تسجيلي بكلية الغـد بالتفصيل الممـل >> هـآآم

[Eva ~]

السلام عليكم

هآم مع وجهي :biggrin:

الموهم



اليـوم رحت لكلية الغـد بالدمآم وسجلت .. طبعا انا من الأحساء يعني حوالي طريق ساعتين

وتسجيلي مااخذ ربع سآعة حتى :biggrin:


اولاً

بتكلم عن المبنى

هدووء قلتي لي في مبنى 2 واحد قديم والثاني تو جديد والي تدرسو فيه انتو
وحنا بودونا للمبنى الي بحي المزروعية

هالكلام كلة خرطي :71:
هدوء لاتسطريني هههههههه بس سمعوو

حنا سألنا عن كلية الغد ودلونا الي بالتميمي
المبنى حسيتة عمارة وبين مباني .. بس من داخل لاباس يعني كشيخ :tongue:

المهم دخلنا البنات وبالنسبة ان اليوم اربعاء ومقابلة حسيتهم قليل :cheese:

وجالسين ينتظرون الاسماء عشان المقابلة

على مكتب التسجيل فية انا وكم بنت

مايجو 3 يمكن :biggrin:

عطيتهم شهادتي وقدراتي وعفستي طلع معدلي عالي وكل شي يأهلني

بس انا مخلصة ثانوية من سنتين يعني مش السنة الماضية الي قبلها ..

وانا على اساس بسجل منح قبلوني اوك ماقبلوني بكمل على حسابي

المهم قالت لنا مايقبلوني منحة لان المنح بس للعام الماضي والسنة

قالتلي تقدرين سنة على حسابك واذا جبتي 3 ونص يحولونك منحة السنة الثانية

بدون تردد قالت لها اختي اصلا انا جاية اسجلها على اساس كذا

سنة على حسابنا وبعدين منحة :biggrin:

المهم من سمعت ان على حسابي دقتها البوهة وصارت المعاملة ارقى شوي :biggrin:

هههههههههههه

طبعا هم 2 الي يستقبلون طلبات التسجيل وحدة سمرا ومكشرة ماتضحك كثير ولو انها حليوة لاباس

والثانية تفتح الصدر واستفسرت منها عن كل شي
وسجلت معها بعد :71:

من زين حظي ههههههههههه
سألتها عن طب الاسنان قالت ماراح يفتحو حتى السنة الجاية :hhheeeart4:

وشسمة مكافأة جلست تخرط علي بس معنى كلامها ان التعليم العالي زين منهم يدفعون منح لكل طالبة 50 الف بالسنة

وبعد تبيهم يعطو مكافأة احلمو يعني :tongue:

واممممم سألتها عن المبنى قالت مافي الا هذا
وفي واحد يبنو فيه يخلص بعد 5 سنين

يعني اذا حنا تخرجنا :biggrin: قدام البحر بالعزيزية على قولتها

وهذا المبنى الي بندرس فيه مش غيره


بس بشكل عام مدري ارتحت للكلية .. ولو ان المبنى من برا قت فيني لان بني :biggrin:

وانا ماحب هاللون :biggrin:

بس من داخل ارتحت نفسيا كبداية
ويارب نبيضها

قالت بعد اول سنة تتخصصي
قلت لها اشعة قالت حلوووووو

وبعد شنو

آممم

اي قالت اول 100 طالبة بسجلو على حسابهم الشخصي راح يدفعون 50 الف مع الرسوم

اما الباقي 55


قلت لها عسى انا من 100

قالت اي
ماجو كثير على حسابهم انتي من الاوائل بعد :71:

عطوني موعد مقابلة اسبوع الجاي يوم الثلاثاء او الاربعاء الي يرحني قالت

او حتى اي اسبوع جاي بهاليومين بس كل مابكرت كل ماصرت تبع هالمية ودفعت بس 50 الف مش 55 يعني :biggrin:

مكرمين علينا صراحة >>


هدوء مدري شقالت عن المنح الموظفة قلت لها اي بس الصيدلة ماله منحة صح

قامت تضحك قالت انتي خابزة الكلية وجاية

قلت لها من سنة بحثي كلة عنها :biggrin:

ووووووبس

هذا الي صار معي بالتفصيل
باقي اسبوع الجاي بروح الاربعاء اسوي مقابلة واخذ معي ورقة
للتحصلي مااخذتها وصور شخصية عدد 3


