تسجيل الدخول

مشاهدة النسخة كاملة : استفسار للتجسير آدمن .. هدوء البنفسج

nursing care
2011- 7- 28, 01:15 AM
السلام عليكم و الرحمة

تحية طيبة

أعزائي .. طبعا قلت لكم اني سجلت بالرياض في كلية الغد بس ما فيه عدد طالبات لتجسير التمريص و توني اليوم راجعة من الرياض فهل يمديني أروح السبت كلية الغد بالدمام أسجل لأني أبغى أسجل في منح التعليم العالي و باقي ثلاثة ايام و يبدأ التسجيل فيها ..

يا ليت تطمنوني , و هل فيه عدد طالبات لتجسير التمريض يعني البرنامج راح يفتوحه أكيد .. لأني تعبت من اللف في الكليات الاهلية بالرياض و كل كلية كلام شكل ..

و قبل لا أنسى تسديد رسوم التسجيل عن طريق البنك أو نسلمها للموظفات مباشرة ( كاش )

و مع بداية الدراسة في شوال نداوم على طول و الا ننتظر نتائج المنح ؟ و ما هو الزي الرسمي للكلية ؟


تحياتي و ألف شكر لكم
دمتم بخير
nursing care
2011- 7- 28, 01:51 AM
مرحبا .. حابه أعرف هل تعرفون سكن للطالبات في الدمام أو الخبر و فيه مواصلات ؟

دمتم بخير
هدوء البنفسج
2011- 7- 28, 03:11 AM
السلام عليكم و الرحمة
وعليكم السلام والرحمة
تحية طيبة

أعزائي .. طبعا قلت لكم اني سجلت بالرياض في كلية الغد بس ما فيه عدد طالبات لتجسير التمريص و توني اليوم راجعة من الرياض فهل يمديني أروح السبت كلية الغد بالدمام أسجل لأني أبغى أسجل في منح التعليم العالي و باقي ثلاثة ايام و يبدأ التسجيل فيها ..
يمديكِ تروحين وتسجلين بالدمام
يا ليت تطمنوني , و هل فيه عدد طالبات لتجسير التمريض يعني البرنامج راح يفتوحه أكيد .. لأني تعبت من اللف في الكليات الاهلية بالرياض و كل كلية كلام شكل ..
عدد الطالبات لتجسير مدري
بس ع العموم اهو مفتوح وفيه طالبات يجسرون عندنا تمريض وعندهم خطة دراسية
يفضل قبل ماتروحين لتسجيل تدقين عليهم عشان ماتضربين مشوار

و قبل لا أنسى تسديد رسوم التسجيل عن طريق البنك أو نسلمها للموظفات مباشرة ( كاش )
تروحين وتسددين كاش
مرة ابوي دق عليهم عشان ندفع لهم عن طريق البنك قالوا له نجي ونسدد مباشرة

و مع بداية الدراسة في شوال نداوم على طول و الا ننتظر نتائج المنح ؟ و ما هو الزي الرسمي للكلية ؟
نتائج المنح تطوول
والعام فيه بنات بدؤوا دراسة معانا لين طلعت لهم المنح
وفيه بنات لا انتظروا المنح يعني تقدرين تبدأين معانا وشوفي الموظفة شنو بتقول لك
مرحبا .. حابه أعرف هل تعرفون سكن للطالبات في الدمام أو الخبر و فيه مواصلات ؟
قصدك سكن طالبات للأسف لا يوجد
لكن اذا حبيتي شقة يوجد في الدمام
اما الخبر ليس لدي علم


بالتوفيق غاليتي
:106:
Adman03
2011- 7- 28, 03:45 AM
كل الشكر لكم ...

على حسب علمي اعتقد ان المقاعد المحدده من قبل الوزارة اكتملت بالنسبة لفرع البنات بالدمام

اتمنى الاتصال على فرع البنات والتاكد من اكتمال المقاعد ...

تحياتي لكم ,,,
nursing care
2011- 7- 28, 11:04 AM
عزيزتي هدوء البنفسج ألف شكر لك ؛ الفاضل آدمن شاكرة لك ؛ هل تستطيع التأكد من المعلومة اليوم إذا فيه أحد من الكلية تعرفه ؛ و أنا بإذن الله سأتصل بالكلية قبل لا أروح ‏ تحياتي
Adman03
2011- 7- 28, 02:58 PM
فترات العمل من السبت الى الاربعاء فقط
من الساعة 8 ص الى 3 مساء

هاتف الاتصال 038340518