تسجيل الدخول

مشاهدة النسخة كاملة : نظام المقررات للثانوي العامه ..خبر من بوابه التعليم

Ambition
2011- 6- 25, 04:52 PM
جاني هالخبر من بوابه التعليم

الي يقدر يجيبه لي كامل يحطه لي هنا ...دورته مالقيته ...او بالاحرى ماعرفت :)


الموهم محتوى الرساله مايلي

يشارك اكثر من 400 تربوي وتربويه من مختلف مناطق المملكه اليوم السبت في لقاء التهيئه لمدارس التعليم الثانوي المطور نظام المقررات والذي تستضيفه الاداره العامه للتربيه والتعليم بمحافظه جده

وبس

ابي الخبر كامل وشالسالفه ابي اعرف يعني شنو يعنون بالتحديد ...هل بتصير مثل دراسه الجامعه يختاروا مقررات يدرسونها وبس او شنو ......

شكرا مقدما .....
بيان باراس
2011- 6- 25, 05:42 PM
ياحليلي لا قالوا جامعه الامام قلت اختي ..ولاقالوا الجامعه العربيه مو معترف فيها قلت اختي تخرجت وتكمل ماستر برراا هههههههه

وهالحين بقولش اخوياا خخخخخ صدق يدرس ثنوي نظام مقررات ..

سالفته زي الجامعه ..مو حنا اول درسنا باول ثنوي كيمياء وطلعنا ثاني وثالث وخذينها ..هم لاا خلااص اخذ ماده كيمياء كووولها مررا وحده ما عاد تنعاد ..

يعني مثلا هو الترم اللي طاف اخذ الفيزياء ..هالترم ماعنده خلص منها ..وبعد قران اخذه حق كوول السنوات ...حتى التربيه البدنيه ....الخ

واذا رسب في شي مايعيد السنه لااا نفس الجامعه يحمله ...وبنفس طريقتنا مثلا عندنا نحو1 ونحو2 ..هم كذا تلقين رياضيات 1 ...

ايش باقي كماان ..

ايه صح مافي شهادات ورق ..لاا نفسنا عندهم نظام اسمه ناجح ..كل طالب له رقم ويدخل فيه ..تنرصد درجاته ومخالفاته غيابه ...

طبعا هذا النظام مطبق في كذا مدرسه سوا عيال او بنات ..حول الممكله كتجربه النظام اذ وجد انه افضل بيعتمدوه ع كل المدارس ..

شوفي حقهم ناجح زي بلاكنا ..

http://g.najhonline.com/



الله يوفقش اتمنى وضحت الصوره عندش ..:106:
jare7
2011- 6- 25, 05:47 PM
400 مشارك يبحثون التوسع في نظام المقررات في جدة اليوم
حمود الصقيران - جدة
يشارك أكثر من 400 تربويا وتربوية من مختلف مناطق ومحافظات المملكة اليوم السبت في لقاء التهيئة لمدارس التعليم الثانوي المطور نظام المقررات والذي تستضيفه الإدارة العامة للتربية والتعليم بمحافظة جدة وقال عبدالله بن أحمد الثقفي مدير عام التربية والتعليم بجدة: إن هذا اللقاء يدعم الخطة التوسعية لوزارة التربية والتعليم في تطبيق نظام المقررات بالمرحلة الثانوية ليشمل مجموعة جديدة من المدارس وأضاف الثقفي أن اللقاء يهدف لنشر ثقافة النظام والتأكيد من جاهزية العاملين في المدارس للتطبيق الصحيح من بداية العام الدراسي المقبل مبينا أنه يستهدف منسقي ومنسقات ومديري ومديرات ووكلاء ووكيلات التسجيل في مدارس التوسع ويستمر لمدة ثلاث أيام.
jare7
2011- 6- 25, 05:50 PM
الخبر منقول من جريدة المدينة

http://al-madina.com/node/311734

وبالتوفيق لك وللجميع

والعذر والسموحة على القصور
Ambition
2011- 6- 25, 05:53 PM
الف شكر لكم

وضحت الصوره

تمام التمام

ماشاء الله في تطور :119:
Student 2010
2011- 6- 25, 06:05 PM
اهم شيء نتايج الامتحانات تطلع بدري عندهم ولا تتاخر زي عند بعض الناس :hahahahahah:
بيان باراس
2011- 6- 25, 06:09 PM
^
^
هههههههه تبين الصدق والله شي محزن ..كلهم طلعت نتايجهم معدا انا وهو ..

يعني تتاخر :(177):

امس دخل ولسى مانزلت ..يقول يمكن الترم الثاني :(269):