حملة ابو فنيله وسروال الله يسعدهم عيالنا ويهديهم

[مطمئنه]

شرطة الرياض توقف المشاركين في «فانلة وسروال».. و«الهيئة» تترصدهم صدى (متابعات) :


كشفت مصادر أمنية عن قبض دوريات الشرطة على مجموعة من الشباب المشاركين في حملة «فانلة وسروال» المقرر إطلاقها رسميا اليوم في مدينة الرياض، وذلك بسبب تجولهم في الشوارع بملابس غير لائقة، ويأتي ذلك تجاوبا مع توجيهات سابقة لوزارة الداخلية تمنع ارتداء الملابس غير اللائقة والتجول بها في الشوارع والميادين العامة.
http://www.slaati.com/inf/newsm/25602.jpg

ولم يوضح المصدر الأمني ما إذا كانت أقسام الشرط اكتفت بالتعهدات الخطية للشباب أم تم إيقافهم، إلا إنه عاد وأكد على أن الحفاظ على الذوق العام في الشوارع العامة هو مسؤولية الجميع، والمنظر الذي خرج به الشباب، أمس الأول، الذين رصدتهم مصادر مطلعة في شارع الأمير محمد بن عبدالعزيز «التحلية سابقا» لم يكن لائقا.


من جانب آخر، كشف مصدر في هيئة الأمر بالمعروف والنهي عن المنكر أنه يستحيل أن يوافق أعضاء الهيئة على مثل هذه التصرفات، مبينا أن من صلاحياتهم إيقاف أي شخص تصدر منه تصرفات مسيئة في الأماكن العامه


http://www.al-jazirah.com/20110623/lp_196_1.jpg

http://www.al-jazirah.com/20110623/lp_196_2.jpg

http://www.al-jazirah.com/20110623/lp_196_3.jpg

[~Mrs.ENGLI$H~]

ياليتني خلقت في زمن غير هذا كل مالنا من جرف لدحديره
وش هالهباله استغفرك يارب

[رويّمم]

:hahahahahah: :hahahahahah: :hahahahahah: :hahahahahah:

[Remember me..!]

:lllolll:

[سيدة الأسئلهـ]

.

أول مرة أسمع فيها :hahahahahah:

حطوا نفسهم عرضة للمسخرة :tongue:



.

[لــوســي]

هههههههههههههههههههههههه

عادي الفانيله والسروال .. وش فيهم ..؟ والله مافيها شي ساتره وأحسن من غيرها

والا تشوفون الواحد اللي طلع بشورت أحسن ؟؟

يخلونهم لافي قانون ولا دين يمنعهم؟

[Haitham Bin Ali]

والله إضطهتدوا العيال وخليتهم يعبرون بطريقه :(177):
:Cry111: مظلوووووومين
بس ماتلاحظون محد قد لبس فنيله علاقي :(284):

[سمو الإحساس]

اللهم لك الحمد والشكر ان من علينا بنعمة العقل

[ابوفهد100]

ههههههههههههههههه
اضحكني هالموضوع سلمت يديك على النقل

واضح ان هالأفكار نتيجة فراغ كبير ولكن اعتقد الفراغ العقلي اكبر


تحياتي

[عيون ALmaha]

ههههههههههه قمة الاتيكيت والذوق الهمجي
بس احسن شي انهم كتبو تعهد فوق هالمسخرة :33_asmilies-com:

[من و الى]

ما فيها شي بالعكس حلوه خاصه بحررررررررررررر الرياض الواحد يبي البراد :lllolll:

[Man in light]

تحياتي لأبو سروال وفلينه

أعتقد انها استر من ابو طيحني اللي كاشخ بالبوكسر حقه،،،،

عمومآ الله يهدي الجميع

[farahq8]

معقوله!!!!
صراحه ماني مصدقه الخبر!!!احس نكته!!!
والله اللبس اللائق الكل يعرفه مو محتاج قانون!!!واكثر شي اكره اشوفه ،،،رجال طول بعرض ((ومرات مو طول بعرض!!!:mad:))لابس شورت كأنه في هاواي!!!

