احباط وياس

[طموح2011]

انا عندي مشكله ومقهوره منها وهو اني اجتهدت من اول الترم واهملت اطفالي وبالاخير حملت ماده وجبت بالمواد الثانيه درجات تفشل ونا متحمسه وحابه اتفوق بس ماقدرت وين المشكله هل يعتمد على الحظ ولا الغباء ولا ايش احس اني غبيه وما افهم يعني بس تعب على الفاضي

[ناوي السوكبا]

الدراسة تعتمد على ( النفسيه )

اذا كانت أمورك طيبه راح تبدعين

انتهى

[رافايللو]

حاولي تعدلي بين الاثنين

وقت ما عيالك نايمين كل يوم ذاكري مادة

[حلم السراب]

لبى قلبك والله

وليش الاهمال وانا اختك بأمكانج توفقين بين الاثنين

يعني مثلاً وقت النهار لبيتج واطفالج ومن يجي الليل وينامون

تكفيج ساعتين أو ثلاث ساعات فقط

اما ناحية إنج تقولين عن نفسج غبيه وماادري أيش ترا كلنا مثلك سواء متزوجات ولا بنات

والاهم من هذا كله النفسيه مقل ماتفضل الاخ اللي قبلي

وإذا إنتي مصره وبخاطرج الدراسه صدقيني مافي شي بيوقف بطريقج

وترا بنت عمي كانت مثلك وعرفت توفق بين الاثنين وماشاء الله عليها الحين بالسنه الثالثه اتوقع




و موفقه إن شاء الله حبيبتي ^^









..

[*طالبة انتساب*]

اختي لا تشيلين هم ولا تحبطين صدقيني مافيه انسان غبي فيه اللي يكون استيعابه بطي

وكل فشل يكون بداية النجاح ان شاء الله

شوفي انتي نظمي وقتك بحيث ما تراكمين المواد ولا تاخذين مواد فوق طاقتك



وياليت اللي عندهم اطفال يساعدونك في برنامجهم وتنسيق وقتهم

ب التوفيق

[white paper]

مدري شقولك بسس من ناحية انها حظ لالالا مهي مسألة حظ هي ارزاق من الله وعون من عنده سبحانه
وانا مثلك من النوع اللي ما اعرف اوفق بين البيت والاولاد والدراسة الا بمساعدة احد يعني شغالة او اهلي يشيلوون عني اولادي او يرسلون لي شغالتهم
بسس اشوف كثيير من عماتي عاادي موفقات بين البيت والاولاد والدراسة وبعضهم موظفات وماشية امورهم تماام كيف ؟؟؟تعالي اقولك
قبل الامتحانات بشهر يجيبون شغالة والزوج يتحمل مسئولية الاولاد اقصد دراستهم وزالاهتمام فيهم
وانتي اللحين نظمي جدولك بالساعات يعني من الساعة كذا لكذا تسوين شيء
يعني مثلا تقومين قبل الفجر تسمعين المحاضرات كل يوم محاضرة اذاكانت موادك 7واذا صليتي الفجر تقومين الاولاد للمدرسة وتجهزينهم وبعد مايروحون تبدين بشغل البيت الترتيب والغسيل تكفيك ساعتين تكون الساعة على 9تبدين بمذاكرة المحاضرة اللي حضرتيها وتكفيك ساعتين بتكون الساعة على 11 تبدين بتجهيز الغداء والتفرغ لاطفالك اللي بالبيت ويوم يجوون اولادك تتغدون وترتاحين الظهر ساعتين والعصر مذاكرة للاولاد واذامعاك وقت تراجعين المحاضرة اللي ذاكرتيها وعلى المغرب اذاعندك ملابس او غسيل والعشاء خلييه خفيف مو طبخ وخلالاص على 9تنامين انتي واولادك وبكذا مو بسس تنجحين الا تتفوقين
وترى لالالاززززم جدول :(204):وايام الاختبار استاجري شغالة اسبوعين تساعدك وان شاء الله نسمع الاخبار الطيبة

[maljahmi]

الله يوفقك

شدي حيلك في الترم الجاي

والله يحفظ لك اطفالك


والله الموفق

[AmoOoOlh]

