اي سؤال عن الكلية والحياة في الكلية ..انا موجود

[عايض القحطاني]

السلام عليكم

بما ان الاسئله كثرت عن الكلية والمواضيع كلها تتكلم عن الموضوع نفسه.
فتحنا الموضوع هذا علشان اللي عنده اسئله غير اكاديميه واكررها غير اكاديميه يضعه هنا ونحن جاهزون للاجابه



دمتم بود ...............

[ابـوخليـل]

ياااسلام عليك جيت في وقتك

استلم :hahaha_2008:

1- كلمنا عن الدكاتره في الكلية من ناحية : جنسياتهم - اخلاقهم وتعاملهم - شرحهم - اختبارتهم

2- كلمنا عن التخصصات التالية : هندسة كهربائية , ميكانيكية , كيميائية .. من ناحية السهولة والصعوبة وايهم اصعب وايهم اسهل وايهم عليه طلب في التوظيف :119:

3- نصائح للطلاب المستدجين امثالي :hahaha_2008: في اول ترم لهم ..

4- كلمنا عن اخطاء عملتها في اول ترم لك وندمت عليها


5- وجهة نظرك بشكل عام عن كلية الجبيل الصناعية .. هل انت مرتاح لها ام لا .. لانه في ناس اذا انذكر طاري كلية الجبيل قالوا اعوووذ بالله :cheese: .. فماهي وجهة شخصكم الكريم من هذي الناحية

ولو فيه اسئلة ثانية راح اقولها :mh19:

شكرا لك :d5:

[ابـوخليـل]

محاضرة البدنية كيف طريقتها ؟

مثل الثانوي والمتوسط نغير ملابسنا في الكلاس ونطلع للملعب ونرجع ونكمل محاضرات

هل هي الساعة 11 الظهر مثلا :000:

او العصر او بأي وقت ؟

وش نسوي فيها نلعب كورة ولا لياقة ولا سلة ؟

لازم نلبس لبس رياضي او بلباسنا :o3: ؟

[المرزوقي]

ماقصر اخوي النبراسي جاب كل شي ننتظر الجواب حبيبكم

[فصولي القحطاني]

اخوي اشكر جهدك الرائع ولك مني كل التقدير والاحترام....

حبيت اسالك عن اوقات الدوام يعني اقدر اغير اوقات دوامي او كل الطلاب على نظام واحد


تحياتي لك وشكرا

[أبـو طـيف]

لا هنت بسألك ..

كم النسبه المتوسطه لطلاب الكليه بالثانويه ..

يعني كم متوسط النسب اللي قبلتهم الكليه ..

لأني بشوف نفسي مقارنه معهم .. مرتفع أو منخفض ..

والقدرات بعد لا هنت ..

ومعليش ممكن السؤال موقعه غلط .. بس حب أطلاااع .. وإذا جاوبت بكون شااكر لك ..

:119:

[عايض القحطاني]

السلام عليكم

والله انكم ريحتوني كنت ماني متوقع بيصير طلب على الموضوع بس ابشروا بسعدكم وانا حبيبكم

اولا نبدا بالنبراسي واسئلته
الدكاتره من انواع الجنسيات يعني بتلقى امريكان وبريطانيين وجنوب افريقيين واستراليين ومصريين وهنود وبنقلادشيين وعراقيين وهولنديين فلسطينين يعني كل جنسية بتطري على بالك بتلقاها وخاصة في مبنى اللغه الانجليزيه واخلاقهم قمة في الاخلاق لان الكلية تمنعهم من اشياء كثيره مثل السياسه والديانات والكلام اللي من السرة وتحت:119:

شرحهم ممتاز وعلى حسب نوعية المدرس بس انا اللي شوفه من المدرسين اللي درسوني انهم اوكي وماشي حالهم لان الكليه منقيتهم
واغلب الاختبارات موحده مثل المياجر اللي هي الاختبارات الشهريه والفاينل وهي اسئله موحده اما الكوزات على حسب المدرس بعضهم سهل وبعضهم صعب

اما من ناحية التخصصات

فكل تخصص له ايجابياته وسلبياته وكلها مطلوبه وتوظيفها ان شاء الله مضمون


نصائح لاول ترم


انك ماتعود نفسك على الوناسه 24 ساعه يعني لازم تضغط على نفسك اقل شي يوميا ساعه مذاكره علشان ماتروح فيها ولاتخلي الطلاب الفاشلين قدوتك في الكلية وتقول في نفسك العالم هاذي كلها داجه وانا بروح فيها ومن الكلام ذا
وابيك تدور صحبه زينه لان اذا صاحبيت ناس رايحين فيها اعلم انك بتصير مثلهم لانهم يخالطونك اغلب يومك
ونصيحه مهمه انتبهوا من التدخين تسعين في الميه من طلاب الكلية مدخنين تعال شوفهم في البريكات شلون يدخنون يحرقون حرق غير طبيعي انتبهوا انتبهوا انتبهوا


اخطائي اللي ندمت عليها

الحمدلله انا كنت ماشي كويس بالتحضيريه واللي ندمت عليه هو اني نجحت على الحفه في الرياضه


وجهة نظري بالكلية انها كليه كرهتها في التحضيريه وندمت على اني دخلت لها ولكن عقب التخصص حبيتها قسم بالله اني اذا رحت في الاجازات اشتقت لها ولكرفها وللشباب اخوياي وجوها اللي هو فعلا جو دراسه .

محاضرات التربيه البدنية

فيه مكان تغيير الملابس في الملاعب واحضر بدلتك معك في كيس وبدل في الملعب . واذا كان عندك محاضره عقب الرياضه المدرب راح يعطيك وقت تبدل وتروح ويمكن مايكون عندك محاضره لان الدعوه ماهي دراسة ثانويه ممكن يكون عندك محاضره ويمكن لا ...

وقت المحاضرات ماراح يفرق معك لانك في الصيف راح تلعب في الصالات المغلقه وفي الشتاء راح تلعب في الملعب الاخضر او الملاعب المكشوفه يعني عصر صبح ظهر ماراح تفرق معك ...

انواع اللعب كرة سله وتاخذ فيها كورس وكرة قدم وتاخذ فيها كورس وكرة طائره وراح تاخذ فيها كورس

اما من ناحية اللبس الرياضي لازم تجيب معك لبس رياضي اهم شي يكون ساتر للعورة وانه مايكون حركات شباب هاليومين مثل البرمودا ومن الخرابيط ذي ولا يشترط فيها لون موحد




ننتقل لاسئلة اخوي فيصل هشام

تغيير الدوام مااذكر احد غير جدوله بالتحضيريه الا اللي عنده ظروف يعني اللي اذكره انا غير جدوله هو واحد من الشباب يبي يدرس مع اخوه التوام في نفس الفصل لانهم يجون على سيارة وحده من بيتهم وغيروا له

وليس كل لطلاب في مكان واحد يعني بعضهم يدرس الصباح في مبنى اللغه الانقليزية الى لظهر وعقبها يروح للمبنى الثاني يدرس مواد ثانيه او يروح للصالات المغلقه يلعب رياضه وتكون الجداول موزعه بحيث مايكون زحمه داخل مبنى اللغه الانقليزية وفي نفس الوقت الملاعب تكون فاضيه يعني فيه ترتيب كويس ولا تخاف السنه التحضيريه ينتهي دوامهم ثلاث الا عشر العصر



ننتقل لاخوي ابو طيف


اخوي النسبة تختلف من ترم الى ااخر يعني انا يوم انقبلت كانت الثمانينات وانا كانت نسبتي في التسعينات يعني كنت من اول المقبولين وكل ترتفع اكثر من الترم اللي قبله

اما من ناحية اختبار القدرات مااقدر افتيك بشي لاني قابلت ناس واجد في السبعينات وناس في الستينات بس نسبهم بالثانوي مرتفعه ولقيت ناس نسبهم في الثانوي نازله يعني ب80 وحولها لكن القدرات 92 يعني على حسب كل درجه تشفع للثانيه القدرات يشفع للثانويه والثانويه تشفع للقدرات



اتمنى اني اكون افدتكم جميعا واذا فيه اي تقصير ياليت تقولون لي واللي عنده اسئله يسالني لان والله ماتدرون كيف انا فرحان وانا ارد عليكم


تقبلوا تحياتي ............حبيبكم

[عاطل بجداره]

السلام عليكم الله يعطيك العافيه

انا عندي سؤال ليه نجحت على الحافه في التربيه البدنيه وكيف تنحسب الدرجات فيها

والسؤال الثاني الي يدخل الكليه لازم يكون فاهم انقليزي والا يبدون من جديد :c8:

[ابـوخليـل]

يامال العافية ماقصرررت
الله يرزقك الجنة


اجابات شافية ووافية :d5::d5::d5:

[فصولي القحطاني]

الله يعطيك العافيه اخوي

بس حبيت اسوي لك تعدي:t1:ل
انا اسمي فيصل هاشم مو (فيصل هشام )


تحياتي لك يعطيك العافيه ع الاجابات المميزه:d5:

[عايض القحطاني]

السلام عليكم
هذا واجبي تجاهكم وانا كنت في يوم من الايام مثلكم جديد ولاني عارف شي عن الكلية وكنت محتاج احد يعلمني ولحين حاس بوضعكم

اخوي فيصل هاشم انا ااسف ماركزت لاني كنت مستعجل بالردود

اخوي عاطل بجداره انا ماني حق رياضه ولا اعرف لها الشباب كلهم نجحوا بدرجات كويسه
اما من ناحية مستواك بالانقليزي ومن وين يبدون بك فهذا يرجع الى اختبار تحديد المستوى يعني فيه ناس يبدون معهم بالحروف والارقام وفيه ناس يبدون معهم على انهم يعرفون الاساسيات وفيه يطمرون الانقلش ون بكبره ويروحون للانقلش تو يعني لاتخاف من ناحية من وين يبدون بك

تقبلوا تحياتي ..................حبيبكم

[NAZ]

السلام عليكم....
شكراً أخوي على الموضوع الحلو :119:
ولدي سؤال:
كيف الدراسة في الكلية؟ أرجو أن يكون الجواب بالتفصيل الممل :000:

[ابـوخليـل]

استاذ / حبيبكم الفاضل


بخصوص السكن اقدر استلمه واسكن فيه قبل بداية الدراسة يعني بتاريخ 8 او 10 ؟

ام لابد من استلامه مع بداية الترم ؟

فقط عشان ما اتخسر واحجز شقـة واتردد ..:praying:

[فصولي القحطاني]

استاذ / حبيبكم الفاضل


بخصوص السكن اقدر استلمه واسكن فيه قبل بداية الدراسة يعني بتاريخ 8 او 10 ؟

ام لابد من استلامه مع بداية الترم ؟

فقط عشان ما اتخسر واحجز شقـة واتردد ..:praying:

اخوي النبراسي انا السؤال محيرني من زمان
شكرا انك سالتو

[أبـو طـيف]

الله يعطيك ألف عافيه على المعلومات القيمه ..

............................


أنا يا أخوان متردد ,

أبشركم طلع لي قبول بالكليه والحين توه يطلع لي قبول فـي معهد الإداره بالرياض

ومحتار بينهم ..

ياليت لو تعطوني رايكم بالموضوع ..

ومعهد الإداره قريب جداُ من السكن وبالرياض بين الأهل هذا اللي عاجبني فيه .. ومنقبل في قسم إدارة مستشفيات ..

وأنتظر منكم أرائكم والأسباب ..

إذا ماعليكم أمر ..

[عايض القحطاني]

السلام عليكم
عدنا والعود احمد

نبدا باسئلة اخوي naz

الدراسه في الكلية حلوه للي يبي يعرف لها يعني افهم وش لك ووش عليك يعني اهم شي تحضر المحاضرات انا ادري انها ضغط عليك وانها تختلف من الثانوية بسبب قلة الحصص في الثانوي والحين الحصص كثير واضف الى ذلك المدرسين صاروا يتكلمون انقليزي واضف الى ذلك ايضا انكم تدرسون اغلب يومكم في مادة وحده وهي الانقليزي يعني بيصير فيه ضغط نفسي عليك
وبيني وبينك اول الايام بيكون فيه ضغط نفسي بقوه لاتخاف ترا الدعوه بسيطه يعني انا الحين صرت ضحك على نفسي يوم كنت اتضايق ايام التحضيريه والاسباب هي كالتالي
- جو الكلية اللي يختلف عن جو ديرتك يعني في ديرتك كنت ترجع من المدرسة وتلقا الغداء وتلقا القيلوله اللي تكون دايم في نفس فراشك اللي تنام فيه كل يوم واذا جاء العصر تلقا من يصحيك ويعدل نومك وتمشي في جو اجتماعي وعائلي طول اليوم واضف الى ذلك انك ماراح تلقى احد يسال عنك يعني مرضت او غبت او زحفت برا الكلية الى الفجر يعني اللي يعرف مصلحته ماعليه خووف واخلك ماراح يدقون عليك بالكثير في اليوم مرتين واذا كلموك تحس انك بعيد منهم واذا سكرت راح تدمع عيونك من البعد:Cry111: وتسوي مثل الصورة هاذي وتروح للكورنيش حق النخيل وتوقف على جسر النهر الصناعي اللي فيه وتقوم تبكي وتبكي >>>>>دخل جو كنه يقول قصة فلم

بالمختصر المفيد اعرف مصلحتك اعرف مصلحتك اعرف مصلحتك
( وبعدين اسال اسئله واضحه علشان ابين لك )

ننتقل للاخوان النبراسي و فيصل هاشم السكن من يوم تحط مفتاحه بجيبك اعتبره بيتك تدخل متى ماتبي وتطلع متى ماتبي حتى في اوقات الاجازات وعطل نهاية الاسبوع لان السكن مايفضى يعني حتى في الايام هاذي اعف ناس ساكنين بالسكن وهم طلاب يطبقون بالشركات ولا عندهم اجازات لرمضان
لكن واكرر لكن
متى يعطونك السكن ؟ اذا كان فيه فراغ في السكن وفيه مجال للسكن وانت مستوفي للشروط رراح تسكن باذن اللي ماتنام عينه لكن اذا مافيه فراغ دق اصبع وابلش بروحك وين تلقى شقه في يوم واحد يعني تروح تسكن بالانتر كونتيننتال الغرفه ب 800 ريال يوميا ههههههههههه

بس ماعليك بسيطه راح ترقع لين مايقون لك سكن وانت بعدين اذا قالوا لك مافيه سكن قل لهم يااخي وين اروح انا جاي من المدينة الفلانيه ولا اعرف احد ولا لقيت شقه ؟ وين اسكن ؟ بالشارع؟ ولا بالسياره ؟
وان شاء الله يدورون لك سكن ويلقونه وموظفي الاسكان بالكلية كلهم طيبين ومتفاهمين مع الطلاب وهم افضل ادارة متفاهمه مع الطلاب >>>>>>>>>يسب ادارة شئون الطلاب بطريقه غير مباشره

اتمنى اكون افدتكم ...........
واي سؤال يطري في بالكم انا هنا موجود عقب صلاة الفجر كل يوم .........
دمتم بود.........................حبيبكم

[عايض القحطاني]

الا خ ابو طيف

والل ه اكتفي بقول كلمة استخير ربك وشف انا ماابي افتي لك بشي واخاف تندم عليه بعدين وانا اقول ان معهد الاداره اسمه معهد ويكفي ان اسمه معهد واضف الى ذلك مستشفيات يعني متكي في البيت بعد التخرج

استخر ربك وشوف ورد لنا خبر

[NAZ]

شكراً أخوي على الإجابة
وعندي كمان سؤال ثاني:
هل يوجد في الكلية أماكن للترفيه؟
وسمعت من بعض الشباب أن في الكلية يوجد (ويرلس) بشكل قوي وسريع في التحميل....صح ولا خطأ:119:

[عاطل بجداره]

انا داري اني خثيتك بس تحملني

بالنسبه للميز يقولو فيه اثنين واحد معروف وله فروع في الجبيل :o3:
والثاني تابع للكليه با اسعار رمزيه بس اكلهم ما يسوى :mh19: ويقولون يحطون فيه ماده ما تخليك ...:c8: .. والله اعلم

ياليت تتحملني وتجاوب بصراحه :praying: :praying:

[دوسـ502ــري]

انا داري اني خثيتك بس تحملني

بالنسبه للميز يقولو فيه اثنين واحد معروف وله فروع في الجبيل :o3:
والثاني تابع للكليه با اسعار رمزيه بس اكلهم ما يسوى :mh19: ويقولون يحطون فيه ماده ما تخليك ...:c8: .. والله اعلم

ياليت تتحملني وتجاوب بصراحه :praying: :praying:

هذا الكلام صحيح ....
يحطون كافور يخلّيك ماتفكر في شي تتبلّد ذهنياً وبدنيا و.....

بس انا قد كلت منه مره وحده وماصار معي شي ابد......


اعذرني ياحبيبكم على التدخل بس الموضوع موضوعي عارف.....
وبالنسبه للمطعم الثاني له فروع في الجبيل والدمام ....