[مطمئنه]

شاكره لكم مروركم وتعليقكم

للاسف فعلا الموقف مضحك مبكي

وبالذات انهم يدافعون عن فنايلهم وسروايلهم ضد البنات اللي تهجموا عليها سابقا

واعتقد والله اعلم يريدون ركب موجة الثورات في الدول العربيه المحيطه فلم يجدوا غير فنايلهم وسروايلهم:hahahahahah:

لتكون عنوانا لثورتهم المجيده :hhheeeart4:

ولكن يبقون ابناءنا نسال الله لهم الهدايه والصلاح

[abolayan]

بسم الله الرحمن الرحيم

السلام عليكم ورحمة الله وبركاته

أسعد الله أوقاتكم بكل خير

والله يأخوان وأخوات أن المتأمل في مثل هذه المناظر لا يدري أيضحك من حالهم

أو يبكي لما آل إليه الشباب في هذه الأيام من أساليب غير حضاريه وأسلاميه قبل ذلك

شيء عجيب جداً ارى أن التخلف في مجتمعنــا وخاصه في أعمار هؤلاء الشباب أزداد بكثرة

ولكن أسأل الله أن يصلح حال شبابنا ويعوضنا فيهم خير ..

والسلام عليكم ورحمة الله

[الحلانجدية]

بصراحه وقحين

عصاقيل وبطه

ياربي لك الحمد والشكر

يستاااهلون ماجاهم

[عبدالرحمن 20]

ان اشوف ان تربيتهم لك عليها الصراحه والا واحد وراه أب او اخ صالح مراح يسوي هشي
يعني وشو الملفت في لبسهم سروال وفنيله
يارب لك الحمد
موفقه خيتي

[حنان سعود]

سوال بس هذا الشي
من جد ولا استهبال ولا ايش بالضبط:000:
بصراحه:hhheeeart4:

[ام فلوة]

اقول وين احنا عايشين فيه الحمدلله وش هذولي :hahahahahah::hahahahahah::hahahahahah:

[وينك يابوي]

هههههههههههههههههههههه :71:

خبري يرحون فيها البقاااله بس شكلهم تطوروا وصاار بالامااكن العاامه :biggrin:

ويااليت نشووف تنوع يعني كل وااحد يطلع بستاايل مختلف إلي يلبس دروش وإلي يلبس بروجيه :lllolll:

خذووا رااحتكم :mh001:

يسلمو مط مط << يزعم ادلعك :cheese:

[رنو]

:hahahahahah:

اللهم عافنـــا بس والله حركــــه ترويحيـــه وفلاويه:53:


<<<شاكرهـ لك أختي ((مطمئنه)) على الموضوع الرائع ’’’

والله يهدي شباب وشابات المسلمين ,,آمين

مروري +تقييمي **

رنـو

[بناس]

:tongue:


ياشين اللي مسوين فيها حملات بالبرودكاست

ليتهم سووا شي نفتخر فيه :hahahahahah:



:hahahahahah:


:hahahahahah:

[لحظة وداعك]

فقط وسيله لجذب الانتباهـ

هداهــــــــــــــــــــــــــــــــــــم الله

[So0o0li ... }-]

:hahahahahah::hahahahahah::hahahahahah:

الله يرجهم وربي اووب صااحين ابد
:71::71:
:cheese: كبيير يا ابوو سروال وفانيله >> تذكرت اخووي قبل الابتعاث
:(204)::53::(204): :53:
وربي ازين من طيحني والبوكسر سبونج بوب او بوسات وقلوووب

:love080::love080::love080::love080:
:love080::love080::love080:
:love080:
:017: <<< والي يقهر جد يتعمد يربط الشوز كل 10 خطوات

:106: يسلمووو مطمئنه

[Aldlo3h]

:hahahahahah: :hahahahahah: :hahahahahah: :hahahahahah: يثلمووووووووووووو

[خيآڷڪ مآيفآرقني]

