بنوتات ربي يسعدكم بغيت أفكاركم

[مارشوملز]

السلام عليكم ورحمة الله وبركاته

كيف حالكم حبيباتي أن شاء الله بخير .. أكيد زهقتوا من كثر مواضيعي

بس والله لأني مستجده وحابه أخذ أفكاركم في حاجه .. فأتمنى أني ماأكون أزعجتكم بكثرة أسئلتي ..

بصراحه يابنات إلى الآن ماشريت للجامعه ومحتاره شنو أشتري من ملابس ومدري شنو

الألوان اللي أختارها.. والأكسسوارات والشنطه ومدري .. فابغيت أفكاركم حبيباتي

والأماكن أذا ماعندكم مانع اللي موجوده بالدمام لأني والله محتاره ..

ربي يوفقكم أنتظر مشاركاتكم على أحر من الجمر

[بيبي ارجوان]

الوتر الحسااس موضوعك روعة وتسلم اياديك :d5:
والله مو انتي لحالك انا برضو الى الان ماشريت شيء :Cry111::Cry111:
واللي سمعته ان البضاعة اللي الحين موجودة بالاسواق موشيء :bngo12:
وان الزين ينزل قريب العيد الله يعين بس:000:

واذا فيه احد شرى ويقدر يساعدنا الله يجزاه خير:119:

[مارشوملز]

حبيبتي ارجوان أنتِ الأروع فديت قلبك .. الله يسلم قلبك .. آه ربي يعين .. ياليت والله أحد يفيدنا .. أنا وأختي

ارجوان لأنا حنا محتاسين ..منوره حياتي ارجوان

[أنوار العلم]

انا حالي حالكم
تعبت من دوارة الأسواق و مو شايفه شئ

لعلمكم حتى للعيد ما شفت شئ و الدنيا زحمة

شكلي ما بشتري للجامعة الا بعد العيد

[blueflower]

حتى انا .. ..
ماتم مجمع مادخلته البضاعه مو شي ابد ابد
ولا عاارفه شنو اخذ ملون ولا ابيض وبيج

انا بتشرا بعد العيد لعلى تهدى هالزحمه شوي

[A.7.B.N.E.E]

الوتر الحساسR

عزيزتيــ اختيار الملابـسـ يعتمد على ذوقكــ
يعني ممكنــ تحبينـ الملابسـ السبورتيهــ وكاجوِل او كلاسيكـــ ورسميـــ

بالنسبة إليــ اموت بالكلاسيكـ والأشياء الرسميهــ ... عملية أكثر للجامعة

شريتـ لي كم قميص رسميــ ( غير اللون الأبيض ) من محل Country People في التوسعة الجديدة مجمع الظهران
وكمان بلوز ناعمـ من Armani Exchange
Miss Silveridge بتلاقيـ عندهمــ كمان اشياء حلوة للجامعة

وشو كمااااان ....:mh19: ...مدري هذا اللي اتذكروا ،، عموماً التوسعهـ اذا درتي ودورتي زين فيها حتلاقيــ ان شالله

موفقهــ حبيبتيـــ =)

[أنوار العلم]

A.7.b.n.e.e

مشكورآ على النصآيح

لا عاآد مجمع الظهران شنو يودينا عشان بلايـــــز أنا من الحسا

و الله الدمام و الخبر و الظهراآن فيهم مجمعات كثيرة مو مثل الحسا ما فيها كثير

[بيبي ارجوان]

الوتر الحساس النور نورك ياقلبي :love080:
انوار العلم توني قبل كم يوم جيت زيارة للحساء
ومااعرف الحساء كثير لكن وحنا بالسيارة شفت
محلات ملابس في الواجهة تبعها ملابس مرة حلوة اذا
ماحصلت شيء بالشرقية افكر اجيكم والحين اقرا كلامك كانك حطمتيني:000:

A.7.B.N.E.E يسلموو يالغلا ع النصايح
راح اجرب اروح اذا رضى الوالد :cheese: