كل الاقسام ممكن دخوول واخص الخريجات والتحضيري

[اودا دا]

السلام عليكم ورحمة الله وبركاته

بداية انا مااعرف انسق موضوع

ههههه<<< اجل ليه فاتحه موضوع هنا السؤال

الاجابه عليه

انا وانتو بنجاوب عليه

المهم ابي كل خريجه تدخل هنا وتكتب وش استفادت من حياتها داخل الكليه لتهيئة بنات التحضيري


المهم انا ببدأ بنفسي
بصراحه دخلت الكليه مجبره وماتقبلتها اول سنه وعدت السنه واصبحت باقيه
جات السنه الثانيه وانا بداخلي اصرار اتخطى هالمرحله وانجح
ولكن كتب ربي ان اعيد السنه زعلت كثير ولكن فرحت اكثر الدكاتره تغيرو للأحسن
اسلوبهم تغير وكل شي ,,,المهم استفدت من هالتجربه ولكن يجب ان نتأكد ان بداية كل سقوط قمم من النجاح
المهم كملت ورحت ثالث وحملت مواد من ثالث بس الحمدالله عديته وطلعت رابع :(107):
نجحت بالترم الأول حملت بالترم الثاني والحمدالله اصبحت خريجه:wink:
بعد جهد صحيح تعبت وبدأت لحظات اليأس تدخل وتسيطر على عقلي ولكن اللي عندي شجعوني اكمل والحمدالله ياااااااااااارب كلكم تفرحوون وتنجحوون :mh318::mh001:
ومهما عدتي سنه تذكري انها بتكون افضل والسنه اللي بعدها احلا منها
عيشي حياتك في الكليه بتصادفين العديد من المشاكل مع الامن او مع اللي بالشئوون او مع الدكاتره او المعيدات او مع اللي بالكافتريا او مع التصوير او مع الآآت الشوكلاته والمياه
المهم مهما بدأ اليأس اجعلي الامل يسيطر عليه تجربتي في الحياه
عانا منها الكثير في الكليه ولكن بالاخير ان شاءالله للفرح وجعل ايامكم كلها افراح:biggrin::53:



يلا عاد الحين كل وحده تكتب اللي عندها

[a7bk sh]

موضووع جميييل واشكرك عليه ..:biggrin:

انا تحضيري وصحييح كلامك انا الترم الاول خذيت انذار وهذا الترم شدييت حيلي وارتفع معدلي والحمدلله مو كل من نزل معدله او رسب خلاص يصير فااشل بالعكس مفروض يستفيد من غلطاته ويشد حيله اكثر ..:53:

بصراحه موضوعك عجبني كثيير .. :d5:
ومبرووك التخرج حبيبتي ..:love080::(204):



.

[ЗŕbŏOőĵā]

.‘×

حلــو كلامك ..
ومعـآنـآتك مثل معـآنـآتنـآ الحيــن :/
آهنيــك على طرحك الرآقي ,,
فعلاً حنـآ محتـآجين مثل هالكلام والخبرآت ..
الـف شكـر لك ,,
والـف مبروووك التخرج ,,,
والله يوفقك بحيـآتك كلهآإ :)

[فيلسوفة]

لكل مجتهد نصيبه ..

وبالنسبه للمشاكل - حتى مع الخوات تحصل ,

الاهم من كذا انك تطلعين من الكليه ب سمعه مشرفه لك .. و ب هدفك الي دخلتيها فيها ..

لانها حرم جامعي ولكل شي قوانين .. وفعلا الامل والاصرار هو من اساسيات النجاح

وانا بصراحه هالترم درسوني دكاتره .. كل ماسئل بنت هذي يمه منها

هذي اعوذ بالله شديده ماتنجح ! طيب انا جربتها بالعكس

واي انسان تتعاملين معه ب طيب يرده لك كذلك الاحترام

والله انهم يراعون اذا شافوك مجتهده بس يبون تبيبن الاهتمام لهم

وهم من حقهم لان القاعه فيها ستين بنت وش يمديها تعرف الخفايا او مستوياتهم

وعلى كل انسان ان يتأقلم ب الي حصل له . ولا يتذمر لان مايفيده . يمشي ويعين من الله خير

وبأذن الله س يوصل لطموحه

والله يوفقنا جمييع .. ويعينا

[حدي نظر]