وخلصناا
مبروك علي مقدما :biggrin:

[تاج حيدر]

قالتلي تقدرين سنة على حسابك واذا جبتي 3 ونص يحولونك منحة السنة الثانية

بدون تردد قالت لها اختي اصلا انا جاية اسجلها على اساس كذا






......
:(107):

[Eva ~]

^


ياقلبي يعني اختي واهلي بشكل عام

حاطين في بالهم سوا انقبلت منحة اول سنة اولا بكمل على حسابي

يعني مش اذا ماطلعت لي المنحة بطلع لا بكمل


يعني من البداية عاملين حسابنا على هالاساس

:119:

[هدوء البنفسج]

تعالي تعالي
اولا مبروك والحمدالله على السلامة << ظلمتي الحسا ورجعتي نورتيها
الحمدالله اني واعية عشان ماازيد ظلامها << حلفي :biggrin:

ثانيا
الكلام عن المبنى انا قايلة لك ياشيخة عماارة بس ماتصدقوني
بس لازم يكون لكم عمارة بروحكم وين يحطونكم ويانا بيصير زحمة
وهالكلام جبته من مس الكمستري لميااء
وانا قلت بعدين العمارة الثانية مدري ياحي المزروعيهـ او عمارة جديدة قريبة من عمارتنا
ماافصحوا عنها :(269):

المبنى هذا اللي يبنوه بيخلص بعد مااتخرج كذا ماحلم فيه
بس ع الاقل شفنا صوره مرزوزة بالكلية :biggrin:

بعدين الشلاخة الموظفة الللي سجلتك كيف تدفعين 50 ألف مع الرسوم
من الكذب الزايد
اصلا السنة التحضيرية بـ 45 الف + الرسوم 3الاف يعني 48 ألف
من فين جايبة هالـ 50 ألف والـ 55 الف ليكون غيروا انظمة زيادة وخلوا السنة التحضيرية بـ 50 الف
وانا الصيدلة سنويا ادفع 50 الف عدا ونقدا مافي شي ادفع 55 الف

وذا بيكرموا عليك يسون ديسكاونت
طيب مااستفسرتي منها ليش الصيدلة مافيها منحة ؟؟!! :(107):

واخيرا
انتي قلتي قالت لك اذا جبتي المعدل ونص بحولونك منحة
طيب العام مسوين مفاضلة ليش الكذب وفيه بنات اللي يدرسون على حسابهم ظلوا على حسابهم
ماطلعت لهم المنحة

اذا رحتي قولي لها
كيف ادفع 50 الف والباقي يدفعون 55 الف انتوا مغيرين من الرسوم
واذا قالت لا
قولي لها عن الرسوم بالضبط
وسأليها
قولي كيف تقولين منحة على طول
وانا ادري المنحة بتكون بالمفاضلة لطلاب المستجدين او المنتظمين
:41jg:

ننتظر تكملة تسجيلك
وصحيح بعد ليش يسوون معك مقابلة انا ماسووا معاي :(107):

[Eva ~]

ع المبنى قلتي مبنى بس قلتي نقلوكم مبنى جديد

والي كنتو تدرسو فيه بنروح له حنا

ان شاء الله هذ الجديد الي نقلوكم عليه الي دخلته اليوم ؟؟

وشسمة
شوفي انا قلت لهاا قالت زادو الاسعار ع الطاير مدري صادقة كاذبة !!!!!!!!

وطافني ماسألتها ليش مافي منحة للصيدلة لانها فقعتني ضحك ههههههههه
اني خابزة الكلية وجاية :biggrin:


مدري قالت لازم مقابلة وبعدها ادفع 3 الاف رسوم

وقالت لي للأمانة فية مفاضلة بس قالت ان شاء الله

كأول سنة سهلة وتجيبي 3 ونص
وقالت لي بعد حاولي تجيبي 4 عشان تضمني المنحة

يعني كانت صادقة بهالنقطة هههه :biggrin:

[Eva ~]

الي اقصدة ان الموظفة تفائلك وبشوشة

تعطيك امل بهالدنيا شوي

ومو غلط

واحنا عارفين ع المنح انة مفاضلة ولازم معدل قوي او تروح عليك :119:

