(204):
بالنسبه للاخت توتي ماخلت لنا شي اتعبتي من بعدك توتي كلام عين العقل انصحك تستفيدين منه
وكلام اختي روح ايمانيه كلام ينحت على الحجر درر

[ahahah75]

مشكورين كلكم ماقصرتوا ردودكم ردت فيني الروح والتفاؤل شكرا ..

[ابو عزام]

مدري وش اكتب لك ومدري وش انصحك
لاكن ورب البيت دووك النصيحه
من شاعر ٍ في شخصك اليوم يمدحك
يكتب على باب الصراحه مديحه
انتي عدوووك غضب يرجع يسامحك
لانك فتاةٍ تحتويها القريحه
واحلى صفاتك بالتعامل تملحك
لايرسم الشيطان دمعة جريحه
تراء الانوثه بالخجل ماتجرحك
هي الاصل والفطره المستبيحه
خلي لبنتك من صفاتك ملامحك
ملامح الاخلاق هي الصحيحه


والله يسعدك بحياتك ويوفقك
واحذري الشيطان يوسوس لك
اهتمي بزوجك وبنتك
واحذري التقليد
الخطاء
تحياتي لك

[shxsh]

أيـــــ واللـــــــــه
شـــــــــــايفــــــــه شلون خواتك واخوانك شقالو لك
هذا الكلام من جد كل اللي اكتبوووه شي حلووه مرررره
ااذا على الضعف والله انه شي حلوو
تخيلي انك انسانه عصبيه ومن تعصبين تجلسن تسبين وتصاارخين
شووفي شلوون هذي الله راح يحسبها لك لوكنتي عصبيه وفي كل مرره
تشتمين احد..يمكن الضعف الله خلاه لك خيررره لك أنتي
واذا على زوجك شي حلو لما يعصب انتي تكووني هادئه ولاتردين
تدرين ان في نااس يتمنوووون انهم يظبطون اعصابهم ومايعصبون اذا
ازواجهم عصبووو لأن ياما وياما لما يعصب الزوج والزوجة وتشتد العصبيه بينهم
دائماً ماتنتهي المشكلة بطلاق الله يدفع عنا البلا..فهذا شيء مستحسن جداً
لما تكوني هادئه..وحنا هنا جنبك مثل خوااااتك لاتقوولي انتي وحيدة
اولاً :الله معك..
وثانياً:الله عطاكِ بنت يمكن تعوضك عن كل شيء..الله يخليها لك وتتربي في عزك ان شاء الله..
وثالثاً:انتي جيتي هنا وكتبتي لنا همومك ..وصرنا احنا خواااتك واخوااانك اللي ماراح نستغني عنك أبـــد
اللحين انتي ماكسبتي اخت وحدة بس خوووات واجد,,وحنا نفتخر انك تكونين اختنا.....:cool::oao::wink: