سجلت في جامعة الملك فيصل بالغلط ابغى الدمام؟

[استغفرالله123]

بنأت انا ابي ادخل كلية الاداب بالدمام واذا مادخلتها ابي كلية التربيه بالجبيل طيب

رحت سجلت بموقع جامعة فيصل وحطيت الرغبه الاولى كلية الاداب والرغبه الثانيه كلية التربيه ع اساس انها الليي في الجبيل توني ادري ان فيه كلية تربيه هنا بالدمام


واصلا مافي خيارات غير هذي الباقي مكتوب برسوم

المهم توني الحين اكتشف ان في موقع اسمه جامعة الدمام وفيه تسجيل اه ببكي

شالسالفه التسجيل لكلية الاداب بأي موقع

تسجيلي صح ولا لا؟؟؟

وين القى نتيجتي انقذونني؟؟؟؟

[¬»ģє6άř●●]

كليه التربيه اللي بالدمام توها فاتحه هذي السنه وهي موجوده في جامعه الدمام

اما فيصل فهي التربيه اللي بالحسسا اتوقع

مابعد تطلع النتائج لفيصل


جامعه الدمام انتهى التسجيل

[استغفرالله123]

لا لاتقولين يعني انا الحين سجلت بالحسا؟؟؟؟؟؟


لا بنتتتتتتتحر

بليز ردو اكدووولي الكلام راح علي التسجيل مو معقوله اقعد سنه ثانيه بالبيت؟؟؟؟؟ لاااأأأ

[هدوء البنفسج]

اتوقع
لانه فيصل بالحسا

وجامعة الدمام بالدمام

انفصلوا العام


طيب سجلي بكلية الجبيل الجامعية

[استغفرالله123]

انا ع اساس يقولون انهم نفس الجامعه والله شي يقهر المشكله اني قاعده السنه اللي راحت بالبيت ومستحيل اقعد السنه ذي بعد

ومستحيل بعد اروح الحسا يعني الجبيل اهون بكثير

الحين تكفون قولولي شسوي والله مدري عن شي وماعندي احد يساعدني؟؟؟؟

[استغفرالله123]

ووشهي كلية الجبيل الجامعيه بعد؟؟؟

هي نفسها كلية التربيه؟؟؟

[استغفرالله123]

ياناس ردو حسو شوي اف والله قهر طيب مافي طريقه اسويها أو اي شي ساعدووني

[ابوفـهد]

انا ع اساس يقولون انهم نفس الجامعه والله شي يقهر المشكله اني قاعده السنه اللي راحت بالبيت ومستحيل اقعد السنه ذي بعد

ومستحيل بعد اروح الحسا يعني الجبيل اهون بكثير

الحين تكفون قولولي شسوي والله مدري عن شي وماعندي احد يساعدني؟؟؟؟




ان نفس الطريقه

سجلت احد الطالبات بجامعة الملك فيصل

وكنت ابي كلية التربيه باالحفر

وبااالاخير اكتشفت ان كلية التربيه تبع جامعة الدمام وليس الملك فيصل

وكثير من الطالبات صار لهم نفس الغلط

لان مافصلو جامعة الدمام عن الملك فيصل الي قريب ومحد عنده خبر

وهاذى الي لخبط الطالبات

لكن انا مثلك محتار

تابعي موقع جامعة الدمام ممكن يفتحون التسجيل ثاني مره

او سجلي انتساب (( التعليم عن بعد )) بجامعة الدمام

وطنشي جامعة الملك فيصل


والله يكون في عونك

[استغفرالله123]

مشكوور اخووي ع الرد بس انا مابي انتساب

مافي طريقه.ثانيه يعني مثلا سمعت اني ادرس بالحسا مثلا اسبوعين وبعدها اقدم نقل على كلية الاداب بالدمام صح ولا لا

واذا لا مافي طريقة ثانيهه ؟؟؟؟؟

[هدوء البنفسج]

كان تأكدتي ياقلبي
ماتشوفين نكتب جامعة الدمام او جامعة فيصل

تسجيل بالدمام مافيه مرة ثانية

جامعة الجبيل لا مو مثل كلية التربية

جامعة الجبيل مو تبع جامعة الدمام

وفيها تخصص انجليزي وادارة اعمال للاداب

وبيخلص التسجيل بكرى

وهذا الرابط التسجيل

http://www.ucj.edu.sa/Index.aspx

سجلي فيها اذا حبيتي

او انتسب في جامعة الدمام

اي سؤال انا حاضرة

[استغفرالله123]

ضغطت تمت الاجابه بالغلط معليش بس انا للحين ابي مساعده ومشكوورين

[هدوء البنفسج]

حبيبتي بالنسبة لسؤالكِ
انا ماسمعت تدرسين اسبوعين

سمعت تدرسين سمستر وتحويل على جامعة النظام من خلال نظام زائر

[استغفرالله123]

مشكوره ياهدوء النفسج شكلي بسجل فيها بس أبي اعرف اكثر عنها شلون قبل يخلص التسجيل؟؟؟

[استغفرالله123]

اها لا الصراحه مأقدر اتحمل ادرس بالحسا اكثر من اسبوعين خخخخ

ابي الاداااب يارب اكتب لي الخير

طيب ع الاقل الجبيل بس شسالفتها عشان ماألخبط؟؟

[هدوء البنفسج]

حبيبتي
اهي جامعة بالجبيل بكالريوس
وفيها مكافأة
والدراسة بالانجليزي خمس سنوات
سنة تحضيرية وبعدها التخصص
وتخصصات للادبي مثل ماقلت لك ادارة اعمال وانجليزي

وشنو تبين بعد تعرفين عنها ..!

[استغفرالله123]

كلمت وحده اعرفها قالت عادي انتظر الدفعه الثانيه واسوي تنشيط وبيودوني لكية الاداب صح ولا لا؟؟؟؟

[استغفرالله123]

الدراسه بالانجليزي ؟؟؟؟

لا شلووون بفهم



بس قولولي اذا نشطت الطلب انقبل بالاداب عادي؟

ويقولون فيه تسجيل عن طريق موقع قياس للكليات صح؟

[هدوء البنفسج]

اللي كلمتيها شنو قلتي لها

اذا ماقدمتي اوراقك يروح عليك التسجيل

انا العام ماوديت اوراقي للدمام وانلغى تسجيلي بعدين

والأهم انتي اصلا ماسجلتي بالدمام فكيف تجين لازم تحويل من الحسا للدمام

واذا عندك واسطة تتسهل امورك :biggrin:

ايه عادي تفهمين بيدرسونك سنة تحضيرية كلها انجليزي :biggrin:


مااعرفه موقع قيااس والله

[ابوفـهد]

اذ كنتي ماتبين تدرسين باالحساء

وطافك التسجيل بجامعة الدمام

ماعندك غير خيار واحد ممكن يكون افضل

سجلي انتساب بجامعة الدمام وبعد سنه حولي انتظام باالمكان الي تبينه

هاذى الي سمعته

[استغفرالله123]

طيب في وحده ثانيه قالتلي اخلي واحد يروح لادارة الجامعه الرجال وافهمهم اللي صار وبيقبلوني صح

ومشكووورين ع الرد بس اذا تعطوني رقم احد اكلمه بالجامعه تسوون خير

[استغفرالله123]

عطوني رقم احد بالكليه اكلمه طيب

[استغفرالله123]

لوراحلهم احد وشرح الموضوع تتوقعون ينفع؟؟؟

[استغفرالله123]

لاحول ولاقوة الا بالله

[الفجر الخجول]

ياقلبي :000:
انتهى التسجيل في جامعة الدمام يوم الاربعاء
واليوم اعلنو عن الدفعه الاولى


بالنسبه لرقمهم

ممكن تتصلين على
رئيس قسم شؤون التسجيل
أ. عبد الله الشاهين
مكتب: 8577000/03 تحويله 2294
مكتب مباشر: 8573960/03 تحويله 19


* كذلك توجد لجنة للقبول ترد على استفسارات الطلاب وأولياء الأمور في مبنى كلية العمارة والتخطيط (700)

[ابوفـهد]

الله يكون في عونك

روحي للكليه او خلي احد يروح من اخوانك

او خشي قوقل وابحثي عن ارقام وموقع او منتدى جامعة الدمام

انا عندي نفس المشكله ولحد الان محتار

اما اسجل الطالبه انتساب او بحث عن طريقه اخرى

[استغفرالله123]

طيب غريبه في وحده من صديقاتي كلمتها وقالتلي عادي اذا سجلت بجامعة فيصل بيودوني للدمام صح ؟؟

وانا دقيت ع ارقامهم بس مايردون

ويعطيييييييكم العافيه

[الفجر الخجول]

طيب غريبه في وحده من صديقاتي كلمتها وقالتلي عادي اذا سجلت بجامعة فيصل بيودوني للدمام صح ؟؟

وانا دقيت ع ارقامهم بس مايردون

ويعطيييييييكم العافيه

؟؟؟
اذا تم قبولك بجامعة الملك فيصل
واردتي التحويل
لازم تطبقين هذا الشرط
أن يكون قد أمضى فصلين دراسيين على الأقل في الجامعة المحول منها ، وأن لا يقل معدله التراكمي عند التحويل عن ( 3 من 5 ) لكليات الجامعة

[¬»ģє6άř●●]

^

صديقتي دقت على مدري من بالجامعه :biggrin:

وقال لها عادي بس تجيبين 2ونص وعادي من سمستر واحد تطلبين تحويل

[لحظه صمت !]

خلاصه الكلام لاتسمعين لا من فلانه ولا علانه

ماسجلتي مستحيل يقبلونك بجامعه الدمام الا انتساب أو واسطه

غير كذا مستحييييييييييييييل

جامعه الملك فيصل بالحسا غير الدمام تماما انتي الان مسجله بالحسا

تقدرين تسجلين بجامعه الجبيل وتلحقين التسجيل

تبين الدمام تحولين لها في حلول :

1- انتساب بجامعه الدمام ثم بعد سنه تحويل انتظام

2- تدرسين ترم في الجبيل او الحسا ثم تحولين لجامعه الدمام

والله يوفقك ويسهل امرك غير كذا سواء راح حد او لا مابيقبلون لان قوانينهم صارمه

[¬»ģє6άř●●]

أغتنمي الفرصصه احسن لك مثل ماقال لحظه لان انا يوم تخرجت صار لي سنتين قالوا لي انتي ماراح ياخذونك لانك متخرجه من زمان :biggrin:

وهي كلها سنتين مالك الا هالحلول

[استغفرالله123]

جزاكم الله خييييير ع الرد

بنتظر نتايج القبوووول


و مافيه الا انتساب ....


ووشكرا....