فضحونا واقلقونا المراهقين

ناس ماتستحي ومو متربيه

العالم تطور فوق واحنا شبابنا في نزول

اصداء السوالف وصلت لدول ثانيه وضحكو علينا

والاسفه و الاتفه اللي ينشرو الموضوع بالصحف

قلت الاخبار يجيبو اشياء تافهه مثل هذي

[فراشة حائرة]

احس مافيها شي افضل من بعض الملابس مدري طيحني وطقتهاا :biggrin:وغيررررها

[&مشاعل&]

http://www.al-jazirah.com/20110623/lp_196_1.jpg


الشآرع شآرع أبوهم :biggrin:

[Dima]

يا مثبت العقل والدين يارب :lllolll:












سبحان الله وبحمده سبحان الله العظيم....استغفرالله العظيم..!‏:(269):

[المهاجر 72]

يكمن ردي ما يعجب الكثير بس دعو الخلق للخالق ليش التحكم في تصرفات الاخرين خلو الناس تعيش براحتها من راقب الناس مات هما

[مطمئنه]

الاخوه والاخوات المحتدين على المساكين اصحاب الفنيله والسروال

ترى فعلا اللي سووه غلط وغلط غير مقبول

لكن مولها الدرجه نحكم عليهم

تراهم مايتعدون انهم مراهقين ولاعندهم سالفه ومثل ماقالوا الاخوان الفراغ اذا اجتمع مع معدلات عاليه من النشاط لابد وان يثمر (ابتكار نووي:(269):)

واحسهم على الفطره الله يصلحهم وسالفتهم تضحك اكثر والله اني راحمتهم :hahahahahah:

مو مثل ناس نسال الله العافيه هم اللي بحق جابوا لنا الكافيه واتوقع مايخفون على احد

ومشكورين الكل على المرور

والف شكر لك اختي رنو منوره الصفحه :106:

[العنقا]

الله يخلف على اهلهم خلفت الصالحين :hhheeeart4:

[قلبي مملكتي]

:hahahahahah: :hahahahahah: :hahahahahah: :hahahahahah:

[اشوش الغامدي]

آستغفــــر آللـــــــه وآتـــــــوب اليـــــــه :106:

[ذهب صـــــآفي]

مع احترامي للي يشتمون ويسبون أنا ماأشوف في هاللبس شي غير لائق وخارج عن الذوق , لأنه هالزي الرسمي اللي يلبسونه معظم شبابنا في بيوتهم قدام أهاليهم وأخواتهم وأمهاتهم لو كان فيه شي من باب أولى مالبسوه ببيوتهم ..

لا تعطون الموضوع أكبر من حجمة ..

الحركة ماهي الا رغبة في لفت الانظار ونوع من أنواع الدعابة والمزح ليس الا ..

والشباب اللي فعلوها لايمكن أن نحكم عليهم انهم ضايعين وغير متربين اتقوا الله ولا ترمون بالتهم جزافا .. كلنا في مراهقتنا صدرت عنا تصرفات بغرض لفت أنظار الناس والاستظراف ليس الا ..

وأسأل الله أن ينصر بشبابنا الأمة ويشرح صدورهم ..

[الطالبه الجديده]

[FONT="Simplified Arabic"]هههههههه
استغفر الله صدق ناس مافيها ذره عقل[/FONT:71::(177)::41jg:]

[مطمئنه]

مع احترامي للي يشتمون ويسبون أنا ماأشوف في هاللبس شي غير لائق وخارج عن الذوق , لأنه هالزي الرسمي اللي يلبسونه معظم شبابنا في بيوتهم قدام أهاليهم وأخواتهم وأمهاتهم لو كان فيه شي من باب أولى مالبسوه ببيوتهم ..

لا تعطون الموضوع أكبر من حجمة ..

الحركة ماهي الا رغبة في لفت الانظار ونوع من أنواع الدعابة والمزح ليس الا ..

والشباب اللي فعلوها لايمكن أن نحكم عليهم انهم ضايعين وغير متربين اتقوا الله ولا ترمون بالتهم جزافا .. كلنا في مراهقتنا صدرت عنا تصرفات بغرض لفت أنظار الناس والاستظراف ليس الا ..

