المختبرات الطبية طلاب وطالبات مختبرات طبية، نلتقي هنا [الأرشيف] - ملتقى طلاب وطالبات جامعة الملك فيصل,جامعة الدمام

انسان أنا

2011- 7- 9, 11:22 PM

مرحبا بكم طلاب وطالبات مختبرات طبية

حبيت أعمل هالموضوع حتى نتواصل ونزيد من التواصل والتعاون العلمي والاكاديمي وتبادل الخبرات والمعلومات فيما بيننا ... ونستعرض كل جديد بخصوص الكلية او التخصص ... وكذلك زيادة التعارف فيما بين الاعضاء في نفس التخصص .

أتمنى من الجميع في البداية التعريف بنفسه بالنسبة للتخصص والفرع والمستوى الدراسي ...

وأهلا بكم جميعا

تاج حيدر

2011- 7- 10, 08:21 AM

كمآن أني دأخلة على المستوى الثالث ان شاء الله ..وهذا بداية المشوار :biggrin:

انسان أنا

2011- 7- 10, 01:11 PM

كمآن أني دأخلة على المستوى الثالث ان شاء الله ..وهذا بداية المشوار :biggrin:

أهلين بكي

تشرفنا ....

أتمنى لك التوفيق في حياتك العلمية والعملية

انسان أنا

2011- 7- 10, 01:12 PM

لفت نظري في الخطة الدراسية وجود أربع مقررات للثقافة الاسلامية !!!!

ما رأيك في هالشي؟

تاج حيدر

2011- 7- 10, 03:41 PM

له فائدة طبعاً لأنه بيرفع المعدل ^^ ولو بالقليل
وآحنا لازم ندرس عن الثقافة الأسلامية لأن بعدين رآح نتعامل مع فحوصات المخدرات و بعض الفحوصات إلي تتعلق بالطب الشرعي ..إلخ

انسان أنا

2011- 7- 10, 07:09 PM

:lllolll::d5::53:

انسان أنا

2011- 8- 12, 11:08 PM

بحب أوضح نقطة ...

بشوف كثير من المشاركات تقول أن المختبرات كيمياء ، فهي أقرب للصيدلة

وهذا الشيء غير دقيق

لا يوجد علاقة بين المختبرات وعلم الأدوية

بالعكس مثلا الأشعة فيها مقرر خاص بالأدوية ذات العلاقة

المختبرات صحيح أن أحد أقسامها تعتمد على الكيمياء
لكنه ليس تخصص كيمياء وإلا لكان سموه البايوكمستري الاكلينيكية

المختبرات تعتمد على أكثر من علم وفيها أكثر من قسم
مثل قسم الدم ، وقسم الأنسجة، وقسم الكيمياء الحيوية والجنتكس، قسم المايكرو بايولوجي... إلخ

فكما تلاحظوا قسم منها له علاقة بالكيمياء وعلوم الكيمياء ذات العلاقة

وهو تخصص ممتع وفيه مجال للابداع أكثر

ومجالات العمل فيه متعددة وكثيرة

لكن نصيحة لمن يريد يدخل هذا التخصص علشان الكيمياء فقط أن عليه يعيد التفكير ويشوف إذا لديه القابلية أيضا لدراسة العلوم الأخرى كالتي ذكرتها أعلاه أو لا وبعدها يقرر

وشكرا

♥ ms.laborator

2011- 8- 13, 02:18 AM

مختبرات طبية :love080:

المستوى الاول (( إن شاء الله ))

فرع الدمام

هدوء البنفسج

2011- 8- 13, 02:53 AM

انسان
ندري الكيمياء تختلف مابين صيدلة والمختبرات
بس نقص على اعمارنا ونقول انه فيها كيمياء بدون مانقول الفرق
يعني لاتخرب علي :bawling:

تاج حيدر

2011- 8- 13, 07:23 AM

هدوء البنفسج ..ياعمري
شوفي اخذي لج ورقة وقلم { سويتها من كم يوم }
.
..
اكتبي المجالات المفتوحة لش تنقلي لكلية ثانية .تحولي لتخصص جديد { مع ذكر اسم التخصص }
وبعدين اكتبي السلبيات والأيجابيات لكل شي
علشان لو ثبتي على شي معين ماتحسي انك في المكان الغلط
وعلشان تحسي بقناعة أكثر ان إلي اخترتيه افضل خيار متاح لك
موفقة ياقلبو
:106:

انسان أنا

2011- 9- 11, 11:22 PM

هلا بكم ...
حسب معلوماتي جدول طلاب المستوى الثالث يوم الأربعاء، والدراسة فعلياً السبت القادم ...