وشكراً

[دوسـ502ــري]

شكراً أخوي على الإجابة
وعندي كمان سؤال ثاني:
هل يوجد في الكلية أماكن للترفيه؟
وسمعت من بعض الشباب أن في الكلية يوجد (ويرلس) بشكل قوي وسريع في التحميل....صح ولا خطأ:119:

معصي
مافيه الا الضعوي بهالكليه فيه وايرليس بس مو قوي وين شايفنا جامعة البترول<< يقولون بهالجامعه سرعة اتصال صاروووووووووووووخ
معليش ياحبيبكم مره ثانيه على الرد بس امون :mh001:

[عايض القحطاني]

السلام عليكم

اولا ليش مافيه مشاركات ياشباب

ثانيا نبدا باجابات الاسئله

الاخ NAZ

من ناحية الترفيه فيه صالات للبلياردو وللترفيه في الكلية وتقع خلف المسجد وهي خوووش اماكن وهادئه ولا فيها عيال الشوارع وانت تعرف وش يصير بالمقاهي واماكن البلياردو من دخان وصياح ولجه بالعكس اللي موجود بالكلية مكان هادئ وفيه اشراف ومراقبين وناس مسؤؤله عن الشي هذا وكذلك فيه مكتبة الكلية ويوجد فيها انترنت مجاني سريع جدا وكذلك قسم لقراءة الجرائد والصحف التى تصل يوميا الى المكتبه وفيه مكتبة لقراءة الكتب في الدور الثاني وهذا كله مجانا

يعني لاتخاف راح تقزر البريكات اللي بين المحاضرات

ومن ناحية الواير ليس موجود واير وجيد نوعا ما اذا مافيه زحمه عليه يعني بعد العشاء تلقا ضغط عليه فتحصل على سرعه مقبوله

ولكن اوقات الظهيره والعصر تكون السرعه عاليه جدا

واحب اقول لك شي ان الواير ليس مراقب يعني كل شي تحمله تشوفه الاداره وسبق ان عوقب طلاب لتحميلهم مقاطع ولدخولهم مواقع مخالفه للعادت والقيم والدين الاسلامي




ننتقل لاسئلة اخي عاطل بجداره ( وش دعوه يااخي ترا لا غثيتنا ولاشي بالعكس ماتصدق كيف انا فرحان وانا ارد على اسئلتكم وانتظرها على جمر)


المطاعم ثلاثه بالكلية وهي كالتالي

1- مطعم الزاد وهذا مكانه جنب السوبر ماركت يقدم وجبات خفيفه مثل البرجر والتشيبس والفيليه والحركات الي زي كذا واسعارهم معقوله
2- مطعم شركة نسمه وهاذا مطعم مخفض للطلاب يعني الوجبه مايقارب ريال واحد وهذا يسمونه مطعم الطلاب واكله جيد وكويس وينوعون بالاكل وشغله اوكي ..قبله كانت الشركة السعوديه للتموين والتعهدات وكانت شركة سيئه جدا ومع الحاح الطلاب على لدكتور مصلح (مدير الكلية ) انها عقدها وتقاولت الكلية مع هذا المطعم الجيد ( اوقاته من الساعه 6 الى 8 صباحا للافطار )(ومن 11 الى الساعه 1 للغداء ومن الساعه 6 حتى الساعه 8 للعشاء )
3- مطعم شركة نسمه ونسمية المقصف ويكون فاتح من الصباح الى الساعه 8 مساءا يعني متى ماجيت تقلى اكل وهو نفس طبخ المطعم المخفض بس اللهم انك تلقاه باي وقت وعندهم سندويشات للافطار وجرب البيض جبن راح يعجبك مع الخبز الدائري مع بطاطس ومايونيز وحمضيات:g8:

[عايض القحطاني]

السلام عليكم

اولا ليش مافيه مشاركات ياشباب

ثانيا نبدا باجابات الاسئله

الاخ Naz

من ناحية الترفيه فيه صالات للبلياردو وللترفيه في الكلية وتقع خلف المسجد وهي خوووش اماكن وهادئه ولا فيها عيال الشوارع وانت تعرف وش يصير بالمقاهي واماكن البلياردو من دخان وصياح ولجه بالعكس اللي موجود بالكلية مكان هادئ وفيه اشراف ومراقبين وناس مسؤؤله عن الشي هذا وكذلك فيه مكتبة الكلية ويوجد فيها انترنت مجاني سريع جدا وكذلك قسم لقراءة الجرائد والصحف التى تصل يوميا الى المكت

[عايض القحطاني]

ومن ناحية الكافور لاتخاف مايحطون كافور

دوسري عسا ماشر لايكون مكثر بالفطور بس

ترا الدعوه ماهي عسكرية لا تخافون انا اعرف ناس شغالين بالمطعم ومراقبين من الهيئة الملكية وسالتهم قاموا يضحكون علي ويقولون انت من جد ؟؟


لا تصيرون خوافين





اخوي دوسري 502 تموون عادي بس الشئ اللي ماتعرف عنه شي يمكن انا اعرف عنه اكثر منك
ويمكن اكون انا فاهم اكثر منك لان على حد علمي انت بالتحظيريه انا ماعندي مانع انك ترد عني بس لاتشوه الكلية في وجيه الطلاب الجدد يعني ممكن تكون عندك اخطاء تتوقع كل الطلاب مثلك

ااسف على شدة اللهجه معك والدعوه انترنت ووناسه وسؤال واجابه


تقبوا تحياتي

دمتم بوووووووووووود ...........حبيبكم

[فصولي القحطاني]

:d5:سلام عليكم

حبيبكم

اقدر لك اتعابك معنا لايصال افضل صوره للكليه الى الطلبه الجديدين فيها:praying:

واشكر لك جهدك الفاضل


انا عندي كم سؤال ياريت توضحلي اياهم :119:





[بغيت اسال عن التحاليل هل هم يسوون تحاليل للامراض او للصرع او لفصيله الدم او للمخدرات
يعني بالعربي بيسوون لنا تحاليل اذا بدينا الدراسه ولا لا ؟؟





وحبيت اسال عن مواد الانجليزي 12 كتاب والجرامرز هذي حقت ترم ولا ترمين؟؟ وهل بيعطونا زياده؟؟


وبغيت اسال عن الغرف مفروشه كامل ولا اجيب معي اشياء ((وياريت اذا بجيب معي تعلمني وش نجيب)):119:




وبالنسبه للعب الكوره الملعب مفتوح اربع وعشرين ساعه :000: ولا بس وقت الحصص يعني يمدينا نلعب كل عصريه <<كما هو حالنا الان)).. .:hahaha_2008:



وابي اعرف هالحين الجو رطوبه طووول السنه ولا بعض الاوقات تخف وبعض الاوقات تزيد؟؟:mh19:



وسلامتك يالغالي واسمحلي ع الاطاله بيني وبينك انا شفتك تستقبل الاسئله قلت خليني اسالك كم سؤال

[NAZ]

ألف شكر أخوي حبيبكم على الإجابة الرائعة :d5:
وحبيت أسألك سؤال ثالث كمان:
كيف السكن؟ وأيهم أحسن القديم ولا الجديد؟

[عاطل بجداره]

:d5::d5::d5:

:d5::d5:

:d5:

والله ماقصرت وانت شاد حيلك

وانا اقرالك في منتدى كلية ينبع والى الأمام

س / وش افضل عماره من ناحية السكان والقرب من الكليه والراحه النفسيه :lllolll:<<< بينقي الأخ :hahaha_2008:

ووش تنصحني اجيب معاي للسكن

والشنط للي ما عنده سياره وبن يحطها اول يوم قبل ما يستلم السكن :s11:

[عايض القحطاني]

السلام عليكم

نبدا باسالة اخونا فيصل هشام

التحليل على حسب توقعاتي انه حللوك عند الفحص الطبي ويكون لفصيلة الدم علشان يحطونها بالبطاقه ويمكن لهم فيها مأرب اخرى ( ماادري عنهم )
اما من ناحية الانقلش ون اتوقع انك استلمت كتب الانقلش ون بس يعني 12 كتاب سكيلز وهي الكتب البيض وكتاب احمر وكتابين لونها اسود صغار يعني اصغر من الاحمر على حسب عدد الصفحات وتلقى مكتوب عليهم فوليوم A وهاذي الكتب للانقلش ون بس
يعني الله يعينك عليها بس ترا والله بسيطه وتافهه خاصة الكتاب الاحمر شكله يخوف بس بسيط والانقلش تو راح يعطونكم كتب مثلها 12 كتاب سكيلز وكتابين لونها اسود مكتوب عليها فوليوم B
ملاحظه ( ممكن تكون الكتب اللي لونها اسود مع بعض يعني volume A + volume B في كتاب واحد يعني راح تستفيد منه الترمين )

من ناحية الغرف الغرفه مفروشه يعني فيها سريرين وفيها ابجورتين (اذا انت بالسكن الجديد) وفيها مكتب صغير وفيها دولاب للملابس ويمكن تلقى تلفزون من الطالب اللي قبلك ( في السكن القديم ) يعني اذا جيت راح تمشي اوضاعك يعني تشتري اشياءك الناقصه مثل غلاية الشاي والمناديل الاشياء اللي مثل كذا


الملعب حق الكورة مفتوح الى تقريبا الساعه 10 مساءا بما فيها ملعب كرة اليد والطائره + ملعبين كره قدم
وابشرك كل عصريه يصير فيه مباريات بين الطلاب يعني بدل ملابسك ورح هناك وبتلعب ( واذا تبي واسطه انا موجود يلعبونك هجوم )


الرطوبه تكون في فصل الصيف فقط وفي فتره بالصيف بس اما باقي فصول السنه الجو كويس وفي الشتاء يكون الجو بارد وبعض الاحيان قارس

ننتقل لاسئلة الاخ NAZ
ايجابيات السكن الجديد
1- السوبر ماركت وطعم الزاد ومغسلة الملابس قريبه منك
2- المكيفات بارده جدا في فصل الصيف
3- المباني جديده بنيت عام 1425 او 1426
4- المواقف متوفره
سلبيات السكن الجديد
1- الغرف ضيقه نوعا ما
2- لايوجد كيبل للتلفزون واضف الى ذلك ممنوع تجيب تلفزون معك يعني اذا كنت بتشغل DVD
3- بعيده نوعا ما من مبنى اللفه الانجليزية اللي راح تروح له كل يوم
ايجابيت السكن القديم
1- الغرفه وسيعه
2-يوجد كيبل للتلفزيون
3-قريب من المباني الاكاديميه ومبنى اللغه الانجليزيه
4- قريب من المطعم
5- قريب من المسجد للعمائر التالية ارقامها 3و4و5و6و7و8 اما العمائر الباقيه تقطع الخميه الي بنص المباني القديموه عند النافوره وتروح للمسجد
سلبيات السكن القديم
1- المباني قديمه لكن مايبين عليها
2- التكييف عليه مشاكل بالصيف يعني اذا جات الرطوبه وجوده مثل عدمه في بعض العمائر
3-المواقف شحيحه وقليله يعني من يوم تشغل سيارتك وتبي تطلع من الموقف تلقا وراك سياره تنتظر متى تطلع علشان ياخذ موقفك







( اما من ناحية النظافه العمائر كلها الجديده والقديمه نطيفه جدا يعني من يوم تحذف المنيدل في الاسياب تلقا عامل النظافه منبطح تحتك ولاقط المنديل قبل لايطيح على الارض )

واما من ناحية النفسيه فيه مستشفى اسمه اشهار بالطائف كويس ويمدحونه

واما من ناحية الشنط>>>>> اكتفي بقول كلمة مدري



اتمنى اني اكون افدتكم وهذا مااسموا اليه
وطموحي في هذا المنتدى انكم تاخذون اكبر قدر من المعلومات لدرجة انك اذا دخلت الكلية في ذلك اليوم انك تشوف انها ماهي غريبه عليك وانك عارف كل شي عنها

ملاحظه انا هنا في المنتدى بعد صلاة فجر كل يوم الى بداية الدراسه










دمتم بود ...........................حبيبكم

[فصولي القحطاني]

يعطييييييك العافيه ماقصرت ووافي:d5:




وانا يوم سجلت اخذو مني تحليل عشان فصيله الدم فالبدايه

ابي اعرف في غير هذا التحليل؟؟؟

[عايض القحطاني]

لا خلاص مافيه غير التحليل هذا

[مع نفسك]

مشكوووووووووووووووور ,,,
أخوي بجيب معنا شنطة عشان نشيل الكتب ذي ونروح لقاعة الانقلش <<<<< مثل الثانوي ؟؟ :lllolll:

[عايض القحطاني]

السلام عليكم


لا اخوي مع نفسك مايحتاج شنطه اول يوم اخذ معك القرامر الاحمر مع كتاب السكيلز الابيض رقم 1

واذا خلصتوا الكتبا اخذ معك كتاب 2

مو لازم تشيلها كلها معك

[القحطاني22]

:o3::o3::o3::o3::o3::o3::o3::o3::o3::o3::o3::o3::o 3::o3::o3::o3::o3::o3::o3::o3:

[عايض القحطاني]

ايه معقول


واشكرك على المرور .

[العطافي]

مشكوور الف شكر أخوي حبيبكم مجهود

تستحق عليه جائزة هداف الدورة << وش عنده

س1\ الجدول كيف يكون نظامه وكم مدة

البريكات اللي بين المحاظرات ؟؟؟

س 2\وعن اللبس نكتفي بالحضور

بالزي الموحد ؟؟ وحذاء السلامه

هذا اللبسه اربعه وعشرين ساعه

ولا بس حق مختبرات لخم أم أمي

مكبر وجهه من حذيان الله يعين

اذا كل اليوم اقعد مشعبطه برجلي ؟؟

س3 \ متى يبدا الطابور الصباحي

وكيف وضع التمارين << ياويل امها يالسؤال

رايح مدرسة طيبة الثانويه يبو ..

لا بسالك متى يبدا الدوام ؟؟

س4 \ والجداول متى تتوزع ؟؟


أتمنى اني ماأكون كثرت بالاسئلة

عليك أخوي حبيبكم بس عندي احساس

ان فيه طلاب يدورون عن اجابات

هذه الاسئله ..

دمت بود

[night wolf]

ماعليش انا راح اجيب عن استفساراتك(نريح حبيبكم شوي)

س1\ الجدول كيف يكون نظامه وكم مدة

البريكات اللي بين المحاظرات ؟؟؟

الجداول على حسب في بعض الطلاب عندهم الدوام من الساعة 9_3 والبعض الآخر من الساعة7_12 ......اهم الشي الساعة 3 او بالأدق الساعة 2:50 مساءا جميع طلاب السنة التحضيرية منتهي دوامهم وبالنسبة لمدة البريكات هي 10 دقائق

س 2\وعن اللبس نكتفي بالحضور

بالزي الموحد ؟؟ وحذاء السلامه

هذا اللبسه اربعه وعشرين ساعه

تكتفي بالحضور بالزي الموحد وبالنسبة لحذاء السلامة انت ماتحتاجه الا اذا كنت متخصص لأنه يستعمل للورش فقط يعني اشتري لك حذا خفيف وفك حالك

وتلبسه اربعه وعشرين ساعه ليش عسكري........متى ماانتهى الدوام اخذه وشوت به:bngo12:

س3 \ متى يبدا الطابور الصباحي

وكيف وضع التمارين

وضع التمارين 40 مرة ضغط :mh35: وين احنا الواحد جاي وراسه وراسه هاذا كبره مافيه تمارين روح الكلاس وريح حالك:mh001:


لا بسالك متى يبدا الدوام ؟؟

كل طالب وجدوله بس الدوام الرئيسي يبدأالساعة السابعة صباحا


س4 \ والجداول متى تتوزع ؟؟

الجداول تنزل لك على موقع الكلية في الاسبوع الاخير من الاجازة:Cry111: ويمكن يوم الاربعاء آخر يوم في الاجازة وهم راح يرسلون لك رساله اذا نزل الجدول

أتمنى اني ماأكون كثرت بالاسئلة

خذ راحتك المنتدى وضع للمناقشة والاستفسارات وانا او حبيبكم كلنا مكملين لبعض وكل واحد يساعد الثاني واي شيء يدور في بالك لاتتردد احنا حاضرين

[عايض القحطاني]

اجابات شافيه اخي Night Wolf واشكرك على الرد







دمتم بود ...................حبيبكم

[NAZ]

شكراً أخوي حبيبكم على الإجابات الشافية
وتم إضافتك إلى قائمة الصداقة لدي:119:
وكمان عندي سؤالين:
في المحاضرات نجيب دفاتر؟ وإذا نجيب دفاتر كم ورقة؟:hahaha_2008:
والسؤال الثاني: إذا جبت معدل عالي في السن التضيرية يمكن أحول لجامعة الملك فهد؟

[عايض القحطاني]

السلام عليكم


اتوقع انك ماتحتاج للدفاتر لان كتاب السكيلز يعتبر كانه دفتر وحل التمارين تكون في الكتب

ولا مانع انك تاخذ دفتر لتسجيل ملاحظاتك الخاصه

اما من ناحية التحويل مااتوقع لان السنه التحضيريه بالكلية تختلف عن السنه التحضيرية بجامعة الملك فهد

نصيحه (اذا دخلت كلية الجبيل انسى جامعة الملك فهد علشان تبدع في كليتك ودراستك اما اذا كنت تفكر في جامعة ثانيه صدقني ماراح تفلح فاذا ماقبلتك جامعة الملك فهد انساها وكمل دراستك في اي مكان ثاني )



دمتم بود .......................حبيبكم

[مونارو]

السلام عليكم ورحمة الله وبركاته وتقبل الله طاعتكم في هذا الشهر

لدي بعض الإستفسارات أتمنى التفضل والإجابة عليها ولكم جزيل الشكر

1-أنا من خريجي الكلية التقنية قسم حاسب آلي هل أستطيع الإلتحاق بالكلية ولو على حسابي الخاص أي برنامج تعاوني كالموجود في الكلية التقنية وجامعة الملك فيصل؟

2-إذا كانت الإجابة بنعم هل أستطيع الإستفادة من الساعات المكتسبة من الكلية التقنية أم فقط أستطيع التسجيل بالشهادة الثانوية علما بأني خريج ثانوية عامة تخصص علمي ؟

3-ماذا عن برنامج التحويل هل أستطيع الإستفادة منه علما بأنيي إدرس حاليا خارج المملكة ؟

ولكم جزيل الشكر والإمتنان

[عايض القحطاني]

عذرا اخي مونارو لايوجد عندي اي معلومه عن التحويل


اتصل بالرقم 033402000 وسوف تجد الاجابات الشافيه ان شاء الله

[عاطل بجداره]

:d5: :d5: :d5: :d5:

هذا الرد والا بلاش مو زي الي يتفلسف فيها ويسوي ما فيه زيوه :g8:

[عايض القحطاني]

ماسوينا الا الواجب

[مونارو]

الله يعطيك العافية وما قصرة وكفيت وفيت يا حبيبكم :love080:

[عايض القحطاني]

حياك ربي خيووووو

[فهد القحطاني]

السلام عليك يا ذيبان...