وأسأل الله أن ينصر بشبابنا الأمة ويشرح صدورهم ..

كلامك ذهب ياذهب صافي

اللهم امين

[خيآڷڪ مآيفآرقني]

ياشين الفلسفه

لا اكيد مو سماجه وقلة تربيه

ركب سود وسروال وفانيله

وش التفكير السطحي هذي

واصبحت وسيله للتعاطي مع الجنس الثاني

ولفت انظار

مدري ليش الدفاع

اذا انتم من الناس اللي يرسلو بالبلاك بيري هالامور

الله يهداكم

لاني بمطوع ولا شي شاب حالي حال الكل بس اشوفها تفاهات

[روح روحه]

هههههههههههههههههههههههههههههه
توووني اسمع بهالشي وش يحسووون به الشباب
على بالهم بيقهروننا ولا بيخلونا نوقف حش في هالبرودكاستات:hahahahahah:
عاد هالايااام مستلمينهم من قلب واخرتها يسوون مظاهره انهبلوو عيالناا :biggrin:

[عبق توت]

الله لايبلانا

[رائد القميشي]

بصراحة الموضوع اخذ اكبر من حجمه ....

كلها مجرد تصرفات طائشه من مراهقين جميعهم من المرحله المتوسطة والثانويه

في البدايه صور ونكت حتي وصلت الي هذا الحد ... انا بصراحه شفت الموقف قدامي وفي مكان عام هاذي الليله ..... وش اقولكم بس (( شر البلية مايضحك ))

انا ما ادري وش الهدف .... بس الشي اذا زاد عن حده يسمج ....

[لــوســي]

مافيها شي ؟؟ وش اللي تشوفون أنا ما أشوفه ؟؟:(107):

ملابس ساتره فضفاضه لاشفافه ولاضيقه ولا عاريه !!

ما أذوا أحد ؟ ولا أهانوا أحد ؟

وليس هناك مخالفه للدين ؟ ولا للقوانين ؟

وهذه ملابس أشوف أبوي وأخوي لابسينها في البيت .. متعودين عليها

لاتقليد للغرب .؟؟ ولا شي بشع أو مهين لنا ؟؟

اللي يقول مافي تربيه ؟ واللي يقول أفتضحنا .. ؟

وماسمعت هالأحتجاجات يوم بدأوا بلبس الطيحني والسكيني ومادري وشو ..

ويوم لبسوا ملابس سعوديه 100% ساتره 100%

قلتوا قلة أدب.. وقلة حياء ..وماينسكت عليه .. وفصحتونا ..وأنحطاط

ياحب السعوديين لتهويييييل الأمور التافهه ..:biggrin:

[فراشة حائرة]

لوسي صح كلامك

[arij]

شر البلية ما يضحك

:hahahahahah::hahahahahah:

[جوري الملتقى]

قمة الاناقة والذوق :hahahahahah::hahahahahah::hahahahahah:

[الطاير]

اجل من باب اولا ان نقول عن الاعبين انهم عديمين التربيه لانهم لابسين شورتات

[دوحه غَنّاء]

:hahahahahah::hahahahahah::hahahahahah:


الله يخلف


الحين الحريم قايمين بحمله
ضد ازواجهم الي يلبسون في البيت كذا <<<<<<<<<<< :biggrin: يقولون زي ما تبونا نلبس البسوا زين


وهذولي كملوا الناقص :hahahahahah: في الشارع

الا ما عنده نقول الله يرزقه

والي عنده نقول الله يخلف على ام جابته

[بشروه اني برحل]

ههههههههههههههههههههههههههههههه
خلوهم موت حر بالرياض خخخخخخ
ماكنت اعتقد بسوونها يعيال الذين والله انكم عند كلمتكم
بس ماشوف احديعلق لما يشوفون اللي يسلبس طيحني:cool::41jg:
:hahahahahah::hahahahahah::hahahahahah::hahahahaha h::hahahahahah:

[@ابو فيصل@]

الحمد لله على اللي عافانا من ما ابتلاهم فيه
الحمد لله على نعمة العقل
العالم تتقدم وحنا نرجع للوراء
بكل اسف

[الوكري]

مافيها شي وناس تقول تربية وتخلف

معليش شعبنا شعب مكتئب مكشر

وبعدين مالهم داعي

ليش ماعلموني اصف معهم

[ابو مطر]

:Cry111: أقسم بالله انه شي يأسف الله يصلحهم
اذا احد شاف مصيبه فل يقل : الحمدلله الذي عافانا مما ابتلاهم به وفضلنا على كثير من خلقه.

ارجو من الاخوان الذين يقولون مافيها شي ..!!! هذه ليست من عادات وتقاليد وشيم الرجال
صارو يقلدون من هب ودب
" لو اليهود والنصارى دخلو جحر ضب لدخلتموهـ " لا اعلم هل هو حديث ام مقوله
بس هو صحيح مرة عيد كرسبي ومرة عيد ميلاد ومرة جنز ومرة طيحني ومرة الله يستر ( بدون ) أسال الله العافيه هل لهاؤلاء عقول ناضجه صحيح هذه الاحداث تحصل وليس بمستغرب لاننا باخر الزمان وكثرت الفتن اسال الله ان يرحمنا برحمته
تحياتي ولست بقصدي جرح مشاعر احد
ولكن الله يقوي رجال الامن والحسبه على مهماتهم ( وكل ماصار شي قالو وكتبو بالجرايد الهيئه فيها وفيها مادروا انها تعاني من هاذي الاشكال اللي تجيب البدع والانحرافات داخل مجتمعنا ) .

[الوكري]

قال عليه افضل الصلاة والسلام

لتتبعن سنن من كان قبلكم حذو القذة بالقذة، شبراً بشبر وذراعاً بذراع، حتى لو دخلوا جحر ضب لدخلتموه، قيل له: اليهود والنصارى، قال: فمن.





حنا نقول للي يقولون ماتربوا لانقذف اهاليهم بهذا الشي

والي يقول تخلف ويمكن انهم عندهم علم يفيدون دينهم ووطنهم اكثر مني ومنك

والي يقول تقليد الغرب اول شي الفنيله والسروال مايلبسها الا الخليجين

والشباب توهم بدايه العمر ويروحون عن نفسهم بس الاعلام كبر الموضوع

انا ودي افتح موضوع عن الكبر في بعض الاخوان من ابناء البلد والتشاؤمية

والتضاهر بالصلاح والخفاء يفعل فعل الشياطين

والرسمية الزائده وتقوله ليش ماتبتسم يقولك الثقل صنعة

ورجع وقول


ليه ماعلموني اصف معهم

[ابو مطر]

:hahahahahah: الله يرج مخك المنسم <<< بس وش الماركه اللي بتلبسها يمدحون الاصيل خفيفه :biggrin: انهبلت معك

[الهنوفـ]

http://www.al-jazirah.com/20110623/lp_196_1.jpg
هههههههههههههههههههههههه
:hahahahahah:


انا من رايي شي حلوو وموضه جديدهـ >> :(269):
ع الاقل نبتعد عن تقليد الغرب والكفار

:(177):

> مضيعهّ وتدور على نتيجتها :biggrin:
ابوتسس يّ الشطحه :(269)::71:


عوافي خيتي ع الطرح التوحفه :biggrin:

[Amani Alsinan]

النفيله و السروال

ولا لسكني و طيحني و انواع الدفات اللي مال امها :biggrin:

بعدين عادي لا جا واحد يروح البقاله و مشيوير صغير لزومن يرز و يرسم مثلن !