أسبوع أوف .... :33_asmilies-com::lllolll:

hno0oo

2011- 9- 11, 11:45 PM

اني سنه تحضيريه
فرع الدمام
وانشاءالله استفيد منكم ومن خبراتكم
لان تقريبا ما اعرف شي

دانة بعين بحاري

2011- 9- 12, 12:17 AM

انا للحين محتارة مابين مختبرات واشعه:Cry111:
وش تنصحوني

ツAиa..B

2011- 9- 12, 01:42 AM

انا خلصت مستوى ثالث وداخله ع الرابع
بصراحه كان ممتع جداااا وسهل بالنسبه لي
بس ياليت لو كان التطبيق فيه اكثر <<لانو كان المبنى للحين ما تجهز عدل
ف دروس العملي اغلبها اخذنها نظري
ف الي رايحن مستوى ثالث اتوقع المختبر لكم جاهز اللحين
ومواد الدين <<اسهل منها مافيه
واذا راح تكون المحاظره نفسها حقتنا يعني بجد بجد راح يكون سهل عليكم
مع انو واحد من الكتب اغلبه احكام <<ف جنني
اما الثاني كان عن اركان الايمان
والمواد الي كان ينقال عليها صعبه الباثولوجي والفيسلوجي واناتومي
اما CBR والهيلث كير <<مرررررررررررره سهلييييييييييييييين يعني احسهم مثل مواد الدين مافيه فرق
واهم شي ...نصيحه مني لكم
اتفقو مع الدكتورات والمحاظرات ع انو بعد كل محاظره فيه كويز عشان تحفظون اول باول
وكمان اذا كانت المحاظرات عرض باوربوينت اطلوبهم يرسلونها لكم قبلها بيوم او بنفس اليوم
لانو هذا الي حنا سويناه معاهم وكمان لا للغياب والازعاج داخل المحاظره
انتو الدفعه الجديده ماشاء الله عليكم كثيرين مو مثلنا 6 بنات <<متفاهمين مع بعض
لانو الي حسيته من الدكتورات عامل كما تعامل
يعني شافو بنات جادين بدراستهم دلعوهم شافوهم مستهترات راح تشوفون الوجه الثاني
لانو انا بصراحه استغرب من البنات الي اشتكو من الدكتوره لمياء
ما كانت معانا كذا.... نص بنات المستوى الثاني حاملين الكيمياء <<صدمه
المهم طولت بالحكي ..
جــانــا :smile:

انسان أنا

2011- 9- 12, 03:23 AM

هلا
مقررات الدين كانت عن ايش بالضبط ؟

ومشكورة

ツAиa..B

2011- 9- 12, 04:14 AM

الكتاب الاول .. كان عن احكام وحالات الي يضمن فيها الطبيب او ما يضمن
وهم 10 حالات ومن اول لصفحه لاخر صفحه يتكلم عنهم وبشكل موسع وكيف يتصرف معاهم
وعن التشخيص الطبي المهم كلها احكام تخص الطب والطبيب بشكل اخص لا اغلب الحالات تعتمد عليه

اما الكتاب الثاني ... كان عن اركان الايمان السته .. وتوحيد الالوهيه والربوبيه والاسماء والصفات <<< حافظينه زي اسمنا لانو دينا <<سهل للغايه

وطريقة الاسئله للاثنين اختاري وصح وخطاء وعددي بس للكتاب الاول اما الثاني ما فيه
لكن فيه ادله بس ما تحفظها لانها تجي صيلي

والكتابين راح تحدد منه الدكتوره شو تبي منه وهي المواد الوحيده الي لها ثنين مد تيرم

تاج حيدر

2011- 9- 12, 06:03 AM

تسلمي جآنا على المعلومات
وان شاء الله ننفذها بحذافيرها :biggrin:

ღмέяσόσόσღ

2011- 9- 12, 03:21 PM

مختبرات طبيه تجسير
فرع الدمام :(204):