انا عندي ولدين وصغار
وماحد ياخذهم مني لاوقت الامتحانات ولاغيره حتى زوجي
ايش سويت تأقلمت مع الازعاج
يعني حتى مع الازعاج عودت نفسي اذاكر هاذي ظروفك ولازم تكوني اقوى منها وتتغلبي عليها
انا بقولك سر التفوق
فقط مذاكره بتركيز حتى لوكانت قبل الامتحانات بشهر
مذاكره بتركيز وتجيبين اوراق واي شي تحسينه مهم وانتي تذاكرين الماده اكتبيه في الورق
هاذي طريقتي وسبحان الله اكثر اللي يجي بالامتحان اللي اكتبه ع الورق
مذاكره بتركيز فهم ثم فهم ثم فهم وبعدين الحفظ وبالتوفيق لك

[حــرامـــى]

اول شئ كلامك هذا بداية الفشل

انك تزرعين هالشئ فيك راح يحطمك

اخت طموح

انتى تقولين انااا مذاكرة و متحمسه

ممكن المشكلة عندك محتوى المقررات

ممكن نوعية الملازم اللي انتى معتمده عليها ما تقدرين تفهمين بها

انااا حاولت اعتمد على محتوى المقرررات اللي في موقع الجامعه بصراااحه يدوخ و تحس انك ما تفهم

عشان كذا حاولى ان تكون مذاكرتك عن طريق الملخصات اللي تنزل في الملتقي لا تعتمدين نهائي

على محتوى المقرر

انتى احسن من غيرك كثير حمل اربع مواد و خمس مواد

انااا اقولك و قلتيها كثير اناا بصراحه المستوى الاول و الثاني كنت اذكر في يوم الاختبار كل ماده بيومها

ما اقول انى ذكي لكن كنت اعتمد على الملخصات و هذا كله من توفيق ربي

[يآهملالي..~]

دآم ذي نظرتك لنفسك ..ماراح تفوقين أبد ..
بعدين من قالك لازم تذاكرين اول بـ أول ! المهم تذاكرين صح ..حتى لو قبل الاختبارات بأسبوعين ..
وبعدين مافيه شي يسوى زعلك ! رسبتي عادي تختبرينها مره ثانيه وتنجحين ..ماصار شي كلها ماده :)
الله يوفقك ..حبيبتي
.
.
:106:

[@alnader@]

اول شي خليك انسانه متفائله ولا تكوني متذمرة وعندك احباط ويأس

(ضعي الهدف امامك) واجتهدي وذللي الصعوبات واهم شئ تنظيم الوقت

والاغلبية هنا متزوجين وعندهم اولاد وموظفين وامورهم مع توفيق الله ماشية

والله يوفقك ان شاء الله

[يـآرب توفـيـقكـ]

بالصبر والعزيمة والإرادة تتغلبين على كل الصعاب

مافي افضل من عمل جدول لحياتك وتوزيع الأوقات بين زوجك وأطفالك ونفسك وبيتك

خليك على طموحك لايتزعزع الأمل بداخلك

مادة وحده ماتأثر ان شاء الله تعوضينها الترم الجاي

ذكرتيني في هذي المقولة


يقول بيل جيتس :
رسبت في بعض مواد الجامعة , بينما نجح صديقي في كل المواد
الآن صديقي مهندس في شركة المايكروسفت وانا أملك شركة المايكروسفت

آتمنى انها تدفع للنجاح أكثر وأكثر

الله يسهل آمورك ..

[New Vision]

اعتقد الحل هو في المتابعة اليومية والمذاكرة أول بأولمشكلتنا نذاكر ليلية الاختبار ونبي أعلى الدرجاتكلنا عندنا مسؤليات غير الدراسة لكن بتنظيم الوقت كل شئ مقدور عليهبالتوفيق,,,

[لووودي]

شوفي اختى حفظك الله..

اكيد كل شخص فينا يختلف فى الذكاء او الحرص او الفهم او الذكره من ناحيه الامكانيات..
واكيد كل شخص فينا يختلف فى الخبره العلميه والعملية وفى كثره قرائته واطلاعه على كل جديد و يختلف بعمره..

هذه كلها مرشحات من خلالها يزيد او ينقص فهم كل شخص فينا فى الدراسه والقراءه..

اختى الفاضله انا معدلي مرتفع جدا ورغم ان لدي مسؤليات كثيره ولم اعطي الدراسه حقها لكن
درست بذكاء وليس بجهد..

عموما الموضوع يحتاج تفصيل اكثر وآآآسف على الاطاله,,,

انصحك بعد ما ترجعين كل المنهج تركزي على ثلاث اشياء..

1- المحاضرات المباشرة الثالثة.
2- المحاضره المسجلة الرابعه العاشرة.
3- الواجبات الثلاثة.

اضافة اسئلة الاختبارات السابقة اذا كان الدكتور يدرس نفس المنهج سابقا..


واسال الله العلي العظيم لنا ولك التوفيق والنجاح..

[هـمـس التميمي]

لاتحطين فكرة انك فاشله في بالك

لانه اي شئ بتقتنعين به راح يصير

الايحاء النفسي لازم يكون ايجابي

(تفائلو بالخير تجدوه)

اعطي كلن حقه

مجرد ترتيب لجدولك اليومي
باذن الله امورك راح تزين


به ناس تقدر تحفظ اي شئ من غير فهم
وغيرهم لازم يفهمون عشام يحفظون


لازم الدراسه اليوميه


ماهو اجباري تمشين ع خطه .. قللي موادك

فالك التفوق يارب:106:

[فجر الظهران]

مابعد الفشل اول مره الا النجاح
ربي يوفقك ويسهل لك امورك :119:

[خالد م العتيبي]

انت يالفيلسوف ياناوي السوكبا مدري السوبيا تر اك قاهرني من زمان انت وردودك الي مثل وجهك ياخي رد زي الناس ولا اسكت ترا السكوت من ذهب وخاصتا" لك

[خالد م العتيبي]

وبعدين انتي ياراعية الموظوع مزعجتنا وانا فاشلة وغبية وفي الا اخير ماحملتي الا مادة اجل وشتقولين في الي حامل ثلاث مواد هذا الترم والترم الي فات حامل مادتين

[فارس740]

ربي يوفقك وحطي جدول راح يسااعدك كثيــر :(204):

[لــوســي]

تذكري قول الشاعر :

لاتحسب المجد تمراً أنت آكله .... لن تبلغ المجد حتى تلعق الصبرا

هذا البيت لخص فيه كلام كثيير ..

فلاتتخيلين أن التفوق والنجاح والشهاده راح تجيك بالساهل ..

لازم تلعقين الصبر حتى تبلغين المجد ..

ومن بين الصعاب الرسوب في ماده ..أو الدرجات المتدنيه .. كلها توقعي أنك تواجهينها في دراستك ..

وأكيد انها تقهر .. لكن لاتخلينها تحطمك كوني أقوى منها ..

أنا زيك عندي ولدين وبدأت الدراسه هالترم وحملت وقتها وتعرفين الوحام وبلاويه ..

مسكني الوحام حتى ماباقي الا أقل من شهر على الأختبارات ..

لكن في أقل من شهر كرفت نفسي كررف ومارحمتها والحمد لله ربك وفقني ..

أهم شي الأجتهاد وتنظيم الوقت والمذاكره بفهم .. وليس مجرد تكرار

وترى نصيحتي لك بعض الملخصات تورطك .. لاتذاكرين ألا من الكتب أو من الملخصات الموثوقه

وأن شاء الله الترم الجاي ترفعين راسك بالمعدل اللي يرضيك ..

[ناوي السوكبا]

انت يالفيلسوف ياناوي السوكبا مدري السوبيا تر اك قاهرني من زمان انت وردودك الي مثل وجهك ياخي رد زي الناس ولا اسكت ترا السكوت من ذهب وخاصتا" لك

لقد أحرجتني بـ طيب أصلك

سيأخذ ردك ( المحترم ) في الاعتبار في المرات القادمة

[عبدالعزيز المقبل]

انا عندي ولدين وصغار
وماحد ياخذهم مني لاوقت الامتحانات ولاغيره حتى زوجي
ايش سويت تأقلمت مع الازعاج
يعني حتى مع الازعاج عودت نفسي اذاكر هاذي ظروفك ولازم تكوني اقوى منها وتتغلبي عليها
انا بقولك سر التفوق
فقط مذاكره بتركيز حتى لوكانت قبل الامتحانات بشهر
مذاكره بتركيز وتجيبين اوراق واي شي تحسينه مهم وانتي تذاكرين الماده اكتبيه في الورق
هاذي طريقتي وسبحان الله اكثر اللي يجي بالامتحان اللي اكتبه ع الورق
مذاكره بتركيز فهم ثم فهم ثم فهم وبعدين الحفظ وبالتوفيق لك

ما أنبأكِ مثل خبيره يا طموح2011..
وبعدين كلنا متزوجين وعندنا أطفال وفوق كذا موظفين - اعتقد انه حمل إضافي علينا يالرجال - ولكن الحمدلله لن يضيع الله أجر من أحسن عملا
بقدر العطاء والبذل سوف يكون الحصاد

ومثل ما قالت لك AmoOoOlh لا يحتاج الأمر أكثر من أن تدخلي تحدي مع ذاتك وظروفك
والعزم على أن تتغلبي عليها
وانا واثق بأنك ستفعلين

فقط وزعي الوقت بعناية واهتمام
وعند الاستذكار
احرصي على أن تقرأي مع الفهم
ثم اختبري حفظك بعد القراءة المتكررة وذلك عن طريق تدوين ما حفظتيه في دفتر كشكول
ذلك أن الكتابة مع التذكر تساعد على ترسيخ المعلومة بشكل أكبر
هي طريقة مجربة وناجعة جدا
ولا يحتاج منك الأمر سوى مذاكرة مادة كل يوم
وهذا هو ما طبقته انا شخصيا الأترام الماضية

شدي حيلك
واعلمي ان اسمك أصلا له دلالة عميقة
وانتي أهل للطموح
موفقة..

[عبدالعزيز المقبل]

خلدون يا خلدون
حلمك ياخي :hahahahahah:











وانت يا راعي السوكبا
متأكد ان عمرك 23 سنة ؟:119:
انا اسأل لأن ردودك أكبر من هالعمر
طبعا مو دايم:mad:
لا يكبر راسك:cheese:

[ناوي السوكبا]

انت يا راعي السوكبا
متأكد ان عمرك 23 سنة ؟:119:
انا اسأل لأن ردودك أكبر من هالعمر
طبعا مو دايم:mad:
لا يكبر راسك:cheese:

مسوي تمويه عشان لا تصفوني بالشايب :biggrin:
أمزح طبعاً عمري 24 بس ما تغير الى الان في المنتدى :biggrin:

وليت الزمان يرجعنا 6 سنوات وراء كان علووووم :cool:

[الشيبه]

ان جيتي للغباء ايه انتي غبيه !!!! اجل مهملة ورعانتسسس وتذاكريين !!! يازين السالفه زيينااااه
اهتمي بامور بيتسس وورعانتسس وخلي عنتسسس !!!

[my Dreams]

اختي الكريمة رايت من الردود ما يثلج الصدر فالاخوة والاخوات ما قصروا وكل سعى لرفع معنوياتك المحبطه حسبما ذكرتي .

اختي الكريمة الغباء والذكاء معايير لها قياستها وحساباتها وليس لها دخل لا من قريب او بعيد في مدى التفوق الدراسي من عدمه ولكن لنفترض جدلا انها من القياسات المعنمدة افلا تعتقدين سيدتي الكريمة ان سبع مواد او اكثر تتجاوزي 6 وتخفقي في واحدة ان هذا ذكاء ليس غباء 6 مقابل 1 اليست نسبة الذكاء هنا عاليه فلماذا تصفين نفسك بالغباء .

اختي الكريمة نصيحة اخوية لا تظني ان الدراسة الجامعية تقاس بالرسوب والنجاح لا يا سيدتي الكريمة الدراسة الجامعية انفاس فمن نفسه اطول سيستمر ومن ضاق به نفسه من البداية سيعلن الفشل ويسلم الراية ويخرج من السباق وسيبقى يراوح مكانه بينما الآخرون يواصلون المنافسه فهل اخترتي ان تكوني متفرجة ام منافسه .

ختاما لا تكثري من هذه العبارات المحبطه فمن شب على شيء شاب عليه شيلي هالفكرة من راسك وذاكري قدر استطاعتك فلا يكلف الله نفسا الا وسعها وفقك الله ونفع بك .

[ملوكـ]

صح عند الدراااسه تعتمد علي النفسيه اذا كانت النفسيه مضبوووووطه وتمااام التمااام راح يكون لج خلق لدراسه ونفسيتج مفتوووحه...

[لــوســي]

ان جيتي للغباء ايه انتي غبيه !!!! اجل مهملة ورعانتسسس وتذاكريين !!! يازين السالفه زيينااااه
اهتمي بامور بيتسس وورعانتسس وخلي عنتسسس !!!من جد أحيانا السكوت من ذهب ..

كلنا وقت الأختبارات نهمل باقي الأشياء الي حولنا ..

مو معناتها أهمال بماتعنيه الكلمه .. يعني أولادها يموتون من الجوع وهي تذاكر ..

بس قصدها أنها صارت تاخذ من وقتها الي كان لهم 100% .. وتذاكر فيه

وبعدين يش فيكم على ناوي السوكبا..

كلامه صحيح النفسيه لها تأثير كبير على الفهم والحفظ..

اذا تذاكرين ونفسيتك زفت وطفشانه وتبين تخلصين بسرعه ماراح تنفع المذاكره ..

شكلكم متعقدين من ردوده اللي زمان ..وتشوفون اسمه وعلى طول تهاجمونه ..

بدون ماتقرون الرد

خلوكم ديموقراطيين:biggrin:

[الشيبه]

من جد أحيانا السكوت من ذهب ..

كلنا وقت الأختبارات نهمل باقي الأشياء الي حولنا ..

مو معناتها أهمال بماتعنيه الكلمه .. يعني أولادها يموتون من الجوع وهي تذاكر ..

بس قصدها أنها صارت تاخذ من وقتها الي كان لهم 100% .. وتذاكر فيه

وبعدين يش فيكم على ناوي السوكبا..

كلامه صحيح النفسيه لها تأثير كبير على الفهم والحفظ..

اذا تذاكرين ونفسيتك زفت وطفشانه وتبين تخلصين بسرعه ماراح تنفع المذاكره ..

شكلكم متعقدين من ردوده اللي زمان ..وتشوفون اسمه وعلى طول تهاجمونه ..

بدون ماتقرون الرد

خلوكم ديموقراطيين:biggrin:

حسناً سوف اتدمقرط منذ هذه الحزه عليشان لوووووووسي:000::000::000:

[واحد زهقان]

انا عندي مشكله ومقهوره منها وهو اني اجتهدت من اول الترم واهملت اطفالي وبالاخير حملت ماده وجبت بالمواد الثانيه درجات تفشل ونا متحمسه وحابه اتفوق بس ماقدرت وين المشكله هل يعتمد على الحظ ولا الغباء ولا ايش احس اني غبيه وما افهم يعني بس تعب على الفاضي
طريقة مراجعة الدروس لها دور كبير
أحيانا نجد شخصا يراجع درس خلال نصف ساعة ويفهمه بدرجة كبيرة
ونجد في المقابل شخص يراجع درس خلال ساعة ونصف ولا يفهمه كما فهمه الشخص الأول
تعتمد المسألة على القدرات
فمن كانت قدراته عالية سيتحتاج إلى وقت أقل
ومن كانت قدراته أقل سيحتاج إلى وقت أطول
أيضا التركيز له دور كبير جدا جدا
تنظيم الوقت واختيار الوقت المناسب لمراجعة الدرس

في وضعنا أرى أن مراجعة محاضرة واحدة فقط يوميا بتركيز وجدية تجعلنا نأخذ الدرجة الكاملة في المواد التي ندرسها

[محمد بن قحطان]

انتي مشكلتك سهله انتي من النوع الي تدخلين الاختبار ومذاكره وكل شي اوك
بس تلخبطين في الاختبار لان طريقه الاختبار خطيره مررره ونتي تحلين ونتي واثقه من الاجابه والنتيجه تكون خطاء
لان ماتركزين على السؤال ونتي من النوع العجل صدقيني انتي مشكلتك مررره سهله ركزي على الخيارات زين زين زين وبعدها مافي شي يوقف بوجهك بأذن الله