الحل الصعب ! " هندسه الدمام x مجتمع البترول x الجبيل الجامعيه "

[لحظه صمت !]

السلام عليكم

اخواني انا اعيش حيره مدمره :(

محتار جدا وش اسوي او كيف اتصرف !

انا الحمد لله انقبلت بجامعه الدمام وناوي اخش هندسه

ونفس الشي كليه الجبيل الجامعيه

واتوقع قبولي اليوم بـ مجتمع البترول

طبعا فيصل مستثنيها لبعد المسافه عن الاحساء وعدم رغبتي بالذهاب هناك

المهم هالثلاث اماكن مسويتلي قلق وصداع نصفي :(

محتار وش اسوي اروح الدمام قريبه وتخصص حلو وان شاء الله اجيب معدل

ولا اروح كليه الجبيل الي الكل يمدحها واقوى هندسه بعد البترول

او اخوض غمار المنافسه وادخل مجتمع البترول ويكون

المطلوب مني c بالماث والانجلش واحول الجامعه !

ناس عاديين بالدراسه خشوها وقدرو يمشون واعرفهم شخصيا وحاليا بالبترول

وحلمي الاول كان البترول :(

لذلك انا في حيره من امري :(

اتمنى الي عنده تجارب او معلومات يعطيني اياها ومالكم الا الدعاء والله بظهر الغيب :(

[البدويه]

روح هندسه الدمام

المجتمع << اكبر كليه نضابه الي يقولون لك تلتحق بجامعة البترول بعدين < كل الي اعرفهم ماتوا قهر جابوا معدلات خياليه ولا ودوهم

..

غير كذا الدمام اقربلك من الجبيل .. واريحلك

..

قدم فيها اوراقك اليوم ولا تضيع غلى نفسك فرصة

[~فـيلسوفـه✿]

شوف أكثر كليه ترتآح لهآآ وحآب درآستهآآ :biggrin: ,
بالتوفيق ..

[لحظه صمت !]

مستحيل ثم مستحيل ثم مستحيل

يجيب حد بالماث والانجلش سي ولا يحول للبترول هذا شي نو وي

لاني من اقاربي اعرف اثنين خشوها ودخلو البترول الان بنفس الطريقه

ونصحوني فيها

بالنسبه لهندسه الدمام المشكله على حسب كلام البعض انها ضعيفه قياسا للجبيل والبترول :mh12:

[يـ ح ـلمون]

والله يخوي ان كان مستواك ممتاز ادخل جامعة الدمام

اما ان كان مستواك حليو ادخل المجتمع وطور نفسك وكمل بالبترول انا ولد عمي جاب معدل حلو منها وكمل بالبترول وتخرج بهندسه ميكانيكيه

اما الجبيل الجامعيه انا سمعت انها غير معترف فيها بس ماني متأكد

والله يوفقك

[لحظه صمت !]

بالعكس الجبيل الجامعيه تستقطب سابك اعداد كبيره من المهندسين فيها

واعرفهم شخصيا

[يبيباا]

نصيحه لك كلية الحبيل الجامعيه وبسس شهاده قويه واقسام حلوه

اما الدمام اقسام فاشله

والمجتمع هذه حل للي ما انقبل في اي جامعه لانها دبلوم وتكملة البكالوريوس غير مضمون

[هدوء البنفسج]

كلية الجبيل الجامعية اضمن لك من الدمام
انت ماتدري بظرووفك ان دخلت هالمجتمع

ولا اقولك
خل كل الالكلام على جنب ورح استخر الله
واللي ترتاح له من هالاقساام قدم عليهـ

وان شاء الله ربي يكتب لك اللي فيه خير ومصلحة لك ولشعب وللوطن :tongue:

[آخر شياكه]

أنا مع هدوء البنفسج

استخير وشف وش ترتاح له:119:

بالتوفيق ~

[¬»ģє6άř●●]

كليه الجبيل >على حسب التخصص
والهندسه تممممممام


اما المجتمع هذي ششلها من رآسسك :biggrin:

[شهد العجمي]

أخوي اخاف نزيدك حيره ..