هدوء البنفسج

2011- 9- 22, 09:44 PM

سؤال حبيبتي جانا

عادي ييعني نروح للمس وناخذ المحاضرة قبل ماناخذها بيوم
لاني انا فااصلة في اول اسبوع من الانجليزي
وتوها المعلومات بدأت ترجع
حبة حبة
وبمانه الحين انا بعطل 4 ايام ومشغولة
انا عابجني الكويز بعد كل شبتر يفيد حييل وخاصة في الميد تيرم
لاني شفت نتايجه

بالنسبة لمس لمياء مدري والله صج ناس واجد حملوا الكيمياء والفيزياء
بس ترى مس لميا ما كانت اسئلتها سهلة في الفاينل
وتعرفينها ع الوقت بالضبط مايمدي الواحد يراجع ولا يفكر :icon9:
لو ما اجمعوا بين البراكتيكل والثيوري كان اغلبنا رحنا فيها :icon9:

اهم شي عدينا السنة التحضيرية بخير
وان شاء ننطبق كلامج بس مثل ماقلتي عددنا فوق 30 وفيه طالبات مايحظرون المحاضرة :icon9:
بس بنحااول

ومشكورة حبيبتي
وفرحت انه الاسلام سهل
يعني عندنا بس 3 مواد صعبين الباثولوجي والفيسيالوجي والاناتومي
ربي يعين

ツAиa..B

2011- 9- 24, 08:45 PM

هدوووء ... في بعض المسااات مراح يرضون يعطونك المحاظره قبلها بيوم ..... بس يعطونك اياها بيوم المحاظره او اليوم الي بعده ...

ودكتوره لمياء حاليا مراح تعطيكم شي ...

بس فيه شغله ابي اعرفها ... مين يعطيكم المواد ...؟

اذا دكتوره رشا ورضا <<اضمنووو النجاح لانو سهل التعامل معاهم واسئلتهم سهله

واذا مس ايمان >>شرحهاا حلو واسئلتها نايس

اما المس هلا <<الله يعنيكم شرحها حلو بس اسئلتها من تحت الارض يعني لازم تكوني منتبه

واتوقع حاليا غيرو النظام التدريس لانو حتى معانا مغيرينه <<عشان رؤية الكليه مدري اذا كلموكم عنها او لا

تاج حيدر

2011- 9- 24, 08:47 PM

كيف غيروا نظام التدريس ؟!
ممكن شرح أكثر

انسان أنا

2011- 9- 25, 02:04 PM

يعني عندنا بس 3 مواد صعبين الباثولوجي والفيسيالوجي والاناتومي

ما عندكم هيستولوجي؟

انسان أنا

2011- 9- 25, 02:09 PM

هلا ,,,
احنا غيروا الخطة الدراسية حسب ما فهمت من القسم
الظاهر أنهم اكتفوا بثقافة اسلامية 1 و 2
وألغوا 3 و 4

هذا الفصل نأخذ

anatomy
physiology
pathology
histology techniques
CPR & emergency care
health care &occupational safety
islamic 2

انسان أنا

2011- 9- 25, 02:09 PM

هذه السنة لا يوجد أي طلاب مستجدين في تخصص مختبرات طبية

هدوء البنفسج

2011- 9- 25, 02:35 PM

جانا
مس رشا ومس رضا يس يدرسونا
ومس ايمان
بس باقي مس هلا ذي وش تدرس
الاناتومي مس رضا
والباثو والفيزيالوجي ايمان. ورشا
و هيلث وحدة سودانية اتوقع ولا اعرف اسمها لما دخلت الكلاس اهي طلعت
Cpr ونا رحت بسأل شفت مس هلا وقالت لي غايبة مس ايمان واهي اللي تعطيكم

\\\

انسان
ماجابو لنا خبر وتوهم موزعين الجداول احذفوا المديكل انجلش فقط اما الفيسيولجي ماعندنا
و ان شاء الله ماناخذها بعد
ي رب ما ناخذها >> مس لميا بتدرسنا اياها:icon9:

تاج حيدر

2011- 9- 25, 03:03 PM

انا انسان عندنا اسلام 3
ماعندنا الهستو لو عندنا ماادري وش باسوي في عمري
3 مواد يبغالها مذاكره زين مازين بعد ليش الهستو ينزلوه لنا ..{ هو في الأساس من مقرارت المستوى الرابع

