أبي أسماء بالتخصصات الحكومية عدا كلية العلوم بالدمام .. [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : أبي أسماء بالتخصصات الحكومية عدا كلية العلوم بالدمام ..

ทεrrч

2011- 7- 11, 11:19 AM

السلام عليكم ..

هذي نسبي ..

نسبتي المركبه 76.85
نسبة الثانوية العامه 98.83 > ماشاء الله
اختبار القدرات العامة للتخصصات العلمية 64
درجة الاختبار التحصيلي 70

طبعا علمي ..

أبي أعرف التخصصات اللي أقدر ادخلها بالنسب هذي وماتكون برسوم بـ الدمام أو الخبر عادي
المهم ماتكون كيمياء ولا فيزياء ولا احياء ..
يعني مايكون التخصص ماده زي الاحياء مثلا .. لا يعني يكون ماده من ضمن مواد التخصص مافيه مشكله .. أهم شي تخصص سنع ومكافأه

يلالا انتظر جواب

ولكم أحلى دعووه من الوااااااالده

@Ahmed@

2011- 7- 11, 11:29 AM

كل الجامعات تقبل نسبتك !
اما اذا تبين الدمام بس
ما عندك غير كليات جامعة الدمام ,,, مثل الاداب والدراسات التطبيقية
طبعا التسجيل انتهى ,, واذا كنتي مسجله وما انتقبلتي في الدفعة الاولى
انتظري الثاني او الثالثة احتمال يقبونك

بالتوفيق :106:

ทεrrч

2011- 7- 11, 11:46 AM

الله يبشرك بالجنه ..

طيب شلون تقول انتهى التسجيل و أصلا مابدى !؟؟

ทεrrч

2011- 7- 11, 11:47 AM

إلا اذا تقصد جامعة فيصل ؟؟

@Ahmed@

2011- 7- 11, 11:53 AM

انا اقصد جامعة الدمام
التسجيل انتهى فيها ,, والدفعة الاولى من المقبولين طلعت اسمائهم

اما جامعة الملك فيصل ما بدوا الى الحين 12شعبان يبدأ التسجيل فيها

ทεrrч

2011- 7- 11, 11:56 AM

طيب جامعة فيصل تخصصاتها برسوم أو بدون رسوم ؟

والله مو مجنني غير سالفة الرسوم ولا كان من زماان مختاره التخصص و مرتااحه
بس الحمدلله على كل حال

@Ahmed@

2011- 7- 11, 11:57 AM

لا بدون رسوم
بس مكانها بالاحساء

بالتوفيق :106:

ทεrrч

2011- 7- 11, 12:00 PM

يؤ .. واللي بالخبر ( بالساحلي ) شنو يسمونها ؟؟
اسمها جامعة الملك فيصل ..
و اللي بالدمام جامعة الدمام .. والله ياخوي أكيد مو اخبر منك
بس لأنهم غيروا الأسماء

@Ahmed@

2011- 7- 11, 12:03 PM

الي بالساحلي هي جامعة الدمام الي اتكلم عنها
وما فيه غيرها جامعة حكومية بالدمام او الخبر

اما فيصل بس صاارت في الاحساء ,,, الي في الدمام غيروا اسمهاا من فتره طويله الى "جامعة الدمام"

ทεrrч

2011- 7- 11, 12:05 PM

طيب .. بس التسجيل فيها يبدا يوم الاربعاء
كذا شفت بالموقع وبالجريده ..
والحين اتفاجأ ان التسجيل بدا وانتهى بعد !!

ودخلت الموقع مافيه تسجل الحين للطالبات ؟؟

@Ahmed@

2011- 7- 11, 12:15 PM

كلامك صحيح
الطالبات يوم الاربعاء الجاي

انا كنت اتكلم عن الطلاب ,, اسف

ทεrrч

2011- 7- 11, 12:19 PM

كنت ببكي وربي ...
تحطمت يوم سمعتك تقول بدا وانتهى ..
بس يالله أهم شي مافاتني التسجيل ..
وانت ربي يعطيك العافيه غثيتك لين قلت بس

دموع بريئه

2011- 7- 12, 03:19 AM

88

اختي نسبتك المركبه مثلي

وسالت كثييييييييير عن قبولي

احمد ربي اذا كليه العلوم قبلتني بالدفعه الاخيييره بعد

او كليه المجتمع دبلوم

اخر نسبه توقفت عليها العام كليه العلوم 76.93

هذا بالدفعه الاخييره

ادعيي النسب تنزل هالسسسسنه

عشان تدخلين التخصص اللي تبينه

يااااااااااارب تنزل وتدخلين اللي تبيييييييين

انا كنت اقول لو أموت مادخلت مادخلت العلوم والحييييييييين والله ارقص من الفرح لوتقبلني

موفقه حياتي

بشرينا عنك اذا انقبلتي

ทεrrч

2011- 7- 12, 09:43 AM

ان شاء الله ندخل الكليه الي نبييها ياااارب
بس بسألك تتوقعين الدراسات التطبيقيه وخدمة المجتمع برسوم ولا بدون ؟؟
أقصد اللي بالدمام ..

مزيونه

2011- 7- 12, 09:48 AM

لا بدووووووووون كلهم

الله يوفقكم جميييعا صبايا بحياة جامعيه حلووه

ทεrrч

2011- 7- 13, 06:39 AM

الله يعطييك العافيه
ويفرح قلبك
شكرااا من القلب ..