الله لا يهينك ويوفقك إن شاء الله...


أنا بسأل سعال :bngo12: آسف قصدي سؤال؟؟

ألحين إذا تخرجت من الكلية دبلوم وقدمت على البكالوريوس ودخلت وما توفقت مثلاً في أول سنة أو في منتصف البكالوريوس أقدر أطلع من الكلية بالدبلوم ولا ما أقدر؟؟؟

وشاكر لكم،،

[night wolf]

فهد القحطاني تحية لك


ألحين إذا تخرجت من الكلية دبلوم وقدمت على البكالوريوس ودخلت وما توفقت مثلاً في أول سنة أو في منتصف البكالوريوس أقدر أطلع من الكلية بالدبلوم ولا ما أقدر؟؟؟

اكيد تقدر لأنه شهادة الدبلوم مستقلة

[NAZ]

السلام عليكم حبيبكم
كيف حالك؟ الحمد لله:119:
بأسألك سؤالين عن الجدول الدراسي اللي نزل اليوم:
فيه مادة اسمها Introduction to Computer يعني المدخل في الحاسب الآلي
في الجدول اللي عندي ولا يوم نحضر محاضراتها وكاتبين اسم المحاضر Self Study يعني دراسة ذاتية
ممكن تشرح لي كيف كذا الله يوفقك؟
والسؤال الثاني: لما نحضر حصص التربية البدنية فين نبدل الملابس؟ فيه خزنات نحط فيها الملابس؟:c8:
وسؤال ثالث كمان:
لكن أول شي أدخل على هذا الرابط: http://212.24.255.67/e-Registration/(2ri12s45tgqx3unarftqdfun)/absent.aspx
السؤال: يعني ايه (3/15)؟:000:
والسلام عليكم.....

[عايض القحطاني]

السلام عليكم

اخي Naz

اما من ناحية مادة المدخل في الحاسب الالي ( على عهدنا كان فيها محاضرات ودراسه ) في وقتكم مالها محاضرات ولكن لها اختبرات يعني تدرس الماده بغرفتك الله لايهينك وتختبر الميجر والفاينل والماده بيني وبينك سهله كلها وورد واكسل وشوية تعاريف واشكال الاجهزه وخرابيط


اما من ناحية التربيه البدنيه فيه اماكن لتغيير ملابس ( وبعدين وش ذا الحياء على ايامنا كنا نبدل في الشارع ولافيه اي مشكله )


اما من ناحية ثلاثه على خمسه يعني عدد محاضرات 3 اسابيع من اصل محاضرات 15 اسبوع يعني لو فيه ماده تدرس فيها 6 محاضرات بالاسبوع
وتغيب فيها اكثر من ثلاث اسابيع يعني تغيب 18 محاضره تاخذ فيها احلى دي ان

ان شاء فهمت واذا مافهمت قول مافهمت علشان اوضح اكثر


دمت بود

[اسير الليل]

السلام عليكم.............. كيف الحال اخوي حبيبكم
اول شيء أشكرك من صميم قلبي على الخدمات اللي قدمتها لنا والله بينت لنا اشياء كثيره ما كنت اتوقع اني بعرفها واتوصل لها في السرعه هاذي وبعدين مواظيعك اللي إطلعت عليها كلها خياليه ........الله يجعلك من كذا واحسن ,.,.,.,.,.,.,.,.,.,.,.,.,.,.,.,.,.,.,.,


ثاني شيء عندي كم سؤال ابغى تجاوبهن إذا اكون ما ثقلت عليك ... الأسئله هي

1- وشي الوجبات اللي يقدمها المطعم إذا كنت مشترك معهم بالكروت وهل تأخذ على عينك ولايعطونك الوجبات هم بلا إختيار
2- الإشتراك بكم وكم المده وكم عدد الوحبات
3- صالة كمال الأجسام هل فيها مدرب ولا لا وماهي طريقة الإنتظام بالصاله هل هو بإشتراك ولا بدون وإذا كان بإشتراك كم سعر الإشتراك

مع أمنياتي لك بالتوفيق والسداد
وشكرًا

ودمت سالم

[NAZ]

السلام عليكم
وعليكم السلام ^^

اخي Naz

اما من ناحية مادة المدخل في الحاسب الالي ( على عهدنا كان فيها محاضرات ودراسه ) في وقتكم مالها محاضرات ولكن لها اختبرات يعني تدرس الماده بغرفتك الله لايهينك وتختبر الميجر والفاينل والماده بيني وبينك سهله كلها وورد واكسل وشوية تعاريف واشكال الاجهزه وخرابيط
طيب فهمتك من هذه النقطة:119:

اما من ناحية التربيه البدنيه فيه اماكن لتغيير ملابس ( وبعدين وش ذا الحياء على ايامنا كنا نبدل في الشارع ولافيه اي مشكله )
لا والله مو حياء...سألت كذا علشان أطمّن :o3:


اما من ناحية ثلاثه على خمسه يعني عدد محاضرات 3 اسابيع من اصل محاضرات 15 اسبوع يعني لو فيه ماده تدرس فيها 6 محاضرات بالاسبوع
وتغيب فيها اكثر من ثلاث اسابيع يعني تغيب 18 محاضره تاخذ فيها احلى دي ان

ان شاء فهمت واذا مافهمت قول مافهمت علشان اوضح اكثر
شكراً والله أخوي على الإجابات الرائعة :d5:
فهمت كل شي وما يحتاج شرح
مع السلامة.....

[عايض القحطاني]

حياك ربي خيووووووووو

[عايض القحطاني]

الوجبات متنوعه كثيرا وان شاء الله تعجبك ونعم تاخذ على عينك تطلب منه اذا اردت من هذا الصنف

الاشتراك تشتري دفتركوبونات اتوقع بعشرين ريال فيه سبع وجبات غداء وعشاء واتوقع ان سعره 20 ريال


صالة كمال الاجسام لا اعلم عنها شيئا ولكن ارى طلاب يدخلون فيها ولم اسال احدا منهم

[Musti14]

الصالة لا يوجد لها اشتراك فري



اخوي انت ذكرت اذا عندك مادة فيها 6 حصص في الاسبوع و غبت 18 فانك تاخذ احلى DN ,, لا تاخذ الـ DN لما تغيب 19


نسيت +1


لان المسموح هو 3/15 وبعدها يتغير اللون .


الله يعيني عندي هالسمستر بيهيفير الله يعين بس منزلنها عن واحد اسمه سعيد الشهراني الله يستر افيدونا

وعندي تكنيكال رايتنج عند هاري .


اذا فيه معلومات عن سعيد وهارلي الرجاء افيدونا .

[اسير الليل]

مشكورين اخواني على الإجابه بس الصاله فيها مدربين ولا لا وإذا فيها مدربين يكونون موجودين من الساعه كم إلى الساعه كم ومتى يفتحون الصاله ومتي يسكرونها ......................وشكرًا

[night wolf]

أسير الليل راح اعطيك الاجابة بدل من حبيبكم ......يوه ياذا الملقوف:c8:


1- وشي الوجبات اللي يقدمها المطعم إذا كنت مشترك معهم بالكروت وهل تأخذ على عينك ولايعطونك الوجبات هم بلا إختيار

الوجبات التي يقدمها المطعم متنوعة مثل الوجبات الرئيسية معكرونة -رز-بيتزا وايضا حلى كيك وعصير او لبن وسلطة وحمص وصنف من الفاكهة ولكن الأكثر رز طبعا هم راح يعطونك كل شيء بس اذا فيه شيء ماتريده ماراح يعطونك اياه

بس لاتفرح واجد اكلهم الله بالخير ؟؟؟؟؟؟؟؟؟؟؟؟؟؟ انا مايعجبني ولا بريال بس جربه انت واحكم بنفسك

2- الإشتراك بكم وكم المده وكم عدد الوحبات
تشتري التكت من نفس المطعم بعشرين ريال ولمدة اسبوعين وفيه 7 وجبات غداء وعشاء

3- صالة كمال الأجسام هل فيها مدرب ولا لا وماهي طريقة الإنتظام بالصاله هل هو بإشتراك ولا بدون وإذا كان بإشتراك كم سعر الإشتراك

فيها مدرب طل:011:الصالة مافيها مدرب ولاتحتاج الى اشتراك انت روح وعلى طول درب حالك بحالك والمعدات ارى انها قديمة ولا يوجد اهتمام بهذه الصالة ولكن اتمنى ان تصل الرسالة الى المسؤلين

دمت سالم

[اسير الليل]

اشكرك على المعلومه

[مع نفسك]

طيب أنا بسأل عن المدرسين ,, خاصة المدرسين التاليين ::
Khan ( خان ) مدرس انجليزي ---- قراءة و قواعد
S.a. Al-arishi ( العريشي ) مدرس انجليزي ---- كتابة
S.abdulhakim ( عبدالحكيم ) مدرس انجليزي --- مهارات
ــــــــــــــــــــــــــــــــ

M.al- Hrige ( الحريجي ) مدرس الرياضة
ـــــــــــــــــــــــــــــــ

A.a.s.al-jerboa ( الجربوع ) مدرس مهارات
ـــــــــــــــــــــــــــــــ

أنا أدري أنه تعاملهم ان شاء الله تمام ,,
بس ودي أعرف سلبيات المدرس و ايجابياته ,,
يعني كيف اختباراته و شرحه ؟؟



في سؤال أيضا ,,, هل نكلف بواجبات ,, وهل يوجد بحوث ؟؟؟::

[عايض القحطاني]

السلام عليكم

اشكرك اخي بالرد عني
اما ناحية كل من
khan =فكثير من المدرسين يحمل هذا الاسم ولا اعرفهم كلهم
العريشي= ماادري وش اقول وكيف اصفه هذا الدكتور سلطان عريشي سعودي الجنسيه افضل دكتور في الكلية وشبابي ومحبوب بين الطلاب ويدرس احسن تدريس
عبدالحكيم = مااعرف عنه شي واول مره اسمع عنه
الحريجي =مدرس كويس ومتفاهم مع الطلاب ويطلع الطلاب بدري;)
الجربوع= مدرس ثقافه اسلاميه ويدرس مادة مهارات التعلم مطوع وسعودي مهتم بالتحضير كثيرا ولا يطلع بدري يعني لو تموت ماطلعك
اذا عطاك واجبات لاتحل لان مافيه درجات على الواجب بس الطالب المهتم يذاكر ومن المذاكره يحل الواجب

والبحوث يطلبونها من المتخصصين

لان بالعقل كيف يطلب منك بحث وانت تدرس انجليزي

[NAZ]

السلام عليكم...كيف حالكـ
عندي سؤال بخصوص مادة (المدخل في الحاسب) التي أصبحت دراسة ذاتية:
هل نكلف في هذه المادة بالواجبات و التطبيق العملي. يعني بإختصار (نجيب معانا لاب توب في السكن علشان نحل الواجب إذا كان تطبيق منزلي)؟

[عايض القحطاني]

يااخي مافيها محاضرات ولا واجبات ولا شي فيها شي واحد واسمه اختبار يعني تختبر وبس


وبعدين وش قصتكم مع الواجبات انا من يوم دخلت الكلية مااذكر احد عطاني واجب

[NAZ]

وكمان بأسألك عن المدرسين وجنسياتهم وأخلاقهم طريقة دراستهم اللي عندي في الجدول:
1- Jenn (انجليزي-قراءة)
2- J.d.rosa (انجليزي-كتابة و مهارات)
3- M Al-nofaie (انجليزي-قواعد)
4- M.al-hrige (تربية بدنية)
ولكـ جزيل الشكر

[NAZ]

يااخي مافيها محاضرات ولا واجبات ولا شي فيها شي واحد واسمه اختبار يعني تختبر وبس


وبعدين وش قصتكم مع الواجبات انا من يوم دخلت الكلية مااذكر احد عطاني واجب
آسف أخوي لا تزعل :Cry111:
أعرف انك جاوبت على سؤالي السابق عن هذه المادة وفهمتك
لكن أنا قصدي من هذا السؤال: فيه تطبيق عملي ولا لأ ؟

[عايض القحطاني]

هههههههههههههههه ماعليك انا ماازعل

المدرسين هاذولا اول مره اسمع فيهم

[night wolf]

Naz

الحريجي مدرس التربية الرياضية مخلص في مادته وطيب واخلاقه عالية

والباقي ما اعرفهم

[اسير الليل]

ادري اني ثقلت عليك بس عندي إستفسارين

1-انا اسمع بعض الشباب يقولون فيه مغسلة ملابس وانها اسعارها رمزيه يااليتك تبين لي اكثر

2-انا إستلمت الملابس وطلعت مي على قدي اقدر استبدلها ولا لا

[اسير الليل]

3- انا طلع الجدول حقي وصرت ما تخلص محاضراتي إلا الساعه ثلاث ومعي زميل يخلص الساعه 12 علماً انه اسماء الدكاتره عندي يختلفون عن اسماء الدكاتره عنده اقدر اغير الشعبه اللي انا فيها واصير معاه ......

[night wolf]

1-انا اسمع بعض الشباب يقولون فيه مغسلة ملابس وانها اسعارها رمزيه يااليتك تبين لي اكثر

نعم صحيح فمثلا الثوب سعره العادي 3 ريال اما داخل الكلية 1.5
2-انا إستلمت الملابس وطلعت مي على قدي اقدر استبدلها ولا لا

والله ماادري شوف الادارة

3- انا طلع الجدول حقي وصرت ما تخلص محاضراتي إلا الساعه ثلاث ومعي زميل يخلص الساعه 12 علماً انه اسماء الدكاتره عندي يختلفون عن اسماء الدكاتره عنده اقدر اغير الشعبه اللي انا فيها واصير معاه ......

بما ان رقم الشعبة يختلف فأكيد راح يكون الوقت والدكاترة غير

ما اظن تقدر تغير الشعبة اللي انت فيها لأنه هناك كان اختبار تحديد مستوى وعلى هذا الاختبار تم توزيع الطلاب ليكونوا نفس المستوى

تحياتي

[عاطل بجداره]

KHAN <<<<<>>>> Reading

EWING <<<<>>>> Writing

PEER <<<<>>>> Grammar

O.AL-TARAIEH <<<<>>>> SKILLS

M.AL- HRIGE <<<<>>>> Practical

WALEED AL-BELALI <<<<>>>> Theoretical

SELF STUDY <<<<>>>> Practical

وووش رايكم في المدرسين

Theoretical ووش هاذي الماده
عن ايش تتكلم تكفون ردو :s12:

[عايض القحطاني]

هههههههههههههههههههههههههههههههههههههههههههههههههه ههههههههههههههههههههههههههههههههههههههههه
:119::119::119::119::119::119::119::119::119::119: :119::119::119::119:
self study = هذا مو مدرس بل تعني دراسة ذاتيه يعني تدرسها انت وتجي تختبر
theoretical= نظري
practical= عملي

هاذي ليست مواد بل عملي ونظري
بعض المواد تنقسم الى عملي ونظري

وبعدين يوجد في مبنى اللغه الانجليزية فوق 90 مدرس يعني وش ذا المخ اللي بيعرفهم كلهم

[اسير الليل]

ما قصرت اخوي night wolf كفيت ووفيت وبيض الله وجهك

[اسير الليل]

حبييبكم من يقدر يغير الشعبه في الكليه

[عايض القحطاني]

طلاب التخصص هم اللي يستطيعون تغغير الشعب
واذا كنت تقصد السنه التحضيريه فلايوجد احد يستطيع تغيير الشعبه سواء من الموظفين والطلبة والمدرسين

[اسير الليل]

مرسسي أوي خيو حبيبكم والله جواب بياخذ العئل

[اسير الليل]

اخوي حبيبكم ادري والله اني ثقلت عليك بس اتمنى انك ما عندك مشكله ....... إذا ما عندك مشكله تقدر تجاوبني عن السؤال التالي


في السكن اجيب معي ثلاجة ولا فيه وهل اقدر ادخل دافور (فرن صغير) داخل السكن وهل فيه تفتيش للغرف بشكل دوري


وشكرًا


ودمت سالم

[عايض القحطاني]

السلام عليكم

افاا عليك بس انا مانزلت الموضوع ذا الا وانا ابي اجاوبكم على اسئلتكم

السكن مافيه ثلاجه واذا تبي تجيب جب ثلاجه مسموح والكهرب على مااتوقع 110

الدافور ممنوع اللي فيه نار
ولكن الغلايه مسموحه

والتفتيش على حسب ادارة الاسكان يعني اذا فيه بلاغ على احد بيفتشون غرفته والبلاغ يكون من عريف العماره ( طالب مسؤؤل عن العماره )

[السيـــف]

السلام عليكم

يعطيكم الف الف عافيه على ذا الجهد

وبصراحه في اشياء توني اعرف عنها رغم اني في الكلية لي سنه ونص

وعندي بس استفسارين للمتخصصين ماعليهم امر

اول شيء انا معدي من السنه التحضيريه بمعدل نازل

ونزلوا لي 17 ساعه هل لي حق احذف مواد وكيف ؟؟

نزلتي لي ذي المواد ..