انسان أنا

2011- 9- 25, 08:34 PM

انسان
ماجابو لنا خبر وتوهم موزعين الجداول احذفوا المديكل انجلش فقط اما الفيسيولجي ماعندنا
و ان شاء الله ماناخذها بعد
ي رب ما ناخذها >> مس لميا بتدرسنا اياها:icon9:

أنت أي مستوى؟

المديكل أخذنا في الفصل الثاني ،،، انتوا متى بتاخذوها؟

انسان أنا

2011- 9- 25, 08:35 PM

انا انسان عندنا اسلام 3
ماعندنا الهستو لو عندنا ماادري وش باسوي في عمري
3 مواد يبغالها مذاكره زين مازين بعد ليش الهستو ينزلوه لنا ..{ هو في الأساس من مقرارت المستوى الرابع

احنا زي ما قلت لك
عندنا هستولوجي بدل اسلام 3

تاج حيدر

2011- 9- 25, 08:46 PM

هدوء معي بالكلاس ^^
وهي تقصدي الهيمو بدل الهستو ..والميدكل هي تقصد حاجة ثانية غير عن الميدكل ترمينولجي

انسان أنا

2011- 9- 25, 09:48 PM

ما فهمت
شنو المقررات اللي تدرسوها هالفصل بالضبط؟

رآزقية

2011- 9- 25, 10:26 PM

مشالله اسماء المواد تخووف هاذا وبعدني مااقدم

طيب بليز ممكن اعرف السنة التحضيرة وشهي المواد اللي تندرس وهل في كيمياء وفيزياء وبيكون مثل الثانوي ولا شلوون !!!! :sdfgdsf::sdfgdsf::sdfgdsf:

تاج حيدر

2011- 9- 25, 10:49 PM

إلي ندرسه
الفسيولجي
الباثلوجي
الأناتومي
اسلام 2
اسلام3
هلث كير
كومنكيشن سكل
امرجنسي
في بعد حاجة نسيتها :biggrin:

تاج حيدر

2011- 9- 25, 10:52 PM

رآزقية
في السنة الأولى
الترم الأول
حاسب ودين وعربي وانجليزي واحصاء
والترم الثاني
فيزياء وكيمياء واحياء وميدكل وانجليزي وعربي
..
السنة الثانية تدخلي في المواد التخصص وعادة تكون كل التخصصات متشابه في الترم الأول { المستوى الثالث }
ندرس اساسيات طبية { الأناتومي والفسيلوجي ..إلخ

هدوء البنفسج

2011- 9- 25, 11:20 PM

:biggrin:
مدري داخلة من الجوال وعفست الدنيا وعيوني مغمضة

المديكل هذا درسنا العام
هالسنة مديكل انجلش اسمه كذا بس احذفوه

الهستو هذا ماجابوا لينا خبر عنه

وللحين في جدولنا مثبت اسلام 2 و 3

وصحيح لا يجيبوه لينا انا شكلي ببدع هالسنة
المواد دسمة وكلها حفظ في حفظ بتطلع عيوني

انسان أنا

2011- 9- 26, 01:32 PM

إلي ندرسه
الفسيولجي
الباثلوجي
الأناتومي
اسلام 2
اسلام3
هلث كير
كومنكيشن سكل
امرجنسي
في بعد حاجة نسيتها :biggrin:

اوك
احنا درسنا مهارات الاتصال الفصل الماضي

*****
زي ما قلت لكم
احنا ما عندنا اسلام 3 وبدالها هستولوجي

بالتوفيق

تاج حيدر

2011- 9- 26, 03:51 PM

اها يعني انتوا بس 7 مواد ماشاء الله المفروض تبدعوا فيها
المهم طلع احنا بس 8 مواد ماعندنا مادة تاسعة
موفقين جميعاً يالمختبرات :biggrin:

انسان أنا

2011- 9- 26, 05:02 PM

صحيح
بس أنتو عندكم 3 مقررات رئيسية بينما احنا عندنا 4 مواد رئيسية
تفرق
:smile:

رآزقية

2011- 9- 26, 05:49 PM

احس اسماء الموااد تخووف

اللي مو عاجبني الفيزياء والكيمياء اكرهممممم :41jg:

ادعو لي انقبل بروح انشالله بكرة وبصير على الاحتيااط :Cry111:

هدوء البنفسج

2011- 9- 27, 10:56 PM

ان شاء تنقبلي
بالعكس ترى الحين احس
انه الكيمياء والفيزيا مو شي
قدام هالمواد اللي ناخذها
وترى كيميا فيزيا اسماميهم حلوة وخفيفة شوفي هالاناتومي والباثولوجي اساميهم مو شي وثقيلة
سبحان الله :biggrin:

،،،
انسان
احنا المفروض ندرس الكومنكيشن
السمستر اللي طاف
بس اهم خربوا جدولنا وصاروا يأجلون لنا مواد

وصحيح يفرق 4 مواد رئيسية لـ 3
بس بعدين انتوا اللي بترتاحون مو زينا

رهف الغامدي

2011- 10- 8, 05:48 PM

اهلين وش اخباركم بس حبيت اسالكم عن كليه الغد وكيف الدراسه فيها وقسم المختبرات كيف يدرسون الدكاتره كويسين وكيف المذاكره والاختبارات صعبه ولاشلون والدراسه يحطون فلاش وبعدهها تسون ملازم ولاهم يعطون واتمنى تردون علي

صدى السعوديه

2011- 10- 8, 10:40 PM

مافي شي في الدنيا سهل

كل شي يبي له جد وتعب

المختبرات حلو بشكل عام

ادخلي القسم وجربيه وانشالله انك بتحبيه

بس يبي له تفرغ عقلي

يعني تفرغين نفسك للدراسه وبس اذا تبين تجيبين معدل عالي:33_asmilies-com:

لان في مواد دسمه :Cry111:

مايبي له لعب وسهر وغياب واهمال

عاد انتي وشطارتك

لازم تذاكري :41jg:

:oao:

ام زينب

2011- 10- 28, 09:13 AM

بنات ابي وحدة منكم تاخد فيني ثواب واجر وتسال الي اكثر من وحدة بالقبول والتسجيل عن التقديم لشهادة ثانوية مضى عليها اكثر من خمس سنوات لكن انا جامعية متخرجة من الفيصل احياء دقيقة من ثلاث سنوات

انسان أنا

2012- 2- 21, 09:42 PM

الكلية احتمال تقبلك أما المنحة فلا لكن بعد السنة الاولى ممكن لو جبتي معدل قوي
واحتمال يعادلولك بعض المواد
راجعي الكلية
بالتوفيق

تاج حيدر

2012- 2- 21, 11:24 PM

من زمان عن هذا الموضوع
{ أنسان أنا } ..ايش المواد إلي تاخذوها
بحكم انكم اخذتوا هستولجي في المستوى الثالث فودي اعرف وشو المادة إلي نزلوها لكم ومانزلوها لنا
وبعد حبيت اتسفسر إذا صار عندك خبر بالتدريب في المستشفى متى بنزل المستشفيات :(269):

انسان أنا

2012- 2- 22, 10:45 PM

أهلين
كيفك؟

بخصوص مقرراتنا هذا الفصل ،
Introduction to CLS
Epidemiology
Analytical chemistry
Basic biochemistry
Medical English
Islamic culture 3 & 4

بالنسبة للتدريب والمستشفيات ففيه بعض المقررات يكون العملي فيها تدريب في المستشفى ، حاليا مش متذكر المقررات بالضبط
بالنسبة لنا في هذا الفصل فحسب كلامهم أنه يفترض يكون فيه زيارات للمستشفى ضمن كورس
Intoduction to CLS

ماذا عنكم؟ وكيف أمور الدراسة معك؟ وكيف كان الفصل اللي راح معك؟
موفقين

تاج حيدر

2012- 2- 25, 09:38 PM

الحمد لله الأمور ماشية تمام التمام
والمقرارات تختلفوا عنا بس في الهستولجي والأسلام 3 {لأن اخذناه من قبل } والبايوكمستري
وبالنسبة لزيارة المستشفى قالوا لنا بعد آنها بس زيارة كذا تعرفيه وخلاص ..
والفصل إلي راح كان حلو ان شاء الله هذا احلى لأن احس مواده ابسط
بالتوفيق خيي

انسان أنا

2012- 6- 6, 12:36 PM

كم مادة كانت عندكم هذا الفصل؟ وايش هيه؟

انسان أنا

2012- 6- 6, 12:36 PM

مبروك نهاية هذي السنة ... وإلى السنة القادمة ...