[هدوء البنفسج]

:|
زاااادوا الاسعار :(107):

تأكدي من هالنقطة مو لازم منحة الصيدلة
بس مالي خلق يزيدون الاسعااار :icon9:

بعد بنتأكد من الادمن

4 سهلة تجيبيها اذا درسوك نفس المسات اللي مدرسينا :(204):
موفقة

[Eva ~]

هدووووووووووء قلتي لي 5 سهله

الحين صارت بس 4 سهله

5 صعبة :017:


هدوء لتخليني اروح اسحب الملف :biggrin:

[تاج حيدر]

اي بعد من وين تجي بدون تردد ...تبي تسوي دعاية للكلية مثلاً

[Eva ~]

وانتي ليش معصبة ؟

الفقيها ياختي :biggrin:

[هدوء البنفسج]

هههههههههههههههههه
والله الخمسة تجيبيها بسهولة في السمستر الاول
والسمستر الثااني
تجيبين فوق الـ 4 او 4 وحتى 5 اذا كنتِ دافورة بزيادة
بس اهي قالت لك لو تجيبي 4 انا اقول عادي بسهولة نجيبها هالـ 4 وزيادة بعد :oao:

اذا درستي بالكلية بتشوفين ان كلامي صحيح لا غبار عليه

[هدوء البنفسج]

ع المبنى قلتي مبنى بس قلتي نقلوكم مبنى جديد

والي كنتو تدرسو فيه بنروح له حنا

ان شاء الله هذ الجديد الي نقلوكم عليه الي دخلته اليوم ؟؟

وشسمة
شوفي انا قلت لهاا قالت زادو الاسعار ع الطاير مدري صادقة كاذبة !!!!!!!!

وطافني ماسألتها ليش مافي منحة للصيدلة لانها فقعتني ضحك ههههههههه
اني خابزة الكلية وجاية :biggrin:



ايه هذا المبنى اللي رحتي فيه جديد ترى مادرسنا فيه الا سنة وحدة
ومزينينه بعد حلووو :biggrin:
ليش بتشككوني ان مالكم مبنى يالسنة التحضيرية
اتوقع انتي شفتي المبنى مو كبير ودخلي الكلاسات وشوفيهم
وبما احنا بننتقل لتتخصص مستحيل بندرس كلنا بكلاس
وكل سنة بيزيدون اعداد الطالبات
بس وين بيودونكم مدري ..! انا كنت افكر بيودونكم المبنى القديم بس طلع لا ؟! :000:

تأكد لي من الاسعار

ههههههههههههههههههههههه
بتقول يمكن ماتدري هذي االانظمة مالنا شغل احنا << كم مرة سألتهم عن الصيدلة :(269):

[Eva ~]

هههههههههههههههههه
والله الخمسة تجيبيها بسهولة في السمستر الاول
والسمستر الثااني
تجيبين فوق الـ 4 او 4 وحتى 5 اذا كنتِ دافورة بزيادة
بس اهي قالت لك لو تجيبي 4 انا اقول عادي بسهولة نجيبها هالـ 4 وزيادة بعد :oao:

اذا درستي بالكلية بتشوفين ان كلامي صحيح لا غبار عليه



اي حلو يعني السمستر الاول 5

الثاني 4 ونص قولي

التراكمي يصير 4 وفوق النص

يعني اضمن المنحة هذا المهم :71:

[Eva ~]

ايه هذا المبنى اللي رحتي فيه جديد ترى مادرسنا فيه الا سنة وحدة
ومزينينه بعد حلووو :biggrin:
ليش بتشككوني ان مالكم مبنى يالسنة التحضيرية
اتوقع انتي شفتي المبنى مو كبير ودخلي الكلاسات وشوفيهم
وبما احنا بننتقل لتتخصص مستحيل بندرس كلنا بكلاس
وكل سنة بيزيدون اعداد الطالبات
بس وين بيودونكم مدري ..! انا كنت افكر بيودونكم المبنى القديم بس طلع لا ؟! :000:

تأكد لي من الاسعار

ههههههههههههههههههههههه
بتقول يمكن ماتدري هذي االانظمة مالنا شغل احنا << كم مرة سألتهم عن الصيدلة :(269):



بسألها لك لاتخافي ههههههههه

بس صج مدري ليه 55 الف

بس وحدة جات تسجل وانا واقفة كان قياسها 64
قالت لها مالش قبول الشروط لازم 65

صايرين متشددين هالسنة بالانظمة حسيتهم

[جنة الايمان]

ايفا
لالالالالالالا
حطمتيني
ليش مايقبلوا خريجات ثانوية قبل سنتين

لكن أنا بدرس على الموارد مو على المنح:Cry111:
يعني حتى الموارد ماتقبلني إذا صار على شهادتي سنتين!!!!!

يعني خلاااااااص ماأروح أسجل لأن مستحيل يقبلوني؟؟؟:mh12:

خلاااااااص حطمتيني :bawling::bawling::bawling::bawling::bawling:

[Eva ~]

حبيبتي لاتتحطمي ولا شي

جاية افائلكم مابي احطم فيكم :119:

ياقلبي اسمعي انا المنحة قالت لي هالكلام

وقالت لازم ادرس سنة على حسابي بما اني من سنتين متخرجة

بس لمى اختي سألتها عن الموارد وطبيعة الموارد

قالت الموارد تختلف اختلاف كلي عن المنحة .. وللمعلومية قالت مافي مكافأة لطالبات الموارد
واليوم كل الي شفتهم ينتظرون مقابلة من الموارد المنح قليل

لاتتحطمي روحي واسألي وفالك القبول يارب

[mrs.cheryl]

يقبلوا منح أكثر من سنتين دراسه .. ويانا بنات دخلوا الـ 22 وداخلين منح :53:
أنتي بعد كم يوم روحي للكليه .. بس روحي لموظفه ثانيه وبتشوفي أن الكلام يختلف من وحده لثانيه :(177):

[روعة فكر..]

لا فعلا صحيح السالفه هذي مو شرط العمر خيتو

قصدها ان تكون المنح بس لخريجات عام 1432 و عام 1431 وهذا مثبت بالموقع هالكلام بعد

انا لي سنه بس:mh12:

يارب تتيسر ويجي لي قبول امين

وعلى البركة حبيبتي ايفا التسجيل وعقبال المنحة ان شاءالله :love080::53:

[جنة الايمان]

ايه أنا أعرف المنح ماتقبلني لأني متخرجة من سنتين
لكن انا أبغى أعرف
حتى الموارد ماتقبلني لأني متخرجة من سنتين؟؟؟!!!!!

[Eva ~]

^


والله مدري حبيبتي

انا مقابلتي الاربعاء ان شاء الله اسألهم عن هالموضوع


روعة فديتك الله يبارك فيك

وعقباااااالك ترى حاسبة حسابي نكون سوا بالكلية :71:

[ونة احاسيس]

الف الف مبرروك ..؟ بس انتي وين سكنك الاساسسي ؟
اذا انتي بالاحساء
واذا درسستي ان شا ءالله وين بتسكنين

[زيكو.!]

:


اسأل المُولى أن تَسْتَقمُ أمُوركِ .
هَل طَلبُو المَبلغ كَاملاً . أو عَلى هيئة أقصاط وَكم القصَط ؟!





:

[Eva ~]

الف الف مبرروك ..؟ بس انتي وين سكنك الاساسسي ؟
اذا انتي بالاحساء
واذا درسستي ان شا ءالله وين بتسكنين



والله للحين مدري جار البحث عن سكن

بس عندي بيت خالي بالخبر .. يعني كبداية بيت خالي بسكن :biggrin:

[Eva ~]

:


اسأل المُولى أن تَسْتَقمُ أمُوركِ .
هَل طَلبُو المَبلغ كَاملاً . أو عَلى هيئة أقصاط وَكم القصَط ؟!






:




مشكور اخوي

لا مايطلبوه كامل كل وحدة وراحتها بالدفع اقساط او كامل
انا بدفع الاربعاء بعد المقابلة 3 الاف تسجيل فقط
وبس ابلش دراسة اختار الوضع الي يناسبني

[زيكو.!]

