بخصوص الانتساب المطور في النعيريه_بنات [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : بخصوص الانتساب المطور في النعيريه_بنات

ابي موضوع

2011- 7- 1, 12:32 AM

السلام عليكم خواتي

حبوبات انا قد رحت النعيريه من سنه وسالتهم عن نظام الانتساب المطور_اللي بفلوس_ قالوا لي انهم وقفوه
ويبون ينتظرون المتسجلات فيه يتخرجون وخلاص بيلغون هالنظام !!! هذا كلام المسؤوله عن القبول والتسجيل:icon9:

سؤالي... السنه هذي في انتساب مطور ولا لا؟؟ اي في تسجيل لبنات جدد؟؟
مو تجي وحده وتقولي في بنت تدرس انتساب معي!! يمكن تدرس على النظام القديم زي ماقالت لي العسل _المسؤوله عن القبول والتسجيل:biggrin:.. يعني دققوا بخوص هالمعلومه ارجوكم
هل يشترط له قدرات؟؟؟
متى يبدا التسجيل؟؟؟ وطريقته التفصيليه؟؟

الله يعافيكم.. بعد سؤال ثاني وش التخصصات المتاحه للانتساب المطور ؟؟ وهل اذا انتسبت لجامعه ثانيه اقدر اختبر في النعيريه كونها قريبه مني.. وهل يوجد سكن بالنعيريه او الفرع اللي بالخفجي اذا سجلت انتساب مطور

اتمنى منكم عدم تهميش سؤالي والرد على باسرع وقت:biggrin: والله اللي ترد وتبرد كبدي لادعيلها من قلبي .. اتمنى تسألون المسؤوله عن هالشي بكليتكم عشان تكون المعلومات دقيقه مابي تروح علي السنه .. الله يجزاكم الخير:biggrin:

ناوي السوكبا

2011- 7- 1, 12:43 AM

أتمنى من احدى الفتيات افادتك

بناس

2011- 7- 1, 01:41 AM

حبيبتي انتساب مطور يعني عن بعد

من قالك انه مسكر اصلا كل كورس يفتح التسجيل على النت

وهذا القسم خاص للي بالانتساب الغاليه

وععلى التسجيل برمضان تاريخ 11 يبين التخصصصات الموجوده لان سمعت بيسكرون التربيه الخاصه

وبعدين الميزه الحلوه تقدرين تحددين مركز اختبارك على كيفك لو تبين مره بالنعيريه ومره بالخفجي عاتي

يعني ماعندك اي مشكله مو لازم سكن اذا انتي قريبه من النعيريه تروحين قبل الاختبار بوقت وترجعين لاهلك اذا المشوار ساعه وعندك حد يوديك

ومااتوقع يطلبون تحصيلي حنا ماطلبوا علينا ابد على التسجيل يمكن ينطون ويقولون نبي

واي سوال حاظري اختي

ابي موضوع

2011- 7- 1, 02:41 AM

ابي موضوع

2011- 7- 1, 04:56 AM

والاهم يا بنات تاكدولي من القدرات اذا يشترطونها السنه هذي .. للطالبات الجديدا نظام انتساب مطور اللي هو تعلم عن بعد

الماَسه

2011- 7- 1, 09:01 AM

عن بعد مو لازم قدرات

انتي وين ساكنه يمكن في مركز اختبار

اول مستوى 2475 و10 للرسايل والثاني ومابعد على حسب المواد الي تختارينها 4او5او6او7

الساعه165 اربع سنوات يبدا 11-9 موفقه

ابي موضوع

2011- 7- 1, 07:57 PM

اختي الماسة كيف المستوى الاول .. يعني قصدك الفصل الدراي الاول لاول سنه؟؟
طيب
وبعدها الفصل الدراسي الثاني نفس الشي؟؟
مافهمت وش قصدك في 4او5او6او7
؟؟؟ يعني الاف ولا ساعات ولا وش
ماعليه محسوبتك غبيه.:g2:. اشرحيلي الله يوفقك وش 11-9؟؟ يعني تكلفة الدراسه كلها 11 الف او 9 الاف للاربع سنوات مدري الخمس سنوات؟؟
وهل القدرات متاكدين نه مافي للانتساب المطور_ التعلم عن بعد ؟؟؟
وبالنسبه للساعه تقولين 165 طيب اضربها بكم؟؟ يعني كم عدد الساعات المقرره لتخصص ادارة اعمال؟؟؟ وهل المجموع اللي بيطلع شامل 2475 ولا من دونها؟؟؟ وهل في سنه تحضريه بالانتساب؟
اتمنى احد يدخل ويرد بطريقة وافيه لكل تساؤاتي:Cry111:
ارجوكم والله مابي السنه هذي تروح علي

الله يوفق كل وحده ترد علي

احساس الغروب

2011- 7- 1, 08:41 PM

تأكدي من وقت التسجيل لأن رمضان هذا لطلاب القدامى وممكن يتغير
أعتقد مافي أختبار قدرات لأن ماطلبو علينا وبنسبه لرسوم اول سمستر اجباري عليك خمس مواد هم يحددونها لك طبعا التتخصص اللي راح تختارينه أن شاء الله والرسوم 2475 ريال
والساعات 165 ريال هاذي بعدين ان شاء الله لما تروحين مستوى ثاني تختارين موادك وتنزليها وكل ماده تاخذ مثلا ثلاث ساعات اضربي ثلاث ساعات 165 ريال يطلع لك قيمه الماده ومضافآ عليها باقي المواد اللي اخذتيها وعليك الحساب يعني انتي حره باختيار المواد وعدد اللي راح تنزليها وبنسبه لمركز الاختبار الجامعه ماقصرت ينزلو لك ايقونه قبل الاختبارات على موقع الجامعه وفيه مراكز الاختبارات وتختارين المنطقه اللي راح تختبرين فيها بتوفيق :106:

احساس الغروب

2011- 7- 1, 08:53 PM

طيب كم التكاليف من الالف الى الياء

يعني
اول مااسجل وبعدين الفصل الاول والثاني.. وهل في سنه تحضيريه ولا لا
وهل النظام اربع سنين ولا خمس
وكل فصل كم ادفع بالضبط.. ولا على حسب الساعات اللي انزلها

على حسب عدد موادنا ومافي خطه من الجامعه كل سمستر ينزل الجدول واختاري مواد واذ حبيتي تخلصي في اربع سنوات تكوني ماشيه على جدولك لازياده ولا نقصان وان حبيتي تخففي راح طولي ممكن خمس سنين يعني انتي وهمتك :biggrin:

يارب وفقني .

2011- 7- 1, 08:55 PM

:lllolll:

ابي موضوع

2011- 7- 1, 10:49 PM

احساس الغروب

2011- 7- 2, 02:36 AM

طيب اختي غروب
يعني انا لو مشيت على الجدول اللي منزلينه لكل مستوى
كم ماده تنزل لي بالمستوى؟؟؟\\
وبعدين ايش المقصود بالمستوى.. يعني الفصل الدراسي_الترم يعني؟؟:g2:
اعطوني رقم المسؤله عن التسجيل والقبول بالنعيريه؟؟
يعني احد مضمون اساله عن التسجيل

يااختي مو حاطين لنا كم ماده اصلآ مانعرف الخطه الدراسيه اللي ماشين عليها اللي اعرفه بس المستوى الاول خمس مواد والثاني سبع مواد وتقدري تزيدي موادك لو حبيتي من المستوى الثالث كوكتيل على قد ماتقدرين تاخذين المواد بس المعدل ممكن ينخفض بسبب المواد الكثيره وهيك
سؤالك الثاني أيوه المستوى هو يعني الترم
رقم المسؤله عن التسجيل بنعيريه حبيبتي تقدرين من خلال موقع جامعه الملك فيصل للانتساب المطور تعرفين متى موعد التسجيل او من خلال منتدانا هنا مو مقصرين معاكي كلهم فيهم الخير والبركه موفقه :106:

بناس

2011- 7- 2, 05:21 AM

قلبي كل المناطق نفس المسئول هنا الموقع تلقين كل رد لاستفسار حبيبتي

والمستوى قصدنا كل ترم يصير لك مستوى

وفي خطه لكل تخصص تلقينها بالخدمات الطلابيه

http://www.kfu.edu.sa/ar/Deans/elearning/Pages/services-2.aspx

لا تخافين من مسمى المواد لان اذا درستيها تكون سهله

ماانصحك بالاداره اذا من زمان متخرجه بتكون صعبه عليج

واسفه على التاخير بالرد

والقاك باجر الغاليه

ابي موضوع

2011- 7- 2, 07:26 AM

كلي غموض

2011- 7- 2, 10:10 AM

ادري ان فيكم الخير والبركه
بس انا ابي الموعد الاساسي للتسجيل لانكم تقولون اللي ب11 رمضان للطلاب الانتساب القدامى
يعني الطالبات الجدد ماقلتوا متى؟؟؟؟
هذا سؤالي؟؟

وبناس .. الرابط مافيه سيرة ادارة الاعمال ولا خطه ولاهم يحزنون
بعدين انا متخرجه من 3 سنين يعني مو من زمان
امانه لاتحطميني
ان شاء الله انها سهاله:Cry111:
ان شالله سهاله

انتي توكلي على الله وسجلي

ومع الوقت بتشوفين ان كل شي سهل قدامك

انا كنت مثلك فالبدايه والحين الامور تمام

الاخوان والاخوات بالمنتدي ماراح يقصرون معاك :biggrin:

مرتديلا

2011- 7- 2, 11:05 AM

نصيحه تابعي منتدانا الحلو ذا .. وبتمشين خطوة خطوة وصح ان شاءالله
لكن مو تطيحين عيونك من الان
انتظري ببدايه رمضان..
وبتفهمين كل شي
وعلى فكرة..
ماله داعي تشيلين هم ايا كانت منطقتك.... لانه في نهايه الترم راح يعطونك خيارات بمكان الاختبار
في البدابه راح يكون التسجيل على الانترنت
يطلبون بياناتك ثم يرسلون على جوالك اذا تم قبولك
ثم ترسلين لهم المبلغ المطلوب عن طريق البنك مع ورقه راح ينزلونها لك عالانترنت تطبعينها وترلينها بالبريد(راح يعطونك التعليمات بالتفصيل)
وبكذا راح يلكدون لك ان فلوسك وصلت لهم
وتهدا الامور
وتبدين دراسه ومتابعه على موقع الجامعه 3 شهور تقريبا
الى ان ينتهي الترم وتخترين
وبعدها الترم الثاني راح تكونين عجووز>>امزح .. اقصد عندك خبره
وتسجلين موادك اللي متوفره وكل ماده لها مبلغ حسب الساعات
الى ذلك الحين راح نوضح لج تفاصيل اكثر باذن الله
بالتوفيق