انسان أنا

2012- 7- 3, 02:28 AM

فقط توضيح لمن يختزل قسم المختبرات الطبية بالكيمياء فقط، أن قسم المختبرات أوسع من كذا بكثير ويشمل أقسام وتخصصات وعلوم كثيرة في غاية الأهمية، مثل:
علم الأمراض والأنسجة
علم الجينات
علم الكيمياء الاكلينيكية والحيوية
علم أمراض الدم
علم بنك الدم
علم المناعة
علم الأحياء الدقيقة والطفيليات والباراسايتولوجي
علم الخلايا
علم الوبائيات
علم السموم
علم التحاليل الجنائية كتحاليل المخدرات
علم الفيروسات
إضافة للتفرعات الكثيرة لكل قسم
وأقسام أخرى لم أذكرها
فحرام اختزال القسم بالكيمياء العادية علما أن الكيمياء العادية دراستها أقل من بسيطة في كل التخصص يعني حتى علم الكيمياء الاكلينيكية أو علم الكيمياء الحيوية تفاصيلها تختلف عن اللي في بالكم عن الكيمياء.
وللعلم أكثر تخصص يفيدكم مستقبلا لدراسة الطب هو المختبرات الطبية تليه الأشعة.

RoOony100

2012- 7- 3, 05:41 AM

ان شاء الله انظم الى طائفة المختبرات الطبية :biggrin:

انسان أنا

2012- 7- 4, 03:10 PM

ان شاء الله انظم الى طائفة المختبرات الطبية :biggrin:

بالتوفيق ووقت جميل تقضينه في المختبرات

انسان أنا

2012- 7- 4, 03:11 PM

الآخرون يجهلون الكثير عن المختبرات
أو لديهم فكرة مغلوطة
أو فكرة ناقصة

بتمنى من طلاب وطالبات المختبرات يسهموا معنا في التعريف بهذا القسم ومميزاته ومعلومات عميقة ومفيدة عنه تجيب عن أي تساؤل في الأذهان وذلك من خلال إضافة المواضيع المفيدة والمتميزة...

وشكرا لكم

m2m

2012- 7- 4, 03:15 PM

القسم من ناحية الدراسة حلو وممتع
لكن فرصته الوظيفية ضعيفة نوعا ما

medical laborat

2012- 7- 5, 12:09 AM

بناات

وش مواد المختبرات الطبية + مواد الاشعة ؟؟

اللي تدرسونها يعني ؟؟

علما ب اني : محتارة بين المختبرات والاشعة !!

انسان أنا

2012- 7- 5, 06:27 AM

الخطة الدراسية للمختبرات الطبية
http://www.alghadcolleges.com/plans/labour.pdf (http://www.alghadcolleges.com/plans/labour.pdf)

الخطة الدراسية للأشعة
http://www.alghadcolleges.com/plans/imaging.pdf (http://www.alghadcolleges.com/plans/imaging.pdf)

RoOony100

2012- 7- 5, 06:35 AM

القسم من ناحية الدراسة حلو وممتع
لكن فرصته الوظيفية ضعيفة نوعا ما

لاحد يقول هذا الشي قدامي فرصته الوظيفية ضعيفة :icon9: انا عاجبني القسم

بس كذا اتردد:007: بعدين فيه دكتور يقول هو القسم المطلوب بعد التمريض

انسان أنا

2012- 7- 5, 06:39 AM

لاحد يقول هذا الشي قدامي فرصته الوظيفية ضعيفة :icon9: انا عاجبني القسم

بس كذا اتردد:007: بعدين فيه دكتور يقول هو القسم المطلوب بعد التمريض

توظيف البنات في المختبرات كبير ونسبتهم مرتفعة
المشكلة الكبرى لمن عندهم دبلوم

RoOony100

2012- 7- 5, 06:43 AM

اها اشوى :119: بكالريوس احسن طبعاً .

