جنة الدمام ومجازفة المجتمع

[FHD93]

السلام عليكم
كل عام وانتو بخير والله يتقبل صيامكم وقيامكم
حبيت أبارك للمقبولين بكلية المجتمع
ندخل بالموضوع
أنا أنقبلت بدمام. علوم حاسب وكمان أنقبلت بالمجتمع ومحتار بينهم خصوصا انه ودي ادرس بالمجتمع واحول للبترول حلم طفولتي وكثير ناس يقولون لي انه التحويل شي صعب حيل اتمنا من الي بكليةالمجتمع او الي مطلع عليهم يفيدنا ويعلمني اروح لللمجتمع ولا أبقا بالدمام

[DASH]

وعليكم السلام ورحمة الله وبركاته...

ما يحتاج لها تفكير اخوي روح جامعة الدمام طبعا لو بتروح كلية المجتمع بتضيع سنة من عمرك وانت ضامن هالسنة بكالريوس في جامعة الدمام روح جامعة الدمام اما مجازفة كبيرة لو رحت المجتمع , شئ مو منطقي انه تقبلك جامعة وتروح كلية والقرار في النهاية كله بايدك .. :wink:

[FHD93]

شكرًا اخوي على ردك ادري هيا مجازفة كبيرة بس احس تخصص علوم الحاسب ما يشجعني اكمل فيها وخصوصا انه درجاتي عالية في القدرات والتحصيلي احسه قهر ادخل فيه حاسب الاعضاء الباقين يفيدونا ونتناقش لان المجتمع مبهمه لكثير من الناس

[DASH]

اذا حلمك البترول تقدر تروح المجتمع وتجيب c في مادة الانجليزي والماث اعرف ناس كثير نقلوا لجامعة البترول مافي شئ صعب اذا في اخلاص بالدراسة , ولو رحت البترول راح تختار التخصص الي تبغاه انت شوف بس لازم تشد حيلك عشان ما تضيع والفرصة تجي مرة وحدة بالتوفيق اخوي فهد

[FHD93]

شكرااخوي داش بس تقدر تفيدني اكثر عن المجتمع من ناحية الدراسة هل تعتبر صعبة ? وهل التحويل واسطات وقروشة وهل فرصة التحويل كبيرة ولا من البداية معروفة لناس معينين

[سعود الجيعان]

: )
أخوي لو انا مكآنك .. " رآح اكمل في جامعة الدمام .. امشي بالمضمون والي رآح يأهلني للبكالريوس أحسن لي
ويكفي ان اغلب المناهج باللغه العربيه .. " كلية المجتمع أنت ماتدري وش يصير بَ المستقبل .. يمكن مآتقدر تجيب النسبه المطلوب وينقلونك للبترول ..
ثآني شي الكتب كلهآ من جامعة البترول ( يعني انجليزيه بالكامل ) ولد عمي كان يدرس وكنت اشوف الكتب حقته .. "
وترى تخصصآت كلية المجتمع ( محاسبه _ تسويق _ ادارة مواد ( مو موارد بشريه انتبه ) _ برمجة كمبيوتر )

وتبي الصرآحه أحمد ربك ، كثير نآس تبي جامعة الدمآم وانا منهم .. " خلك بَ المضمون واذا انت نآوي شدة حيل ودرآسه .. خذ المجتمع
وأدخل البترول وتخرج بَ شهادة البترول الي مآفي وظيفه بتردك الكل بيتهاوش عليك :biggrin:
اما جامعة الدمام تخصص الحاسب مآهو سيئ حلو ومرغوب في القطاعات الحكوميـه والوظايف الاهليه

والقرار لك احنا مانقدر نقول لك وش بيصير بَ المستقبل أنت استخير وتوكل على الله .. "

[alhareth]

حتي انا مثلك مقبول بالدمام عمارة وتخطيط بس ماودي فيها
انا نسبتي بالثانوية 98 والقدرات 82 والتحصيلي 77
وناوي ادخل المجتمع واحول للبترول بس عندي سوال
هل التحويل مضمون اذا جبت فوق c ?

سعود الجيعان (http://www.ckfu.org/vb/u81108.html) انا عكسك اللي مخليني ابي اسحب ملفي من الدمام انو الدراسة بالعربي والشهادة مو اقوي من البترول
ارجو من الاعضاء الرد لان موعدي باكر الصبح للمجتمع

[سعود الجيعان]

عفواً
بس انا مو مقبول بالدمام .. كان حلمي أدخل بس مآقدرت لان نسبتي ضعيفه
وانت ما شاء الله عليك نسبتك حلوه .. كان قدمت على ارامكوا ( itc ) او ( cpc ) ..
هذولآ كل واحد منهم يضمن لك مستقبلك ووظيفتك .. "
واذا مآتبي عمممآره وتخطيط بجامعة الدمآم .. " ادخل كلية المجتمع ..
وجيب بَ نسبتك جيد وفوق .. ورآح يحولونك لـ البترول هذآ الكلآم الي كاتبينه هم .. " يعني أن شاء الله وضعك بالسليم لو تبي تدخل وتكمل بكالريوس بالبترول ..

[~ Mohammed]

ياكثر الناس الي جابو فوق c

Xومادخلو بترول يعني الكلية بتكذب علينا !!!

[alhareth]

انا اختبرت cpc بس مانقبلت
وانا الان طالع الي الدمام بروح كلية المجتمع وبشوف سالفتهم
اذا عجبني الوضع بسحب ملفي من الدمام وبروح كلية المحتمع

[FHD93]

المشكلة المجتمع كل واحد يقول كلام أنا دكتور اعرفه بالبترول بقولي بتدريسي بالجامعة يمكن مامر علي الا خمس طلاب محولين يقول لو سي وتحول كان كل الي بالمجتمع حولو بالبترول. *

[إبراهيم الشمري]

الله لا يوفق كل من يقول انهم ما يحولوننا للبترول وهم مو متأكدين وناوين يخربون علينا

والله يهدي اللي ما يدري وينقل كلام وهو ما يدري وش السالفه

يا جماعه ترى الموضوع مو هين .. راح تضيعون مستقبل الشباب

اللي متأكد يقول .. واللي يدربي راسه وهو ما يدري لا يفتي على كيفه