انا بدفع الاربعاء بعد المقابلة 3 الاف تسجيل فقط

نَعمْ أعَلم أن كَبداية وَلِتسِجيل 3000 آلالف ليس لَها عَلاقة بِ القصط.
وَأجْمَالي المَبلغ 53000 ريال .
صَباحك.:106:

[هدوء البنفسج]

زيكو اذا كان المبلغ ماتغير للسنة التحضيرية
واهو 45 ألف بدون الرسوم 3000

فيكون الدفع كالتالي وعلى حسب ارادتك
دفع للسنة كاملة 45000 الف
ام دفع للسمستر الواحد 22500 الف
ام تقسيط لكل شهر 5625 الف

اما اذا تغير وكانت السنة 50000 الف فرح يتغير التقسيط

نسألكم التوفيق

[زيكو.!]

زيكو اذا كان المبلغ ماتغير للسنة التحضيرية
واهو 45 ألف بدون الرسوم 3000

فيكون الدفع كالتالي وعلى حسب ارادتك
دفع للسنة كاملة 45000 الف
ام دفع للسمستر الواحد 22500 الف
ام تقسيط لكل شهر 5625 الف

اما اذا تغير وكانت السنة 50000 الف فرح يتغير التقسيط

نسألكم التوفيق

أحْتَاج لِ شَهِيق زَفير حَتى ابلتع الصّدمه :sdfgdsf: 5625 قسط .!
لكَن الأن حَسب أتصَالي الأخير أرتفع المَبلغ إلي 50 الف ريَال . سَتكون 6250 حسَبت القسط
عَلى طَريقة حَسابك 8 أشهر تَقسيم المَبلغ .
يُريّدونهم عَلى 8 أشهر .! وَليس سَنة كَامله عَلى ألأقل نَستفيد مِن اربع أشهرلوكانت سَنة .
الله يَعين. :106: :106: :106:

[هدوء البنفسج]

اذا تغيرت الرسوم الكلية للسنة التحضيرية
الحمدالله اجل انا سجلت العام ومسوين لنا خصم
2500 ألف ريال :biggrin: << فرحانة تجيب شي هالألفين
لو مخلين الرسوم 5000 والسنة التحضيرية بـ 45الف كان اوفر تدفعون 50 الف فقط
اما الحين صرتوا تدفعون 53 الف :wink:

اخذ شهيق وزفير وابتلع الصدمة :biggrin:

وبالنسبة للتقسيط لازم تكمل المبلغ المحدد فبل انتهاء من السمستر الاول
فيكون كالتالي
السمستر الواحد 25000 الف << ان مادفعتها وخلص السمستر الاول
مرح تدخل الاختبار اوبيكون اجراءات ثانية واتوقع
كرامتك اهم من اي شي :tongue:

وربي المعين

طيب اذا تغيرت الاسعار سنة التخصص تغيرت بعد
يعني زادوا على الـ 50 الف
عشان ابشر الاهل :hhheeeart4:

[زيكو.!]

:

اسْعَارهم فِي غلاء .وَكُل سَنةٍ فِي أزْدَايد .!
مَايَلزمُني هُو أن أدفع 25 الف . كُل ستْ أشهر أو سمتر .. سواء كَانت عَلى دُفعَات أو كَامله هذا المقصُودْ .
هههههه بشِريهم الأكيد أنهم تَعودو عَلى الصَدامات :)
ياخوفي بَعدين يزيدون عشره ويخلونها 60 الف هههه الله يعييييييييييييييييين. وعلى سنة التخرج 100 يكلموها




:

[هدوء البنفسج]

ايه هذا المقصود

:(107):

ايفا او الاديمن
يعطوني اجابة بالنسبة للتخصص 50 الف مثل ماهو معروف
ام زادوا على هالـ 50 وخلوها بـ 55 او 60 الف

زيكو عذرا
انت لما كلمتهم قالوا لك فقط 50 للسنة التحضيرية ام لكل السنوات ؟؟!


عشان احسب باقي 4 سنوات + سنة امتياز واحسب المبالغ واخذ الاحتياطات اللازمة :tongue:

[زيكو.!]

حِين سَألتُه كَان عَن أول سَنة أجابني 53000 الف ريَال .
3تذهب لِتسجيل . وباقي المبلغ. لِ السنة التّحضريّة .. لِذا كَنا كُل مَايشغنلي السّنة الأولى والسّنة القَادمه
أن كَتب الله س أكون من ضمن المَنحه ..
هههههه :mh35: لا لم تصَل الي 60 لكن مَن يَدري ؟!:hhheeeart4:

[هدوء البنفسج]

عذرا لم انتبهـ لما كتبت
المفصود ان تدفع 25 الفا في السمستر الواحد
سواء كان الدفع مرة واحدة ام مقسطة على اربعة اشهر وليس ستة أشهر ..!:119:

اذا ليس لديك الاجابة الشافيهـ

انتظر من لديهـ اي اجابة تريحني من هذا التساؤل ..،

[Eva ~]

امدى صار الموضوع شات :71:

ههههههههه

هدوء هذا معنى كلام الموظفة يوم قالت لي اول 100 طالبة تسجل على حسابها بتدفع بس 50 الف مع رسوم التسجيل

يعني يمكن لــ أول 100 طالبة تحضيري على حسابها يخلو المبلغ
مثل السنة الماضية والباقي يزودوه ؟؟


والله مدري


ع كل حال انا بستفسر يوم الاربعاء اذا رحت لهم
وعلى سنة التخصص السنة الجاية اكون ع المنحة يارب
يعني خلينا بهم فلوس سنة التحضيري بس :biggrin:


هدوء نسيت اقولك

كل ملازمك وعفستك بالتحضيري شيليهم

اذا التقيت فيك بالكلية الجميلة ابيهم كلهم كلهم :71:
الا مايفيدوني

لزوم المعدل القوي / لضمان المنحة احم


>>>

ماني على بنك كل سنة 50 الف :tongue:
50 الف رصاصة يارب :biggrin:

[هدوء البنفسج]

ههههههههههههههههههه
شات نفيد ونستفيد مو هذزة
العام انا دفعت اقل من 50 ألف
وانتي هالسنة بتدفعين 50 ألف يعني مو نفسي هع :71:

لا تنسين تسألين عن سنة التخصص يعني السنة الجاية << ادري فهمتي بس لتأكيد :hhheeeart4:

:000:
ماعندي غير ملزمة الكيمياء :oao:
وبدور لك كتاب الاسلام اذا لقيته
وبحوس عن ملازم اذا شفتهم ولا لا
تدرين احب التنظيف فأفضي درجي من اي اوراق :biggrin:

[Eva ~]

اغث مآدة يعني :biggrin:

كل سؤال بملزمة وانتي وكيفك عاد :71:

ههههههههههه ان شاء الله مانسى اسألك ياقلبي :106:

[هدوء البنفسج]

:Cry111:
طيب يمشي عروض البور هع
عندي مابعد احذفهم
بتأكد لك اذا ماحذفت الاحصاء عندي ثلاث محاضرات :(107):

مصروفك لا تشترين فيه غير هالملازم الا اذا كنتِ تقدرين تذاكرين من الكمبو < دلع كمبيوتر :biggrin:

بشوف اذا بس اتوقع انه حتى الكيسة اللي فيها الاوراق رميناها :mh318:

وحقيقة الكيمياء قلت اهو اللي بستفيد منه
اما الفيزياء لحته في الكلية ماجبته معاي البيت :41jg:

بعيد يوم الاربعاء روحوا بكرى :biggrin:

[Eva ~]

هههههههههههههههههه

كل شي ولا الكمبوو

خليه للسوالف وتوسيع الصدر اذا ارتبط بمادة او شي يخص الكلية بكسره :biggrin:

لا اختي تداوم بكرا

الاربعاء اجازة بتاخذ :53:

[زيكو.!]

عذرا لم انتبهـ لما كتبت
المفصود ان تدفع 25 الفا في السمستر الواحد
سواء كان الدفع مرة واحدة ام مقسطة على اربعة اشهر وليس ستة أشهر ..!:119:

اذا ليس لديك الاجابة الشافيهـ

انتظر من لديهـ اي اجابة تريحني من هذا التساؤل ..،


لابأس أخْتَاه س َاقوُم بِ زيارتهم فِي الأيام المُقبلة واطَلع عَلى مَجرى التَفاصيل .
وَسَ أوفِيك أن كَان هُنَاك جَديد .
مسَاؤكِ جميل. كروحك.وشكراً:smile:

[لصقة جونسون]

باااااااااااااااااااال .... حسبي الله على ابليسهم ..... شكلي ماراح ادرس و بقدم ع وظيفه ايششششششش هذذذذذذا .... اخاف اسجل بعد اسبوعين ويقولوا لي ارتفع السعر اكثر من خمسين :sdfgdsf:

[Eva ~]

باااااااااااااااااااال .... حسبي الله على ابليسهم ..... شكلي ماراح ادرس و بقدم ع وظيفه ايششششششش هذذذذذذا .... اخاف اسجل بعد اسبوعين ويقولوا لي ارتفع السعر اكثر من خمسين :sdfgdsf:



مامنهم امان

الغد نهبت الدنيا والدين :biggrin:

[k 1]

يسلمو على الطرح آولاً
وآهـ بسسس من هالكلية أقسم بالله آنواع الاستغلال للشعب !
ولآنهم عارفين آنو مافيه غيرهم يقدم هالتخصصات رافعين الاسعار دبل وأثري !!
آمانه مو حرام اللى يصير فينا من ظلم وقهر
الواحد صار يشوف مستقبله يضيع من يدينه وهو جالس يطالع :icon9:
آنا اليوم كلمتهم وكنت أبي آكمل عندهم على الدبلوم اللى معي وأنصدمت بالسعر :icon9:
معقوله كل سمستر 22500 !! وش أبتخرج بروفيسور مثلاً !!!
يعني أجمالياً يطلع لك 185000 تقريباً ليييه أقحام النفوس وقهرها !!آ:icon9:
آمانه وين هيئة التخصصات هيئة الغفلة عن هالاسعار القاتله !!
تخيلوا بالاردن تدرس بكالوريس طب طوارئ من جامعه التكلولوجيا والعلوم من البداية بـ 45000 بسس !!
يالله شوفوا الفرق ! وأتنم أحكموا ..
وحتى لو بتقسطهم كل شهر راح تقسطهم 5000 ريال شهرياً !!
سلامات وش قالولك طايح على بنك مثلاً ..
آنا سئمت من هالوضع والله طفشت ومليييت وصار بداخلي شئ من الانهزاميه للمستقبل ..
اذا كانت جهة العمل لا تقدم لك بعثة على حسابها !!
واذا كان راتبك بحدود 10000 ريال ودك تكلم دراستك :Cry111:
وعليك أقساد سيارة وقدامك مهر وعرس و زواج وبيت وتأثيث وبلاوي متلتله ..
وتقولون يابنات ياليتني ولد بعد :biggrin:
الا البنات في نعمه وفله وسعه صدر ..
آكتب لكم هالحروف من خلف الفراش لاتواخذوني على الاخطاء والاسلوب ..
وهذا حالنا ياشباب بهذه الحقبة الزمنية
مع من يقفون بيننا وبين مستقبلنا من هيئة وملاك معاهد وكليات >>> :41jg:
تحياتي لصاحبة الموضوع التى أسعدتني بحروفها ربي يسعدها :106:
k 1

[Eva ~]

ربي يسعدك اخوي
الله يقدرني ارسم التفاؤل ع الجميع

الغد وسالفة نهبهم الشعب غير منتهية ..!
بس اخوي اذا بتقارن بين كلياتنا هنا الاهلية وكليات الأردن بتشوف ان الاخيرة ارخص بمليون الف مرآ


بس الكليات الأهلية بالسعودية كلها نفس الاسعار وربي

يعني حتى بالرياض كلية طب الاسنان والصيدلة الاهلية نفس الاسعار

طب اسنان 65 الف بالسنة
نفس الغد قسم طب اسنان

ماشفت فرق من هالجهة بالعكس المانع بــ 60 الف بالسنة اي قسم
بينما الغد تبقى 50 الف

هي السالفة كلها نهب بنهب
ومحد جالس على بنك :biggrin:
بس شنسوي اذا الزمن حدنا على الشهادة من هالجامعات

وهذي التخصصات المضمونة الصحية
قدم على المنحة اخووي
ويارب يقبلوك من أول سنة

تفائلو بالخير تجدوه

وصدقني خذها قاعدة أي شي تحطـه في بالك وتفكر فيه يصير قدامك
سوا سلبي او ايجابي

حط في بالك انك بتنقبل وادع ربك بهالشي و راح ييصير
واذا تشائمت وحطيت كل شي سلبي قدام عينك بالعكس بيتضخم زيادة وبتشوف كل شي مو لصالحك



فكون متفائل واذكر الله
وان شاء الله مايصير الا كل خير :106: