تسجيل الدخول

مشاهدة النسخة كاملة : أدري إني أزعجتكم بس مالي غيركم أشكي له الحال،،

مسامر الليل
2011- 7- 10, 04:59 PM
السلام عليكم

سبق وأن شرحت مشكلتي إني ماقدر أسجل غير ماده وحده السمستر الجاي

لأني مابعد أتخصص اليوم راجعت الدكتور يوسف الملحم وسألته عن التخصص

وقالي وش تبي تتخصص قلت أبي تغذيه قالي لاتحلم بالتغذيه زحمه شوف لك غيرها

وتعال بكره وقل رغبتك غير التغذيه بصراحه ياشباب صدمني أنا معزم على التغذيه

وفي الاخير مافيه أمل

المهم شباب ساعدوني وش أفضل التخصصات مستقبل بالنسبه لنا احنا الشباب

غير التغذيه وأي التخصصات إلي تميل للحفظ أكثر من الفهم؟؟

وشاكر لكم إذا جاوبتوني بأسرع وقت والله يعين على هالنكبه الي نكبنا إياها الدكتور

يوسف الملحم

تحيتي أخوكم محمد

،،
Amani Alsinan
2011- 7- 10, 05:29 PM
والله ياخوي انا انقبلت بالتخصص ذا و درست ترم و نص

والله ابد مالك لوا هالتخصص وظايف ماش ..

واسنع تخصص فيها تغذيه

يعني لو تشوف لك واسطه جامده يدخلوك يعني يدخلوك

ولا هالتخصص فاشل مع كل احترامي

وانا الحين ادور كليه اهليه تظفني بعد ما ضيعت سنه كامله


الله يوفقك
مسامر الليل
2011- 7- 10, 07:04 PM
بالعكس إختي التغذيه لها وظايف خصوصا للبنات إلي تشوفينهم فنيات تغذيه في المستشفيات

بس احنا يالشباب الزراعه مدري شكلها بتجيب لنا المر أحس مالها مستقبل أبد

ياليت اعرف تخصصات لها مستقبل وتكون اغلبها حفظ لأني في الفهم من جنبها

الله يوفقك إختي وشاكر لك مرورك
kiv55
2011- 7- 10, 08:38 PM
الي اشوف افضل تخصصات من ناحيه التوظيف اثنين
1- التغذيه
2- والانتاج الحيواني بأنواعه (الدواجن والمجترات والثروه السمكيه)
على حسب كلام استاذين من هالاقسام ان الي تخرجوا الدفعه الماضيه كلهم توظفوا ماعدا اثنين او ثلاثه

اخوي اذا كنت بتحط الفهم والحفظ مقياس بتتعب تقريبا جميع الاقسام فيه فهم ولو قلت النسبه في بعض الاقسام مثل
التقنيه الحيويه
زراعه الاراضي القاحله
الأنتاج الحيواني بفروعه الثلاثه

اذا كنت حاب التغذيه ففي قسم الهندسه الزراعيه برنامج حلو
هندسه التصنيع الغذائي
جديد والطلاب قليل الي فيه
وتتخرج مهندس اغذيه افضل من اخصائي او فني

في الختام لا تنسى الاستخاره وان شاء الله ستجد خيرا
مسامر الليل
2011- 7- 10, 08:46 PM
يعطيك العافيه أخوي وبيض الله وجهك وأنا أشهد إنك ماقصرت

بس من ناحية هندسة التصنيع الغذائي المشكله اعتقد فيها رسم ماتصلح لي

انا سيء في الرسم عافاك الله أخوي ماقصرت