اتمنى اللي عنده خلفيه يفيدني وش طبيعة دراسه ذي المواد وكيف المدرسين اللي عندي


English III A.SALMAN
GES 113 Calculus I A.HABIB
GES 132 Fundamentals of Physics Physics Lab 2 F.AL-RAMADHAN
103 Theoretical K.AL-ASSADI
MME 101 Engineering Drawing OSAMA
MME 102 Workshop Technology M.I.ABUTOUQ
MME 103 Industrial Safety and Environment M.A.HAMMAD
MME 141 Refrigeration Fundamentals S.S.HYDRI
2 Theoretical S.S.HYDRI

[NAZ]

Naz

الحريجي مدرس التربية الرياضية مخلص في مادته وطيب واخلاقه عالية

والباقي ما اعرفهم
شكراً لك أخوي على الاجابة
بس هو سعودي ولا لأ ؟:119:
=======================
وكيف حالك أخوي حبيبكم :119:
ترا أنا ماني زعلان منك والله
بالعكس....أحبك في الله
وعندي كمان سؤال:
ماهي الخدمات الإلكترونية المقدمة من موقع الكلية للطلاب خلال أيام الدراسة؟
وبالنسبة للبريد الإلكتروني الموجود في موقع الكلية كيف أستفيد منه؟
ودمتم بود........

[night wolf]

السيف تحية طيبة لك

عندي بس استفسارين للمتخصصين ماعليهم امر

حـــــاضرين واحنا في الخدمة

اول شيء انا معدي من السنه التحضيريه بمعدل نازل

ونزلوا لي 17 ساعه هل لي حق احذف مواد وكيف ؟؟

نعم يحق لك الحذف عند المرشد الأكاديمي حقك ومدة الحذف او الاضافة ثلاثة أيام بداية من تاريخ 11 /10 الى 13/10/1429هـ
نزلتي لي ذي المواد ..

اتمنى اللي عنده خلفيه يفيدني وش طبيعة دراسه ذي المواد وكيف المدرسين اللي عندي


English III A.SALMAN مادة تعبير تتسم بالصعوبة نوعا ما لكن اذا كنت مهتم بها راح تفيدك كثير ومدرس المادة عليم سلمان مدرس هندي ممتاز وطيب وهو يعجبني سبق ودرست معه انجليش 1 و2
GES 113 Calculus I A.HABIB مادة التكامل والتفاضل شبيهة بمادة ثالث ثانوي لكن بالانجليش صعبة على من لاينتبه لشرح المدرس وكثير من الطلاب يعيد في هذ المادة لاهمالهم لها انتبه ومدرس المادة البروفيسور انور حبيب هندي وهو ممتاز
GES 132 Fundamentals of Physics Physics Lab 2 F.AL-RAMADHAN مادة الفيزياء عملي وهي التطبيق العملي للفيزياء مدرس المادة العراقي الدكتور فخري الرمضان مدرس طيب وجيد
103 Theoretical K.AL-ASSADI مادة الفيزياء النظري وهي مقدمة للفيزياء مادة سهلة نوعا ما ولكن طويلة وقوانينها كثيرة مدرس المادة الأسدي مدرس جيد وطيب
MME 101 Engineering Drawing OSAMA مادة الرسم الهندسي مادة شيقة وسهلة لكن يجب ان تكون مركز علشان تعرف كل شي وتكون مبدع فيها مدرس المادة ما اعرفه
MME 102 Workshop Technology M.I.ABUTOUQ مادة تقنية الورش مادة سهلة جدا وهي عبارة عن تصاميم وقياسات مدرس المادة محمد ابو طويق طيب ولكن غثيث المادة عملي يخليها لك نظري:hahaha_2008: ولا يسكت على طول كلام:017: الله يعينكم عليه
MME 103 Industrial Safety and Environment M.A.HAMMAD مادة السلامة الصناعية والبيئة مادة سهلة جدا بس تحتاج الى واحد يحب الحفظ مدرس المادة ما اعرفه
MME 141 Refrigeration Fundamentals S.S.HYDRI مادة اساسيات التكييف والتبريد ما اعرفها
2 Theoretical S.S.HYDRI

هذه المواد درستها ماعدا اساسيات التبريد والتكييف لأنه تخصصي هو الصيانة الميكانيكية وانت التكييف والتبريد اللي عرفته كتبته لك والباقي عليك

دمت موفق

[night wolf]

Naz تحية لك

جميع مدرسي التربية البدنية من المملكة العربية السعودية

والباقي يجاوبك عليه حبيبكم

[NAZ]

Naz تحية لك

جميع مدرسي التربية البدنية من المملكة العربية السعودية

والباقي يجاوبك عليه حبيبكم

شكراً لك أخوي night wolf على الإجابة:d5:
وبإنتظار حبيبكم:cheese:

[مع نفسك]

مشكووووووووووووووور ,,

حبيت أسأل كيف أخذ ورق التعريف من الكلية ؟؟
واذا في امكانية أخذها في هذي الأوقات ؟؟

[M63]

يعطيكم العافيه

تاخذ التعريف يالغلا

م المكينه اللى بالمكتبه او ادارة السكن

ويمكن انهم فاتحين وشغاله المكينه
شكرا

[مع نفسك]

طيب مشكورين على الردود !!!!!

طيب عندي أسئلة ثانية !!!
ــــــــــــــــــــــــــــــــــــــــ
أنتم تقولوا السكن الجديد غرفها صغيرة ,, كم يعني مساحتها ؟؟؟
الكهرباء 110 أو 220 ؟؟؟
هل المكواة مسموح ؟؟؟
و هل الكونكت مسموح ؟؟
وكيف شبكة موبايلي في الكلية ؟؟

[عايض القحطاني]

السلام عليكم

اخي Naz
الخدمات الكترونيه >>> لكل طالب حساب في الشبكة الداخلية في الكلية ويحتوي هذا الحساب على جميع المعلومات الخاصه بالطالب
مثلا الغياب والحضور , كشف المكافات التي استلمتها , رقم جوالك , مدرسينك , درجاتك ,جدولك الدراسي ,وجدول الاختبارات ,,,,,,,,الخ

وكذلك تستطيع التعرف على اعضاء هيئة التدريس بكتابة اسمه في الخانه وسوف يظهر لك صورته واسمه وجنسيته ومن وين متخرج وشهادته ومكتبه ........


بالنسبه للبريد الالكتروني تجيك فيه الرسايل من االاداره ومدراء الاقسام واخبار الكلية والتنبيهات خاصه لك
ويكون طريق التواصل مع الطالب يعني لازم تفتحه شبه يومي لان كلمة نسيت ولا ادري ماتنفع معهم




دمتم بود.......................حبيبكم

[عايض القحطاني]

اخي مع نفسك


تاخذ ورقة التعريف من جهاز للتعاريف ويكون في ادارة الاسكان وفي المكتبه جهازين فقط في الكلية والتعليمات لاستخدام الجهاز موجوده عند الجهاز

اما من ناحية فاتحين ماادري

في السكن الجديد الغرف صغيره ولكن ليست ضيقه وتصل الى هذه الحدود

الكهرباء على مااتوقع 110

المكواه مسموح
الكونيكت مسموح

من ناحية شبكة موبيايلي الشكة كويسه فلللللللللللللللل

[اسير الليل]

السلام عليكم ....................... الكهرباء بس 110 فولت ولا فيه 220فولت

[عايض القحطاني]

على مااتوقع مافيه الا 110 الجبيل الصناعية كلها 110

[طالب كليةالجبيل]

يعطيك العافية أخوي

ما شاء الله مجاوب على الاسئلة كلها ( بيني وبينك أعتقد أني عرفت كل شي بالكلية منك )


أخوي أبي رأيك

أحد المسؤلين في الكلية يريدني أن العب مع منتخب الكلية لكرة القدم انت ويش رايك أدخل منتخب الكلية وله كيف وأذا دخلت هل سيؤفر على مستواي الدراسي ؟

[NAZ]

السلام عليكم

اخي Naz
الخدمات الكترونيه >>> لكل طالب حساب في الشبكة الداخلية في الكلية ويحتوي هذا الحساب على جميع المعلومات الخاصه بالطالب
مثلا الغياب والحضور , كشف المكافات التي استلمتها , رقم جوالك , مدرسينك , درجاتك ,جدولك الدراسي ,وجدول الاختبارات ,,,,,,,,الخ

وكذلك تستطيع التعرف على اعضاء هيئة التدريس بكتابة اسمه في الخانه وسوف يظهر لك صورته واسمه وجنسيته ومن وين متخرج وشهادته ومكتبه ........


بالنسبه للبريد الالكتروني تجيك فيه الرسايل من االاداره ومدراء الاقسام واخبار الكلية والتنبيهات خاصه لك
ويكون طريق التواصل مع الطالب يعني لازم تفتحه شبه يومي لان كلمة نسيت ولا ادري ماتنفع معهم




دمتم بود.......................حبيبكم

شكراً أخوي على الإجابات الرائعة:d5:
تعبتك معاي
عندي آخر سؤال وإن شاء الله ما يكون الأخير:
بالنسبة لمغسلة الملابس, إيش خدماتها ؟ وكيف أسعارها؟
والإنترنت يوصل للسكن الجدويد ولا أضطر إني أشتري موبايلي كنكت؟
وفي أمان الله.

[عاطل بجداره]

السلام عليكم

يا اخوان تكفون متى توزيع السكن :praying:

كل يوم يجي واحد ويقول يوم اما يوم 6 او 11 :bngo12:

وابي الخبر الاكيد منكم :praying:

ويعطيكم العافيه

[ابـوخليـل]

السلام عليكم

يا اخوان تكفون متى توزيع السكن

كل يوم يجي واحد ويقول يوم اما يوم 6 او 11

وابي الخبر الاكيد منكم

ويعطيكم العافيه


اتصلت عليهم وقالوا لي لانشوف رقعه وجهك الا بـ 11/10

وماراح تحصل ولا موظف مداوم قبل 11/10

[مع نفسك]

أخوي حبيبكم ,,
احين عندنا رياضة ,, رياضة مثل الثانوي ,, المدرس يرمي الكورة بالنص والكل يدخل عليها ؟؟ :hahaha_2008:
و الا في تمارين ؟؟
كيف يعني رياضة ؟؟

[اسير الليل]

يا ناس وشي ورقة التعريف انا اقرا عنها ولا ادري وش سالفتها ؟ وهل هي مهمه ولا لا

[مع نفسك]

السلام عليكم ,, أخوي حبيبكم ,,
معليش مثقلين عليكــ

بس ودنا نعرف كل شي قبل ما نتفاجأ ونروح في خرايطها في الكلية !!!
أقول لو جبت معي شراشف ما تدري يمكن يتوسخ الموجود ,, عادي ؟؟

[عايض القحطاني]

السلام عليكم

اخي طالب كلية الجبيل

بالنسبه لمنتخب الكلية لن يؤثر على دراستك اذا كنت انت مهتما بها . فانا اعرف ناس موظفين ويدرسون بالكلية ومنسقين بين الكلية والدوام
الشي هذا يرجع لك انت في الترتيب ..


اخي Naz

بالنسبة لمغسلة الملابس خدماتها تغسيل الملابس وش اقول اكثر من كذا وفيه مستعجل وعادي زي المغاسل اللي برا
واسعارها نفس المغاسل اللي برا يعني مافي فرق كبير يمكن نص ريال بس او ريال


ومن ناحية الانترنت انا مااستخدم الانترنت داخل الكلية ولكن ارى بعض الطلاب ( متبطحين ) بين العماير الجديده ويستخدمون الشبكة .



اخي مع نفسك

الرياضه في الكلية تنقسم الى ثلاث كورسات كورس كرة طائره وكورس كرة سلة وكورس كرة قدم
ويتم تعليمكن جيع خصائص اللعبه وتطبقونها بالملعب
وبعض المدرسين يحط فيها نظري وبعض مايحط
وطبعا قبل البددايه باللعب يكون فيها هروله وشوية تمارين


اما من ناحية الشراشف ( يااخي انت منت داخل عسكرية جب اللي تبيه لو تبي اثاث بيتكم كله جبه معك يعني من اللي يحاسبك؟؟؟ )


اخي اسير الليل


هذا ورقة التعريف من اسمها ورقة تعريف تثبت انك طالب بالكلية بس

علشان تستفيد من التخفيضات في الخطوط والطيران بس لا اكثر ولا اقل ويمكن تستخدمها في اشياء ثانيه




دمتم بود .........................حبيبكم

[Adel]

Laboratory Techniques<<<<<< Practical<<<<<<<H.Y.HIJAZI
Theoretical<<<<<<<<H.H.JABBAD

English III <<<<<ALEX

Fundamentals of Physics <<<<<<<Theoretical<<<<<K.AL-ASSADI

General Chemistry <<<<<<<Practical>>>>>>A.O.ABBASHER
Theoretical<<<<<<MOUAID

Industrial Safety and Environment<<<<<<H.A.ABU JUBBAH

هاذي اسامي مدرسيني الله يعافيكم اللي عنده اي فكرة عنهم او اي نصيحة في التعامل معهم لا يبخل علينا
ودمتم.......:119:

[عايض القحطاني]

السلام عليكم
نصيحه لوجه الله ادرس GENERAL CHEMISTRY عند Dr.JIMOH TIJANI

خوووووش مدرس وانا اضمن النجاح عنده 100% بس اهم شي الحضور والاسئله تافهه وفي المعمل يعطيك الدرجه فل مارك

[Adel]

طيب كيف ادرس عنده ؟؟
يعيني اقدر ادرس عنده بدون تغيير الشعبة ولا لازم اغير الشعبة؟؟
حتى لو غيرت الشعبة ايش دراني ان الشعبة اللي بروح لها هو اللي بيدرسها؟؟

بليز انتظر الرد:praying:

[عايض القحطاني]

ااسف على التاخير

ابحث عن الشعبه واسال اخوياك عن الشعبه اللي يدرسها تيجاني
وحاول يكون مدرسك في النظري والعلمي


ودمتم

[ابوضيدان]

اخوي حبيبكم ممكن استفسار

ابي اعرف هل بوابة الكلية تقفل في وقت محدد

وابي اعرف الساعة كم نستلم السكن تقريباً

الله لايهينك

[night wolf]

طيب كيف ادرس عنده ؟؟
يعيني اقدر ادرس عنده بدون تغيير الشعبة ولا لازم اغير الشعبة؟؟
حتى لو غيرت الشعبة ايش دراني ان الشعبة اللي بروح لها هو اللي بيدرسها؟؟

بليز انتظر الرد:praying:

عادل اليك هذا الرابط http://212.24.255.67/e-Registration/(exn3ti55yagywq451c4yfe45)/GES.PDF (http://212.24.255.67/e-Registration/(exn3ti55yagywq451c4yfe45)/GES.PDF) وفيه ارقام الشعب واوقات تدريس المادة والمدرس ابحث عن اسم المادة وراح اتشوف اسم المدرس ومو شرط تقدر تغير الشعبة لأنه يمكن يكون هناك امتلاء لهذه الشعبة او تعارض في الوقت مع مادة ثانية ترى التعديل يحتاج الى شغل

[عايض القحطاني]

السلام عليكم

مبرووووووووك تثبيت الموضوع

بوابة الكلية مفتوحه 24 ساعه


اما من ناحية السكن حاول تكون عند ادارة الاسكان قبل السابعه صباحا لكي تتجنب الزحام الشديد
مع العلم ان دوام الموظفين يكون الساعه السابعه صباحا

[مع نفسك]

أنا قريت في المنتدى هذا ,, أن أبواب الكلية تقفل الساعة 12 في وسط الأسبوع ,,
كيف الحين تقول أن الكلية أبوابها مفتوحة ؟؟؟

في سؤال اخر ,, كيف تم توزيع الطلاب على الشعب ؟؟؟
أنا سمعت أنه على حسب درجة الاختبار ,, طيب اللي في الشعبة الأولى أحسن من الشعبة الرابعة ؟؟
لا كيف ؟؟

[اسير الليل]

السلام عليكم............... كيف الحال


1-المسبح متى يفتحونه للطلاب ومتى يسكرونه



2- التخصصات اللي مافيها تكميل بكلريوس هل فيه جامعات او كليات خارجيه اقدر اكمل فيها وإذا ما جبت معدل اقدر اكمل في كليات بالخارج ................اتمنى الإجابه تكون مفصله



3- اخوي حبيبكم في ايام الدراسة متى تكون موجود

[عايض القحطاني]

السلام عليكم

اخي مع نفسك

بوابة الكلية كاااااااااااانت تغلق الساعه 12 وتفتح الساعه الخامسه صباحا
ثم صارت تغلق الساعه 2 فجرا وتفتح الخامسه صباحا
ثم صارت مفتوحه 24 ساعه

يعني الان تفتح 24 ساعه والكلام المكتوب في بعض المنتديات ياخذونه الطلاب الفاشلين دراسيا حجة وعذرا لكي يقوموا بسب الكلية باي طريقه
ولا وش دخل بوابة الكلية في دراستك ؟؟ الطالب الناجح دائما ناجح
واكرر واقول بوابة الكلية مفتوحه 24 ساعه

توزيع الطلاب على الشعب يكون على حسب المستوى الدراسي في اللغه الانجليزيه يعني اللي مستواهم عالي يحطونهم مع بعض والطلاب المتوسطين يحطونهم مع بعض والطلاب اللي ما عندهم خلفيه تماما يحطونهم مع بعض

والسبب
لو وضعنا طالب مستواه منخفض مع طلاب مستواهم عالي فلن يفهم شيئا من المحاضره لان الطلاب (الدوافير ) بياخذون الجو عليه

مع العلم انهم يدرسون نفس المنهج ونفس الكتب ونفس الاختبارات يعني لاتاكل هم الشعبه الاولى مثل الشعبه الاخيره



اخي اسير الليل


المسبح يفتحونه بالصيف ويكون من الساعه 4 عصرا حتى الساعه 10مساءا (ماني متاكد من التوقيت )


التخصصات اللي مافيها بكالريوس توجد جامعات في السعودية منها جامعة الملك فهد للبترول والمعادن تقدر تكمل فيها بس يمكن يحذفون منك ساعات (مواد )

وفيه جامعة توليدو في ولاية اوهايو الامريكيه تستقبل طلاب كلية الجبيل الصناعية وتعتمد جميع ساعاتهم ( موادهم )



وانت اهم شي خلص الدبلوم وبعدين يحلها الف حلال !!!!


اما من ناحية جواب السؤال الثالث راسلني على الخاص



دمتم بود .............................حبيبكم

[فهد القحطاني]

ذيبان حبيبكم يا ليت تعرفني وتشرفني باسمك الكريم وأي سنة تدرس في أي تخصص؟؟؟ << وش تبي وش دخلك:017:

أقول أنا أول يوم هل أخذ معي كتب ولا بدون؟؟

وإذا أخذ معي هذا جدول أول يوم دراسي لي يوم السبت

Physical Activity Practical 1,2

Reading 3,4

Writing 5

SKILLS 7,8

وش هي الكتب اللي آخذها؟؟؟


شاكر لك وكل عام وانت طيب وجميع الطلاب بإذن الله...

[NAZ]

السلام عليكم أخوي حبيبكم
وكل عام وأنت بألف خير
ومبروك على تثبيت الموضوع :d5:

عندي سؤال بخصوص ملابس الكلية, نقدر نستلم لبس ثاني ولا لأ؟
وفي أول يوم نحضر بلبس الكلية ولا بثوب؟
وما هي قائمة طعام مأكولات مطاعم الكلية؟:mh19:

[دنيتي قلبك]

الله يوفقكم إن شاء الله


ويعطيك العافية أخوي (( حبيبكم ))


إن شاء الله في موازين حسناتك


جزاك الله خير






أختك :love080:(( دنـــــــــ:love080:ـــــــــيــتي:love080: قــــــــــ:love080:ـــلــــــــــبكـ )):love080:

[عايض القحطاني]

السلام عليكم

اخي فهد القحطاني
( اي شي عني راسلني بالخاص )

اول يوم مافيه دراسه يعني نام بغرفتك اذا اخذت السكن وخلص باقي اشغالك من شراء للكتب وضبط وضعك

ومن ناحية الكتب انا سوف اكتب موضوع عن المواد وكتبها في القريب العاجل ان شاء الله


اهلا اخي Naz
الله يبارك فيك
وانت بخير وصحه وسلامه

بالنسبة لملابس الكلية فانا عن نفسي لم استلم اللبس الجديد الى الان ولكن اشير بان هناك خياطين لبدلات الشركات في الجبيل ويمكننا ان نفصل بدلات بنفس الالوان يعني لاتاكل هم ...

اول يوم لن يكون فيه دراسه ولكن سيكون فيه توزيع اللبس للذين لم يستلموا لبسهم الجديد وتوزيع الاسكان وشراء الكتب وتغير التخصصات للمتخصصين ( بالعربي مافييييييييييييييه دراسه )


قائمة ماكولات الكلية

تختلف من يوم الى اخر يعني يوم دجاج ويوم لحم ويوم سمك ورز كطبق رئيسي ومعه مكرونه وششوربه وسلطات ولبن وعصير وحلى ........الخ


اخي دنيتي قلبك


انا مااسوي الا الواجب ولم اضع نفسي مثل هذا المكان الا وانا متاكد اني سوف افيد الطلاب بكل مااحمله من معلومات

وانا احمل هدفا معي لابد ان احققه





ودمتم بود .............................حبيبكم

[NAZ]

السلام عليكم أخوي
عندي سؤال:
هل يوجد مكتب للخطوط الجوية قريب من الكلية؟
وفقك ربي....

[عاطل بجداره]

السلام عليكم

كيف الحال اخوي حبيبكم

بالنسبه للسكن يسلمونا قبل اللقاء والا بعده

والي عنده اغراض وين يحطها اذا ما كان عنده سياره :g2:


وكل عام وانتم بالف خير

[عبدالله العنزي]

السلام عليكم
بغبت اسأل عن مدرسالرياضه
(امي) omy
لان خويي رسب عنده

[عايض القحطاني]

السلام عليكم

اخي Naz

يوجد مكاتب للخطوط في الجبيل البلد ويوجد مكتب بالجبيل الصناعية في الفناتير ولكن ليس قريب من الكلية

اخي عاطل بجداره


لا ادري متى يسلمون السكن
من ناحية الاغراض دبر حالك لانه يمكن مايعطونك السكن من اول يوم

اخي عبدالله العنزي

انا درست مادة الرياضه عند اومي
ونجحت على الحفه
والسبب انه يتفلسف في الماده ولا يدري انها مجرد رياضه وبعدين محد يرس بالماده ذي

لان افشل واحد راح ينجح على الحفه



دمتم بود............................حبيبكم

[عاطل بجداره]

اذا رحت انا وواحد من اخوياي يعطونا سكن سوا :mh001:

:mh19::mh19:

:praying:

[مع نفسك]

السلام عليكم ,,

أشكركــ على موضوعكــ الرائع !!

أولا .. ايميل الموجود في موقع الكلية حق الطالب ,, متى يتفعل ؟؟ ونستخدمه ؟؟
ثانيا .. أول يوم بيكون في برنامج للطلاب المستجدين ,, لازم نحضره ؟؟
ثالثا .. اللبس نلبسه من أول يوم ؟؟ وحذاء السلامة ؟؟
رابعا .. الصراحة موضوع السكن مقلقني شوي ,, السكن مضمون ؟؟

[صايع رمل]

:mh19: شباب عندي طلب ودي اشوف الزي الجديد للكلية محد عنه صورة للزي

[ابوضيدان]

السلام عليكم ورحمة الله وبركاته

بغيت اسأل عن سؤالين
1- هل مسموح اني ادخل معي احد الى السكن ؟ ضيف مثلاَ
2- هل البس اللبس اول يوم في القاء ؟ والا مهو لازم

[عايض القحطاني]

السلام عليكم


ااسف على الانقطاع عن المنتدى ليوم كامل وذلك لظروف خاصه


اخي عاطل بجداره


على حسب الامكانية يمكن تسكن في غرفه فيها واحد قبلك يعني مو على كيفك
واذا معك خوي وتبيه يسكن معك في نفس الغرفه اخذه معك ورح لادارة الاسكان وقول لهم هاذا صديقي ونبي نسكن سوا وماراح يقصرون


اخي مع نفسك


ايميل الكلية مفعل من اول يوم سلمت فيه ملفك ومتى مااردت استخدامه يمكنك ذلك ولكن فقط من الشبكة الداخليه للكلية

واما من ناحية برنامج التوجيه والارشاد لااااااااااااااااااااااااازم تحضره لانه يبين لك كل شي بالكلية مثلا نظام التدريس والمواد والسنه التحضيريه وانواع التخصصات وانظمة الامن وانظمة الغياب يعني مهم جدا جدا جدا


اللبس لاتلبسه الا في الفصول بسسسسسسسس يعني برنامج التوجيه والارشاد تعال بثوبك
وحذاء السلامه فقط للمتخصصين يعني اذا تخصصت يلزمونك بلبسه اذا كان تخصصك تقني اما اذا كان تخصصك اداري لاتلبسه الى ان تتخرج
اما من ناحية السكن لاتخاف ماراح يرمونك بالشارع الكلية مهتمه جدا بموضوع سكن الطالب لتهيئ الجو الدراسي علشان مايصير للطالب عذر اذا فشل وانا اتوقع انهم بيستاجرون لكم عماره في معهد الجبيل التقني ( توقع فقط )


اخي ابو ضيدان

( الله يخارجنا من الددسن ذي ذكرتني بايام الثانوية ):Cry111:

يمنع منعا باتا ادخال اي شخص للكلية واذا مسكوه انت اللي بتتحاسب ويمكن يوصل الى فصلك من السكن وبعض الطلاب يهربون ناس بس المغامره عواقبها خطيره

والسؤال الثاني تمت الاجابه عليه



دمتم بود .................حبيبكم

[مع نفسك]

اللبس لاتلبسه الا في الفصول بسسسسسسسس يعني برنامج التوجيه والارشاد تعال بثوبك


طيب واللي يلبس لبس الكلية ؟؟؟ :lllolll:

أعرف أنه سؤال باااايخ ,, بس عديها !!

[عايض القحطاني]

I Think I Will kill some one here:017:

[N.C.I.S]

بالنسبة لأول يوم في التعليمات مكتوب لازم الحضور باللبس


نقطه ثانيه موضوع الجدول << تصدقوني مافهمت شي نهائيا


الفترات من السابعه صباحا توصل الى العاشره ليلا


اتمنى الافاده

[عايض القحطاني]

السلام عليكم

اذا كان مكتوب على التعليمات لازم الحضور باللبس فهاذي مافيها جدال لازم تحضرون باللبس >>>مااحد نبهني على النقطه ذي

الجدول واضح بس ركز في جدول المواقيت يعني اوقات المحاضرات فمحاضره رقم 1 تعني من الساعه 7 الى 7 وخمسين دقيقه >>>> ركز شوي وراح تفهم واستعن بالمترجم


انتم محاضراتكم الى الساعه 3 الا عشر يعني مالك شغل بالمحاضرات اللي الى الساعه 10 بالليل لانها للمتخصصين




دمتم بود ...................................حبيبكم

[السماء الزرقاء]

مشكور اخوي حبيبكم بالنسبه عن الكلية مابقي سوال ماسالوه الشباب ماقصروا شيبوا لك راسك بس عندي سوال كم عدد الشعب فالسنه التحضيريه عشان اعرف انا شعبتي 15 الي عنده شعبه بعده يقول

[عايض القحطاني]

السلام عليكم

بالعكس انا ماوحطيت هالموضوع الا وانا اريد الرد على الاستفسارات اما من ناحية الشعب كثيره

لكن ياشباب اللي شعبته فوق 15 يعطينا خبر ؟؟؟







دمتم بود
مشرف ملتقى طلاب كلية الجبيل الصناعية

حبيبكم

[N.C.I.S]

مبرووووووووووووووووووووووووووك الاشراف تستاهل يالغااالي:d5::d5:


الله يعطيك على قد نيتك .....:praying:



بالنسبة للشعب ما ادري كيف اعرف رقم شعبتي هل هي الرقم اللي بأعلى الجدول


:mh19:

[مع نفسك]

I Think I Will kill some one here:017:

BE RELAAAX :lllolll:

[NAZ]

ياشباب اللي شعبته فوق 15 يعطينا خبر ؟؟؟
هلا فيك أخوي حبيبكم
أنا شعبتي رقم 4 , بس أنا ماني فاهم يعني إيه هاذي الأرقام؟
مشرف ملتقى طلاب كلية الجبيل الصناعية
حبيبكم
ألف مبروووووكـ على الإشراف :mh001: << آخر من يعلم :hahaha_2008:

[اسير الليل]

الف الف مبروك والله تستاهل أكثر من الإشراف

[مع نفسك]

حبيبكم ..
أبغى أعرف متى تبدأ اجازة الحج ومتى تنتهي ؟؟

888888
عشان الحجوزات !!

ــــــــــــــــــــــــــــــــــــــــــــــــــ ــــ

ومتى تبدأ الاختبارات النصفية و متى تنتهي ؟؟

و متى تبدأ اجازة بين الترمين ( عطلة الربيع ) و متى تنتهي ؟؟

[عايض القحطاني]

السلام عليكم

الله يبارك فيكم

رقم الشعبه هو الرقم اللي بجنب الماده اللي مكتوب فوق Sc هاذي تعني Section اي شعبه


اخي Naz

الشعبه تحدد مجموعتك اللي تدرس معها وكلكم راح تدرسون نفس المواد ونفس عدد المحاضرات ولكن الفرق في مستوى اللغه الانجليزية عند الطالب يعني احسن شعبه رقم 1 واللي بعدها 2 .......الخ





اخي مع نفسك

عند بداية الدراسه سوف يكون هنالك جدول اكاديمي يبين لك اوقات الاختبارات والاجازات وكل شي

يعني اذا داومت رح لشئون الطلاب ويعطونك نسخه منه


لانها تتغير من سنه الى سنه اخرى





مشرف ملتقى طلاب كلية الجبيل الصناعية

حبيبكم

[اسير الليل]

اخوي مع نفسك هذا التقويم الدراسي لعام 1429/1430

الفـصــل الدراســـي الأول (291)
السـبت 11/10/1429 هـ 11/10/2008 م التسجيل وتسليم الكتب وبرنامج التوجيه والإرشاد للطلاب المستجدين (291) .
الأحـد 12/10/1429 هـ 12/10/2008 م بدء الدراسه.
الثلاثاء 14/10/1429 هـ 14/10/2008 م نهاية فترة تغيير التخصص وتغيير المسار .
السـبت 18/10/1429 هـ 18/10/2008 م بداية موعد تدريب طلاب البرنامج التعاوني للفصل الأول(291).
الأحـد 19/10/1429 هـ 19/10/2008 م بداية تسجيل طلاب البرنامج التعاوني للفصل الثاني (292).
السـبت 3/11/1429 هـ 1/11/2008 م نهاية فترة الانسحاب الكلي من الكلية بدون علامة (w) في جميع المقررات.
الاربعــاء 7/11/1429 هـ 5/11/2008 م آخر موعد لتسجيل طلاب البرنامج التعاوني للفصل الثاني (292).
الاربعــاء 5/12/1429 هـ 3/12/2008 م بداية إجازة عيد الأضحى المبارك.
الأحـد 16/12/1429 هـ 14/12/2008 م إستئناف الدراسه.
الأحـد - الأحـد 16-23/12/1429 هـ 14-21/12/2008 م فترة إختبارات منتصف الفصل الدراسي.
الاربعــاء 19/12/1429 هـ 17/12/2008 م نهاية فترة الانسحاب الكلي من الكلية بعلامة (w) في جميع المقررات.
الاربعــاء 10/1/1430 هـ 7/1/2009 م آخر موعد لتعبئة نموذج أختيارالتخصص للفصل الثاني (292)عن طريق الشبكه الداخليه (الآنترانت).
الاربعــاء 2/2/1430 هـ 28/1/2009 م ّنهاية فترة الإنسحاب الكلي من الكلية بعلامة (WP) أو (WF) في جميع المقررات, ونهاية موعد تدريب طلاب البرنامج التعاوني للفصل الأول (291).
السـبت - الاربعـاء 5-9/2/1430 هـ 31/1-4/2/2009 م فترة الاختبارات العملية.
االسبت - الأحـد 12-20/2/1430 هـ 7-15/2/2009 م فترة الاختبارات النهائية.
الاثنين 21/2/1430 هـ 6/2/2009 م آخر موعد لتسليم العلامات لمكتب المسجل الساعة (12) ظهراً وتوزيع التخصصات للفصل الثاني (292).
الاثنين - الاربعاء 21-23/2/1430 هـ 16-18/2/2009 م مراجعة جداول الفصل الثاني (292).
الاربعــاء 23/2/1430 هـ 18/2/2009 م آخر موعد لإستلام طلبات أعادة القيد وآخر موعد للتسجيل في برنامج التقويه على موقع الكليه (الأنترنت) للفصل الثاني (292).
االسبت 26/2/1430 هـ 21/2/2009 م بداية اجازة منتصف العام الدراسي .















الفصل الدراسي الثاني


الفـصــل الدراســـي الثاني (292)
السـبت 3/3/1430 هـ 28/2/2009 م التسجيل وتسليم الكتب وبرنامج التوجيه والإرشاد للطلاب المستجدين (292).
الأحـد 4/3/1430 هـ 1/3/2009 م بدء الدراسه.
الثلاثاء 6/3/1430 هـ 3/3/2009 م نهاية فترة تغيير التخصص وتغيير المسار .
السـبت 10/3/1430 هـ 7/3/2009 م بداية موعد تدريب طلاب البرنامج التعاوني للفصل الثاني (292).
السـبت 24/3/1430 هـ 21/3/2009 م نهاية فترة الانسحاب الكلي من الكلية بدون علامة (w) في جميع المقررات.
السـبت 1/4/1430 هـ 28/3/2009 م بداية تسجيل طلاب البرنامج التعاوني للفصلين (293) و (301).
الاربعاء 19/4/1430 هـ 15/4/2009 م آخر موعد لتسجيل طلاب البرنامج التعاوني للفصلين (293) و (301).
السـبت 29/4/1430 هـ 25/4/2009 م نهاية فترة الإنسحاب الكلي من الكلية بعلامة (w) في جميع المقررات.
السـبت - السـبت 29/4-7/5/1430 هـ 25/4-2/5/2009 م فترة اختبارات منتصف الفصل الدراسي.
الاربعاء 18/5/1430 هـ 13/5/2009 م آخر موعد لتعبئة نموذج أختيار التخصص للفصل الأول (301) عن طريق الشبكة الداخليه (الأنترانت) .
السـبت 13/6/1430 هـ 6/6/2009 م نهاية فترة الانسحاب الكلي من الكلية بعلامة (WP) أو (WF) في جميع المقررات.
السـبت - الاربعاء 20-24/6/1430 هـ 13-17/6/2009 م فترة الأختبارات العملية .
الاربعاء 24/6/1430 هـ 17/6/2009 م نهاية موعد تدريب طلاب البرنامج التعاوني للفصل الثاني (292).
االسبت - الاثنين 27/6-6/7/1430 هـ 20-29/6/2009 م فترة الأختبارات النهائيه.
الثلاثاء 7/7/1430 هـ 30/6/2009 م آخر موعد لتسليم العلامات لمكتب المسجل الساعة (12) ظهراً .
الاربعاء - الاربعاء 8-15/7/1430 هـ 1-8/7/2009 م مراجعة جداول طلاب الفصل الصيفي (293) وإستكمال اجراءات التسجيل المبكر المتعلقه بالإرشاد الأكاديمي والجدولة للفصل الدراسي الأول (301).








الفصل الصيفي


الفـصــل الصيفي (293)
الاربعاء 8/7/1430 هـ 1/7/2009 م آخر موعد لإستلام طلبات إعادة القيد للفصل الصيفي (293) والفصل الأول(301)وآخر موعد للتسجيل في برنامج التقويه على موقع الكليه (الأنترنت) للفصل الصيفي (293) وآخر موعد لإستلام جداول الفصل الصيفي (293) لمقرر اللغه الإنجليزيه وآخر موعد للإضافه والحذف وآخر موعد لتغيير المسار .
السـبت 11/7/1430 هـ 4/7/2009 م بدء الدراسة لطلاب مقرر اللغة الإنجليزيه.
الاربعاء 15/7/1430 هـ 8/7/2009 م آخر موعد لاستلام جداول الفصل الصيفي (293) لبقية المقررات الدراسية وآخر موعد للإضافه والحذف وإلغاء الفصل الصيفي وآخر يوم عمل لأعضاء هيئة التدريس غير المشاركين في الفصل الصيفي (293).
السـبت 18/7/1430 هـ 11/7/2009 م بدء الدراسة لبقية المقررات ، وبداية موعد تدريب طلاب البرنامج التعاوني للفصل الصيفي (293).
الاربعاء 22/7/1430 هـ 15/7/2009 م نهاية فـترة الانسحاب الكلي من الكـلية بدون علامة (W) في جميع المقررات.
الاربعاء 7/8/1430 هـ 29/7/2009 م نهاية فـترة الانسحاب الكلي من الكـلية بعلامة (W) في جميع المقررات.
الاربعاء 14/8/1430 هـ 5/8/2009 م موعد اختبار منتصف الفصل الصيفي (293) لبقية المقررات وآخر موعد لتعبئة نموذج إختيار التخصص للفصل الأول (301) عن طريق الشبكه الداخليه (الأنترانت) .
الاربعاء 5/9/1430 هـ 26/8/2009 م نهاية فترة الانسحاب الكلي من الكلية بعلامة (WP) أو (WF) في جميع المقررات.
الثلاثاء -الاربعــاء 11-12/9/1430 هـ 1-2/9/2009 م فترة الاخـتبـارات النهائـية لبقية المقررات وتسليم الدرجات لمكتب المسجل الساعه (2) بعد الظهر.
السـبت 15/9/1430 هـ 5/9/2009 م عودة أعضاء هيئة التدريس غير المشاركين في الفصل الصيفي (293) وبداية إجازة أعضاء هيئة التدريس المشاركين في الفصل الصيفي (293) بإستثناء مدرسي مقرر اللغه الأنجليزيه.
الاثنين 17/9/1430 هـ 7/9/2009 م موعد الإختبار النهائي لمقرر اللغه الإنجليزيه وتسليم الدرجات لمكتب المسجل.
السـبت 22/9/1430 هـ 12/9/2009 م توزيع التخصصات للفصل (301) واّخر موعد للتسجيل في برنامج التقوية على موقع الكلية (الأنترنت) للفصل الأول (301).
السـبت 7/10/1430 هـ 26/9/2009 م بداية الدراسة للفصل الأول (301) وعودة أعضاء هيئة التدريس المشاركين في الفصل الصيفي (293).
الاربعاء 2/11/1430 هـ 21/10/2009 م نهاية موعد تدريب طلاب البرنامج التعاوني للفصل الصيفي (293)



آسف على التدخل اخ حبيبكم

[عاطل بجداره]

حبيبكم

الكهرباء 110 220or

والأفياش ثلاثيه والا ثنائيه

[عايض القحطاني]

مشكووووووووووووور اخوي اسير الليل

منين جبتها ؟؟؟؟


عاطل بجداره الكهرب 110 ولافياش نفس الافياش ثنائيه ( مثل شاحن الجوال)

وبعدين الاشياء اللي مثل ذي مو مهمه يعني انت اذا جيت للكلية راح تشتري من الجبيل
احسن من انك تجيبها معك من بعيد من الرياض او جده او الجنوب

يعني انت اذا جيت صارت كل الامور بسيطه


لاتكبرون الامور نصيحه لاتكبرون الامور

[مع نفسك]

الأحـد 16/12/1429 هـ 14/12/2008 م إستئناف الدراسه.
الأحـد - الأحـد 16-23/12/1429 هـ 14-21/12/2008 م فترة إختبارات منتصف الفصل الدراسي.





مشكووووور ,, بس في نقطة ,,

يعني بعد ما نرجع من اجازة الحج على طول اختبارات ؟؟ :000:

واااااااااااااااااااااو ,, يعني على كذا بنجلس في السكن نذاكر ,, يعني مافي عودة للديرة !! :lllolll:

[عايض القحطاني]

والله شي راجع لك

انت طالب اكاديمي وترف مصلحتك



دمتم بود ...............

[عاطل بجداره]

الله يعطيك العافيه

جعلك على القوه


:Cry111: ما بقي شي على فراق الأهل :Cry111:

[اسير الليل]

ما سوينا إلا الواجب اخوي حبيبكم ولقيتها في موقع الكليه فيه خيار إسمهACADEMIC CALENDER

[عايض القحطاني]

مشكووووووووور



وبعدين وش الفراق ووش الخربيط ذي

الدعوه بسيطه انت بتعيش حياة ثانية بعيد عن اهلك

وكل اللي معك بعيدين عن اهلهم يعني الحال من بعضه

وترا الدعوه بسيطه وخل وضعك طبيعي ماراح يتغير عليك شي

واكثر من العلاقات داخل الكلية

[السماء الزرقاء]

ماجاوبتوني على عدد الشعب فالسنه التحضيريه وفي سوال ثاني الكلية تقسط علينا اجهزة لاب توب ومشكورين

[طالب كليةالجبيل]

أخوي حبيبكم نبغى نننعرف عن أسعار السكن خارج الكلية ؟؟

[Musti14]

انا سمعت عن اخو صاحبي يقول انهم حصلو شقة اجارها 3000 ريال/شهر :Cry111:


بس في وين صاحبي ما يدري .

[ابو سعود]

ابي اعرف اخوي اللله لا يهينك
اليوم طبعا اخر يوم في تغيير الجداول وانا ابي احول جدول افيدني الله يوفقك

[عايض القحطاني]

السلام عليكم

اخوي السماء الزرقاء

الكلية لاتقسط اجهزة اللاب توب ولكن تعطي قروض تصل الى 5000 ريال


اخي طالب كلية الجبيل


اسعار السكن متفاوته

الغرف حوالي 800الى 1000 ريال شهريا

الشقق الصغيره (غرفة نوم+ صاله صغير +حمام+مطبخ صغير ) 2000 الى 2500شهريا ويمكن تزود بعد

الشقق الكبيره من 2500 الى 3000 ريال شهريا


الموقع الجبيل البلد يعني حوالي 15 كيلو من الجبيل الصناعيه والطرق اللي بين الجبيل الصناعية والجبيل البلد زحمه


حي البحر


الغرف مابين 800 الى 1000 ريال يبعد هذا الحي حوالي 5 كيلو من الكلية وسمعت من احد الشباب انهم ماعندهم غرف


اخي ابو سعود

اذا كنت سنه تحضيرية فلايمكنك تغيير الشعبه

اما اذا كنت متخصص

فتجد زر اسمه تغيير الشعب

اضغط واختار رقم الشعبه التي تريدها

ثم افتح الجدول وشوف المواقيت الجديده


بسيييييييييييطه

[abu aziz]

الاخ العزيز مشرف منتدي كلية الجبيل

تحيه طيبه وبعد



اتمني ان تكون في صحه جيده والله يمكن انت الشخص اللي راح يجيب علي استفساري
عندي دكتوراه في الرياضيات ومقدم علي كلية الجبيل الصناعيه
لدي استفسار عن التدريس في الكليه من حيث السكن والكادر الاكاديمي. اذا تكرمت تفيدنا كم راتب حامل الماجستير و كم الدكتوراه. وهل الكادر الاكاديمي" الراتب" هو نفسه في بقية الجامعات ام هناك فرق.
السؤال الثاني
عن السيارات
اذا اريد شراء وسيلة مواصلات "سياره" كم المبلغ التقديري" مش ضروري جديده" بس مستعمل نظيف وهل في صعوبه لامتلاك السيارات للوافدين العرب.

تحياتي وتقديري لك

[عايض القحطاني]

بسم الله الرحمن الرحيم

اخي ابو عزيز

من ناحية السكن اذا كنت صاحب عائله فهم يعطونك سكن لك ولعائلتك اما اذا كنت اعزب فيعطونك سكن داخل الكلية ويكون هذا السكن خاص باعضاء هيئة التدريس العزاب

اما من ناحية الراتب فلاتسالني لا ني لا افقه شيئا عن رواتب اعضاء هيئة التدريس ولكن ارى انهم بحالة مادية جيده
واما من ناحية الفرق بينها وبين الجامعات من ناحية الراتب انا لا ادري .....

اما من ناحية السيارات فالسيارات انواع الياباني تقدر تقول عنه غالي شوي ( اتكلم عن المستعمل ) والامريكي رخيص جدا

وانا ارى لافرق بين السيارات الامريكيه واليابانيه عندنا في السعودية لان البنزين رخييييييص جدا

ومن ناحية امتلاك الوافدين للسيارات لايوجد مشكله في ان تمتلك سياره لك ولاجراءات ميسره نوعا ما .....


والكلية تتشرف بك اخي الدكتور ابو عزيز وان شاء الله نشوفك بيننا في هذا الصرح الاكاديمي

ولاي استفسار انا موجود

وانا ااسف على التاخير لانك سالتني بداية الترم وانا كنت منقطع عن الانترنت لاسباب الطلاب وانت تعرفها (تعديل الجداول وتنزيل المواد وتغيير التخصصات .........الخ )



دمتم بود
مشرف ملتقى كلية الجبيل الصناعية

حبيبكم

[abu aziz]

شكرا كثيرا اخي العزيز وجزاك الله الف خير. تشرفت بمعرفتك

[عايض القحطاني]

حياك ربي

ولاي استفسار انا موجود

[zx240]

عتدي سؤال بخصوص الرياضة
انا مدرسي اومي هل في اختبار نظري في الرياضة؟
بخصوص الاختبارات هل نعطى جدول لها ؟

[الجبيل الصناعية]

السلام عليكم

متى يبدأ التقديم للسمستر الثاني في الكلية؟؟


تحياتي

[N.C.I.S]

سؤال محيرني


بالنسبه لنظام الغياب



Dn هل هو يحسب اذا تغيبت عن ثلاث محاظرات متتاليه لماده معينه ام يحسب اذا تغيبت عن ثلاث محاظرات لمادة ما على طول الفصل



ولي طلب شرح بسيط لنظام الغياب اللي بصراحه قلب راسي:bngo12::bngo12:



وشاكر لكم


:s11:

[ابو كرش]

السلام عليكم
انا ابغى اسأل عن شهادة الكلية البكلريوس
هل هي معترف فيها في كل الشركات:bawling:
وهل هي مقبولة في الكليات العسكرية :000:
هذا إذا اخذت البكلريوس:s12:
لاكن نقول إن شاء الله انا ناخذ الدبلوم ومن ثم البكليوس:mh001:
الله يعين على السنة التحضيرية:praying:


الله يوفق الجميع ....

[zx240]

السلام عليكم

ابي اسأل بخصوص مادة الحاسب عندنا سلف ستدي
كيف نذاكرها؟
كيف اختبارها؟

ياليت تفيدونا

[عايض القحطاني]

اخي Zx240

ممكن يكون فيها نظري وممكن لا

على حسب المدرس

بس انا كان يدرسني اومي قبل سنتين ولا اعطانا نظري

ولاينزل لها جدول في الاختبارات



اخي الجبيل الصناعية

ابحث في التقويم الاكاديمي Academic Celender
في موقع الكلية وسف تجد الاجابه باذن الله



اخي Ncis

اليك هذا الشرح المفصل


فلنفرض انك تدرس مادة الماث وعدد محاضراتها اسبوعيا 6 محاضرات
اضرب عدد المحاضرات في ثلاثه يطلع الناتج 18 محاضره وهذا هو العدد المسموح لك بالغياب فيه سواء كانت متصله او متفرقه


يعني مجموع غيابك لايتعدا مجموع عدد محاضرات 3 اسابيع سواء كانت متفرقه او متصله
هذا في المواد الاخرى

اما الانقلش ون والانقلش تو تغير نظام الغياب بها

وسوف ابحث عن هاتين المداتين وسوف تجد الرد ان شاء الله



اخي ابو كرش

شهادة الدبلوم معتمده

ولكن شهادة البكالريوس لم تعتمد من ديوان الخدمه المدنيه يعني لن تستفيد منها الا في الشركات

اما من ناحية الكليات العسكرية فهي غير معتمده لانها هذه الشهاده غير معتمده من ديوان الخدمه المدنيه

وان شاء الله مانحتاج ديوان الخدمه المدنية للتوظيف لان طلاب الكلية على طول يتوظفون بالشركات


وممكن مع الوقت يعتمدونها

اخي Zx240


الماده تافهه يعني برنامج الوود والاكسل وشوية تعاريف
احفظها واعرف شلون تطبقها عملي

والاختبار ينزل لها اختبار مع جداول الاختبارات ماعليك الا سوى ان تطبق ماتدربت عليه
يعني يعطيك نص او حسابات وتجهزها على احد البرنامجين وشوية تعاريف

واذا كان فيها شي غير هذا راح تجد الرد ان شاء الله


دمتم بود

مشرف ملتقى كلية الجبيل الصناعية
حبيبكم

[N.C.I.S]

عواااااااااااااااااااااااافي خيو

[zx240]

اخوي
الملزمة الي مالت الحاسب فيها وورد واكسل 2007
الاختبار يكون 2007 او 2003
لان انا ماعرف الى 2007 ماحبيته اصلا

وتحياتي لكم

[عايض القحطاني]

السلام عليكم


ادخل مبنى الاداره وتقنية الملعومات واسال

وبعدين انا مااشوف فيه اي فرق

والدعوه تساهيل ان شاء الله

والماده تاااااااااااااااااااااااافهوان شاء الله تشوفون الاختبار وتحكمون بانفسكم

[دوسـ502ــري]

شوي باتفلسف .....

