استفسارات بخصوص القبول بجامعه الدمام

[mahaa]

بسم الله الرحمن الرحبيم

انا خريجه ثانوي وعندي استفسارات حابه تجاوبوني عنها
في البدايه انا حابه ادخل التخصصات الصحيه
<طب ’صيدله ’علوم طبيه تطبيقيه ’طب اسنان >بجامعه الدمام
ونسبتي
الثانوي 99.75
القدرات 71
التحصيلي 64
كم النسب المطلوبه للدخول بالتخصصات اللي ذكرتها
وهل في سكن للطالبات بجامعه الدمام
وهل في سنه تحضيريه قبل التخصص وهل هي مسارات مثلا مسار صحي وعلمي وادبي ولا كيف
ومتى يقفل التسجيل ع التخصصات هذي
وكيف اسجل بموقع التسجيل ومتى يفتح

واي معلوووووووومه عندكم اتمنى تفيدوووني فيها بسررررررعه

[شهد العجمي]

طيب حبيبتي كم نسبتج الموزونه ؟؟عشآن أقدر أسآعدك بختيآر الرغبات ونختار رغبات تخدمج في القبول؟

[mahaa]

الجامعه كم تبي من النسب
ثانوي 35
تحصيلي 35
قدرات 30
ولا
لاني حسبتها باكثر من طريقه

[شهد العجمي]

30 % من القدرات
40%منا لتحصيلي
30% من المدرسه

[mahaa]

اخت شهد نسبتي المركبة 76.83
واتمنى اجابتي عن الاستفسارات الاخرى لاني محتاسه بقوووه

[شهد العجمي]

حبيبتي التسجيل فيهم كلهم عن طريق موقع جامعه الدمام..
رآح يكون لج 6 رغبات ترتبينهآ على حسب الأفضل عندج

يعني انتي تبين طب الطب بيكون رقم 1

وهكذآ ..

ورآح أحطلج رآبط شرح التسجيل بجامعه الدمآم ..

وللمعلوميه ان تسجيل موقف حآليآ .. ورآح يرجع يفتح لحد يوم الأربعاء موفقه يارب..

[شهد العجمي]

http://www.ckfu.org/vb/t201281.html

[mahaa]

طيب اختي ادري كثرت عليك بالاسئله بس تحمليني في سكن للطالبات وفي سنه تحضيري ولا عطووول التخصص
ومتى يفتح التسجيل

[شهد العجمي]

اوك حبيبتي ولايهمج اسألي قد ماتحبين ..

النسب تعتمد على شطارة الدفعه رايح يبدأ القبول للنسب العاليه وراح تكون 3دفعات لحد ما تكتفي الجامعه ..

الكليات الطبيه السنه اللي فاتت للأسف كانت تطلب نسبه موزونه عاليه في التسعينات :icon9:
لذلك أنصحك ماتحطين كل رغباتك كليات صحيه .. !
أنا حبيبتي كانت نسبتي الموزونه 85% وانقبلت بالرغبه الرابعه وهي التربيه بالجبيل علمي:smile::icon9:

مو حابه احطمج بس عشان تنقبلين لازم تنتبهين للرغبات وتاخذين خلفيه
التربيه بالجبيل السنه اللي راحت وقفت عند نسبتج 76:smile:

حبيبتي فيه سنه تحضيريه في جميع كليات جامعه الدمام .. ومن ناحية السكن في اي كليه تقصدين ..أغلبها مافيه :smile:

[شهد العجمي]

حبيبتي التسجيل بدأ الأربعاء 12-8 وبينتهي الاربعاء 19-8

ولكن حاليا مغلق لان فيه اعلان لقبول الطلاب .. مآعرف متى يرجع يفتح بس قريب انتي شيكي بين فتره وفتره

[mahaa]

المشكله اني مو حابه ادخل الا تخصصات صحيه وغيرها ماابي طيب الكليات الصحيه بجامعه الدمام لها سكن

[شهد العجمي]

والله مآدري ياقلبي ..راح تلقين قسم خاص وفيه طلاب وطالبات تقدرين تسألينهم ..

[mahaa]

طيب هل في تخصصات اقدر ادخلها واجيب معدل بعدين احول للتخصصات الصحيه
وشنو طريقه السنه التحضيريه مسار علمي , مسار صحي , مسار ادبي عـشان لاجيت اختار الرغبات

[شهد العجمي]

حبيبتي .. أنا قلتلك نصيحتي انج تحطين أول 4 رغبات صحيه وبعدين تختارين التربيه بالجبيل والسادسه العلوم بدمام ..

والله ماعندي خبر عن شروط التحويل للكليات الصحيه ومادري لو فيه اولا .. ولكن عموما فيه تحويل من كليه لكليه
وفيه تحويل من جامعه لجامعه ولكل منهآ شروط ..

السنه التحضيريه للمسارات الصحيه أكيد بتكون أنقلشش ..

الكليات الباقيه بتكون السنه التحضيريه دراسه لكل المواد بالاضافه للأنقلش بعدين تتخصصين على حسب معدلج في السنه التحضيريه ..

اتمنى لج التوفيق ..

وعندج كليه الملك سعود بالرياض ممكن تدرسين طب اسنان على حسابج .. وفيها سكن للطالبات .. الله يوفقج يارب