( طالبات العلمي الراغبات باللغه الانجليزيه ) من هنا سنرفع خطاب التظلم !

[ديجافو]

السلام عليكم ورحمة الله وبركاتة ,,

طالبات وخريجات القسم العلمي نحنُ محرومات الآن من التسجيل في قسم اللغه الأنجليزيه ..

من هنا نبي تكون رحلتنا للإحتجاج .. في المنتديات ,, الجرايد ,, او خطابات التظلم

مالهم حق يمنعونا من قسم بذلنا جهد ووقت في دراسة منهجه

خاصه ان منهج الانجليزي في الادبي والعلمي متماثل ..

مستعده اجلس في البيت 4 سنوات لكن في النهايه يوصل صوتي وادخل القسم اللي تمنيته ,,

من اليوم بأتصل واحتج ,,

لكن يد وحده ماتصفق

احتاج وقفتكم معاي

وأي ارقام , ايميلات , فاكسات , روابط ممكن تفيدنا نزلوها هنا

في انتظاركم ,,

[الحس المرهف ~]

:d5:

الله يوفقكم ,, ويحقق لكم ماتتمنونه عاجلا~

[القلب النابض]

وانا احط يدي بيدك
وخطووة جميلة وباادرة اجمل منك

ويارب تنفتح الابواب قدامنا
وربك كريم

[άŇ3m 3яbjeά]

اي والله صـآدقه
وحنـا علمي اختبـآرنا E في التحصيلي
وادبــي مااختبروه
يعنـي ادبي مرتااحين وحنــا اللي كــارفينــا
:love080:

[القلب النابض]

اي والله صدقتي
وفي النهااية يتخصصوا فيه وحنا لااا
شقصدهم

[ديجافو]

مكتب معالي الوزير

المشرف العام على المكتب : عبدالله بن حمد الراشد

هاتف : 5555-441

مشغوووول .. :bawling:

[إثار]

و عليـكم السلام والرحمة ..

هلا أختي ديفاجو

والله معاكم كل الحق ,،
الله يساعدكم ويوفقكم عزيزتي ,،

لكم نصيب من دعواتي ان شاء الله :)


دمتم ,،

[dust girl]

بسم الله الرحمن الرحيم

اللهم صل على محمد وآل محمد



اضم يدي بيدكم :Cry111:


ما يصير عشاان يصبح الى ادبي تخصص منفصل ما نتناافس معهم فيه ننحرم من الانجليزي
:011:


اوكييييك خلوا الى ادبي انجليزي بكلياات التربيه

وحنا العلمي قسم خااص فينا بكلياات الاداااب او العلووم



واغرب الغرااائب تصير عندنا:lllolll:


صدق او لا تصدق:o3:


بنات العلمي تختبر قياااس وقسم منه انجليزي

وبنات الادبي باختبارهم القياس ما شافوا كلمة بالانجليزي :000:



وين تصير هذي :017:



لاحول ولا قوة الا بالله العلي العظيم


سبحانك يا لا اله الا انت اني كنت من الظالمين

:praying:



ان شاء الله السنه الجاايه يعدلوا النظااام يااارب

لان اللي صااير شئ يضحك:hahaha_2008:


فعلا شر البليه ما يضحك :011:




وموفقاااااااااااااااااات :love080:

[ديجافو]

بناااات نبي همتكم


أرقام وايميلات عمادة القبول والتسجيل في جامعة الملك فيصل:
www.kfu.edu.sa/Registration/contact.asp

فاكس الكلية الأدبية: 037217232

[أميره الغرام]

وأنا معكم أنا كان امنيتي أدرس E وإنتو اللحين رجعتوا لي الأمل


صج قهر ---------الله يعينا عليهم:Cry111:

[**طيف**]

ربي يوفقك يا اختي

على ها البدايه

لأني انا بعد حطيت من ضمن الرغبات لغه انجليزيه

ومانقبلت

ظلم *ظلم*ظلم

وبعدين حتى العام واللي قبله

قابلين بنات من ادبي بقسم لغه انجليزيه

بس بأي حق يكون هذا التخصص لهم بس

اجل احنا ب الثانويه يا يحذفونه او يغيرون فيه شوي يعني ادبي ياخذونه مكثف

وبعدين بأي حق هم يدخلون

وبنسبتهم الموزونه ماتشمل اختبار E الا اختبار الثانويه العامه

والل حتى علمي عندهم نفس الشيء

لا وب العكس علمي عندهم ب التحصيلي +الثانويه العامه

كيف كذا
:017:

اتمنى من المسؤلين بهذا الملتقى

ان يكونوا معنا ويوصلون اصواتنا للجامعه

لعل في ذالك منفعه

وانا اعرف طالبه كتبت عن ها الموضوع

ب الجريدة

بس اكتب وسو وحتى لو احتجيت ب اللي تبي


معك فلوس قرارك مسموع

ولا الباقي تطنيش


والله يساعدنا :bawling:

[ذات الهمم]

من جد انا علمي وقبلت فيزياا

بس حلمي انجليزي:000:

[ديجافو]

تتكرر المعاناه للسنه الثانيه على التوالي
ولا منصف لنا ................

[حلم السنين]

اللي تقول كارفينها !!! وأدبي مرتاحين يعني مثلآ !!

سلامات يالغلا

الظاهر ماعندك علم بختبارنا التحصيلي سؤال كامل كله عن تخصص علمي واحنا ادبي ماندبر

الحين ترفعون تظلم ليشش

يومك تبين انجليزي ماتعرفين القوانين

ان ادبي انجليزي كان تخصصتي ادبي ورتحتي من التظلم

ياخي ليش حاشرين نفسكم في تخصص مو لكم > تحس بتسطر :mh12:

ان شششا ء الله يوصل صوتكم

موفقين