الإختبار فقط على وورد 2007 واكسل 2007 ايضاً ؛؛<< على حسب دفعتنا

لان باعقيل هذا كان يقول لنا اللي بيسوي على 2003 باخليه ينقـّع اختباره ويشوب مويته واعطيه F

والسلام عليكم واعذرني ياحبيبكم على المداخله اللي ماشيه مليون

[عايض القحطاني]

بالعكس

اخوي



انت اعرف مني بالموضوع هذا



دمتم بود

[راعي الوفا]

السلام عليكم

اخوي ابي اسألك اذا ما عليك امر

هل موظفي سابك يقدرون يكملون دراستهم

مع ان دوامهم شفتات

وكيف موازي ولا غير موازي و نظام الدراسه بعد

و هل القدرات يكفي ولا لازم تحصيلي<<<نشبه بـ الاسئله

هذا و يعطيك العافيه قلبووووو

تحياتي:mh19:

[اسير الليل]

اخوي هل فيه إنتساب بالكلية ولا لا

[عايض القحطاني]

السلام عليكم

اخوي ابي اسألك اذا ما عليك امر

هل موظفي سابك يقدرون يكملون دراستهم

مع ان دوامهم شفتات

وكيف موازي ولا غير موازي و نظام الدراسه بعد

و هل القدرات يكفي ولا لازم تحصيلي<<<نشبه بـ الاسئله

هذا و يعطيك العافيه قلبووووو

تحياتي:mh19:


نعم يقدرون يكملون دراستهم والدليل ان معي ناس في نفس القسم موظفين في سابك ودوامهم شفتات

وتقدر تضبط جدولك على حسب دوامك

[عايض القحطاني]

اخوي هل فيه إنتساب بالكلية ولا لا



على حد علمي ان الكلية مافيها انتساب ولكن فيها دوام جزئي لموظفين الشركات اللي يبون يكملون دراستهم

[راعي الوفا]

نعم يقدرون يكملون دراستهم والدليل ان معي ناس في نفس القسم موظفين في سابك ودوامهم شفتات

وتقدر تضبط جدولك على حسب دوامك


ايه بس ترى ما جاوبت على كل اسئلتي اذا ما عليك امر :lllolll:
:lllolll:

و الي تعرفهم موظفين و يدرسون اقسامهم ايش ؟


:mh35:

[عايض القحطاني]

من ناحية الية القبول والدرجات المطلوبة والتحصيلي والقدرات

فهذه امور ادارية لا اعلم بها

ولكن التحصيلي غير مطلوب

[ابو مشعل]

اخوي ابسالك عن كيفية الدراسة جميعها بالنجليزي وكم مادة في اول سنه وامواد صعبة

[عايض القحطاني]

اول سنه اغلبها انقليزي علشان تتاسس زين هاذي يسمونها السنه التحضيريه وتدرس مع الانقليزي بعض المواد السهله مثل الرياضيات والحاسب والرياضه

وبعدين مسالة شي صعب شلها من راسك


كل شي سهل بالمذاكره

[راعي الوفا]

اخوي عايض متى اقرب تقديم للكليه

و اقدر بالسنه التحضيريه ازبط جدولي عشان دوامي شفتات

[عايض القحطاني]

تم فتح باب القبول للطلاب الان


وانشاء الله يظبون وضعك

[الجبيل الصناعية]

السلام عليكم

ماهي افضل التخصصات في الكلية؟؟

من حيث المدرسين والادارات

[عايض القحطاني]

الحمدلله كل الاقسام ممتازه ولها مستقبل وظيفي باهر

وكذلك كل قسم يتميز بكادر تعليمي ممتاز من جميع دول العالم

وبعد السنه التحضيريه سوف يتم عرض التخصصات

وكذلك هنالك محاضرات عن اختيار التخصص



دمتم بود

[عين الحياه]

عندي سؤااااااااااال

كلية الجبيل الصناعيه فيها اقسام للبنات ولا لا ؟؟؟؟؟؟؟؟؟؟؟؟

[عايض القحطاني]

لا مافيها قسم للبنات


ولكن الكلية الجامعية لها قسم للبنات

[عين الحياه]

مشكووووووووور اخوي عايض :praying:

[NAZ]

السلام عليكم....
أمس أعلنت الكلية إنها حتقفل المباني السكنية من مساء يوم الثلاثاء
سؤال...في أي وقت حتقفل السكن؟عصر ولا مغرب ولا عشاء؟

[راعي الوفا]

اخوي عايض سبق و سئلناك عن اختبار التحصيلي و قلت حاليا مو لازم هذا الاختبار

و لما دخلت الموقع قال لازم ؟؟؟؟؟؟؟؟ طبعا بالنسبه للعلوم الطبيعيه :mh19:


وش الحل؟؟ اكيد ما يطلبونه ؟

[فتى نجد]

اخووي عايض القحطاني الله لايهينك حبيت اسال يمديهم يقبلوني للترم 292 لهذا العام ولا نسبتتي ثانوووي 77 % افيدني ضروووري اسجل ولا مافي امل وكيف الطريقة التسجيل وهل في اختبار قبول ؟؟؟ الرجاء من شخصكم الكرررريم الرد




تحياتي وتقديررررررررررررررررررررري:d5:

[zx240]

هل الوظيفة بعد التخرج من الكلية مضمونة ؟؟
اخووي عايض القحطاني ياريت تكلمنا عن التوضيف بعد التخرج

[ريمان الشهري]

السلام عليكم في تسجيل للفصل الثاني بكلية الجبيل الصناعية وتيب في بنات هههههههههه وللة مااعرف:Cry111: بس يارب:s12: يكون احب قسم المحاسبة تكفوووووووووووووووووون ردو باااااااااااااااي

[اسير الليل]

السلام عليكم كيف الحال
اولًا :. اسف اخوي عايض على التدخل.

ثانيًا:. اخوي فتى نجد انت قدم انت مو خسران شي و طريقة التقديم انت إدخل موقع الكليه التقديم من هناك وتابع التعليمات.راح تعلمك عن كل شي.اما إختبار القبول مافيه إختبار.

ثالثًا:. اختي زينه الشهري مع الأسف مافيه بنات . فيه الكليه الجامعيه فيها اقسام بنات


اتمني اني جاوبت عن إستفساراتكم على اكمل وجه.

[عايض القحطاني]

اجابتك شافيه اخوي اسير الليل


اخي zx280

بالنسبة للوظايف الوظايف ان شاء اللله مضمونه وذلك يعود لقوة شهادة الكلية وهي تعتبر من اقوى الشهادات في المملكة

وتاتي في المرتبه الثانية بعد جامعة الملك فهد للبترول والمعادن بس يبي لها شدة حيل شوي ومعدل فوق 2.5

[راعي الوفا]

اخوي عايض كأنك سحبت علينا :mh19:

[aramco_rt]

السلام عليكم
أخي عايض عندي بعض الأسئلة لوسمحت أريد اجابة وافية لها
أريد الانضمام للكلية عن طريق التفرغ الجزئي

متى التسجيل للتفرغ الجزئي؟
بكم السمستر ؟
والدوام يبدأ على الساعة كم؟
أنا مختبر الاختبار التحصيلي من قبل سنتين هل يجب أن اختبره مرة أخرى؟
وهل أستطيع تحديد تخصص أم اجبر على تخصص بعد السنة الأولى بنائا على درجاتي ؟؟
شاكرا لك

[عايض القحطاني]

السلام عليكم ورحمة الله وبركاته

اخي راعي الوفا

انا ماسحبت عليك ولكن واحد من الشباب اجاب عن سؤالك


اذا كنت تريد التسجيل للتفرغ الجزئي

اول شي تسويه تروح لقسم التسجيل بالكلية علشان بيكون فيه خطاب جاي من شركتك اذا كنت موظفا ( يعني هل الشركة تسمح لك او لا )

ومن ناحية الفلوس فهو يعتمد على عدد الساعات اللي تنزلها بس اول سمستر دايم ياخذون منك 4500 على حسب توقعاتي

والدوام راح يراعونك بالنسبه لدوامك

تكفى شهادة الاختبار التحصيلي اللي معك

واختيار التخصص راح يكون على حسب درجاتك

[راعي الوفا]

يعطيك الف عافيه

[aramco_rt]

مشكور أخي عايض

[عايض القحطاني]

حياك ربي خيووووووووووووووووو

[جـنـط]

هلا والله بصديقيني بالكليه :d .. !!


الصراحه انا ودي اسحب من الجامعه الي انا فيها واجي عندكم بكوولية الجبيل ! .

بس عندي شوووية اسئله .. ( << واضح ان عنده مشكله بحرف الواو :d )


- نسبتي بالثانووويه 99 , القدرات 78 , التحصيلي 59 ,, مع العلم اني من خريجين السنه هذي .. فيه امل انقبل ولا لا ..؟!

- افرضوا انهم قبلوني .. هالقبول يكون نهائي ..؟ لأني ما ابي اسحب ملفي من الجامعه وبعدين يقولون لي مالك قبول !! .. لأني بصراحه مانيب ناقص جلطات :d

- هالكليه ينشد فيها الظهر ..؟ خخخخخـ .. يعني بصراااحه .. انا دااخلها وابي اطلع مهندس .. لحد يقولي مستقبل وظيفي وما مستقبل وظيفي !! .. انا طموحي بس اخذ بكالريوس هندسه .. وتجي الوظيفه او ما تجي ما تفرق بالنسبه لي ,, !!



وشوووكرا

[n5123]

انا طالب في ثالث ثانوي وعندي شوية اسئله للاخ عايض ياليت يجاوبني عليها
1/ الحين لما ادرس ثلاث سنوات علشان الدبلوم الي اعرفه ان فيه ترم تطبيق عملي هل هو من ضمن الثلاث سنوات او فيه ترم زياده ونفس الشيء بالنسبه لخمس سنوات ؟
2/ هل في الامكان اني اختصر ترم في ترم صيفي
3/ لو انا سنه ثالث وشاطر اقدر انزل مواد من سنه رابع


وشكرااا

[M63]

حياكم الله ياشباب المستقبل<>>>هع <>>يرفع بكم

اخوي جنط

اذا انقبلت يكون قبول نهائي يعني تضمن وتعتبر طالب

ويدخلون اختبار يسمونه تحديد المستوى يعني مايضر بس يشوفون المستوى

طبعا الاختبار انجليزي


اذا نجحت فيها وبدرجه حلوه ((يعدونك الفصل الاول(انجليش1))*)

بعدها يختبرونك اتبار ثاني ((انجليش2))

اذا عديتها كلها تطيح عنك سنه كامله يعني مافي سنه تحضيريه. وتتخصص على طول...بس


00000000000000000000000000000000000000000000000000 00000000000000000000000

n5123

يفيدك اخوي عائض مافهمتك وماودي افتي

ومن قال لااعلم فقد افتى

هع هع

(((((((((((())))))))))


اخوكم::عبدالله المطيري

[جـنـط]

حيا الله الشباب ..

الساعه تشير الى السابعه صباحا وطلاب كلية الجبيل صافين طابور يسوون تمارين الصباح :hahaha_2008:

الحين الدبلووون :hahaha_2008: ثلاث سنوات اوكي ..؟!

والبكالريوس سنتين ..؟!


بس المشكله اني قريت وسمعت كلام كثيييييير من ناس متخرجين من كلية الجبيل يقولون والله لو تحب اذنك وجه وظهر :hahaha_2008: ما تكمل بكالريوس بالكليه !! واقل معدل لازم تجيبه عشان تكمل بكالريوس بالكليه 3 , 4 واحتمال ما يقبلونك بعد ..
شباب صدق هالكلام ..؟! اذا صدق علموني خلوني اكمل بجامعتي واتخرج مهندس حاسب ولا يكثر :cheese:

[عايض القحطاني]

السلام عليكم


ااسف على التاخير ولكن كلكم تعرفون الوضع اختبارات وتقارير وحاله خلها على ربك

جنط


اولا بالنسبه للقبول ان شاء الله انك مقبول والقبول راح يكون نهائي يعني على طول سلم ملفك واخذ بطاقتك وبدلتك


الكلية زينه واذا تخرجت اعتبر نفسك متخرج من جامعة عريقه ومن ناحية البكالريوس لازم تخلص الدبلوم اولا وبعدين تقدم على البكالريوس ويمكن يقبلونك ويمكن لا بس على حسب معدلك



n5123

ترم التطبيق خارج حسبة الثلاث سنوات يعني 3 سنوات ونصف مع التطبيق من ناحية البكالريوس لا اعلم لاني ماسمعت الى الحين ان فيه طالب تخرج من البكالريوس


سالفة الاختصار ماتقدر تختصر لان الصيفي مو على كيفك
يعني بس للطلاب اللي لهم الاولوية يعني على سبيل المثال اللي راسب في الماده او اللي بيتخرج ولابقى عليه الا الماده ذي

يعني مافيه شي اسمه اختصار في الكلية


من ناحية سنة ثالثه او رابعه

نظام الكلية ساعات يعني يمكن تدرس مواد مع ناس خريجين ومواد مع ناس مبتدئين يعني النظام نظام ساعات خلص ساعاتك وطبق وتخرج

وعلى حسب معدلك ينزلون لك ساعات يعني اذا انت شاطر ينزلون لك 18 واذا انت معدلك نازل ينزلون لك 12 على حسب المعدل



اتمنى اني افدتكم وشكرا على التفاعل

[عايض القحطاني]

المعدل المطلبو للبكالريوس هو 2.5 وعلى حسب الزحمه في التقديم يعني يمكن مايقبلون الا اللي معدلاتهم فوق 3 يعني البكالريوس مو مضمون

[عايض القحطاني]

على فكره انت باي جامعة وباي كلية ؟؟؟؟

[جـنـط]

انا ادري بكلية الحاسب .. فيه عندنا تخصص هندسة حاسب !! ..
بس ماااش منب مرتاح بالجامعه كل ابوها مهب بس كلية الحاسب ..
وقلت اقدم بالجبيل .. وان شاء الله ناويها بكالريوس هندسه :mh001:

[n5123]

لو سمحت اخ عايض ليه لسا محد تخرج من البكالوريوس هو توه فاتح يعني

[romancer]

السلام عليكم
لو سمحت خوي
ممكن سوال
هل خريجي السنوات
الماضية
على سبيل المثال
1425 هـ
لهم فرصة في التسجيل
وهل اختبار القدرات
والتحصيلي لنفس
تلك السنة يمشي
و لا لازم يكون حديث

[حكوووم]

سلام عليكم

كيفك اخوي عايض..
الله يوفقك ان شاء الله.. وفيت وكفيت مع الطلاب..

عندي لك كم سؤال..؟؟
أنا بحول من كلية ينبع الى الجبيل..؟؟
وش رايك..؟؟
وبعدين اجراءات التحويل كيف.؟
مثلا اقدم مع الطلاب.. واجيب خطاب بالمواد اللي درستها..؟؟
والا ورقة تحويل والا وش اسوي..؟؟
وبعدين قريت ان في لبس محدد وحذاء سلامه..؟؟<< من وين اجيبها..؟؟
وبعدين وش وضعي انا خلصت السنه كامله هنا بينبع.. اذا حولت اتخصص..؟؟
يعني الله لايهينك اشرح لي وضعي بالكليه..؟؟ حتى ابدأ دراستي..؟؟

اسف على الاطاله :Cry111:

[عايض القحطاني]

بسم الله الرحمن الرحيم

الاخ n5123


البكالريوس توه فاتح قبل سنتين يعني ماتخرجت ولادفعه


الاخromancer


نعم لهم فرصة بالتسجيل والاختبارات والقدرات اللي معك تكفي يعني القديمه تكفي

بس اهم شي يكون مامر على شهادتك الثانوية 5 سنوات

الاخ حكوم

تقدم خطاب تحويل للكلية

يعادلون ساعاتك وان شاء الله تتخصص على طول
من ناحية اللبس الموحد السنه هاذي وزعوه مجانا وحذاء السلامه تشتريه انت

بس الترم الجاي مدري هل هو مجانا او لا



انت اول شي قدم طلب تحويل للكلية عن طريق الويب سايت ويكون معك السجل الاكاديمي وناس كثيرين حولوا من كلية ينبع الى كلية الجبيل وان شاء الله نشوفك منهم


اذا عندكم اي اسئله انا موجود


دمتم بود ......................

[حكوووم]

الله لايهينك اخوي عايض.. ولاقصور بالباقين



عطني رابط تقديم الطلب...

وبعدين انا باقي ماخلصت السنه التحضيرية كامله..
يعني ماخلص الترم عشان اقدم لهم المواد اللي اجتزتها...

وش السواة..؟؟؟




2/ يقولون الكتب تشتريها انت..؟؟
ابسألكم كيف الكتب غالية.. لتخصص الكهرباء..؟؟

[عايض القحطاني]

رابط التسجيل هو
www.jic.edu.sa

تلقا في اعلى الصفحه التسجيل اضغط على الرابط بتلقى التحويل للكلية

وانت لاتقدم الا اذا خلصت الترم

الكتب اسعارها زينه فيها الغالي وفيها الرخيص

[محمد محمد محمد]

انا من القصيم تنصحني ادخل فيها :c8::c8:

وهل لها مستقبل

وهل فيها السنه التحضيريه :mh35:

وهل هي صعبه (( السنه تحضيرييه)) >>>>>> تعرف مافيه لغه صح ولا ذكاء مثل العالم:Cry111::Cry111::

واخيرا متى التسجيل


وشكراااااااااااااااااااااااااااااااااااااااااااااا اااااااااااااا



وبغيت اقول بالنهايه ان هذي الصورة هي صلاة النصارى :praying::praying:

[محمد محمد محمد]

يارب يرد اي واحد:s12::s12::s12:

[@عبدالرحمن@]

السلام عليكم
انا خريج ودي ألتحق بهذه الكلية بس عندي كم سؤال

س/السنة التحضيرية هل ادرس فية كيمياء والدرسة باعربي و الانجليزي وكذالك الرياضيات؟

س/ماهو الفرق بين كلية الجبيل الصناعية و المعهد وما هو الافضل؟

س/هل الوضيفة مضمونة بعد التخرج ولا لا وما هي افضل التخصصات؟

س/ماهو تئثير المعدل على الدراسة عند إنخفاضة؟

ومشكرو على الموضوع المفيد و الرئع

[@عبدالرحمن@]

السلام عليكم
انا خريج ودي ألتحق بهذه الكلية بس عندي كم سؤال

س/السنة التحضيرية هل ادرس فية كيمياء والدرسة باعربي و الانجليزي وكذالك الرياضيات؟

س/ماهو الفرق بين كلية الجبيل الصناعية و المعهد وما هو الافضل؟

س/هل الوضيفة مضمونة بعد التخرج ولا لا وما هي افضل التخصصات؟

س/ماهو تئثير المعدل على الدراسة عند إنخفاضة؟

ومشكرو على الموضوع المفيد و الرئع

ياليت تجاوبون على هذه الاسئلة

[عايض القحطاني]

بسم الله الرحمن الرحيم

اخي عبدالرحمن

السنه التحضيرية بتدرس فيها انجليزي زرياضيات وبعض المواد التافهه مثل الكمبيوتر والرياضه اما من ناحية الكيمياء والفيزياء بس في التخصص راح تدرسها يعني اذا تخصصك نظم معلومات ماراح تدرس لاكيمياء ولافيزياء

الفرق بين المعهد والكلية
الكلية تخرج مهندسين ومساعدين مهندسين

اما المعهد يخرج فنيين

الوظيفه ان شاء الله مضمونه اذا معدلك زين يعني فوق 2.5 من 4


والتخصصات اللي بالكلية كلها مطلبه في الشركات


المعدل اذا نزل لازم تشد حيلك وتجيب درجات زينه وترفعه واهم شي انك تحافظ عليه مرتفع الى ان تتخرج