وسعو صدوركم يا هيئه بس :hahahahahah:

[عبدالله المتعب]

لاحول ولا قوة إلا بالله

[يوونا]

:hhheeeart4:

[شتان]

ان بعض الضن اثم
يمكن رايحين يشترون ملابس خاصة بالتشجيع حقت نادي الهلال او النصر مدري ايش يعني(( الهاف )) الي يلبسونه اللعيبة مثلاً

[L U X U R Y]

-


أوّلاً : شبابنا متربين أحسن تربية , يكفي أنهم انخلقوا على فطرة الإسلام وَ هذا أعظم شرف ..
ثآنياً : الحركة اللي قآموا فيهآ هالشبآب .. صحيح أنآ ضدهآ وَ تمنيت أنو شبابنآ يكون عندهم وعي أكثر ..
لكن صدقوني اللي سووه هالشباب نتيجة للكبت اللي همّآ فيه وَ الفراغ اللي يسوّي الهوايل "
وَ متأكدة 100 % أنو من داخلهم يضحكون على أنفسهم .. بس خذوهآ من باب [ الدعآبة وَ عمل شيء جديد في حيآتهم ]
ثالثاً : لبسهم جداً [ لائق ] مع إحترامي لِ رجال الهيئة الموقرين ! يعني رجال الهيئة مايلبسون هذا الشيء ؟ :wink:
صحيح أنو غلط يمشي الرجآل بمكآن عآم بملآبس بيته .. لكن مو معنآه أنو هذا الشخص غير متربي أو إلى آخره ..
رابعاً : أتمنى من أصحآب العقول [ الكبيرة ] أن لاينشروا أسرار بلدهم عند الدول الأخرى :biggrin:
عيب واللهِ عيب أننا نوصل لهذي المرحلة .. يعني قلّت الأخبار ينشرون لنا مثل هالشيء ؟
وَ أقصد بكلامي مو بس مثل هالخبر " أخبار كثير تُنشر مغزآهآ [ فضآيح ] لِشبآب البلد !
يَ عآلم متى نفهم وَ متى نعي أنو [ من ستر على مسلم .. ستر الله عليه ]

أعتذر عن الإطآلة .. هذآ وَ لكم جزيل الشكر وَ الإمتنآن :106:

[الخطير]

ركبة سوداء x سروال وفنيلة! (http://www.alwatan.com.sa/Articles/Detail.aspx?ArticleId=6227&utm_source=twitterfeed&utm_medium=twitter)
:biggrin:

[حسام المجنوني]

يعني مثلاا يبون الغربي يسون مثلهم !

مااعتقد ان الغرب في يوم من الايام يفكرون يلبسون فنيلة وسروال بالذات الخاصة بالثياب لائنة في وجهة نظرهم غير لائقة هم نابذين مجتمعنا بشمغهم فمابالكم بسروال وفنيلة
الله يهديهم ويرشدهم للطريق الصحيح
تقبلو تحياتي

[بدوي آكشن]

ياحبنا للهرج الفاضي

اللحين من متى قالت الهيئة انهم عديمين اخلاق !!!!!! > الله يعين الهيئة بس :biggrin: لحد يزود هرج

بعدين

والله اني البسها بالمشيورات الصغيرونه

يعني لاخفيكم علما بأني توني جاي من المحطه بسروال وفلينه > نو بربلم

بس انك تلسبها بمكان عام والله انها عيب

ياخي فيه شي اسمه مراعاة الذوق العام , وبعدين كل ماسوو شي الشباب نقول فراغ وفراغ , هذي امور يستطيع الواحد يميزها .(هنالك عقل يميز الصواب والخطآ)


*******
وقد حذر وزير النفط السعودي

بأن هناك نوع دورش جديد اسمه ( بياجيه ) لحد يشتريه تراه خايس وان كان سعرها بـ 9 ريال

بس الدروش والاصيل في ارتفاع حاد و صارت بـ 11 ريال وذالك نضرا لزيادة الطلب والانتاج بعد ان كنت اشتريها بـ 7 ريال < يلعن ام القهر :017:











<<< خخخ يلعن ام الشطحه صدق :hahahahahah:

[L U X U R Y]

^

اللي بيعلق على رد أحدٍ مآ
يذكر إسمه عشآن هالأحد يعرف يرد عليه :biggrin:

[بدوي آكشن]

وش الي مايخليني احط اسمك اذا كنت اقصدك ؟؟





بس الي على راسه بطحى يتحسسها :biggrin:

[Ms.fnoonah]