Dr emoo

2012- 9- 3, 03:15 PM

انااا سنه تحضيري وانشاء الله بتخصص مختبرات :58545:

ツAиa..B

2012- 9- 4, 01:22 AM

اهنن ,, حاليا انا المستوى السادس ,, فيه حد هنا مستواه اعلا مني

ابي اخذ فكره عن المواد ,, والي هي

Clinical Haematology
Clinical Parasitology
Clinical Chemistry
Cytopathology
Clinical Mycology
Antimicrobial Chemotherapy

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,

وراح اتكلم عن مستوى خامس ,,

كانت المواد كلها حفظ ,, يعني يبي لها مذاكره اول بأول ,,

وغير كذا ,, كان العمل مره سهل عكس النظري ,,

وما اقدر اتكلم عن الدكتورات لانو اغلبهم تغيروو ,,

+

اهم شي يكون عندكم كتاب الهيماتولوجي <<لانو ضعت من غيره ,,

لكن ه السمستر بشتريه لانو بيضل معاك لـ اخر سنه

ممم الي وده بمحاظرات شغله ,, راح انزلهم بموضوع <<كأنو قريت فيه موضع لكذا شغلات

^

هذا اذا لقيت رابطهم عندي بحساب الميديا ,, لانو انحذفوا من لابي :Cry111:

انسان أنا

2012- 9- 4, 02:26 AM

ممم الي وده بمحاظرات شغله ,, راح انزلهم بموضوع <<كأنو قريت فيه موضع لكذا شغلات

شكرا لكي
هذا هو الرابط:
http://www.ckfu.org/vb/t347369.html

leyan

2012- 9- 4, 01:19 PM

مرآآآآآاااحب / صبـــاــيا :106:

بدايهة يسعدني تواجدي معكم ... واتمنى استفيد وافيدكم:060:

حبيت استفسر اللي داوموا يوم الاثنين الطالبات المستجدات بعد مااخذنا الجداول

كان في اجتماع .. بس ماحضرته

وش تكلموا عنه ..؟ وبخصوص الجوالات والزي و الخ...:53:

ترى اول مشاركة لي لاتسحبوون علي :icon9::58545:

RoOony100

2012- 9- 4, 10:33 PM

نفس حالتي ماحضرت الاجتماع لانو ماأعرف وين اروح !!وكذا وماحد معطينا وجه :sm5:

المهم انا سألت البنات قالوا لي اهم شي ممنوع جوال الكاميرا واللبس سكراب اخضر >> انا مفصله ازرق لاني مادريت الا بعد مافصلت :biggrin:

ويقولون شدوا حيلكم وذاكروا :119:

ان شاء الله افدتك :rose:

leyan

2012- 9- 5, 12:42 AM

ثااانكس حبيبتي..:106:

بس انا سالتهم قبل قالو الزي الرسمي سكراب ازرق :g2:

واللي عرفته انو حتى الالوان الثانية مسمووحه :(107):

RoOony100

2012- 9- 5, 01:14 AM

ولكم :rose:

حتى انا يوم سجلت سالت عن اللون قالوا ازرق او اخضر

بس يوم اجتمعوا فيهم قالوا كلكم اخضر !!:mad:

هدوء البنفسج

2012- 9- 6, 09:50 AM

اهلين ( انا بي )

والله انا توني سمستر 5
بالنسبة للعام حتى كلنكل كمستري << حفظ :sm18:

والطاقم التدريسي ما غيروا فيه واجد انا اللي بيدرسوني
رضا - وست البنات - حنان - حنان - ابتسام
كلهم قديمين :Looking_anim:

وياليت تحطين روابط المحاضرات وخاصة لـٍ د/رضا هذا اهم شي

ويبي لنا نشتري الكتاب ونتعلم نذاكر منه او نقرا فيه :060: وان شاء الله نحصله

ومشكورة مقدما
،،،،،،

ليش الجوالات الكام ممنوعة هذا الجامعات الحكومية اسمحت بالجوالات الكام
هالكلية ما تعرف تتطور
ماباقي الا يلزمونا بالشريطة وقص الاظافر وصف الطابور :41jg:

~صاحبة السمو~

2012- 9- 8, 08:40 PM

انا ~صاحبة السمو~
المستوى الاولى في مختبرات طبية بالدمامـ:004:ـ..ــ

كيان

2012- 9- 12, 09:24 PM

هلا انا مستوى ثالث حولت مختبرات طبيه بس بسأل سوؤال المختبرات صعب لان البنات خوفوني *

DM5H

2012- 9- 13, 08:39 PM

السلام عليكم ورحمة الله وبركاته ..