واي سؤال حطه هنا وابشر بسعدك

[@عبدالرحمن@]

مشكور يا أخ: عايض وفية وكفية
بس عندي سؤال واحد الرياضيات ندرسة با الانجليزي و لا با العربي

[Dr.Al_khaldi]

اخوي عبد الرحمن مثل ماقال اخوي عايض ولا ازيد على كلامه.بالنسبه لدراسة الرياضيات فهي باللغه الانجليزيه لكن لا شي يدعوا للخوف من اللغه الانجليزيه لانها ليست شبح كما يتصور كثير من الناس...بل هي اسهل مما نتصور... وحسب رايي الشخصي ان الرياضيات باللغة الانجليزيه افضل من اللغه العربيه:d5:
تمنياتي للجميع بالتوفيق

[الحلمـ]

اخوي عايض

الله يوفقك ويسهل امرك ويحقق طوحك ويبعد عنك كل مكروه

والله ماتدري كيف افدتني بالمعلومات السابقة للأعضاء

واشكر صبرك علينا

لأن قليل في هذا الزمن من ينهج نهجك

لكن عندي بعض الأسئلة ياليت تفيدني فيها

الحين طال عمرك انا طالب جامعي ودرست فيها لين المستوى الرابع

وفصلت لضروف عائلية فضطريت اني افصل

فهل يقبلوني ولا لاء؟؟؟

وانا اساساً من خريجين عام 25-26هـ
وختبرت قياس في نفس العام

وراح اختبر قياس كذالك في 11/1 القادم يوم الخميس الجاي
يعني مو مشكلة ماشلت هم القياس

انا شايل هم نسبتي
هي 72 % وكسور
وبعد القياس الأول عام 26هـ صارت نسبتي 70% وكسور
هل يقبلون من هم في مثل نسبتي؟؟؟؟

وكذالك الإختبار التحصيلي
مركز القياس (الإتعاس) مافتح الإختبار التحصيلي

فاوش رايك هل هم يتغاضون عنة ؟؟؟

مع العلم اني لغتي الإنجليزية مو ممتازة لكن جيدة إلى جيده جداً
يعني اول يام كنت اروح مع الجامعة في رحلات دولية كنت اترجم ومممشي حالي وحال الوفد
وانا سريع التعلم من ناحية الإنقلش

لكن الرياضيات شوي ما امشي فية لأني ما احبة اصلن
فهل الرياضيات صعبة فيها ؟؟؟

وجزاك الله خير
وكثر الله من امثالك

[@عبدالرحمن@]

اخوي عايض و Dr.Al_khaldi مشكورين والله يجزاكم خير

[أمير بكلمتي]

هل الدراسة باللغة الانجليزية ؟؟؟؟؟

وكم مدة الدراسة ؟؟

وهل يمكنني اكمال البكالريوس بعد التخرج ؟


انتظر الاجابة واسف على الاطالة .



^^^^

جميع هذذة الاسئلة خاصة بالتسجيل بالدبلوم 292 .

[night wolf]

اهلا فيك اخوي امير بكلمتي

هل الدراسة باللغة الانجليزية ؟؟؟؟؟


نعم الدراسة باللغة الانجليزية ماعدا مادة واحدة وهي Islamic Culture الثقافة الاسلامية باللغة العربية


وكم مدة الدراسة ؟؟
مدة الدراسة للحصول على شهادة الدبلوم العالي هي 3 سنوات ونصف سنة للتطبيق


وهل يمكنني اكمال البكالوريوس بعد التخرج ؟

نعم يمكنك في احد التخصصات التالية

تقنية الهندسة الميكانيكية
تقنية الهندسة الكيميائية
تقنية الهندسة الكهربائية
تقنية هندسة الآلات الدقيقة والتحكم

طبعا هناك شروط للالتحاق بالبكالريوس وهي كالتالي:
1_ ان يكون الطالب من خريجي كلية الجبيل الصناعية او كلية ينبع الصناعية.
2_ ان لا يقل المعدل التراكمي عن 2.5 من 4 .

[أمير بكلمتي]

الف شكر لك


ولكن عندي سؤال ثاني او نصيحة

انا الان لغتي الانجليزية متوسطة نوعا ما هل تنصحني دخول الكلية ؟

[الحلمـ]

اخوي عايض

الله يوفقك ويسهل امرك ويحقق طوحك ويبعد عنك كل مكروه

والله ماتدري كيف افدتني بالمعلومات السابقة للأعضاء

واشكر صبرك علينا

لأن قليل في هذا الزمن من ينهج نهجك

لكن عندي بعض الأسئلة ياليت تفيدني فيها

الحين طال عمرك انا طالب جامعي ودرست فيها لين المستوى الرابع

وفصلت لضروف عائلية فضطريت اني افصل

فهل يقبلوني ولا لاء؟؟؟

وانا اساساً من خريجين عام 25-26هـ
وختبرت قياس في نفس العام

وراح اختبر قياس كذالك في 11/1 القادم يوم الخميس الجاي
يعني مو مشكلة ماشلت هم القياس

انا شايل هم نسبتي
هي 72 % وكسور
وبعد القياس الأول عام 26هـ صارت نسبتي 70% وكسور
هل يقبلون من هم في مثل نسبتي؟؟؟؟

وكذالك الإختبار التحصيلي
مركز القياس (الإتعاس) مافتح الإختبار التحصيلي

فاوش رايك هل هم يتغاضون عنة ؟؟؟

مع العلم اني لغتي الإنجليزية مو ممتازة لكن جيدة إلى جيده جداً
يعني اول يام كنت اروح مع الجامعة في رحلات دولية كنت اترجم ومممشي حالي وحال الوفد
وانا سريع التعلم من ناحية الإنقلش

لكن الرياضيات شوي ما امشي فية لأني ما احبة اصلن
فهل الرياضيات صعبة فيها ؟؟؟

وجزاك الله خير
وكثر الله من امثالك


ياليت احد يفيدنا بعيداص عن التطنيش
:000:

[عايض القحطاني]

ابشر من عيوني

ااسف على الغيبه الطويله والسبب كما تعرفون الكوزات اللي ماتنتهي

والله الصراحه اخوي ماودي احطمك بس نسبتك يمكن واكرر يمكن ماتؤهلك للدخول في الكلية

ومن ناحية قياس والتحصيلي قدم اي اختبار عندك لانهم مايشتطرون سنه اختبار القياس والتحصيلي

ومن ناحية التحصيلي ماادري هل هم يطلبونه الترم ذا او لا

الانقلش كل الناس اللي تذاكر تنجح يعني بسيط كلها حفظ كلمات وشوي قرامر

ويمشي حالك

[@عبدالرحمن@]

السلام عليكم
اخواني ودي اعرف التخصصات الادارية مع شرح بسيط لطبيعة العمل

[n5123]

ممكن يا اخ عايض اذا ما عليك امر تفيدنا باسماء المتخرجين من الكليه بدرجة بكالوريوس هم عددهم سبع اذا ما خاب ظني وتخصص هندسة كيميائيه

[@عبدالرحمن@]

السلام عليكم
اخواني ودي اعرف التخصصات الادارية مع شرح بسيط لطبيعة العمل

وهل المعدل التراكمي يحسب من السنة التحضيرية

[yakady]

السلام عليكم ..

انا عضو جديد وهذه اول مشاركة لي في المنتدي وابي فزعتكم .. تكفون

انا قبلت مبدئيا في معهد تقنية الجبيل وحددوا لنا مواعيد نحضر للمعهد فيها ومكتوب اختبار ...؟؟؟

هل يوجد اختبار للقبول من جد ...؟؟

والاسئلة كيف طريقتها..؟

وعربي ولا انجليزي

بالله اللي عنده فكره لا يتجاهل مشاركتي

[حبيب المصطفى]

يسلموو اخي عايض

[عايض القحطاني]

بسم الله الرحمن الرحيم
اخي عبدالرحمن
التخصصات الادارية هي
1- المحاسبه ( وهي العمليات الحسابيه في الشركات من ناحية الارباح والديون ووووووو الخ )
2- التسويق ( تسويق منتجات الشركات سواءا البتروكيماويه وغيرها الى كافة اقطار العالم وهي ببساطه كيف تقنع العميل بالشراء )
3-ادارة المكاتب ( هي كيفية ادارة المكاتب الكبيره مثل مكاتب المدراء والرؤساء وتنظيم الجداول لهم )
- تقنية نظم المعلومات ( تختص في الحاسب الالي وشبكاته وانظمته )


من ناحية اسماء الخريجين ان شاء الله تلقونهم في القريب العاجل

الاخ ياكادي
الكلية لها معدلان الاول هو معدل السنه التحضيريه وهو يؤهلك للتخصص

والمعدل الاخر هو معدل مابعد التخصص وهو المعدل ( اللي عليه الكلام )

ولا املك اي معلومه عن معهد الجبيل التقنى
بس انا متاكد 100% ان الاختبار انقليزي
وعلشان تتاكد روح اسال الشباب في منتدى معهد الجبيل التقنى في هذا الملتقى وسوف تجد الاجابه الشافيه ان شاء الله


دمتم بود ....................

[yakady]

السلام عليكم ..

انا عضو جديد وهذه اول مشاركة لي في المنتدي وابي فزعتكم .. تكفون

انا قبلت مبدئيا في معهد تقنية الجبيل وحددوا لنا مواعيد نحضر للمعهد فيها ومكتوب اختبار ...؟؟؟

هل يوجد اختبار للقبول من جد ...؟؟

والاسئلة كيف طريقتها..؟

وعربي ولا انجليزي

بالله اللي عنده فكره لا يتجاهل مشاركتي


الاختبار بيحدد قبولي في الكلية اولا.. ولا بيكون تحديد مستوي..؟

محد رد علي سؤالي .. تكفون ياشباب ..

حبيبنا يامشرف .. لاتنسي مشاركتي :Cry111:

[عايض القحطاني]

الكلية مافيها اختبار قبول

ولكن فيها اختبار تحديد المستوى وهو يكون لتحديد مستواك وتاهيلك للشعبه المناسبه لمستواك

[وليـــف الروووح]

حبيبي عندي سؤال صغير


انا قريت الشروط للقبول مالقيت نسبه



يعني الكلية ماتشترط نسبة للقبول؟؟:mh19::mh19:

[Dr.Al_khaldi]

الكلية الجبيل الصناعيه لا تشترط نسبه للقبول وانما القبول حسب الافضليه في نسب:اختبار الثانويه العامه,التحصيلي والقدرات.بمعنى اذا توفرت مقاعد سوف يكون هناك مجال للقبول.

[وليـــف الروووح]

مشكووور حبيبي

[جـنـط]

طيب يا شباب الله لا يهينكم متى تطلع نتائج القبول ...؟!!


يعني على الاقل كم يبيلها على ما تطلع .. والي سجلوا بالترم الاول كم جلسوا يوم بعد التقديم واعلنوا نتائج القبول ...؟!

وشكرا ..

[عايض القحطاني]

الترم الثاني تظهر نتائجه اسرع من نتائج الترم الاول

لان عدد المقبولين والمتقدمين اقل

هذا للتنويه فقط


ودمتم

[roma son]

السلام عليكم
انا وصلتني رسالة مكتوب فيها مبروك تم قبولك بكلية الجبيل الصناعية ويجب عليك زيارة موقعنا على الانترنت
غدا السبت الساعة العاشرة صباحا لمعرفة مواعيد المراجعة
هل معنى الرسالة اني خلاص انقبلت بالكلية ؟

وحبيت اعرف لو عرفت موعد المراجعة وش هي الامور الي اسويها لما اراجع الكلية
وهل هناك اختبار

[ب ر ق999]

اتوقع ذلك واتمنى لك التوفيق بالنسبة للمواعيد لازم ترجعها اول باول
وبالنسبة للاختبار مافي اختبار قبول في الكلية

بس اذا سمحت ممكن تقول كم نسية الثانوية والقدرات ؟؟؟

[ب ر ق999]

بالنسبة للمتطلبات:
الشهادة الاصلية وصورة منها
وبطاقة الاحوال المدنية الاصلية وصورة منها
بالاضافة الى شهادة حسن السيرة والسلوك وصورة منها
وبطاقة التسجيل في الكلية و6 صور شخصية حديثة ملونة

انا هذا الى اعرفه

[roma son]

والله نسبتي بالثانوية مو ذاك الزود للاسف :Cry111: نسبتي هي 79 فاصلة 13 والقدرات 78

[ب ر ق999]

اتمنى لك التوفيق واذا زي ماتقول انه جتك رسالة راجع موقع الكلية لمعرفت مواعيد الحضور لها...

[roma son]

طيب اخوي انت ذكرت ان من المتطلبات بطاقة التسجيل في الكلية ايش هذي ؟

[ب ر ق999]

ورقة التقديم في الكلية يمكنك طبعتها من موقع الكلية
واذا عندك ايميل اكتبه علشان اضيفك وقولك شو تسوووي

[roma son]

اوكي اخوي هذا هو ايميلي

vegeta876@hotmail.com

[moha111]

يا اخوان االفحص الطبي وين يتم داخل الكليه او خارجها

وهل اقدر اخلص كل الامور في يوم واحد

[night wolf]

اولا مبروك للمقبولين

moha الفحص راح يكون في احد العيادات الموجودة في مدينة الجبيل الصناعية التابعة للهيئة الملكية خارج الكلية طبعا و اللي راح يحددونها لك ادراة التسجيل وبالنسبة لتخليص امورك اتوقع راح تكون خلال يومين عادة طبقا لنتيجة الفحوصات الطبية

[moha111]

طيب والي جاي من مكان بعيد كيف يقعد يومين في الجبيل

[keem]

السلام عليكم ..

انا نسبتي 92 ولا انقبلت وقدراتي 68 والتحصيلي 64
وفيه ناس اقل مني وانقبلو ..! الله يعين
هل فيه دفعات او خلاص ..؟ او هل اللي قدم وانقبل وما راح يروح الكلية راح يحطون ناس مكانهم كـ بديل ولا ؟؟

لان انا اعرف اثنين انقبلو ولا بيروحون ؟ يعني حرام تروح علينا فرصه عشان ناس ما بتروح بس كدا مقدمه !!!

[رجل اعمال]

انا مقبول في الكلية بس محتار اروحها والا اروح كلية ينبع
مع العلم انا بدخل تخصص اداري وناوي اكمل بكالوريوس ايش الافضل يا شباب
والسكن لشخصين او لثلاثة

[romancer]

الحمد لله
تم قبولي في الكلية
عندي استفسار
ياشباب
المستندات الاصلية
ليس متوفرة عندي
حاليا وستكون جاهزة
خلال ايام
هل من الممكن استكمال
الاجراءات بالنسخ المصورة
المصدقة وتسليم الاصلية
لاحقا

[moha111]

يا اخوان هل فيه رسوب في الفحص الطبي:mh19:

[رومانسي]

السلام عليكم

ابي اسئل :

تحملوني :c8: الاسئلة كثيرة :sdfgdsf:

انا اخر لي ترم بالكلية يعني اختبارات بشهر صفر العملي والنظري وخلاص اخلص الكلية

سؤالي

بعد مااخلص انا سمعت فية تدريب هل يكون التدريب مباشرة بعد انتهاء الاختبارات وظهور النتائج
ولا ننتظر شهور ؟

طيب كم يعطونا في التدريب يعني الراتب ؟والمكافئة يقطعونها ولا لا ؟

زين ياشباب انا قدمت الى شركة شيفرون بالايميل وسجلت بالكلية

ولحد الحين ماردت علينا خبر عشان نروح نختبر

يعني وش صار على الشركة :Cry111:

الله يعافيكم ردوا عليي ابي اريح قلبي :s12:

[جـنـط]

لاهنتم يا شباب

انا موعدي بكره .. ابروح لهم اوكي ..؟!@

مكتوب بالوقه الي طبعناها نستلم اللبس والكتب وتدقيق الاوراق ومدري وشو !!..

الي ابي اعرفه الحين بكره نخلص كل شئ .. باستثناء الكشف الطبي .؟@@

وبالنسبه للسكن اروح لهم بكره .. ولا وش لون ؟@@

[دانيال احمد]

السلام عليكم
هل الكشف الطبي يكون في الكليه ولا خارج الكليه يعني في المستشفيات الحكوميه
وتحياتي لك:mh19:

[moha111]

السلام عليكم
هل الكشف الطبي يكون في الكليه ولا خارج الكليه يعني في المستشفيات الحكوميه
وتحياتي لك:mh19:


يكون في عيادات خارج الكليه

واحسن عياده عيادة الدفي


يخلصك بسرعه:150:

[طالب33]

انا انقبلت في هذا الفصل؟
وسؤالي
هل تكون الدراسة لنا مضاعفة يعني ندرس انجليزي 1 وانجليزي 2

[Dr.Al_khaldi]

لا اخوي الدراسه ليست مضاعفه سوف دراس بمشيئة الله هذا الفصل القادم انجليش 1 والفصل الذي يليه انجليش 2:bye:

[karem]

السلام عليكم

الحمدلله انا انقبلت في الكلية وخلصت اوراقي وقالوا تعال يوم 3/3
السؤال///
انا مقبول تقني والتقني ما فيه تخصصات للحاسب وانا هوايتي الحااااسب
فأيهم أفضل اكمل تقني ولا احول اداري واتخصص نظم معلومات

واخيرا السؤال الاخير أدري ثقلت عليكم
هل المستقبل الوظيفي لنظم المعلومات جيد
يعني هل هو تخصص مطلوب
ووين ممكن اتوظف؟؟؟؟؟؟؟؟


محبكم // karem //