:hahahahahah::hahahahahah::71::71::hahahahahah::ha hahahahah:
:biggrin::biggrin::biggrin::biggrin::biggrin::bigg rin::biggrin::biggrin::biggrin::biggrin::biggrin:: biggrin:
الله يقطع عدو ابليس
الاولاد عدنا عليهم طلعات:cheese:
:hahahahahah:تذكرت امي يوم هزئت واحد بالليل وفي محل ولابس نظارات شمسية :(107):
بعدين قانلها يمة هو له هدف لابسها :(177)::017::mad:
الله يصلحهم:106:

[بنت صالح]

عادي فنيله وسروال ساتره أحسن من طيحني وغيره من شورت ومشقق ومبقق..
الله يستر علينا..
وطبعا لابد من التحشم ولبس أحسن الثياب لأن الله جميل يحب الجمال..
الله يهدي الجميع..

[نوافذ]

جزاك الله خير

[L U X U R Y]

وش الي مايخليني احط اسمك اذا كنت اقصدك ؟؟





بس الي على راسه بطحى يتحسسها :biggrin:


الحمد لله مآ على رآسي بطحى :biggrin:

[لوجي الشرقية]

اااااااااااكررررررررررررررررة ذاااااا البسةةةةةةةةة ماادري كيف يمشووووووون فيهاااااااااااا يويليييي فرضااا احدددد سحبة وش شعوووووووووووووووورة اناااا اخوي الصغيررررررررررر لبسس ذاك اليومم كذاا بغيت اذبحة يبي يررروح لديوانية فيهااااااااااااااااااااا وش ذاااااا العبدنةةةةةةةةةةةة عجزانين

[₪ حـكـاية روح|~]

الحمله كانت في الرياض يوم الخميس والاربعاء الماضي

وفعلا طلعو الشباب وسوو مسيره في شارع التحليه

:

الله يهديهم ويثبتهم :119:

[ξـبد»βrines«الرζـمن]

الله يعطيك العافية اختي

وبقية الأعضاء على ردودهم

الي طلعو بالحملة هل هذا الوضع بتحصل من ورائه مشكلة او فتنة لا واناما تعبير عن فراغ وطيش وتم التعامل معهم بحزم ولكن !!!!!!!!!!!!!!!!!!!!!!!!!!!!!!!!!!

لماذا لم يتعم التعامل مع من قادة سيارتها امام الناس في تحدي واتفقة مع وسائل اعلامية غربية وخرجة وتحدة واتهمة الشعب والقيادة العلياء بسيل من التهم

ولم يتم عقابها كل يوم تخرج علينا في قنوات غربية وتهدد وتتوعد وان امريكا وبريطانيا معها لماذا لا يعاملون على اساس انهم خونة :mad: ويتم تاديبهم بدات العلمانيات التافهات بتحدي والأستقواء بالغرب والمنظمات للضغط على الحكومة ..
والمصيبة انهم يغررون بالفتيات المراهقات السذج لكي يقدن السيارات ..

قمت القهر

[فرحة التخرج]

الله يعطيك العافية اختي

وبقية الأعضاء على ردودهم

الي طلعو بالحملة هل هذا الوضع بتحصل من ورائه مشكلة او فتنة لا واناما تعبير عن فراغ وطيش وتم التعامل معهم بحزم ولكن !!!!!!!!!!!!!!!!!!!!!!!!!!!!!!!!!!

لماذا لم يتعم التعامل مع من قادة سيارتها امام الناس في تحدي واتفقة مع وسائل اعلامية غربية وخرجة وتحدة واتهمة الشعب والقيادة العلياء بسيل من التهم

ولم يتم عقابها كل يوم تخرج علينا في قنوات غربية وتهدد وتتوعد وان امريكا وبريطانيا معها لماذا لا يعاملون على اساس انهم خونة :mad: ويتم تاديبهم بدات العلمانيات التافهات بتحدي والأستقواء بالغرب والمنظمات للضغط على الحكومة ..
والمصيبة انهم يغررون بالفتيات المراهقات السذج لكي يقدن السيارات ..

قمت القهر

:(204):