أتمنى وصف لطبيعة المواد في المستوى الثالث والرابع للمختبرات ؟
و كيف تعامل الدكاترة المتبقيات ( تخصص مختبرات ) في فرع الدمام وطريقة شرحهم واسلوبهم في المادة ؟
وايش هو الكتاب اللي بتتكلمون عنه ؟ وهي فيه اشياء لازم تنشرى زي كُتب معينه وكذا !

وشكراً مقدماً وجزاكم الله خيراً

~صاحبة السمو~

2012- 10- 1, 08:11 PM

بسم الله الرحمن الرحيم

يا جماعة الخير انا انقبلت بالكلية التربية بالجبيل و انا في الدمام و سجلت بكلية الغد الي بالدمام اليوم جايين يطلبوا مني اوراق اخلاء الطرف من جامعة الدمام و ما عرفت عبر النت و قالوا لازم اروح مبنى عمادة التسجيل و القبول عشان الغي قبولي
سؤااااالي
وين بالبــــــــــضط موقع مبنى عماده القبول و التسجيل بالدمام؟؟
ولازم اروح الجبيل و لا عادي من الدمام؟؟

تكفون ابي جواب بسرعه قبل لا يرفعون ملفاتنا الريــــــاض

انسان أنا

2012- 10- 1, 08:51 PM

بسسسمه

2012- 10- 29, 12:30 AM

مختبرجي

2012- 10- 29, 06:49 AM

**

السلام عليكم

أنا طالبة ثالث ثانوي , ببالي أني اتخصص " مختبرات طبية "
وعندي كم سؤال ..

- كم نسب القبول ؟ يعني نسبة الثانوية و القدرات و التحصيلي و النسبة المركبة وكذا ؟

- انا مافهمت الوضع للحين متلخطبة , يعني كلية الغد الاهلية زي مافهمت من بعضكم هي اللي تدرس هالتخصص ؟ أو فيه كمان جامعة الدمام تدرس هالتخصص ؟ ولا كلية الغد هي نفسها الكلية الصحية الي بجامعة الدمام الي تدرس هالتخصص ؟ :42: معليش بس من جد مدري عن هالتخصص الا اسمه و اشياء بسيطة

- لو وفقني ربي ان شاء الله ودخلته , كم سنة بياخذ مني عشان ادرسه ؟ زي الطب 7 سنين ؟

- أيش مواد السنة التحضيرية وكم لازم يكون معدلي عشان اقدر ادخل " مختبرات طبية " ؟

- أيش هيا مجالات الوظايف بهالتخصص ؟ وهل صحيح أنو فرص التوظيف قليلة مرة ؟ :39:

- قريت أنو هالتخصص له اقسام , أمراض دم , علم الوراثه , علم المناعة .. الخ , هذه الاقسام اختار واحد منها من البداية - من المستوى الأول - , أو زي الطب ادرس دراسة عامة وبأخر سنة اتخصص بقسم ؟

ولو تذكرت سؤال راجعه :42:ومعليش على الاسئلة الغبية بس محتاسة ومادري عن هالاشياء :4:

أتمنى تجاوبوني :29::1:

**

نسبه توظيف للرجال او للشباب قليله جدا تخصص المختبرات لكن للنساء تقريبا ممكن فيه فرصه

للتوظيف بخصوص كم سنه هي 5 سنوات ونص

اما هل هي مشتركه مع جامعه دمام لا هي كليه اهليه وليست لها ارتباطات مع جامعه اخرى

اما تختارين تخصص من سنه اوله لا طبعا راح تتدرسي مختبر عام لما تحبين تكملين

ماجستير تقدري بعدين تتخصصي وتختاري تخصص الي تبغينه

اما معدلك كم لازم حتى لو 75 تجيبين تتدخلينها وقدرات فوق 66 يعني امورك طيبه لاتخافي

وتقدرين تقرين شروط في موقع كليه الغد او تلقينها هنا بالمنتدى في المواضيع المثبته

والمواد تحضريه فيها عربي وفيزيا واحياء والي اخرى من مواد سهله