روح لقسم كل كليه في المنتدى وأقرأ عنهم زياده وشوف أقربهم لنفسسك

ماعندي خلفيه كبيره اتمنى الشباب يفيدونك هنآك

[Esc]

كلية الجبيل الجامعية وبس
تتخرج منها تتوظف على طول ان شاء الله
وتقدر تقدم ابتعاث بسهوله برنامج خادم الحرمين

[Hak]

أول شيء لا تفكر في المجتمع لأنها غير مضمونة

ثانيا جامعة الدمام جامعة جيدة ولكن ليس مثل الجبيل الجامعية

بعدة أسباب

حين تتخرج من كلية الجبيل فمباشرة تتوظف في شركات الجبيل سابك وغيرها

وبراتب على مستوى لكن جامعة الدمام يمدحون فيها الطب فقط

نصيحتي الجبيل الجامعية

وانسى الباقي

[Amani Alsinan]

رح الدمام هندسه

الجامعيه صعبه مووووووووووووووووت و الدكاتره واسطه و ملاعين

المجتمع هههههههههه ولا تفكر

[Esc]

رح الدمام هندسه

الجامعيه صعبه مووووووووووووووووت و الدكاتره واسطه و ملاعين

المجتمع هههههههههه ولا تفكر
مين قال انها صعبه لا صعبه ولا شي
انت ذاكر يوم بيومه وتكون من المتفوقين
اما الدكاتره واسطه يارييييييييت بس :hahahahahah:
بالعكس هم يعطون الدرجه المستحقه للطالب ويتساعدون معنا وكانهم اصدقاءك مو مدرسه وبس اصلا اغلبهم اجانب ماتجي واسطه

[لحظه صمت !]

شبه قررت خلاص

المجتمع ان شاء الله

الدمام مستقبلها ضعيف

هندسه الجبيل الجامعيه مافيها الا تخصصين والحاسب تخصص !

مستحيل ادرس شي مو ميولي واثنينهم مو التخصص الجبار

انا ابي ادرس هندسه كيميائيه او كهربائيه .. ولو حاسب ابي هندسه برمجه

مالي يرضي طموحي الا البترول

وكل شي بالطموح يجي

[miss wejdan]

الاستخااااااره افضل حل

[هدوء البنفسج]

شكلك تبي احد يقولك المجتمع
عشان يشجعك :hhheeeart4:

ع العموم بما انه المجتمع رغبتك
استخر فيها طلعت زينة خلاص قدم
بالتووفيق لك
ربي يكفيك شرها ويعطيك خيرها :biggrin:

[لحظه صمت !]

جدا نفسي مايله للمجتمع

انا رغبتي بالبترول وماحرمني منها الا فواصل قليله :(

والجبيل كنت مستعد اروح لها لكن يوم عرفت تخصصاتها انصدمت بصراحه اثنينهم ماحبه !

[هدوء البنفسج]

ماتقدر تحول القبول لي
في كلية الجبيل الجامعية :biggrin:

انا عادي اي تخصص << صرت مااتشرط :hhheeeart4:

ان شاء ربي يوفقك بما انه طموحك هندسة كهربائية او كميائية :(204):

[troooke]

انصحك تدخل كليه الهندسه

انت صآآحب القرار الوحيد

بالتوفيق لك

[Esc]

خلاص اصلا التسجيل خلص لجامعه الدمام وكليه الجامعيه
خلاص انت صاحب القرار انتظر كليه المجتمع الى مايقبلونك

[لحظه صمت !]

انا ملفي الان بالدمام

الجبيل بكره العصر ينتهي الارسال

المجتمع مضمون القبول فيه اذا الثنتين الي فوق قبللتني ونسبتي الحمد لله ممتازه

[لحظه صمت !]

مشكورين يا اخوان

تم السحب على الجامعيه وما ارسلت الملف وراح حقي فيها

والدمام بعد ساعه باسحب ملفي وارسله لـ الاحساء للصيدله :mh12:

والين ماتطلع نتايج المجتمع حق البترول

ممكن اغير رايي وقتها وارجع اسحبه من الاحساء :biggrin:

بالتوفيق للجميع يارب

[Esc]

^^
موفق

[Esc]

المجتمع اعلنت القبول روح شوف وبالتوفيق