مدررري شقووول صصررااحه بس مررررره عجبني الموووضووع

استفدت من هررررجك بالحيييييل

مشكوووره ويعطيكـ العوااافي على هاااالهررررررررج

ورررررربي استفدت منه كثيييييييير

كااان براسي انوو سنوات الكليه واااااااجد

بس يوم قلتي رحت ثاني ورحت ثالث ورحت رابع

حسيتهم شوي قلت الحمد لله بتمر وبنصير يالتحضيري خريجات كليه ان شاء الله


موووووووفقه قلبووو ومبروووووك التخرررج :106::d5:

[ملامح خجووله]

ربي يسعدك كنت محطمممممممممممه وكلامك حمسني

بإذن الله السنه الجايه اتخرج يارب :g2:

[miss.R.N]

موضوووع رآئع... :d5:

ومبروووك التخررررج :love080:

[روروي]

انا اول مادخلت الكليه ماتقبلت المواد ولا الدكاتره وبإصراري قدرت اتخطى ذا الشي والحمد لله نجحت بكل مواد السمستر الاول ونجاحي خلاني احب اكمل الدراسه الى مااتخرج واتمنى من كل بنت تاخذ قرارها بنفسها ولاتعتمد على كلام البنات لانها بالنهايه مابتستقر على قرار معيين :53::53: وبالتوفيييييق دائما للجميع

[معاني ورد]

جزاكم الله خيييييييييييييير :love080::106:

[جوآنا]

يعطيك العااافيه .. موضووع انيق مثلك :106:

وع البرركه التخررج .. عقببال الوظيفه الزيننه :mh001:

[ومضه الم]

مرنا بلحظات من الارهاق الجسمي والنفسي والضغوط ...بس كل هذا يعودش ع الصبر و معرفة قيمة الوقت

الاجتهاد والاخلاص هما اساس التوفيق

بالتوفيق للجميع

[انــآ]

لي رجعه هوون ب كلاام كـثير
شكرن ع الموضوع المفيد :love080:

[انــآ]

مسـاا الخير ع الامورات
حبيت افيدكم في بعض الامور من خلال تجربتي مع الكليه ب حكم اني خريييييجه < - مو مصدقه :biggrin:

شوفو حبوباتي
راح تلاقو صعوبات كـثيره جدن جدن ب الكليه
راح تجيك حاله نفسيه وشويه كآبه :biggrin:

اتوقع انكم مريتو فيها خلااص ب حكم ان لكم سنه ب الكليه ه الحين
انــآ ما ب قول لكم ه الحكي عشان اخوفكم ، لأ
ابقولهاا والله نصيحه من ام لخواتها < - دوعاابه :tongue:

راح تنظلمي عند بعض الدكتورات وتحسي ان كــــــل شي انتي سويتيه راح هباءا منثورا
راح تشوفي ان اللي ما ذاكرت ولا حلت ، تاخذ درجات اعـلاا منك !
وانتي ياللي تعبتي واجتهدتي تاخذي درجه ما تجي ربع اجتهادك


راح تـُطلب منك طلبات لو تأملتي فيها ب تحسي انهاا تعجيزيه !
: واجبات وبحوث ل عده مواد مطلوب انك تسلميها ب نفس اليوم وابشرك يكون عندك في ه اليوم اختبار وكويز :cheese:
ب تحسي انك جالسه تسابقي الزمن !

راح تجيك اوقات تفكري تسحبي فيها ملفك ! و ه الفكره راودتني تدرو متى ؟
ب الترم الاول من سنه رابعه ! يعني ما بقى شي واتخرج !
طبعن كانت نتيجه ظلم من كذا دكتوره وضغوط دراسيه و .. ماعلينا :biggrin:

وغيرهاا كـثيير


بس ب المقابل راح تاخذي حقك وزياده عند البعض الآخر من الدكتورات
و ي الله وش قد فرحتك يوم تشوفي ثمره جهدك
هذا الشي ب يحسسك ان الدنيا لسا بخير و ما ضاع لك تعب
ويمحي جزء من شعورك ب الظلم والقهر


نصيحه نصيحه
اجتهدن من ه الحين خلي معدلك مرتفع
لانوه صعب يرتفع بعدين ، حتى لو ارتفع ما ب يرتفع كـثير
خلي بنيه معدلك قويه

شاركن مع الدكتورات ب حيث انهاا لو شافتك ب السيب - مثلن - :biggrin:
تعرفك : وتقول في بالها ذي فلانه بنت فلان من افضل طالباتي
هذا الشي ب يفيدك كـثير
يعني مثلن بعض الدكتورات لو عرفت مستواك الممتاز واخفقتي في بعض المتطلبات
ب تساعدك هي من عندها ، وكمان ب يفيدك ب التصحيح
وترا بعض الدكتورات يعتمدن ع الشكل بس ! يعني لو تعرفك زين ب توهبك درجات ب الهبل :(269):

ذاكرن اول ب اول لاا تخلو المواد تتراكم
اكذب عليكم لو اقولكم اني طبقت ه الشي ، ولا عمري ذاكرت يوم ب يوم :tongue:
وانننننندم قد شعر راسي ب الاختبارات
المواد طويله والمعلومات كـثيره والوقت يركض :icon9:

لاا تعصبي ولا تتنرفزي ولاا يضيق صدرك لو كان عندك ملييون واجب
ولاا تقولي : مستحيييييل اخلصوه ، مافيه وقت .. الخ
سويه وانتي ريلااااكس اوي :biggrin:
انــآ كنت اعصب واتنرفز وتضيق بي الدنيا لما اكون مضغوطه دراسيا
وما كنت انجز اي شي ! ب العكس كنت اتعب جسديا ونفسيا من غير اي انجاز يـُسجل في التاريخ :biggrin:
لكن بعدين صرت اسويهم وانا رايييقه وب سعه صــدر
والله صرت انجز من غير اي امراض تـُذكر :biggrin:

اياك اياك اياك تستسلمي ل فكره سحب الملف !
حاولي انهاا ما تجي ع بالك ب المره
واذا خرجت الاوضاع عن السيطره وطرت عليك
حطي في بالك انوه ما بقى شي وتنهي مسيره دراسيه طويييله ومتعبه !
لا تستسلمي لليأس ، خلي طموحك واملك يحطمو ه الافكار السلبيه ويحولوها لافكار ايجابيه

اوعي تسمعي وتصدقي كل شي ينقالك !
فيه بعض البنات يقولو ان ه الدكتوره ظالمه وما تعطيك حقك
او ه الدكتوره حقانيه وتعطيك حقك واكثر
وطبعن الحقيقه عكس ذلك ، كل بنت لها طريقه معينه في الحكم ع الشخص :smile:
لاا تهابي اي دكتوره ولا تستسهلي ب اي دكتوره
احكمي عليهاا ب نفسك و كوني لهاا صوره من نظرتك انتي وبس :wink:

تجنبي المشاكل ب أي شكل من الاشكال وخاصتن مع الدكتورات
يعني صراحه انــآ ماعمري شفتهم وقفو مع الطالبه ابـدن !
اصلن مافيه احد تشتكي او تلجأ لوه بهالوقت
يمكن يوقفو مع الطالبه انــآ والله مابي اظلمهم
لكن تجنبي المشاكل وخلااص < - افهموها :cheese:


لا تضيع عليك ه الاربع سنين كـذا دراسه وبس
فيه دورات تكون ب الكليه خاصتن وقت النشاط وفيه دروس ب المصلى
وفيه حملات واشياء كـثيره ممكن تشاركي فيهاا اذا كان وقتك يسمح لك

ولا تروحي البيت الا وانتي شايله عنك كل ضيق وهم وتعب من الدراسه !
واليك ِ الحل عزيزتي الطالبه : :biggrin:
اجتمعي مع صديقاتك وطلعي كل اللي ب راسك طبعن ب اشياء مسموحه مو ممنوعه :cheese:
ولا مانع من بعض المغامره :53:

والله ترجعي البيت وانتي ناسيه كل التعب وما تتذكري الا الضحك والوناسه

اممم ايش كمان ؟؟
هذا مافي جعبتي الآن لو تذكرت شي ابرجع اقولكم < - خلااص خلصتي حبر الموضوع :hahahahahah:

لكن جد جد والله ابي لكم الخير واتمنى اني افدتكم ولو ب القليل :106:
موفقات ي رب

[ضحكة غموض]

مووووضووووووع رائع جداً
يسلموووو حياتي
ومبررـرـروووووكـ التخرج:mh001:

[غلآكمـ]

فكره موضوع جدا رائعه :(204):

يعطيك العافيه ..

و نتمنى نشوف كلام من الخريجات يعطينا حماس للدراسه ..
:106:

مبروك التخرج

[وطني الغالي]

كلامك جميل جداً
واحب اشكركِ كثيراً لانه كلامك عطاني تفائل وامل وطموح اني ابتسم واكمل خصوصاً اني حملت 6مواد :71:انصدمت وجلست ابكي :bawling:وقلبي:love080: يوجعني وحالتي حاله:(177): وقصة والخ
الي اهو الحمدلله على كل حال
واشكركِ مرة اخرى موضوع في غاية الجمال واحنا نحتاجه في ذا الوقت ومبروووك النجاح :mh001::mh001:وعقبالنا:biggrin:

[وردة محبوبي]

يآآآهـ أرتحت >طالعةً من صميم قلبي ، عقبآلكم .

بداية ٌ أنا حبيت الكلية كل مرحلة سُبحان الله تختلف عن المرحلة اللي قبلها
سواءاً بِالدراسة ، و بالدكتورات ، و بالزميلات اللي راح تقابلينهم
دخلت الكلية مُندَفعة بحمآس وكآن قسم عربِي رغبتيْ لأني ابداً أبداً مافكرت بباقي الأقسَام
مشيت صح بسنة أولى و عديتها بدون مواد كآنت سهلة و كل اللي يدروسوني دكاترة و لآ دكتورة تدرسني بالسمستر الاول و بالسمستر الثاني درستني دكتورتين فقط :cheese:
كانوا معآي صديقات الثانوي لكنهم ماكانوا حابين الاقسام اللي بالكلية فتشتتوا بسنة ثانية ،
اللي راحت تدرس ادارة اعمال واللي راحت تدرس تربية خاصة واللي راحت تدرس حاسب و ظليت مُحبطة اشوي بس باقي معي صاحباتي الباقيات :biggrin:
سنة ثانية
سنة الإحباط من جميع النواحي أعز صاحباتي راحوا عني أجلس وحيدة بالمدرج :icon9: بشويش اختلطت مع كم وحدة يفتحون النفس :119: لدرجة اني قلت بهج من الكلية مليييت تقولون جاتني عين
مر كم شهر إلا و العريس شرف :119: :mh001: وزاد الطين بله صار الاهمال الصح
حملت مواد لأني أبداً ما اذاكر وما قلت ظلموني و لا زعلت لأن الشيء جا مني
مُلاحظة: لا تقولون ما يصححون إلا يصححون بس عليهم طلعات في التقادير على كيفهم يحطون
سنة اللي صرت باقية بسنة ثانية رجعت لي الحياة :biggrin:
ورجعت اندفعت نجحت بموادي لكن كانت لي تجربة مع النحو حومت كبدي وكبد اهلي هههه:biggrin: رجعت حملت النحو و اختبرته بالاجازة ورجعت حملته إحباااااااااااااااااااااااط
انتقلت ثالثة
وكانت سنة حلوه احلى من سنة اولى و سنة الاحباط والملل كانت روعة من كل النواحي
راحة نفسية لا مثيل لها :(269):
عديتهاا على خيرررر و بدون اي منغصات
اختبرت بالاجازة النحو هذاك اللي من سنة ثانية و قلت الا انجح فيه يا انا ياهوو
و اخيرا نجحت فيه وارتحت اخر ارتياح فرحتي بنجاحي بهالنحو تساوي كل فرحاتي :mh001:
بسنة رابعة
مريت بظروف صحية صبرت و كملت و نجحت و بعدين صار اللي صار بظرفي الصحي زعلت وتعبت و الحمدلله على كل حال
بالسمستر الثاني تخرعت جاني خبر بتعلمنا اللي ماامداني تخلصت من مادتها احباط قوي
قلت شكلي برجع اعيد نفس السناريووا مع هالمادة :icon9: لكن رغبتي اقوى من كل احباط هع
كملت ونجحت وتخرجت الحين مثل ماتشوفون :mh001:

مثل ماتشوفون افشل سنة مرت علي هي سنة ثانية لأني كنت فاشلة و مهملة
و الكلية يبغالها صبر خلو عندكم رغبة انكم توصلون لهدفكم وبتوصلون إن شاء الله

بالتوفيق :106:

[معاني ورد]

جزاكم الله خير:love080::love080::love080:
كملوا يا خريجات :33_asmilies-com:

[الشمسس]

:d5::d5::d5:

يعطيكم العافية كلكم

وربي تحمست ابي الايام تعدي واشوف اليوم الي اتخرج فية:biggrin: واجي اكتب معاااناتي :hahahahahah:

ومبــــــــــــــــــــروك التخرج للجميع :53: